Ka Nupepa Kuokoa, Volume XXVII, Number 44, 3 Nowemapa 1888 — KE KOHO PERESIDENA. [ARTICLE]
KE KOHO PERESIDENA.
I keia Poalua ae, Novemaba 6, oia ka la ano nui loa iluko o ka moolelo o keia aupuni kuokoa a makaniaka hoi o kakou—Amerika Huipuia. He umikumamalua miliona kanaka e ku makaukau ana ma ka ipuka o ka pahu balota ma ko lakou mau mokuaina iho ma ia la, a hookomo i ko lakou mau pono koho no ke kanaka e kau ai ma ke kulana rula i ka lahuikanaka no na makahiki eha e hiki mai ana—oia ka noho Peresidena.
O Kalivilana me I'hurman na moho o ka aoao Datuokarata, a o Harrison me Monon na moho o ka aoao Repuhalika. O ka hoohamama ana ika ipuka e Amerika i ke ao holookoa no na waiwai e komo iloko o*ka aina me ke dute ole ia, oia ke kalai aupuni hou a Kalivilana e lawelawe aku ai iloko o na makahiki hou aku eha o kona noho Peresidena ana ke puka oia ma keia kau koho, a oia pu hoi ke kahua kalai aupuni a na moho o ka aoao Repubalika e kue nei. Ma ka mokuahi Australia o ka Poalua, Nov. 13, e loaa mai ai na lono ia kakou no ka aoao i lanakila.