Ka Nupepa Kuokoa, Volume XXVII, Number 40, 6 ʻOkakopa 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

No ka Makahiki…………………………………..$2.00

No @ Mahina……………………………...………1.00

Kuike ka rula.

Poaono…………………………….…..Okatoba 6, 1888

 

Haawina Kula Sabati.

Hapaha Ekolu.  Haawina XXXII.  Oct. 21, 1888

Na pohaku hoomanao.  Ios. 4:10-24

            10 A o na kahuna, ka poe i lawe i ka pahu, ku malie lakou maloko o Ioredane, a pau i ka hana ia na mea a Iehova i kauoha mai ai ia Iosua e olelo mai i kanaka, e like hoi me na mea a pau a Mose@ kauoha mai ai ia Iosua.  Wikiwiki iho la na kanaka, a hele aku la i kela kapa.

            11 A pau na kanaka i ka hele ae, alaila, hele ae la no ka pahu o Iehova, a me na kahuna imua o na kanaka.

            12 A o na mamo a Reubena, a me na mamo a Gada a me ka ohana hapa a Manase, hele makaukau lakou mamua o na mamo a Iseraela, e like me ka olelo a Mose ia lakou.

            13 Hookahi kanaha tausani o ia puali makaukau i ke kaua, i hele ae i mua o Iehova i ke kaua i na wahi papu o Ieriko.

            14 Ia la, hookiekie mai @a o Iehova ia Iosua, i na maka o ka Ieraela a pau, a makau no lakou a pau ia ia i na la a pau o kona ola ana, me lakou i makau ai ia Mose.

            15 Olelo mai la o Iehova ia Iosua, i mai la,

            16 E kauoha ae oe i na kahuna, i ka poe i lawe i ka pahu kanawai, e pi@ lakou mailoko mai o Ioredane.

            17 Kauoha mai la no o Iasua i na kahuna, i mai la, e pii mai oukou mailoko mai o Ioredane.

            18 @ i @ @ i pii aku ai na kahuna, ka poe i lawe i ka pahuberita o Iehova mailoko mai o Ioredane, a pae na kapuai o na kahuna ma kahi maloo, alaila, hoi ka wai o Ioredane i ko lakou wahi, a kahe hou no maluna o kona kapa a pau, e like me mamua.

            19 Pii aku la na kanaka a pau, mailoko mai o Ioredane, i ka la umi o ka malama mua, a hoomoana iho la lakou ma Gilegala ma ka palena o Ieriko, aia ma ka bikina.

            20 A o kela mau pohaku, he umikumamalua a lakou i lawe mai ai, mai Ioredane mai, kukulu iho la o Iosua ma Gilegala.

            21 Olelo mai la ia i na mamo a Iseraela, i mai la, i ka wa e ninau mai ai ka oukou poe keiki i ko loko makua kane mahope aku nei, i ka i ana mai, He mea aha keia mau pohaku?

            22 Alaila, e hoike aku oukou i ka oukou poe keiki, me ka i ana aku, ma kahi maloo i hele mai ai ka Iseraela, a hiki i keia ao o Ioredane nei

            23 No ka mea, ua hoomaloo mai o Iehova, ko oukou Akua i na wai o Ioredane, mamua o oukou, a pau oukou i ka hele ae, e like me ka Iehova ko oukou Akua i hana ai i ke Kaiula, i ka aina i hoomaloo ai mamua o oukou, a hala ae kakou:

            24 I ike na kanaka a pau o ka honua nei i ka lima o Iehova, ua ikaika ia; i makau hoi oukou ia Iehova, i ko oukou Akua, i na la a pau loa.

 

Pauku Gula.

            E hoike aku oukou i ka oukou poe keiki, me ka i ana aku, ma kahi maloo i hele mai ai ka Iseraela, a hiki i keia aoao o Ioredane nei.  Ios. 4,22.

Poakahi           Ios 4:1-9

Poalua             Ios. 4:10-24

Poakolu           Puk. 12:14-28

Poaha              1 Cor. 11:23-34

Poalima           Hal. 78:1-16

Poaono            Kana. 32:1-20

Sabati              Hal. 103:1-22

            Ka hoomanao ana i pomaikai i loaa.

            @ Ke ala kupanaha mawaena o Ioredane?  p 10-18.  Heaha ka ke' Akua hana mana i hiki i ka Iseraela ke hele aku ma kela kapa o Ioredane?  Ehia na ohana i hele aku?  no keaha ka awiwi ana?  O ka poe k@a o na ohana hea ka i hele me lakou?  O lakou nei wale no anei heluna oia mau ohana?  Mah 26:7, 18, 34.  Mahea ke ku ana o na kahuna me ka pahuberita?  Ma ka ke ana i keia hana mana, pehea ka manao o kanaka ia Iosua?  Jo 14.  I ka haalele anan o na kahuna i kahi a lakou i ku ai, pehea na wai o Ioredane?

            2 Ke Kia Hoomanao p 19-24.  Mahea ka hoomoana mua ana o ka Iseraela?  Mahea o Gilegala?  Owai ka i kauoha ia e lawe i mau pohaku mai no lo@ ko o ka muliwai?  3:12, Mai hea ka lawe ia ana?  4:3.  Mahea ke kukulu ana i keia mau @ohaku?

            No keaha ke kukulu ana i keia kia hoomanao?  Heaha ka haawina e ao ia ana i kamalii ma keia?

            He mea anei e paipai ana ia lakou e koa iloko o na pilikia?  Heaha kekahi kumu?  p 24, O keia mau hanalokomaikai a ke Akua i kona poe kanaka he kumu anei ia e aloha ai na lahui kanaka Iaia?

            3 Na mea hoomanao o kakou.

            Ka la Karikimaka, he wa hoomanao ia i keaha?  Mahea na la kulaia o kakou?  He mea maikai anei ka hoomanao i na mea ano nui i hala?

            Heaha ka wa a na Kristiano i hoomanao ai?  1 Cor 11:23-26.  E hoomanao ana i keaha?  He mea anei ia e hooiaio ana i ko Iesu ola ana a me kona make ana?  E nana ma Lu 25:6.  Io 15:20 16:4 2 P A 1:15, 3:1.

            I Ua hoike pinepine ia na manao nui o ka Baibala.

            II E mihi aku i loaa na pomaikai e waiho ana no kakou.

            III E kokua ia hai: me ke kokua pu ana i na hoa'loha.

            VI E hoomanao mau i ko ke Akua la hoomaikai.

            V E ao aku i na keiki na manao nui o ka Baibala

            VI Ua kukulu ia keia kia me ka manao e lilo ana ia i mea e paipai i na opio e ninau i na mea i hala i hope.

 

Hoole Waiona.

[Na ka Ahahui W. C. T. U.]

            Ma Kaleleonalani, oia hoi o "Ema Hale" ma Honolulu.

            He halawai i kela me keia Poalima hora 7:30 o ke ahiahi.

            He halawai Hoole Waiona, o ka Ahahui o ka Lipine Bolu o Honolulu.

            Ke kono ia aku nei na kaanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule.  Pela no me na malihini mai na mokupuni e mai, e komo, a hui me makou ma keia hana kuonoono, "No ke Akua a me ka home, a me ka aina hanau."!!

 

Hoohiki e inu wai.

Leo-Marching Through Georgia.

1

Kakau na kamalii, kakau na pokii 

Kakau na makua la, ka poe ui pu 

Kakau i ka wa ikaika, wa opio no

Hoohiki no e inu wai la,

Cho.--Huro, huro, ua kuu na pio e

          Huro, huro, hooho oli ae

          Kupinai na leo oli o ka Bana nei

          Wai hulali ka makou la

2

Hana pu na hoa Bolu, na hoa inu wai

Kena i ka poe lalau, ka poe auwana no

Kii a kai mai ia lakou, e hui me makou

Hoohiki no e inu wai la

3

Kinai i ka rama e, ka rama hoolalau

Kinai i na waiona, me na mea poino mau

Pule no i hooko mai ia haan a makou

Hoohiki no e kinai mau la

4

Kupaa e na Hui Bolu, mai hoi hope e

Kikoo no imua la, na hoa inuwai

Paa i ka hoohiki la, mai no a waiho ae

Hoohiki no e inu wai la

 

Ke ano hewa o na kaeaka.

            Ua haioelelo o Rev. Dr. Beckwith ma Kaukeano ma ka po Sabati Sept. 16, e pili ana i na manao o kanaka ma ka hoola ana i na kanaka hewa.  Ua hoohalike oia i keia mau manao me na hana ma Kapalakiko no ka huli ana i mau ukana kila mailoko mai o ka moku kalepa i piholo ai ma ke kaikuono.  Ua manao kekahi e pauma i ka wai mailoko mai o ka moku me ka manao e puka hou aku ka moku a lana ma ka ilikai.  Aole pela ka hiki.  Aole hiki no hoi ke hoola i ka poe hewa ma ka hoomaemae ana i ke ano hewa ma na hana kanaka.  Ua hoao kekahi e hoolana i ka moku ma ka nakinaki ana ana i ka moku me na kaula mai na ba@ala hakahaka mai.  Aole pela ka hiki.  Aole hiki no hoi ke hoola i ka poe hewa ma ka hoonaauao ana ia lakou.  Ua hoao kekahi e kukulu i barela nui a puni ka moku a omo mailoko ona la i ka wai.  Aole pela ka hiki.  Aole no hoi ke hoola i ka poe hewa ma ke kukulu ana i ke aupuni kumukanawai paha, ka ekalesia hoomeamea paha.  Ua lanakila ka poe @u.  Ua iho lakou i ka moku a huki iluna i kela apana kila keia apana kila.  Pela, no e hiki ke koola i na kanaka hewa pakahi wale no a @ lakou i poe paulelel ia Iesu, hoolauna i ke Akua hemolele ma ke ola hou o ka manaoio, ke aloha, a me ka pono.

 

Moolelo o ka Ahahui Nui o na Opio Imi Pono Karistiano o ka Pae Aina

            H@akaka:-No ke dala ole o ka Waihona, e hiki ai ke pai buke ia ka moolelo o ka balawai a aka Ahahui Nui o na Opio o ka Paeaina, i malama ia ma Kaumakapili i ka mahina o Iune i hala, nolaila, ua manao ia he mea pono e hoolaha ia ma ka Nupepa Kuokoa.

            Halawai ka Ahahui Nui o na Opio Imi Pono Karistiano o ka Pae Aina ma Kaumakapili, Iune 6, 1888, hora 7:20 p.m.

            Peresidena A. F. Judd ma ka noho.

            Wehe ia na hana me ka himeni, ka heluhelu Baibala me ka pule.

            Hoomaopopo ia na Ahahui, na Peresidena me na Elele i hiki mai.

            He 16 ka nui o na Ahahui; 5 Peresidena i hiki mai, 5 i hoouna mai i ka lakou Hoike Papa Helu, 6 aole hoike a me 16 Elele i hiki mai me na hoike

            Penei ka mahele ana ma na mokupuni:

            No Hawaii:-@ Paakiki ka Peresidena i hiki mai me ekolu Elele.

            No Maui.-Eono Elele i hiki mai, aole he Peresidena.

            No Molokai.-Ekolu Elele i hiki mai, aole he Peresidena.

            No Oahu.-Ekolu Peresidena me ekolu Elele i hiki mai.

            No Kauai.-Hookahi Peresidena a me ka Elele i hiki mai.

            Hoomaopopo ana i na Ahahui:

Hawaii.

Ahahui                        Peresidenan-Elele

Waimea, Kohala H…… Z. Paakiki*

Puk@ana, Kona H…… C. Naope

Kona Waena…..W. Higgins

Helani, Kona A……W. M. Kalaiwaa

Maui.

Lahaina…..Rev. A. Pali

Waikapu…..Rev. S Kaili

Waihee & Waiehu. Rev. O. Nawahine*

Keanae…..S.K. Makaena

Kaupo & Hana…..Rev. J. K. Iosepa

Nahiku…..S. Kauihou

Molokai.

Kaluaaha…..J.K. Kaupu

Honouli & Waialua..A.K. laumauna

Kalaupapa…..G.B. Meheula

Oahu.

Kawaiahao. D. L. Naone. K. Lilikalani

Kaumakapili. H. S. Kila. S. L. Kalawe

Waialua..S. H. Kalamakee. B. Kamau

Kauai.

Anahola…..G. B. Meheula…..

Koloa…..Hoewaa

            Heluhelu ia ka Hoike Papa Helu a ma Peresidena me na Elele o na Ahahui a pau.  Iwaena o keia mau hoike, hookahi hoike Elele hui o na Ahahui Opiopio Imi Pono Karistiano o Maui me Molokai.

            Na ka Puuku H. Waterhouse i heluhelu ma@ i kana Hoike makahiki no na Loaa me na Lilo o ka Ahahui Nui.

 

Hoike a ka Puuku.

Ahahui Opiopio Imi Pono Karistiano o ka Paeaina ma o Henry Waterhouse, Puuku.

 

Koena ma ka Waihona.

June 7, 1877-88--

Mai Kaunakakai…………………..$    2 00

"      Waialua………………………..    2 00

"      Kahului (Kona)…………….…..   2 00

"      Haili (Hilo)……………….…….   2 00

"      Kawaiahao……………………    10 00

"     Honouliwai & Waialua………….   2 00

"     Waipio…………………………     2 00

"     Kaunakakai……………………      2 00

                                                       $    24 00

 

Na Lilo.

Koena aie Buke Moolelo…………..$  23 90

Koena ma ka Waihona……………..         10

E. & O. E. -

            Henry Waterhouse, Puuku.

            Honolulu Iune 6, 1888.

 

            Na Rev. E. S. Timoteo i noi mai e apono ia ka Hoike a ka Puuku.  Hooholo ia

            Hapai ka Aha no ke koho ana i na Luna Nui no ka makahiki hou, penei:

            Kapae ia na rula a koho lokahi ia ma ka @ lima o

            A. F. Judd,                  Peresidena

            D. L. Naone, Hope             "

            H. Waterhouse, Puuku,

            S. Kaaikaula, Kakauolelo,

            F. Keliinohopono, Hoa.

 

            Ma ka balota ka inoa hope i koho ia ai, nona na balota he 11.

            Paipai hoolana manao ka Peresidena A. F. Judd i na Peresidena me na Elele i hiki mai, e hooikaika ana ia lakou e paio ikaika no na hana maikai o ka pono.

            Kapae ia na rula a hoike waha mai ka Peresidena o ka Ahahui Opiopio Imi Pono Karistiano o Waimea, Kohala Hema, i ka nui o na lala o ia Ahahui he 17, a elua Ahahui e ku nei i keia wa, oia ka Ahahui Opiopio a me ka Lipine Bulu.

            Na Rev. O. Nawahine i hoike waha mai no ka Ahahui Opiopio o Waihee, ke nee la no na hana imua.

            Na ka Elele o Koloa i hoike waha mai i ke koena o kana hoike; o ka nui o na lala o ka Ahahui Opiopio he 50, a ke holo la na hana imua.

            Ma ke noi a Rev. E. S. Timoteo, ua heluhelu ia ka moolelo o ka halawai a apono ia me na hooponopono.

            Hookuu ia na hana a noho hou i Iune 1889, me ka puke a Rev E. S. Timoteo.  S. Kaaikaula, Kakauolelo.

            *Aole hoike i kakau ia a keia mau mea, he hoike waha ka laua.

            * Aole hoike waha me ke kakau a keia Elele.

 

Hoolaha Hou*

Hoolaha.

            E noho ana ka Lunakanawai Kaaponi o ka Apana Ekolu o ko Hawaii Pae Aina ma ke Keena penei:

Ma Hamakua, Okatoba 9, 1888, hora 9 a.m. ma ka Hale Hookolokolo.

Kohala Hema, Okatoba 12, hora 9 a.m. ma ka hale Hookolokolo.

Kohala Aka@, Okatoba 16, 17, 18, hora 9 a.m. ma ka Hale Hookolokolo.

Kona Akau, Okatoba 23, 24, 25, hora 9 a.m. ma ka Hale Hookolokolo.

Kona Hema, Okatoba 30, 31, hora 9 a.m. ma ka Hale Hookolokolo.  S. L. Austin, Lunakanawai Kaapuni Sepatemaha 10, 1888.  2198-tf

 

Hoolaha Hooko Moraki.

            I kulike ai me ka mana kuai iloko o kekahi moraki @ai a Joseph Porter Green a me H. F. Green kana wahine mare ia Stephen Spencer, i hana ia ma ka la 20 o Aperila 1875, a i kope ia ma ke Keena Kope Hawaii ma Honolulu, buke 41, aoao 410, 411.

            Ke hoike ia aku nei ua makemake ka mea moraki e hooko i ua moraki nei, no ka uhaki ia o na kumu aelike, oia hoi, ka uku ole ia o ke kumupaa a me ka ukupanee, i ka wa e hookaa ia ai, a ma ia hooko ana e kuai aku ana ma ke "kudala akea ma Honolulu i ka waiwai paa i hoike ia malalo iho i kekahi ia a hora e hoike @a, ku ai ma ka hoolaha.

            No na mea i hoe e ninau aku ia A. Rosa, Loio no ka mea Moraki.  Stephen Spencer, Mea Moraki.  Ma o kona Hope, H. A. Widemann, Hana ia Honolulu, Sept. 10, 1888.

            Penei ka hoakaka ana o ka waiwai paa e kuai ia ana:

            1 O kela apana e waiho la ma ke alanui Kauka ma Honolulu oia ka aina i hooholoia ia J. P. Green i oleloia e David Pauloa ma kekahi Palpala Kuai i hanaia Aperila 20, 1875 i kopeia ma ke Keena Kope i oleloia Buke 41 aoao 408 a me 409.

            2 A me keia apana aina a pau loa e pili ana i ka apana aina i hoikeia. maluna ae a i hoakaka ia ma ka Palapala Sila Nui Helu 1630 a oia ka aina i hoolilo ia ia J. P. Green i oleloio e David Pauloa ma o kekahi palapala kuai i hana ia 20 Aperila 1875 a i kopeia ma ka Buke i hoike ia maluna ae.  2198-4t

 

Hoolhha Hooko Moraki.        

I kulika ai me kekahi mana

            Kuai i hana ia maloko o kekahi morki mawaena o Emma Aylett me Louis James Aylett kana kane mare, ia Geo. S. Houghtailing ka mea moraki mai, i hana ia ma ka la 20 o Augate 1885, a i kope ia ma ka buke 96 ma ka aoao 273 me 274.  Ke hoike nei keia hoolaha e hooko ia ana ia mana kuai o ua moraki la i olelo ia mamuli o ka uhaki ia ana o na kumu aelike, oia ka uku ole ia o ka uku panee a me ke kumupaa, a e kudala akea ia ana ka aina i hoike ia ma ia moraki, a me na pono maluna iho ma ke keena kudala o James F. Morgan ma ka la 20 o Okatoba, 1888, ma ka hora 12 o ke awakea.

            No na mea i koe e ninau ia S. K. Kaeo, he loio ma ke kanawai.  George S. Houghtailing.  Honolulu, Sept. 28, 1888.

            Penei ka aina e kuai ia ana: O ke kuleana a pau loa o L. J. Aylett i kela apana aina e waiho ana ma Kaliu i Honolulu ma ka mokupuni o Oahu, oia hoi ka apana aina kuleana Helu 1092, a Palapala Sila Nui Helu 2247 i hooko ia no Mary Ann Aylett, &c.  Penei na palena o ua aina la:  E hoomaka ana ma ke kihi hem. makai o keia pili o Kalehua a me Kapena aina a e holo ak. 23 deg. hik. .40 pauku ma ko Kalehua, ak. 2 keg. kom., 1.35 kaul. ma ko Kalehua ak. 65 1/2 kom. 1.27 1/2 kaul. ma ko Kalehua hem. 11 deg. kom., 1.63 kaul. ma ko Kapena, hem. 70 deg. hik. .80 pauku ma ko Kapena hem. 57 1/2 hik. .68 pauku ma ko Kapena a hiki i kahi i hoomaka ai.  A maloko o ia apana he 48 1/2 roda, oi 'iki aku a emi iki mai paha.  2200 2t

 

Hoolaha a ka Lunahooponopono Waiwai.

            Ua hookoku pono ia ka mea nona ka inoa malalo iho nei i Lunahoopono ono no ka waiwai o George Morris i make @ia Honolulu, Mokupuni o Oahu.  Ma keia, ke hoike ia aku nei ka lohe i na kanaka a pau he mau koi ka lakou ma ka moraki a mau palapala e ae paha e hoike koke mai i ka mea nona ka inoa malalo nei iloko o eono mahina mai keia la aku, a i ole, e hoole loa ia mahope aku o ia manawa.  A o na poe he mau aie ko lakou i ka mea make, e awiwi lakou i ka hookaa koke mai ma ka keena o J. M. Monsarrat helu 27, Alanui Kalepa, Honolulu.  E. J. Wilkinson, Lunahooponopono Waiwai me na Palapal

            Kauoha o George Morris i hoopili pu ia.  Honolulu, Sepatemaha 8, 1888.  2197-5t

 

Hoolaha Lunahooponopono Waiwai.

E ike auanei na kanaka a pau, owau o ka mea nona ka inoa malalo iho nei, ua hookoku ia i Lunahooponopono no ka waiwai o J. L. Kapakahi i make no Lahaina, Maui.  Ke hai ia aku nei ka lohe i na mea a pau i aie i ka mea make e hookaa mai i ka mea nona ka inoa malalo iho nei, a o ka poe a ka mea make i ale ai, e hoike mai i ko lakou mau ila i hooia ia; a o ka poe e paa ana i kahi mau waiwai o ka mea make e hoihoi mai ia'u.

            E hana ia na mea a pau iloko o na mahina eono mai keia la aku.  E loaa no wau ma kuu keena Loio ma Wailuku, Maui.  Jno. W. Kalua  Lunahooponopono waiwai o J. L. Kapahi i make.  Lahaina, Sepatemaha 3, 1888.  2198-4t

 

Olelo Hoolaha.

            No ka mea, O Akuia a me Aku e malama ana i ka halekuai ma Puna, Hawaii, malalo o ka inoa "Wing Hung Company," ua haawi mai ko la@a waiwai a pau iloko o ka lima o na mea nona ka inoa malalo, ma ke ano e malama ia no na poe a pau a laua i aie aku ai.  Nolaila, ke kauoha ia nei na mea a pau i aie ia e na mea i oleloia maluna, e hookomo mai: ko lakou mau bila i hooiaio ia mamua o ka la ua o Dekemaha, 1888; a o na poe i aie ia laua, e hookaa koke mai ma ka lima o na mea nona na inoa lalao, a o ko laua loio paha.  C. Y. Aiona, Lum Chee.  Na Hope o Akuia me Aku.  Ma o D. H Hitchcock Loio.  Hilo, Sept. 18, 1888.  2200-3t

 

Hoolaha Hou.

Aha hookolokolo kaapuni

            Apana Eiua o ko Hawaii Pae Aina.  @a ka Hooponopono Waiwai.  Ma ka hanan o ka waiwai o Auwaimakalani no Wailuku, Maui.  i make kauoha ole.  Ma @ Keena.

            Ma ka helahela a me ka waiho ia ana mai o ka palapala noi a Napuhulo@oa @ a me Palea Mahi kana kane, e hoike ana @ make hauoha ole o A@waimakalani @ no Wailuku, Maui, @o Wailuku, Maui, i ka la @ @ @ 188@, a e noi ana e hoopuka ia palapala hoo koh@ Lunahooponopono Waiwai, e hooponopono ia ka waiwai, a e hooholo ia na hoo@ina

            Ua kauoha ia, o ka Poakahi, ka la 8 o Okatoba, m.h. 1888, ma ka hora 10 kakahiaka, oia ka manawa i koho ia no ka hoolohe ana i @a noi la imua o @a Lunakanawai la ma kona keena; ma ka Hale Hookolokolo ma Wailuku, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la.  A o keia kauoha e hoolaha ia ma ka olelo Hawaii, i ekolu pule ma ke Kuokoa, nupepa ma Honolulu.

            Kakau ia ma Wailuku ko Hawaii Pae Aina, Augate 31, 1888.  Geo. E. Richardson.  Lunakanawai Kaapuni Apana Elua.  2197-3t

 

Hoolaha Hooko Moraki.

            Mamuli o kekahi mana kuai i hoike ia maloko o kekahi palapala moraki i hana ia mawaena o Kaolulo k. o ka aoao mua, a me Mrs. L. B. Coan o ka aoao elua, ma ka la 30 o Dekemaha 1884, i kakau kope ia ma ka buke 89, aoao 494, a mamuli o ka uhaki ia ana o na kumu aelike o kela moraki, oia hoi ka hookaa ole ia o ka uku panee, nolaila, ke hoolaha ia aku nei e ka mea nona ka aoao elua o ua moraki nei. e hooko ana oia ia mana kuai,

            A ke hoolaha hou ia aku nei, mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas Morgan ma Honolulu, ma ka la 15 Okatoba 1888, hora 12 o ia la.

            Aia ma kahi o W. R. Kakela na hoakaka no keia mea.  Mrs. L. B. Coan.  Mea Morako Mai. 

            Hana ia i keia la 10 Sepatemaba 1888.

 

            Penei na aina i moraki ia:

            1 Hookahi kuleana hui ma ka hui aina Haiku, he 8 eka, i hoike ia ma ka palapala kuai i kope ia ma ka buke 56 aoao 285.

            2 Hookahi hui ma ka hui Ulumalu, Maui.  2197-4t

 

Hoolaha Hooko Moraki.

            Mamuli o kekahi mana kuai i hoike ia maloko o kekahi palapala moraki i hana ia mawaena o Carrie Kaaukai a me kana kane mare o ka aoao mua, a me Phillip Butler o ka aoao elua, ma ka la 20 o Okatoba 1884, i kakau kope ia ma ka buke 89 aoao 379, a mamuli o ka uhaki ia ana o na kumu aelike o ua, moraki nei, oia hoi ka hookaa ole ia o ka uku panee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.

             A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku ana na aina i hoike ia ma ia moraki no ke kudala ana, ma ke keena kudala o J. Morgan ma Honolulu, ma ka la 15 Okatoba 1888, hora 12 o ia la.

            Aia ma kahi o W. R. Kakela na olelo hoakaka no keia mea.  Phillip Butler, Mea Moraki Mai. 

            Hana ia i keia la 8 o Sepatemaba 1888.

 

            Penei na aina i moraki ia:

            1 2 43-100 ma Kaluapalena, Kalihi, Oahu, he aina kalo, kula a me pa hale, a me ke kalo e uiu ana.

            2 4 1-100 eka ma Kamakela, he hapa o ko Paele aina.  2197-4t

 

Ke kula Kamehameha no na keikikane liilii.

            E makaukau ana ke Kula Kamehameha no na keikikane liilii, no ka apo ana aku i na haumana ma ak Poalua hope o Okatoba, 1888.

            Ua kaupale ia ka heluna o na haumana e komo mai ai i keia makahiki mai ka makahiki ehiku a i ka makahiki umikamamalua, a no ka poe a pau i ake e komo ae ma ia kula no ia mua aku, e hoike ae ma ka al-o Okatoba, 1888.

            Kekahi mau mea e ae e hoolako ia ana e na haumana pakahi, e hoouna ia ae ke ninau mua ae i ke kumu.

            E loaa mua i na haumana na apono mai ke kauka no ko lakou kulana ola maikai.    

            He kula keia e hoomakaukau no ke komo ana aku i ke kulanui Kamehameha, a e hoomaamaa ia no na keiki ma na huahelu, hopunaolelo, a me ka himeni.

            He $60 ka auhau o ka makahiki, e uku mua ia i kela a me keia hoomaka ana o ka hapaha.

            No na mea i koe e loaa no ke ninau ae i ke kumu nui  Miss C. A. Reamer.  2192-8t

 

Pahu Hale Leta 351.  Bele telepone 274

Ka Agena Oihana Hawaii.

No. 68 Alanui papu kihi o alanui kalepa, Honolulu, H.I.  He Agena Oihana, a me Agena Ohi dala no na bila a pau.

Keena Oihana.

Na Waiwai paa-kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima, a aelike e ohi i na uku hoolimalima o na ano a pau.

Na Moraki e ae ia ma na ano waiwai a pau.

Na Pepa kuleana aina, e kakau a hooponopono ia me na Pepa a pau e pili ana ma ke kanawai.

Kope a me ka Unuhiolelo ma na olelo a pau iloko o keia aupuni.

Na Panihakanaka ola, Hale, a me na waiwai o na ano a pau i na Ahahui Panihakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Dute e pili ana i na waiwai mai ko na aina e mai.

Na Ukana o kela a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

@ na haan a pau a na makamaka e haawi mai ana no ka hooko aku i ke kauoha, e@hooko ia no me ka eleu a me ka mikiala.  Agena Oihana Hawaii. 2170 @ Mar.

 

B. F. Ehlers & Co., Painapa.

Poe Kuai i na Ano Lole a Pau.

Helu 99 alanui Papu. - Honolulu.

            E loaa mau ana na lole hou o na ano a pau maluna o kela a me keia moku.

 

Ka Waiwai o ka Hilinai

A Ayer @ Sasaparila, kai kaulana hilinai nui ia no ka hoomaemae koko, ma@ wa@ a pau o ka honua, @e aneane 40 makahiki i hala ae nei, a ua lawelawe nui ia hoiwaena o na oihana lapaau.  O keia

Laau Sasaparila, no loko ae ia o ke @ Sasaparila Honedura maoli i ua loaa ka mana hoomaemae ma o ka hui pu ia ana m@ kekahi mau aa laau e ae, a me kekahi mau mea no loko o ka honua a me ka hao.

He koko inoino a nawaliwali anei kou?  Ua a wili pu anei me na ano mai ikaika?  A ua hui pu anei me na wai awaawa hoopehu Na keia

Laau e hoomaemae ia mau mea ino a pau, a maikai.  O na kauka lapaau a pau o Amerike ike ke ano a ka Ayer Sasaparila, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no.  No ka

Hoomaemae ana i ke koko, a me ka hookahua pono ana i na mea a pau ma kekahi mau ano ma i i ikeia, o ka Ayer Sasaparila wale no ka laau nana e hoomaemae hakalia ole mamua ae o kekahi ano laau e ae O ke

Koko ino hakuhaku, a mawaliwali hoi kon holo pono ana ma ke kino, e hoomaemae i a e hooikaika pu ia no hoi ma o ka ai ana keia Laau Sasaparila A Ayer.  He maa lahi a he

Miakai loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.

A hilinaiia no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha waha hee wale ia malalo o na inoa lehulehu, aka, o na hilinai a me na hooia wale no a ke ao holo okoa, maluna o ka Ayer Laau Sasaparila.  I hoomakaukau ia e Kauka J. C. Aver & Co., Lowell, Mass. Hollister & Co.  Na A ena ma ka Paeaina Hawaii.  Helu 100. . . . Alanui Papu, Honolulu 2086-tf

 

Papa!  Papa!  Aia ma kahi Lewers & Cooke

(o lui ma)

@ @ @ @ @ @ @ @ @ E loaa ai Papa Nouaiki o kela a me keia ano Pani Puka, Na Puka Aniani, Na Olepelepe Na Pou, Na O-a, Na Papa Hele, Na Papu Ku, A me na Papa Moe nui loa

Na Pili o na Hale o na Ano a Pau a me na Wai Hoohinuhinu Nani o nan ano a pa@ loa.  Na Balaki ano nui wale.  A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana no ka uku haahaa loa.  E likeme kamea e holo ana mawaea laua a me ka mea kuai.  Hele mai e wae no oukou

 

Kakela a me K@ke

Halekuai nui o na waiwai

E @aa na pahiolo, koi hole, hamale, @oi nui a me liilii, kiia, wili puaa, rula, apuapu, kui o na ano @ @, kala @, hao hoopaa puka pohaku hoana, kepa, lei ilio, kania hao ilio, pahi, upa, pahi @, kalapu, kope huia, pulupulu, oepa ka lakala, lina hao, ami, keehi, a me kaula opu.  Palau o na ano a pau, Oo, ho, kopala, pe kipikua, hao kope, au ho a pe a aku, kua bipi, lei bipi, kaula hao bipi, uwea pa, uwea keleawe, hao pili piula, kaa palala, ipuhao, ipu ti Pa-alai, Makau, meke ahu  Ili wai, papa holoi, kopa ala, kaula @uaina, hu'akai, ehi wawae, hulu pena, a pela aku.  Pena wali, kini nui a me liilii o na ano a pau, me ka pepa kuhikuhi, pena keokeo, aila pena, ail hoomaloo, vaniki kaa, a me vaniki moe, Pena Hoomaloo a me aniani hale aila mahu, aila mikini, aila hamo aila kaa, inika kamaa.  Pauda.  Kukaepele.  Kiana Pauda.  Uiki ipukukui o na ano he nui a lehulehu.  Lole Makepono e @ @ ahinahina, kalakoa.  Keo keo, leponalo hulumanu@ uwe-wahine, kui humuhu mu a me ka lopi.  Ke Kuike e loaa no ia ma kahi e Kakela & Kuke!  Na mea piula Mikini Humuhumu  Makini a Wheeler a me Wilson mikini a Wilcox me Gibbs na mikini a Remington.  He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike Laau Lapaau Kaulana Lo@  A Dr. Jayne, Laau hoomaemae koko laau hoopau naio, laao kunu, penikila huaale paakai, laau hoopaa hi, me na Laau Ham@ a Pela 'ku.  Kakela & Kuke