Ka Nupepa Kuokoa, Volume XXVII, Number 39, 29 September 1888 — Page 1

BUKE XXVII, HELU 39.  HONOLULU, POAONO, SEPATEMABA 29, 1888.  NA HELU A PAU, 2200

 

W.O. SMITH.

 

                                                                        Loio ma ke Kanawai.

   Helu 66, Alanui Papu, Honolulu.                                                                           fy 4-1y

 

WR. KAKELA.

 

LOIO A HE KKOKUA MA KE KANAWAI

         He Luna Hooiaio Palapala.

tf

 

WILDER & CO. (WAILA MA.)

 

Heaa kuai papa a me na lako kukulu hola na ano a pau, a me na me ne pono a paau no ka hale.

 

                   Kihi  Alanui Moiwahine me papu.                                  tf 

 

CECIL BROWN.

 

LOIO A HE KOKUA MA KE KANAWAI?

 

   he Agena Hooiaio Palapala no ka Mokupuni o Oahu

 

                           KEENA HANA:  Ma alanui Kalepo.

tf

 

JOHN MAHIAI KANNEAKUA.

 

LOIO A HE KKOKKUA MA KE KANAWAI. HE MEA UNUHIOLELO MA KA OLELO BERITANIA A ME KA OLELO HAWAII.

 

    Keena Hana, maluna ae o ku  He nake a Bihopa ma.

1 yr.

 

PACIFIC HARDWARE COMPANY

____

 

na hope o Dilinahama ma.

 

mau Mea Kuni Lako Hao

 

Alanu Papu, Honolulu.

 

HOOLAHA.

___

   G. W. A. HAPAI.

 

             He Luna Hooko Mare.

 

----A HE----

 

AGENA HOOIAIO PALAPALA.

 

   E loaa no ma Hilo-taona, Hawaii, ma na manawa a pau.                                      2152-1y

 

E G. HITCHCOCK.

         (AIKUE HIKIKOKI).

 

LOIO, A KOKUA MA NA M EA A PAU E PILI ANA MA KE KANAWAI.

E ohi ia no na Bila Aie, me ka'awiwi.

      HILO, HAWAII.

                                                                                                                          2114-1 yr.

 

GEORGE P. KAMAUOHA.

 

He Loio a he Kokua ma ke Kanawai.

 

---A HE MEA---

 

ANA AINA.

____

E loaa no ma Kohala Akau, Hawaii.

2091-1y                                                             

 

 

VOLNEY VAILLANCOURT ASHFORD,

 

AKEPOKA.

 

He Loio, Hoakaku, Pale ma k Kanawai Kakamolelo, Luna hooponopono a me ka hana ana i na Palapala Hoolilo.

 

LAWELAWE ILOKO O NA AHA A PAU O KE AUPUNI.

 

   E hana ia no na Palapala pili Kanawai a pau.

   @@ Keena hana Helu 21, Alanui Kalepa, Honolulu Hale.                               (2150) 1y)

 

A ROSA,  (AKONI)

 

LOIO A HE KOKUA A KE KANAWAI

 

he Luna Hooiaio Palapala.

 

KEENA HANA:   Ma ke Keena Loio Kuhina

 

tf.

 

JAMES M. MONSARRAT

                           (MAUNAKEA.)

 

LOIO A HE KOKUA MA KE KANAWAI

He Luna Hooiaio Palapala.

 

   E hana ia no na Palapala Kuai, Palapala Hoolimalima, a me na palapala pili kanawai e ke ae ma ka olelo Hawaii.  Dala no ka hoaie ma ka moraki ma na waiwai paa.

KEENA HANA:  Alanui Kalepa.

 

W. A. KINNEY, (Kini.)

 

LOIO

 

Keena ana ma ke Keena o J. A. Makuna,

2168           elu 43 Alanui Kalepa.                                                                                   1y

 

SAMUEL K. A-NE.

 

   Loio a he loea ma ke Kanawai.

 

   mua I o na Aha Hookkolokolo a pau o ke i Aupani Keena hana:  Kii o na alanui Moame Beela, pili pu me ke keena o kanupepa Alakai o Hawaii.                                3m-31 82

 

HE MOOLELO

 

---NO KE---

 

Koa o Kanahele,

 

---A I OLE IA---

 

 

Ka Naita o ke Kapa Kila Lahilahi.

 

_____

 

HAALELE aku ne au e hehe ana ka aka o ka poe Geremania, a o ka oi aku nae o na kauwa a ke kaikamahine alii, ina hoi aole lakou e hooopau ana i ko lakou lealea ana.

  

   A heaha ko lakou mea i hauoli ai?  i ninau aku ai ke Kauna.

   Ae, aia i ka hele ana mai o ka Moi Louis a ko lakou wahi i hoomaka ai, a i ka pau ana o ka paina ua ele aku la kekahi o ke kaiakamahine alii iloko o ka nahelehele, eha ko lakou nui, elua no ke kulana kiekie a elua maau kauna, me ka pua a me ke kakaka ma na lima, a loaa he mau manu pekini, a pela lakou i noke hele ai i o a ianei a nalowale ke alanui, a ia was i halawai aku ai lakou me kakahi poe kanaka waluna o na lio.

   Ike mai la lakou i keia mau kaikamahine ui, kii mai la lakou e aumeume ia lakou me ko lakou manao he poe kaikamahine no ka nahelehele me ko lakou hoolohe ole mai i ka lakou nei koi aku e hookuu ia lakou.  Aka, hiki mai la ka lima kkokua ia wa,  hoopkele ae la ia lakou mai na lima o keia poe kanaka.  A eia ka mea kupanaha, o ke alakai o ua poe nei o ke Keikialii Karl no ia, a ua hiki aku no ka lohe i ka pepeiao o ke Kaikamahine Alii Constance.

   Pela iho e kuu keiki, o oe no anei ka naita nana i hooppakele? i pane aku ai ke Kauna oiai o Ullike i ku ae ai mai kona noho ae.

   Ae, o ka Naita Eleele a me kona ukali kuapuu ka mea nana i hoopuehu na manu aeto a hooopakele i na manu nunu.  E hookuu mai ia''u a na Ligimunu e hai aku i na mea i koe, i pane aku ai o Ulike, ua ike oia i na mea a pau.

 

MOKUNA XII

 

HE MOOLELO KAHIKO.

 

   Me ka maopopo ole iaia nei kona wahi e hele aku ai, lalau ae la keia i kona panale a puka aku la iwaho, a ma kekahi aoao o ka pa ke puka, hele aeu la oia a puka ma kela aoao, he pa mea kanu ia e ulu ana no laau nunui a me na laau liilii o na ano a pau, a pela me na pua a me na mea hii o kela a me keia ano.  He mau alahele e moe ana a me na wahi hoonanea he nui wale, ua kupono kekahi ni na mea elua a o kekahi hoi ua lawa no na poe he lehulehu wale,  A ma ka nana aku ua hoomaemae kupono ia no keia  wahi a aole i waio wale ia.

   Nana ae la keia ma o a maanei o ua  wahi nei aole nae keia i ike aku i kekahi kino kanaka e  ae maloko o ua wahi nei.  Hele aku la keia imua e honi ana i na aea aala o na pua a hiki i kekahi ululaau nui e ku ana i waenakonu, ike aku la keia he mau noho nanea e ku ana, wikiwiki aku la ka ianei hele ana a aole nae oia nei i lohe i ka halulu o kekahi mau kapuai wawae e hele mai ana ma kekahi aoao a hui ma ko i anei wahi e hele aku nei.  Ku ino iho la keia a ike aku la o kana ui no o loko o ka nahelehele, ike ma la no hoi kela iaia nei e hele aku ana hikilele ae la oia a nana mai la me na maka hoihoi.

   Pane aku la ka Naita, e ka Lede Teresa, ke nonoi aku nei au ia oe e kala mai ia'u no ko'u komohewa ana mai nei, aole au i moeuhane mua na lilo keia wahi ia oe.  I auwana hele wale mai nei no au e imi ana i wahi mehameha e hoolluolu ai i ko'u mau manao.

   He komohewa!  Owau no hoi kekahi i komohewa mai nei e imi ana no hoi i wahi e hooluolu ai i ko'u maa manao ponoi iho.  A pehea la noi i loaa ai ko'u inoa ia oe?

   Mai ko'u ukali mai, a i lohe no hoi oia mai kou kauwa mai a mai na lehelehe mai o kekahi poe i lohe i kou hele ana i ka mahelehele.

   Ae, ua lohe loa ia a ua lilo i mea pakua, aka, aole au i minamina ia hele ana, no kamea, ua loaa ia'u he hoa@loha maikai, a i keia wa ua maopopo ia'u keano i keia ola ana o ke kanaka:  a me keia mau olelo haawi aku la oia i kona lima i ka Naita a hele aku la laua ma kahi e ku ana na noho a noho iho la.

   Ua pane mai ka lede me ke kuio a me ka hilinai o kona manao maluna o kana koa, aka, he mea moakaka ke nanaa iho i ua lede la iaia e kamailio nei i ka naita, a ina paha ke mea okoa ae, a he wa okoa aku ina la paha ua okoa ae ka ia nei mau olelo; aka, no ia kumu hookahi no ko laua nei hiki ana ilaila, ua iki mai ka naita i ko ianei wa e ake loa ana e halawai me ia

   Ike aku la ka naita i ko ka lede mau ano a pau ana e alakai ne iiaia i ka noho, a koi mai la iaia nei e hoho ma kona aoao, a i iho la keia iloko ona, ina paha owau kou hoa'loha,---a no keaha no hoi ka mea e ole ai?  E hoao au e noi i hoa'loha au nona, a i hoole mai oia ae la no.

   E ka lede Teresa, e kala mai ia'u ina ua mahaoi au.  he wahi koa wale no au, hanai ia no a nui iwaena o na mea kaua, a ua hemahema hoi ma ke ano o ke kamailio ana o ke alo alii.

   E hai aku au i ko'u manao, a e pane aku no au e like me ka'u e noonoo nei a aole au i ao ia e huna i ko'u mau manao.  E ka lede, ua haawi mai oe ia'u he lei a i kilika i mea hoomanao; oia ka makmua o ka makana i loaa ia'u mai ka wahine mai, a ke pule ae mei au aole e haawi ia mai e kakahi wahine e ae.  Aia no ia maluna o ko''u puuwai, a ma kou ae ana mai, malaila maau ia e waiho ai, a o ko'u ola malao no ia o kau mau kauoha.

   Iaia nei e kamailio nei, aia na maka o ka lede maluna ona kahi i kau pono ai, a i ka pau ana o kana kamailio ana, lalau iho la oia i ka lima o ka lede a paa io la.

   E Sir Ulike o Kalune, i keia wa a i na wa a pau ma nei hope aku, ke lawe nei au ia oe i hoa'loha oiaio no'u o oe ko'u  naita  me ko'u koa, a ke noi aku nei au ia oe a kupaa oe ia'u a p ela au ia oe.

   E ka lede, i pane aku ai ka naita me ka haaalulu me he mea la aia oia i ka welau o ka pali kahi i ku ai, e ka lede, wahi hou ana, ua kuhihewa paha oe a i ole ua lohe hewa paha au.  Ina paha oe e ike ana i ka hohonu o ko'u manao, aole paha oe e haawi mai ia'u i ka mea au i manao ai e haawi aku i kekahi wa i ka mua a me ka hope o ka mea nana i hapai ae i kuu puuwai e hilikai aku i ka wahine.

   E kuu naiata, aole oe i hai mai i ka nui o kou hilinai, a pehea laa au e ike ai i ka nui e panai aku ai.

   E ka lede, ua like kau mau huaolelo me k nana i whe ko'u ma manao huna a waihowale,  Ina au ua hewa, e kala mai, a aole au e hana hou pela.  ua aloha au ia oe a ie oe wale no, a no ka wa pau ole.  Hiki no anei ia oe ke panai mai e like me ia?

   E kuu naita, aole a'u mea e haawi aku ia oe.  Ua lilo omua no kuu aloha ia oe na kuu puuwai no i wehe e like me kona makemake, a ike ae la au ua lilo mai kou ia'u, nolaila, aole au e hoihoi hou mai i ka'u.

   Puili mai la keia i ka ianei aloha a paa i kona poli a honi iho la i ka honi aloha mua loa ma na lehelehe o ka lede, a pane iho la:

   Na na lani e hooiaio mai i keia, a aole i makehewa na olelo i hoopuka ia ae nei,

   A, e ka naita, wahi a ka lede, ina paa oe e ike i ka nui o ko'u olioli i kou loaa ana ia'u e naita a he hoa'loha oiaio alole paha oe e kanalua.  He wai kino kanaka wale no au, he nui na poe ui a'u i halwai ai, aka, ua oi ae ka mea a'u i koho ai i naita mamua o lakou a pau.

   Aole, aole, e ka lede Teresa, o oe ka'u e mahalo aku epono ai, aole au i ike i kekahi wahine ui mamua e like me oe.  Aia ma ke alo alii o Geremania a eia no hoi ma Loraine nei he mau kanaka ui, a pehea la oe i hoili mai nei ia mau haawina a pau maluna o'u.

                                                                                                                        (Aole i pau.)

HE KAAO

 

----NO----

 

HAPAIKALA-

 

HAPAIKAMAHINA

 

____

 

KA HUA OIA NANI

 

E LOAA MA KA

 

Piko Mauna o Farani

 

______

 

Ka Ui nana i Kakeleke Aupuni o ka Lihilihi o na Manu.

 

_______

 

I Kokua ia e HULUPAINA kona Pokii.

 

_____

 

Ununi ia e H. Kane

 

HELU I.

 

I ke au o ka Moi apala e noho alii ana maluna o ke aupuni o Farani, he moi pani lealea keia, a me kana kaikamaahine hanau kai, oia hoi o rose Apala, ua laulana keia kaikamahine i ka nani me ka ui, e noho pu ana hoi iloko o ke kula nakahale, o Keahi ke kane a  me Ka-la kana wahine.

 

   He mau mea ilihune laua, no ka makemake ole o ka moi e noho pu ka poe ilihune me ka poe kuonoono i loko o k e kulanakauhale, ua hana oia i ke Kanawai paa o kona aupuni, a ua hoouna aku ka Moi i ka poe koa e hele e huli i ka poe ilihune iloko o ke kulanakauhale, a ina e loaa ka poe ilihune e kipa ku aku ia lakou mai loko aku o ke kulanakauhale.

   Ia wa i hele huli aku ai na koa a loaa aku la laua nei e noho ana iloko o ke kulanakauhale, ua kipaku ia aku la la ua nei e na koa o ka moi, e hele aku mai loko aku o ke kulanakauhale, a ua hai pu ia aku no hoi na mea e pili ana i ka poe ilihune e like me laua nei.  I ko laua lohe ana i na olelo, ua kulu iho la ko laua mau waimaka me ka ehaeha a ua nonoi aku la laua nei i na he mea oluolu ia oukou e kali oukou i ko maua hele a ka la apopo, e moe maua i keia po a ao ae maua hela, ua ae mai na koa i ka laua nei noi ia po a ao.

 

   I ka puka ana mai o ka la i ke kakahiaka nui e hoolei pau oia i kona malamalama piha maluna o ke kulanakauhale alii o Farani, e i mai ana i na kamahele---aloha olua.

   Hoomaka iho la laua e hoomakaukau i ko laua mau wahi pno kino me ona mau wahi mea ai na laua e hele aku ai, i kahi i mapopo ole ko laua wahi e noho aku ai.

 

   halele iho la laua nei i ke kulanakauhale a kamoe aku la ko laua alahele no ka uluaau, a hiki i ke komo ana iloko o ka ululaau o ke kuahiwi o Farani mai ke kakahiaka mai a hiki k kanaapoo ana o ka lal, imi aku nei laua anei i wahi e moe ai ia po, a loaa aku la ia laua nei he puha laau malaila laua nei i hoaumoe iho ai a hiki i ke ao ana oia po.

 

   Hoomaka hou aku la laua e hele a hiki i ka loaa ana o kekahi kula oneanea, hoomaka iho ia laua e kukulu i wahi pupuuhale no laua malaila, malalo o kekahi kuahiwi kiekie.

 

   Mai ko laua mau la opiopio  mai a hiki i ke kokkoke ana aku e hoi i ka opu hohohu o ka make.

 

   ka hana a ka  wahine oia kona iho iho mau ana i kai o ke kulanakauhale i ka po e imi i wahi pono kino no laua, a o ka hana hoi a ke kane o ke kanu pua i mea hoonani no ko laua wahi home, me ke kanu pu ana i mau wahi mea ai na laua, pela mau ko laua noho ana a hiki kekahi ahiahi hoomakaukau ihoo la lalua nei e paina ahiahik ai ko laua maona ana, ua kamailio aku la ke kane i kana wahine a ipo hoi.

 

   Pehea la e loaa ai ka kaua keiki, oiai ua  noho ae nei kana mai ko kaua mau la opio mai ahiki i ko kaua mau la emakule, aole loaa ike o ka kaua keiki, i loaa ai hoi ka mea nana e huna aku i ko k aua mau kono i ka lepo, oia ai ke kokkoke mai nei naa la e hoi aku ai i kahi i hoomakaukau ia no kakou, no ka poe palupalu.

 

   E pau ana paha ko kaua mau kino i ka ai ia e na holoholona ahiu o keia kuahiwi.

 

   Pane mai la ka wahine iaia, he mea hiki ole ia kaua ke imi iho ke ole e kokua mai na lani, a ina e kokua ma ana na lani, alaila, e ko ana no ko kaua makemake.  Pane hou aku la oia i kana kane, e moe kaawale kaua i keia po, ina e loaa haawina ia oe i keia po, e hoala mai oe lau, pela hoi a'u ke loaa haawina ia'u e hoala aku au ia oe.

 

   Ae maila ke kane i ka olelo a kana wahine, hoomakaukau laua e moe, a ia laua e moe ana, ua pauhia loa aku la ke kane i ka hiamoe, o ka wahine hoi, i kona wa i moe ai ua loaa aku la iaia kekahi moeuhane.  halwai aku la ko ia nei uhane me kakahi kanaka.  Pane maila ua kanaka nei i ko ia nei uhane, o ka mea a olua i kuko iho nei, e hooko ia aku ana no ia mea, ma keia mua aku ina e hooko olua i kau mau mea e kuhikuhi aku ai ia olua, me ka pololei, a ina e hookuli olua, e nele ana no olua, i moe oe a ala ae, alaila, hoala aku oe i ko kanae e pii iluna o kela piko o keia mauna e ku mai nei ma ka aoao o ko olua hale, ai pii ko kane a hiki i luna o ka piko o kela mauna, a i ike i kekahi kumu laau e ku ana i waena konu o na laau a pau, e ulu ana iluna pono o ko piko o ka mouna, aole e nalowale kona ano oia he ano e kona lau me kona pua, mai waena ae o ku ulu ana o laau apau.

 

   O kela laau he ano e loa, he elu wale no hua oia kumi laau.  He mau hua Ohia Hemolele, ina e pii ko kane a loaa e hooko pololei oe i kau mau kuhikuhi.

 

   O ka u ohia ma ka hikina oia kau e ai mua, a o ka hua ohia ma ke komohana oia ka ko kane e ai hope ai, ai hhapai oe a i hanau mai he keiki kane, ekakpa olua i kona inoa, o Hapaikala Hapaikamahina.  Ae aku nei ka waahine, ninau aku nei ka uhane o ka wahine, owai kou inoa, hoike mai nei ua kaaka nei i kona inoa o kaui-o-ka-Lewa, hoike aku nei no hoi keia i kona inoa o Ka-la ko'u inoa.

 

   Mahope iho nalo aku la ka uhane o ua kanaka nei, puoho ala keia, he moe uhane ka ka'u, noho iho mei keia noonoo i ke ano o ka moe uhane, iloko o i a wa hele aku nei keia e hoala i ke kane, huhu mai nei hoi ke kane.  Keaha hoi kau e hoala nei o ke aumoe, oia eia no i waena konu o ka po!  Heaha mai hoi kau, eia la he moe hoi paha ka'u, e ala mai hoi paha oe e noonoo pu kaua i ke ano, malia o loaa ko kaua pomaikai ina he oiaio ka hoike a ka moe ia'u.

 

   Ala ae nei ke kane a ninau i ka wahine i ke ano o ka moeuhane, hoike aku nei ka wahine i ke ano o ka moe, mai ka mua a ka hope.

 

   I ka lohe ana o ke kane, olelo aku nei ke kane he oiaio, ua kokua mai na lani ia kaua, e loaa ana ka pomaikai ia kaua, i waena o ko kaua noho iliihune ana, ma keia kuahiwi kanaka ole, hoolau kanaka kaua i keia wahi i ka leo o na manu.

 

   ia manawa hoomakaukau ihonei ke kane no ka pii ana aku iluna o ka piko o ka mauna, e like me ka kuhikuhi a ka moeuhane, i kona pii ana ana mai po a hiki i ke ana, hiki pono aku la keia iluna o ka piko o ka mauna, i kuhikuhi ia aia ma ka moeuhane a kana wahine.

 

   Nana aku nei oia ma na wahi a pau, ike pono aku ne oia ia kumu laau nei iwaena konu o ka ponaha o na laau, olelo iho la keia iloko iho ona, o ua laau nei paha kela i kuhikuhi ia mai ai ma ka moeuhane, hele aku nei keia a hiki pono, a ike aku nei keia i na hua Ohia e kau mai ana.

 

   Hoomanao iho l keia he oiaio ka mea kuhikuhi ia mai ai kana wahine, a he nani io no  hoi kona lau, kona pua a me ka hua ohia ke nana aku, lalau mua aku nei oia i ka hua ma kahikina a loaa mai la iaia, hoomaka aku nei oia e lalau i ka hua ma ke komohana ia manawa, aku ai ka lala o ua hua nei e kau ana e oni i waho pela no hoi keia i alualu aku ai mahope o ua hua nei, a hiki i ko laua kaawale ana mai, mai ke kumu laau mai, hoomaka no ka hua e oni i waho o ka moana, pela no keia e alualu nei, a i koia nei nana ana ana iho malalo, ike ihola keia he moa na ka keia malalo oia nei, hoomanao ae nei keia i kona pilikia, huli aku ne keia ihope e nana ai i ka aina, aohe ike ia.

 

   No kona ike ana ua hala oia i waho o ka lipolipo o ka moana, ua hu maila ko ia nei aloha i ka wahine, olelo iho la keia iloko iho ona.  Aole a'u i manao e poino ana a'u i keia hele ana mai nei a'u.

 

   pau aku la ko ia nei alualu ana i ka hua ohia, hoopuka ala oia i keia mau hua olelo, ia oe e na makani a pau loa e kaapuni ana i na makani a pau loa e kaapuni ana i na kihi eha o ka honua a me ka ahe kehau o ke kulu aumoe, ai a hui oukou me ka oukou wahi kauwa wahine, e noho ana iloko o ka ilihune, a me ka poino.  E hai aku i kou aloha iaia, noho iho la keia iluna o ka lala a ia nei e kau ana, me ke kaumaha o ka noonoo, i ka wa a ia uei i hoopuka ae ai i kela mau huaolelo kalokalo.

 

   Ua lawe aku nei ke ahe lau makani a lohe o ka Kaui-oKalewa, i kona wa e hiolani ana ma kona  wahi moe, ala ae nei oia, a huli iiho nei kona alo ilalo e nana ai. ike ihola oia i ke kane a ka wahine ana i kuhikuhi ai ma ka moeuhane, ua hoohoka ia oia e ka hua Ohia Hemolele.  Ia manawa ua lele mai la o Kaui-o-Kalewa, mai kona wahi i noho ai, a hiki i kona hui ana me Keahi ka makua o keia mau keiki, a kamailio maila o Kaui-o-Kalewa iaia nei, e noho malia oe maanei, nau e kii ae ko hua ohia a hoi mai.

 

   Ia manawa i kii aku ai o Kauiokalewa i u a hua ohia nei a hoi mai, a pela i hoi pu i hoi pu mai ai ka lala o ua laau nei a pili me ke kumu.  Haawi aku nei o Kauiokalewa i ua hua oia nei me ke kuhikuhi pu aku iaia e like me kana i hai mua ai i ka wahine, a ua ae aku la no hoi keia.

 

   Haawi mai la o Kauiokalewa iaia nei i ke aloha a pela no hoi keia i panai aku ai, a eia ka pane hope a Kauiokalewa:  O ke keiki hope i moopuna ia na'u, a o ke keiki mua na olua ia; a me keia mau huaolelo nalo aku la oia, a huli hoi mai la no keia no ko laua hale.

 

   iaia nei no a hiki i ka hale, haawi aku la oia i ua mau hua ohia nei i ka wahine a ai iho la kela, a ma ko laua papaaina ahiahi i hue pau aku ai keia i ka moolelo o na mea a pau i hanaia.

 

   Pela laua i noho ai a ahiki i ka hapai ana o ka wahine, a ua hookoia na mea i kuhikuhi ia ma ka moeuhane, a i ka aneane ana e hanau ikeia aku la na hoailona kjupaianaha e ko ke kulanakauhale o Farani maluna pono o ka piko o ke kuahiwi, ua pouli ka la, nalowale ka mahina a me na hoku, ku'i ka hekili, olapa ka uwila, kahe ka wai, pilihua na mea ola o ka honua, a naueue ke ao holookoa.

 

   I ka hemo ana o ke keiki nalohia ae la keia mau hoilona kupanaha a halii hou iho la ka meha maluna o ka aina, a pela i ikeia iho ai ka malihini hou nona ka la eehia, he kekikane ui a nohea loa i ike ole ia ma ke ao a pau.

 

   E like me ka pii ana ae o kona kno i ka nui pela pu me kona nani, a oiai ka eono o kona mau makahiki e i ike mai ana, oia ka manawa i hoolauna ia mai ai na makmaka hookaau moolelo o ke KILOHANA nei me ka haawina kkupanaha mua i loaa i keia keiki a me makili ana ka ipu makani a Laamaomao penei:

 

   I ka a elima a oi o okona mau makahiki e hiolani ana ua pua alii hou la o Farani ma kahi moe, a ia wa i lohe ae ai keia i nei mau leo wawa e uwauwa ana, ninau aku la keia i na makua, heaha la hoi ne uwa a'u e lohe nei?  He kanaka no ka paha ma keia wahi aku nei o kakou?

 

   Pane aku la na makua; o kakou wale no kanaka o keia wahi, aohe kanaka hou ae; malia o na leo uwa au e lohe la no na holoholona hihiu o kuahiwi e haia la i ka lakou mea i makemake ai, aohe ia he leo kanaka e ka keiki, na wai hoi ia eueu hehiku mai i ko kakou wahi kapu.

                                                                                                                       (Aole o pau.)

 

 

MA KE KAUOHA.

 

KUAI O NA AINA AUPUNI.                                                                                                                                   

 

_____

 

   E KUAI ia aku ana ma ke kudala akea mamua iho o ke alo o Aliiolani Hale, i ka hora 12 awakea o ka Poakolu, Okatoba 17, 1888, he elua mau aina aupuni ma Kona Akau, mokupuni o Hawaii.

   1--- Maniniowali, apana 21, nona ka ili he 84 eka.  Koho kiekie, $210.

   2.--- Awakee, apana 20, nona ka ili he 20 eka.  Koo kiekie, $50.

 

                                                             L. A. THURSTON,

                                                                 Kuina Kalaiaina.

 

   Keena Kalaiaina,  Sept. 15, 1888.

   2199-4t

 

KUAI AINA AUPUNI.

_____

 

E KUAI ia aku ana ma ke kudala akea, mamua iho o ke alo o Aliiolani Hale, i ka hora 12 awakea o ka Poakolu, Okatoba 24, 1888, he apana aina ma Kaumakani, Kipahulu, mokupuni o Maui, nona ka ili e 65-100 eka.  Kohoo kiekie, $50.

                                                                                                     L. A. THURSTON,

                                                                                                  Kuhina Kalaiaina.

Keena Kalaiainna, Sept, 17, 1888.

2199

 

KEENA O KA PAPA HOONA AUAO.

____

 

   Ke hoike ia aku nei ma keia, o na Kumukula a pau ma na Kula Aupuni, e hiki ae lakou ma ko lakou hale kula pakahi iho, e 15 minute mamua o ka hora 9 A.M.,  ka manawa hoi e wehe ia ai ka hoomaka ana o ke kula.

 

MA KE KAUOHA A KA PAPA HOONAAUAO.

2199-3t

 

HOOLAHA.

 

   Malalo o ka mana o ke kanawai i kana ia "He Kanawai o hooholo ai i mau Luna Nana Halepaahao a e hoomaopopo ai i ka lakou hana a me ko lakou mana," i apopo ia i ka la 24 o Iune, 1888, ua hookohu ia keia mau keonimana malao he Papa Luna nana Halepaahao o ke Aupuni:

 

                                                         ALFRED S.  HARTWELL,

                                                         THOS. RAIN WALKER,

                                                         JOHN EMMELUIH.

                                 LORRIN A. THURSTON,

                Kuhina Kalaiaina.

   Keena Kalaiaina, Sept. 21, 1888.

 

KUDALA HOOLIMALIMA.

_____

 

   E kuai kudala ia aku ana ma ke alo iho o Iolani Hale, i ka hora 12 awakea, Poakahi, Okatoba 17, 1888, kekahi aina ma ainahou, alanui Papu, Apana Aina Helu 15, a oia hoi kai e ku nei ka halehana o J. H. Bruns.

   Ka Manawa--He elima makahiki ka hoolimlima, koho kiekie $300 no ka makahiki e uku ia ma ka hapaha makahiki.

                                                                                                             L. A. THURSTON,

                                                                                                                 Kuhina Kalaiaina.               

Keena Kalaiaina.

   Sepatemaba 13, 1888.

2198-4t

 

KEENA O KA PAPA HOONAUAO.

____

 

   E wehe ia ana he Kula Olelo Beritania hou no ke ao ana i na keiki ma ia mau wahi, ke hiki aku i ka POAKAHI la 17 o SEPATEMABA, 1888, ma Waipilopilo, alanui Moi ma Kalihi.

 

MA KE KAUOHA A KA PAPA HOONAAUAO.                     2198-3t

 

KUAI O NA AINA AUPUNI.

____

 

   Ma la {palp;i. Platpba 10, 1888, i ka hora 12 awakea, ma ke alo o Aliiolani Hale, e kuai ia aku ana ma ke kudala akea ke aupuaa oo Kahanui, ma ka mokupuni o Molokai.

   He aina maauna keia, nona ka ili he 1000 eka.

   Koho kiekie $500.

                                                      L.A. THURSTON,

                                                        Kuhina Kalaiaina.

   Keena Kalaiaina,  Sept. 3, 1888.

2197-4t

 

KAI O NA HOOLIMALIMA AINA AUPUNI.

_____

 

Ma ka Poaha, Okatoba 4, 1888, i  ka hora 12 awakea, ma ke alo iho o Aliiolani Hale, e kudala ia aku ana ma ke akea ka hoolimalima o kekahi mau aina aupuni ma Kohala, Hawaii.

   1.  Aina aupuni helu 70 ma Kohala Akau, he 80 eka.  Koho kiekie $25 no ka makahiki, e uku mua ia.

   2.  Aina aupuni helu 19, 22, A, B, C, D, ,e E, ma Kohala Akau, he 679 eka.  Kohoo kiekie $150 no ka makahiki, e uku mua ia ma ka hapalua makahiki.

   He 10 makahiki ka loihi o keia mau hoolimlima e kuai ia aku ana.

 

                                                                            L. A. THURSTON,

                                                                                       Kuhina Kalaiaina.

   Keena Kalaiaina, aug. 30, 1888.

2196-5t