Ka Nupepa Kuokoa, Volume XXVII, Number 38, 22 Kepakemapa 1888 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXVII, HELU 38.     HONOLULU, POAONO, SEPATEMABA 22, 1888.         NA HELU A PAU, 2199

 

W. O. SMITH

            Loio ma ke Kanawai.

Helu 66, Alanui Papu, Honolulu.  fy 4-1y

--

W R. KAKELA.

 

LOIO A HE KOKUA MA KE KANAWAI

No Luna Hooiaio Palapala.

tf

--

WILDER & CO. (WAILA MA.)

 

Mea kuai papa a me na lako kukulu hale

            na ano a pau, a me na me ne pono a pau

no ka hale.

            Kihi Alanui Moiwahine me Papu.       tf

--

CECIL BROWN.

 

LOIO A HE KOKUA MA KE KANAWAI?

He Agena Hooiaio Palapala no ka Mo-

kupuni o Oahu

KEENA HANA:  Ma alanui Kalepa.

tf.

--

WILLIAM C. ACHI.

 

Loio a he kokua ma ke kanawai imua o na Aha a pau o keia Aupuni.

            He Mea Ana Aina a he Boroka ma na waiwai paa.

            Keena Hana, Helu 15, Alanui Kaahumanu Honolulu, oia ke Keena mua iho o Kini me Peterson.    2114-y

--

JOHN MAHIAI KANEAKUA.

            LOIO A HE KOKUA MA KE KANAWAI.

            HE MEA UNUHIOLELO MA MA OLELO

            BERITANIA A ME KA OLELO HAWAII.

            Keena Hana, maluna ae o ka Hanako o Bihopa ma.

1yr.

--

PACIFIC HARDWARE COMPANY

--

Na hope o Dilinahama Ma.

Mau Mea Kuai Lako Hao

Alanui Papu.   Honolulu

--

HOOLAHA.

--

G. W. A. HAPAI.

He Inna Hooko Mare,

--A HE--

AGENA HOOIAIO PALAPALA.

            E loaa no ma Hilo-taona, Hawaii, ma na manawa a pau.        2152-1y

--

E G. HITCHCOCK.

(AIKUE HIKIKOKI).

LOIO, A KOKUA MA NA MEA A PAU OE

PILI ANA MA KE KANAWAI.

E ohi ia no na BIla Aie, me ka awiwi

HILO, HAWAII.

            2114.1yr.

--

GEORGE P. KAMAUOHA.

He Loio a he Kokua ma ke Kanawai.

-A HE MEA-

ANA AINA.

--

            E loaa no ma Kohala Akau, Hawaii.

1091-1y

--

VOLNEY VAILLANCOURT ASHFORD,

AKE@OKA.

He Loio, Hoakak@ Pale ma ke Kanewai

Kakauolelo, Lunahooponopono a me

ka hana anei ma Palapala @oolilo.

LAWELAWE ILOKO O NA AHA A

PAU O KE AUPUNI.

            E ha@a ia no na Palapala pili Kanawai a pau.

            Keena Hana Helu 21, Alanui Kalepa,

Honolulu Hale.            (2150 1y)

--

A ROSA (AKONI.)

LOIO A HE KOKUA MA KE KANAWAI.

He Luna Hooiaio Palapala.

KEENA HANA: Ma ke Keena Loio Kuhina.

tf.

--

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI

He Luna Hooiaio Palapala.

            E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii.  Dala no ka hoaie ma ka moraki ma na waiwai paa.

            KEENA HANA:        Alanui Kalepa.

--

W. A. KINNEY, (Kini.)

LOIO.

Keena hana ma ke Keena o J. A. Makuna, 2168.       Helu 42 Alanui Kalepa.          1y

--

SAMUEL K. KANE.

            Loio a he loea ma ke Kanawai.

            @mua I o na Aha Hookolokolo a pau o kei Aupuni Keena hana  Kihi o na alanui Mo ame Beeia, pili pu me ke keena o kanu pepa Alakai o Hawaii.          3@-31 @@

 

HE MOOLELO

-NO KE-

--

Koa o Kanahele

-A I OLE IA-

Ka Naita o ke Kapa

Kila Lahilahi

--

MOKUNA XI.

 

Me he mea ala he kanaka ua maa i ka ukali ia aku a ua ike ia mamua, a i hea la, ake aku la keia o ka huli iki mai aole nae he huli mai a hele wale.

            Haalele aku la keia i ka puka aniani a hele mai, e komo aku ana o Merlina me na helehelena ua pioo.

            Kakahiaka hoi kou ala ana mai nei e Merlina, he manao paha kou, ke ike aku la wau ma kou mau helehelena.

            Ae e Sir Ulike, he mea ka'u e hai aku ana ia oe, e oluolu mai ana anei oe e holohe?

            Ae e hoolohe aku ana no wau.

            Noho iho la keia ilalo a hai aku la.

            Ka mua, ua ike au, owai la ka ui o ka nahelehel, aole no i poho kou luhi o ka lede Teresa no ia, ke kaikamahine a ke Duke o Darnsta.

            E Merlina, ua maopopo io ae nei ia oe.

            Ae, ua maopopo iau, ua lohe ponoi mai no au mai ka ukai ponoi mai o ke kaikamahine, Ae hai aku la ua kaikamahine la ia lakou i hoi aku hai aku ia lakou he kanaka ui a he mau hana keonimana ole, ua hele na helehelena a hoihoi i ka wa e kama@@o ana.  A i ko'u hoi ana mai i ka ponei, a loaa mai la a'u ia lakou i koi mai la e hai aku i na mea i hana ia a hai aku la a'u e like me ia .  Nolaila o ka lede Teresa o Darnst oia ta lede o ka nahelehele a he kama@ahi hoi na kona mau makua.

            E hoonani ia kona mau helehelena,wahi a ka naita i pane ae ai, a i kekahi wa e ike ai ia, aole i hoohaahaa ia kela lei, ana i haawi mai ai no kana koa a e hooi hou aku ka hanohano, no ka mea, nana i haawi mai.

            Lalau iho la keia a honi ae la, a pane mai la.

            A he ana hou aku e Merlina?

            Ka lua ua ike a'u i ke alakai o ka poe nana i hana ino i ke kaikamahine in a oe e ae e lohe.

            Ae no au e lohe in a o ke keiki alii nona ka la a kakou i hoohanohano mai nei, makemake no wau e lohe.

            Ae e kuu haku, o ke keiki alii io no.

            Pehea, o ke keiki alii, aole paha o Karla o Loraine.

            Ae, oia no, aohe he mea e, a pela no kou manao i kinohi, a in a pela e waiho malie, aole no wau i hewa i ke kokua ana i ka poe pilikia, in a o ka emepera me ke kalaunu iluna o kona poo e hoopakele no wau i ka poe hewa ole mai kona mau lima mai, o ka hana ia o ka ka naita e lilo ai i mea lapuwale loa, i na aole wau e hana pela

            Ua pono oe e kuu haku, manao wau aole no paha ke keiki alii e hoike aku ana imua o ka lehulehu e noho malia ana no paha ia, ona wahine kela o ke aio alii o Geremania a on a ukali ponoi o ke kaikamahine alii Saneta.

            Ua pono oe e Merlina, aole no wau e hai i keia, Ina wau e halawai me ia i keia la e hana aku no wau iaia me he mea la aole wau i halawai mua me ia.

            A heaha hou ae na mea i koe o loko o ka buke hoomanao?

            Ae, e Sir Ulike, he mea nana wau i halawai mua me ia.

            A heaha hou ae na mea i koe o loko o ka buke hoomanao?

            Ae, e Sir Ulike, he mea nana wau i hoopahaohao, hahai aku la keia i na mea a lakou i kamailio ai i loko o ka hale inu bia, a aole hoio oia wale, aka, i kuu hoi ana mai, hai maila ke kiai puka iau, ilaila no ua n@au kanaka nei, olelo aku ai e kahea ae au e hele hoole maila laua a ukali ae no mahope.

            A in a pela ua makemake loa wau e ike ia oe.

            A i ka ukali o Sir Ulike, o Merlina kona inoa.

            A heaha ko laua makemake ia oe e Merlina?

            E hai aku wau ia oe e kuu haki i ko'u manao no laua.

            Ae, no ka mea, he pololei kau koho in a o hahi poe.

            O keia mau manao, aole wau i koho i ka wa hookahi, aka, uahoao liihi mai no iau a hiki i ka akoakoa ana a hooholo iho wau i ko'u manao, oia maoli no.  A penei no ia.

            O keia mau kanaka ke ekena laua no kekahi poe, a ua imi lau no kekahi mea o kona inoa o Merlina iloko o na makahiki he umi mamua ae nei kona hele ana malalo o Sir Manakepa no Sepania.

            Aha, ua ninau mai aeni laua ia mea.

            Ae, nana pono laua iau a ike ole mai no hoi laua o wau ka laua mea e imi nei, a ninau mai in a he Merlina e ae no kekahi i hele me Sir Manakepa o Cluny i Sepania.

            Ku ae la keia a hele holoholo ae la iloko o ka rumi a pane maila.

            E Merlina, e hai mai oe iau i ke ano o kela mau kanaka.

            Hai aku la keia e like me ka mea hiki.

            Ninau hou aku la no keia, e Merlina ua ike ae nei oe i kekahi kanaka nui me ke kapa o ka poe kalepa, e hele aku ana mai loko aku o ko kakou puka paa aku iloko anei o hookahi hora i hala?

            Ae, a i ninau mai nei ia oe i ka wa e ike ai ia oe, hahai aku nei au hookahi hora mai keia wa aku.

            A heaha hou ae ana mea i ninau mai nei, a pehea kona ano i kau hoomaopopo aku?

            Ua like me ke kanaka o ke ano aole nona ponoi iho, a iaia i hoomaka aku ai e hele ua ike pono aku la au i kona lauoho ponoi maloko iho o ka lauoho kui.

            A aohe au mea e hoomanao ae ai nona, ma kona ano?

            Ae, ua nana pono mai i kuu kua, i ka puu, a ua hakilo mai i ko'u mau helehelena, a ike pono maila i ou mau maka o ka huli no ia hele, me he mea ua poho kona manao lana.

            Ae, ua hele kino mai ia e ike me kona mau maka, ua hai @aku paha na kanaka on a iaia, o ke kuapuu Merlina o ka ukali i o Sir Ulike o Cluny aole ia o ke kuapuu Merlina i noho pu me na powa o ka mauna o St. Cloude.  A nolaila e kuu hoa;loha maikai ke manaoio aku nei au i kau mau olelo a pau, a in a au e halawai me ia he alo a he alo aole wau e hoohewahewa iaia, me kona kapa kalepa ana i hoanoe ai iaia iho.  Ae e Merlina o kela kanaka o ke alii powa o ia o Tarquina o Iura, a o na kanaka kela on a, a e makaala oe i na oe e ike ia lakou hai mai oe iau.

            A ma ka inoa o na lani, e hai mai oe i ke ano o keia e kuu haku.

            Oia ka kaua mea e imi aku ina he hiki.  A heaha na hana o keia la, ua lohe mai nei oe?

            O kau mea i lohe mai nei, e hoohakaka ana na koa o ka emepra i keia la mawaho aku nei o ke kulanauhale ma ka akau aku nei, a e hiki hou mai ana o na puali koa hou malalo mai o Rine.

            Aole ka paha oe i ike iho nei i ke kauna i keia kakahiaka?

            Aole.

            Aia paha @aia ka papa kuhikuhi on a hana o ka la.

            Ilaila nae oia i ka ponei?

            Ae.

            I lohe mai nei oe ia wai, ilaila oia i ka ponei?

            Ina koa kiai o ka Emepea.

            Ae, a e hele oe e nana pono i na lio i makaukau, a mai poina oe i kela mau olelo au i olelo aku nei ia oe, kunou maila o Merlina a puka aku la, huli ae la ka naita a komo aku la iloko o ka lumi kumuao, ia ia nei i komo aku ai ua paa kona kapa, a ua makaukau oia no na hana e hooko aku ai, a pane maila oia, e kuu keiki, heaha ka pilikia, ai ma kou mau helehelena e hoike mai ana he manao nui kou.

            Pane aku la keia, noho iho ilalo a e hoolohe mai.

            A hahai aku la keia i na mea a Merlina i kamailio mai ai iaia, a me na mea ana i ike ai i loko o ka hale inu bia, a pau, pane hou aku la keia, e Likimura kuu hoa'loha maikai i oi ae mamua o ko'u makuakane, e hai mai oe iau, heaha la keia, a no keaha la iloko o na makahiki loihi i kaahope anei i hoopau ole ai nei kanaka i ka imi ana ine kuapuu o Merlina kona inoa?

            E ka'i e kuu keiki, na ka lima e hoiae mai ia kaua, i ka wa e hiki mai ana alaila kaua ike.

            Aole ou manao pela.

            A owa la hoi?

            O ka kaua ia e imi aku, a na ke au o ka manawa e hoike mai, e hilinai mai oe iau no ka wa pokole e kuu keiki e Ulike, a mahope aku aole au me e kanalua ai, Ina ua pololei kau ike, aole no paha i lohi loa ka manawa, e hoopomaikai ana ia oe.

            Ua lawa aku la ia manawa hooluolu nou, aka, e hoomanao oe ia Tarquin, aole no paha ia e ike i ka Merlina kahiko in a laua e hui ana, a e malama oe ia oe, a e ao aku iaia.

            Aole la oe e hai hou mai ana iau?

            Aole, e Ulike, kuu haku.

            Maikai i pane aku ai ke keiki me na maka hoihoi me he mea la ua hoomalamalama ia mai ko ia nei ala.

            A ia laua nei e kamailio ana, u akani maila ka bele aina kakahiaka, a ua naue aku la laua nei no ka hoopiha ana i ko laua mau houpo.

            Ia laua nei i hiki aku ai iloko o ka rumi anina, e ku mai an ake kauna no ke kali ana a akoakoa mai kona poe ai, ike maila ke kauna ia laua nei, hookipa aku ia aku la laua nei me ka hanohano i oi ae i kona mea a pau, a i ka papaaina hoi hai mai la ke kauna i na lealea o ka la e hiki mai ana, oia hoi ka hookuku ana o na moho.

            Ua makemake nae oia e ike i oia ko ka moi makemake e ike i na naita a pau.  O kona manao maoli nae na na koa Germani e wehe na hana, aka, aole nae ia kona manao maoli makemake nae ia nana no e wehe na hana o ka la.

            No ke aha hoi i lilo ole ai ia ka hope iho ia Geremania?

            Na ko kakou moi hoi paha i aa aku nei.

            A no ke aha kona mea i hana ai pela?

            I ka pau ana ae o ka lakou paina ana, komo mai ana o Olanka ka ke kaua kauwa lawelawe ponoi o ke keiki opio no na makahiki he umi-kumamalima, he keiki i aloha ia a i pnahele ia e ka poe o loko o ke kakela o Cluny, a mawaena o laua nei a me Ulike he hoa'loha loa laua nei, nana pono aku la keia i ka naita a pane ae la: a no ko ia nei makemake kekahi e lohe ia na hana e kela poe i maopopo ia lakou la ke ano maoli o na naita.

            Ia wa i kau mai ai na maka o ka lehuhelhu maluna o ka naita opio, ike aku la keia i ko lakou nena pono mai, pii ae la ka ul@ ma ko ia nei mau papalina, ike maila ke kauna a pane mai la i ke keiki.

            E kuu keiki, ua ili mai keia mau hewa maluna ou, aka, aole e hiki ia oe ke alo ae, oiai, ua kui aku kou kaulana ma na wahi a pau, he kaulan@ poe a pau i hele mai nei e ike maka i ke koa kaulana.

            E ike au pela i na aole au e hele mai i ke la Chapelle nei, aole no kuu makau wale, in a e hele mai ana kekahi mea i mua ou me ka manao maikai, in a la ua pono, aka, elike me ka kaulana o kuu inoa, pela e komo ai ka manao lili iloko o lakou, a haawi mai i ko lakou lima imua ou, aka, o ko lakou puuwai he okoa.

            Ina he elua mau onohi maka palupalu e nana mai ana i ka moho o ka la, alaila mama kau mau hana oiai aohe mea e like me ia, in a he mea ka kou puuwai i anoi ai a oia kekahi e nana mai ana, alaila e hooi ia aku no kou ikaika i ko wa mamua.

            Ia wa i kami iho ai o Ulike i kono umauma.  Puana ae la oia @ keia mau hua olelo, in a o ka mea au i aloha ai kekahi malaila alaila e oi ae no ka ikaika o ko'u mau lima i ka wa mua.

            (Aole i pau.)

 

Lutanela Roge

--KE--

Kiu o ke Kaikuono

O MOBILE.

--

Ke Kiu a Admirala Fargata

i hoouna ai e Ana a e huli i

na TOpido ma ka Papaku o

ke Kaikuono o Mobile.

--

He Moolelo iloko o ke Kaua

Kuloko o ka Akau me

ka Hema.

--

KE KAIKAMAHINE WIWO OLE MA KE

ALA O KA HOOPAKELE.

 

ONA manaolana ana a pau no ka holopono o ka ke kaikamahine huakai imi o ke ola no ka hoopakele ana i kana ipo aloha Lutanele Roge e paa la iloko o ka halepaahao, aia no ia maluna o Mekia Noutana a me keia leta apuka.  He make ka hoopai o ka mea nana e paa ana ka leta in a e loaa ka manao hoohuoi i ka Mekia, a oia na haaolelo weliweli e kau mai nei imua o ke kaikamahine i kela manawa ana e iho la no ka halepaaheo.

            O Mekia Noutana, Ilamuku o ke kulanakauhale o Mobile, he kanaka ia i ike mua ole ia e Edita, koe wale no ka lohe i kona inoa a me kana hana.  E hoomanao ia ma kana mau lawelawe ana, aia he hilinai nui o ka mana kaua o Mobile maluna on a, a he mea hiki ole i kekahi kanaka manao kolohe ke hoao e ku ma ke kulana o ka hoopunipuni i ka Mekia, oiai, aia maluna o kona mau helehelena na hiohiona o ka weliweli, a aia hoi ma kona leo e loaa ai i kekahi kanaka ka haalulu i kona wa e kamailio mai ai.

            He hapalua hora ka manawa o ke kaikamahine o ka iho ana, ua hiki aku la keia mawaho o ka ipuka o ka halepaahao a hui me ke koa kiai e holoholo ana, ua hele koke mai la ke koa a kau pololei mai la i ka elau o kana pu imua o ke kaikamahine, me ka pane ana mai i keia mau olelo--

            "Owai oe?  A heaha kau hana ma keia wahi?"

            "Ua makemake au e ike ia Mekia Noutana," wahi a ke kaikamahine i pane aku ai.

            "O! Ua makemake oe e ike ia Mekia Noutana," wahi hou a ke koa kiai i pane mai ai.  "Aohe o'u manao e ike ana oe i ka Mekia, in a o na hora o ke aumoe kou wa e hele mai ai."

            "Aka, u makemake au e ike iaia i keia manawa," wahi hou a ke kaikamahine me ka leo o ka hookuoo nui.

            "E pane mai i ka'u ninau mua e ke kanaka malihini.  Owai oe?  A heaha kau hana ma keia wahi?"

            "O Kapena Buluka au, a eia wau malalo o ke kauoha mai a Mekia-Kenela Levieta mai, Alihikaua Nui o Mobile nei."

            "O!  Ina pela, e kala mai oe ia'u e ke Kapena no ko'u hoolauwili ana ia oe ma ka ninau," wahi a ke koa kiai i pane mai ai me ke ku ana ae ma kekahi aoao o ke alanui a pane hou mai la i ke kaikamahine--

            "E komo mai e ke Kapena."

            Ua komo aku la keia iloko o ka pa halepaahao me ke alakai pu ana aku a ke koa iaia nei a hiki i ka lanai o ka hale, huli mai la a pane i keia mau olelo--

            "E hele pololei ma keia lanai a hiki i ka wa au e ike ai i ka puka mua ma kou aoao bema, e komo aku iloko a e ike no oe i ka Mekia."

            Ia manawa i hele hookahi aku ai ke kaikamahine ma ka papahele pohaku o ka halepaahao, a na ia mea i hapai ae ka hoomanao, a na ia mea i hapai ae ka hoomanao iloko on a, o kana mau kuko ana i kekahi hora i hala hope ae no keia huakai o ka hoopakele, ua hiki io mai la oia i @a wahi @a kahi ana e olelo ai iaia iho, o ka weliweli a me ka make, eia laua elua mea o kona alo i keia manawa.

            Ua hiki aku la keia i ka ipuka mea ma kona aoao hema, a e kau ana na huaolelo maluna o ke pani puka,

"Keena o ka Ilamuku."

Ua wehe aku la keia i ka ipuka a komo ana iloko o keia rumi i hele a pouli pu i ka uwahi puhi paka.  Aole keia i ike koke aku i kekahi kanaka iloko i kela manawa, oiai, he wahi kukui ihoiho ke a hopipi ana maluna o kekahi pakaukau ma ke kihi o ka rumi, a i ko aianei nana pono ana aku a me ka ma-o pu ana ae o ka uwahi, ua ike aku la ke kaikamahine i kekahi kanaka nui me ka lole k@a o na koa kipi o ka Hema e noho ana maluna o kekahi noho laau, a hoomanao iho la oia, o ua Ilamuku nei paha keia e noho nei, hele koke aku la o Edita a ma ka aoao o ua kanaka la pane iho la i keia mau olelo--

            "Ua manao au, o Mekia Noutana paha oe?"

            "Ae,--sir," wahi a ua kanaka la i pane mai ai me ka leo koikoi, a hapai pu ae la i kona mau wawae mai luna mai o ke pakaukau, a wehe ae la hoi i ka ipupaka mai kona waha a paki liilii aku la ke kuha ma ka paia me ka pane hou ana ae i keia mau olelo @@

            "Owai keia kanaka malihini i loaa ka hanohano o ke kamailio ana mai ia'u?"

            "O Kapena Bulaka au ma ka inoa, kekahi o na ukali ponoi o Mekia Kenela Levieta no ka manawa," wahi a ke kaikamahine.

            "O! He kauoha ka ke Kenela, --ea?"

            "Ae,--sir."

            Ua wehe ae la ke kaikamahine i ka leta kauoha apuka a haawi aku la i ka Mekia, oiai oia i puhi ae ai i ka uwahi paka mamua o kona alo.

            "Heaha hou la keia kauoha a ua Kenela Nui nei.  Ha, ha, ha," wahi a Noutana i pane ae ai a hahae i ka wa-hi o ka leta kauoha.

            Ua heluhelu iho la oia i na manao o ua leta kauoha la me ka makaala ia aku e ke kaikamahine e ku nei me kona mau manao o ka pihoihoi, oia ka Noutana i pane ae ai ma kahi o ka leta e olelo ana, ua hopu hewa ia ke kanaka kiu me keia mau olelo--

            "A-he!  Ua hopu hewa ia keia kanaka kiu,--e?"  wahi a ka Mekia i pane ae ai me kona leo koikoi, a hoomau aku la no oia i ka nana ana.

            "Ua makemake pu e hoihoi aku i ke kanaka pio i kona kahua hoomaha," wahi hou a ka Mekia i pane ae ai me kona nana hoomau no i ka leta kauoha apuka.

            "I ka manawa hea la o keia po ka hoomaopopo ano  o Kenela Levieta i kona kuhihewa iho?" wahi hou no a ka Mekia ia pane mai ai me ka hoomau no i ka nana i ka leta.

            "O oe hookahi wale no anei e Kapena Buluka ma keia huakai?"

            "Ae,--sir," wahi a ke kaikamahine i pane aku ai.

            "He malihini loa oe i ka'u ike e ke Kapena.  Pehea ka loihi i kou komo ana iloko o ka oihana koa?"

            "He ekolu mahina."

            "Oia no ka'u i manao ae nei he malihini loa oe ia'u," wahi a Noutana i pane mai ai a heluhelu hou iho la i ka leta kauoha apuka no ka manawa elua.

            O keia na minute o ka pihoihoi loa o ke kaikamahine ma o keia heluhelu elua ia ana o ka leta, a ua pii ae ka haalulu ma kona kino me ka hiki pono ole iaia ke ku ma kona mau wawae.  Ua kali iho la oia me ka malie no ke ola a me ka make, a hiki i ka wa i pau ai o ka heluhelu ana a Mekia Noutana, hoohuli ae la i kona noho a pane mai la i ke kaikamahine--

            "Bai-Keoki,--Ua haawi mai nei o Kene@a Levieta i kena hilinai piha maluna oa hookahi, no ka lawe ana i kekahi kanaka pio malalo o ke ahewa eleele loa he kiu.  Aole loa malalo iho o ka la e lawe ia kekahi pio i manao nui loa ia malalo o ka malama ana a ke koa hookahi.  Pela ke ano o ke kauoha, a ua kauoha ia au e hooko koke aku i keia manawa."

            Ua haawi like ale laua i ka nana pono ana o kahi i kekahi, me ka pane leo ole no kekahi mau minute.

 

NA MKKAI KIU

--o--

Amerika a me Europa.

--

HE LEI DIAMANA I AIHUE IA ME KE

AKAMAI LOA.

 

            "I ke ahiahi ana iho, hoea ana au i Cologne, a hele aku la au i ka Hotele de Bonn, he hotele kokoke loa keia i kahi hookio o na kaamahu, a oiai hoi oia kekahi o na hotele maikai loa malaila, a ua maa hoi au ma na hotele maikai loa wale no ua mau kolohe nei e noho ai, hooholo iho la au e noho malaila.

            "I ko'u huli ana i ka buke inoa o ua hotele nei, aohe loaa iki ia'u o kekahi o na inoa a'u i lohe ai ke kaahele nei laua me ua mau inoa la, oia hoi na inoa o ka Haku Sheffield, Mr. Dumont a iole Mr. Braun, a aohe no he mea o loko o ua hotele nei i like na hiohiona me ko ua mau kolohe nei.

            "I ko'u ike ana i ka nele ma keia hotele, hele aku la au ma na hotele e ae e huli ai, a i ko'u kaahele ana pela a hiki ma ke kau wahi o ke taona lohe ana au i ke kani o ka bana, a i ko'u hookolo ana aku ma kahi o ke kani e pa e mai nei, hoea ana au i ka Hotele Bellevue--he hotele keia, ke ku oe maloko o kona mau kihapai, e ike ana oe i ka nani holookoa o ke kulanakauhale, a pela pu hoi oe e ike ai i ka nanai o ka muliwai Rhine, me kona uwapo kamahao.  He mea mau ma keia wahi, i na ahiahi a pau o kela a me keia kau, ke kani mau ana o ka bana iloko o ke kihapai o ua hotele nei, no ka hoolaulea ana i na malihini a pau e hiki mai ana malaila, a oia keia o ka hana e puhi nei i ua po la a'u i hiki aku ai malaila.

            "I ko'u hiki ana aku malaila, alawa ae la au ma o a maanei, e hoohalikelike ana au i ke ano o kela me keia mea a'u i ike ai malaila me na helehelena o ka'u mau mea e huli nei, a no ke ano huihui loa mai o ke kehau po, haalele aku la au ia waho a komo aku la iloko o ka hotele, a oiai au e kakau ana i ko'u inoa ma ka buke inoa o ua hotele la, me ko'u hauoli piha ike iho la au i ka inoa o Mr. Braun a me kana lede maloko o ua buke nei.  Manao loa iho la no au o ua mau kolohe nei keia, oiai o ka inoa keia o ke kanaka e hele pu nei me ke kaikamahine a @kuu haku i ke pu ia ai ma ke kulanakauhale o Napela.

            "Ninau aku la au i ke kupakako, a hai mai la kela o ka hiki ana mai no ia o na mea nona ia mau inoa i ua la nei, a ke noho nei laua ma kekahi rumi o loko o ua hotele la, a aole hei oia wale no, aka, i keia minute a'u i ninau aku la, o ko laua komo koke ana iho no ia mai waho mai o ka hotele, a me he la in a wau e hele aku ana e huli, e loaa aku ana laua i'au iloko o ka rumi hookipa.

            "I ko'u lohe ana i keia, komo aku la au maloko o kekahi rumi okoa e hooponopono ai i ko'u aahu, a i ka pau ana hele pololei aku la au a komo an ailoko o ka rumi hookina, kahi a ua mau mea nei e noho ana, me ka haawi ole aku ia laua i kumu e hoohuoi mai ai i ko'u ano.

            "I ko'u komo ana aku, ike aku la au i kekahi lede opio e noho mai ana ma @a puka aniani, a o na helehelena a pau maluna on a ua like ia me ko ke kaikamahine i ike ia ma Napela me 'kuu baku,' a ike pono iho la au i ka ui maoli o ua kaikamahine nei.  O ke kane hoi e kamai@o pa nei ia aohe kulike o kona ano me ko ua 'haku' nei, ne okoa loa ke ano o na maka, ka ihu, ka waha, ka umiumi, a pela aku.   No keia mea, komo mai la ka noonoo iloko o'u ua huhewa hou no au, oiai he mea maopopo loa ma ka'u ike aku, 'aole keia o ke kanaka a'u i manao ai e hahai e hopu.

            "Aohe i liuliu iho mahope o ko'u komo ana aku hoomaka iho la ua kaikamahine nei e hookani i ka piano, a e like no me kona wawa ia ma Napela i ke akamai ma ka hookani ani ma @a piano, pela no keia a'u i ike pono iho la.  Oiai oia e hookani ana, haule iho la kekahi apana pepa mele ana mai