Ka Nupepa Kuokoa, Volume XXVII, Number 36, 8 September 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

No ka Makahiki,............................$2.00

No Eono Mahina,............................ 1.00

- KUIKE KA RULA. -

Poaono...................Sepatemaba 8, 1888

 

Haawina Kaula Sabati.

HAPAHA EKOLU.

HAAWINA XXX Sept. 23, 1888.

Ka make a me ke kanu ia ana o Mose  Kan 34:1 - 12.

  PII aku la o Mose mai na papu aku o Moaba ma ka puu o Nebo, maluna pono o Pisega, e ku pono ana i Ierido: a hoike mai la o Iehova iaia i ka aina a pau o Gileada a hiki i Dana.

 

  2  Me ka aina a pau o ka Napetali, a me ka aina o ka Eparaima, a me ko ka Manase, a me ka aina a pau o ka Iuda, a hiki aku i ke kai ma ke komohana.

 

  3  A ma ke kukulu hema, a me ka papu o ke awawa o Ieriko, ke kulanakauhale pama, a hiki i Zoara.

 

  4  Olelo mai la o Iehova iaia, Eia ka aina a'u i hoohiki aku ai ia Aberaia Isaaka.  ia Iakoba, i ka i ana aku: Na'u no ia e haawi aku i kau poe ma mo; ua hoike aku au ia i kou mau maka, aka, aole oe e hele aku ilaila

 

  5  A make iho la o Mose ke kauwa a Iehova ilaila, i ka aina o Moaba, e like me ka olelo ana mai a Iehova.

 

  6  Nana no i kanu ma kekahi awawa ma ka aina o Moaba, e ku pono ana i Betepeora, aka, aohe kanaka i ike i kona wahi i kanu ia ai a hiki i keia manawa.

 

  7  Hookahi haneri a me ka iwakalua o ko Mose mau makahiki i kona manawa i make ai; aole i powehiwehi kona maka, aole hoi i emi kona ikaika.

 

  8  Auwe iho la na mamo a Iseraela ia Mose ma na papu o Moaba i na la he kanakolu: a pau iho la na la o ka uwe ana a me ke kanikau ana ia Mose.

 

  9  A o Iosua ke keiki a Nuna, ua piha ia i ka Uhane e naauao ai; no ka mea, ua kau aku o Mose i kona mau lima maluna iho ona: a hoolohe aku la na mamo a Iseraela iaia, a hana aku la e like me ka Iehova i kauoha mai ai ia Mose.

 

 10  Aole i ku mai ke kaula ma ia hope mai iloko o ka Iseraela e like me Mose, ka mea a Iehova i ike mai ai, he maka no he maka.

 

  11  I na hoailona a me na mea kupanaha a Iehova i hoouna mai ai e hana ma ka aina o Aigupita, ia Parao.  i kana mau kauwa a pau, a i kona aina a pau.

 

  12  I ka lima ikaika loa, a me ka mea makau nui loa a Mose i hoike aku ai imua o na maka o ka Iseraela a pau.

 

PAUKU GULA.

  O ke ola o ka poe pono, ua like ia me ka malamalama e aa ana, e mahuahua mau ana i ke awakea loa.  Sol. 6: 18.

 

NA HELUHELU LA.

Poakahi           Nah. 21: 135.

Poalua             Nah 22   1-41

Poakolu             "    24   1-25

Poaha                "    32   1-33

Poalima            Kan 32   1-44

Poaono              "    33   1-29

Sabati                "    34   1-12

 

  I  Ka moolelo a Mose.  I nahea ka hanau ia ana o Mose?  Mahea?  Owai kona mau makua?  E hai mai no kona wa kamalu.  Nawai i hanai iaia a ao aku iaia ma na pono uhane?  Mahea ke ao ana i ke akamai o ko Aigupita?  Heaha kana koho ana i ke kanaha o kona mau makahiki?  Mahea ka hele ana, a noho aku ai he kanaha makahiki?  Owai kana wahine?  Heaha ka hana i kau ia maluna ona?  Ehia makahiki ma ke alakai ana i ka Iseraela?  E hai mai i kekahi mau mea ano nui ma ka moolelo o Mose.

  II  p. 1-4.  Ko Mose ike ana i Kanaana.  No keaha ka ae ole ana ia Mose e komo ma ia aina?  Heaha nae ka mea i ae ia iaia mamua o kona make ana?  Mahea kona hele ana e nana i ka aina?  Owai kahi ana i ike ai?  Heaha ka olelo hoohiki ia Aberahama?  Kin. 12:7; 17:1-8.  Ua ae anei ia kakou e nana i Kanaana Hou?  Hoik. 21: 1-27; 22:1-3.  Pehea ka hoike ana no ke ano hou ana o ke ao nei?  Io. 10, 61  Dan. 7:17.  Ir. 4:1, 2.  Hoik. 21: 1-3.

  III.  Na la hope o ko Mose ola ana.

  Mahea ka make ana o Mose?  Nawai i kanu iaia?  Ehia ona mau makahiki?  Pehea ka loihi o ke kanikau ana nona?  Owai kona panihakahaka?  Pehea ka hoolaa ana ia Iosua no ia hana?  Nah. 27:18-23.  Heaha ka olelo a Balaama no ka make ana o ka poe pono?  Nah. 23:10.

  IV.  Ko Mose ano, 10-12.  Heaha ka olelo no Mose ma ke ano kaula?  Owai na buke a Mose i kakau ai?  Heaha kekahi mau hana mana ana i hana ai?  He luna aupuni anei?  he loio anei, he haku mele anei?  Heaha kekahi mau haawina i ao ia mai ma ka moolelo o Mose?

  V.  Heaha ka Mose olelo i kanaka?  Kan. 18:15:18.  Oih. 7:37, 38.  Ua ike ia o Mose e wai i ko Iesu noho ana ma ke ao nei?  Mat. 17:2, 4.  Mar. 9:4, 5.  Heaha ka Iuda olelo no ka make ana o Mose?  p. 9.

  1.  Ua ae mai ke Akua e ike kakou i ke ano o ke Kanaana Hou.

  2.  Ka mea no ia e lana ai ka manao a e hoeueu ia kakou e hoomau aku i komo ma ia aina.

  3.  Pomaikai ka poe i make iloko o ka Haku.

  4.  Ina e ake ana e make i ka make o ka poe pono, e aloha ia Iesu a e hana i kona makemake.

  5.  Make no na kauwa, mau no nae ka hana.

  6.  E hooikaika i like me ka poe pono i hala e mamua.  Ua lanakila lakou ma o Iesu la, a ma ona la e lanakila ai kakou.

 

Hoole Waiona.

(Na ka Ahahui W. C. T. U.)

  Ma Kaleleonalani, oia hoi o "Ema Hale" ma Honolulu.

  He halawai i kela me keia Poalima hora 7:30 o ke ahiahi.

  He halawai Hoole Waiona, o ka Ahahui o ka Lipine Bolu o Honolulu.

  Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule.  Pela no me aa malihini mai na mokupuni e mai, e komo a hui me makou ma keia hana kuonoono, "No ke AKUA a me ka HOME, a me ka AINA HANAU."  !!

 

(W. C. T. U.)

Auwe ka poe e ala ana i kakahiaka nui

e inu i ka mea awaawa,

A kakali hoi a molehulehu, i wela ai

lakou i ka waina,

O ka mea kani, a me ka lira,

O ka pahu kani, a me ka hokio,

O ka waina kekahi ma ka lakou ahaaina;

Aole lakou manao i ka hana a Iehova;

A o ka hana hoi a kona mau lima,

aole lakou i ike.

Nolaila, hele pio aku la ko'u poe kanaka

no ka ike ole.

Auwe ka poe ikaika i ka inu waina,

A me na kanaka ikaika i ke kawili i ka

wai awaawa e inu ai

No ka mea, ua haalele lakou i ke kanawai

o Iehova o na kaua,

Ua hoowahawaha hoi i ka olelo a ka

Mea hemolele o ka Iseraela.

Aole na na 'lii, e Lemuela e,

Aole na na 'lii e inu i ka waina,

Aole hoi na ka poe aialo e inu i na

mea ikaika;

O inu lakou a hoopoina i ke kanawai,

A kapae i ka pono o ka poe pilikia.

 

HE HOOMANAO WALOHIA.

  I ka makahiki 1871 ka hoi ana ae o ka makua Rev. A. O. Polepe i kumu no Lahainaluna; oiai ma ka pau ana o ko makou hoike nui ma ka mahina o Mei, ua waiho mai o Rev. C. B. Andrews a me Rev. M. Kuaea i ko laua noho kumu ana no ke kula.  Ua hoi aku o C. B. Anaru i kumu no ke kula hanai kaikamahine o Maunaolu, a o M. Kuaea i kahu no ka ekalesia o Lahaina.  Koe hookahi iho la o S. E. Bihopa, Peresidena o ke kula, a ma kona noonoo pono ana, ua kono pono oia ia A. O Polepe a me J. Nuole i mau kumu ma kahi i hoohakahaka ia.  O ka puka ana aku no ia o Makaimoku.  I ko laua hoau mua ana i na hana o ke kula, ua like ia ua haawi laua i ko laua naauao a pau no ka pomaikai o ke kula.

  Ma ka Polepe mau haiolelo a pau ua manao au aole he hookahi haumana i nele i ke kope ana i kana iwi hai ao.

  Aohe makemake o Polepe i ka iwi, aka, o k io wale no o ka manao; nolaila, ua kaomi pono ia na kumu manao heluhelu ma na Poakolu a pau.  Ua kaa no hoi ia Polepe ka hapanui o ka hooponopono ana i na haiolelo a na papa ekahi, no ka haiolelo i kai o Wainee.

  Nolaila i kekahi manawa mamua o ko'u hoike hope loa, ua hele aku au me kekahi mau hoa o'u imua ona no ka hooponopono ai mal o ka makou mau kumumanao, oiai ke kokoke mai nei la e kau ai i ka lele.

  Ma kona nana ana mai mua a hope o ka'u kumumanoo.  ua olelo mai oia "he iwi haiao maoli keia, a o ka hana i koe e hoopaa aku."

  Ua noho hana au me Polepe ma ke ano ohua haole a hiki i kuu puka ana mai ia kula mai.

W. N. P. KAUHI

 

KA A. O. I. P. K. O KAUNAKAKAI, MOLOKAI.

  Ma ke Sabati o ka la 19 o ka mahina i hala i noho halawai ai keia ahahui nona ka inoa e kau ae la maluna o Kaunakakai, ma ko lakou keena halawai mau no ka piha makahiki e like me ke kumukanawai, a ma ia la no hoi ua waiho ae na luna nui o ka ahahui i ka lakou mau hoike.  Ua piha ka luakini o Mokuola me na lala o ka ahahui no lakou ka huina i hiki aku maluna o ka haneri.  Mahope o ka pau ana o na hoike a na luna nui o ka makahiki i hala, ua lokahi ka ahahui e koho hou i man luna nui no keia makahiki, a ua koho lokahi ia keia mau inoa malalo iho:

            S. N. Pahupu, Peresidena.

            Jos. Koa, Hope      "

            Jos. Uahinui, Kakauolelo.

            J. Kauakahi, Puuku.

            D. Kuimehana, Hoa.

  Nolaila, e na opiopio o ua lai nei, e ala a e ku iluna a e hele mai  i ko kakou betera i na manawa halawai a pau e kahea ia aku ai e like no me ko kakou mau, i mau ai no ke o ana o kela mau huaolelo, "Ua mau ke ea o ka aina i ka pono."

JOS. N. UAHINUI.

Kaunakakai, Molokai.

 

HOOLAHA HOU.

 

HOOLAHA HOOKO MORAKI

  I KULIKE AI ME KEKAHI MANA Kuai i hana ia maloko o kekahi moraki mawaena o Emma Aylett me Louis James Aylett kana kane mare, ia Geo. S. Houghtailing ka mea moraki mai, i hana ia ma ka la buke 96 ma ka aoao 273 me 274,  Ke hoike nei keia hoolaha e hooko ia ana ia mana kuai o ua moraki la i olelo ia mamuli o ka uhaki ia ana o na kumu aelike, oia ka uku ole ia o ka ukupanee, a e kudala akea ia ana ka aina a me na pono maluna iho ma kahi a me ka manawa e hoike ia aku ana, ma ua moraki la i olelo ia e like me ia malalo iho.

  No na mea i koe e ninau ia S. K. Kaeo, he loio ma ke kanawai.

GEORGE S. HOUGHTAILING.

Honolulu ,  Aug. 30, 1888.

 

  Penei ka aina e kuai ia ana:  O ke kuleana a pau loa o L. J. Aylett i kela apana aina e waiho ana maloko o Kaliu i Honolulu ma ka mokupuni o Oahu, oia hoi ka apana aina kuleana Helu 1092, a Palapala Sila Helu 2247 i hooko ia no Mary Ann Aylett, &c Penei na palena o ua aina la:  E hoomaka ana ma ke kihi hem.  makai o keia pili o Kalehua, a me Kapena aina a e holo ak. 23 deg. hik. .40 pauku ma ko Kalehua, ak. 2 deg. kom., 1.33 kaul. ma ko Kalehua ak. 65 1/2 kom., 1.27 1/2 kaul.  ma ko Kalehua hem 11 deg. kom., 1.63 kaul. ma ko Kapena,  hem. 70 deg. hik. .80 pauku ma ko Kapena hem. 57 1/2 hik. .68 pauku ma ko Kapena a hiki i kahi i hoomaka ai.  A maloko o ia apana he 48 1/2 roda oi iki aku a emi iki mai paha.                             2196  2t

 

  AHA HOOKOLOKOLO APANA EHA o ko Hawaii Pae Aina.  Ma ka hooponopono Waiwai.  Ma ka Waiwai o Kilouano Kumahakaua, (k.) i make kauoha ole.  Imua o ka Lunakanawai Kaapuni, ma ka keena.

  Ma ka heluhelu a me ka waiho ana mai o ka Palapala Noi a Mrs. Lilia Kumahakaua, e hoike mai ana o Kilouano Kumahakaua, (k.) no Waimea, Kauai.  ua make kauoha ole ma Waimea, ma ka la 31 o Okotoba, H. M. 1887, a e noi e haawiia ka Palapala Hookohu Luna Hooponopono Waiwai ia D. Kua (k.)

  Ua kauohaia o ka POAONO, ka la 1 o SEPTEMBER, M. H. 1888, i ka hora 10, oia ka manawa i kohoia no ka holohe ana i ua noi la, imua o ua Lunakanawai la, ma ke Keena Hookolokolo o keia Aha, ma Koloa, a ma i1 manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua Noi la.  A o keia olelo kauoha e hoolahaia ma ka olelo Hawaii, i ekolu pule ma ka KUOKOA, nupepa ma Honolulu.

  Kakauia ma Koloa, Kauai, ko Hawaii Pae Aina, August 1, H. M. 1888.

JACOB HARDY,

Lunakanawai Kaapuni Apana Eha.                                                                          2193  3t

 

HOOLAHA HOOKO MORAKI

  Ke hoolaha ia aku nei, i mea e kulike ai me kekahi mana kuai i hoikeia ma ka Palapala Moraki i hanaia ma ka la 12 o Augate, 1885, mawaena o Haaheo w a me Kaaihue kana kane mare, no Laie, Koolauloa, mokupuni o Oahu, ia James R Holt, Jr. no Honolulu, Oahu, a i kakau kope ia ma ke keena o ka Luna Kakau Kope, ma ka Buke 94, aoao 395 me 396.  me ka hoopaa ia ana ia A. J. Cartwright, Kahu malama waiwai o R. W. Holt, ma ka palapala hoolilo aku i hanaia i Maraki 21, 1887, ai kope ia ma ka Buke 105 aoao 91 me 92, a no ka uhai ia ana o na kumu aelike i hoikeia ma ua moraki la, oia hoi ka uku ole ia ana o ke kumupaa a me ka ukupanee, nolaila, e kuai kukala akea ia aku ana mahope iho o ka pau ana o ka manawa i hoikeia ma ke Kanawai, ma kekahi manawa e hoike ia aku ana mahope, na aina, na hale a hale a me na mea a pau i hoike ia ma ua moraki la, no na kumu i koike mua ia ae la.

  O ka aina i hoikeia ma ka moraki, oia no kela aina e waiho la ma Laie, a i hoakakaia na palena penei:

  1  Kela mau apana aina a pau nona ka ili 1 7-100 eka, a i hoakaka loa ia ma ka palapala Sila Nui Helu 929, Kuleana Helu 3809 ia Laielohelohe.

  2  Kela mau apana aina a pau nona ka ili 2 33-100 eka, a i hoakaka loa ia ma ka Palapala Sila Nui Helu 1302, Kuleana Helu 4270 ia Keao, a oia no na aina i hoolilo ia mai ia Haaheo i oleloia e Manaia ma ka palapala kuai i hanaia ma ka la 1 o Ianuari, 1884, a i kope ia ma ka Buke 94, aoao 394 me 395.

A. J. CARTWRIGHT.

Kahu Malama Waiwai o R. W. Holt a me ka Moraki.

J. M. MONSARRAT.

Loio o ka Mea Moraki.

Honolulu ,  Aug. 18, 1888                                                                           2192  4t

 

HALEKUAI BIBI HONOLULU.

(Hope o Wm. McCandles.)

HELU 6, ALANUI MOIWAHINE, MAKEKE

MA ULAKOHEO.

Na Bibi momona, Hipa, Puaa me Ia, na lako

ai ulu & co.

O na kauoha a na ohana a me na moku mai

e hooko koke ia no me ka eleu a me ka hikiwawe.

O na holoholona ola no na moku e hiki no ke

hooko koke ia.

Telephone Helu 212                 3185  tf

 

HOOLAHA HOU.

 

HOOLAHA A KA LUNA HOOKO

  Ua koho pono ia ka mea nona ka in@i malalo i2 nei. I Laua Hooko no ka Waiwai o Henry Jacob Hart i make o Honolulu, Oahu.  Ke hoolaha ia aku nei ma keia no na poe he mau koi ka akou e hoike koke mai me na hooiaia kupono, ina ma ka moraki a me kekahi ano e ae pani iloko o na mahina nono mai keia la aku o hoole loa ia auanei.  A o na poe i aie i ka mea make.  ke kauoha ia aku nei lakou e hookaa koke mai ma ke keena oihana o A. J. Cartwright.  Helu 13 alanui Kaahumanu

A. J. CARTWRIGHT.

W. C. PARKE

Na Luna Hooko Waiwai o H. J. Hart.

Honolulu , Sept. 1, 1888.                                                                          2196  4t

 

OLELO HOOLAHA.

  E ike auanei na kanaka a pau, owau o ka mea nona ka inoa malalo nei,  ke hoolaha aku nei i ke akea, aa kapu a papa loa ia na mea a pau, aole e komo a lawe aku paha i kani mea moi luna aku o na apana aina i loaa mai ia'u ma ka palapala kauoha a Nahoopii Baker o Lahaina i make.  oia hoi na aina kalo.  kanuko a me pa-hale a me kekahi mau waiwai e ae i hoomaopopo ia ma ia kauoha, e waiho nei ma Lahaina, Maui.

  Ua hoonoho au ia LEWI, oia ka mea nana a hoomalu i kua mau aina kaio.  E hoolohe i keia o pilikia auanei.

ROBT. HOAPILI BAKER,

Lahaina, Maui, Aug. 8, 1888.                                                                    2193  4t

 

HOOLAHA LUNA HOOKO.

  Ua hookohu pono ia ka mea nona ka inoa malalo i Luna Hooko no ka waiwai o Maria King, o Honolulu nei i make, nolaila, ke hoolaha ia aku nei na poe a pau he mau koi ka lakou i ua waiwai nei ina paha malalo o ka moraki a ma kekahi ano e ae paha, e hoike koke mai maloko o na mahina eono mai keia la aku me na hooiaio kupono, a i ole, e hoole mau loa ia aku no.

  A o na poe a pau he mau aie ko lakou, ke kauoha ia aku nei lakou e hookaa koke mai ma ko'u keena Helu 3, alanui Kaahumanu, Honolulu.

A. J. CARTWRIGHT,

Luna Hooko Waiwai o Maria King.

Honolulu , Iulai 31, 1888.                                                                             2192  3t

 

HOOLAHA HOOKO MORAKI.

  I kulike ai me ka mana kuai iloko o kekahi moraki i hana ia e S. Napahukapu, mea moraki, a me Kahale w kana wahine mare o Honolulu, mokupuni o Oahu, ko Hawaii Pae Aina, ia A. Rosa, kahu malama waiwai o ka mea 1 moraki ia aku ai, i hanaia i ka la 13 o Sepatemaba, 1883, i kope ia iloko o ke keena o ka Luna Kakau Kope ma Honolulu i olelo ia, ma ka Buke 84, aoao 479 me 480.

  Ke hoikeia aku nei ma keia, he makemake ka mea i morakiia aku ai, e hooko i ua moraki la no ka uhaki ia o na kumu, oia hoi, no ka uku ole ia o ke kumupaa a me ka uku panee i ka wa e uku ia ai,  a ma ia hooko ana e kuai ia aku ana ma ke kudala i kekahi manawa e hoike ia aku ana ma keia mua aku, i na aina a pau i hoakaka ia iloko o ua moraki la a i hoakaka pono ia malalo iho:

  O ka aina e kuai ia aku ana, oia kela apana aina a pau loa i hoakaka ia iloko o ka Palapala Sila Nui 1505, kuleana 1086 ia Kaui, nona ka ili he 62-100 eka e waiho la ma Kalaepohaku, Kapalama ma Honolulu i olelo ia.

A. ROSA,

Mea i Molaki ia aku ai.

Hanaia ma Honolulu, Augate 13, 1888.                                                     2193  4t

 

AHA KAAPUNI APANA EKOLU.

  Ke hoolaha ia aku nei ma keia, o ka Aha Kaapuni Apana Ekolu o Waiohinu, Kau, Hawaii, ua hoopanee ia a ka Poakahi, Sepatemaba 10, a ke kauoha ia nei lawehala e hiki ae ma ia la, ma kahi mau, aole hoi mamua ae.

L. McCULLY,

Lunakanawai o ka Aha.

 

  Honolulu, Aug. 7, 1888.                                                                            2293  3t.

 

HOOLAHA HOOKO MORAKI

  Ke hoolaha ia aku nei, i mea e kulike ai me kekahi mana kuai i hoike ia ma kekahi Palapala Moraki i hanaia ma ka la 18 o Mei, 1886, i hana ia e S Napahukapu no Honolulu mokupuni o Oahu, ia A J Cartwright, no Honolulu i olelo ia, a i kakau kope ia ma ke keena o ka Luna Kakau Kope ma ka Buke 101, aoao 80-2, a no ka uhai ia ana o na kumu aelike i hoikeia ma ua moraki la, oia hoi no ka uku ole ia o ke kumupaa me ka uku panee, nolaila, e kuai kudala ia aku ana mahope iho o ka pau ana o ka manawa i hoikeia ma ke Kanawai, na aina na hale, a me na mea a pau i hoike ia ma ua moraki la.

  O ka aina i hoike ia ma ka moraki, oia no kela e waiho la ma Kapalama, mokupuni o Oahu, a i hoakaka ia penei:

  Kela apana aina a pau nona ka ili 6 kaulahao kuea (6-10 eka), a oia no ka apana aina i hoakaka ia ma ka Palapala Sila Nui Helu 6639, kuleana Helu 1241, apana 1, a i hoolilo ia ia S Napahukapu i oleloia e D Manaku a me M Moanauli, na Lunahooponopono o ka waiwai o J Moanauli, ma ka palapala kuai i hanaia ma ka la 7 o Mei, 1886, a i kopeia ma ka Buke 101, aoao 78-80.

A. J. CARTWRIGHT,

Mea Moraki.

J. M. MONSARRAT,

Loio o ka Mea Moraki.

Honolulu , Aug 4, 1888.                                                                               2192  5t

 

  AHA HOOKOLOKOLO KIEKIE O ko Hawaii Pae Aina.  Ma ka hooponopono waiwai.  Ma ka hana o ka waiwai o o MOKULEHUA (w) o Honolulu, Oahu i make, Olelo kauoha e koho ana i la e hooiaio ia ai ka palapala kauoha a no ka hoolaha ana.

  No ka mea ma ka la 11o Augate, 1888, ua waihoia mai imua o ka aha kekahi palapala i olelo ia, oia no ke kauoha hope loa a Mokulehua (w) i make aku la; a me ka palapala hoopii e noi ana e hooiaioia kela palapala kauoha a e hoopuka ia hoi ka palapala lunahooko ia Mokulehua Opio.

  Nolaila, ua kauohaia o ka POAKAHI, oia ka la 3 o SEPT., 1888, ma ka hora 10 o kakahiaka, ma ka rumi hookolokolo o ia aha, ma Aliiolani hale, Honolulu, oia ka la me ka hora e hooiaio ia ai ia palapala kauoha, a e hooloheia ai hoi ia noi ana mai, ame na poe a pau i pili, e kue ana ia palapala kauoha, a me ka hoopuka ana i ka palapala luna hooko.

  A ua kauoha hou ia, e hoolahaia ia mea no ekolu manawa iloko o ka KUOKOA.  he nupepa i pai a i hoolaha ia ma Honolulu.

  Kakauia ma Honolulu, Augate 11 1888.

  Na ka Aha:

HENRY SMITH,

2194  3t                                                             Hope Kakauolelo.

 

OLELO HOOLAHA NO KA O LIMA.

  E ike auanei na mea a pau, ua makaukau ka Papa Ola e haawi i ka elima ana me ka uku ole i na mea a pau i o ole ia, a ke kauoha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanawai Kivila, e hele mai ma ka Hale Haawi Laau o ka Papa Ola ma Kapamoo, ma alanui Hoiele, ma na hora hana o ke Kauka Aupuni i hai ia malalo iho nei:                                           

                                                   Mai ka hora 8

                             Hoia Hana{     a    "      "   10

                                                   kakahiaka.

                                                            N. B. EMERSON,

Pelekikena o ka Papa Ola.                                                                        jn  6  6m

 

KE KULA KAMEHAMEHA NO NA KEIKIKANE LIILII.

  E makaukau ana ke Kula Kamehameha no na keikikane liilii, no ka apo ana aku i na haumana ma ka POALUA hope o OKATOBA, 1888.

  Ua kaupale ia ka heluna o na haumana e komo mai ai i keia makahiki mai ka makahiki ehiku a i ka makahiki umikumamalua, a no ka poe a pau i ake e komo ae ma ia kula no ia mua aku, e hoike ae ma ka la - o Okatoba. 1888.

  Kekahi mau mea e ae e hoolako ia ana e na haumana pakahi, e hoouna ia ae ke ninau mua ae i ke kumu.

  E loaa mua i na haumana na apono mai ke kauka no ko lakou kulana ola maikai.

  He kula keia e hoomakaukau no ke komo ana aku i ke kulanui Kamehameha, a e hoomaamaa ia no keiki ma na huahelu, hopunaolelo, a me ka himeni.

  He $60 ka auhau o ka makahiki, e uku mua ia i kela a me keia hoomaka ana o ka hapaha.

  No na mea i koe e loaa no ke ninau ae i ke kumu nui.

MISS C. A. REAMER.

2102  8t.

 

KE KULA KAMEHAMEHA NO NA KEIKIKANE.

  E hoomaka ana ke Kula Kamehameha no na keikikane ma ka POALUA mua o SEPATEMABA, 1888.

  O kekahi mau mea e ae e hoolako ia ana e na haumana pakahi, e hoouna ia no ke ninau mua ae i ke kumu.

  E malama ia ana ka ninaninau no ka poe e komo ana ma ka Poakahi, Sepatemaba 3, 1888, ma ka halekula, ma Palama, hora 8:30 a. m.  E hoike ia lakou ma ka heluhelu, kakaulima, palapala aina o Hawaii, na rula kumu eha o ka aritimatika, kakau olelo Beritania, me ka pela ana ia huaolelo Beritania.

  He ($40.00) kanaha dala no ka makahiki.

  No na mea i koe, e loaa no ke ninau ae i ke Kumu Nui.

REV. WM. B. OLESON

2192  4t.

 

AINA WAIWAI NO KE KUAI.

  He pahale nui a me na hale maikai ma ke kanua e kokoke nei iwaena o ke kulanakauhale, he 145 kapuai ke akea, 105 kapuai ma ke alo, a he 208 me 119 ka hohonu ma na aoao.  He eiwa ka nui o na hale, a ua hoolimalimaia no ke $75 o ka mahina.  O keia pahale, ke waiho hamama ia aku nei i na mea a pau e makemake ana.

  E ninau i ka

            HUI OIHANA AGENA HAWAII,

Kihi o Alanui Papu me Kalepa.

2184.

 

Ka Waiwai o ka Hilinai

A AYER Laau Sasaparila, kai kaulana a

hilinai mui ia no ka hoomaemae koko, ma

na wah a pau o ka honua, ne aneane 40

makahiki i hala ae nei, a ua lawelawe nui ia

hoi iwaena o na oihana lapaau.  O keia

 

LAAU SASAPARILA, no loko ae ia o ke

aa Sasaparila Honedura maoli; ua loaa ka

mana hoomaemae ma o ka hui pu ia ana me

kekahi mau aa laau e ae, a me kekahi mau

mea no loko o ka honua a me ka hao.

 

HE koko inoino a nawaliwali anei kou? Ua

a wili pu anei me na ano mai i ikaika?  A ua

hui pu anei me na wai awaawa hoopehu

Na keia

 

LAAU e hoomaemae ia mau mea ino a paua

a maikai.  O na kauka lapaau a pau o Amerika

ike ke ano o ka AYER SASAPARILA, ua

olelo lakou, aole he mea maikai e ae no ka

hoomaemae koko ana mai na mai i awili pu

ia, aka o keia wale no.  No ka

 

HOOMAEMAE ana i ke koko, a me ka

hookahua pono ana i na mea a pau ma kekahi

mau ano ma ii ikeia, o ka AYER SASAPARILA

wale no ka laau nana e hoomaemae hakalia

ole mamua ae o kekahi ano laau e ae  O ke

 

KOKO ino hakuhaku, a nawaliwali hoi kona

holo pono ana ma ke kino, e hoomaemae ia

a e hooikaika pu ia no hoi ma o ka ai ana i

keia LAAU SASAPARILA A AYER, He

maalahi a he

 

MIAKAI loa hoi keia Laau, aole no ka

hoomaemae wale ana no i ke koko, aka, no

ka hookaawale pu ana kekahi i na ma'i,

hoomomona hou ana i ke koko ino, a me ka

hooikaika pu i kona holo pono ana ma na aa.

He lehulehu wale na hooia ana mai na wahi

a pau o ke ao nei i hoohana mau i keia laau

mamua o kahi mau laau e ae.

 

A HILINAIIA no ka ikaika kupono o ke

ola kino, ma ka maemae ana o ke koko,

hoomake pu ia na ma'i, a pela aku.  He nui

laau hoomaemae koko i hoolaha waha hee

wale ia malalo o na inoa lehulehu, aka, o na

hilinai a me na hooia wale no a ke ao

holookoa, maluna o ka

 

Ayer Laau Sasaparila.

I HOOMAKAUKAU IA E

Kauka J. C. Aver & Co., Lowell, Mass.

HOLLISTER & CO.

Na A ena ma ka Paeaina Hawaii.

Helu 100.        Alanui Papu, Honolulu

2086  tf

 

 

 

FRANK GERTZ

103 Alanui Papu.

UA WEHE AE NEI AU I NA KAHIKO AULII O NA

Kamaa o na Ano a Pau

No na Wahine, na Kane a me na Keiki i wae pono ia e Mr. Gertz iloko o Amerika.

- o -

HE OLUOLU KE KUMUKUAI MA KE KU IKE

- o -

E loaa mau mai ana na waiwai mana mokuahi a pau.

mr 31  ftn

 

Pahu Hale Leta 351                                                                                          Bele Telepone 274

KA AGENA OIHANA HAWAII.

No. 68 ALANUI PAPU KIHI O ALANUI KALEPA, HONOLULU, H. I.

HE AGENA OIHANA, A ME AGENA OHI DALA NO NA BILA A PAU.

KEENA OIHANA.

Na Waiwai paa - kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima, a aelike e ohi i na uku hoolimalima o      na ano a pau.

Na Moraki e ae ia ma na ano waiwai a pau.

Na Pepa kuleana aina, e kakau a hooponopono ia me na Pepa a pau e pili ana ma ke kanawai.

Kope a me ka Unuhiolelo ma na olelo a pau iloko o keia aupuni.

Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Dute e pili ana i na waiwai mai ko na aina e mai.

Na Ukana o kela a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

O na hana a pau a na makamaka e haawi mai ana no ka hooko anu i ke kauoha, e hooko ia no me ka eleu a me ka mikiala.

Agena Oihana Hawaii.

2170  1yr.  Mar.

 

B. F. EHLERS & CO.,

PAINAPA.

Poe Kuai i na Ano Lole a Pau.

Helu 99 alanui Papu, Honolulu.

E loaa mau ana na lole hou o na ano a pau maluna

o kela a me keia moku.

 

Kakela a me Kuke

HALEKUAI NUI O NA WAIWAI

E laa na pahiolo, koi bole,

hamale, koi mai a me liilii, kila.

wili puaa, rula, apuapu kai o na ano

a pau.  kala kaa. hao hoopaa puka.

pohaku hoana, kepa lei ilio, kaula

hao ilio, pahi, upa, pahi aminmi,

kalapa, kope hulu, palapala, oepa

kalakala, lina hao, ami, keehi, a me

ke

 

- KAULA OPU. -

Palau o na ano a pau,

Oo, ho, kopala, pe, kipikua,

hao kope, au ho a pela aku,

kua bipi, lei bipi, kaula

hao bipi, uwea pa.

uwea kekeawe.  hao pili

piula, kaa palala, ipuhao, ipu ti

 

PA-PALAI MAKAU ME KE AHO.

Ili wai, papa holoi, kopa ala, kaula

kuaina, hu'akai, ehi wawae,

hulu pena, a pela aku.

 

Pena wali, kini nui a me liilii o na

ano a pau, me ka pepa kuhikuhi,

pena keokeo, aila pena, aila

hoomaloo, vaniki kaa, a me

vaniki moe,

PENA HOOMALOO

- a me aniani hale -

AILA MAHU, AILA MIKINI, AILA

HAMO ILI, AILA KAA, INIKA

KAMAA.

PAUDA, KUKAEPELE, KIANA

PAUDA, UIKI IPUKUKUI O NA

ANO HE NUI A LEHULEHU.

 

LOLE MAKEPONO

-E laa na -

AHINAAHINA, KALAKOA. KEOKEO,

LEOPONALO, HULUMANU,

UWE-WAHINE, KUI HUMUHUMU,

A ME KA LOPI.

Ke Kuike e loaa no ia na kahi o

Kakela & Kuke!

NA MEA PIULA,

Mikini Humuhumu

Mekini a WHEELER a me WILSON

MIKINI A WIILCOX ME GIBBS

NA MIKINI A

- REMINGTON. -

He nui loa na mea hao me na ukana e

ae o na ano a pau, aole hiki ke hai pau

ia aku, hewa i ka wai na maka ke ike.

 

Laau Lapaau Kaulana Loa

A DR. JAYNE ,

LAAU HOOMAEMAE KOKO

LAAU HOOPAU NAIO, LAAU

KUNU, PENIKILA, HUAALE,

PAAKAI, LAAU HOOPAA HI,

Me na Laau Hamo, a Pela 'ku.

KAKELA & KUKE