Ka Nupepa Kuokoa, Volume XXVII, Number 35, 1 September 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

No ka Makahiki $2.00, No Eono Mahina 1.00

KUIKE KA RULA.

Poaono, Sepatemaba 1, 1888.

 

Haawina Kula Sabati.

HAPAHA EKOLU.

HAAWINA XXX. Sepat. 16, 1888.

Ka pohaku i hahau ia.  Nahelu 10:1 13.

 

            ALAILA hele mai la ka poe mamoa Iseraela, o ke anaina kanaka a pau i ka waonahele o Zina, i ka malama mua:  a noho iho la na kanaka ma Kadesa; malaila i make ai o Miriama, a ua kanuia iho la oia ma ia wahi.

            2  Aohe wai ilaila no ke anaina kanoka: a hoakoakoa ae la ia lakou iho, a ku e ia Mose laua me Aarona.

            3  Hakaka ae la na kanaka me Mose, olelo ae la lakou penei, E aho ko makou make, i ka manawa i make ai na hoahanau o makou imua o Iehova!

            4  No ke aha hoi olua i alakai mai nei i ke anaina kanaka o Iehova iloko o keia waonahele i make ai makou me na holoholona a makou?   

            5  No ke aha la olua i hoohele mai nei ia makou mai Aigupita mai, e hookomo ai ia makou iloko o keia wahi ino?  Aole keia he wahi no na anoano, aohe fiku, aohe kumu waina, aole pomeraite, aohe hoi wai e inu ai.

            6  Hele aku la o Mose laua o Aarona mai ke alo o ke anaina kanaka aku a aka puka o ka halelewa o ke anaina, a moe iho la laua ilalo ke alo; a ikea mai la ka nani o Iehova ia laua.

            7  Olelo mai la o Iehova ia Moase, i mai la,

            8  E lawe oe i ke kookoo, a e hoakoakoa oe i ke anaina kanaka, o oe a me Aarona kou kaikuaana, a e olelo aku olua i ka pohaku i mua o na maka o lakou; a e haawi mai ia i kona wai, a e lawe mai oe i ka wai no lakou mailoko mai o ka pohaku: a pela no oe e hooinu ai i ke anaina kanaka, a me ko lakou poe holoholona.

            9  Lawe aku la o Mose i ke kookoo mai ke alo o Iehova aku; e like me kana i kauoha mai ai ia ia.

            10  Houluulu ae la o Mose laua o Aarona i ke anaina kanaka imua o ka pohaku, i aku la oia ia lakou,  E hoolohe mai oukou, e ka poe kipi; pono anei no maua e hookahi iho i ka wai mai loko mai o keia pohaku?

            11  Kaikai ae la o Mose i kona lima iluna, hahau iho la i ka pohaku, me kona kookoo, elua hahau ana; a kahe nui mai la ka wai: inu iho la ke anaina kanaka a me ko lakou poe holoholona.

            12  Olelo mai la o Iehova ia Mose laua o Aarona, No ko olua manaoio ole mai iau, e hoano mai, a'u imua o na mamo a Iseraela, nolaila, aole olua e kai aku i keia anaina kanaka i ka aina a'u i haawi aku ai no lakou.

            13  O keia ka wai no Meriba: no ka mea, ua aaka mai na mamo a Iseraela me Iehava, a ua hoanoia oia ia lakou.

PAUKU GULA.

            A inu no hoi lakou i kela wai lani, no ka mea, inu no hoi lakou i ko ia pohaku lani i hahai mahope o lakou, o ua pohaku la, oia o Kristo.  1 Kor. 10:4.

Poakahi Nah 20 1-29, Poalua Nah 21 1-9, Poakolu Nah 22 1-41, Poaha Nah 23 1-30, Poalima Nah 24 1-25, Poaono Puk 17 1-7, Sabati Kana 3 23-28.

O Iesu ke Kumu Wai ole.

            1  Ka aina maloo a makewai.  1-5: Mahea ka akoakoa ana o ka Iseraela?  Mahea?  Owai ka i make malaila?  Ha mai i kekahi mea e pili ana ia Hiriama?  Heaha ka pilikia mai o kanaka?  Pehea lakou iloko oia pilikia?  Pela ae nei ka hana o ko lakou mau makua mamua?  Puk 17:1-4.  He hewa nui anei ia?  Heaha ka hana kupono ia lakou?

            2  Ka wai noloko o ka pohaku?  6-11, Heaha ka Mose hana iloko o keia pilikia hou?  Ua maliu mai anei Ke Akua i kana pule?  Heaha ka Mose e hana aku ai?  Ua hooko pololei anei i ka ke Akua kauoha iaia?  He aha ma kona lima?  Ua aha me ia?  Heaha ka hope?

            3  Ka Mose hewa?  2.13. Heaha ka hewa a Mose ma keia hana?  Hal 106:33.  Heaha ke kumu? 12.  No ke aha ka ukiuki loa ana o Mose?  Paupauaho anei oia, no ka hoomau ana o kanaka iloko o ka paakiki iloko oia mau makahiki he 38?  Ua hoopai ia anei o Mose no kona hoolohe ole?  He kaumaha nui anei ia, o ke komo ole ana i ka aina?

            4  Heaha ka olelo ma keia mea ma 1 Kor. 10:4.  Owai ka pohaku ola?  Lo 7:37-89 Mahea e kena ai ka makewai o ka uhane?  Hiki ae nei i ko keia ao e kena?  Na ke aha e pani i ka lani no kakou? Heb 3:18-19.  Ua hemolele anei na kanaka a pau o ke Akua i ka poe kina e lawelawe nana.

 

            I  He nui na iini o ka uhane:  E kala ia, i piha i ka hauli, i nui ae ka ike, i oi aku ka makaukau, i loaa ke ola mau.

            II Aole hiki i ko ke ao nei e hoomaona i ke uhane.

            II O Iesu ka wai ola.  Nana e kena i ka makewai.

            IV Ke kau mai na pilikia, mai ohumu, e hele aku i ke Akua ma ka pule.

            V He kina ko kela me keia o na kauwa a ke Akua.

            VI He mau mea ia e holo ole ai ka ke Akua hana imua.

            VII E hoopilikia ana no hoi i ka poe nona ia mau kina.

            VIII Ua ae nae ke Akua i ka poe kina e lawelawe nana, a ua hoopomaiki ia ka lakou mau hana.

 

Hoole Waiona. {Na ka Ahahui W.C.T.U.]

            Ma Kaleleonalani, oia hoi o "Ema Hale" ma Honolulu.

            He halawai i kela me keia Poalima hora 7:30 o ke ahiahi.

            He halawai Hoole Waiona, o ka Ahahui o ka Lipine Bolu o Honolulu.

            Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule.  Pela no me na malihini mai na mokupuni e mai, e komo, a hui me makou ma keia hana kuonoono, "No ke AKUA a me ka HOME, a me ka AINA HANAU." !!

 

[W.C.T.U.]

NAWAI LA E KUAI?

Kanaha pahu! he pahu aha nei?

            Nawai la e kuai?

He pahu piha i na auwe!

            Nawai la e kuai.

Pepehi kanaka ko loko nei;

Aihue, wawahi hale pu;

I ihune, nele maoli no.

            Nawai la e kuai?

Kinikini na hewa, na karaima a pau?

            Nawai la e kuai?

Na eha, poino, make mau no!

            Nawai la e kuai?

Na eke-dala puka, he makena no-

Na manao hupo, na olelo lalau,

He pupule okoa, a heaha la?

            Nawai la e kuai?

Aole he lua ko na pahu nei!

            Nawai la e kuai?

Ke hoopa ia ko loko nei,

            He eleele maoli no.

Haukae na uhane, a pio ka noonoo,

            He keu ka ino e loaa mai,

Auwe ka make! ke ahi wela nei;

            Nawai la e kuai?

 

KUEWA HOOKAHI I KE ALA ME KA WAIMAKA.

E Mr. Lunahooponopono:

            He mau wahi huaolelo pokole ka makou malalo iho, a oia keia:

            Ua hanau ia o Miss Ceresia Paniani ma Kawaihae-uka, South Kohala, Hawaii, na Paniani k. me Haliimaile w., Feb. 4, 1870, a made ma Kalawao June 19, 1888, nolaila, he 18 makahiki, 4 malama me 15 la, a kuu aku la kona luhi no ka luakupapau o ka make, me ka hoolewa ia ana o kona kino e ka Hui Puuwai Lokahi o Kalawao mai kona wahi noho mai a hiki iloko o Pilemon Church, a mai laila aku no kona hale lua, a waiho ia aku la kona kino me ka maemae, a no ka nui o ko makou aloha iaia, ua haku iho makou i wahi kanikau nona, a oia keia malalo iho:

Kanikau la he aloha, Nou no e Ceresia Wahineheleloa, Ua hala i ke ala hoi ole mai, Ka uhane o kuu kaikamahine, Noho iho nei hoi makou, Me ka u me ka minamina, Wehe i ka pili hooko-o ia loko, I ka pili aloha la he makua, He uwe helu na makua, Mama no me Papa, Aloha ino kuu luhi, Kuu lei haule ole o ke alanui, Kuu hoahele hoapili, Hoa hoomanawanui o ka aina, Aloha Maluakiiwai, Ko kaua home iuiu, aloha Kawaihae i ka Ua Naulu, Kahi a ka ohana e noho nei, Na makua hoi a pau, Na kaikuaana me na pokii, A hiki mai ko aloha i o'u nei, E puili pu no makou me ka waimaka Auwe- kuu lei hele loa e Mrs. Ceresia Haliimaile.

Kanikau la he aloha, Nou no e Ceresia, Ua hala i ke ala hoi ole mai, I ke ala maluhiluhi ole o ke kino, Waiho iho nei i ka ukana nui, I ka eha lima ole a ke aloha, Aloha ka leo i ka pane ana mai, Mai manao mai olua ia'u, E malama i na keiki i ko olua alo, I mea nana e hoonana i ko'u aloha, Ia oukou i ka ohana a pau ioa, A me kuu aina hanau, Aloha ka ua kuehu o ka aina, E hehiku mai la iluna o Ahia, Ke lelehune ae la ma Puuiki, Na lehua nee papa i Kaopapa, E hapapa hewa ana paha ke kalohe, I ke kino wailua o kuu kamalei, A hiki mai ko aloha i o'u nei, E puili pu no makou me ka waimaka, Auwe-kuu lei hele loa e, Mrs. Ceresia Haliimaile.

Kanikau la he aloha, Nou no e Ceresia, Kuu kaikamahine pauaho ole, O ka imi ana i ke ola o ke kino, Aloha ke kula o Makela, I ka huikau a an hoa, O ia wahi a maua e alo ai, E hooko aku i kou mau makemake, I hoa kuka no ka la, I hoa olelo no ke anu, O ke anu paha keia i Omaha, E haloiloi nei i ka lihilihi, Me he ua kipuupuu la no Waimea, Ka pehi no i kuu piko, Ua malulelule kuu kino, I ka nou a ke Kona he ua nui, A hiki mai ko aloha i o'u nei, E puili no makou me ka waimaka, Auwe-kuu lei hele loa e, Mrs. Ceresia Haliimaile.

Kanikau la he aloha, Nou no e Ceresia, Kuu lei mae ole ua hala, I ka hapalua like o ka po, Aloha ka bele kuilua o Holeba, Ka ana pau no me ka wai o Kahuilawai.

He wai lana malie o Kaalaea, Na kuu kaikamahine i luu poo, Hoomaha aku i ka lai o Kahulapuniu, Ka home aloha o na kupuna, Aloha Pumauu ia home noho, E luana ai me ou kaikuaana, Aloha ka la wela o ka aina, E hulili mai la i Kaiopae, He paepae kapu ia no kuu lei, E hoolohe ai i ka nehe a ke kai, Kaihawanawana o Kawaihae, Ke uhi ae la i Kapuailima, A hiki mai ko aloha i o'u nei, E puili pu no makou me ka waimaka, Auwe-kuu lei hele loa e

Mr.s Ceresia Haliimaile.

Kanikau la he aloha, Nou no e Ceresia, Haalele mai nei ka oe, I ka pili aloha a kakou, Ekolu oukou na kaikuahine, He nui makou na kaikunane, Elua hoi na makua, Lei pauaho ole ia kakou, Aloha Pakolea i ka ehu a ka ua, Aloha ia wahi a kaua e noho ai, Elua kaua na moopuna, Me na kupuna o kaua, Aloha Halawa ka home hoonui ike, Oia wahi a kaua e alo ai, E imi i ka pono o ka naauao, Ka makua hoi o keia noho ana, Ma o kaua e hui ai, With love or our heart, A hiki mai ko aloha i o'u nei, E puili pu no makou me ka waimaka, Auwe-kuu kaikuahine hele loa e, Pilipo Paniani, Jr.

Kanikau la he aloha, Nou no e Ceresia, Kuu pokii i ka aikuku o ka aina, Aia i ka laulima ka loaa, Loaa mai nei au i ka Eka, Ka makani kiu o ka aina, O ka uka ia e hoolale mai nei ia'u, E kaana pu i ke aloha me ka waimaka, I muli no'u no kuu la polii ole, I hoa kaunu no ka lihilihi, Ilihia ke kula o Kapakahi, Ke papaolelo pu la me Kamakini, Niniau hoopunini ka manao, I ka ua hoeha ili o ka aina, Ke pehi ae la i Halemaumau, Wailima nee papa i Kawaikapu, He kapu ko aloha na'u e malama, Me na polii o kaua a'u e lei nei, A hiki mai ko aloha i o'u nei, E puili pu no makou me ka waimaka, Auwe-kuu pokii hele loa e, Mrs. Lebeca Paniani.

Kanikau la he aloha, Nou no e Ceresia, Kuu pokii i ke anu o ka makani, I ka wai hoolana i ke pili, Ke nihi hele ae la ma kai, Ma ke alo pali o Ahunui, He hana nui ka ka uhiwai, E halii ae nei ma Puuhonu, E uhaihele ana paha, Ia kaina wahineheleloa, Aia me Hiku i ka wao, Me ka wahine kui pua o kanahele, Ike ia luna o Pili, Hoa ohumu o Kelahikiola, E ola ko uhane i ka ua nihi pali, A kipa aku i ka hale o ka makamaka, A hiki mai ko aloha i o'u nei, E puili pu no makou me ka waimaka, Auwe-kuu polii hele loa e Mrs. Lebeka Paniani

Kanikau la he aloha, Nou no e Ceresia, Kuu polii i ka pua Laniuma, Hoapili o ka lau kupukupu, Me he ao opua la i ka lewa, Ka hoohae a ke ao naulu, He makana ka ke aloha, E hoohiluhilu nei i kuu kino, Malia ka e huihui nei kuu manawa, he malihini ko ka hale ua hiki mai, A hiki mai ko aloha i o'u nei, E puili pu no makou me ka waimaka, Auwe-kuu polii hele loa e, Mrs. Luisa.

Kanikau la he aloha, Nou no e Ceresia, A ke aloha e hoopunini nei, Eia makou me ke kaumaha, Me ka u me ka minamina, Minamina ka liko o ka awapuhi, A-ka Oo i hehiku iho nei, A hiki mai ko aloha i o'u nei, E puili pu no makou me ka waimaka, Auwe-kuu lei hele loa e, Mrs. Helena Kapu.

Kanikau la he aloha, Nou no a Ceresia, Kuu kaula kaakolu ua wehe ia, Ua pepe i ka lola o ke Aupuni, O kuu lei nani pua laha ole, Ua ai kikepa ia e na manu, Hooni mai ana ia'u ka halia, E lulu lima pu me Leialoha, Aloha ka lea i hiki mai, Eia au ke lawe ia nei,  E ka lima a ke aloha ole, O ke Aupuni waimaka ole, Hiki ko aloha kaumaha au, Kanuwanewa i ke kula o Makalii, Ke hoalii mai nei ka opua, I na puka wai a Kulanihakoi, O oe ka ia e kuu luhi, A ke ao polohiwa e hii nei, Na na hua metala o ka nupepa, I hoike mai ia'u ma ka moeuhane, Hanehane ka leo o ka makani, E pahili ae nei ma Wainehe, Ke nai la iluna o Puuopalolo, Keaalii neepapa i Olopio, Eia ka o kuu pua Roselani, Kai wili pu ia iho nei me ka makani, Ua mae i ka hapalua like o ka po, Ma ke Panalaau o Kalawao, A hiki mai ko aloha i o'u nei, E puili pu no makou me ka waimaka, Auwe-kuu lei hele loa e, P Paniani.

Kawaihae-uka, Hawaii.

 

Kanikau la he aloha, Nou no e kuahine Ceresia, Kuu hoa pupuu o ke anu, O na la inea o ka aina, O ke ao aina ka'u e ike nei, I ka lele mai maluna o Waimanu, Me he mea la e  i mai ana, Aia oe i ka poli o na makua, Owau ka luaahi a ke aloha, E hookuewa wale ia nei, Kumaka ka ike ia Kalawao, Keia aina hoopahaohao, Aloha na la i hala aku,  A kaua e kaniuhu mau ai, O na kino wale no o kaua ianei, aia no na noonoo ana ihope, E huki ia ana e ke aloha, E na lima paa ole o ka waimaka, A hiki mai ko aloha i o'u nei, E puili pu no makou me ka waimaka, Auwe-kuu pokii kuahine hele loa e.  L.S.Keaniani.  Kalawao, Molokai, Aug. 17, 1888.

 

HOOLAHA HOU.

            AHA HOOKOLOKO KAAPUNI Apana Elua o ko Hawaii Pae Aina Ma ka Hooponopono Waiwai.  Maka hanao ka waiwai o JOHN BAKER no Lahaina, Maui, i make.

            Ma ka heluhelu a me ka waiho ia ana mai o ka Palapala Noi a Kahuku Baker (w.), no Lahaina, Maui. e hoike ana ua make kauoha ole o John Baker, no Lahaina, Maui, ma Lahaina, Maui, i ka la 3 o Aperila, 1888, a e noi ana e hoopuka ia ka Palapala Hookohu Lunahooponpono Waiwai ia William O. Smith.

            Ua kauoha ia, o ka POAKOLU, ka la 5 o SEPATEMABA, M.H. 1888, ma ka hora 10 kakahiaka, oia ka manawa i koho ia no ka hoolohe ana i ua noi la imua o ua Lunakanawai la ma kona keena, ma ka Hale Hookolokolo ma Lahaina, a ma ia manawa a ma ia wahi no, e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la.

            A o keia kauoha e hoolaha ia ma ka olelo Hawaii, i ekolu pule maloko o ka NUPEPA KUOKOA, nupepa ma Honolulu.

            Kakau ia ma Wailuku ko Hawaii Pae Aina, Augate 2, M.H. 1888.

GEO E. RICHARDSON, Lunakanawai Kaapuni Apana Elua.

 

AINA WAIWAI NO KE KUAI.

            He pahale a me na hale maikai ma ke kanua e kokoke nei i waena o ke kulanakauhale, he 145 kapuai ke akea, 105 kapuai ma ke alo, a he 208 me 119 ka hohonu ma na aoao.  He eiwa ka nui o na hale, a ua hoolimalimaia no ke $75 o ka mahina.  O keia pahale, ke waiho hamama ia aku nei i na mea a pau e ma kemake ana.

            E ninau i ka HUI OIHANA AGENA HAWAII, Kihi o Alanui Papu me Kalepa.

 

KE KULA KAMEHAMEHA NO NA KEIKIKANE LIILII.

            E makaukau ana ke Kula Kamehameha no na keikikane liilii, no ka apo ana aku i na haumana ma ka POALUA hope o OKATOBA, 1888.

            Ua kaupale ia ka heluna o na haumana e komo mai ai i keia makahiki mai ka makakhiki ehiku a i ka makahiki umikumamalua, a no ka poe a pau i ake e komo ae ma ia kula no ia mua aku, e hoike ae ma ka la - o Okatoba, 1888.

            Kekahi mau mea e ae e hoolako ia ana e na haumana pakahi, e hoouna ia ae ke ninau mua ae i ke kumu.

            E loaa mua i na haumana na anoano mai ke kauka no ko lakou kulana oia maikai.

            He kula keia e hoomakaukau no ke komo ana aku i ke kulanui Kamehameha, a e hoomaamaa ia no na keiki ma na huahelu, hopunaolelo, a me ka himeni.

            He $60 ka auhau o ka makahiki, e uku mua ia i kela a me keia hoomaka ana o ka hapaha.

            No na mea i koe e loaa no ke ninau ae i ke kumu nui.

MISS C.A.REAMER.

 

KE KULA KAMEHAMEHA NO NA KEIKIKANE.

             E hoomaka ana ke Kula Kamehameha no na keikikane ma ka POALUA mua o SEPATEMABA, 1888.

            O kekahi mau mea e ae e hoolako ia ana e na haumana pakahi, e hoouna ia no ke ninau mua ae i ke kumu.

            E malama ia ana ka ninaninau no ka poe e komo ana ma ka Poakahi, Sepatemaba 3, 1888, ma ka halekula, ma Palama, hora 8:30 a.m. E hoike ia lakou ma ka heluhelu, kakaulima, palapala aina o Hawaii, na rula kumu eha o ka aritimatika, kakau olelo Beritania, me ka pela ana ia huaolelo Beritania.

            He ($40.00) kanaha dala no ka makahiki.

            No na mea i koe, e loaa no ke ninau ae i ke Kumu Nui.

REV. WM. B. OLESON.

 

HALEKUAI BIBI HONOLULU.

(Hope o Wm. McCandles.)

HELU 6, ALANUI MOIWAHINE, MAKEKE MA ULAKOHEO.

            Na Bibi momona, Hipa.  Puaa me Ia, na lako ai ulu & co.

            O na kauoha a na ohana a me na moku mai e hooko koke ia no me ka eleu a me ka hikiwawe.

            O na holoholona ola no na moku e hiki no ke hooko koke ia.

Telepone Helu 212.

 

Ka Waiwai o ka Hilinai

            A AYER Laau Sasaparita, kai kaulana a hilinai nui ia no ka hoomaemae koko, manawa a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau.  O keia LAAU SASAPARILA, no loko ae ia o keaa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.  HE koko inoino a nawaliwali anei kou?  Ua awili pu anei me na ano mai ikaika?  A ua hui pu anei me na wai awaawa hoopehu Na keia LAAU e hoomaemae ia mau mea ino a pau, a maikai.  O na kauka lapaau a pau o Amerika ike ke ano o ka AYER SASAPARILA, ua olelo lakou, aole he mea maiki e ae no ka hoomaemae koko ana mai na mai i awili pu ia, aka o keia wale no.  No ka HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae.  O ke KOKO ino hakuhaku, a nawaliwali hoi kona holo pono ana ma ke kino, e hoomaemae i a e hooikaika pu ia no hoi ma o ka ai ana keia LAAU SASAPARILA A AYER.  He maa lahi a he MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.  A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hooia wale no a ke ao holo okoa, maluna o ka Ayer Laau Sasaparila.

I HOOMAKAUKAUIA E Kauka J.C.Aver & Co. Lowel, Mass. HOLLISTER & CO. Na A ena ma ka Paeaina Hawaii.  Helu 100 Alanui Papu, Honolulu

 

FRANK GERTZ

UA WEHE AE NEI AU I NA KAHIKO AULII O NA Kamaa o na Ano a Pau.

No na Wahine, na Kane a me na Keiki i wae pono ia e Mr. Gertz iloko o Amerika. -o- E loaa mau mai ana na waiwai ma na mokuahi a pau.

 

Pahu Hale Leta 351.  Bele Telepone 274.

KA AGENA OIHANA HAWAII.  NO.68 ALANUI PAPU KIHI O ALANUI KALEPA, HONOLULU, H.I. HE AGENA OIHANA, A ME AGENA OHI DALA NO NA BILA A PAU.

KEENA OIHANA.

Na Waiwai paa-kuai a hoolilo aku, a me auhau uku ana.

Na Hale hoolimalima, Rumi, Keena, Aina e hoolimalima, a aelike e ohi i na uku hoolimalima o na ano a pau.

Na Moraki e ae ia ma na ano waiwai a pau.

Na Pepa kuleana aina, e kakau a hooponopono ia me na Pepa a pau e pili ana ma ke kanawai.

Kope a me ka Unuhiolelo ma na olelo a pau iloko o keia aupuni.

Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.

Na Malama ana i na Buke a me ka hooponopono ana.

E haawi ia no ka mikiala no na Ohi aie ana.

Na Gula, Kala me na Bila kikoo dala, kuai a hoolilo.

Na Hooponopono Hale Dute e pili ana i na waiwai mai ko na aina e mai.

Na Ukana o kela a me keia ano, e kuai a hoolilo aku.

Na Kauoha o na Mokupuni, e hooko ia no me ka eleu.

Ko na hana a pau a na makamaka e haawi mai ana no ka hooko aku i ke kauoha, e hooko ia no me ka eleu a me ka mikiala.

Agena Oihana Hawaii.

 

B.F.EHLERS & CO., PAINAPA.

Poe Kuai i na Ano Lole a Pau. Helu 99 alanui Papu.  Honolulu.

            E loaa mau ana na lole hou o na ano o pau maluna o kela a me keia moku.

 

Kakela a me Kuke

HALEKUAI NUI O NA WAIWAI

E laa na pahiolo, kui hole, hamale, koi nui a me liilii, kila, wili puaa, rula, apuapu, kui o na @, kala kaa, hao hoopaa @, pohaku hoana, kepa, lei ilio, kaula hao ilio, pahi, upa, pahi umiumi, kalapu, kope hulu, pulupulu, oepa lakala, lina hao, ami, keehi, ame KAULA OPU

Palau o na ano a pau, Oo, ho, kopala, pe, kipikua, hao kope, au hoa @ a aku, kua bipi, lei bipi, kaula hao bipi, uwea pa, uwea keleawe, hao @ piula, kaa palala, ipuhao, ipu @ PA-PALAI. MAKAU MEKE @

 

Ili wai, papa holoi, kopa ala, ka @ kuaina, hu'akai, ehi wawae, hulu pena, a pela aku.  Pena wali, kini nui a me liilii o @ ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe, PENA HOOMALOO a me aniani hale

AILA MAHU, AILA MIKINI, AILA @ AILA KAA, INIKA KAMAA.

PAUDA, KUKAEPELE, KIA@ PAUKA, UIKI IPUKUKUIO @ ANO HE NUI A LEHULEHU @ LOLE MAKEPONO@

E aa na

AHINAHINA, KALAKOA, @ KEO, LEPONALO HU@ UWE-WAHINE, KUI HUMU@ MU A ME KA LOPI.

Ke Kuike e loaa no ia ma kahi @

Kakela & Kuke

NA MEA PIULA @

Mikini Hmuhumu

@ i a WHEELER a me WILSON

MIKINI A WILOX ME GIBBS

NA MIKINI A REMINGTON

He nui loa na mea hao me na ukana @ ae o na ano a pau, aole hiki ke hai @ ia aku, hewa i ka wai na maka ke @

 

Laau Lapaau Kaulana Lo@ A DR. JAYNE.

LAAU HOOMAEMAE KOKO LAAU HOOPAU NAIO, @ KUNU, PENIKILA HUAAL@ PAAKAI, LAAU HOOPAA HI.

Me na Laau Hamo a Pela 'ku KAKELA & KUKE.