Ka Nupepa Kuokoa, Volume XXVII, Number 34, 25 August 1888 — Page 1
| This text was transcribed by: | Ruth Iwata |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXVII, HELU 34. HONOLULU, POAONO, AUGATE 25, 1888 NA HELU A PAU, 2195
W. O. SMITH.
Loio ma ke Kanawai.
Helu 66, Alanui Papu, Honolulu. fy 4-1 y
W.R. KAKELA
LOIO A HE KOKUA MA KE KANAWAI
He Luna Hoolaso Palapala.
tf
WILDER & CO. (WAILA MA.)
Mea kuai papa a me na lako kukulu hale ua ano a pau, a me na me na pono a pau no ka hale.
Kihi Alanui Moiwahine me Papa. tf
PACIFIC HARDWARE COMPANY
Na hope o Dilinahama Ma.
Mau Mea Kuai Lako Hao
Alanui Papu, Honolulu.
HOOLAHA
G. W. A. HAPAI.
He Luna Hooko Mare.
-A HE -
AGENA HOOIAIO PALAPALA.
E loaa no ma Hilo-taona, Hawaii, ma na manawa a pau. 2152 - 1y
EG. HITCHCOCK.
(AIKUE HIKIKOKI).
LOIO, A KOKUA MA NA MEA A PAU E PILI ANA MA KE KANAWAI.
E ohi ia no na Bila Aie, mo'kalawiwi
HILO, HAWAII.
2114. 1 yr.
GEORGE P. KAMAUOHA.
He Loio a he Kokua ma ke Kanawai.
-A HE MEA-
ANA AINA.
E loaa no ma Kohala Akau, Hawaii.
2091-1y
VOLNEY VAILLANCOURT ASHFORD,
AKEPOKA.
He Loio, Hoakaku, Pale mu ke Kanawai Kakauolelo, Lunahooponopono a meka hana ana i na Palapala Hoolilo.
LAWELAWE ILOKO O NA AHA A PAU O KE AUPUNI.
E hana ia no na Palapala pili Kanawai a pau.
@ Keena Hana Helu 21, Alanui Kalepa, Honolulu Hale. (2150 1y)
A ROSA. (AKONI.)
LOIO A HE KOKUA MA KE KANAWAI.
He Luna Hoolaio Palapala.
KEENA HANA: Ma ke Keena Loio Kuhina.
tf.
CECIL BROWN.
LOIO A HE KOKUA MA KE KANAWAI?
Ae Agena Hoolalo Palapala no ka Mokupuni o Oahu
KEENA HANA: Ma alanui Kalepo.
tf.
WILLIAM C. ACHL
Loio a he kokua ma ke kanawai imua o na Aha a pau o keia Aupuni.
He Mea Ana Aina a he Boroka ma na waiwai paa.
Keena Hana, Helu 15, Alanui Kaahumana Honolulu, oia ke Koena mua iho nei o Kini me Peterson. 2114-y
JOHN MAHIAI KANEAKUA.
LOIO A HE KOKUA MA KE KANAWAI.
HE MEA UNUHIOLELO MA KA OLELO
BERITANIA A ME KA OLELO HAWAII.
Keena Hana, maluna ae o ka Benake o Nihopa ma.
1 yr.
JAMES M. MONSARRAT.
(MAUNAKEA.)
LOIO A HE KOKUA MA KE KANAWAI
He Luna Heelolo Pelapala.
E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai paa.
KEENA HANA: Alanui Kalepa.
W. A. KINNEY, (Kini.)
LOIO.
Ke ena hana ma ke Keena o J. A. Makuna,
2168 Helu 42 Alanui Kalepa. 1y
SAMUEL K. KA NE.
Loio a he loea ma ke Kanawai.
@uaI o na Aha Hookolokolo a pau o keia Aupuni Keena hana: Kini o na alanui Moi a me Beela, pili pu me ke keena o ka nupepa ke Alakai o Hawali. 3m-31@3
Lutanela Roge
-KE-
Kiu o ke Kaikuono
O MOBILE.
Ke Kiu a Adimarala Faragata
i hoouna ai e Ana a e huli i na Topido ma ka Papaku o ke Kaikuono o Mobile.
He Moolelo iloko o ke Kaua Kuloko o ka. Akau me ka Hema.
KE KIU WAHINE O KE KAIKUONO O MOBILE.
"E hoomaikai ia na Lani no kona pakele ana aku la," wahi a Edita i puana ae ai iaia iho no keia pakele ana o Roge mai loaa pono i na koa kiu o Davikekona ina aole i hiki mai o Venona i kona hale i ua po ala. "Ua makemake loa au ina aole oia i lele mai nei iuka nei, a e waiho malie i kela kiu wahine? Ina ua hala oia mawaho o ka pa mamua o ka hoopuni ia ana iho nei e na koa kiu, alaila, ua pakele oe e Roge i ke komo ana iloko o keia pilikia. Auwe!" wahi a ua kaikamahine la i puliki ae ai i kona mau lima a puana hou ae la, "Auwe no ka hoi ka mea aloha e - o ka ipo!"
He mau manao o ka pihoihoi nui ko ke kaikamahine no Lutanela Roge, ina e pakele ana oia mai ka hopu pio ia aku e na koa o ke kulanakauhale ke lawe ia ae ka lono a puni no keia kiu Amerika, a oia kana e kanalua loa nei ina ua puka aku oia mawaho o ka pa i ka wa i hiki mai ai o Kapena Davikekona me kona mau koa kiu.
Ua ku ae oia iluna a komo aku la ma kekahi rumi a puka loa aku la mahope o ka hale, a iaia e hele nana ana maloko o ka malapua a kokoke e hiki i ka pa o hope, ua hoopuiwa koke ia ke kaikamahine i kona ike ana aku i kekahi poo kanaka e kiei mai ana maluna o ka pa, a noonoo koke iho la keia, he kiu no kela poo kanaka e hoo halua mai ana no Roge, oiai ua hoopuni ia kona hale e lakou i na minute pokole i hala hope ae nei.
O ko ia nei mau ake ana e hui aku me Roge ina eia no oia iloko o kona pa kahi i pee ai, ua hoopau loa ae oia i kona mau manao mua o ka pihoihoi, ua hala mua aku no oia mamua o ka hiki ana mai o na koa ku. Ua kau aku la ko ia nei mau maka i ke poo kanaka maluna o ka pa me ke kali ana i kana mea e hana mai ai.
Ua ku iho la o Edita ma ia wahi no kekahi mau minute loihi mamua o ka nee ana mai o ua mea kino la, a ia wa oia i ike aku ai i ka pinana ana mai maluna o ka pa a hele pololei mai la ma kahi a ia nei e ku nei.
Ua emi hope ae la keia mahope o kekahi o-pu laau a pee iho la, me ka puana pu ana ae i keia mau olelo -
` "Eia oe he kiu ke hele malu mai nei i ko'u hale. O na hana o keia po, oia kau i makemake loa ai e haku i kekahi moolelo loihi. A! Ua ku iho la oe ma ia wahi e hoolohe? Aole! Eia no oe ke hele mai nei."
Ua nihi malie mai la ua mea kino nei a kokoke loa i kahi a ke kaikamahine e pee nei he mau anana wale no ke kaawale, ku hou iho la oia ma ia wahi a ha lo mai la kona poo imua me ka nana loihi ana i kahi hale, a hoopuka ae la i keia mau olelo me ka leo malie -
"Ua komo wale aku nei no o Davikekona iloko o ka rumi me ka nana wale no, a aole oia i huli aku i na kuono e like me ka'u kauoha," wahi a ka leo o ua mea la i pane ae ai, a lohe maopopo aku la ko Edita mau pepeiao i na huaolelo a pau. He mau sekona pokole ia o ka hoomaha ana, pane hou ae la i keia mau olelo -
"Ua ike pono loa au i kona komo ana iloko o keia hale mai ka uwapo mai, oiai, ua ao au i ka oihana o ke kiu no ka ike a me ka lohe no ka pomaikai o na Mokuaina Kuikahi Hui o ka Hema, a he mea hiki ole ia'u ke hoohiki wahahee aku i na Mana Lani, aia he kiu Amerika maloko o ka malumalu o na kaupoku o keia hale."
Ua hiki ia Edita ke hoomaopopo iho i ka hana a keia mea e hoohalua nei mawaho o kona hale he kiu oia, aka, o ka mea pahaohao loa i kona manao, o ka leo o ka mea e kamailio nei i keia mau olelo, he leo ia no ka wahine malalo o ka lole kane o na koa kipi.
O keia ke kiu wahine o Mobile a kakou i heluhelu ai i ka helu mua, a nana i holo aku e hai ia Kapena Davidedona o na koa kiu, ua pae mai o Roge mai na aumoku mai o Faragata a hiki i ka hale o Edita i keia po. I ka wa i huli ia ai a loaa ole maloko o ka hale, ua olelo ae ua Kapena kiu la, ua kuhihewa ke kiu wahine o Mobile ia Kapena Venona o papu Mogana, oia ke kiu Amerika ana e hoopaakiki nei. Ua hooholo iho oia i kona manaoio, eia no o Roge ke pee nei iloko o keia hale, a oia ke kumu o kona lawe ana i ke kulana o kona imi maoli aku ia loko, ina he mau ulia o kekahi ano ke ukali nei iaia.
"Eia no oia maloko o keia hale kahi i pee ai i keia manawa," wahi a ua kiu wahine la i pane ae ai, a kokolo aku la oia maloko o ka malapua a maalo ae la mamua pono o ke kaikamahine he mau kapuai ke kaawale. "E hoike aku ana au ia Kapena Davikekona, aole loa au i kuhihewa no kela kiu Amerika i keia po."
Aole e hiki i ko Edita puuwai ke ku a nana wale aku i na hana o keia ano, ke ole oia e lawe mai i ka weiwo ole o ke aloha aina oiaio no ka hae kahiko, a paio aku i kona enemi he wahine a he wahine. Ua hooholo iho oia i kona manao, aole e hoike koke aku i keia kiu a hiki i ka manawa e maopopo ai o kana hana, a ia wa oia e hakoko ai me ia ina no ke ola a me ka make, e ku ana no oia imua o ka enemi.
Ua hoomau aku ke kiu wahine o Mobile i ke kokolo ana imua me ka ukali pu ia aku e ke kaikamahine opio mahope he mau anana wale no ke kaawale, a i ka wa i hiki aku ai mawaho o ka ipuka aniani, ua ku ae la ua wahine kiu nei ma ia wahi a hoolono no kekahi mau minute loihi, a no kona lohe ole i kekahi nakeke maloko o ka hale, ua puana hou ae la oia i keia mau olelo -
"Aohe o'u lohe i kekahi mea maloko, aka, he mea kanalua ole no'u ke olelo ae, eia no keia kiu Amerika ke pee nei malalo o ka malumalu kaupoku o keia hale."
Hoomaha iho la oia no kekahi mau minute me ka hoopili ana aku i kona pepeiao ma ka ipuka aniani a hoolono, a no kona lohe ole i kekahi nakeke, pane hou ae la i keia mau olelo -
"Ua kipa mai nei au ma keia huakai no ka huli ana i keia kiu Amerika, a o ke alanui pokole hiki ke hanaia i keia hora, oia no ke komo ana a imi i na poopoo o keia hale."
Lohe aku la ke kaikamahine i keia mau olelo a ua wahine kiu la, he makemake kona e komo a huli ia loko o kona hale, oia kana i lele koke aku ai mahope o ka wahine kiu a pane aku la i keia mau olelo o ka wiwo ole-
"Aole loa oe e komo iloko o keia hale malalo o kekahi kumu, ke ole ka mea nona ka hale e ae aku ia oe no kou komo ana."
Ua hoopuiwa nui ia ka wahine kiu i ka leo o keia mea o ke kamailio ana aku mahope ona, oia kana i lele aku ai ihope a ike mai la ia Edita e ku aku ana me ka makaukau no ka hakoko pu me ia, ua ione koke mai la ua wahine kiu nei -
"A! Ua alo a pee iho nei oe ma ko'u alahele! Eia ke kaupoku o kou hale ke hoopakele nei i kekahi kiu Amerika i lele mai i keia po mai na aumoku mai o Faragata. O kou inoa, o Edita Taila, a na kamaaina au ia oe, he wahinoho ole nou ka malapua iloko o keia mau hora o ke aumoe me ke kumu ole."
"O oe ke kiu hoopuka mea hou o ka aoao kipi o ka Hema," wahi a ke kaikamahine i pane aku ai me ka leo o ka wiwo ole. "Ua olelo mua ae nei au, aole loa oe e komo iloko o keia hale, ke ole ka mea nona ka hale e ae aku ia oe e komo; a nolaila, ke kono aku nei au ia oe i keia manawa, e komo mai iloko nei o ko'u hale."
He mau helehelena o ka pihoihoi nui maluna o ke kiu wahine o Mobile i kela wa, oia ka Edita i wehe ae ai i ke pani o ka ppuka, a pane hou aku la i kona enemi -
"Ae, e komo mai iloko nei o ko'u hale. Ua makemake oe e imi i kekahi kiu Amerika, a ua makemake au ia oe e ike maka nou iho, ina eia oia malalo o ka malumalu kaupoku o ko'u hale a me ka ole."
"E like me kau kono ia'u, ke ae aku nei au e komo iloko o kou hale," wahi a ka wahine kiu i pane mai ai me ka leo kakan-a.
Ua komo aku la o Edita iloko o ka rumi nui me ka wahine kiu, a ma ke pakaukau poepoe nui iwaenakonu, ku like iho la laua ma kela a me keia aoao a imua pono hoi o ka ipukukui, ua haawi like ae la laua i na nana ana me ka huhu he wahine a he wahine, a he mau minute elua me ekolu i hala ae, ua pane hou aku la ke kaikamahine -
"Ua olelo mai nei oe, ua ukali oe i kekahi kiu Amerika a hiki i ko'u hale nei, a ua pakele oia i ka huli ia ana iho nei e Kapena Davikekona o na koa kipi. Eia no anei oe malalo o ka manaoio no kela kiu Amerika eia maloko nei o ko'u hale?"
"Ae," wahi a ka wahine kiu i pane mai ai. "Ua ukali mai au iaia a hiki i kona komo ana iloko o keia hale. O Kapena Davikekona, aole oia i huli pono i na poopoo o keia hale, oiai, ua lawe oia I ka hilinai o kau niau olelo a nana wale no maloko o na rumi a puka ana iwaho?"
"O ka hilinai i ka huaolelo, he pololei ole ia malalo o ka hooko kauoha, oiai ko'u hale malalo o kona mana i kela wa," wahi a ke kaikamahine.
"E olelo mai ana anei oe aohe he kiu Amerika i komo mai nei i kou hale nei?"
"Aohe kiu i komo mai i ko'u hale i keia po, koe wale iho no oe e kena kiu e ku mai nei imua o'u i keia manawa."
"O Kapena Davikekona, ua like oia me kekahi hupo nui a hilinai wale no i kau mau olelo. Ina owau pu kekahi me ia i komo iho nei i keia hale, ina ua loaa pono kela kiu Amerika i keia po. Ha kiu wahine au no ka Hema e Edita Taila, a ua hilahila ole au ke hai ae no ia hana. Owau ke kiu i noho iluna o na aumoku o Faragata no ekolu mahina, a na'u i hai pinepine kana mau hookele kaua i na mana kaua o Mobile nei. Ua hoohiki au e haawi i na kokua a pau no ka pomaikai o na Mokuaina Kuikahi Hui o ka Hema, e kokua i kona mau puali kaua no ka lanakila me ka hoopio i ka noho mana ana o ka enemi a me kana mau hana pakaha."
"O ko oukou lanakila?" wahi a ke kaikamahine wiwoole i pane aku ai.
"Eia na aumoku o Faragata ke ku nei kona mau heleuma ma ka hohonu o ke kaikuono o Mobile i keia mau hora? O kekahi anei ia o ko oukou lanakila i ulupa ia ai ka moku kaua kipi Tenesi i ka la inehinei?"
"A! Akahi no oe a wehe i ka palulu o kou mau maka i keia manawa," wahi a ka wahine kiu i pane mai ai.
"O kekahi poe, ua kuhihewa loa lakou me ka manaoio, he puuwai kou e kapalili nei no ke kuokoa o ka Hema. Ua ike au i kekahi kanaka i puni loa i kau mau hoalohaloha ana, a o Kapena Maka Venona, he paahana hupo nui oia na ka wahine."
"E hele oe a hana aku e like me kou makemake. E noho ana au ianei a kue aku i na mana kaua o ka Hema. O keia hale, o ko'u kakela ponoi ia, a ke olelo nei au me ka wiwo ole ma keia wahi, aole loa kekahi kanaka kipi e komo hou iloko o keia hale ke ole oia e halawai mua me ka waha o ka'u pupanapana."
"Hele pela," wahi a ka wahine kiu me kona mau helehelena hiena. "O Mobile keia, kahi o ke kukala kaua o ka Akau me ka Hema, a ke welo nei ka hae o na mokuaina hui maluna o na kaupoku o keia hale."
Aole i pau.
HE MOOLELO
-NO KE-
Koa o Kanahele,
-A I OLE IA-
Ka Naita o ke Kapa Kila Lahilahi.
MOKUNA V1
O Ulric hoi, apo mai la oia ia Merina a lawe pu aku la me ia, A ia laua nei e hele ana pane mai la o Sir Mankepa.
Pela anei wau i makemake ia ai?
Ae, i pane mai ai ka elemakuie me na waimaka e haloiloi ana, akahi no a moakaaka kau mau mea hana a e hauoli loa ana wau ke hana aku.
A ma ia hope mai, lilo iho la ke kumu kakapahi i hoa'loha maikai no ke keiki, Ao aku la keia i kekahi mau pale ana i loaa iaia mai na kanaka mai o Tarquin, a panai mai la hoi kela i ka ihe ine ke koi oiai he mea hou ia i ke keiki.
A iloko o na mahina eono mahope mai ua noho haku iho la ke keiki maluna oia mau mea ua hiki ke lawelawe i ka ihe me ka pale iloko o na anaina nui.
A mawaena o na keiki o Ulric a me Merina, ua ulu ae ke aloha mawaena o laua mehe mau hoahanau ala, aka, o ka hoahanau no e loaa ana no ke kue, no ka me e hoohakui ana no ke kaikuana a lili aku no i ke kaikaina.
Aole i lawelawe iki o Ligismuno i ke kino o ke keiki no ka mea, ua kauoha mai ka moi i ke kauna e hoomakaukau i na kanaka no ka wa e kahea ia mai ai e hele i Sepania, a aia i Novarre he kauka akamai, a ua hai ia aku no i ke keiki a ua oluolu no ia no ke kali ana, A pela a hala he makahiki okoa, ke loaa nei no he wa no ia nei e kau leta aku ai I ko ia nei makuahine, nolaila ua ike oia i ka noho ana o kana keiki he maikai.
` Hiki hou mai la i ka mahina o Okakopa, i ka hoi ana mai o ke kauna mai kahi mai o ka moi a hai mai la i ke keiki, e alakai ana ia i ka puali kaua i Sepania, no ka mea, ua ae aku ka moi Kale o Farani e kokua aku ina koa me ke kala aku i ka moi Alfonso o Asturias ame Leon e kaua Moors a na Sir Manakepa e alakai na puali koa Farani.
Holo ae la ka lohe mao maanei o ke kakela, o Merina kekahi e hele pu ana, i ukali no ka haku, ua manao ia e waiho ia Ulric mahpe no ka maimai aole nae pela ka manao o na keiki, koi ikaika laua i ka makuakane e hele pu laua, a kokua mai o Ligismuno, malia paha o oluolu ke keiki alii no ke ano e o ke ea malaila, a nolaila hooholo ia ae la konoa hele.
He puali koa mahnahu no ka Manakepa i alakai ai ma ka Pyrenees, a he puali koa no hoi e hiki ai ka aa aku imua o ke kahua kaua.
Loaa iho la he wa no Merina e ike ai i ka makuahina, mamua o ka haalele ana ia Farani, halawai iho la laua nei i loko o ka nahelehele, a pane mai la ka makuahine mahope o ka laua hui aloha ana.
E kuu keiki aloha, ke hele ala eo, e hana me ka pololei, e koa, e hoohanohano ia oe me na hana maikai a hiki i ka hopena. A ina oe e hoi mai me ke ola imua oe, alaila e poha iho ana ka la i luna ou, No ka mea, o ka pono ke hana ia e kokua mai no na lani ia oe i na wa pilikia.
MOKUNA VII
He hana loihi, Ilokoo ka nahelehela o Lorraine,
He umi makahiki mahope mai o ia wa, e hoomaka hou aku ai kakou moolelo. Aia ma Aix la Chapell ke kulana kahiko o Karl a kulanakauhale hoi o kana moopuna o Lothaire.
No ka mea oia ka mua a aia iaia ka inoa einepera, a ai iaia o Lorraine maika Bhine a pili i Farani e uhi pu ana me Belegiuma a me kekahi lihi o Holani.
A o Louis oia kona hope iho a oia ka moi o Keremania, a o Kale oia ka hope loa, oia ka moi o Farani, Iloko o Aix la Chapelle, ua ike ia aku ka pioloko o na kanaka e holoke ana i o ia nei e kapili ana na hale noho no na kanaka ame na bale noho no na lio, iluna o kekahi kahua palahalaha, a he hale kai waena konu me na noho i hoomakauia no no kanaka he tausani, ua kau ia he kalaunu ma kekahi aoao o ka hale lole, a mamua pono mai e hana ia ana he pa poepoe kahi e lealea ai ke hiki aka i ka la, no ka mea, e hui ana na hoahanau moi ekolo no ka hoohanohano ana aku i ka la e hoopalau ia ai ke keiki alii Kaira a Lothaire o Lorraine, me ke kaikamahine alii Constance a Louis o Keremania.
A oia no hoi ke ahi e hoomakaukau ana, o ka poe mea hale, ua hoonui hou ae i na rumi moe, ame na rumi aina, ame na hale lio, o ka poe waiwai ua hoapiha mai lakou i na pahu me na mea ai o kela keia ano, a pela pu hoi ma na poe puhi palaoa, ua hana mai la lakou e like me ka me hiki ia lakou ke hana.
Ua hoea kakaikahi mai la na naita, a me na alii o na kuaaina.
I ke kakahiaka mamua iho o ka wa e hiki mai ai no malihini, e hele ana, ke keiki alii Karla me kona mau hoa ana i wee ai i mau hoa pili nona.
He kanaka opiopio oia nona na makahiki he iwakalua komamalima, he pahaahaa kona kino he puipui a ikaika ka nanaina aku, ka olelo a ke kahi poe he kanaka ui, aka ma ka hoomupopo aku ua nele, ia ia mea, o kona lae he nui, o kona ihu ua uuku iho malalo o ka mea kupono, o kona mau maka he poepoe, ua nele oia i na manao maikai o kona waha aole i komo ke kaulawaha aole ona hoopuka i na olelo maikai, a pela i pane iho ai ka me kahakii, aole ia he kanaka ui.
Ua lohe ia no kona inoa a me kana mau hana e na poe mawaho ae, ua hiki mai no ia lohe imua o na makua, a ua hooikaika kona makuahine e huli mai a e hoopau i kana mau hana ino, aole nae ona lohe mai, ua hoohenehe wale mai no ia. A pela iho la o Karla i hana ai i ua kakahiaka nui huihui maikai nei o ka mahina o Okakopa, ua hele aku oia me kona mau hoa ana i makemake ai, iloko o ka nahelehele e holoholo ai.
Ua kahiko ia eia me ke kapa o ka poe hahai holoholona, aole nae he hoailona ma kona kino e ike ia aku ai kona kualna.
Hiki aku la lakou nei iloko o ka ululaau @@ua o iho o ka aina awakea, paina ih@@ lakou nei a maona' me na mea ai @@ kanaka i lawe pu mai na lakou.
Hele aku la lakou nei e nana i na holoholona h hiu, a loaa aku la he pua hihiu, a hoomaka aku la lakou nei e hahai.
A i ua la hookahi nei aia hoi kekahi nui e hoomaha ana ma kekahi wahi o ka ululaau, He alii a he mau naita me na koa i piha ke elua haneri a oi, he kahuna pule Epikopa, a me ewalu mau kokua malalo mai, a he mau lede kekahi he poe opiopio me ko lakou poe wahine la welewe.
Ua homaha iho la ka hukai ma kekahi kapa o ka muliwai e kahe ana, kukulu ae la na hale lole, no ka mea, ua hele mai lakoou mai kahi loihi mai, a pela no lakou nei i hele mai ai a kahi e noho ai.
Iwaena konu kahi i ku ai na hale lole, e ku ana he pahu hae a e welo ana ka hae alii Keremauia, a ma ka aoao o ua pahi, hae ala, e ku ana he kanaka nana na kauoho e hoolohe ia me ka hakalia ole
He kanaka ua oo, he loihi a pololei kona oiwi, he papale kapu veleweka ma kena poo, me ke apo gula i kinohinohi ia me na mea nani. A o ka mea nona ka la, o ka moi Louis no ia o Kermania a pane mai la me keia mau huaolelo.
Manao wau e noho no kakou ma ke ia koena la a me keia po. A apopo ko kakou la i manao ia ai e hiki aku ai a ua hai mai nei ka elele mai Iora mai iau, o ka wa no ia e hiki mai ai ko kakou kaikaina mai Farani mai, aole au e hoopuiwa ia Lothaire, peha la uokou manao e na keoinimana, aole anei kakou e oluolu ia nei?
Ina no i pane mai kekahi naita ua oi ae ko makou makemake ia nei mamua o ke kulanakauhale, a pehea ka manao o na wahine?
E noho kakou, wahi a ke kaikama hine alii. Ae e noho kakou a olele aku i ke kapena, e hooponopono mai i na kanaka.
I ka auwina la mahope iho o ka jaina awakea, he eha mau kaikamahina opiopio e akoakoa ana iloko o ka hale lole kilika, he poe wahine ui wale no lakou a pau, o na kulana he okua ma ka nana ana aku, ma ko lakou noho ana mai he elua he mau mea kiekie, a elua mau kauwa lawelawe, he mau mea i aloha nui ia, a he hookahi o na mea mua he oi hou ae no kona kiekie, a he ukali kekahi, o ko lakou nei kapa komo, ua kokoke no e like, ua kahiko ia lakou nei me na kapa o ka poe o ka nahelehele.
E hele kakou i ka holoholo wahi a ke alii.
Aole anei kakou e pilikia mai i na holoholona hihiu?
Heaha ko kakou mea e pilikia ai, hiki no ia'u ke pana me ka pana. Oia hoomakaukau a hele kakou, a e lawe pu me ona pua me ke kakaka, lealea kou i ka hele wawae iloko o ka nahelehele.
Aole no ou makau i ka powa a me na holoholona hihiu, koe wale no keia o ka poeleele kau mea makau. Ua poina ka paha oe he aikane maikai kou, nana oe e Media me ko ia nei kuhi ae i ha la.
Ina kakou, li pono ae la na kamaa o lakou nei a paa kau na aa pua me ke kakaka, ma ke kua, hele aku la ke kaikamahine alii e kiei a hoi mai la Ea o ko kakou wa pono keia oi nanea lakou, oina kea ke momoe mai la iluna o ka mauna.
Hahai mai ia'u a mai noho a pane, Ina kakou e keakea ia mai, waiho mai oukou nau e hooponopono.
Hele aku la keia ma ke kua o ka hale lole, unnhi aela keia elua mau pine, a maleila lakou nei i kokolo aku ai a puka i waho, aole i liuliu, komo aku la lakou, nei iloko o ka nahelehele iloko o na oawa.
Lelele ae la lakou nei i ka nui o ka olioli, aka, o Me lia ua hele malia no ia me ka lelele ole.
Hakanu mai nei hoi oe e Media himeni mai o ia kakou.
Ina paha wau e himeni, lele ka ma nu e kau mai la iluna o ka lala laau.
Nau e paua i ike hoi makou i kou akamai, pela keia i pine aku ai i ko a nei ukali.
Aole pela e kou haku, e pana mua oe a e nana makou i kou akamai.
Ae e hoao ae wau, o ko ia nei hopio mai la no ia i ke kakaka, hana keia a pono, ia kau ana no a hookuu ka@ u@, haule ana ka manu i lalo E loaa he aka nau ia e pana e ka led@ T@eres.
Hale hou aku la lakou io ia nei, a liuliu wale, loaa hau aku la he manu pekini, e like mo ka mua a haule mai la ka pua a ka lede Theres o Daramstadt ia wa hea maila o Media.
Eia kakou i hea, ua uhi iho la he ao nui i ka la, a hiki ole lia lakou nei ke ike i kahi a lakou nei e hele ana, he wai puu la i pane mai ai o Media.
A nolaila o oe a me ka lede Theres e noho olua maanei, o Irene a me au e hele maua e imi i ke alanui o kakoua ina maua e loihi loa, hookani ae olua i ka ole, a eia kekahi, e hoomaha olua maanei a hoi mai maua.
Hele aku la laua nei a hiki i kekahi kuahiwi, noho iho la keia e iu wai, ia ia nei e inu ana uwe ana ke kokoolau, puiwa ala keia a pane mai la.
Heaha keia ou e Irene.
E nana aku oe, owai kela, aole kela o ko kakou poe.
Nana aku la o Media he ekoulu mau kanaka maluna o na lio, a hoea hou mai la elua mau kanaka, a ailima ko lakou nui, manao iho la laua nei e ka-i hea, aka, hopohopo iho la nae laua ne no ko laua nei haku.
(Aole i pau.)