Ka Nupepa Kuokoa, Volume XXVII, Number 31, 4 August 1888 — KA AUHAU IA O NA KAHUNAPULE. [ARTICLE]

KA AUHAU IA O NA KAHUNAPULE.

Ma ka bi'a kanawai auhau imua o ka Aha©lelo, ua olelo ia, e auhau ia na kahunapule, na kumukula a me na hoa o ka Oihana Kinaiahi i na auhau mau o ka makahiki e like me na poe e ae. Ma ko makou manao, he mea pono no na kahunapule a me na kumukula ke auhau ia a koe na hoa o ka Oihana Kinaiahi. Ua like keia auhau ana me kekahi pui'puu ikaika loa e hoonahaha ana i ka makahehi nui ia aku o keia oihana, ina e lilo ke ahi i mea weliweli ia no ko lakou mau ola a me ka laLou kokua manawalea i ka hoao ana e hoopakele ina waiwai o kekahi poe. Aole wale keia he hana lealea no ke kanaka a me kona mau paa lole maikai e inoino i ka lepo, a o na hoa hoi he mau hana lima ka lakou e haalele ana i ka hana a holo aku la i ke kahua o ka poino no ka haawi aku i na kokuaoka hoopakele, e lawe ia ana ko lakou mau uku hana Ia e ko lakou mau haku. Aole keia he koho wale aku. aka, he ike maka maoli no i ka wiwo oie o na hoa o ka Oihana Kinaiahi o Honolulu i ka hoomanawanui iloko o kela mau poino, a ke nele ke kanaka i ka manao eleu, he poino maoli aku no ka hopena o kona ola

No na kahunapule a me na kumukula, aole lakou i ike ia ma keia mau wahi o ka poino. a aole hoi o lakou kuleana i na lawelawe ana e hoopio ai i ka enemi, nohila, o na kahunapule a me na kumukula ke kupono o ka auhau ana, a e hookuu loa ia hoi na hoa o ka Q;hana Kinaiahi mai na auhau makahiki ae no ka» lakou mau hana wiwo ole 0 ka hoopakele.