Ka Nupepa Kuokoa, Volume XXVII, Number 31, 4 August 1888 — Page 4
| This text was transcribed by: | Gayla Goo-todd |
| This work is dedicated to: | Kamehameha Schools Bernice Pauahi Bishop Estate |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
No Ka Makahiki $2.00
No Kono Muhiaa 1.00
KUIKE KA KULA.
Poaono. Auyate 4, 1888.
Haawina Kula Sabati.
HAPAHA EKOLU
HAAWINA XXVIII. Augate 19, 18@8
Ka Ahaaina Kauhale Lewa - Oih. k.
23:33:-45.
Olelo mai la hoi o Iehova ia Mose, i mai la,
34. E olelo aku oe i na mamo a Iseraela, penei, I ka la umikumamalima o ua malma ehiku nei, he ahaaina kauhalelewa i na la ehiku no Iehova.
35. I ka la mua, he hoouluulu hoano, mai hana oukou i ka hana e iuhi ai.
36. I na la ehiku e kaumaha ai oukou i ka mohai puhi ia Iehova: i ka walu o ka la he hoouluulu hoano ia oukou, a e kaumaha oukou i ka mohai puhi ia Ieaova, he ahaaina hooano, aole hoi oukou e hana I ka hana e luhi ai.
37. Oia i na ahaaina a Iehova, oukou e hai aku ai he mau hoouluulu hoano, e ka@maha ai i ka mohai pahi ia Iehova, i ka mohaikuni, i ka mohaiai, i ka al@na a me na mohaiinu, kela me keia me i kona la iho:
38. Okoa na Sabati o Iehova; okoa hoi ko oukou mea haawi okoa hoi ka o kou mau mea hooiki a pau; okoa hoi ka oukou mau mohai na ka makemake a oukou e haawi wale ia Iehova.
39. A i ka la umikumamalima o ka malama ehiku, aia hoouluulu oukou i ka hua o ka aina, e ahaaina oukou no Iehova i loko o na la ehiku, i ka la mua, he Sabati, ai ka la awalu, he Sabati.
40. E lawe hoi oukou no oukou iho i ka mua i na lala o na lau maikai, i na lala o na pama, a me na lala o na lau momona, a me na wilou o ke kahawai; a e hauoli ae oukou ma ke alo o Iehova ko oukou Akua i na la ehiku.
41. E malama oukou ia i ahaaina no Iehova, i na la ehiku o ka makahiki; he kanawai mau loa i ko oukou mau hanauna; i ka hiku o ka malama e ahaaina ai oukou ia.
42. E noho oukou iloko o na halelalalaau i na la ehiku; o na mea a pau i hanau he poe Iseraela, e noho no lakou iloko o na halelalalaau.
43. I ike ko oukou mau hanauna ua hoonoho au i na mamo a Iseraela iloko o na halelaulaau, i ka wa i lawe mai ai au ia lakou mai ka aina mai o Aigupita: owau no o Iehova ko oukou Akua.
44. A hai aku la o Mose i na ahaaiha a Iehova i na mamo a Iseraela.
PAUKU GULA.
Aia ka leo o ka Hauoli a me ka Hoola, ma na Halelewa o ka poe pono. Hal. 118.15.
Poakahi Oih k 33:1 - 32
Poalua Oih k 23:33 - 44
Poakolu Neh S:1 - 18
Poaha Kana 16:1 - 20
Poalima Hal 65:1 - 13
Poaono Hal 136:1 -26
Sabati Io 7:37 - 53
Ka hoomaikai ana i ke Akua no na pono ana i haawi mai.
I Na la ahaaina ekolu, p 87, 38. Owai na la ahaaina nui ekolu o na ludaio? Oih k 23:5,10,34; Kana 16:16. Pehea ka loihi o ka wa i malama ia ai keia mau ahaaina? Oih k 23:6,21,34-36. Mahea ka malama ia ana? Kana 16:16. Owai ka i kauoha ia e hele i keia ahaaina? p 42, Kana 16:16.
He mea anei ia e pomaikai ai na kanaka ma keia akoakoa like ana o na kanaka? He mea anei e pono ai kanaka? He mea anei e pono ai kanaka ka akoakoa ana ma na halawai haipule?
II Ka ahaaina kauhalelewa, he la hoomaikai, p 33-42. I ka wa hea ka malama ia ana o keia ahaaina? Ehu la mahope o ka la mohai lawe hala? Ehia la ka malama ia ana? Pehea ka malama ia ana i ka wa o Nehemia? Neh 8:14-18. Heaha ke ano nui o keia ahaaina? Kana 16:13-13.
III Heaha ke kumu o ka malama ia ana o keia ahaaina? He mea pono anei ia kakou e hoomanao i na pomaikai o na la i hala? He mea hoohauoli anei ka pono o ke Akua iloko o ka naau? Ua kauoha ia anei e hauoli? Kan 16:14. Pehea ke kokua ana ia hai? p 22. Hana 16:14.
IV I ka ahaaina hea ko Iesu hele mua ana? Sa 2:41, 42. Heaha ka Iesu i 20 ai ma ka ahaaina? Io 7:37 - 39. Heaha ka Iesu olelo no ka hauoli o ka naau i ka haawi aua ia hai? Oih 20:35. Heaha ka ke Akua kauohaia kakou? Pil 4:4; Heb 13:15. Heaha na kumu e hoomaikai aku ai i ke Akua? I Pet 1:3; 2:9; Epr 1:3; I Cor 15:31. Heaha ka pomaikai i loaa mai ma ka hoomanao ana i ka pono i loaa mai? 2 Cor 1:4, 5.
I O na ahaaina oui ekolu; e hoike ana i ka hoomaka ana; he holo imua a me ka hoopau lanakila ana, ka noho haipule ana.
II Ka waiwai nui o na halawai haipule.
III Ka noho haipule ana; he noho hoohauoli a hoomaikai.
IV O ka loaa ana o na pomaikai hou, he kumu ia e hoomaikai hou aku ai i ke Akua.
V O ke aloha io ma ka naau, oia ka mea e paipai ana e haawi oluolu i ke Akua a i ka poe pilikia.
VI E noho kakou maanei me ka maikai, i nui na hua maikai e ohi aku ai mahape.
Hoole Waiona.
Na Ka Ahahui W. C. T. U.
Ma Kaleleonalani, oia hoi o "Ema Hale" ma Honolulu.
He halawai i kela me keia. Poalima hora 7:30 o ke ahiahi.
He halawai Hoole Waiona, o ka Ahahui o ka Lipine Bolu o Honolulu.
Ke Kona ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a hui me makou ma keia hana kuonooao, "No ke AKUA a me ka HOME, a me ka AINA HANAU."!!
W. C. T. U.
UA MAKAU OIA.
Ua hoomakaukau ia he wahi paina, a ua kono ia o Kimo e hele, a ua manao oia he maikai na mea a pau.
O kekahi poe ilaila he poe malihini iaia. Penei ka olelo a ka wahine o kekahi o lakou mamua o ka haalele ana i kona home, "Ea, e hoohiki anei oe, aole e hoopa i ka waiona i ko kaua wa e kaawale ana?"
"Ae, e hoohiki no au pela, e Mele. Ua ike no oe i ko'u manao e haalele i ka rama. E malama no au i ko'u hoohiki. Na ke Akua e kokua mai."
"A e kokua no ia oe iho."
"E hoao no au."
Ua nana pinepine o Kimo i keia malihini, a ua makemake iaia. Ua hoonoho ia o Kimo ma kahi kokoke iaia, a ua lohe i ka haku hale e olelo ana, "Mai poina ia'u kekahi mea."
Kahea oia i ke kuene, a ua kauoha iaia e lawe mai i mau omole bia no ka poe opio.
Haohao o Kimo, e inu bia ana ka ma keia papaaina; heaha la kana e hana ai?
"Mai hoopa ia mea, e Kimo," oia ka pane a kona makuahine iaia, a oia ka mea e kani nei ma kona pepeiao.
Ina no i ike kona makuahine e inu bia ana malaila, ina no ua hoole loa ia kona hele ana.
Eia nae, ua hiki aku nei o Kimo ilaila, a ke lawe ia mai nei ka bia no ka poe opio. Ina ma kona home, he ikaika kona manao hoole rama, aka, i ka ike ana ia Bila me na omole, a lohe ia ka hawanawana Kale ia Lopaka e i ana, "he maikai, ua ono ka puu," ua kulanalana iki oia. Nui kona noonoo ana; o ka malihini kahi i pihoihoi i ka ike ana i ka omole.
Paa aku la o Capt. B-. ka haku hale, i ka omole, a ninini iloko o ke kiaha me ka i ana, " he mea hoohauoli no'u ka hoopiha ana i ko'u kiaha" a haawi ae i ka malihini, me ka i ana i ke kuene, e haawi i wahi bia no na kamalii, aole pilikia o ia mea.
Pehea la auanei o Kimo! Nana aku oia i kona hoa, ua lalau oia i kona kiaha a ke inu mai la! Pehea hoi ka malihini.
Kani hou ka leo o kona makuahine ma kona pepeiao, "mai hoopa ia mea," a waiho malie o Kimo i kona kiaha.
Milimili ka malihini i kona kiaha, i ka wa e kamailio ana o Capt. B-. i ka ono, ka maikai o ka waina, a hoopiha hou i kona kiaha. Hoopa hou ka malihini i kona kiaha, me he ala e inu ana, alaila waiho hou ma ke pakaukau.
Oia mau waiho malie no o Kimo i kona kiaha, "E Kimo," wahi a Capt. B. aole anei oe e inu ana i kou kiaha bia?
"Aole," wahi a Kimo.
Huli ae la mea a pau a nana ae la ia Kimo. Kahaha nui lakou no kaaa ana o kekahi e hoole i kekahi mea i waiho ia mai, ma ka papaaina o Capt. B-.; a he keiki keia e hoole nei!
"Makau anei oe i ka oia?" wahi a Capt. B-.
Kani mai ka leo o Kimo i ka pane ana mai, "Ae."
"Ahe," wahi a Capt. B-. a kani ka aka o kahi poe. Waiho nae ka malihini i kona kiaha ma ka papaaina, aole no i hoopa aku a pau ka ai ana He kakaikahi ka poe i inu ma ia hope iho.
Ia la ae i ka hoi ana o Kimo i ka hale, i ka pau ana o ke kula, ua loaa i keia malihini ilaila, a i mai kona makuahine iaia," Cousin George, o kau keiki o Kimo, keia."
Hawanawana aku la ka malihini iaia, ke hoomaikai nei au ia oe no kou kupaa inehinei, a lilo i kumu hoohalike nou ma ia papaaina.
KOKUA I KA J. K. JOSEPA
MANAO PAIPAIINA POE I LO'A
INA MAI LEPELA
Eka Nupepa KUOKOA, Aloha oe:
O keia maluna ae, ua ike ia ma ke Kuokou o ka la 14 o Iulai aku nei e pili ana i na poe i looa i ka mai hookaawale Ohana, e hole mai no ma Kalaowao nei, me ka hoopau i na manao makau wale, me ka hoopau i na manao makau wale, me ka manao aole e malama mai ko kakou aupuni ia kakou, he kuhi hewe loa ke la manao ana.
E na makamaka i loaa i keia ano mai, aole ana paha oukou e kanalua ana i kau mau hooia ana i ka olelo paipei a kuu keiki J. K. Josepa i ike iho nei i keia aina malihini, a he wahi hoi e hookulaiwi ia ai, a o ka home hope loa o ka poe i loaa i keia ano mai.
He hoike oiaio an e kokua ana ia manao, oiai na piha ae nei iau ka makahiki ma keia aina.
Nolaila, ke palua aku nei kau hoikeana aku ia oukou e na kini makamaka e noho mai nei, i loohia e keia mai, mai hoao ia oukou iho e haawi pio no ka nahelehele a me na ana e pee ai, a hoohalike ia kakou kanaka me na popoki a me na kao hihiu o na kualono a me na awaw, ka ike kanka mai, ahiu pono ole mai; ina ua ike iho no ua mai hookaawale ohana nei keia, alaila, ua ai aku kn haawi pio ana no Kalawao nei, mamua o na wahi e ae au e manao pioo ai e hoonalo mai ka maka mai o ke Aupuni, ka mea nana e hanai nei, a e pauaho ole mai i ka malama i na kau a kau.
Aole au i ike imua o @a mai e hoonele ia ana i na haawina hoopomaikai kino, a me na hoopomaipai uhane, ua lawa loa keia mau mea elua maa nei, e ke kino a me ka uhane, e like me ka haawina makaa a ke Akua i haawi mai ai i ke kanaka, oia hoi ka mana koho i na o ka pono, a o ka hewa paha, oia mau mana kuokoa oiai oe mawaho' pela no o nei.
No laila he aina kupono loa keia no kakou e noho ai a hooluolu, a he mau hale ko kakou e ku wale nei aohe kanaka, aia i mana, a o na pono a me na manao kuokoa no ou a pau, aohe mea mana e keakea mai ke malama ia no e oe ka moluhia o ka Panalaau nei.
Ke koku nui nei an i nei manao, e paipai mai ana iau e hai aku i ka oiaio o na mea i ike ia e ke keiki o Hana ua lani haahaa, a me ka makani ahai aloha o Kipahulu, Aloha no ka aina hanau, a me ka leo paipai a kuu luhi mua o ka wa kamalii, he keiki, paipai a hoolana manao ana i na hoa kanaka, mai ka hikina a ka hikiaumoe, mai hoohalike ia kakou me he poe pio ala, a me he holoholona ala, o kai hele ululu ia kohu @ipi i ke ala nu@, hopuhopu ia kohu moa.
Ua hoolale-lale nui ia mai au e keia manao no kou lohe ana mai au e keia manao no kou lohe ana mai, ua mahuka, a ke pee mai nei ke kahi poe, he poe i kapa ia he naaupo, a he mau Hon no ka hale kankanawi, a he man Rev no ka papa kahuna pule, eia ka lakou ke holo nei e pee.
Ina ua lohe hewa au e kala mai iau ma keia.
Kalawao,
Iulai 26, 1888.
ADAMU PUAALOA.
NA METERIA HOONI PUUWAI
O KA AINA HAAHEO.
Mr. NUPEPA KUOKOA, Aloha oe:
E oluolu oe a me kou Kapena e Hoike ae i na mea hou au i ike ai ma ke akea.
Ma ka wanaao o ka la 16 o Iulai ua kau aku la au mwluna o ka waapa o Mr. Kapeu Mio. Esq. a hele aku la no ke ala ma ka moana, a o Laupahoehoe ka palena.
He nui ka ino ma keia huakai hele, no ka ua a me ka makani e onou mai ana i Hope.
No ke ana pae, Aia hoi: ua hiki aku la ma kou me na hoa ma ke awa oia pae oia wahi, ua lele aku la ua a me ko'u mau hoa i loko o ke kai, oiai ka nalu e poi ana a Hoomanawanui aku no ka au ana i uka, a pae aku la me ka maikai o na ola kino.
A ike aku la i ko laila keiki kamaaina ia nana i hoolauna me ka oluolu a e halo ana ko'u mau maka mao maanei, oiai he wahi Popoki ke kahi o ke Aupuni ma ia huakai no ke kii ana ia Keikiheleloa no ka haalei ia S. Kaleohano kana kane a ua ua hea aku la oia no ka moekolohe oia uka, a na ka makua lani i hoike e like me kana olelo.
O ka mea huana ia ma kahi nalo hoik ia no ma ka akea.
No M@ Pauelua, Aia ma keia wahi he eiemakule palupalu, ua hala wai pu au me ia, a ma kana pane ana mai iau ua paa i ke kapili ia, e waiho pu ana me ia, oia kona ola e aneane e hoi aku i ka Home mau o ka Lehulehu, ua pane aku oia ia Mr. Pokini e hana i pahu nono.
A oia kela i hoike ia maluna, a ma ke koho ana i ko na mau makahiki, ua piha ke kanawaulu a oi ae. Hookaihi, wale no ia maloko o kona Home, aole aole hoi he wahi kokoolua, a he poino nui hoi maluna o kona Hale oia ka ua e haule ana, nui na paka ua e haule ana i loko a he mea kaumaha ia o ka naau no ke aloha. No ka mea ua popopo a nahaha ka Hale.
No kaulana o keia ko maua alahele o ka hoi ana me ko'u hoahele, oiai aole i hiki mai ko makou waapa mai Waipio mai, a ia maua e hoi ana a hiki ma apua e pili ana me Laupahoehoe.
Aia hoi, ike aku la au ia Mrs. Kaupewa oiai oia kekahi luahi ke Kanawai no ka mai Hookaawale ohana, a he nui ka luhi o na makai iaia no ka imi ana.
Ma ka uka o Niuli a me Makapala aia pu no malaila o Mr. Bila he ipo manuahi na ua kaeaea nei o ka wao, kele, he paa hana no ka hui Mahiko o Halaula.
No Honopue, He wahi awawa no keia i kokoke ma kahi i hoike ia maluna, aia malaila o Mr. Kapa, Esq o Hamakua, a na kona lokomaikai i kokua mai i kona Waa' a loaa ko makou kokua a hikl ma Honokane, hoolei ia ae ia maua, a malaila mai a hiki ma ka Home noho o Makapala a hui pu ino la au me na ohana me ka oluolu:
Owa no me ka haahaa,
J. W. WAIPUILANI.
HOOLAHA HOU
AHA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o S. R. Kuapuu, o Waimea, Kauai, i make.
Ma ke Keena, imua o ka Lunakanawai Kaapuni.
Ma ka heluhelu a me ka waiho ia ana mai o ka Palapala Noi a me ka Papa Hoike o John Kakina Lunahooponopono o ka waiwai o S. R. Kuapuu, no Waimea, i make, e noi ana, e aponoia na hoolilo he $110.84, e hoike ana o na mea i loaa mai iaia he $171.24, a e noi ana e nana a apono ia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia a me kona mau hope mai ko lakou noho ana ma ia ano.
Ua kauoha ia, o ka POAONO, ka la 4 o AUGUST, M. H. 1888, ma ka hora 10 kakahiaka, imua o ua Lunakanawai la ma kona keena, ma ka Hale Hookolokolo ma Koloa, oia kahi a me ka manawa i koho ia no ka hoolohe ana i ua noi la, a me na Papa Hoike i olelo ia, a o ka poe a pau i pili malaila, e he le mai a e hoike i ke kumu, ina he kumu io ko lakou, e ae ole ia ai o ua noi la, a malaila e hoike mai ai na hoike o na mea i kuleana maloko o ka waiwai i oleloia.
A o keia kauoha, e hoolaha ia ma ka olelo Hawaii i ekolu pule maloko o ka NUPEPA KUOKOA, nupepa ma Honolulu.
Kakau ia ma Koloa, Kauai, ko Hawaii Pae Aina, Iulai 5, M. H. 1888,
JACOB HARDY,
Lunakanawai Kaapuni Apana Eha.
2189-3t
AHA HOOKOLOKOLO KIEKIE O ko Hawaii Pae Aina. Ma ka hooponopono waiwai. Ma ka hana o ka waiwai o Mai Keaweamahi w. o Honolulu, Oahu, i make. Olelo Kauoha e koho ana i la e hooiaio ia ai ka Palapala Kauoha, a no ka hoolaha ana.
No ka mea, ma ka la 16 o Iulai, 1888, ua waiho ia mai imua o ka Aha kekahi Palapala i oleloia, oia no ke kauoha hope loa a Mai Keaweamahi w, i make, a me ka palapala hoopii e noi ana e hooiaio ia kela palapala kauoha a e hoopuka ia hoi ka palapala Luna Hooko ia F. Pahia, i waiho ia mai e Keaweamahi.
Nolaila, ua kauohaia o ka Poakahi, oia ka la 6 o Augate, 1888, ma ka hora 10 o kakahiaka, maka rumi hookolokolo o ia Aha, ma Aliiolani Hale, Honolulu, oia ka la me ka hora, e hooiaio ia ai ia Palapala kauoha a e hoolohe ia ai hoi ia noi ana mai, a me na poe a pau i pili; e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia e hoolahaia ia mea no na manawa ekolu maloko o ke KUOKOA, he nupepa i pai a hoolaha ia ma Honolulu.
Kakauia ma Honolulu, Iulai, 16, 1888.
Na ka Aha:
HENRY SMITH,
Hope Kakauolelo.
2190-3t
AHA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o Jeo. Liilii o Lihue, Kauai, i make kauoha ole. Imua o ka Lunakanawai Kaapuni ma ke keena.
Ma ka heluhelu a me ka waiho ana mai o ka palapala noi a Hana ka wahine kane make a Jeo. Liilii e hoike mai ana, o Jeo. Liilii no Lihue, Kauai, ua make kauoha ole ma Lihue ma ka la 7 o Aperila, 1888, a e noi ana e haawiia ka palapala hookohu lunahooponopono waiwai ia S. Kaiu.
Ua kauohaia o ka POAONO, ka la 4 o AUGUST, 1888, ma ka hora 10 o kakahiaka, oia ka manawa i kohoia no ka hoolohe ana i ua noi la, imua o ua lunakanawai la ma ka hale hookolokolo o keia aha, ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kumu oiaio ko lakou e ae ole ia ai ua noi la. A o keia olelo kauoha e hoolaha ia ma ka olelo Hawaii i ekolu pule ma ke KUOKOA nupepa ma Honolulu.
Kakauia ma Koloa, Kauai, ko Hawaii Pae Aina, July 5, M.H. 1888.
JACOB HARDY,
Lunakanawai o ka Aha Kaapuni Apana Eha. 218o-3t
HOOLAHA HOOKO NO KA MORAKI.
I kulike ai me ka mana no ke kuai maloko o kekahi moraki i hana ia e James Keau, o Honolulu, mokupuni o Oahu ia Bishop & Co. o Honolulu, i ka kau ia ma ka la 14 o Iune, 1883, a i kope ia ma ke Keena Kakau Kope ma Honolulu i ka Buke 81, aoao 192, 193 me 194, nolaila, ke hoolaha ia aku nei ka hooko ia ana o keia moraki no na kumu i uhakiia ai, ma ka hookaa ole ia o ke kumupaa a me ka ukupanee, e kuai kudala ia aku ana i ke akea, ma ka rumi kudala a J. F. Morgan i ka POAONO, AUGATE, 18, 1888, i ka hora 12 awakea, i kela apana aina e waiho nei ma Aala, Honolulu, i ho keia ma ka Palapala Kuleana Helu 5657, (na aina i haawi ia ia Uluoa, Helu 1087), me na hale a pau e ku la maluna o ka aina.
No na mea i koe, e ninau ia Bishop & Co. a i ole, ia W. O. Smith, loio o ka mea i morakiia.
BISHOP & Co.
Honolulu, Mei 25, 1888. 2182-6t
HALEKUAI BIBI HONOLULU.
(Hope o Wm. McCandles.)
HELU 6, ALANUI MOIWAHINE, MAKEKE
MA ULAKOHEO.
Na Bibi momona, Hipa, Puaa me la, na lako ai alu & co.
O na kauoha a na ohana a me na moku mai e hooko koke ia no me ka eleu a me ka hikiwawe.
O na holoholona ola no na moku e hiki no ke hooko koke ia.
Telepone Helu 212. 2185-tf
UA LOAA MAI NEI HE MAU
PAHU SAMANO HOU
Ano no ia i hiki mai nei, a e kuai ia aku me ka
Makepono Loa
na makamaka ono i na Samano ono. E wiki mai o hala ka wa pono.
2286-1m
KAKELA me KUKE.
AINA WAIWAI NO KE KUAI.
He pahale nui a me na hale maikai ma ke kanua e kokoke nei iwaena o ke kulanakauha le, he 145 kapuai ke akea, 105 kapuai ma ke alo, a he 208 me 119 ka hohonu ma na aoao. He eiwa ka nui o na hale, a ua hoolimalimaia no ke $75 o ka mahina. O keia pahale, ke waiho hamama ia aku nei i na mea a pau e ma kemake ana.
E ninau i ka
HUI OIHANA AGENA HAWAII,
Kihi o Alanui Papu me Kalepa.
2184
HOOLAHA HUI.
O na mea nona na inoa malalo nai, ke hoolaha aku nei i na inoa o na hoa a me ka hana a ka hui, penei:
1. Na inoa a me na wahi noho o na hoa F. Gay, A. Robinson, E. Sinclair, J. R. Gay me H. Robinson, no Makaweli, Kauai.
2. O ke ano o ka hana, he mahiai me ka hanai holoholona.
3. O ka inoa o ka hui, o Gay & Robinson.
4. O kahi o ka hana, aia ma Makaweli, Kauai.
GAY & ROBINSON,
Iulai 17, 1888. 2190-2t
OLELO HOOLAHA NO KA O LIMA.
E ike auanei na mea a pau, ua makaukau ka Papa Ola e haawi i ka o lima aua me ka uku ole i na mea a pau i o ole ia, a ke kauoha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanawai Kivila, e hele mai ma ka Hale Haawi Laau o ka Papa Ola @a Kapamoo, ma alanui Hotele, @ia na hora hana o ke Kauka Aupuni i hai ia malalo iho nei:
Hora Hana
Mai ka hora 8
a " " 10
kakahiaka
N. B. EMERSON,
Pelekikena o ka Papa Ola. jn 6-6m
Pahu Hale Leta 351.
Bele Telepone 274.
KA AGENA OIHANA HAWAII.
No. 68 ALANUI PAPU KIHI O ALANUI KALEPA, HONOLULU, H. I.
HE AGENA OIHANA, A ME AGENA OHI DALA NO NA BILA A PAU.
KEENA OIHANA.
Na Waiwai paa - kuai a hoolilo aku, a me auhau uku ana.
Na Hale hoolimalima, Rumi, Keena, Aina e hoolimalima, a aelike e ohi i na uku hoolimalima o na ano a pau.
Na Moraki e ae ia ma na ano waiwai a pau.
Na Pepa kuleana aina, e kakau a hooponopono ia me na Pepa a pau e pili ana ma ke kanawai.
Kope a me ka Unuhiolelo ma na olelo a pau iloko o keia aupuni.
Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.
Na Malama ana i na Buke a me ka hooponopono ana.
E haawi ia no ka mikiala no na Ohi aie ana.
Na Gula, Kala me na Bila kikoo dala, kuai a hoolilo.
Na Hooponopono Hale Dute e pili ana i na waiwai mai ko na aina e mai.
Na Ukana o kela a me keia ano, e kuai a hoolilo aku.
Na Kauoha o na Mokupuni, e hooko ia no me ka eleu.
Ho na hana a pau a na makamaka e haawi mai ana no ka hooko aku i ke kauoha, e hooko ia no me ka eleu a me ka mikiala.
Agena Oihana Hawaii.
2170 1 yr. Mar.
FRANK GERTZ,
UA WEHE AE NEI AU I NA KAHIKO 'AULII O NA
Kamaa o na Ano a Pau
No na Wahine, na Kane a me na Keiki i wae pono ia e Mr. Gertz iloko o Amerika.
HE OLUOLU KE KUMUKUAI MA KE KU IKE
E loaa mau mai ana na waiwai ma na mokuahi a pau.
mr 31-tfn
B. F. EHLERS & CO.,
PAINAPA.
Poe Kuai i na Ano Lole a Pau.
Helu 99 alanui Papu. Honolulu.
E loaa mau ana na lole hou o na ano a pau maluna o kela a me keia moku.
Ka Waiwai o ka Hilinai
A AYER Laau Sasaparila, kai kaulana a hilina nui ia no ka hoomaemaekoko, ma n@ wah a pau o ka honua, ne aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia
LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.
HE koko inoino a nawaliwali anei kou? Ua a wili pu anei me na ano mai ikaika? A ua hui pu anei me na wai awaawa hoopehu Na keia
LAAU e hoomaemae ia mau mea ino a pau, a maikai. O na kauka lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma ke kahi mau ano maii ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a nawaliwali hoi kona holo pono ana ma ke kino, e hoomaemae@ a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he
MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hoo@ kaika pu i kona holo pono ana ma na au. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAHA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha waha hee wale ia malalo o na inoa lehulehu, aka, o na hilinai a me na hooia wale no a ke ao holo okoa, maluna o ka
Ayer Laau Sasaparila.
I HOOMAKAUKAU IA E
Kauka J. C Ayer & Co., Lowell, Mass.
HOLLISTER & CO.
Na A ena ma ka Paeaina Hawaii.
Helu 100. ...Alanui Papu, Honolulu
2086-tf
Kakela a me Kuke
HALEKUAI NUI O NA WAIWAI
E laa na pahiolo, koi hole,
hamale, koi nui a me liilii, kila,
wili puaa, rula apuapu, kui o na ano
@an, kala kaa, hao hoopaa puka
pohaku hoana, kepa lei ilio, kaula
hao ilio, pahi, upa, pahi umiumi,
kalapu, kope hulu, pulupulu, oepa ka
lakala, lina hao, ami, keehi, a me
KAULA OPU.
Palau o na ano a pau,
Oo, ho, kopala, pe, kipikua,
hao kope, au ho a pe
a aku, kua bipi, lei bipi,
kaula hao bipi, uwea
pa, uwea keleawe, hao pili
piula, kaa palala, ipuhao ipu @
PA-PALAI, MAKAU MEKE AHO
Ili wai, papa holoi, kopa ala, kaula
kuaina, hu'akai, ehi wawae,
hulu pena, a pela aku.
Pena wali, kini nui a me liilii o @
ano a pau, me ka pepa kuhi
kuhi, pena keokeo, aila
pena, aila hoomaloo,
vaniki kaa, a me
vaniki moe.
PENA HOOMALOO
a me aniani hale
AILA MAHU, AILA MIKINI, AILA HAMO
AILA KAA, INIKA KAMAA.
PAUDA, KUKAEPELE, KIANA
PAUDA, UIKI IPUKUKUI O NA
ANO HE NUI A LEHULEHU
LOLE MAKEPONO
E aa na
AHINAHINA, KALAKOA, KEO
KEO, LEPONALO HULUMANU
UWE-WAHINE, KUI HUMUHU
MU A ME KA LOPI.
Ke Kuike o loaa no ia ma kahi e
Kakela & Kuke
NA MEA PIULA
Mikini Humuhumu
Makini a WHEELER a me WILSON
MIKINI A WIILOX ME GIBBS
NA MIKINI A
REMINGTON.
He nui loa na mea hao me na ukana
ae o na ano a pau, aole hiki ke hai pau
ia aku, hewa i ka wai na maka ke ike
Laau Lapaau Kaulana Lo
A DR. JAYNE,
LAAU HOOMAEMAE KOKO
LAAU HOOPAU NAIO, LAA@
KUNU, PENIKILA HUAALE
PAAKAI, LAAU HOOPAA HI,
@a na Laau Hamo a Pela 'ke.
Kakela me Kuke