Ka Nupepa Kuokoa, Volume XXVII, Number 27, 7 July 1888 — Page 4
| This text was transcribed by: | Laura Yamamoto |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA.
No ka Makahiki @2.00
No Lono Mahi@@ 1.00
KUIKEKA @ULA.
Poaono Iulai 7, 1888.
Haawina Kula Sabati.
HAPAHA EKOLU
HAAWINA XXX Iulai 22, 1888
Na manawalea no ka halelewa Puk.
35:20:29
A HELE aku la ke anaina kanaka a pau o na mamo a Isaraela, mai ko Mose alo aku.
21 A hele mai no lakou, o kela mea keia mea i hoeueuia e kona naau, o ke la mea keia mea hoi i hooikaika ia e ko no uhane, a lawe mai lakou i ko Ieho@a haawina no ka hana o ka halelewa o ke anaina kanaka, a no kana hana a pau, a no na kahiko laa’.
22 A hele mai lakou, o na kane, a me na wahine, o ka poe a pau i makemake ma ka naau, a lawe mai la i na kupee lima, a me na gula pepeiao, a me na apo, a me na gula ai a me na mea gula a pae loa@a o kela mea keia mea, keia mea i haawi, haawi oia a gula no leho@a.
23 A o kela kanaka keia kanaka i loaa iaia ka uliuli, ka poni, a me ka ulaula, a me ko olona keokeo, a me @a kulu kao, a me na ihi ulaula o na hipa kane, a mo na ili iehova, lawe mai no lakou ia mau mea.
24 O kela mea keia mea i haawi i ka haawina kala, a keleawe, lawe mai no oia i ka Iehova haawina. A o kela kanaka keia kanaka i loaa ia ia ka laau @@@ima no kahi hana e hana ai, lawe mai la oia ia.
25 A o na wahine a pau i akamai ma ka naau, milo lakou me ko lakou lima, a lawe mai la i ka mea a lakou i milo ai, i ka uliuli a me ka poni, a me ka ulaula a me ke olona keokeo.
26 A o na wahine a pau i hooikaika ia ma ka naau, i mea e akamai ai, milo lakou i’ka hulu kao.
27 A lawe mai naa’lii i pohaku onika, a me na pohaku e kau ai ma ka epeda, a ma ka paleumauma;
28 A me na mea ala, a me ka aila no ka malamalama, a no ka aila poni a me ka mea ala maikai.
29 Lawe mai no na mamo a Iseraela i makana aloha no Iehova, o kela kane keia kane i makemake ma ka naau e lawe, no ka hana a pau a Iehova i kauoha mai ai ma ka lima o Mose.
Pauku Gula. Ke aloha mai nei no ke Akua i ka mea nana e haawi oluolu aku. 2 Kor. 9:7
Poakahi Puk. 34:1-35.
Pealua Puk. 35:1-29.
Poakolu Puk. 35:20-35.
Poaha 2 Cor. 0:1-15.
Poalima Neh. 4:17-24 7:70-22.
Poaono 1 Oih ‘Lii 29:1-17
Sabati 1 Tim 6:6-21
Mahea kahi i hoomoana ai ka Israela?
Ua kauoha ia Mose e hele i hea? 34:1-2. Pehea ka loihi o kona noho ana ilaila? 34:28. Heaha ka mea kupanaha i hoike ia iaia malaila? 34:5-7. Pehea ka helehelena o Mose i kona hui hou ana? 34:30. Ua ike anei oia @@ an@ e kona helehelena? 34:29
K haawi oluolu ana no ka hana a ka Haku.
I O ka hana nui e waiho mai ana, p@ 20. Heaha ka Mose hana i ka iho ana mai mai ka mauna mai? 35 :1. Ua kamailio o Mose no keaha ? 35 :1-19. E haawi i kokua no keaha ? I mea ahi ka halelewa? e hana ia ana a maikai anei? No keaha? Nowai?
Heaha ka hana nui a ke Akua i waiho mai na kakou e hooko? Mar. 16:15. Mat 5:13-14. Ep. @:21-22. He po no anei e kokua nui kakou no keia hana?
II Ko poe i haawi oluolu no keia hana, 21:22. Owai kai lawe mai i na makana? O ka haawi olulou anei ka ano o ka haawi i makemake ia? Ua haawi like anei na kanaka a pau? He aha paha na makana a na wahine i haa wi ai? Heaha hoi ka na kane? He aha ka olelo no kekahi o na wahine? 25:25.
Heaha kekahi o na kumu e haawi i na manawalea? Pehea ka nui e haawi ai? Heaha ka mea i hiki i na kamalii e haawi ai? E kokua i na hana hea? Ina e haawi ana i na kokua, aole anei he pono i na keiki e imi i kana mea e haawi ai? Heaha kekahi mau pauku e pili ana i ka haawi ana? Kek. 11:1. Mat 10:8. Oih. 20:35. @ Tim. 6:16-19 Mal. 3:10. @ Kor. 9:6-7.
III Na makana i haawi aloha ia, p 22:29. Heaha kekahi o na mea i haawa ia? Pehea i maopopo ai ka haawi na kupono i kel@ me keia? Nawai i haawi i ka hana? Heaha na mea eha a na luna i haawi ai? Ua nui anei na mea i kokua ia? 36:6-6. Ina e haawi ana kela me keia e like me ka mea i hiki iaia, e hoole ia anei kana?
I He hana nui i waiho ia mai no ka k@u, e alakai aku i kanaka a pau i ke Akua.
II Ke pano ka naau aole i nele ka haawi ana a nui me ka oluolu.
III He hana ko na mea a pau no ke Akua.
IV Ke haawi kela me keia e like me ka mea i loaa iaia.
V O ka haawi ana me ka naau oluolu ka mea i makemake he mea ole na haawi e ae.
Hoole Waiona.
Na ka Ahahua W.C.T.U.)
Ma Kaieleonalani, oia hoi a “Ema Hale” ma Honolulu.
He halawai a kela me keia Poalima hora 7 :30 o ke aniahi.
He halawai Hoole Waiona, o ka Ahahui o ka Lipine Bolu o Honolulu.
Ke kona ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai na mokupuni e mai, e komo, a h@i me makou ma keia hana kuonoo@o, “No ke AKUA a me ka HOME, a me ka AINA HANAU.”!!
[W.C.T,U.]
KA PALEKAI O HOLANI.
He aina haahaa ma ka akau o Holani, eiwa male paha ka loa, aole no he wahi mea e pale ai i ke kai. Elua hane@ makahiki i hala iho nei, ua hoao na kanaka e hana i palekai, me na pohaku a me ka lepo palolo, a i keia wa he nui na kauhale a me na kulanakau hale i kukulu ia mahope o ia mau palekai, a ua maluhia no hoi, aole i hooponino io e ka enemi weliweli, ke kai.
Ua like ke kiekie o keia palekai me ka puoa o ka luakini e kokoke mai ana o ke kulanakauhale, nona na kanaka he 10,000.
Ua hoonoho ia he kiai e makaala mau i keia paiekai, a e nana i ka hana o ka poe e malama ana.
I kekahi po iloko o na makahiki he loihi mamua aku nei, ua pa ikai’ea mai he makani ino mai ka akau mai. Ua manao ka Luna e holo i Amsterdam; hoomanao nae i ka palekai.
E haalele paha ka hele ana? Ua kau nui kona manao ilaila. Eia nae, ka palekai
E pilikia auanei kana mau hana ponoi ke ole hele i Amsterdam. Aka, aia ka palekai.
E hoohalahala paha na makamaka ke hiki ole aku. Pehea auanei ke palekai?
Pela ka paio ana iloko ona. Ua ike oia i ka hana kupono iaia, e haalele anei ka manao e holo i Amsterdam?
Ua kani ka hora eono a ke pii mai nei ke kai, a e pii ana no a i ke aumoe. I ka hora 7 e holo ana ke kaa.
Paio ka nini iloko ona a me ka manao e hooko i kana hana. Nana oia i na ao eleele e paapu mai ana, a ike i ka pa ino ana o ka makani, me ka pii nui ana mai o ke kai, a holo ka manao iloko ona e hele i ka palekai i kana ha na.
I ka hiki ana ilaila aia na kanaka elua haneri ka poe malama i ka palekai, ua hele a pihoihoi loa heaha la ka mea e pono ai? me e ka ino.
Ua pau na mea hana i hoolako ia ma ka pale ana i ka enemi weliweli e hoouka mai nei, me he la e ulupa ana ia lakou a pau.
Ike lakou i ka Luna e hoea mai ana a hooho nui ae la lakou “eia mai ka luna. E hoomaikai i ke Akua, ua pomaikai kakou. E pau auanei ka pilikia.’’
Hoonoho ka luna i kela me keia ma kona wahi, alaila hoomaka ka paio ikaika ana-ka paio ana o ke kanaka me ka kai ooloku. He paio weliweli.
O ia hana aku no me ka hoomaha ole a i ka hora 11 me ka hapualua, lohe ia ka leo kahea iwaenakonu o ka palekai, e kokua ! e kokua e !
‘’Heaha ka pilikia ? Eha mau poha ku i lilo ma kahi hookahi.
Mahea ?
‟Eia maane@.ˮ
Nakiikii ka luna i kaula ma kona pu haka a pela no na kauaka e ae eha, a paa mai na kanaka h@ kanaka i na poo o na kaula, a iho aku keia poe elima ma ka aoao o ka palekai.
Weliweli ke ino, poi mai na ale me ka ikaika, a mai make no aka, ua lanakila, ua loaa kahi noha a ua hoopaa ia, a huki hou ia lakou iluna me na kino i hoeha ia e ke kai huhu.
Pa mai na leo, e kokua, ma kela aoao keia aoao. ‟He kapalenaˮ (ta@pauline) anei i koe ?
Ua pau.
He mau lala laau anei?
Ua pau no.
E wehe ae i na kuka a ho-o ma na kuka i paa, wahi a ka luna, a wehe ae i kona i mea e paa ai ka puka ma ka palekai. A ku mai na kanaka iloko o ka makani huihui me kahi aahu uuku no, aole no i uhumu.
Ua kokoke i ke aumoe a ma e pii hou ana ke kai he mau i@@ha wale no e kahe aku ana ka wai malona o ka @alekai; a e make auanei na kanaka a pau ma ia aina o ka akau o Holani.
Aole kuka i koe, aole no he wahi mea iki e pono ai, e mau ana nae ka pii ana o ke kii a i ke aumoe, he hapaha hora i koe.
I aku ka luna aole he wahi mea hou aku e hiki ia kakou, eia wale no, e kukuli oukou a pau a kahea i ke Akua, ina pahe e maliu mai i ka@leo o ka kakou pule.
A malaila, iloko o ke anu a me ke koekoe, ua kukuli na kanaka elua haneri ma ia palekai e haalulu ana me ka pa ikaika ana mai o ke kai, iloko no hoi o ka halulu ana o na nalu a me ke poi ana a na ale, a ua hapai ia ko lakou mau lima i ka lani, a me ka naau ua nonoi ikaika i ke Akua, ka Mea nona ka mana, e pane ae i ka moana e hamau, a e noho inalie.
A e like me ka Iehova hoopakele ana i kona poe kanaka i ka wa kahiko pe’a no i pakele ai keia poe kanaka.
Pehea paha kanaka o ke kulanakauhale iloko o ia po weliweli-e makaala ana paha? Aole i noonoo he make @na ko lakou mau ipuka, a ua hilo i na hana lealea me ka ike ole i ka poino i nee mai a kokoke ia lakou
Ma keaha i pakele ai?
Ma ka hooko pono ana o ke kanaka hookahi i ka hana i waiho ia mai iaia, ka hana ana aku ma ka mea i hiki iaia me ka hoomanao ana i ke Akua, a hiki aku i ka palena o na mea i hiki iaia, ua waiho aku na ke Akua e kokua.
E hana a e pule pu.
KAHEA I NA KAHU EKALESIA.
Ke kahea ia aku nei na Kahu Ekalesia o na mokupuni a pau, e oluolu la kou e hoouna mai i na dala mahina hou i lulu ia e lakou i ka Puuku o ka Papa Hawaii, oia o Mr. W.W. Hal@ Mai kanalua a hooulolohi i keia leo ka hea.
Me ke aloha,
J. Bicknell, Kokua Kakauolelo.
HOIKE KULA SABITI.
E like me ka mea i hoike ia, ua malama ae ke kula Sabati o Ewa i ko lakou hoike hapaha ma Kapaaikaula a ua hui pu mai me ke kula Sabati o Moanalua ma keia hoike ana,
Maikai na mele a me na haawina i malama ia ma keia hoike maloko o ka lanai lole a ua nui no na haumana i hiki mai.
Nui na mea i hana ia me ka maikai, a me ka hauoli nui, a ua hoohauoli loa ia makou i ka hiki kino ana mai o ke Kakauolelo o ka Auahahui Kula Sabati nui o ko Hawaii Pae Aina, D Waiwai ole a me kekahi lala o ka Papa Hooko me ka Mr. L. P. Iwa.
Ua malama pu ia he lulu dala hale halawai, a ua loaa na dala he $4000.
Malaila pu ae kekahi mau hoaloha a me na makamaua he nui.
Na Mrs. H. Kapali i alakai ke kula o Moanalua, ma ka lakou mau apana hana.
Ma o’u iho, no ke Kula Sabati o Ewa ke haawi ae nei i na mahalo i ka Mrs. H. Kapali i na hoomaikai he nui, oiai ua nana kee mai ko laila kahu kula Sabati ia makou.
Owau no me ka oiaio.
Sani P.K. Nawaa.
Kahu Kula Sabiti o Ewa Kapuaikau’a, Ewa, I@iai 2, 1888.
KAU AHAOLELO O 1888
LA HANA 23, IUNE 25.
Halawai ka Hale e like me ka mea maa mau.
NA PALAPALA HOOPII.
Na Mr. Kalaukoa, mai Honolulu mai, e noi a na i kukui uwila no ka uwapo a Kamika Haawi ia i na Komite Aina Aupuni a me na Hana Hou.
Na Mr. Kamauoha, mai Kaanapali mai, e noi ana e hoonoa ia na kai la waia o na aina honohiki, na ahupuaa, a me na aina Lei Alii malalo o na hoolimalima i na kanaka kuleana aina e noho ana maluna o ia mau aina. Haawi ia i ke komite wae no na kai lawaia.
Na Mr. Paehaole, mai Lanai mai, e noi ana e hoonoho ia i papa alanui malaila, a e hooholo ia @ haawina o $10,000 no ia papa. Haawi ia i ke Komite o na Aina Aupuni a me na Hana Hou.
NA HANA PAU OLE.
Noonoo ana no ke Kanawai uwea telegarapa moana. Ma hope o na kukui kamailio ana, ua hooholo ia ka pauku 2. a ua helehelu ia mai hoi ka pauku 3. A ma ke noi ua haawi ia ke kana wai i ke komite wae, a mamua o ka hoomaha ana o ka Hale, ua waiho mai ka Peresidena i na inoa o na hoi o ua komite la, penei: Na Hon. Kamika, C. Balaunu, Hikikoki a me Kini a me ke Kuhina o ko na Aina E.
NA KANAWAI I APONO IA.
Hoike mai ke Kuhina o ko na Aina. E ua ol@ a’@ i ke Ma@ka Moi e apono a e kakauiuoa i na kanawai malalo iho, penei, Oihana M@kai Kaloko o ke Aupuni,-ka waiwai o na wahine i mare ia,-e hoomana ana i na Notari o ka ‘ehulehu e haawi i na hoohiki ana,-ke kope ana o na hooilona a me na pepa b@a@lona,-no ka haawi ana i na palapala s@a,-i mau luna nana halepaahao a e hoomaopopo ai i ka lakou hana,-ke kona ana i na kuleana i na mea kakau a i hana ia,-no ka hoemi ana i na wa hoopaahao o na iawehala ma kekahi maa hihia,-e hooaau loa ana i ka Mokuna LIII o ke Kanawai Hoopai Ka@a ima, e pili ana i ka Luna Kakau Kope.
NA HANA O KA LA.
Heluhelu ekolu ana i ke kanawai e pili an@ i ka oihana lawe puolo liilii ma na eke lete. Hooholo loa ia.
Heluhelu ekolu ana i ke kanawai e hooponopono ai i na palaoala ae i na Pake e komo iloko o keia Aupuni Hoohelo loa ia.
Heluhelu elua ana ma ke poo, i ke kanawai e @ko kuu ana i na mokumahu@ lawe ohua, aole e lawe i na ma’i lepe@a ma’i lele e aka o n@ano a pau. Haawi ia i ke Komite Malama Ola.
Heluhelu elua ana ma ke poo, i ke kanawai e hoakaka ana @ka mana e kue ana i na kiare. Haawi ia i ke Komite Hookolokolo.
Heluhelu elua ana, ma ke poo, i ke kanawai e hoomaop@po ai i kekahi mau mana hoopaa waiwai no na poe hana a me na poe na lakou na l@ko hana. Haawi ia no i kela komite ae la.
Heluhelu elua ana, m@ ke poo, i ke kanawai e pili ana no na kai lawal@ konohiki. Haawi ia i ke komite wae ia lakou ia ku nuhana.
Heluhelu elua ana, ma ke poo, i ke kanawai e pili ana i ka hana ana i ka Poi maloko o na palena o ke kulanakauhale nei. Haawi ia i ke Komite Kalepa.
Heluhelu elua ana, ma ke poo, i ke kanawai e hoololi ana a e pakui ana i pauku hou no he Kumukanawai, a e kapa ia o ka Pauku 47 A, e pili ana hoi i na Pake. Ua ulu ae he mau hoopaapaa ana no ka manao o keia kanawai, mawaena o ke Alii Iapa a me Mr. Kini a me kahi poe e ae.
A ma ke noi ua hoomaha ka Hale mai ka hora 12 awakea a ka hora i auwina la.
Ma ka hora I ua akoakoa ae na hoa ma ko lakou mau noho.
Hoomau ia na kukai kamailio ana ma ka hoololi a pakui kumukanawai e pili ana i na pake. A mahope ua haawi ia i ke komite wae, ia lakou ka palapala hoopii a ka ahahui kue i ko Asia lahui.
Heluhelu elua ana ma ke poo i ke kanawai e pili aua i na auhau kuloko, haawi ia i ke komite waiwai.
Heluhelu elua ana, ma ke poo i ke kanawai e hoomaopopo ai i na moolelo e lama@la e na luna i hoomana ia e hoolalo i na palapala. Ma ke noi ua heluhelu pakahi ia na pauku, a mahope hoi o na hoololiloli ana a me na kukai kamailio ana ua hooholo ia na pauku eha me na hoololi, a ma ke noi ua hooholo ia ke kanawai e like me ia i hoolo’i ia, a ua hooholo ia no hui no ke kakau poepoe ana, a e heluhelu ekolu ia i ka Poakolu.
Heluhelu elua ana i ke kanawai e kokua ai i ke kuai ia ana o na hoailona pai. Ua hapai ia noonoo ana me ka hoike pu a ke komite waiwai, a pela no hoi me ke kanawai a Mr. Kiakona, i waiho mai ai no ia kumuhana, maho pe o na noonoo ana no na kanawai a i elua, ua hooholoia ka Mr. Kiakona kanawai me na hoololi a ua hooholo hou ia no ke kakau poepoe, a heluhelu ekolu ia i ka P@aha.
HOOLAHA KANAWAI HOU.
Hoolaha mai ke alii Walakahauki e lawe mai aua oia i kinawai e hooponopono ai i ka malama ia ana o na @ake heiu waiwai e na poe e paa ana i na laikini kuai kukaa a kuai liilii paha.
Na ke kuhina waiwai i hoolaha mai e lawe mai ana ia i kanawaie hoolalo ai i ka uku ana i na lilo o ke aupuni aia a hiki i ka wa e hooholo ia ai o ka bila haawina o 1888 me 1890, ma o ke kapae ia ana o na rula ua heluhelu ia ke kanawai no ka wa mua ma ke po@.
A noi ia mai e hoopanee ka hale a noho hou i ka hora 10 kakahiaka o ka Poalua.
LA HANA 24, Iune 26.
Halawai ka hale a hoomaka ia na hana e like no me ke ano mau.
NA PALAPALA HOOPII.
Na ke alii Walakahauki mai Honolulu mai, e noi ana i haawina o $200 no ka hana a hoomaemae hou ana i ke alanui Waikahalolu. Haawi ia i ke komite o na aina e.
Nak ke alii Dole mai na pake mai o Honolulu, o na poe kalepa ka hapanui e noi ana @ e hoopau loa ke pai hooleleaka i na kii o na pake e haalele ana i ka aina nei e like h@i me ka mea i hooholo ia ma kekahi kanawai o keia kau, @ e hoe@i ia ka uku no na palapala ae e komo hou mai iloko nei o keia aupuni mai ka $5 a i $2, haawiia i ke komite wae no ia mea.
Na Ms. Kini mai Hamakua mai e noi ana i haawina o $350,000 no ka oi hana wai no ia apana no ka lawe a@@a mai hoi i ka wai mai ka mahele mawae na o Waipio a me K@hala, a lawe loa aku ilalo o Hamakua. Ua waiho pu ia mai he aelike i kakauinoa ia e na poe mahiko o laila, e haawi mai ana hoi lakou i ke aupuni he uku makahiki o $15,000 no ka wai, haawi ia i ke komite waiwai.
Hapai hou i ka Noonooana.
Noi mai ke alii Balauwina e noonoo hou ia ke @o@o ana o ka la i hala e pili ana i ke kanawai o ka oiha@a wai o Honolulu a haawi ia ai i ke komite o na aina aupuni a me na hana hou a pela aku, hoohol@ia. A mahope ua haawi ia ke kanawai i kekahi komite wae pene@ na Hon. William, B@le, E. Balaunu a me Haona, a me ke Kuhina Kalaiaina.
NA HANA O KA LA.
Heluhelu ekolu ana i ke kanawai e hoololi ai i ka pauku $56 o ke kanawai ki@la, e pili ana hoi i ka hoopaa ana no na koina hooholo loa ia.
Heluhelu elua ana i ke kanawai koa me ka hoike a ke komite, ma ke noi, ea noonoo pahaki ia na pauku. A mahope o na noonoo ana a me na kuk@i kamailio an@, ua hooholo ia na pauku mai ka i a ka 10.
A ma ke noi ua hoopanee ka hale ma ka hora 3:16 p.m. a ka hora 10 a.m. o ka Poakolu.
HALEKUAI BIBI HONOLULU
(Hope o Wm. McCandles.)
HELU 6, ALANUI MOIWAHINE, MAKEKE MA UK@K HEO.
Na Bibi momona, Hipa, Puaa me Ia, na lako ai ulu & co.
O na kauoha a no ohana a me na moku mai e hooko kuke ia no me ka eleu a me ka hikiwawe.
O na holoholona ola no na moku e hiki no ke hooko koke ia.
Telepone Helu 212 2185-tf
UA LOAA MAI NEI HE MAU
PAHU SAMANO HOU
Ano no ia i hiki mai nei, a e kuai ia aku me ka
Makepono Loa
na makamaka @ao i na Samano ono. E wiki mai o hala ka wa pono.
2286-Im KAKELA me KUKE.
Pahu Hale Leta 351. Bele Telepone 274
KA AGENA OIHANA HAWAII.
No. 68 ALANUI PAPU KIHIO O ALANUI KALEPA, HONOLULU, H.I.
HE AGENA OIHANA, A ME AGENA OHI DALA NO NA BILA A PAU.
KEENA OIHANA.
Na Waiwai paa-kuai a hoolilo aku, a me auhau uku ana.
Na Hale hoolimalima, Rumi. Keena, Aina e hoolimalima, a aelike e ohi i na uku hoolimalima o na ano a pau.
No Moraki e ae ia ma na ano waiwai a pau.
Na Pepa kuleana aina, e kakau a hooponopono ia me na Pepa a pau e pili ana ma ke kanawai.
Kope a me ka Unuhiolelo ma na olelo a pau iloko o keia aupuni.
Na Panihakahaka ola, Hale, a me na waiwai o na ano a pau i na Ahahui Panihakahaka helu ekahi.
Na Malama ana i na B@ke a me ka hooponopono ana.
E haawi ia no ka mikiala no na Ohi aie ana.
Na Gula, Kila me na Bila kikoo dala, kuai a hoolilo.
Na Hooponopono Hale Date e pili ana i na waiwai mai ko na aina e mai.
Na Ukana o kela a me keia ano, e kuai a hoolilo aku.
Na Kauoha o na Mokupuni, e hooko ia no me ka e’eu.
O na hana a pau a na makamaka e haawi mai ana no ka hooko aku i ke kauoha, e hooko ia no me ka eleu a me ka mikiala.
Agena Oihana Hawaii.
FRANK GERTZ,
UA WEHE AE NEI AU I NA KAHIKO AULII O NA
Kamaa o na Ano a Pau
No na Wahine, na Kane a me na Keiki i wae pono ia o Mr. Gertz iloko o Amerika.
HE OLUOLU KE KUMUKUAI MA KE KU IKE
E loaa mau mai ana na waiwai ma na mokuahi a pau.
mr. 31-tfn
B.F. EHLERS & CO.,
PAINAPA.
Poe Kuai i na Ano Lole a Pau.
helu 99 alanui Papu.- Honolulu
E loaa mau ana na lole hou o na ano a pau maluna o kela a me keia moku,
Ka Waiwai o ka Hilinai
@@ AYER Laau Sasaparila, kai kaulana @ hiinii nui ia no ka hoomaemae koko, mana@ wa@ a pau o ka honua, ne aneane 40 maka hiki i hala ae nei, a ua lawelawe nui ia ho@iwaena o na oihana la@aau. o keia.
LAAU SASAPARILA, no loko ae ia o k@aa Sasaparila Honedura maoli; ua loaa ka mana hoomaemae ma o ka hui pu ia ona makekahi mau aa laau e ae, a me kekahi mai mea no loko o ka honua a me ka hao.
HE koko inoino a nawaliwali anei kou? U@ a wili pu anei me an ano mai ikaika? A ua hui pu anei me na wai awaawa hoopehu Na keia.
LAAU e hoomaemae ia mau mea ino a pau, a maikai. O na kauka lapaau a pau o Amerika ike ke ano o ka AYER SASAPARILA ua olelo lakou, aole he mea maikai e ae no ka hoomaemae koko ana mai na mai i awilipu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma ke kahi mau ano ma i i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke.
KOKO ino hakuhaku, a nawaliwali hoi kone holo pono ana ma ke kino, a hoomaemae @@ a e hooikaika pu ia no hoi ma ka ai ana i keia LAAU SASAPARILA A AYER. He maalahi a he
MIAKAI loa hoi keia Laau, aole no ka hoomaemae wale ana no i ke koko, aka, no k@hookaawale pu ana kekahi i na ma’i, hoomomona hou ana i ke koko ino, a me ka hooikaika pu i kona holo pono ana ma na a@. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAHA no ka ikaika kupono o keola kino, ma ka maemae ana oke koko, hoomake pu ia na ma’i , a pela aku. He nui na laau hoomaemae koko i hoolaha waha heewale ia malalo o na inoa lehulehu, aka, o na hilinai a me na hoona wale no a ke ao holo okoa, maluna o ka
Ayer Laau Sasaparila.
E HOOMAKAUKAU IA E
Eauka J.C. Aver & Co. Lowell, Mass.
HOLLISTER & CO.
Na A ena ma ka Paeaina Hawaii.
Helu 100 Alanui Papu, Honolulu
2086-tf
Kakela a me Kuke
HALEKUAI NUI O NA WAIWAI
E laa na pahiolo, koi hole,
hamale, koi nui a me liilii, kila,
wili puaa, rula, apuapu, kui o na @
a pau, kala kaa, hao hoopaa @@
pohaku hoana, kepa, lei ilio, kau-
la hao ilio, pahi, upa, pahi umiumi.
kalapu, kope hulu, pulupulu, oepa a
lakala, lina hao, ami, keehi, a me
KAULA OPU
Palau o na ano a pau, Oo, ho, kopala, pe kipikua, hao kope, au ho a@ a aku, kua bipi, lei bipi, kaula hao bipi, uwea pa, uewa keleawe, hao @@ piula, kaa palala, ipuhao, ipu
PA-PALAI MAKAU MEKE AE
Hi wai, papa holoi, kopa ala ka@ kuaina, hu’akai, ehi wawae, hulu pena, a pela aku.
Pena wali, kini nui a me liilii e @ ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe,
PENA HOOMALOO
a me aniani hale
AILA MAHU, AILA MIKINI, AILA HA@ AILA KAA, INIKA KAMAA.
PAUDA, KUKAEPELE, KIA@
PAUDA, UIKI IPUKUKUIO@
ANO HE NUI A LEHULEHU
LOLE MAKEPONO
E na na
AHINAHINA, KALAKOA, K@KEO, LEPONALO HULUMA@ UWE-WAHINE, KUI HUM@@ MU A ME KA LOPI.
Ko Kuike e loaa no la ma kahi @
Kakela & Kuke
NA MEA PIULA
Mikini Humuhumu
Makini a WHEELER a mo WILSON
MIKINI A WILILOX ME GIBB
NA MIKINI A
REMINGTON
He nui loa na mea hao me na ukani ie o na ano a pau, aole hiki ke hai @@ a aku, hewa i ka wai na maka ke@
Laau Lapaau Kaulana Lc.
A DR. JAYNE .
LAAU HOOMAEMAE KOKO LAAU HOOPAU NAIO, LA@ KUNU. PENIKILA HUAALI
PAAKAI LAAU HOOPA A HI.
Me oa Laau Hamo a Pela ‘la
Kakela me Kuk@