Ka Nupepa Kuokoa, Volume XXVII, Number 25, 23 Iune 1888 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

No ka Makahiki, $2.00, No Eono Mahina, 1.00.

KUIKE KA RULA.

Poaono Iune 23, 1888.

 

Ka Hoike a ke Kuhina Kalaiaina.

KUKUI UWILA I MANAO IA NO NA HALE.

            O ka huila wai e hoohana ia nei i ke ia manawa ma ke Kahua Kukui Uwila, ua like me 130 lio kona ikaika.

            O ka mekini 50 kukui, ua lilo he 42 ikaika lio, a ma e loaa hou ana he mekini 50 kukui, a koe iho he 46 ikaika lio no ia hana.

            O ka lilo no ka mekini 500 kukui no na hale, i hui ia me na mea a pau e pili ana, na kukui a me ka hana ana, he $12,077, a o ka lilo hou aku no ka hoohana ana, $333 no ka makahiki.

            O ka loaa makahiki mai kekahi mekini he $500 kukui, ina i manao ia ana he 15 hapa-haneri o na kukui e hoohana ole ia ana, ma ka $1.25 no ka mahina no ke kukui hookahi, ua like ia me $6,342 oia hoi he hoihoi ana mai ia i 50 pa-keneta o ke kumupaa i hooliloia.  O ka lilo hoohana i keia wa he $8,000.00.  Lilo hou no ka mekini hou 50 kukui 1,080.00, Lilo hou no ka mekini hou 500 kukuihale 333.00.

            Huina lilo hoohana $9,413.00 Hoolawe na loaa mai na kukui hale mai 6,375.00, Huina lilo hoohana $3,038.00.

            O ka lilo me ka hoomalamalama ma ikai ole ana me ka Gasaline, he $500 no ka mahina, oia hoi. he $6,000 no ka makahiki.

            Ma ka hookomo ana i mekini me 00 kukui nona hale, e hoemi ia mai ana na lilo no ka hoohana ana i na kukui a pau mai na alanui a i na hale, a like m ka hapalua o na lilo mua no ka hoohana ana i na ipukukui Gasaline.

            Ina e nana ia ka hoike a ka Luna o na Kukui Uwila (aoao 63), e ike ia ana na koe he 46 ikaika lio mai ka huila e hoohana ia nei mahope o ka lawe ana i ka ikaika kupono e hookakaa ai i na mekini elua he 50 kukui pakahi.

            O ka ikaika i makemakeia no ka hoohana ana i na kukui hale he 500 i ka manawa hookahi, he 45 ikaika lio, aka, oiai, aole e oi aku mamua o 85 e a ana i ka manawa hookahi, e lawa ana no i ka 38.225 ikaika lio, a ua emi loa mai ia malalo o ka ikaika i hooia ia mai e ka huila wai.

            Ma ka hookomo hou ana i na huila wai a me ka mekiki uwila hou, ua hiki ke uku ia na lilo hoohana a pau loa o na kukui a loaa ha puka i kela a me keia makahiki, o aneane $2,000.

BANEKO HALE LETA HOAHU DALA.

            Ua hoomaka ia ko lawelawe ana i ka Oihana Baneko Hale Leta Hoahu Dala ma ka la i o Iulai, 1886; a ua holomua keia mahele oihana mai kinohi mai, a iloko iho nei o Sepatemaba i hala, ua hookahaha ia na mea a pau i ka pii mahuahua emoole o ka huina i hoahu ia aku.

            Papa Hoike o na Hoahu a me na Kikoo Dala mai ka Baneko Hale Leta Hoahu Dala, Iulai 1, 1886 a Maraki 31, 1888.

 

1886.               Huina Hoahuia                        Huina i Kikooia.

Iulai                 $8,149.25                                $72.00

Augate                        8,978.00                                 238.00

Sepatemaba     8,429.65                                 1,151.00

Okatoba          10,157.09                               3,222.50

Novemaba       9,368.64                                 3,663.60

Dekemaba       7,22.57                                   2,670.33

 

1887.

Ianuari             14,656.14                               4,623.00

Feberuari         9,026.69                                 4,268.15

Maraki             6,838.79                                 5,187.79

Aperila                        11,173.94                               6,461.70

Mei                  7,335.51                                 3,401.60

Iune                 4,151.94                                 17,084.71

Iulai                 6,654.73                                 3,294.57

Augate                        8,900.73                                 6,652.91

Sepatemaba     22,037.74                               7,099.16

Okatoba          18,638.72                               4,035.79

Novemaba       24,808.43                               3,746.30

Dekemaba       39,689.63                               5,560.20

 

1888.

Ianuari             42,924.63                               6,370.13

Feberuari         30,393.43                               7,703.38

Maraki             30,784.44                               10,411.02

 

Huina i hoahuia $321,418.68.  Huina i kikooia $106,817.02.  Ka oi o na dala i hoahu ia i ko na dala i kikooia $214,501.07.

            Aole i komo pu me keia kela huina i kapaia "Waihona Iapana," nona ka huina he $102,458.59, i hoahu ia'i hoi i kela me keia manawa, a mahope mai ua kikoo ia ma ka la 6 o Ianuari, 1888. 

            O ka pii mahuahua me ka emoole o ka heluna o ka poe hoahu dala, oia no kekahi o na hoike maopopo loa no ka hilinai ia o ka Baneko.  Ma ka la 31 o Dekemaba, 1887, o ka heiuna o ka poe hoahu, he 819.

            Iloko o ka hapaha e pau ana iloko o Maraki 31, 1888, ua wehe ia ma na Buke he 506 papahelu o ka poe hoahu a he 21 i hoomaka hou, a he 113 i pau e waiho ana i ka heluna pakui hou 414 o ka ppoe hoahu, a ke hoohui ia aku keia me ka heluna e paa ana i Dekemaba 31 i hala, alaila, e loaa ana ka huina nui o 1,233 poe hoahu e paa nei maloko o na Buke.                   (Aole i pau.)

 

NA HOA O KA AHAOLELO.

            O ka Hon. Wilimana, a ka mokupuni o Oahu nei i koho ai i wahaolelo nona iloko o ka Hale Ahaolelo, oia kekahi o na elemakule kakaikahi i piha kona umauma me ka manao o ka wiwo ole, malalo o ke alakai ana a kona noonoo akahele me ka makemake nui, e lawelawe ia na hana me ka eleu, ka mikiala, a me ka hooholomua i na wa a pau e hapa ia ai o kekahi mau kumuhana ano nui.

            Ke hoomanao nei makou i kekahi o kana mau mamala olelo i ka la mamua iho o ka wehe ia ana o keia kau, no ka hoopanee ana i ke kau Ahaolelo Kuikawa, ua olelo ae oia,-aohe ona makemake no ka hoopanee, ka hoopanee a me ka hoopanee mau i na wa a pau.

            Iloko o keia mau la e hele nei, me he mea la, oia wale no ka elemakule poka pahu nana e hehihehi nei ka papahele o kela Hale, mawaho ae o kekahi mau elemakule a me kekahi mau kanaka opio he nonohu wale iho no iluna o na noho.

            O ka Hon. Kini, oia kekahi o ko kakou mau kanaka opio, i nana nui ia aku ma kona ano, he makaukau ma keia ano o ke Kanawai.  Ua kike kamailio ae oia me ka Hon. Kikila, kekahi no o no kakou mau keiki papa o ka aina, i kamaaina a i lehia nui ma na hoolala ana o na manao pili Kanawai.

            O na Hon. Paehaole me Kamauoha, o laua pu kekahi a makou e hoike pu aku i ko laua ake hoomaamaa i mau kalaiaina loea piha naauao no ka lehulehu, a makou hoi i ake nui ai e ike i ka holomua o na keiki Hawaii ma na lawelawe pili Kanawai no ka pomaikai o ka lehulehu a me ka aina.

 

KULA KAMEHAMEHA.

            I ka Poakolu nei, i wehe ia ai ka hoike mua loa o ke Kula Kamehameha, malalo o ka noho kumukula ana a Rev. Oleson no hookahi makahiki i hala ae nei.  Ua akoakoa ae he heluna nui o na makaikai a me na makua ma ke kahua o ke kula, a mawaena o na poe hanohano i hiki ae, o ka Mea Kiekie ke Kama Aliiwahine Liliuokalani me Mrs. J.O. Carter; Hons. C. R. Bishop, H. Waterhouse, W.H.Rice, F. Gay, me kekahi mau hoa e ae o ka Ahaolelo; na Rev. C.M. Hyke me S.E. Bishope, me C.M. Cooke Esq., a me kekahi mau poe e ae he nui wale, i hele ka rumi hoike nui a piha kui i na hoaloha i ake nui e ike i ka holomua o keia kula ke kula hoi a ka puuwai oluolu o kela Aliiwahine aloha aina nui wale i hookaawale ai maloko o kona waiwai Pauahi Bihopa, e kukulu ia keia halekula i wahi e ao ia ai na opio hou o Hawaii me na ike lehulehu o ka naauao a me ka holomua.

            Malalo o ka noho alakai ana o na kumu Miss Clessler me Miss Reamers, ua ao ia na keiki o ka papa haahaa ma na haawina o ka olelo Enelani me na mahelehele ana, ka himeni, ke ao o na huahelu, a me ka hana lima e pili ana i ka home.  Malalo o Rev. Oleson, na keiki nunui me na haawina kiekie, me ka mahelehele ana i ke kakau ana ma ka olelo Enelani me ka maalahi a me ka pololei, ke ao helu, ke paipalapala a pela aku.  Malalo o Terry, ka luna nui o na hale oihana, nana ke ao ana i na hana a pau e pili ana i ke kamana, hana hao a pela aku.

           

            Me ke ahiahi Poaha, ua malama ia na haiolelo a me na mea pili akeakamai e na keiki o ke kula, a ua nui ko lakou makaukau ma ia haawina, a ua haawi ia aku na mahaio o ke anaina ma ka eleu o na haumana, a me ka hooikaika o na kumu i ke ao ana ia lakou.

 

KE KULA O PUNAHOU.

            Ua malama ia ka hoike o ke kula o Punahou ma ko lakou halekula, a ua hiki aku he heluna nui o na makua a me na hoaloha, i ohohia nui e ike i na hoonaauao ana o na keiki ma ke kula.

            O na haiolelo, na paio a me na himeni, he ku i ka nani a me ka maikai, a ua haawi ia aku he mau makana lehulehu mai ia Mrs. W.H.Cornwell a me Mr. J.H.Paty aku.  Mahope iho o ka pau ana o ia mau hana, ua akoakoa aena haumana no ke kanu ana i kekahi kumu laau Beniana ma ke ka hua o ke kula, he mea hoomanao no na haumana o keia mua aku, a na kela a me keia keiki i kokua na kioe lepo ma kona kumu.

 

KA HOIKE O NA KUMUKULA.

            E wehe ia ana ma ke kulanakauhale o Kapalakiko, ma ka la 17 o keia mahina ae, ka hoike nui a me ka akoakoa ana mai o na kumukula, mai na kihi eha mai o ka Repubalika.  Ua kohe wale ia aku ka nui o na poe a pau e hiki mai ana, aia ma kahi o ka umi tausani a oi aku.  Ua hookumu ia keia ahahui i ka makahiki 1857 ma Piladelepia a iloko o na makahiki he kanakolu i hala ae nei, he iwakaluakumamahiku wale no manawa o ka haiawai ana o keia ahahui.

            Ua loaa mai na poloai i ko kakou nei mau kumukula e makemake ana e holo aku ilaila, e loaa na makaala a me na hookipa pumehana ana mai ia kakou.  Ua hooholo iho nei ka Papa Hoonaauao e hoouna aku ia Mr. Scott, kumukula o ke Kula Papu no ua hoike ala.  Ma kekahi o na palapalaia a makou i ike iho ai, e malama ia ana ka la mua loa i la hookipa na ka mokuaina o Kaleponi i na kumukula a pau e hiki aku ana ilaila.  He papa himeni i hoomakaukau ia no ia la me eono haneri leo, a me na poe hookani pila he hookahi haneri.

            Ma kekahi o na lono i kamailio ia ae, i ka wa e pau ai o ka lakou hana, e holo maikaikai mai ana kekahi poe ia Hawaii nei, a e laukanaka auanei ko kakou mau anaina i ka hookipa ana aku ia lakou.

 

NA MAKAI KIU O Amerika a me Europa.

HE LEI DAIMANA I AIHUE IA ME KE AKAMAI LOA.

            I ka hala ana o ka walu o na la mahope iho, loaa mai la ke kauoha i ka ona halekuai e hele aku i ka hotele a "kuu haku" e noho ana i ka hora 11 o ia kakahiaka, a ua makemake ia oia e lawe pu aku me ka lei daimana, a ia wa hoi ia e uku ia mai ai i ke koena dala no ua lei la, a lilo loa aku ka lei na "kuu haku."  I ka hiki ana mai o ka manawa i hai ia ae la, hoea ana ua ona halekuai nei ma ua hotele la, a i kona halawai ana aku me "kuu haku" e noho mai ana oia iloko o ka rumi hooki pa mamua o kekahi o na pahu ume i kukulu ia iloko o ua rumi la, ua hookuu ia iho ke pani o mua o ua pahu ume nei a lilo ae la i pakaukau no ke kakau ana, a e noho mai ana oia me na aahu hooluolu wale no maluna o kona kino.

            Komo aku la ua ona halekuai nei iloko o ka rumi a hele hoohaahaa aku la imua o "kuu haku," wehe ae la oia i ke pani o kahi pahu ana e paa nei me ka lei oloko, a waiho aku ia mamua o ke alo o na haku nei.  Me ka piha hauoli nui o na nanaina o "kuu haku" lolelole iki iho la ia i ua lei nei a i ka pau ana o kana lolelole ana pane mai la oia aohe ona makemake e ike kana kaikamahine i keia hana a laua ia manawa, a hue mai la oia mailoko mai o kona pakeke i kekahi paila dala pepa nui.

            I keia manawa koke no hemo ana ka puka o ka rumi a laua nei e noho nei a komo ana ke kaikamahine opio a ua haku nei, a ma ka hoomaopopo aku a ka ona halekuai me he la o keia komo ana mai la a kana kaikamahine he mea ia nana i hoouluhua loa mai i ua haku nei.  Awihi iki mai la ka maka o ua haku nei i ka ona halekuai, hooko mo aku la i kahi pahu me ka lei daimana o loko iloko o ka pahu ume ana e noho nei, pani aku la a paa me ke ki ia, a i ka pa'i ana ho-o iho la oia i ke kione ka paila dala pepa iloko o kona pakeke ponoi, a huli ae la i ke kaika mahine a noi aku la i kona oluolu e haale le mai oia i ka rumi, oiai he hana kana e hana nei me ka ona halekuai, a he makemake laua e hoouluhua ole ia mai.

            Aka, o keia pane ana aku la ana i ke kaikamahine aole i hoolohe ia mai, a ma ka nana aku me he la ha kaikamahine keia i maa i ka hoomailani ia, i ka ua mea o ka hoolohe ole mai i ka olelo a ka makua.  Pane mai la ke kaikamahine i hele mai oia e hai ia "papa" aia ke kanaka humuhumu lole ma kekahi rumi okoa aku kahi i kali ai iaia, a e pono iaia e hele koke aku e halawai me ia i keia wa, "a ua manao no hoi au," wahi a ua kaikamahine nei, me na helehelena mino aka maikai, "e oluolu mai ana no keia keonimana"-kuhi ae la i ka ona halekuai-"e hoohala i ke kau wahi manawa uuku me a'u, oiai oe ma kela rumi me ke kanaka humuhumu lole, a hiki i kou wa e hoi mai ai; eia kekahi, ua noke mai nei au i ka wehe i kuu lei puuwai aohe hemo iki, a e hoohala iki maua i kekahi manawa ina e oluolu mai ana keia keonimana ma ke kokua ana mai ia'u e wehe."

            O keia mau hana a pau a ua kaika mahine la ua hiki ole ia mea ke hoouluhua aku i ka manao o ka ona halekuai, a o kona makemake maoli no hoi ia o ka hoohala i kekahi manawa me na ui la.  No ke akamai loa o keia mau hana maalea aole i komo iho kekahi manao hilinai ole iloko o ua ona halekuai nei, a he mea hiki ole no paha ia i kekahi mea e ae ke manao pela, oiai ua ike maoli aku la no oia o ka lei daimana ana i lawe mai ai eia no ia iloko o ka pahu ume e ku mai nei mamua ona, ana hoi manao ai ua like no ia me he la aia iloko o kona poholima.

            No keia mea pane aku ia ua ona halekuai nei i "kuu haku" aohe make manao mai iaia, a he hauoli loa @ ia no ke kau ana a pau ka "kuu haku" halawai ana me ke kanaka humuhumu lole, oiai ua loaa hoike i mea nana e hoona nea a hiki i kona hoi hou ana mai.  Ku ae la ua haku nei, mea mai la i kona minamina no ka hoololoiahili ia o ka laua hana e kela a me keia, hookapalili aku la i kekahi maa manalima imua o ke kaikamahine ma ke ano hooweliweli hoomeamea, a puka aku la iwaho o ka rumi.

            Mamuli o na hina hooawalewale a keia kaikamahine ma ka hoonanea ana a me ka nani maikai o kona kulana, ua komo iho la na manao makahehi iloko o ka naau o ua ona halekuai nei a pau ae la kona hoomaopopo ana ia kana hana i hale mai ai-ua komo iho la ka iimi iloko o kona naau no keia kaikamahine a ua maopopo ole iaia pehea aku nei la ka loihi o ka hele ana o "kuu haku."  He liu wale keia noho ana a laua pela, a ke kuko nei ka manao o ka ona halekuai o ka loihi iki aku o ka noho ana o ka makaakane iwaho, i loihi iki iho ai ko ia nei mana we e hooha'i ai me ua kaikamahine nei, eia nae pane e mai la ua kaikamahine nei no ka loihi loa o ka "papa hele ana, a heaha la kona mea o ka hina ana pela, oiai he malihini kana e kali nei iaia," a me keia mau huaolelo ku ae la oia iluna a mea mai la i ka ona halekuai e hookuu aku iaia a e hele ae ka oia e mea aku ia "papa" e awiwi mai. Mamua o kona puka ana aku huli mai la oia a hoomaikai mai la i ua ona halekuai la no kona lokomaikai nui ma ke kokua ana iaia i ka wehe ana a hemo ke pani o ka lei puuwai ona, a ua haawi ia mai keia hoomaikai ana iaia e ua ui la me kekahi o kana mau mino aka kaili puuwai.

            Puka aku la ua kaikamahine nei iwaho a koe hookahi iho la keia, a o na huaolelo a pau a me na helehelena nohea o ua kaikamahine la eia no ia ke kau mai nei imua o kona mau ma ka, e ake aku ana oia o ka ike hou aku.  Noho iho la oia me ke nalu ana o kona mau manao no ua kii ka mahine la, a me he la o na huaolelo waipahe a me na maka onaona o ua ui nei ua loaa iaia iloko o ka moeuhane.  Aohe ona hoomaopopo ae i ka ma nawa e nee nei, no ka mea, ua lilo loa ka noonoo ana no kela mea nani, a e a a ua loihi loa ko laua la hele ana akahi no a haupu ae ua ona halekuai nei no ka loihi loa o ka hele ana a "kuu haku," a ahea la oia e hoi mai ai e hoopau ae i ka laua wahi hana.

            Komo mai la ka noonoo iloko ona no ka lei ana, a hele aku la oia e hoao ina ua paa io ka pahu ume i ke ki a.  I ka hoao ana aku ua paa io no, a ma nao iho la oia eia no ka pahu lei daimana ana iloko kahi i pue ai, a nolaila e kali malie no oia a hiki i ka hoi ana mai o "kuu haku."  Noho hou iho la oia ilalo, komo hou mai la na manao hialaai iloko ona no kona ike aku i ua kaikamahine nei a "kuu haku" e lei ana i ua lei daimana nei i kona po e mare ia ai, a ke hui ia ae la hoi ka anapa o kana lei daimana me ka mo haha pua rose o ka ili o na papalina o ua kaikamahine nei, he mea ia nana i manao iho aohe mea kupono e ae e lei i keia lei o ua kaikamahine nei wale no.

(Aole i pau.)

 

UA KO KA IINI A KA MAKE.

            He mau mahina loihi ae nei elima a ka make i hoomakaulii mai ai i ko'u kahu hanai i aloha nui ia oia o Kamauoha, mamuli o ka hoemi liilii ana mai o ka mai i kona ola a hiki i ka la 10 Iune 1888 nei, a oia ka wa a ka make i kaili hikiwawe loa aku ai i kona hanu ma Keaukaha, Hilo, Hawaii, a o ka pau no ia ma keia ao.

            Ua hanau ia oia ma Keaukaha, Hilo, i ka makahiki 1823, a ua make no malaila i ka wa i hoike ia ae la; nolaila, ua piha iaia na makahiki he 65.  He wahine a me na keiki kana e ola nei, a he kaikuahino me ka ohana.

            Ano, e Kukaehu e- kuu pokii aloha, me ka naau ehaeha au e hui pu aku nei me oe e u pu i ko kaua papa i aloha nui ia a me na pokii o kaua, aka e hoonao aia no ka Maku Nui ma kela ao ka mea nana e hoomama mai i na kaunaha o keia ao.  Aloha oukou.  Owau iho no KINNEY KOAHOU.

 

UA LOAA MAI NEI HE MAU PAHU SAMANO HOU

Ano no ia i hiki mai nei, a e kuai ia aku me ka Makepono Loa na makamaka ona i na Samano ono.  E wili mai o hala ka wa pono.  KAKELA me KUKE

 

HOOLAHA HOU.

 

HOOLAHA A KA MEA MALAMA WAIWAI.

            MAKE kauoha e Mr. W.C.Parke a me Mr. J.Austin, na Luna Malama Waiwai e ka HUI KALEPA O NAWAIELUA, Waihee, Maui, e kuai kudala ia aku ana ma ke kudala akoa, mahina iho o ka Hale Hookolokolo o Wailuku, Maui, i ka hora 12 awakea POAHA, IULAI 26, 1888.

            O na @ a me na pono a pau o D.Kapoi, L.W.P. Kamalii, me Iulai Kahaulelio Kanealii kana wahine mare, oia keia ma @.

            1.  O kela apana aina ma Paleileiha, Waihee, Maui, i hoike ia ma ka Palapala Sila Nui 7651 ia @, oia keia @ o iho:

            Mahele 1.  E hoomaka ana ma ke kihi akau a e holo hema @ kina 70 kaulahao ma ke @ hema 09' komohana, @ kaulana ma ke konohiki akau 35' komohana 41 @ ma ke konohiki akau 60' hikina @ ma ke konohiki a hiki ma ke kahi mua 30-100 eka.

            Mahele 2. Hoomaka ma ke kihi akau e hole hema @ komohana 347 kaulahao ma ke konohiki akau 42' komohana, 26 kaulahao ma ke konohiki hema 65' komohana 192 kaulahao ma ke konohiki hema 25' hikina 62 kaulahao ma ke kahawai akau 70 1/2' hikina 524 kaulahao ma Na pahoe me Konohiki akau 10' komohana 83 kaulahao me ke konohiki a hiki ma ke kihi mua, 41-100 eka.

            2.  O kula apana aina he Ili o Paleileiha, Waihee, i hoike ia ma ka Palapala Sila Nui 5897, L.C.A. 3519 ia Pouloa o,a keia malao iho:

            E hoomaka ana ma ke kihi komohana Poalima mawaena makai penei:

Hem. 62" kom. 510 kaulahao ma ko Waiakea

Hem. 64" kom. 282 Kaulahao ma ko Konohiki

Hem. 62" kom. 155 kaulahao ma ko Konohiki

Hem. 18" Hik. 137 kaulahao ma ko Poalima

Akaa 64 1/2 kom. 131 kaulahao ma ko Kula

Akaa 50  Hik 3 kaulahao ma ko Poalima me Kaihumua

Akaa 63 1/4 Hik. 571 kaulahao ma ko Kaihumua

Akaa 61 Hik. 204 kaulahao ma ko Kaihumua

Akaa 55 Hik. 220 kaulahao ma ko Poalima

Akaa 33 1/2 kom. 103 kaulahao ma ko Waiakea

Hem. 55 kom 209 kaulahao ma ko Waiakea

Akau 57 kom. 215 kaulahao ma ko Waiakea 1.33 Eka.

            3.  O kela apana aina he Ili o o. Paleileiha Waihee, i hoike ia ma ka Palapala Sila Nui 3960 ia Napahoa, oia keia malalo iho:

            Hoonaka ma ke kihi akau o Kihe e holo akaa 38' komohana 51 kaulahao ma ka Luakini hema 57' komohana 363 kaulahao hema 75 komohana 3.78 kaulahao akau 15 komohana 50 hema 72 1/4 komohana 574 kaulahao Kaihumua hema 24 1/2' hikina 65 akau 66 1/4 hikina 57 kaulahao Poalima hema 271/2  hikina 70 hema 64 1/2 komohana 69 hema 20 hikina 81 akaa 67 3/4 hikina 8.38 kihe akau 2 1/2 komohana 39 Kihe akau 62 1/4 hikina 478 Kihe a hiki ma kahi i hoomaka ai, 1.44 eka.

            4.  Aina ma Moomuku, Honoaula, Maui, i hoike ia ma ka Palapala Sila Nui 1226 ia Kehuluhulu me Kapoi.  E hoomaka ma ke Kihi komohana o keia e pili ana i ko Makuahine a e holo.

Akau. 53 Hik. 13.30 kh. ma ko Napua Ap. 1

Akau. 10 1/2 Hik. 3.37 kh. ma ko Napua Ap. 1

Akau. 56 1/2 Hik. 13.24 kh. ma ko Kihuluhulu Kuleana

Hem. 37 Hik. 11.42 kh. ma ko Aupuni

Hem. 51 Kom. 25.15 kh. ma ko Aupuni

Akau. 56' Kom. 11.50 ma ko Makuakane a hiki i kahi i hoomaka ai, 29.87 eka.

            5.  O keia mau apana aina elima ma Kaanapali, Maui, L.C.A. 3925 N ia Nika 1, oia keia malalo iho:

            Apa ia 1.  Kula uwala ma Kahananui.  e hoomaka ana ma ke kihi hema homohana a e holo

Hema 72 1/2 hik. 172 kaul. i pili me kahawai

Hema 56 1/4 hik. 223 kaul. i pili me Kaaha

Akau 13 1/4 kom. 202 kaul. i pili me kahawai

Akau 51 1/2 kom. 535 kaul. i pili me pali

Hema 5 1/4 hik. 238 kaul. i pili me kahawai

Hema 40 1/2 hik. 152 kaul. i pili me kahawai a hiki ma ke kihi mua, 91-100 Eka.

            Apana 3.  Kula uwala ma Kahana.  E hoomaka ana ma ke kihi hema hikina a e holo

Akau 42 1/2 hik. 207 kaul. i pili me Konohiki

Akau 56 3/4 kom 590 kaul. i pili me Konohiki

Hema 9 1/2 kom. 241 kaul. i pili me Kuoioi

Hema 70 1/2 hik. 203 kaul. i pili me Konohiki

Hema 46 hik. 284 kaul. i pili me Pali a hiki ma kahi i hoomaka ai, i 1-100 Eka.

            Apana 4.  Kula uwala ma Kahana.  Hoomaka ma ke kihi akau komohana a holo

Hema 52 1/2 hik. 186 kaul. i pili me ka pali

Hema 31 1/4 hik 218 kaul. i pili me ka pali

Hema 41 hik. 153 kaul. i pili me ka pali

Hema 74 3/4 hik. 840 kaul. i pili me ka pali

Hema 41 3/4 hik. 307 kaul. i pili me ka pali

Hema 86 3/4 hik. 602 kaul. i pili me ka pali

Hema 21 1/2 kom. 221 kaul. i pili me ka Kuoioi

Akau 86 1/2 kom. 659 kaul. i pili me ka pali

Akau 60 1/4 kom 661 kaul. i pili me ka pali

Akau 66 kom. 580 kaul. i pili me ka pali

Akau 28 kom. 221 kaul. i pili me ka pali

Akau 56 1/4 kom. 182 kaul. i pili me ka pali

Akau 34 3/4 hik. 220 kaul. i pili me ka Hale a hiki ma ke kihi ma, 4.68 Eka.

            Apana 5.  Pahale ma Kahana.  Hoomaka ma ke kihi komohana akau, a e holo

Hema 10 hik. 158 kaul. i pili me Konohiki

Hema 80' hik. 158 kaul. i pili me Konohiki

Akau 10 hik. 158 kaul. i pili me Konohiki

Akau 80 kom. 158 kaul. i pili me Konohiki a hiki ma kahi i hoomaka ai, 11/4 Eka.

            Apana 6.  Kula uwala ma Mailepoi.  E hoomaka ana ma ke kihi hema hikina a holo

Akau 21 hik. 75 kaul. i pili me Konohiki

Akau 33 kom. 3.20 kaul. i pili me Pali

Akau 68 1/2 kom. .55 kaul. i pili me Pali

Akau 17 1/2 kom 2.10 kaul. i pili me Pali

Akau 84 kom. 2.71 kaul. i pili me Pali

Hema 22 3/4 kom 2.08 kaul. i pili me Konohiki

Akau 83 1/2 hik. 8.02 kaul. i pili me Pali

Hema 17 1/2 hik 210 kaul. i pili me Pali

Hema 45 1/4 hik. 338 kaul. i pili me Pali a hiki ma kahi i hoomaka ai, 1 44-100 Eka.

            I kela mau apana aina a pau mai ka helu i a 5, ua kuai ia ma o kekahi moraki i hana ia mawaena o D. Kapoi, L.W.P. Kanealii a me Julia Kanauleilo Kanealii kana wahine ma ne, i ka hui Hawaiian Com & Co., Jan. 24, 1887, no $800 iloko o 3 makahiki.

            6.  O kela apana aina ma Paleileiha, Waihee, Maui, L.C.A. 2655 ia Polulu, oia keia malalo nei.

            Ili o Pahihi.  E hoomaka ana ma ke kihi komohana hema o ka pahu e pili ana me ka papohaku

Akau 60 1/2 hik. 187 kaul. ma ko Kapu

Hema 29 1/2 hik. 53 kaul. ma ko Kapu

Akau 62 1/4 hik. 61 kaul. ma ko Kapu

Akau 30 1/4 kom. 47 kaul. ma ko Kapu

Akau 62 1/4 hik. 88 kaul. ma ko Kapu

Akau 21 1/2 kom. 44 kaul. ma ko Kapu

Akau 70 1/4 hik. 132 kaul. ma ko Kapu

Akau 66 1/4 hik. 59 kaul. ma ko Poalima

Hema 8 1/4 hik. 64  kaul. ma ko Wahalele

Akau 61 hik. 3.22 kaul ma ko Wahalele

Hema 47 1/2 hik. 67 kaul. ma ko Poalima

Hema 50 1/2 kom. 111 kaul. ma ko Poalima

Hema 20 hik. 93 kaul. ma ko Kaawa

Hema 50 1/2 kom. 315 kaul. ma ko Naaho

Hema 57 1/2 kom. 396 kaul. ma ko Naaho

Akau 31 1/2 kom. 306 kaul. ma ko Papohaku a hiki ma kahi i hoomaka ai, 1.72 Eka.

            7.  aina ma Nau, Honuaula, Maui, Palapala Sila Nui 1424, ia Kapo, oia keia malalo iho:

            Apana 1.   Hoomaka ma ke kihi komohana hema o keia ke kihi hoi o ko Punika ae holo ana

Hema 60 1/2 hik. 588 kaul. ma ko Penika

Akau 51 1/2 hik. 863 kaul. ma ko Kanahena

Akau 44 1/2 kom. 73-04 kaul. ma ko Keanini

Hema 50 kom. 10.60 kaul. ma ko Kupaa

Hema 48 hik. 7.29 kaul. ma ko Kaina a hiki i kahi i hoomaka ai, 32 1-10 Eka.

            8.  Aina ma Kauahena, Honuaula, Maui, Palapala Sila Nui 2199 ia Kapoi, oia keia malalo iho:

            Apana 2.  Hoomaka ma ke kihi akau o keia kihi komohana o kona kuleana

Hema 27 1/2 hik. 397 kaul. ma kona Kuleana

Hema 33 1/2 hik 905 kaul. ma kona Pikanele

Hema 03 kom. 1560 kaul. ma kona ko Clinkers

Akau 41 kom. 732 kaul. ma kona Papohaku

Akau 41 hik. 760 kaul. ke Ahupuaa o Nau a hiki i kahi mua, 16 35-100 Eka.

            Apana 3.  Hoomaka ma ka papohaku nui i ke kihi o ka ia ma ke alanui a e holo ana

akau 50 1/2 kom. 595 kaulahao ma ka Pa

Hema 26 1/2 kom. 239 kaulahao ma ka Pa

Hema 32 1/4 hik 630 kaulahao ma ka Pa

Akau 34 hik. 450 kaulahao ma ka Pa a hiki i kahi i hoomaka ai, 2 6-100 Eka.

            9.  O L.W.P. Kanealii i olelo ia, he hookahi hapakolu kona i mahele ole ia i na apana aina ma Holualoa N. Kona, Hawaii, Palapala Sila Nui 4576 L.C.A. 7781 no Kanealii, oia keia malalo iho:

            Apana 1.  E hoomaka ma ke kihi komohana a e holo

Akau 35'30 hik. 7.80 ma ke aupuni aina

Hema 12 hik 3.10 kh. ma ke aupuni aina

Hema 27 hik. 1.80 kh. ma ke aupuni aina

Akau 3 kom. 1.48 kh. ma ke aupuni aina

Akau 31'30 kom. 2.67 kh. ma ke aupuni aina I oko 2 3/4 Eka.

            Apana 2.  Pa.  E hoomaka ma ke kihi akau a e holo

Hema 19 hikina 111 Kapuai Kuai

Akau 67.30 hikina 129 Kapuai Kuai

Akau 19 hikina 30 Kapuai Kuai

Akau 67'30 hikina 83 Kapuai Kuai Iloko 238 7-10 Anana.

            Aka o kela mau apana o ka Palapala Sila Nui 4576 aia malalo o ka moraki i hana ia ia W.R.Castle e L.W.P. Kanealii, Iulai 1, no $150.

            Na halu e ku ana maluna a me na pono a pau e pili ana.

            Kuike ke Dala.  A o na lilo a pau o ka palapala ma ka aoao no ia o ka mea kuai mai.

            No na mea i koe, e ninau ia W.C.Parke hope, a i ole i ka mea nona ka inoa malalo iho:

            E kuai pakahi ia ana no na aina maluna ae.

THOS. W. EVERETT, Luna Kudala.  Wailuku, June 1888.

 

ELIMA DALA MAKANA

            O ka mea e malama e nei i kekahi helu o ka nupepa KUOKOA o ka makahiki 1883 a 1884 paha, e pili ana i ka hoolaha hoohui a na lala i ka hui Kalepa Hawaii ma Kahalii, Hilo, Mokupuni o Hawaii, e loaa na dala makana elima aia no i helu wale no, ke hoouna pololei ia mai i ka mea nona ka inoa malalo nei.

            O ka mea puka mua mai nae, a e houna pololei iana dala elima ma ka inoa o ka mea nona ia nupepa, ma ka Bila Kikoo Hale Leta o Hilo.

            Eia na inoa o na lala i hoohui ae ia lakou iho e lawelawe ma ka Oihana Kalepa Lole a pela aku, ma Kahalii, ma keia inoa "Hui Kalepa Hawaii." J. Kalua, Joela, Kaihupau, Kaliula, Keka, Kaawa, Kaiakoili, Manu Kaili Maikaalea.

JOSEPH MAIKAALOA KAUHI (opio), Manager Clerk, Komisina Ohi Aie.  Mokuhooniki, Hilo, Hawaii

 

HOOLAHA LUNA HOOPONOPONO WAIWAI.

            O na mea nona na inoa malalo iho nei na Lunahooponopono Waiwai o S.P. Luahine i make no Kalaupapa, Molokai, oiai, ua hoonoho pono ia mana e Hon. Gec.E.Richardson, Luaakanawai Kaapuni o Maui, ma ka la 14 o Iune, 1888.  Nolaila, o ka poe a pau i aie i ka mea make, e hookaa mai ia J.M.Maunaloa, ma Kawela, Molokai, a i ole ia, ia Mrs. S.P.Luahine ma Waikapu, Maui.  A o ka poe e paa ana i kekahi waiwai o ka mea make i aie ai, e hoike mai i ka lakou mau Bila o nele auanei.

J.M.MAUNALOA, MRS. S.B.LUAHINE, Na Lunahooponopono Waiwai o S.B.Luahine. 

Lahaina, Maui, Iune 15, 1888.

 

HOOLAHA AINA HUI.

            E malama ia ana ka halawai o na poe kulea na i na aina hui o Kah na a me Mailepai, Kaanapali Maui, ke hiki aku i ka hora 10 a.m. o ka Poaono, la 21 o Iulai, M.H. 1888, ma ka Halehookolokolo ma Lahaina, Maui, no ka hooponopono ana i kekahi mau hana e pili ana i na aina hui.

            A ke kauoha pu ia nei na poe kuleana a pau i ua mau aina hui nei, e hele mai, ma kahi a ma ka manawa i hoike ia, me ka lawe pu ana mai i ko lakou mau Palapala Mookuleana.

SAMUELA E. KAIUE, Kakauolelo o ka Hui.  Aponoia.

 

HOOLAHA HOOKO MORAKI ME KE KUAI

            MAMULI O KEKAHI MANA KUAI i hoike ia maloko o kekahi Palapala moraki i hanaia mawaena o Luukia w, a me Henry Hali kana kane mare o ka aoao mua a me Raymond Reyes o ka aoao elua, ma ka la 20 Iulai, M.H. 1885, i kakau kope ia ma ka buke 95 aoao 185 a me 186, a mamuli o ka uhai ia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia la mana kuai, a ma ia hooko ana, e kudala akea ana ia i na apana aina i hoike ia ma ia moraki, ma ka POAKAHI, la 6 o IULAI, 1888, ma ke keena kudala o J.F.Morgan, ma Honolulu, ma ka hora 12 o ia la.

            Hanaia i keia la 20 o Iune, 1888.

RAYMOND REYES, M. a Moraki Mai.

            Penei na aina e kudala ia ana:

            1.  Kela apana aina i ike ia ma ka Palapa la Sila Nui helu 4732 nona ka nui 109 anana kuea, ma Manowai, Molokai.

            2.  Kela apana aina i ike ia ma ka Palapala Sila Nui helu 6042, nona ka nui 1,409 ana na kuea ma Ohia Molokai.

 

MRS. THOMAS LACK, HELU 81, ALANUI PAPU.  MEA KUAI A LAWELAWE I NA Mikini Kumuhau na Aahu a nui wale Aku.

HE AGENA KUAI NO NA MIKINI White, New Home, Davis, Crown, Howe, Me Florence, Na Kui Mikini o na ano a pau a Howard, Na pepa ana lole o na ano a pau, a me kela keia mea NA LOPI MIKINI A KALAKA.  HE AGENA KUAI I NA Pu Raifela, Pu Panapana, Pu ki manu, na Poka, Lu, Pauda, Kukaepele.

NA KAPUAHI AILA MAHU Mai ke nui a ka liilii.

            Ma ka lawelawe nui ana o'u i ka hanalima akamai o ka oihana hana pu a pela aku, ua makaukau au e hooko kaulua ole i na kauoha a pau.

            O na kauoha mai na mokupuni e hookoma.

 

HOOLAHA HOU.

HOOLAHA KUAI MORAKI WAIWAI PAA.

            MAMULI o ke kauoha a T.R.Lucas, M.R.Colburn a me J.E.Colburn, na Kahu Waiwai o ka Hawaiian Mechanics Benefit Union, he hui i hoohui ia ma aio o na Kanawai o keia Aupuni, na mea i moraki ia aku ai ka aina ma o kekahi moraki i hana ia e Kaluna w., a me A.K. Palekaiuhi k., kana kane mare i keia ia 15 o Dekemaba, A.D. 1884, a i kope ia ma ke Keena Kope o ke Aupuni ma Honolulu, Buke 91, aoao 392, 393 a me 394 i kuai aku ana ma ke kudala akea, MA KA POAONO LA 30 O IUNE A.D. 1888, hora 12 awakea, ma kolu Keena Kuai ma Honolulu, i na apana malalo iho:

            1  -O kela mau apana aina a pau e waiho la ma Waimea, Mokupuni o Kauai, Ko Hawaii Pae Aina, i hookakaia iloko o ka Palapala Kuleana 5271, ia Kaipo Malieke a me Kuolua.  2.  -A iloko o ka Palapala Kuleana 7672, a me ka Palapala Sila Nui 4819.  3.  -A o kela apana aina a pau i hoakaka ia iloko ka Apana 1, o ka Palapala Kuleana 3353 Palapala Sila Nui 5258.  4  -A o ka aina i hoakaka ia iloko o ka Palapala Kuleana 2982.Palapala Sila Nui 5284.  5  -A o ka aina i hoakaka ia iloko o ka Palapala Kuleana 6565, Palapala Sila Nui 5284.  6  -A me elua anana aina ma ke Alanui Kula iloko o Honolulu, Mokupuni o Oahu, nona na eka 1 3-8 a me 1 5-100 eka, a i hooili ia mai i na mea noraki e R.Keelikolani.

J.F.MORGAN, Luna Kula'a [No na mea i koe e ninau ia Rosa, loio no na mea i moraki ia aku ai.]

 

HOOLAHA A KA LUNA HOOPONOPONO WAIWAI.

            No ka mea ua hoonoho ia ka mea nona ka inoa malalo i Lunahooponopono Waiwai no Kaawa k, o Kuhua, Hilo, Hawaii, i make hananei.

            Nolaila ke kauoha ia nei na poe a pau a ka mea make i aie ai e noho nei, e hoike koke mai iloko o na malama eono mai keia la aku, o hookaa ole ia ma ia hope aku, a ua kauohaia na mea a pau e aie nei i ka mea make e hookaa koke nei.

E.G.HITCHCOCK, Lunahooponopono waiwai o Kaawa k. Hilo, Mei 29, 1888.

 

            AHA HOOKOLOKOLO APANA EHA o ko Hawaii Pae Aina.  Ma ka hooponopono waiwai.  Ma ka waiwai o Paulo Kamakahiki o Hanalei i make kau ha ole.  Imua o ka Lunakanawai Kaapuni make keena.

            Ma ka heluhelu a me ka waiho ana mai e ka palapala noi a "Ka Hanalei Store Company" e hoike mai ana, o Paulo Kamaka liiki, no Hanalei, Ka ai, ua make kauoha ole ua Hanalei ma ka la 21 o Moraki, 1888, a e nei ana e haawiia ka palapala hookohu lunahooponopono waiwai ia Edward Kaaloa.

            Ua kauohaia o ka POAONO, ka la 16 o IUNE, 1888, ma ka hora 10 o kakahiaka, oia ka manawa i kohoia no ka hoolohe ana i ua noi la, imua o ua lunakanawai a ma ka hale hookolokolo o keia aha, ma Koloa, a ma ia manawa a ma ia wale no e hele mai ai na mea a pau i pae hoike mai i ke kumu, ina he kumu oiai, ko lakou e ae ole ia ai ua noi la.  A o keia olelo kauoha e hoolahu ia ma ka olelo Hawai i ekolu pale ma ke KUOKOA nupepa ma Honolulu.

            Kakauia ma Koloa, Kauai, ko Hawaii Pae Aina, Mei 10, 1888.

JACOB HARDY, Lunakanawai o ka Aha Kaapuni Apana Eha.

 

HOOLAHA HOOKO NO KA MORAKI.

            I kulike ai me ka mana no ke kuai maloko o kekahi moraki i hana ia e James Keau, o Honolulu, mokupuni o Oahu ia Bishop & Co. o Honolulu, i kakau ia ma la la 14 o Iune, 1883. a i kope ia ma ke Keena kakau Kope ma Honolulu i ka Buke 81, aoao 192, 193 me 194, nolaila, ke hoolaha ia aku nei ka hooko ia ana o kela moraki no na kumu i uhakia ai, ma ka hookaa ole ia o ke kumupaa ame ka ukupanee, e kuai kudala ia aku ana i ke akea ma ka rumi kudala a J.F.Morgan i ka POAONO, AUGATE 18, 1888, i ka hora 12 awakea,  i kiea apana aina e waiho nei ma Aala, Honolulu, i ho keia ma ka Palapala Kuleana Helu 5657, (na aina i haawi ia a Uluoa, Helu 1087), me na hale a pau e ku la maluna o ka aina.

            No na mea i koe, e ninau ia Bishop & Co. a i ole, ia W.O.Smith, loio o ka mea i morakiia.

BISHOP & CO., Honolulu, Mei 25, 1888.

 

            HOOLAHA HOOKO MORAKI ME KE KUAI.

            I kulike ai me kekahi mana kuai i hookolo ia iloko o kekahi moraki i hana ia e Kaiula w., a me A.K.Palekaluhi, kana kane mare o Honolulu, Mokupuni o Oahu, ko Hawaii Pae Aina, ia Allen & Robinson o Honolulu olelo ia, na mea i moraki ia aku ai, i hana i ma ka la 3 o Maraki A.D. 1884, a i oia ma ke keena kope o ke Aupuni ma ka hoike 84 aoao 541 a me 472.

            Ke hoolaha ia aku nei ua makemake na ma i moraki ia aku ai ka aina e hooko ia ua moraki la no ka uhaki ia ana o na kumu, oia hoike uku ole ia ana o ke kumupua a me ka ukupanee i ka wa e hookaa ia ai, a me ia hooko ana i ua moraki la e kuai aku ana ma ke kudala ma ka la 30 o IUNE, A.D. 1888, ma ka hora 12 awakea, ma ke keena kuai o J.F.Morgan, Luna kudala ma Honolulu, i na ana i pau i hoike ia malalo iho:

ALLEN & ROBINSON, Mea Moraki, Honolulu, Iune 8, 1888.

 

            O na aina e kuai ia aku ana, aia ke waiho la ma Waimea, Mokupuni o Kauai, ko Hawaii Pae Aina, a ua hoakaka pono ia penei:

            1  -O na aina a pau loa i hoakaka i iloko i ka palapala kuleana helu 7672 palapala oia nui 4819.

            2  -O ka aina a pau loa iloko o apana i o ka palapala kuleana 3353 palapala sila nui 5282.

            3  -O ka aina a pau loa iloko o ka pa apana kuleana 2982, palapala sila nui 5285.

            4  -O ka aina a pau loa iloko o ka palapala kuleana 6565 palapala sila nui 5284.

            A me elua apana aina ma alanui Kula Honolulu, mokupuni o Oahu, hookahi apana he 1 5-8 eka a o kekahi apana he 1 50-100 eka.

 

HOOLAHA HOOKO MORAKI.

            I kulike ai me ka mana i haawi ia i na luna nona na inoa malalo iho nei, ke hooloha a aku nei i ke akea no kekahi moraki i laaweia aku e Charles Hiram, i kakauia ma ka la 27 o Iulai, 1885, a i kope ia ma ka Buke 97, aoao 167 me 169, no ka hoopaa ana i kekahi huina dala o $4,00, e pani ia ana ka manawa o na moraki la malalo o na kumu o ka uhaki ia aia penei:  No ka uku ole ia ana o ka ukupanee a me ka hiki ana i ka manawa e ae ia ai e ke Kanawai, nolaila, e kuai kudala ia aku ana ke akea ka apana aina i hoike ia ma ua moraki la.

            O kela apana aina e ku ne o ka Halekaa Hawaii me Leleo, Honolulu, oia hoi ka ana i hoike ia ma ka Palapala Kuleana 2257 a Kahe.

JNO.S.WALKER, F.H.HAWSELDEN,  Na Malama waiwai o J.D.Hayselden.