Ka Nupepa Kuokoa, Volume XXVII, Number 22, 2 June 1888 — NA MEA HOU O HANA. [ARTICLE]
NA MEA HOU O HANA.
I ke Sabati 6 o Mei, ua hoike mai la ke kahu Rev. J. K. losepa iaiua o ke anaina i ke ano o ka lakou hui ma Wai!uku. Ma ia hui ana ua hoonoho hou mai la iaia i kahu no Hana, a ke noho nei oia e like me kona kulana mua, aoie hoi e like me na mea i ike ia ma ka nupepa. Ma ia la Sabati he mahuahua no ka poe i hiki ae ma ka luakini, ke nee nei no na hana a ka Haku imua, a ma ia la no i noi mai 3i i ka oluolu o na hoahanau e hookuu aku iaia no Kipahulu no kona wahi pilikia, a pau hoi mai; a ua ae ia aku. O ke kulana o ka eka)esia he oia mau no ia, a ke malama ia nei ke kula Sabati, a pela no hoi me ko makou ahahui opiopio. Ma ka Poakolu Mei 9, ua puni iho la ke akule o Hana mamuli o ka lawelawe ana a K. Kauakahi, aole o kana mai ka nui o ke akule, ua manao ia ua piha ke kini.