Ka Nupepa Kuokoa, Volume XXVII, Number 22, 2 Iune 1888 — KE ALAHAO O HONOLULU [ARTICLE]

KE ALAHAO O HONOLULU

Ma na aina naauao o ka honua nei, ua lawe ia ka hoohana ana i na alahao e moe ana maluna o ka honua mai kekahi wahi aku a i kekahi, mau hoailona o ka holomua, a ī ole ia, he mau haawina o ka hoohoihoi i na hana hou kuloko oka aina. Pela kakou e ike nei 1 keia mau la, aole i loihi loa ae » nei na la o na kamaihaana no na uwea olelo a me na kukui uwila, ike hou kakou i kei-a mau mea kamahao oke alahao e hana ia nei iwaena o ka puu wai o ke kulanakauhale alii nei. O na leo o ka mahalo a me na hoomaikai ana, aia no ia maluna o ka hui i noho agena ia e Keoki Makapolena, no ka hooholo mua ana i keia mau hana kamahao iloko oka aina. Malalo o kona mau manao pauaho ole, i ka hookele ana ika noonoo e loaa ia kakou ke alahele o ka makepono ame ka maalahi, ua ike kakou i keia la, ke holo loa ae nei ka hana ana mai ke kuea pa Alii mai ma alanui Moi a kokoke e hiki i ke alanui Maunkea, no ka h'oomau loa ana aku i ka hana e holo la i Kapalama. Aole paha e liuliu loa na la a hoomaka kakou e kau maluna oua mau kaa la i ano like me na kaa halihali ohua o Kapalakiko, a he hookahi a kakou huaolelo e puana ae, —o ka lawe a ka lio kaine|)U a o keia kaa, ua like j u.