Ka Nupepa Kuokoa, Volume XXVII, Number 22, 2 Iune 1888 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

Kela me Keia.

  I keia la e hiki ai ka hoomoe ana i ke alahao ma alanui Maunakea.

  I keia kakahiaka hora 8 e holo kaa p@@@ aku ai ka mokuahi Bihopa no O @@@ nei.

  Ua waiho aku nei o Kauka Peterson i kona hookohu kauka n aka panalaau o Molokai.

  Ua hanau mai n aka wahine a Hon. W. O. Kamike, i ka Poakahi nei, he kaikamahine.

  No ka nawaliwali o ka mea kakau o ka Makai Kiu, nolaila, ua nele kakou ia ono i keia p@le.

  Hahana ku wela o ka la i keia mau la, nawai @@@ e ole, o na la ikiiki ka hoi keia o ke kau.

  He @@ mau lio i lawe ia mai e ka mokuahi Waialeale mai Kauai mai, no ka Hon. Laiki o Lihue.

  I ka Poanono i hala a me ke kakahiaka Sabati mai, i pau loa mai ai no hoa o ka
Ahaolelo i ka hiki mai.

  Aole i hoea mai o Minewa i o makou nei i keia pule, aia no paha in a pali h@uliule kahi i lualai ai.

  I ke ahiahi Poakahi nei i ho a mua loa ia ae ke kukui uwila ma ka aoao hi@@na @ kau ana iluna o Kalakaua Hale.

  Ua kappa ia ae nei ka inoa  o ka hale:  noho o Spreckles ma Waikiki e hoo@@@ ia aku ana i Hotele, ka “Waikiki @@la.”

  Ma Honuakaha, Mei 29, in aka ho@@ 5 o ke kakahiaka, ua hanau mai he keiki kane nui momona na Mr. a me Mrs. Scholtz.

  I keia p@ Poakolu ae e koho ia ae na Luna Nui o ka Oihana Kinai Ahi o Honolulu nei, ma ke keena mau o ka Helu elua.

  He kinipopo hou ko keia ahiahi ma ke kahua mau ma Makiki, mawaena o no hui Hawaii me @loku, a he heihei @@@ ma Kapiolani Paka.

  I keia la e puka aku ai ka nupepa ka Paredaiso o ka Pakipika, no ka maka @kau no ka hoouna aku no ka hiki@@ ma ka mokuahi o keia Poalua ae.

  I ke kakahiaka o nehihei i ku mai ai ka mokuahi Takasako Maru, he 16 la @@@@ mai Iokohama mai, me na Iapana @@@@hana he tausani a oi no keia awa.

  I k@ Poalua nei i hookuu ia mai ai no Pake i hoomalu ia ai ma Kahakaaulana, mahope iho o ka hoopuka ia ana o ko lakou maemae me ke ola kino maikai.

  Ma Puuhale, Mei 24, ua make aku la o K. Kapilau k. O keia ke kahuna kaulana i ke poo-koi e olelo nui ia ai, a  e noho ana ma Kaumakapili.  Hala ia me kana mau hana. Aloha.

  E haawi ana o W. J. Bihopa i kekahi o kana mau hana ano hookalakupua ma ka Hale Mele Hawaii i keia ahiahi, nolaila, e naue nui ae e na makamaka e ike i keia hana kupanaha.

  O na Hons. Kini a me Kalaukoa, o laua na kanak e haawi ia o na mahalo ma ka hooikaiko e lawe ia na nupepa iloko o ka Ahaolelo.  He waiwai nui ko ka papapai, ke lawe ia a heluhelu.

  Ua lono mai makou ua oki ia mai nei ke poo o kahi makai o ka Hope Kiaaina o Hawaii, o ke kuma aole i maopopo ia makou malia nae paha ua kau e ka weli i keia mau la.

  O ka pah@hae o Puowaina a me ke kaa o na pukiniahi e kau ai, ke helelei liilii iho la e mokaki i ka honua no ka popopo.  Aloha ia wahi puu kahiko o ka leo o ka pukuniahi e kapalulu ai.

  Ma ka Australia o ka Poalua nei, i huli hoi mai ae o Dr. J. Mott Smith, kekahi o ko kakou kamaaina kahiko o Honolulu nei, a i noho loihi hoi ma Amerika ma kekahi mau la i hala ae nei.

  He 66 mau Pake o kela huina Pake i hiki mai ai ma ka mokuahi Pekini, no ke ano e o ko lakou mau palapala ae holo, eia lakou ke hoomalu ia nei e ka mana Makai no ka hoihoi hou aku ia lakou no Kina.

  Ma ka luakini o Sana Anaru i keia ahiahi, e hoohui ia ana ma ka berita o ka mare o Mr. David Morton, e nolio kakauolelo nei no ka hui o Davies & Co., me Miss Ellen Thompson o ke kai halana lai malie of Kona.

  Puehu ka hulu a neo a hopu ana ia laauk inui kahi ma@ai kiu helu eha o Ainapae i kela Poanono i hala, i ka liki i ka pili o hui kinipopo Hawaii ka oi, a heo ana ia aia i Honolulu kuu pohaku ke kanakolu.  Aloha ka wahine, aloha ke keiki. Hiu.

  Maloko o ka luakini o Kaukeano i ke ahiahi Sabati i hala, ua malama ia ke anaina hoalohaloha no na koa make i kela kaua kuloko.  Ua hoonani ia o loko me na lau ahihi o kanahele, a o ke kii o Aberahama Linelona ke kau ana mamua o ka awai.

  Na ka poe Pukiki e kalai nein a pohaku a-la mauka o Waipilopilo no ka hale hou o ka Hon. C. R. Bihopa e ma nao nei e kukulu no ka pomaikai o na keiki uuku o ke kula a me ka hale hoahu o na mea kahiko a na aliiwahine Pauahi me Kaleleonalani.

KAU AHAOLELO O

1888.

LA HANA @, MEI 30.

NA PALAPALA HOOPII.

  Ma ka ninau ia ana no na hana mau o ka Hale a me kahi o na palapala hoopii, ua waiho mai ke Alii Kamika he palapala hoopii na kekahi poe kahi umiumi a ako lauoho mai Honolulu mai, e noi ana e hoololi ia ke kanawai Sabati i hiki ai ia lakou ke hoomau: aku i ka lakou hana ma ia la e like me na la e ae.  Haawi ia i ke Komite hookolokolo.

  Na Mr. Paehaole he palapala hoopii me 63 inoa mai Molokai mai, e hookuu ia na makua mea keiki mai ka uku ana i na uku kula ma na kula Enelani. Haawi ia i ke komite hookolokolo. A pela no hoi me ke Alii Dole mai Kauai mai, me 93 inoa, o ka manao hookah no, a ua haawi ia no hoi ma kea la like.

NA OLELO HOOHOLO ME NA BILA

  Waiho mai o Mr. Kamauoha he olelo hooholo e kauoha ana ike Kuhina Kalaiaina e hoolako mai i na hoa a pau o ka Hale me na buke kanawai o ke Kau Kuikawa o 1887.  Ua pane kue mai ke Kuhina Kalaiaina no keia, aka, ua hooi hou mai no ka luna hanohano mai Kona mai no ka hooholo loa ana i kana noi, a ua hooholo ia.

  Waiho mai o Mr. Helekunihi he ma ninau ano olelo hooholo i ke Kuhina Kalaiaina, e pili ana hoi no ka lawe pupuahulu ia o na poe i loohia i ka mai lepera, penei:

  1-Ehia ka nui o na ma ii lawe ia mai na mokupuni e ae mai, mai Ianuari, 1888, a Mei nei, i Kakaako a i Kalawao?

  2-Ehia ka nui o na mai ma Kakaako i keia wa? A ma Kalawao?

  3-Ua hookaawale ia anei ka noho ana o na poe mai lepera ma Kakaako?

  4-Ua lapaau ia anei na poe mai lahilahi e like me na pohaka kane, na upehupehu, a ehia poe i ola a hookuu ia?  Ua rula mai ka Peresidena, aole keia he olelo hooholo, aka, he mau ninau i na Kuhina, a nolaila, ua haawi ia i ke Kuhina Kalaiaina a nana no hoi ia e pane ma ii kahi wa okoa aku.

  Na Mr. Kamauoha i heluhelu mai no ka wa mua i ka hoololi no ka Pauku 31 o ke Kumukanawai, penei:  “He kapu loa ke kino o ka Moi a me ka maluhia.  Maluna o na Kuhina ka hihia o na oihana.  Na ka Moi ka Mana Hooko.  Aole no e paa na kanawai i hooholoia e ka Ahaolelo aia a kakau ka Mo ii kona inoa, koe nae na mea i hoomaopopo ia ma ka Pauku 48.”  Waiho ia no ka heluhelu elua.

MAU NINAU MA’I LEPERA ME KA PANE.

  Na Mr. Paehaole he mau ninau i ke Kuhina Kalaiaina, penei:  1-Ua lawelawe ia anei kekahi mau kumuhana no ka ma’i lepera?  2-Ua kauoha ia aku nei anei o Kauka Una, a i ole, o Kauka Goto paha, e holo ma ii Hawaii nei e lapaau ai in a ma’i lepera?  3- O kela paahao, oia o Keanu, e noho nei ma Kawa, a i o ia ai a hookomo ia i ka palahehe ma’i Pake, ua loaa anei oia i ka ma’i i keia wa?

  Pane mai ke Kuhina Kalaiaina ua leta ia no ia Una, me ka hai pu aku ina aole oia e hiki mai, alaila, e hoouna aku paha kekahi mau ma’i ilaila.  Ua hoole mai oia no ka hiki ole aiai ke holo mai ianei, e pono o kekahi o kana mau haumana i puka pono ke hoouna mai, a aia oia i Amerika i keia wa, a ua leta aku nei oia i ua haumana nei, a ua leta pu aku hoi ka Papa Ola, a aole nae i loaa mai ka pane, a me he ‘la i keia mau mokumahu ae e loaa mai ai.  E ike ia no keia mau mea a pau ma ka hoike a ka Peresidena o ka Papa Ola a puka mai.  No Keanu, ua hai ia mai au, ua loaa io no oia i ka ma’i.

 

MAU BILA I HELUHELU IA MA KE POO.

  Ma ke noi a ke Kuhina o ko na Aina E, ua kapae ia na rula, a heluhelu mai oia ma ke poo in a kanawai eono ana i hoolaha mua mai ai i ka la i hala.

 

NOI I KE KOMITE PANE I KA HAIOLELO.

  Noi ke “Lii Kamika e koho ia i Komite e pane aku ai i ka haiolelo a ke Alii ka Moi mai ka Nohoalii mai, elike hoi me ka mea mau, a ua ae ia.  Hoike mai ka noho aia i kahi wa aku e hoike ia mai na inoa o na hoa o ke komite.

 

MAU HAINA NINAU.

  Waiho mai ke Kuhina Kalaiaina in a haina no na ninau a Mr. Helekunihi o kahi la aku, penei: 1- He 239 ma’i lepera i ohi ia mai Ianuari 1, 1888, a Mei 30.  2-He 220 na ma’i lepera i hoouna ia no Kalawao mai Kakaako aku iloko o ia wa hookah.  3-He 55 ma Kakaako i keia wa.  4-Ma Mei 22, he 863 na ma’i ma Kalawao.  5-O na ma’i lahilahi ua hoonoho kaawale ia a ua ai kaawale hoi mai na poe ma’i inoino ma Kakaako.  6-
Eia ke lapaau ia nein a poe a pau ma Kakaako.  Aia a hoomaopopo ia, alaila, e hoike ia aku no na ma’i i hookuu ia.

 

HOOLAHA KILA KANAWAI.

  Na Mr. F. Balaunu i hoolaha mai no kekahi bila e hoololi ana i ka Pauku 12.  Mokuna XLIV, o na kanawai o 1882, e pili ana i ke kuai waiona.

 

OLELEO HOOHOLO WAHIE O KALAWAO

  Waiiho mai o Mr. Nakaleka he olelo hooholo no ka wahie a ka Papa Ola e hoouna nei i Kalawao,  a mamuli hoi o na mea i olelo ia a i hoomaopopo ia, ua hoolilo ia aku in a poe  ma’i lepera ma ka $6 o ka paila, he haule hoi o $4 mai ka huina o $10 e uku ia nei e ka Papa Ola ia Hon. Kimo Pelekane, nolaila, e kauoha ia ke Kuhina Kalaiaina e hoike aku i ka Peresidena o ka Papa Ola e kauoha aku i ka Agena ma Molokai e haawi wale i ka wahie nan a ma’i, a e hoihoi hou aku in a dala a na ma’i i kuai mua mai.  A ma ke noi ua haawi ia i ke ko @ite malama ola.

 

HE KOI I KE AUPUNI,\.

  Waiho mai ke Kuhina Kalaiaina he koi na E. B. Thomas no $875.96 ukupanee i ke Aupuni no ka hana ana i ka hale hookolokolo hou o ka Aha Hoomalu o Honolulu nei.  Ua loaa mai ke dala iaiai, wahi ana, ma ke dala keokeo Hawaii ka hapanui, e uku ana oia he 9 pa-keneta no ka ukupanai ana.  He koi keia no ka ukupanee no ke koena aia i koi mahope iho o ka paa ana o ka hale e noho ia e ke Aupuni.  Eia ka Bila”

Ukupanee no $10,084.77

  Mai 1886 a ia Apr. 11,

  Feb. 17, 1888…$$738.65

Ukupanee no $7,584.77

  Mai Feb. 3, 1887 a i

  Feb. 17, 1887…26.55

Hookaa ia Feb. 17, $2,500

Ukupanee no $5,084.77

  Mai Feb. 17, 1887 a i

  Apr. 4, 1887 …73.74

Hookaa ia Apr. 14, $2,000

Ukupanee no $3,084.77

  Mai Apr. 14 a Iune 1,

  1887…37.02

Hookaaia Iune 1, $3.084.77

      Huina……..$875.96

 

HULI I NA BUKE AUPUNI

  Noi mai ke ‘Lii Balauwina e ae ia ke komite waiwai e hoolimalima aku i loea no ka imi a noii ana in a buke helu o na Oihana a pau o ke Aupuni.  Ua ae ia.

  Hoolaha mai ka Loio Kuhina no ekolu bila kanawai:  1-e hoolako ana no na hoopii ma ko ke Aupuni Hawaii aoao, a pela no hoi me na hoopii kue aku; 2- no ke kuleana keakea in a kiure ma kekahi mau hihia; 3-he hoololi i ka Mokuna VIII o na Kanawai Hoopai Karaima, e pili ana  i na uku makana in a Makai Nui, na makai, a me kahi poe hoopii e ae.

  Hoolaha mai o Mr. Kamauoha no elua bila kanawai: 1-e hoemi i ka auhau waiwai paa me ka waiwai lewa mai ka 1 keneta a i ka3/4 keneta; 2-e hoopau loa i ka auhau o na ilio.

  Na ke Kuhina o ko na Aina E i hoolaha mai no eono bila kanawa:  1-e pili ana in a pualikoa o ke Aupuni; 2-no ka hookahua ana i ka Oihana Puolo Leta, kuloko a kuwaho; 3-e pili ana no ka hoopuka ana in a palapala hookuleana no na hana akamai a noeau; 4-no ka hoopaa ana in a hoailona oihana kalepa; 5-no ka hoopaa ana in a mea pa’i a kuni paha; 6-e kaupalena i ka Manawa e hoohana ia ai a e kuleana ai o na palapala ae o na Pake e hoi hou ma ii ka aina nei.

  Waiho mai o Mr. Kalaukoa he olelo hooholo kanawai, e hookaawale ana 1 $40,000 no lilo o keia Kau o ka
Ahaolelo.  Mahope o ke kue ia ana e Mr. Paehaole a me ke Alii Kakela malalo o na arula, a kakoo ia hoi e ka Peresidena, ua no mai e hoihoi hou aku.

  Hoolaha mai o Mr. Paehaole no eha mau bila kanawai, he ekolu no na Pauku 57, 62 a me 63 o ke kumukanawai, a hookah e pili ana no na mai lepera.

  Na ke Alii Dole i hoolaha mai no kekahi bila kanawai e pili ana in a pa Aupuni, na holoholona hele auwana, na hao kuni, a pela aku, a he hoololi hoi mai ka pauku 231 a hiki i ka pauku 250 o na kanawai i hoohoponopono hou ia.

  Ma ke noi a ka Loio Kuhina, ua ae ia oia e heluhelu mai he ekolu bila kanawai ma ke poo wale no:  1-e hooponopono ana i ka Oihana Makai Kuloko;  2-e hoopau ana i ka Oihana Kiaaina; 3-e hoolako ana no kekahi mau hana i hooko mua ia e na Kiaaina.  Ua ninau o Mr. Paehaole ina ua pau i ke pa’i ia, a ua ae mai ka Loio Kuhina, aia ka maloko o ka buke kanawai o ke kau i hala.

  Hoolaha mai o Mr. Kalaukoa no ekolu bila kanawai: 1-no na lilo o ka Ahaolelo o 1888;  2-hoololi i ka pauku 101 o ke Kanawai Kivila;  3-e hoopau loa ai i ke kanawai e hoemi ai in a ino a me na ma’i i laha mamuli o ka hookamakama; i apono ia ma ka la 24 o Augate, 1860.

  Ma ke noi a ke Kuhina Kalaiaina, ua ae ia oia e heluhelu mai no ka wa mua, he elua bila kanawai ana i hoolaha mua mai ai:  1-e pili ana in a Notari o ka lehulehu;  2-no ke kakauinoa ana o ke Kakauolelo Nui o ka Oihana Kalaaina in a laikini.

 

NA KOMITE KUMAU.

  Mahope o keia maluna ae, ua heluhelu mai ka Peresidena i ka papa inoa o na komite kumau o ka Hale, he 11113 ka huina nui o ie mau komite mau.

  Ma ke noi a Mr. Laiki, ua ae ia ke pa’i ana i ka papainoa o na komite kumau, a e hoolako ia na hoa.  A ua haawi ia i ke komite pa’i, o Mr. F. Baraunu ka lunahoomalu.

  Ua noi o Mr. F. Baraunu no ke pa’i ana in a bila kanawai ekolu a ka Loio Kuhina, a ua hooia mai ke Alii Kamika he mea pono e pa;ii a , a ua hooholo ia, a ua kaa aku la no ia hana maluna o ke komite pa’i.

  Ma ke noi a ke Alii Kakela, oiai ua loaa mai he kono mai ke Geo. W. DeLong Post, Helu 45, e hui aku keia Hale ma ka hoomanao ana i ka La Hoomanao o na koa make  ma ke kua hulianiahi o Amerika, e hoopanee ka Hale a ka hora 10 a.m. o ka Poaha.

 

KA EKOLU O KA LA.

POAHA, Mei 31, 1888

 Wehe ia ka Hale elike me kea no mau, mahope o ka heluhelu ia ana a apono ia ka moolelo o ka la i hala.

 

PALAPALA HOOPII.

  Na Mr. Paehaole mai Molokai mai me 50 inoa ha hoopii penei:  1-E kauoha aku ke Aupuni ma o ka Papa Ola ‘la in a Kauka Una a me Goto, a i kekahi paha o laua, e hele ma ii Hawaii nei e lapaau ai in a ma’i lepera.  2-E hookaawale ia i haawina dala kupono no na poe e hiki ana ke lapaau a ola ua ma’i ‘la, a e ulu ia lakou e like me ka nui o na ma’i e ola ana.  3-E loaa ka mana piha in a poe a pau e aa ana e ola ka lepera ke lapaau a e hooko ia ka iakou kauoha; a e ae ia hoi e lalpaau.  4-E ae ia na poe e aa ana e komo ma Kakaako a ma Kalawao paha e lapaau ai in a ma’i.  5-O na ma’i a pau e lapaau ia ana a ola ole iloko o hookah makahiki, a loaa ole paha he mau hiona loli ae no ke ola aku, alaila, e hoouna ia lakou no Kalawao, a i Kakaako ae nei no paha.  6-E hoopau loa ia ka haawina dala no ke Kauka o Kalawao.  7-O na ma’i a pau e lawe ia ana i Kalawao, e ae ia na kokua e hele pu, ke makemake lakou pela.

 

NA BILA I HELUHELU EKAHI IA.

  Heluhelu mai o Mr. Kalaukoa no ka wa mua 1 ka bila kanawai ana i hoolaha mua mai ae, e hookaawale ana i $40,000 no na lilo o keia kau, Nana no i noi mai e kanae na rula a heluhelu elua ia ka bila me ke poo.  Ua ae ia a ua hooko ia elike me ke noi.

 

KE KOMITE PANE I KA HAIOLELO ALII.

  Ua hoike mai ka Peresidena in a inoa o na lala o ke komite pane i ka haiolelo mai ka Nohoalii mai, penei: ‘Lii Balauwina, Mr. Kini a me Mr. Paehaole.

  Ma ke noi ua hoopanee ka Hale ma ka hora 12:25 a.m. a ka hora 10 a.m. o ka Poalima.

 

PAKELE KE OLA I KA ONON A KA MANU.

  Ma ka Poanono, la 19 o ka pule i hala, ua pakele ke ola o Kewe k., no Kaneohe, oiai oia e holo ana me kona mau hoa no ka lawaia manu maluna o na waapa, a ia lakou i kokoke aku ai i ke ko’a na moku manu ua au aku la kekahi poe a pae pono ana i ka aina, a mahope au aku nei o Kewe a me Maikai, aka nae , ia laua no e au pu ana me kona hoa, ua kokomo iho la oia e paholo aki iloko o ka opu o ka moana, a ia wa i lohe ia aku ai kona leo e kahea ana i kona mau hoa, e kokua, e kokau, me ka olelo pu aku e hoolei ma ii kaula, akak aole nae i loaa mai he wa mahope iho, ua au mai nei he mau lima kokua, a ua loaa e aku nei nae ia Kalakua, a ma kona ike aku ua pololei ke kino no ka holo aku i ka opu o ka moana, a mamuli o ka eleu nui o keia kokua maikai ua pakele mai la kona ola.

  E mahalo nui loa ia ka mea kokua maikai.

  Aole i loaa ka mea i hele ai oia hoi ka manu, loaa e nae ka poino.

  Auwe, aloha ino ia hoa maikai o ka hana a ka haku.

  Ma ia la hookahi no ua pakele hou no ke ola o ka hope makai nui o laila, Mr. Makahalupa, oiai oia e hiaai ana i ka nui o na manu, ua kii aku la oia i ka manu ma kahi nihinihi loa, a iaia i hehi aku ai i kekahi wahi ohuku pohaku me ka anehe ana o na lima e hopu i ka man, oia no ka wa i hiolo aku ai o ua ohuku pohaku la, e ole e paa e ka lima i kekahi wahi kupono pakele ai kona ola, ina ua pau papalua i ka ia hookahi.

  Hew aka i-a la i ono ia, aole no hoi oia i hoike aku i keia mea i kana wahine me ka ohana, @ianaonao wale ka ai ana iho i ka io o ka manu i pakele ai ke ola o kuu hoa paahana pu iloko o ka Haku Iesu Kristo.

  No laila, mai ono hou oe i ka manu, alaa ka hewa la.

  E welina in a keiki oniu hua metala o kou papa pai.

                              S. W. KIUMEAHOU.

                        Kaneohe Court House, Mei 24, 1888.

  Eia makou ke oili kakahiaka nui aku nei i keia la.  Pehea hoi o lakou la ma ae, ke lipi nui la no paha.

 

NA HOOHENO O KAONA AKAU.

  E ka Nupepa KUOKOA, Aloha oe:-

  Ke hoi hou mai nei ka ipo aloha a Kona Akau nei oia ka wi, ia hona in a wahi pai ai a ka Malulani, hala ia la makponiuniu.

 

HALE KAHU.

  Ke hoomaka ia nei ka hana ana i ka halae kahu o Helani, a ke pii ae nei ka nani me ka maikai ma o ke Akamai o na kamana o Nakea me Haluapo opio.

 

PAINA LA HANAU.

  Ua hoomanao ae o Kaomea he paina la hanau no kana kamalei aloha he keiki, a ua kona ia mai kou mea kakau nei e hele aku no ua papa aina nei.

  I ko’u hiki ana aku ua makaukau ka papaaina, ua ai a lawa i n kohi kelekele a ka puakolo, ua inu a kena in a hola kope a me @ i ho @o makaukau ia.

  Ilaila wale iho la no makou kahi i lupea ai a pepe i ka wai o Niulii.

  Ke kalokalo ae nei kou mea kakau in a Lani e hooloihi ia ka mea non aka la hanau.

  Kou oiaio,                           NAAUHAU,

  Kahaluu, N. Kona, Mei 21, 1888.

 

HE WAHI NIHINIHI.

  Aole i lilo ka poe a pau ii nu i ka waiona i poe ona, wahi a kekahi, Ua maopopo ia, Aole no hoi e hai aku ana, he oi ka ino o ka mea ino pakiko, mamua o ka mea i inu mau a ona.

  Aole au e olelo ana, ina e inu waiona kekahi alaila e lilo ana i mea ona mau.  Ua ike kakou i ka oiaio ole o kela.  Ua hiki no i kekahi poe e inu uuku-a he poe i kapaia he poe Kristiano no.

  Ua inu pakiko ko’u makuakane a niki i kona make ana.  I ko’u wa kamalii ua hoouna ia’u e kuai i ka waiona i kahi wa. (Ina i keia wa aole loa no au e kii i waiona no hai, aole loa no.)  Aole i lohe ia ka ona iki ana o ko’u makuakane.  He 94 ona mau makahiki i kona make ana ma Ladana.

  Ma ka la 20 o keia mahina, u aka palulu ka wai o ke paipu wai o Waikolu i kai o Kalaupapa, Molokai,-a ma ka la 23 ae ua malama ia he papaaina e na ma’i lepera no ka hiki ana o ka wai i Kalaupapa.  Ua pau ka inu ana i kahi wai awili me ke kai.

  Ma ke ahiahi Poalua, ua haawi ae ke Alii ka Moi i kekahi papaaina i ke kapena a me na aliimoku o ka mokukaua Holani ma Iolani.  Ua hoohanohano ia aku ua Kapena la me kona Lutanela a me ke Kanikela Paty e na kea hoohanohano o Kalakaua.

 

HOOLAHA KUAI MORAKI WAI WAI PAA.

  MAMULI  o ke kauoha a T. R. Lucas, M. R. Colburn a me H. E. Colburn, na Kahu Waiwai o ka Hawaiian Mechanies Benefit Union, he hui i hoohui ia malalo o na Kanawai o keia Aupuni, na mea i moraki ia aku ai ka aina ma o kekahi moraki i hana ia i keia la 15 o Dekemaba, A. D. 1884, a i kope ia ma ke Keena Kope o ke Aupuni ma Honolulu, Buke 91, aoao 392, 393 a me 394, e kuai aku ana ma ke kudala akea,

MA KA POANO LA 12 O MEI, A.D. 1888, hora 12 awakea, ma ko’u Keena Kuai ma Honolulu, in a apana malalo iho:

  1-O kela mau apana aina a pau e waiho la ma Waime, Mokupuni o Kauai, ko Hawaii pae Aina, i hoakakaia iloko o ka Palapala Kuleana 5271, ia Kaipo Malieke a me Koolua.  2-A iloko o ka Palapala Kuleana 7672, a me ka Palapala Sila Nui 4819.  3-A okela apana aina a pau i hoakaka ia iloko o ka Apana 1, o ka Palapala Kuleana 3353, Palapala Sila Nui 5282.  4-A o ka aiani hoakaka ia iloko o ka Palapala Kuleana 2982, Palapala Sila Nui 5284.  5 –A o ka aina i hoakaka ia iloko o ka Palapala Kuleana 6565, Palapala Sila Nui 5284.  6-A me elua apana aina ma ke Alauui Kula iloko o Honolulu, Mokupuni o Oahu, nona na eka I 3-8 a me I 50-100 eka, a i hooili ia ma ii na mea moraki e R. Keelikolani,

                                 J. F. MORGAN,  Luna Kudala

  [No na mea  i koe e ninau ia Rosa, loio no na mea i moraki ia aku ai.]     2283-It.

 

HOOLAHA LUNAHOOPONOPONO WAIWAI

  O ka mea non aka inoa malalo iho nei, ka Lunahooponopono o ka waiwai o KAEHU w. o Honolulu, ke hoolaha aku nei in a kanaka a pau he mau koi ka lakou, e hoike ko ke mai me na hooia kupono i ka lunahooponopono iloko o na mahina eono mai keia la kau, o hoole loa ia auanei.

  A o na poe he mau koi ko lakou no na uku hoolimalima a ma kekahi ano e ae paha, ke kauoha koke ia aku nei lakou e hookaa koke mai ia’u ma Waianae, Oahu.

                         KUAPUU PULE IOKEWE,

   Lunahooponopono Waiwai o Kaehu i make,

   Waianae, May 14, 1888.     2181 – 6t

 

OLELO HOOLAHA NO KA O LIMA.

  E ike auanei na mea a pau, ua makaukau ka Papa Ola e haawi i ka e lima ana me ka uku ole in a mea a pau i e ole ia, a ke kauoha ia aku nein a makua a mea paha e paa ana i ke keiki e like ma ia i kuhikuhi ia e na pauku 311 a me 312 o ke Kanawai Kivita, e hele mai ma ka Hale Haawi Laau o ka Papa Ola ma Kapamoo, ma alanui Hotele, ma na  hora hana o ke Kauka Aupuni i hai ia malalo iho nei:

  Hora Hana { Mai ka hora 3 a ka hora 10 kakahiaka.

                             N.B. EMERSON,

  Pelekikena o ka Papa Ola.                               Jn 6-6m

 

HOOLAHA.

G. W. A. HAPAI.

     He Luna Hooko Mare.

A HE – AGENA HOOLAIO PALAPALA

 E loaa no ma Hilo-taona, Hawaii, ma na Manawa a pao.      2152 – 1y

 

WILLIAM McCANDLESS.

HALEKUA AI BIPI O WILIAMA MA KALALENA mi Ulakohelo, Na ano Bipi a me na la a pau o ka makeke no no kumukahi oluolu.  Uala Kahiki a pela’ku.  2902 -1y