Ka Nupepa Kuokoa, Volume XXVII, Number 11, 17 March 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

No ka Makahiki...$2.00

No Eono Mahina...1.00

KUIKA KA RULA.

 

Poaono. Maraki 17, 1888

 

Haawina Kula Sabati.

HAPAHA ELUA.

HAAWINA XIII. Aperila, 1, 1888. Ka ahaaina mare. Mat. 22.1-14.

 

OLELO hou aku la o Iesu ia lakou i na olelonane, i aku la:

            2 Ua like ke aupuni o ka lani me kekahi alii nana i hoomakaukau ka ahaaina no kana keiki.

            3 Hoouna aku la ia i kana poe kauwa e kii i ka poe i o’e@oia e hele mai i ka ahaaina; aka, aole lakou i makemake e hele mai.

            4 Hoouna hou aku la ia i na kauwa e ae, i aku la, E i aku oukou i ka poe i oleloia, Eia hoi, ua hoomakaukau no au i ka’u ahaaina, ua kaluaia ka’u mau bipi a me na mea i kupaluia, ua makaukau hoi na mea a pau; e hele mai oukou i ka ahaaina.

            5 Hoowahawaha mai la lakou, hele aku la; o kekahi ma kona aina, a o kekahi ma kana kuai ana.

            6 A o ka poe i koe, lalau mai la lakou i kana mau kauwa, hoomainoino mai la ia lakou, pepehi iho la a make.

            7 A lohe ae la ke alii, huhu iho la ia, hoouna aku la ia i kona poe kaua, luku aku la ia poe pepehi kanaka, a puhi aku la i ko lakou kulanakauhale.

            8 Alaila, olelo aku la ia i kana poe kauwa, Ua makaukau nae ka ahaaina; aole hoi i pono kela poe i oleloia.

            9 Nolaila e hele aku oukou ma na huina alanui, a e koi aku i na mea a Pau i loaa ia oukou, e hele mai i ka ahaaina.

            10 Hele aku la ua poe kauwa la iwaho ma ke alanui, a houluulu mai la i na mea a pau i loaa ia lakou, o ka poe ino a me ka poe maikai; a nui iho la na hoaai ma ua ahaaina la.

            11 Komo aku la ke alii iloko e nana i ka poe hoaai, ike aku la ia ilaila i kekahi kanaka aole i kahiko ia i ke kapa ahaaina.

            12 I aku la kela ia ia, E ka hoalauna, pehea la oe i hele mai nei, aole i kahikoia i ke kapa ahaaina? Mumule loa iho la ia.

            13 Alaila, i aku la ua alii la i ka poe lawelawe, E nakiikii iho iaia a paa ma na wawae a me na lima, e lawe aku ia ia, a e hoolei aku iloko o ka pouli mawaho; ilaila e uwe ai a e uwi ai na niho.

            14 No ka mea, he nui ka poe i kaheaia, he uuku hoi ka poe i waeia.

            Pauku Gula. Pomaikai ka poe i heaia i ka ahaaina mare a ke Keikihipa. Hoik. 19:9.

            Manao nui. Ua kahea ke Akua, a hoole kanaka.

NA HELUHELU LA.

Poakahi           Mat. 22:1-14.

Poalua             Lu. 14:12-35.

Poakolu           Io. 6:35-58.

Poaha              Is. 61:1-11.

Poalima           Hoik. 20.1-15.

Poaono            Hoik. 21:22-27.

Sabati              Mat. 7:13-29.

 

            I  Ka ahaaina Euanelio. p. 1, 2. Heaha ke aupuni o ka lani? Ua like me keaha? Owai ke alii, owai hoi ke keiki? Heaha ka ahaaina euanelio? Ma keaha i like ai ka pono o ke Akua me ka Ahaaina? Heaha ka olelonane? No keaha ko Iesu ao ana ma na olelonane?

            II  Ke kono ana i ka ahaaina. p. 3, 4. Owai ka poe e kono ana i kanaka e hele mai? Owai kai kono ia? Owai ka poe nana e kono aku i keia wa? Ua kahea ia anei mamua? No keaha ko Iesu hea pinepine ana? Heaha na mea i makaukau? Io. 3:14, 15. 1 Pet. 2:24. Io. 14:16. Pehea ka ke Akua kahea ana ia kakou? Hoik. 22:17.

            III  Ka hoole ana. 5-7. Owai kai hoole? Pehea ka hoowahawaha ana o kanaka i ka ke Akua kahea ana i keia wa? No keaha ka manao nui ole o kanaka i ka ke Akua Olelo? Pehea ke kue ana o na Iudaio i ka pono o Iesu? No keaha ke kue ana o kekahi poe? Rom. 8:7. Mat. 15:19. Lu. 19:14. He hana ku anei i ka mahalo, ka malama ole i ka ke Akua mau kauoha? Pehea ka hoopai ana i na Iudaio no ka hoolohe ole? Ma ka pualikoa o Roma, malalo o ke alakai ana o Tito i luku ia ai o Ierusalema a nui na kanaka i make. Pehea ka poe e hoole ana ia Iesu i keia wa? Mat. 25:46. Io. 3:18. Solomona 1:24-31.

            IV  Ka hoolohe ana i ke kahea. 8-10. Owai kai kahea hou ia? No ka hoowahawaha o na Iudaio, ua lawe ia anei ka olelo maikai i na lahui e? Oih. 13:46, 47. E kii aku ia wai e hele mai e hele mai e hoolohe i ka Olelo? E waiho wale aku anei i ka poe hewa, e kii aku paha? E mau anei ke ino i na mau keia olelo iloko o @? Na kakoa anei e imi aku?

            V Ke kanaka i ko@o ole i ka aahu i hoomakaukau ia. 11-14. Ma na ahaaina o ia aina ua hoomakaukau ia he lole no ka poe i ko@o ia. Ke ole e komo ia aahu, e apono ia anei? Pehea no keia ahaaina? Mat. 5:20. Heb. 12:14. Ua hoole ia anei kekahi ke komo i ka lole i homakukau ia? Ina ua lohe kekahi no Iesu, ua hiki anei e hoole i kona kahea, a apono mai ka Haku. Pehea ka poe hoole? Hoik. 21:27.

 

            1. O ka euanelio, ua like me ka ahaaina, he hoohauoli, maona ke hele ae.

            2. Ua kahea o Iesu i na mea a pau e hele mai.

            3. Ua hoomakaukau o Iesu i na mea a pau no ke ola; ma Kana ao ana, ka hoouna ana mai i ka Uhane Hemolele, a me kona lilo ana i Kalahala.

            4. He kupanaha ka imi ole o kekahi i keia pono.

            5. E make ana ka poe imi ole, a hoowahawaha i keia pono.

            6. No ko Iesu aloha, ua paipai nui i kanaka e imi iaia.

            7. Me ka hewa no e hele aku ai, a na Iesu e kala mai a hoonoho hou.

            8. Ke ole ka manaoio, aole no e komo i ka lani.

            9. Aole he kumu no ka lilo ole ana i Karistiano.

 

Hoole Waiona.

(Na ka Ahahui W. C. T. U.)

 

            Ma kaleleonalani, oia hoi o “Ema Hale” ma Honolulu.

            He halawai i kela me keia Poalima hora 7:30 o ke ahiahi.

            He halawai Hoole Waiona, o ka Ahahui o ka Lipine Bolu o Honolulu.

            Ke kono ia aku nei ka kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe hoole waiona, ka poe kanalua, na mea a pau, e akoakoa ma ia hale i kela me keia pule. Pela no me na malihini mai ua mokupuni e mai, e komo, a hui me makou ma keia hana kuonooro, “No ke AKUA a me ka HOME, a me ka AINA HANAU”!!

 

(W. C. T. U.)

KE KOA WIWO OLE.

 

            Ma kekahi pualikoa he keiki hookani pahu.

            I kekahi la, kauoha mai ke kape iaia e inu i kiaha rama.

            Pane mai la oia, he keiki hoole waiona no au, aole e hiki ke inu i kela mea.

            Olelo ke kapena:

            Aka, he pono ia oe ke inu i keia, no ka mea, ua hana ikaika oe i keia la, i ka hookani pahu.

            Nolaila, mai hoole oe.

            Aka, kupaa oia.

            Huli ke kapena i ke aliikoa, a olelo aku,

            Ua makau ka kakou keiki hookani pahu i ka inu.

            Nolaila, e hiki ole ana iaia e lilo i ka naka koa.

            Olelo mai ke aliikoa ma ke ano he paani:

            Pehea?

            Ke ae ole anei oe e hoolohe i ke kauoha a kou haku?

            Pane ke keiki.

            Akahi no a hoole i ke kauoha.

            Me ka huli ikaika i na manawa a pau i ka hana pono.

            Aka, aole hiki ia’u ke inu i ka rama no kuu ike, he mea ino kela.

            Alaila, olelo mai ke aliikoa me ka leo huhu, i hoao iaia.

            Ina pela, ke kauoha aku nei au ia oe e inu keia:

            O ka mea malama ole i ko’u kanawai e make ia.

            Nana pono kela keiki i ke aliikoa, me keia mau olelo:

            Ua make kuu makuakane no kona inu mau, a i kuu wa i lilo ai i koa, ua hoohiki au i ko’u makuahine e inu ole i hookahi kulu rama, a e kupaa ana au ma kela hoohiki.

            He kaumaha no au i ka hana ole i kou kaumaha.

            Aka, ke ae nei au i ka eha, mai kou lima mai, mamua o ka hoohaahaa iho i kuu makuahine, a me ka hooko ole i ka’u hoohiki.

            Aole anei he keiki wiwo ole keia?

            Ua ike no ia i ka wa kupono e olelo i keia huaolelo aole.

            Mahalo kona mau haku iaio, a, i na wa a pau mahope iho, ua malama pono lakou iaia me ka lokomaikai.

 

PEHEA LA E MAKAUKAU PONO

AI NA KAHUNAPULE NO

KA LAKOU HANA

EKALESIA?

 

            O ka ninau no ka makaukau pono o na kahunapule no ka lakou hana Ekalesia.

            Pehea la e makaukau pono ai na kahunapule, oiai, ua ike ia ka hemahema ma ka lakou lawelawe ana ma ke ano o ka ninau?

            No ka mea, he oihana nui ka oihana a lakou e hapai nei, he hana pili i ka uhane o kanaka pili i ke aupuni lani ke aupuni o ke Akua a o ka Mesia hoi.

            No ka mea, ua olelo akaka mai o Iesu, aole no keia o ko’u aupuni.

            O ka hana a na kahunapule he hana lani ia.

            Pehea la e makaukau @ na kahunapule no ko lakou hana lani hana Ekalesia.

            1. E manao nui ke kahunapule no ke Akua mai kana oihana e lawelawe nei.

            O kana hana, he hana Ekalesia, a o ke poo nui o ka Ekalesia oia o Iesu Kristo ma ka honua n@i a ma ka lani.

            He oihana pili uhane kana i na wa a pau.

            Nolaila, he pono e manao nui ke kahunapule i kana oihana.

            I ke kulana o ia hana, ka nui, ke kiekie, ka hohonu a me ke palahalaha ma na mea o ke Akua, e manao hoi ke nana mau mai nei na maka o ke Akua iaia.

            A malaila e hilinai aku ai a e kau aku ai na maka o ka naau me ka manaoio no kana hana i waiho mai ai iloko o kona lima palupalu.

            O ka paulele nui aku i ke Akua oia ka mea e makaukau io ai ke kahunapule e manao nui i kana oihana Ekalesia.

            I ole keia manao nui o na kahunapule i ka lakou oihana ka hana pookela i loaa ia lakou ma ka lokomaikai wale mai no o ke Akua.

            Alaila, he lewa wale no na manao o na kahunapule i kela keia mea, ina no ka hanohano o keia ao malaila, no ka waiwai a me na pili honua a pau oia no.

            Ua like lakou me na mea nana makani maluna o na wahi oioi o na hale a me na luakini ka luli i o a ianei a me ke panipuka ma kona mau ami iho, aole mau.

            Pela maoli ke kahunapule i manao nui ole i kana oihana laa mai ka lani mai, a heaha la kona hopena?

            O ka Haku ka i ike.

            2. O ka noho pono iwaena o ka Ekalesia, oia kekahi makaukau kupono e lawelawe ai ke kahunapule i kana hana o ka pono i loaa iaia, ka pono o ke Akua.

            Oia ka liu o ke kahunapule iwaena o kona kihapai Ekalesia.

            O ka wawa ole ia ma na hewa launa, he wa a me na mea e ae e pau ai ka liu mai ona aku, he mea nui keia.

            No ka mea, ua olelo ka haku, o oukou no ka paakai o ka honua.

            Aka, ina e pau ka liu o ka paakai pehea la ia e liu hou ai?

            Aohe ona mea e pono ai ma ia hope e kiola wale ia iwaho e hehi ia ai e na kanaka.

            Ua ike ia ka pono o ka paakai ke malama pono ia.

            Aka, ina ole malama pono ia, he mea waiwai ole ia paakai.

            Pela ke kahunapule, ina i pau kona pono, kono oiaio, aole makemake ia hoowahawaha ia e na kanaka, ua pau ka liu, ka pono, ka mea e makemake ai.

            E nana i ka olelo hoakaka a Paulo ia Timoteo, no ke ano o ke kahunapule e pono ai, eia kana iaia.

            He olelo oiaio keia, ina e makemake kekahi i ka oihana kahunapule he hana maikai kana i makemake ai.

            Eia ka pono o ke kahunapule, he hala ole ke kane na ka wahine hookahi he kiai iaia iho, he kuoo, he akahai, he hookipa, he akamai hoi i ka ao aku.

            Aole lilo i ka waina, aole kipikipi ao he loi aluna wale aku.

            Aka, he ahonui, a e hakaka ole, aole hoi ma ka waiwai.

            E hoomalu maikai ana i kona hale iho, me ka hoolohe pono ia mai e kana mau keiki me ka hanohano.

            No ka mea, ina i ike ole ke kanaka i ka hoomalu i kona hale iho pehea la i hiki ai iaia ka malama ana i ka Ekalesia o ke Akua?

            Aole ka mea akahikahi a hookiekie ae oia iaia iho a haule iloko o ka hoohewa ia ana e ka diabolo.

            Malaila, ua akaka o ka noho pono ana iwaena o na ekalesia na kanaka a pau, he makaukau kupono ia e pono ai ka hana a ke kahunapule a he ano nauao ia mai luna mai.

            3. O ka imi mau o ke kahunapule i ka haawina o ka uhane hemolele i kela keia wa ma ke noi ana ma ka pule.

            Ina e loaa mai ia haawina i na kahunapule, alaila, be mea maopopo ua loaa ke kokua nui e pono ai ka hana nana e hooholo i ka hana iloko o ka lima o ke kahunapule.

            Oia maoli ka mole a me ka io o na makaukau e pono ai a e waiwai nui ai ka hana ekalesia iloko o ko kakou mau lima hemahema.

            I ole keia haawina nani me kakou a me na kahunapule, aole hiki pono na hana.

            Ua like no na olelo ao a me na haiolelo a na kahunapule, me na anoano i lulu ia aku maluna o ka aina panoa.

            Aole mai nana e hoomau i ka apo me na anoano a ulu ae.

            O ka waiho wale iho no o na mea ma ka lepo panoa a heaha la kona waiwai.

            Aole no he waiwai o ia hana, pela maoli no na haiolelo, na manao hooikaika.

            Na manao paipai i na kanaka a me na mea a pau e hana ia nei e na kahunapule ke launa ole mai ka uhane hemolele.

            Aole ala i na kanaka mai ko lakou hiamoea iloko o na hewa o ke ao n@i ua p@i aole mea e hiki ai o ke Akua @.

            Nolaila, e@ mau i keia kokua nui mai ka lani i, i pono ai ka hana.

            Ina piha kahunapule i ka uhane hemolele i k keia wa, nana e ao mai i ka oiaio a @.

            Alaila, ma ka haiolelo a ke kahunapule.

            Hele p@ olelo me ka uhane hemolelo a h@ aku kela i na naau pohaku o na kaka a pau loa i ka palupalu welemae ka eha o ka naau, a me ka mak@ a me ka haalulu, a me ka hopohopa haawi ia mai ka mihi ola mai ke ua mai, a kaakaa na maka o ka naau ike ae la i ke ino loa o ka hewa.

            He mea make ai ke kino a me ka uhane.

            A nana a @ i ka nani loa o Kristo ka mea i alo wale mai i ko ke ao nei a hele mai mai ka lani mai, e kuai mai i na ka@a a pau o keia ao me kona koko mamae.

            A hoomaeae ia ka naau, a o ka ike no ia i ke Al@ a me kona aupuni i ka lani.

            No ka mea ua oleloia penei:

            Pomaikai i poe i maemae ma ka naau, no ka mea, e ike lakou i ke Akua.

            He mea n@ keia haawina ke loaa mai, a he mee pono nui ai na hana ekalesia.

            U ka launamai o ka uhane hemolele me na kahnapule, nana e hoailona mai no ka la hoala ia mai ai.

            4. O ka mkaikai pinepine ia loko o ka Baibala, k heluhelu mau ana, ke kaapuni mau na i kela me keia makahiki.

            O ka mana’a ka mea e pono ai ka makaikai ana.

            Ua pono paa ke kahunapule ke hookaawale maui manawa o ka la o kela keia la.

            E noho iho na kona wahi e nana i kahi wahi o kaolelo a ke Akua ke ole he mea kealea iaia.

            S hiki hoi iaa ke wae i kekahi pauku o ka olelo a ke Akua ana i makemake ai e laku i iwihaiao nana no kela me keia Sabati ana e haiolelo ai.

            Aole e p@no ke waiho ka huli ana o kokoke i ka hora e haiolelo ai, alaila noonoo a hui aku me ka hemahema.

            Ina paha i loaa na iwihaiao e io ole ana ia mau iwi.

            Aole no hoi e momona ia haiolelo ana.

            A ina he io wale no, mahea la e paa ai?

            Aole no hoi e nui ka waiwai o ia haiolelo.

            E hoomakaukau mua ia no i ka wa pono a hiki i ka hora o ka haiolelo, alaila, holopono ia hana a ola na uhane.

            Ua olelo o Iesu i na Iudaio a penei.

            E huli oukou i ka palapala hemolele ua manao oukou he ola mau loa ko oukou malaila, a oia ka mea nana e hoike no’u.

            A penei hoi ka Paulo ia Timoteo:

            Eia kau e hana ai a hiki wale aku au.

            O ka heluhelu palapala, a me ka hoikaika aku a me ke ao aku.

            Mai waiho aku i kou haawina iloko ou i haawi ia mai nou ma ka manawa.

            Ma keia mau mea, ua akaka ke kupono o ka huli mua i ka olelo a ke Akua a me ka nana pinepine ana.

            A he mau buke e no kekahi e pili ana i ka huli ana i ka olelo a ke Akua, a he mau lala no ia e pono ai a e makaukau pono ai ka hana a ke kahunapule.

            He pono ke ulu ia mai ia mau mea iloko o ko ke kahunapule mau noono ana i hiki pono iaia ke wehewehe nui aku i ka olelo a ke Akua.

            O ka moolelo ekalesia a me ka moolelo Baibala a me na buke wehewehe hua baibala, a me ka buke o ko ke Akua ano a me na buke o ka hoike o ka Baibala a me na buke e ae e kokua ana i ka makaikai ana i ke Baibala.

            Oia hoi i ka huli ana a me ka noonoo ana.

            Oia no kekahi mau mea e makaukau pono ai ke kahunapule no ka hana ana i keia oihana laa.

            A ua koe nui no hoi kekahi mau buke e naauao pono ai na kahuna Hawaii a me na poe e huli ana i ka palapala hemoleleo aole i pa@ ia ma ka olelo Hawaii.

            O ka buke hoopau poina o na huaolelo o ka Baibala.

            O kekahi buke ia i makemakeia aole nae i unuhi ia ma ka olelo Hawaii ma ka olelo haole no.

            He kokua ia i ka makaikai ana ia loko o ka Baibala.

            O kekahi mau pauku a huaolelo ua paanaau pae.

            Aole nae loaa kahi i kau ai, ma ka palapala hea la?

            Aka, ma ua buke la e wehe ia ai ua mea poina la.

            Me he ki la no ka pahu waiwai nui o ka Baibala.

            Ua olelo mai o Paulo.

            A e noho lako mai ka olelo a Kristo iloko o oukou me ka naauao loa.

            Malaila, he mea nui loa ka naauao ma ka olelo a ke Akua.

            A he pono ke loaa nui na makaukau e pili ana i ka hana ekalesia a ke kahu napule, i ole, e ao hewa a alakai lalau i kona anaina ma kona halepule.

            A he mau mea e ae no paha kekahi e makaukau pono ai na kahunapule ma ka lakou hana nui.

            Hana hanohano, hana hoano@ a hemolele.

            Ka hana i oi aku mamua o na hana e ae au o ke ao nei.

            Ma na mea he nui o ka olelo a ke Akua.

            He nui ka hemahema iwaena o na kahunapule Hawaii.

            O kekahi poe, ua komo i ke kula kahunapule, a ua loaa hou kekahi mau makaukau malaila.

            A o kekahi mau mea, ma ka hooikaika wale no i hapai ai i ka hana iwaena o na kihapai ekalesia.

            A ua pono no hoi ke waiho aku i ke ia mau hemahema ma na wawae o ka haku a e noi nui aku i ka mea nona ke akamai.

            E like me ka mea i olelo ia:

            Ina i nele kekahi o oukou i ke akamai, e noi oia i ke Akua i ka mea i haawi lokomaikai no na meo a pau me ka hoino ole mai.

            A e haawi ia mai no ia nona.

            Aka, e noi aku oia me ka manaoio aole me ke kanalua.

            Nolaila, mai luna mai ke akamai io e pau ai ka hemahema o na kahunapule.

            Aole ma ka hoakamai olelo wale iho no

            E like me kekahi poe e kaahele nei e haiolelo lalau.

            Ua lawe i ka ili i io, a o ka io i ili, a ua ai na kanaka i ka ili.

            Aoha nae maona pono na uhane a nele i he ola mau loa.

            Ma ka manao o ka mea kaku a me ka poe haipule io:

            He pomaikai nui ko ka lahui Hawaii i ke kukulu ia ana o ke kula kahunapule ma Honolulu. He mea e pau ai na hemahema o na haumaua e makaukau ana e lawelawe i ka oihana kahunapule. Ma na halawai makahiki iho nei o ka Ahahui Euanelio i hala.

            Ua hoala ia ke kula no na kahunapule e Rev. C. M. Hgde D. D.

            He nui ka waiwai o ia hoala ana i kula no na kahunapule, a ua loaa hou he mau ike.

            Aka, minamina nae no ka manawa ole a me ke pakaulei o ka noho ana ma Honolulu.

            Maanei ke hooki nei au i na hoa@ka ana a me na wehewehe ana, ina paha he mea ia e kokua ai na hoa kahunapule. Ma ke mahalo.

            Mea Kakau.

 

OLELO HOOLAHA.

 

            E noho ana wau ma Queen Ema Hale, ma ke Keena malalo, me ka makaukau e halawai me na kanaka Hawaii ma ka POAKAHI, a me ka POAHA mai ka hora 9 a.m. a hiki i ka hora p. m. o kela a me keia pule.

            MARY E. GREEN.

 

PACIFIC HARDWARE COMPANY

Na hope o Dilinahama Ma.

Mau Mea Kuai Lako Hao

Alanui Papu. Honolulu.

 

MRS. THOMAS LACK,

HELU 81, ALANUI PAPU.

MEA KUAI A LAWELAWE I

NA

Mikini Humuhumu na Aahu, a nui wale Aku

HE AGENA KUAI NO NA MIKINI

White, New Home,

Davis, Crown, Howe,

Me Florence,

Na Kui Mikini o na

ano a pau a Howard,

Na pepa ana lole o

na ano a pau, a me

kela keia mea

NA LOPI MIKINI A KALAKA.

HE AGENA KUAI I NA

Pu Raifela, Pu Panapana, Pu ki manu,

na Poka, Lu, Pauda, Kukaepe@e.

NA KAPUAHI AILA MAHU

Mai ke nui a ka liilii.

            Ma ka lawelawe nui ana o’u i ka hana lima akamai o ka oihana hana pu a pela aku, ua makaukau au e hooko kaulua ole i na kauoha a pau.

            O na kauoha mai na mokupuni e hookohuia.  2082-tf.

 

B. F. EHLERS & CO.,

PAINAPA

Poe Kuai i na Ano Lole a Pau.

Helu 99 alanui Papu. Honolulu.

            E loaa mau ana na lole hou o na ano a pau maluna o kela a me keia moku.

 

Ka Waiwai o ka Hilinai

 

KA AYER Laau Sasaparila, kai kaulana a hilina nui ia no ka hoomaemae koko, ma na wahi a pau o ka honua, he aneane 40 makahiki i hala ae nei, a ua lawelawe nui ia ho@ iwaena o na oihana lapaau. O keia

LAAU SASAPARILA, no loko ae ia o ke aa Sasaparila honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

HE koko inoino a nawaliwali anei kou? Ua awili pu anei me na ano mai ikaika? A ua hui pu anei me na wai awaawa hoopehu@ Na keia

LAAU a hoomaemae ia mau mea ino a pau, a maikai. O na kauka lapaau a pau o Amerika ike ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano ma ii ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae. O ke

KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA AYER. he maalahi a he

MIAKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana keikahi i na ma’i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.

A HILINAIIA no ka ikaika kupono a ke ola kino, ma ka maemae ana o ke koko, hoomake pu ia na ma’i, a pela aku. He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hooia wale no a ke ao holookoa, maluna o ka

Ayer Laau Sasaparila,

I HOOMAKAUKAUIA E

Kauka J. C. Ayer & Co., Lowell, Mass.

HOLLISTER & CO.

Na A ena ma ka Paeaina Hawaii.

Helu 100...Alanui Papu, Honolulu

            2086-tf

 

PAPA! PAPA!

AIA MA KAHI

LEWERS & COOKE.

(O LUI MA)

ma ke @ kahiko ma alanui Papu a me Moi

@

PAPA NOUAIKI

o keia a me kela ano.

P@P@, Na Paka Au ia ni, Na Olepelepe

Na Pou, Na O-a, Na Papa Hele, Na Papu

Ku, A me na Papa Moe nui loa

Na Pili o na Hale o na Ano a Pau

Na Pepa Hoonani, Na Pena  o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoo

maloo, he lehulehu wale,

Na Aila e ae o na

ano a pau.

NA WAI VANIKI

A ME NA

WAI HOOHINUHINU NANI!

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Maka maka

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

NO KA

UKU HAAHAA LOA.

E like kamea e holo ana mawaena

LAUA a me ka MEA KUAI.

HELE MAI E WAE NO OUKOU

 

M. R. FREITAS.

Kaiopihi, Kohala.

Halekuai

na mea ai, no na lole, a

me na mea hoonani e ae

he nui loa

E kuai ia aku ana me ke Ku-

mukuai haahaa loa.

Ke kau leo ia aku nei na Ha-

waii Ponoi a pau e naue

nui ae.

2158-3m.

 

Kakela a me Kuke

HALEKUAI NUI O NA WAIWAI

E laa na pahiolo, koi hole,

hamale, koi nui a me liilii, kila,

wili puaa, rula, apuapu, kui o na ano

a pau, kala kaa, hae hoopaa @

pohaku hoana, kepa, lei ilio, kau-

la hao ilio, pahi, upa, pahi umiumi,

kalapu, kope hulu, pulupulu, oepa @

lakala, lina hao, ami, keehi, a me

KAULA OPU.

 

Palau o na ano a pau,

Oo, ho, kopala, pe, kipi-

kua, hao kope, au ho a pe

a aku, kua bipi, lei bi-

pi, kaula hao bipi, uwea

pa, uwea keleawe, hao pili-

piula, kaa palala, ipuhao, ipu t@

PA-PALAI, MAKAU ME KE ANO

 

Ili wai, papa holoi, kopa ala, kaula

kuaina, hu’akai, ehi wawae,

hulu pena, a pela aku.

Pena wali, kini nui a me liilii o na

ano a pau, me ka pepa kuhi

kuhi, pena keokeo, aila

pena, aila hoomaloo,

vaniki kaa, a me

vaniki moe,

PENA HOOMA-

LOO

a me aniani hale

AILA MAHU, AILA MIKINI, AILA HAMO

AILA KAA, INIKA KAMAA.

PAUPA, KUKAEPELE, KIANA

PAUDA, UIKI IPUKUKUI O NA

ANO HE NUI A LEHULEHU.

LOLE MAKEPONO

E @ na

AHINAHINA, KALAKOA, KEO

KEO, LEPONALO HULUMANU,

UWE WAHINE, KUI HUMUHU-

MU, A ME KA LOPI.

Ke Kuike a loaa no ia ma kahi a

Kakela & Kuke!

NA MEA PIULA

 

Mikini Humuhumu

Makini a WHEELER a me WILSON

MIKINI A WILCOX ME GIBBS

NA MIKINI A

REMINGTON.

He nui loa na mea hao me na ukana

ae o na ano a pau, aole hiki ke hai pau

ia aku, hewa i ak wai na maka ke ike

 

Laau Lapaau Kaulana Lo

A DR. JAYNE,

LAAU HOOMAEMAE KOKO

LAAU HOOPAU NAIO, LAA O

KUNU, PENIKILA HUAALE

PAAKAI, LAAU HOOPAA HI,

Me na Laau hame a Pela ‘ku.

Kakela me Kuke