Ka Nupepa Kuokoa, Volume XXVII, Number 10, 10 March 1888 — NA ANOAI O HONOKOHAU. [ARTICLE]

NA ANOAI O HONOKOHAU.

Ma ka makahiki i naue aku, ua komo ae kahi piko pau iole oia hoi (A«hue) ma ka hale o John Kapaku, a lawe aihue aku la i na dala a aole 1 loaa ka aihue a hiki i keia )a. Ke ku mau nei no ke Alalaua ma Honokohau nei. a me na wahi eae 0 Kaanapali, mai kela makahiki mai no a komo wale mai nei no iloko 0 keia makahiki, loihi keia ku ana, ola no hoi ka makapehu i-a o keia aupehu. Ku nui ka hahalalu maanei 1 keia mau la, i ka Poakolu iho nei, ua hoopuni »a e koonei mau lawaia lae ula, a ua nui na i-a i loaa, o ka nui paha ia ia, elima waa i piha a koe aku no Ika papa kahi i-a, o na wahi dala i loaa no keia, he pihipihi. oia hoi (uuku). | He wahi mea hou pahaohao iho keia a ka weliweli. Ma ka po o ka la Sabati a ao ae Poakahi, oia ka la 26 o Feberuari i hala, ua nou ia kekahi hale i ka pohaku, elua nou ana a he elua no hoi pohaku, hookahi pohaku i nou ia mai ma ka puka aniani o ka hale o lalo, a puka pu a komo loa iloko o ke kino 0 ka hale, aole nae i weluwelu ke aniani aole nae ola i poino. A ma ka po Poakahi a ao ae Poalup, nou hou no, ekolu nou ana ahe ekolu no hoi pohaku, hookahi pohaku i nou ia mai ma ka puka aniani oke kala o ka hde o luna, a puka pu ke aniani, aole no # he ola i poino. A ma ka po Poalua a ao ae Poakolu, ua lohe mai la ko makoa mau makai, ua hiki aku lakou ilaiia me na lima kokua ama la po no, ua nou hou ia mai no, oka nui o na pohaku i nou hou ia mai, he elima pohaku a h ookahi haku lepo, a ua like la me eono pohaku i nou ia ma ia po. Huli na makai me na lima kokua, o ka neo ka mea i loaa, e naku ana ia loko oka pikake e pii ana ia luna oka manako, o i noke wale a, he ole ka loaa. ia lakou no e hauwalaau ana, nou mai no ka pohaku, aole nae he pa mai o kahi o na makai, a i ole ia o na lima kokua hoi, pela a hiki i ka wa a na ma kai i haalele aku ai ia hale, aole no he mau poino nui, elua wale no aniani i poino. A eia ka pohaku ke waiho nei ma ka lima o na makai. Me ka welina i na keiki ulele hua mekala o ka nupepa KroKCv Owao no, Samuel L. Kalaola. Honokohau, Miui, Maraki 2, iBB3.