Ka Nupepa Kuokoa, Volume XXVII, Number 10, 10 March 1888 — ANOAI O KA UA PEE PUHALA. [ARTICLE]

ANOAI O KA UA PEE PUHALA.

Ma ka po o ka Poalua iho nei la 24 0 keia mahina, i uwe iho ai kekahi wahine a me kana kane ma Mokupapapa a kokoke e kii i ka hoki, no ka huki ulua paha o kahi wahine, pela ka lono ia mai, aka no na kumu e ae aole makou i ike. He kau papaala ko |>ee puhala 1 keia mau pule. He mahalo piha ko ka lehulehu i ka inaikai oke alanui o Huelo nei, ma o ka hookele pololei ana a C. Copp a me kona hope ma ka hana, Moses Papaiakea.

O kahi oi loa aku o ka mahaloia oia no kahi e pili pu la ma kahi 0 Keliikipi ma Hanawana, oiai he oawa nui a laula maopopo lea maoli no malaila, a ua hoopiha ia i ka lepo a me ke ama'u nona na kapuai kiekie he eha a oi paha, a o ka loihi o ka oawa he 20 paha kapuai a 01. O keia alanui i hoopiha ia ai ua hahau ia a-iliwai hke me he la hookahi no honua ke nana aku, aohe anuu ana iho o ka lio, he pahee he pakika wale no ia la. O keia wahi oawa he nupa maopopo ke hiki mai ka ua, a he konu muliwai ke nana aku, nolaila, no ka ike o ko makou luna alanui no ke ino, nolaila, hana iho nei oia a ua maemae ke alanui. Aole o keia wale na wahi i hanaia, a he nui wale aku, nolaila ke haawi aku nei makou i na mahalo piha no Copp a me Papaiake no ka eleu ma ka hana i ko niakou mau alanui. Me ka mahalo. J. K. P. Puuonioni, Huelo, Jan. 27, 1888.