Ka Nupepa Kuokoa, Volume XXVII, Number 10, 10 Malaki 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

KE KILOHANA POOKELA NO KA LAHUI HAWAII.

Nupepa Kuokoa

No ka Makahiki --------------$2.00

No Eono Mahina ------------- 1.00

-----KUIKE KA KULA-----

____________________________

Poaono ………Maraki 10, 1888

____________________________

Haawina Kula Sabati.

HAAWINA XII. Maraki 18, 1888

Ka hoowahawawaha ana i ke Keiki

Mat 21:33 ..46

E hoolohe mai oukou i kekahi olelonane hou. Kanu iho la kehahi mea hale i ka

malawaina, hana iho la ia i pa a puni, eli iho la i wahi kaomi waina iloko olaila,

kukulu iho la i hale kuai, haawi aku la ia wahi i na hoaaina a hele aku la i ka aina e.

34 A i ka wa i kokoke ai e oo ka hua, hoouna mai la ia i kana mau kauwa i ka

poe hoaaina i loaa mai ai ka hua nona.

35 A hopu aku la na hoaaina i kana mau kauwa, hahau iho la lakou i kekahi,

pepehi iho la i kekahi a make, a hailuku aku la i kekahi me ka pohaku.

36 Hoouna hou mai la ia i na kauwa e ae, he nui aku i ka poe mamua, a hana

hou pela na hoaaina ia lakou.

37 A mahope iho, hoouna mai la ia i kana Keiki io lakou la, i iho la. E

hoomaikai mai paha lakou i ka'u keiki.

38 Ike aku la ka poe hoaaina i ua keiki la, olelo ae la kekahi i kekahi. Eia ae ka

hooilina, in a kakou e pepehi iaia, a lilo mai kona aina no kakou.

39 Hopu aku ia lakou iaia, hookuku aku la iaia iwaho o ka pawaina, pepehi iho

la iaia a make.

40 Aia hiki mai ka haku nona ka pawaina, heaha kana e hana mai ai i ua poe

hoaaina nei?

41 I mai la lakou ia ia, E pepehi hoomainoino ia i kela poe ino, a e haawi aku

ia i ka pawaina ko kekahi poe hoaina e ae, nana e hookupu mai nona na hua i ka wa

e oo ai.

42 Olelo aku la o Iesu ia lakou, Aole anei oukou i heluhelu iloko o ka palapala

hemolele, O ka pohaku a ka poe hana hale i haalele ai, ua lilo ia i pohaku kumu kihi?

O ka ka Haku hana keia, a he mea mahalo hoi ia i ko kakou mau maka.

43 Nolaila, ke olelo aku nei au ia oukou, E laweia'na ke aupuni o ke Akua mai

o oukou mai, a e haawiia'ku ia i ka lahui kanaka nana e hua mai i kona hua.

44 A o ka mea e haule iho maluna iho o keia pohaku, e haihaiia oia, aka o ka

mea e hauleia iho e ua pohaku la maluna, e pepe loa ia.

45 Lohe ae la ka poe kahuna nui a me ka poe Parisaio i kana mau olelonane,

ike iho la lakou kana i olelo ai.

46 Makemake iho la lakou e lalau mai iaia, a makau aku la lakou i ka poe

kanaka; no ka mea, manao iho la lakou he kaula ia.

Pauku Gula. Hele mai la ia i kona iho, aole kona poe i malama iaia. Io. 1:11

Manao nui. Ka ke Akua hana no kanaka, a me ke kanaka i hana aku ai i ke

Akua.

Na Heluhelu La

Poakahi Mat. 21:17 - 32.

Poalua Mat. 21.33 - 46.

Poakolu Mar. 13:1 - 12

Poaha I.u. 20:9 - 19.

Poalima Is. 5:1 - 7.

Poaono 1 Pet. 2:1 - 12.

Sabati Ep. 2:11 - 22.

I Ka malawaina. p. 33. Owai ka mea hale? Heaha ka malawaina? Heaha ke

kaomiwaina? No keaha ka hana i pa a puni? Me aha ka hale kiai? Heaha ka ke

Akua hana no na Iudaio, i hiki ia lakou e hoohua i na hana maikai? Ua kokua anei i

Kona Ekalesia i holomua? Heaha ka ke Akua hana nou i loaa ka pono nou? Pehea

kou haina no ka ninau ma Is. 5:4. Mahea ko Iesu hele ana?

II Na hua. p. 34. Ina kii mai ka haku aina i na hua o ka aina, aole anei he pono

i ka poe e noho mai ana e haawi iaia? Na na kauwa anei kekahi hapa? Na na kauwa

anei kekahi hapa? Heaha ka ke Akua i kii mai ai i na Iudaio? Aole anei he hoolohoe

a he manaoio kana i makemake ai? Pehea ho ka ekalesia; aole anei he noho

hemolele, he hana mana, he kokua? He puno anei e aua i keia mau hua? Ahea

haawi i keia mau pono nona? Ia kakou anei kekahi kapa o na pono i loaa mai?

III Na kauwa. Owai ka i hoouna ia e kii i na hua? Owai na kauwa? Owai ke

keiki? Pehea ka ke Akua kii ana mai i na pono o kakou?

IV Ka hoole ana i ka poe i hoouna Is. 35-39. Pehea ka hana i na kauwa? Pehea

ka hana i na kauwa? Pehea ka hana i kekahi o na kaula? He. 11:36 - 38. Owai

kekahi o na kaula? Ua hookupa maikai ia anei na kauwa a ke Akua i na wa a pau?

Ua hookipa pono ia anei ka Baibala? Ua malama pono ia anei ka Sabati? Mahope

iho, owai ka i hoounaia? Aole anei e hoohanohano e ke keiki a ke alii? Heaha ka

lakoo olelo? Ua aha lakou iaia?

V Ka hoopai 40 - 46. E ae anei i kela poe e noho hou ma ka malawaina?

Heaha ka hoopai? Pehea ka hooko ia ana me na Iudaio? I ka make ana o Iesu, ua

hoopuehu ia na Iudaio? Pehea ka poe hoole ia Iesu? Heaha ka wanana? Hal.

118:22, 23. Owai ia pohaku? Aole anei i lilo o Iesu i pohaku kumu kihi?

_________________

1. He nui ko ke Akua hooikaika ana i hua/e akou i na hua maikai.

2. Nolaila, he pono e hoihoi i na hana maikai Nana.

3. O ka hoolohe, manaoia, aloha, na hana maikai -- he mau hua maikai na ka

Uhane.

4. O na elele i hoouna ia mai ia kakou; napaipai, na Sabati. Baibal, ke Uhane,

& c.

5. Ua hoike ia ko ke Akua iini nui e alakai ia kanaka i on a la, ma ka hoouna

ana mai i Kana Keiki.

6. Aole wahi e pakele ai ka poe e hoole ana Iaia.

7. E pio ana ka poe a pau e hoole ana, a e kue ana ia Iesu, a e lanakila ana no

ke Akua Aupuni.

HAAWINA HOIHOPE

Maraki 25, 1888

Heaha ka hana a Ioane Bapetite? Ua ao anei oia ia Herode? Ua aha o Herode

iaia? Mamuli o ke noi awai ka pepehi ia ana o Iaone?

Ihea ko Iesu hele ana me na haumana? Mat. 14:13. No keaha ka hele ana i

kahi mehameha? Owai kai hahai iaia? Heaha ka Iesu hana no ia lehulehu? Heaha

na haawina i ao ia ma keia? O Iesu ka berena e ola'i. Ke aloha o ke Akua. Ka

palena ole o Kona aloha. He pono i na haumana a Iesu e haawi aku i ka palena o ke

ola.

Ihea ko Iesu hoouna ana aka i na hauman? Ma.6.45. Ihea oia? e aha ai? Pehea

hoi na haumana? Pehea ko Iesu kokua ana ia lakou? Pehea kona hoomalielie ana i

ka moanawai? Pehea ka hoolana ana i ko lakou mau manao?

Owai kai hele ia Iesu? Mat. 15:22. Heaha kana i noi ai? He mau keakea anei i

loaa iaia? Ua hoomau anei i kana noi? Ua loaa anei? Heaha ka Iesu olelo iaia?

Heaha kekahi mau hana mana a Iesu?

Owai o Iesu? Mat. 16:16. Pehea e lilo ai i Hoola, a i Alii? Ma ka eha, ka

make, a me ke ala hou ana. Pehea e lilo ai i mau haumana na Iesu? 24. Pehea ka

kekahi pe? 26. Owai ke hele mai ana me ka Nani.

Pehea ka Iesu hooikaika ana i ka manaoio o na haumana? Owai kai hele pu i ka

wa i hoopahaohao ia? Owai ka i launa me lakou? Kamailio lakou no keaha? Heaha

ka hoike mai ka lani mai, a lakou i lohe ai?

Heak=ha ke kumu hoopaapaa o na hauman? Heaha ka rula a Iesu i haawi ai?

Mar 9:35. E hoohalike me wai? He pno anei e hoowalewale ia hai? He pono anei e

ae aku i ka hewa? Ua hele mai o Iesu e hoola iawai?

Ina ua hana ino mai kekahi, heaha kou pono? Ehia manawa e kala'ku ai? No

keaha? Ke ole e kala i na hewa o hai, e kala ia anei na hewa o kakou? Pehea e

hana'i i ka hoalauna?

Owai kai holo aku ia Iesu? Heaha ka makemake o keia kanaka opio? Heaha ka

Iesu kauoha iaia? Heaha kona hemahema? Ua makaukau anei e haawi aku i kona

waiwai no hai? No keaha kona kaumaha ana?

Ua ike anei o Iesu i na mea e hiki mai ana? ua kanalua anei oia, a lawelawe ole

i ka hana, oiai e waiho ana ka make imua on a? Heaha ka Iakobo a Ioane i noi ai? O

ka noho ana ma na wahi hanohano anei e pakele io ai kekahi? Pehea ka Iesu? Mat.

20:27, 28. Pela anei oia?

Mai Ieriko a ihea ko Iesu hele ana? Ua komo hanohano anei i Ierusalema? Ua

aha kanaka? Pehea ka hoohoana? Ua aha na kamalii? Heaha ka Iesu hana maka

luakini?

Ua hoohalike ia ka lahui Iudaio me keaha? Heaha ka ke Akua hana no lakou?

Ua makemake anei i na hua makai? Ua aha ia na kauwa i hoouna ia ia lakou? Ua

aha ia kana keiki? Heaha ka hoopai i kau maluna o lakou no keia hana?

HE KUMUMANAO I HELUHELU IA MA KE KULA SABATI O KONA-WAENA

I KA LA 25 O DEKEMABA

________________

Iesu Kristo a me kona Aupuni.

"Aole e lilo aku ke kookoo alii mai o Iuda aku, aole hoi ka mea wehewehe

kanawai mai waena aku o kou mau wawae, a hiki mai ai o Silo; a iaia ke kao koa ana

ae o na kanaka."

Mai ka haule ana o ke kanaka ma ka mahinaai o Edena, a hiki i ka hanau ia ana

mai o Iesu ma Betelehema, ua wanana ia no ka hiki ana mai o ka Mesia.

"O oe, e Betelehema Eparata, ka mea uuku iwaena o na tausani o Iuda mailoko

mai ou e hele mai ai i o'u nei; ka mua e alii ana iloko o ka Isaraela.

Oia ka mea i wanana ia e Mika 750 makahiki mamua o Kristo.

A ua olelo o Isaia 741 makahiki mamua o kona hiki ana mai.

Maluna o kona poohiwi ke aupuni a e kapa ia kona inoa o Kupaianaha, o

Kakaolelo, o Keakuamana, o Kamakuamauloa, o Kealiiokamalu.

Iloko o keia mau tausani makahiki, ko ke Akua hoomakaukau ana i ka honua no

kona hiki ana mai.

Iloko o ia manawa ua hoopuehuia na Iudaio ma na aina a pau, aua hele pu lakou

me ke Kauoha Kahiko:

Nolaila' ua lohe e na lahui a pau i na wanana no ka hiki ana mai o ka Mesia.

Iloko o na makahiki mua, ua nui ke kaua a me ka hookahe koko, aka, i ka hoea

ana mai o Kealiiokamalu, ua maluhia ka honua holookoa aole kaua mai o a o.

I kekahi po malie, oiai e noho ana kekahi mau kahu hipa ma na puu o Uudea, e

kiai ana i ka lakou poe hipa, aia hoi, hoea mai la kekahi anela me ka nani o ka haku,

a makau loa iho la lakou.

A olelo mai la ka anela mai makau oukou, no ka mea, eia hoi, ke hai aku nei au

ia oukou i ka mea maikai e olioli nui ai, e lilo ana no na kanaka a pau.

No ka mea i keia la i hanau ai ma ke kulanakauhale o Davida he ola no oukou,

oia ka Mesia ha Haku.

Alala, me he mea la, ua haalele ke oleo walohia pau aku la

Pau aku la, wahi a kona mau enemi me ka hoohenhene, pau kou mana a me kou

aupuni, ua paa oe iloko o ka halekupapau.

Alia iki, pinepie ka napoo ana o ka la, oiai ua puni oia i na ao, aka, i ke

kakahiaka ae, hoea hou no oia me kona nani.

Pela ka nalo ana oka la o ka pono iwaena o na ao panopano o Kalevari, aka, i ka

wanaao o ka la Sabati, ua poha hou kona lama alaula ma ka hikina, a ke mau nei

kona olinolino a hiki i keia la.

He mau la pokole mahope mai, ua haalele oia i kona aupuni honua, a pii aku la

ma na ao kaalelewa, a i kona aupuni lani me ka haawi mua nae i keia kauoha i kona

mau haumana:

E hele aku oukou i na aina a pau a e hai aku oukou i ka euanelio i na kanaka a

pau.

Pehea la kona aupuni mahope mai, ua pau anei?

Aole.

I kekahi manawa nae ua like me ke kukui i puhi ia e ka makani , oiai e hoo

ikaika ana Kealiiokapo a me kona mau puali, ehoopio, a hoohiolo, aka ua mau no

kona a ana, a i keia la ua ike ia kona malamalama a puni ka honua.

O ke aupuni o Iesu Kristo oia ke au puni mana oia ke pookela o na aupuni a pau

o ka honua nei.

Ua unuhiia kona kumukanawai oia ka Baibala, mana olelo 207, 4000 elele o ke

kea-kane, a wahine, e hai ana i ka euanelio i keia la.

He 24 papa misionari e hana nei ma Aferika, 33 ma Kina, 50 ma Asia Tueke, a

me Iapania.

Kanui oka puali koa o ke alii nani ma ka henua nei, oia hoi, na hoahanau ma na

Elakesia Karistiano he 115.300.000; a he mea hiki ole ia kakou ke hoomaopopo i ka

nui o na miliona i pae e ma kela kahakai gula, a hui me na puali anela, e hoolea ana i

Kealiionaalii.

Ua hookoia ka wanana a Daniela, a ua haawi ia mai nona, ke alii ana a me ka

nani a me ka aupuni i hookawa na na na lahui kanaka, a me ko na aina e a me na

olelo e.

O kona alii ana, ua mau loa ia, aole ia e pau, a o kona aupuni aole ia e

auhulihia.

Ella H. Paris

___________________________

KO KA AINA MAUNA MAU NUHOU.

________________

Hoopaahao wale ia me ke kuleana ole.

Ma ke kakahika Poaono i hala Dek 24. Ua lawe ia ae a hoopaahao wale ia ke

kino o kekahi kaikamahine o Miss Hana kona inoa, (he Gilibati) maloko o kahi paa o

ke aupuni, ma Waimea nei, o keia hana na ko makou makai nui no, a me kona hope

Napolion Pa.

Ua paahao keia kaikamahine no 4 hora paha a oi aku. Ei ke kumu o ka paa ana,

a in a ia he kumu kupono ma ke kanwai:

No ka ole ana o ka mea i hoopaahao wale ia e hoi hou a noho pu me H. P. ma:

aole no hoi keia kaikamahine he kauwa i paa malalo o kekahi palapala aelike

paahana, e hiki ai ke hoopaahao ia me ka hewa ole, mamuli no o ko laua nei manao a

paa hewa ana kela kaikamahine.

He mau lawhala maopopo keia na ke kanawai in a he hopu ko keia

kaikamahine, a he mau kahu hanai paha, a he kue maopopo hoi i ke kanawai.

No ka hookiekie mai keia hana a na makai.

E hoomanao iho olua i ka hihia o J. P. Miau a me John Ai, i poohu ai ka lae i ke

kanawai ma ke kau kiure i hala.

_________________________________________________________

Na Makua mea Keiki

Ke kakau inoa nei kekahi poe makua mea keiki e noho wale nei aohe kumu

kula, e noi ana i ka Papa Hoonaauao e hoonoho mai ia W. L. Verenberg, i kumu kula

ao olelo namu no Waimea nei.

He mau makua kekahi aohe wahi hulu keiki e hele ana i ke kula.

Ua kupono no keia wahi haole, no ka mea o ka poe lapuwale kona hoa lealea.

Aole he wahine a keia haole, he noho hoopilimeai aku mahope o hai.

Aka, ke hooikaika loa nei o Keikiole ma e hoonoho i kumu kula, (ka mea hoi e

naaupo ana o na keiki.) Maikai no ke loaa ke loaa ke alakai kupono.

Eia no maanei kekahi wahine he kamalii kona hoa hakaka. Ua loa ka'u mau

keiki i punalua nona a o kona mau enemi ino loa ia. He keu a ka mea hilahila, a he

wahine hoi ia na ka punahele a ko makou makai nui.

Puhipuhi ahí ka hana a kahi luna au hau o S. Kohala nei, pau ka poe hookaa ole

i ka auhau. Maikai kela.

Ua hoopai ia iho e ke kanaai o Kekoi o Kawaihae no ka hewa kuai awa me ka

laikini ole he 20 dala me na koina.

O ke kumu i ala mai ai o keia hihia, wahi a Kekoi mamua o ka aha, oia no ko J.

T. Baker kauoha ana iaia e kali oia (Kekoi) a pau ke kudala ana o na laikin. awa oke

pae aina ma ka la 12 o Dek. nei a mahope aku o ia wa, e kuai aku o Kekoi i ka awa,

ina ua lako oia i ka awa, a oiai no hoi ua loaa aku ma ko J. T. Baker lima makai nui

na dala he 110, no ka laikini awa o 1888 ae nei mai a Kekoi aku.

Nolaila, malalo o kela leo kauoha a J. T. B ia Kekoi, nolaila ua kuhihewa oia a

hana naaupo aku la.

Ua ae no o Kekoi i kona hewa mamua o ka aha ma ka la hookolokolo o Dek.

29.

A pehea la keia ano o na lima lawelawe o ke aupuni ke ao hewa aku.

Me ke aloha nui.

Jos. H. N. Kawaioulu

___________________________

NA ANOAI O HONOKOHAU

Ma ka makahiki i naue aku, ua komo ae kahi piko pau iole oia hoi (Aihue) ma

ka hale o John Kapaku, a lawe aihue aku la i na dala $350.871/2 a aole i loaa ka

aihue a hiki i keia la.

Keku mau nei no ke Alalaua ma Honokohau nei, a me na wahi e ae o

Kaanapali, mai kela makahiki mai no a komo wale mai nei no iloko o keia makahiki,

loihi keia ku ana, ola no hoi ka makapehu i a o keia aupehu.

Ku nui ka hahalalu maanei i keia mau la, i ka Poakolu iho nei ua hoopuni ia e

koonei mau lawaia lae ula, a ua nui na i a i loaa, o ka nui paha ia la, elima waa i piha

a koe aku no i ka papa kahi i a, o na wahi dala i loaa no keia, he pihipihi , oia hoi

(uuku).

He wahi mea hou pahaohao iho keia a ka weliweli.

Ma ka po o ka la Sabati a ao ae Poakahi, oia ka la 26 o Feberuari i hala, ua nou

ia kekahi hale i ka pohaku, elua nou ana a he elua no hoi pohaku, hookahi pohaku i

nou ia mai ma ka puka aniani o ka hale o lalo, a puka pu a komo loa iloko o ke kino

o ka hale, aole nae i weluwelu ke aniani aole nae ola i poino.

A ma ka po Poakahi a ao ae Poalua, nou hou no, ekolu ou ana a he e kolu no hoi

pohaku, hookahi pohaku i nou ia mai ma ka puka aniani o ke kala o ka hale o luna, o

puka pu ke aniani, aole no he ola i poino.

A maka po Poalua a ao ae Poakolu, ua lohe mai la ko makou mau makai, ua

hiki aku lakou ilaila me na lima kokua a ma ia po no, ua nou hou ia mai no, o ka nui

o nui o pohaku i nou hou ia mai, he elima pohaku a hookahi haku lep, a ua like ia me

eono pohaku i nou ia ma ia po.

Huli na makai me na lima kokua, o ka neo ka mea i loaa, e naku ana ia loko o

ka pikake e pii ana ia luna o ka manako, a i noke wale a, he ole ka loaa, ia lakou no e

hauwalaau ana, nou mai no ka pohaku, aole nae he pa mai o kahi o na makai, a i ole

ia o na lima okua hoi, pela a hiki i ka wa a na ma kai i haalele akuai ia hale, aole no

he mau poino mui, elua wale no aniani i poino A eia ka pohaku ke waiho nei maka

lima o na makai.

Me ka welina i na keiki ulele hua mekala o ka nupepa Kuokoa.

Owau no,

SAMUAL L. KALAOLA

Honolohau, Maui, Maraki 2, 1888

______________________________________________

NA MEA HOU O PAUWELA NEI

____________

Ma ka la 20 o Iannari, oia hoi ka la Sabati, ia'u i naue aku ai ma Pauwela nei, ua

ike au i na hana pono ole a Mr Maukele, eia ka moolelo pokole n keia Maukele:

Sabati hora 7 p. m., ua hele ae oia ma kekahi hale, e huli ai i hoa hakaka nona,

me kona olelo iho, in a he kanaka ikaika alaila, me ia e hakaka ai.

E ? Ano opulepule paha o Maukele, no ka mea, o kei kanaka he makai ku la

no ka apana o Makawao nei.

Nolaila, ua nui loa na kanaka i lohe i keia mau olelo pono ole a keia kanaka ano

opulepule, e ke kanaka iaia ka hana ao ke aupuni e mai opulepule hou oe e kuu hoa

kanaka, o hoolaha hou ia oe ma ka nupepa, no ka mea, he kanaka malama ole oe i ka

hanohano o kau oihana.

Aka, ke waiho aku nei au ia oe na kuu lahui e kau ia oe ma ke ana kaupaona o

ke aupuni Hawaii nei.

Ke book nei au maanei, me ka Lunahooponopono ko'u welina, a me na keiki

ulele hua keau ko'u ahonui.

J. W. Kuhelemai

Maunaui, Haiku, Maui, Ianuari 31, 1888

_____________________

HOOLE WAIONA.

__________

(Na ka Ahahui W. C. T. U.)

Ma Kaleleonalani, oia ho: o "Ema Hale" ma Honolulu.

He halawai i kela me keia Poalima hors 7:30 o ke ahiahi

He halawai Hoole Waiona, oka Ahahui o ka Lipune Bolu o Honolulu.

Ke kono ia aku nei na kanaka, kane, wahine, keiki na mea kiekie, na mea

haahaa, ka poe waiwai, ka poe ilihune, ka poe hoole waiona, ka poe kanalua, na mea

a pau, e akoakoa ma ia hale i kela me keia pule. Pela no me na mlihini mai na

mokupuni e mai, e komo, a hui me makou ma keia hana kuonooao, "No ke AKUA a

me ka HOME, a me ka AINA HANAU."!!

___________

(W. C. T. U.)

___________

Hana E. John Brown.

Leo Mele.

1.

Imua e na hoa o ka aha imi wai

Kau i na makamaka ka haae e welo nei

Holo no imua i loaa ka pahu, have

Mai huli i o ianei.

Cho. Nani, nani heleluia

E lanakila e.

2.

Aia ka hoa ma ka lua e ma ke ai

O kou lima iala a e hoapakele mai

Kuhikuhi i ke ala o ke ola mau

O huli hope hou.

Cho. Nani, nani haleluia

E lanakila e.

3.

Hana no na home o ka poe o na e

Hana no na uhane o ka poe auwana nei

Hana no ka pono i auhee na ino e

Ke akua me kakou

Cho . Nani nani haleluia

E lanakila e.

Kau i ka pu. Marching along.

Leo Mele

1

Ihea la ka hua e hoopololei

Kou pu panapana ano e hai mai

I make na kin mai kela aoao

A ku lanakila na hui bolu

Cho. Kau i ka nu a e hoopololei

Aku i ka rama na waiona e

I make na kin ma kela aoao

A ku lanakila na hui bolu

2

E ala na koa e hoomakaukau

E kue ka rama, e kinai a mau

I maemae ka aina a ikaika hou ae

I mua no keia o Hawaii laelae.

Cho. A kau i ka pu a e hoopololei

A ku i ka rama na waiona e

I make na kin ma kela aoao

A ku lanakila na hui bolu.

____________________________________________________________________

============================================================

HOOLAHA HUI

_______

Ke hoolaha ia aku nei e ka mea nona ka inoa malalo iho nei, ua hoohui ia ma ka inoa

hui o SEM CHUNG LUNG CO. "e lawwelawe i ka Oihana Halekuai Mea Ai, ma

Honokaa, Hamakua, Hawaii.

AH GOK,

fy 11.21 ASIN.

____________________________________________________________________

PACIFIC HARDWARE COMPANY

________

Na hope o Dilinahama Ma.

Mau Mea Kuai Lako Hao

Alanui Papu, Honolulu.

____________________________________________________________________

MRS. THOMAS LACK,

Helu 81, Alanui Papu.

MEA KUAI A LAWELAWE I

--NA--

Mikini Humuhumu na Aahu, a nui wale Aku

HE AGENA KU AI NO NA MIKINI

White, New Home,

Davis, Crown, Howe,

Me Florence,

Na Kui Mikini o na

ano a pau a Howard,

Na pepa ana lole o

na ano a pau, a me

kela keia mea

NA LOPI MIKINI A KALAKA.

He Agena Kuai I Na

Pu Raifela, Pu Panapana, Pu ki manu,

na Poka, Lu, Pauda, Kukaepele.

NA KAPUAHI AILA MAHU

Mai ke nui a ka liilii.

__________

Ma ka lawelawe nui ana o'u i ka hana lima akamai o ka oihana hana pu a pela

aku, ua makaukau au e book o kaulua ole i na kauoha a pau.

O na kanoha mai na mokupuni e hookohoia 2082.tf.

============================================================

B. F.. EHLERS & CO.,

PAINAPA.

_____

Poe Kuai i na Ano Lole a Pau.

Helu 99 alanui Papu. - Honolulu.

_____

E loaa mau ana na lole-hou o na ano a pau maluna o kela a me keia moku.

============================================================

Ka Waiwai o ka Hilinai

________

KA AYER Laau Sasaparila, kai kaulana a hilina' nui ia no na hoomaemae koko, ma

na wah a pau o ka honua, ne aneane 40 ma kahiki i hala ae nei, a na lawelawe nui ia

hoi iwaena o na oihana iaoaau. O keia

LAAU SASAPARILA, no loko ae ia o ke aa Sasaparila Honedura maoli; ua loaa ka

mana hoomaemae ma o ka hui pu ia ana me kekahi mau aa laau e ae, a me kekahi

mau mea no loko o ka honua a me ka hao.

HE koko inoino a nawaliwali anei kou? Ua a wili pu anei me na ano mai ikaika? A

ua hui pu anei me na wai awaawa hoopehu Na keia

LAAU e hoomaemae ia mau mea ino a pau a maikai. O na kauka lapaau a pau o

Amerika ike ke ano o ka AYER SASAPARILA wale no ka laau nana e hoomaemae

hakalia ole mamua ae o kekahi ano laau e ae O ke

KOKO ino hakuhaku, a nawaliwali hoi kona holo pono ana ma ke kino, e

hoomaemae ia a e hooikaika pu ia no hoi ma o ka ai a na i keia LAAU

SASAPARILA A AYER. He maalahi a he

MIAKAI loa hoi keia Laau, aole no ka hoomaemae wale an no i ke koko, aka, no ka

hookaawale pu ana kekahi i na ma'i, hoomomona hou ana i ke koko ino, a me ka

hooikaika pu i kona holo pono ana ma na aa. He lehulehu wale na hooia ana mai na

wahi a pau o ke ao nei i hoohana mau i keia laau mamua o kahi mau laau o ae.

A HILINAIIA no ka ikaika kupono o ke ola kino, ma ka maemae an o ke koko,

hoomake pu ia na ma'i, a pela aku. He nui na laau hoomaemae koko i hoolaha waha

hee wale ia malalo o na inoa lehulehu, aka, o na hlinai a me na hoola wale no a ke ao

holookoa, maluna o ka

AYER LAAU SASAPARILA.

I HOOMAKAUKAU IA E

KAUKA J. C. AYER & CO. LOWELL, MASS.

HOLLISTER & CO.

Na A ena ma ka Paaeaina Hawaii

Helu 100. . . . Alanui Papu, Honolulu

2086-tf

------------------------------------------------------------------------------------------------------

PAPA! PAPA!

AIA MA KAHI

LEWERS & COOKE.

(O LUI MA)

Oka ke kahea kahiko on a alanui Papa a me Moi

E loaa ai

PAPA NOUAIKI

o kela a me keia ano

_____

______, Na paka Aniani, Na Olepelepe

Na Pou, Na O-a, Na Papa Hele, Na Papu Ku, A me na Papa Mou nui loa

_____

Na Pili o na Hale o na Ano a Pau

_____

Na Pepa Hoonani, Na Pena o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pu, Na Aila Pena, o

kela me keia ano Na Aila Hoomaioo,

he lehulehu wale,

Na Aila e ae o na

ano a pau.

______

NA WAI VANIKI

----A ME NA----

WAI HOOHINUHINU NANI

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka

pau, na makaukau keia mau Makamaka

o oukou e hoolawa aku ma

na mea a pau e pili ana

maka laua oihana

----NO KA----

UKU HAAHAA LOA.

_____

E likeme kamea e nolo ana mawaena

LAUA a me ka MEA KUAI.

HELE MAI E WAE NO OUKOU

____________________________________________________________________

M. R. FREITAS

Kaiopihi, Kohala

_____

HALEKUAI

na mea ai, no na lole, a me na mea hoonani e ae he nui loa

E kuai ia aku ana me ke Kumukuai haahaa loa.

Ke kau leo ia aku nei na Hawaii Ponoi a pau e naue nui ae.

2158 - 3m

============================================================

KAKELA & KUKE.

HALEKUAINUI O NA WAIWAI.

E laa na pahiolo, koi hole,

e hamale, koi nui a me liilii, kila,

wili puaa, rula, apuapu, kai o na ano a pau,

kala kaa , hao hoopaa puka

pohaku hoana kepa, lei ilio, kaula hao ilio, pahi, upa, pahi umiumi, kalapu,

kope hulu, pulupulu, oepa kalakala, lina hao, ami, keehi, a me ke

KAULA OPU

Palau o na ano a pau,

Oo, ho, koala, pe, kipikua, hao kope, au ho a pela aku, kua bipi,lei bipi, kaula hao

bipi, uwea pa, uwea keleawe, hao pili. piula, kaapalala, ipuhao, ipu ti

PA-PALAI MAKAU ME KE AHO

Ili wai, papa holoi, kopa ala, kaula kuaina, hu'akai, ehi wawae, hulu pena, a pela aku.

Pena wali, kini nui a me liilii o na ano a pau, me ka pepa kuhikuhi, pena keokeo, aila

pena, aila hoomaloo, vaniki kaa, a me vaniki moe;

PENA HOOMALOO

-a me aniani hale-

AILA MAHU, AILA MIKINI, AILA HAMO ILI, AILA KAA, INIKA KAMAA.

PAUDA, KUKAEPELE, KIANA PAUDA, UIKI IPUKUKUI O NA ANO HE NUI

A LEHULEHU.

LOLE MAKEPONO

E laa na

AHINAHINA, KALAKOA. KEOKEO, LEPONALO, HULUMANU, UWEWAHINE,

KUI HUMUHUMU, A ME KA LOPI.

Ke Kuike e loaa no la ma kahi o

Kakela & Kuke!

NA MEA PIULA

Mikini Humuhumu

Mekini a WHEELER a me WILSON

MIKINI A WILCOX ME GIBBS

NA MAKINI A

-REMINGTONHe

nui loa na mea hao me na ukana e ae o na ano a pau, aole hiki ke hai pau ia aku,

hewa i ka wai na maka ke ike.

Laau Lapaau Kaulana Loa

A DR JAYNE.

LAAU HOOMAEMAE KOKO LAAU HOOPAU NAIO, LAAU KUNU,

PENIKILA, HUAALE PAAKAI, LAAU HOOPAAHI. A

Me na Laau Hamo a Pela 'ku.

Kakela me Kuke.