Ka Nupepa Kuokoa, Volume XXVII, Number 9, 3 Malaki 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa

No Ka Makahiki         $2.00

No E@ Mahina           $1.00

 

KUIKE KA RULA

Puaono            Maraki 3, 1888

 

Haawina Kula Sabati.

 

HAAWINA XI Maraki, 11, 1888

 

            Ko Iesu komo ana i Ierusalema. Mat.21 1-@@

            A KOKOKE aku la lakou i Ieruslema, ua hiki aku la i Betepage ma ka mauna o Oliveta , alaila hoouna aku la o Iesu i na haumana elua;

            1. I aku la ia laua, E hele aku olua i ke kauhale e kupono mai ana ia olua, a e loaa koke ia olua ka hoki ua nakiikiiia, a me ke keiki me ia, e wehe ae olua a e kai mai io’u nei.

            3. Ina paha e olelo mai kekahi ia olua, e i aku.  Na ka Haku ia mau mea e pono ai alaila e kuu koke mai no ia i na hoki.

            4.  Ua pau ia mau mea i ka hanaia, i ko ai ka mea i olelo ia mai e ke kau’a, i ka i ana

            5.  E hai aku oukou i ke kaikamahine a Ziona, Aia hoi, ke hele akahai nei kou Alii iou la, e noho ana maluna o ka hoki, o ke keiki hoi a ka hoki.

            6.  Hele aku la ua mau haumana la, a hana aku la e like me ka Iesu i kau oha mai ai ia laua.

            7.  Kai mai la laua i @a hoki la, a me ke keiki, hohola ae la lakou i na kapa o lakou maluna o laua, a h@ee aku la ia Iesu maluna iho.

            8.  Hohola iho la ka nui o ka poe kanaka i ko lakou kapa ma ke alanui, a okioki ae la kekahi poe i na lala laau, a haliilii iho la ma ke alanui.

            9.  Hookani ae la ka poe hele mamua, a me ka poe ha@ai mahope, i aku la.  Hosana i ka mamo a Davida!  E hoonaniia ka mea e hele mai nei ma ka inoa o ka Haku: Hosana i ka lani kiekie loa!

            10.  A hiki aku la ia @ Ierusalema, pihoihoi ae la ko ke kulanakauhale a pau ni@au mai la lakou owai keia?

            11.  I aku la ka poe kanaka. O Iesu keia, ke Kaula, no Nazareta i Galilaia.

            12.  Komo aku la Iesu iloko o ka luakini o ke Akua, a he@kuke aku la iwaho i ka poe kuai lilo aku, a me ka poe kuai lilo mai a pau iloko o ka luakini; hookahuli ae la ia i na papa o ka poe kuai moni, a me na noho o ka poe kuai manu nunu.

            13.  I aku la oia ia lakou, Ua palapalaia, E kapaia ko’u hale, he halepule; a ua hoolilo iho nei oukou iaia i  ana no na powa.

            14.  Hele mai la ka poe makapo a me ka poe oopa ion a la ma ka luakini, a hoola aku la oia ia lakou.

            15.  Ike mai la ka poe kahuna nui a me ka poe kakauolelo i na mea kupanah a ana i hana’i, a me na kamalii e hookani ana iloko o ka luakini, Hosana i ka mamo a Davida; ukiuki mai la lakou.

            16.  I mai la ia ia, Ke lohe nei anei oe i ka lakou olelo?  I aku la o Iesu ia lakou, Ae, aole anei oukou I heluhelu, Ua hoomakaukau oe i ka hoolea mailoko mai o na waha kamalii a me na keiki waiu?

            Pauku Gula.  E hoomakaukau ka mea e hele mai ana ma ka inoa o Iehova, Hal. 118:26.

            Manao nui.  Ka lanakila ana o ke Alii o ka Malu

 

NA HELUHELU LA

 

 Poakahi          Mat. 20:29-34.

Poalua             Mat. 21:1-16.

                                                       Poakolu           Ma. 11:1-17.

Poaha              Lu. 19:29-46.

                                                       Poalima           Io. 12:1-16.

  Poanono          Hal. 118:19-29.

 Sabati             Hoik. 7:9-117.

 

            I            Ke Alii o ka Malu ma ka huakai i hoohanohano ia.  p. 1-11.  Mahea keia huakai?  Ma ka la hea?  O ka la Sabati anei ia lakou?  Heaha ka Iesu i kauoha?  He mea hoohauoli anei, ke kokua ana ia Iesu ma ia mea?  He wahi mea anei ia kakou e haawi aku ai i ka Haku?  Heaha ka wanana i hooko ia?  Neh. 9:9.  Heaha ka la lehulehu i hana’i  no Iesu?  Heaha ka lakou olelo?  Ua imi anei e hoohanohano ia Iesu ma ia mau hana?  Heaha ka mea hiki ia kakou e hana’i nona?  Heaha ka Iesu hana i ka hiki ana ma ka puu o Oliveta?  Lu. 19:41-43.  Ke minamina nei anei o Iesu i ka poe i mihi ole?  Heaha ka Iesu olelo i ka poe i kue i keia hana?  Lu. 19:40.

            II           Ka lanakila ana o ke Alii o ka Malu maluna o ke kanaka hewa. p. 1@,12.

            Ia la ae, heaaha ka i loaa ia Iesu ma ka luakini?  No keaha keia kuai ana ma ka luakini?  Heaha ka Iesu i hana’i?  Heaha kana olelo?  Is  56.@  @@ 7 11.  Ua pono anei ka paani. a hana lealea ma ka luakini?  Heaha kakou?  I Kor 3:16 Ua hana ino ia anei ke.a mau luakini i kahi wa?  Pehea ka @e Akua e hana ai i na e hana ino ia keia mau kin@? 1 Kor 3.17.  Heaha kona makemake? 2 Kor 6:14-18.  Oih 15 8. 9.

            III          Ka lanakila ana o ke Alii o ka Malu maluna o na pilikia o kanaka p. @@.

            Heaha ka Iesu hana ma ka luakini?  He hana kupono anei no ka halepule?  Ke kokua nei anei ke Akua i ka poe kaumaha a pilikia?  He hana kupono anei ia no ka Ekalesia?  Ma ka hale anei o ke Akua e l@aa @  ke ola uhane? 

            IV        Na keiki e hoonani ana i ke Alii o ka Malu. p. 15,16.  Pehea ka hoonani ana o na keiki ia Iesu?  Ua mamake ia anei?  Hiki anei i kamalii ano e hoonani aku i ke Akua?  Ua makemake anei ke Akua e hoomana pu. na makua me kamalii Iaia?

 

1.       He ilihune: he ike ole ia o Iesu, oia nae ke Alii o ke ao nei a pau.

2.       E hauoli i ka haawi ana aku i na mea a pau i hiki ke hoohana ia no Iesu.

3.       Ua hiki i ka me haahaa ioa ke hana no Iesu.

4.       E hoike i ka mahalo ia Iesu, ke alii, ma na olelo a ma na hana.

5.       Ke hele nei o Iesu mai ka lanakila a i ka lanakila.

6.       He mea maikai ka hana ana ke hoihoi no Iesu.

7.       He mea weliweli ka hoino ana i ka luakini o ke Akua.

8.       He pono e hookaawale ia na hewa a pau, a hoomaemae i ko kakou mau naau.

9.       Ua hauoli o Iesu i ka hoomana oiaio ana o kamalii Iaia.

10.   Ua pakele ka ekalesia e aloha ana a e malama ana i na poki@

 

Hoole Waiona.

 

(Na ka Ahahui  W.C.T.U.)

           

            Ma Kaleleonalani, oia ho@ o “Ema Hale” ma Honolulu.

            He halawai i kela me keia Poalima hora 7:30 o ke ahiahi.

            He halawai Hoole Waiona, o ka Ahahui o ka Lipine Holu o Honolulu.

            Ke kono ia aku nei na kanaka, kane, wahine, keiki, na mea kiekie, na mea haahaa, ka poe waiwai, ka poe ilihune, ka poe haole waiona, ka poe kanalua, na mea a pau, e akoakoa ma ia hale i kela me keia pule.  Pela no me na malihini mai  na mokupuni e mai, e komo, a hui me makou ma keia hana kuonoono. “No ke AKUA a me ka HOME, a me ka AINA HANAU.”!!

 

(W.C.T.U.)

 

            I ka po Poalima, oia ka ia 24 o Feberuari 1888, ua akoakoa mai ma Kaleleonalani  Ema Hale, na lala o ka aha hui o ka lipine holu o Honolulu. 

            Ka la hanau no ia o keia ahahui hookahi makahiki kona ola ana.

            Ma ia po ua hooponopono i na hana o ka makahiki hou.

            Ua koho hou ia i ka Lunakanawai Kiekie o A.F. Judd I Peresidena, a o ke Alli H. Waterhouse ka hope Peresidena, o Pua ke kakauolelo.

            Ua nui na hana o ia po, ua piha ke keena a ua nui na kanaka mawaho o ka lanai.

            He umi (10) o na haumana o ke kula nui o Kawaiahao i komo pu mai me na kumu ekolu, ua himeni lakou i na mele ma ka olelo haole, a me ko Hawaii.

            Hoike mai  na haumana o Iwa i ko lakou akamai ma ka Buke O’a Kino, he buke hoole waiona, a kani no hoi ko lakou mau puu ma kekahi mele e pili ana i ka wai huihui.

            Mahope mai lohe ia na leo aloha o na kaikamahine a Kanalulu e hoonani ia ana i ka inoa o Iesu.

            Mahope, hoike manao o A.F. Judd, H. Waterhouse, S.D. Fuller a me

            Ua hoonaniia ka hale e Miss Heren S. Judd, Mele Kelina, a me na komite, ka poe i komo i kauhale e lawe i ka olelo a ke Akua.  Ua kau i na mea uliuli na hae a pela aku.  Ua hauoli kanaka.

 

KE KULANA O KA AHAHUI

LIPINE BOLU MA KE KULANAKAUHALE O HONOLULU I KEIA WA.

 

            O ka lahui i hoomalamalama ponoia e ka olelo ao naauao o ka pono karistiano, he kahua ia e kukulu iho ai na ike e ae a ke kanaka i ao ai a makaukau.

            Ke ole ke kanaka e malama@ia ka hua, e hoohaiki ia auanei kona naauao ana i huli ai e na kumu e ae he lehulehu wale.

            I mea e holopono ai ko ke kanaka mau iini maluna o ke kumu ana i ake nui ai e hooko aku ana oia e hoohana ia ia mea ana i ha nui ai.

            A o ka pahu hope o kona noonoo, o ka hoomaha i kona luhi, pela no ka poe e kukulu nei i ka ahahui lipine bolu ke ole lakou e lawe pu i kela kahua i oleloia maluna, alaila, e hoauana liilii ia auanei ko ke kanaka noonoo a lilo i mea ole. 

            Ua akaka loa keia, ina e kalele ana na lala o ka ahahui lipine bolu maluna o ia kahua, hoole waiona. ma  ke koe n@ @ kekahi wahi lihi iki o ka manao h@@@@ ak@ h@@@ mai kekahi i kekahi oia auanei ke ala@@@ e hele ai a hiki i ka mahuahua a@@ o na k@@@ e hoomaka h@u auanei oia e nana hou i hope.  a e hoomaka hou auanei oia i ka hana ana i haalele ai mamua a o ka hele no ia a hiki i ka hoomaka hou ana e lilo i kanaka inu waiona.

            Heaha ke kumu o ie hana ana pela,  o ka hoomaopopo ole ia o kela kahua,

oia ka pono karistiano, ke kahua uui hookahi maluna o na kahua e ae a pau.

            Aole anei he mea pono i na hoa o keia ahahui ke omau pu iho ma ko kakou mau umauma pakahi i keia kumu, ke manao nei au, aole he mea e hiki ke olelo mai, aole e hiki, a ina pela ea, a heaha aku koe, o ka hoolilo iho ia kakou a pau i poe alakai no ka pono o ko kakou lahui ponoi iho, ma ka hoolilo ana ia kakou iho i mau kumu ao e alakai ai i ka lahui ma ka pono io o ka hole waiona, ke holo pono na hana, e ohi auanei ka poe nana e kukulu nei i na hua ohaha o ka lakou kihapai i lulu ai.

            Heaha ia oia ka loaa ana o na pono pilipaa i ka lehulehu a e poina ole auanei i kela e me keia mea pakahi ka inoa o ka ahahui lipine bolu ia hanauna aku ia hanauna aku.

            E na makamaka a me o’u mau hoaloaha e heluhelu ana i keia kukulu manao ana, a aole paha i poina ia oukou ko’u mau manao i hoopuka ia ma na helu i hala, e pili ana i ke kulana o keia ahahui a me ka hopena o na ino i loaa i ke kanaka mamuli o ka hoopapau ana a mamuli o ka manao kuhihehe o kekahi poe e olelo nei he mea maikai ka rama.

            No’u iho, he mea pono ia’u e lilo i hoike no na hana ino a ka waiona, maluna iho o’u a me ko’u mau hoaloha, i mea e ike ai na makamaka i ke kumu o ko’u hoolilo ana ia’u iho i hoa paio no na hana ino a ka waiona, onoai o maliu mai na makamaka i keia leo poloai ma keia mua aku.

            No ka mea, e hooikaika ana makou na lala o keia ahahui e kinai i keia mea nana e hoopoino nei ko makou mau hoa kanaka me ka nana ole ae i na luhi ma keia hana nui a hana ia nei, hookahi mea nui iloko o ka umauma o ka poe nana i kukulu keia ahahui, o ke aloha i na hoa kanaka a ke haawi mai nei lakou he mau kokua nui no ka pono o ka ahahui o na kanaka Hawaii, ma ke kokua ana mai i na dala 600 no ko lakou hale e hui nei, a ke kaa nei keia lilo nui ma ka aoao o na makamaka haole, a o ko lakou ala wahi kuleana wale no e koi mai nei ia kakou, e haalele i ka inu ana i ka rama, no ka mea, ua ike lakou ala he mea ia nou e poino ai.

 

HE  MOOLELO  NO

Lonoikamakahiki

 

--KA—

 

Pua Alii Kiekie na Kalani.

 

Ke Alii Nui o Hawaii.

 

(KAKAU  IA  NO  KA  NUPEPA  KUOKOA.)

 

A KA, aole nae pela, ua lilo ia mea a’u i kuko ai iloko o ko’u naa u i moeuhane palaualelo.

A o kekahi  kumu hoi o ko’u ake i ka waiwai a me ka hanohano.

Me kuu manao kuhihewa la hoi o ko haule pio ana malalo o’u.

            A pela la hoi e lilo pio mai ai o ka mokupuni o Hawaii a me Maui malalo o ko’u mana alii, a na’u la hoi e hoomalu i ka lahui kanaka a me ka aina.

            Oia la i lohe mai oe e ke alii Lonoikamakahiki

            A pehea la kou manao i keia mau mea au i hana ai e pili ana no’u?

            Ke hoahewa loa nei au ia’u iho no kuu hana ana i ka mea ino.

            A ke nonoi aku nei au i kou kiekie me ke naau haahaa, i na he mea hiki i kou lokomaikai a me kou oluolu.

            E kala mai i ka’u mau hana hewa a pau a’u i hana ai imua ou e ke alii.

            A ke mihi aku nei au ia oe me ko’u naau e pau.

            A ina aole e hiki e kala ia ka hewa o kau kauwa haahaa nei imua o kou hanohano.

            Alaila e oluolu no ke alii e kau mai i ka hoopai kupono au i manao ai maluna o’u nei.

            A i na no ka make a i na hoi no ka poino, o kou makemake e ke alii Lonoikamakahiki ke hooko ia.

            I kela manawa ua hamau loa ka leo o na kanaka o ke alii Kakuhihewa aole pane leo.

            Ua piha loa ia lakou i ka makau i ke alii Lonoikamakahiki, no ka manao e kau like ia mai ana ia haawina maluna o lakou a pau oia ka make.

            No ka mea ua ike laua i ko laua hewa, aale hoi e hikieia laua kea aa aku e kamailio imua a ke alii Lonoikamakahiki.

            E noho no laua pela, i na n@ ka make a no ke ola paha.

            Ia manawa i hoopuka aka ai o Lonoikamakahiki i kana mau ha@@olelo i ku i ka @@lohia i n@a o ke alii Kakuhihewa a me kona mau kanaka.

            E auhea oe e kuu poku aloha Kakuhihewa, he opu aloha ko’u, he opu alii a lokoa @ @kai.

            A me ia @@@@maikai a pela no auanei a@ e hana aku ai ia oe.

            I keia manawa, o na hana hewa a pau au i hana ai e pili ana ia’u.

            A ua oluolu no hoi wau, e olelo aku ia oe, aole oe e noho kanaka mai malalo o’u.

            A e noho no oe ma ke ano he alii lanakila no makou, e like me kou kulana mau.

            A nou auanei ka’u e kala aku nei a e kala pu ia auanei ka hewa o kou mau kanaka a pau i hana mai ai i ka mea pono ole maluna o’u.

            A e noho lanakila no hoi lakou, e like me koa lanakila ana e ke alii.

            Ia manawa i hooho mai ai na leo o na kanaka me ka hoomaikai nui loa ana mai i ke alii Lonoikamakahiki.

            No kona kala ana aku i ko lakou mau hewa.

            A hooho hou mai la lakou me na leo nui o ka hauoli.

            E nohoalii mai no oe no makou, a nau auanei e hoomalu mai i ka aina.

            I nohoalii mai ka maluhia maluna o kakou.

            O ke alii Kakuhihewa no@ kekahi i hoopaka mai i keia manao hookahi.

            O Lonoikamakahi no ke noho alii nui aku maluna o lakou, a e noho aku oia ma kea no makaainana.

            Oia ka iini nui o ko Kakuhihewa naau.

            Ua hala ae la hoi ka puu nui ana i manao ai no kona make.

            Aka, aole nae pela ka manao o kahi alii o Laua, a kaua i ike ae la e ka mea heluhelu ana i keia nanea.

            Ia manawa i huli ae ai o Lonoikahiki a hoopuka aku la i ka olelo i na kanaka e like me keia.

            E, auhea oukou e o’u mau kaikaina aloha.

            Aole ka’u he huakai kaili aina i holo mai nei.

            He huakai makaikai ka’u.

            O ko oukou alii, oia no ko oukou alii mau, aole hoi ia he mea na oukou e hoohewahewa ai.

            E noho hoomalu aku no oia ia oukou m’a na ano a pau, a e hoolohe oukou i kona leo, he leo mana a he ikaika.

            E like me ka mana i loaa ia oukou, mai ka mua mai, a hiki i ka wa a’u i hoea mai nei a halawai pu iho nei hoi kakou.

            A pela no auanei oukou e hoolohe pololei ai i kana kauoha.

            O ka inoa aina, ua maopopo ia mea ia oukou no’u ka aina mai ke poo a ka hiu.

            A o ko’u noho ole aku me oukou, aole au e noho ana i ka oukou aina nei

            Aole i pau ka’u huaki makaikai.

            Aia wau a hiki i ka mokupuni o Kauai.

            A huli hoi aku au no ko’u one hanau oia o Hawaii.

            A oia la i lohe mai oukou.

            He hewa ia la e na pokii aloha o’u.

            Ia manawa i hooho hou mai ai na leo me ke kupinai o ka ikuwa.

            He hewa hoi kahi o ka mea maikia.

            Aole paha kahi alii e like me oe.

            O ka hana ino aku ka makou ia oe e poino.

            O ka hana maikai mai kau a oi loa aku ko makou pomaikai a me ka lanakila lua ole.

            Malalo o kou naau aloha a me ka puuwai waipahe.

            Nolaila, aole a makou mau huaolelo kupono a makou e haawi aku ai no ka hoomaikai palena ole aku ia oe.

            No ka nui o kau mau hana lokomai kai ia makou i kau mau kauwa haahaa.

            Mai keia la aku, ke hoohiki nei makou ia makou iho, e lilo i mau kauwa hoolohe a malama me ka hooko pono i na kauohe alii ke halawai me makou ina wa a pau.

            Ia manawa i haawi aku ai ke alii Lohoikamakahiki i ka hoomaikai me ka mahalo no ke alii Kakuhihewa a me kona mau kanaka.

            A mahope o ka pau ana o ka lakou mau olelo hoomaikai ana

            Ua hoakaka hou aku ke alii o Hawaii i ko O’ahu alii.

            Penei:  E, auhea oe kuu pokii aloha Kakuhihewa.

            He mau la pokole ko’u e noho ai kakou a hele aku au ma ka’u huakai makaikai.     

            E noho iho ana no oe e ai i ka loaa o ka aina a kaua, e like no me kou noho ana mamua, he lani iluna a he honua ilalo, aohe hua kii i kahiki.

            He wahi kauoha nae ka’u ia oe, a e pono hoi oe e malama pono.

            Ooe a me kou mau kanaka i hoohiki iho nei.

            Oia hoi keia:

            O kuu kahu oia o Hauna, e lilo oia i mea kokua ia oe ma ka hooponopono pu ana ma na mea e pili ana i ka aina a pau.

            A me na hooponopono o ka noho ana o kou alo alii.

            Mai hilinai oe ma ke alakai ana a kekahi poe okoa aku i koa noonoo e ke alii

            O ka leo @ k@ kaua kahu, oia kau e hoolohe a@ main oho oe a hoohaule I kekahi leo ona ilalo e malama oe, he olelo ia o ka pono a me ka pomaikai nui oe.

            Ina e malama oe i kona leo, e loihi auanei kou mau la, a i ole e komo hou aku auanei oe i ka poino a me ka popilikia.

            Ma kou malama ana i kana mau olelo ao, me he mea la eia no kaua ke noho nei i kahi  hookahi.

            A i ole pela, aia no hoi ia ia oe.

            Ia manawa olelo mai la o Kakuhihewa:

            E kuu kaikuaana haku lani.

            O kau mau kauoha a pau e pili ana ia Hauna i ko kaua kahu aloha, oia wale no ka’u e hooko ai i na wa a pau e olelo mai ai oia ia’u, aole au e pale ae i kekahi leo ona.

            Oia la i lohe mai oe e kuu hanau mua

            (Aole i pau.)

 

MEA HOU MA MANOA.

 

E ka  Nupepa KUOKOA, Aloha oe:

            E oluolu kou Lunahooponopono e hookomo iho i keia mea hou o ka Awa awa o Manoa nei, a eia ua mea hou la penei:

            Eia ma keia Awaawa ke noho nei hookahi kahuna hoopunipuni ke ao nei i na opio kane a me na opio wahine i na ano akua o ke au pouliuli, a haalele ia iho ia ke akua nui ma ka lani.  A eia ka hana a ua kahuna la:

            Auhau aku la i na haumana i lole keokeo a me ka lole ulaula me ona puawa, omole barani a pela aku, puni aku nei keia poe opiopio i ka hana a keia aeahaukae he hooko wale no ka lakou nei hana i ke kauoha.

            Eia keia mea apiki, o Waiwaiole he wahine kana a me Keaku (w) he kane kana lilo aku nei malalo o ua aeahaukae la ka malama, moe pu me ka wahine a Waiwaiole me ka ike ole mai o kana kane iaia, a eia ka ninau a ka mea kakau:

            Ua kupono anei i keia aeahaukae ke malama i keia wahine e like me ka malama ana o kana kane, aole paha. 

            Eia la ihea ka makai o keia awaawa e nana maka mai nei i keia mau hana a keia aeahaukae, oiai, o keia kanaka he malihini kona mau heleheleua i kou mea kakau.

            O keia poe opiopio, he poe haumana na Mary Green, pepea la i hoi hou ai e ai i ka luai.

            Ke hooki nei au maanei, me ka Lunahooponopono ko’u welina, a me na keiki ulele hua kepau ko’u ahonui.

            Kau kauwa haahaa, me ka wiwo ole.

                                                                                                S.M. Kanaloa.

 

            A i pane ia mai, ua makaukau loa ka’u peni e hoohana no ka oiaio wale no, a o ka maluhia ko’u makemake.

 

HOOLAHA HUI.

 

            Ke hoolaha ia aku nei e ka mea nona ka inoa malalo iho nei, ua hoohui ia ma ka inoa hui o SEM CHUNG LUNG CO. e lawelawe i ka Oihana Halekuai Mea Ai, ma Honokaa, Hamakua, Hawaii.

 

fy 11-21                                                                                 

AH GOK, ASIN.

 

PACIFIC HARDWARE COMPANY

 

Na hope a Dilinahama Ma.

Mau Mea Kuai Lako Hao

Alanui  Papu.  Honolulu

 

 

MRS. THOMAS LACK,

 

HELU St . ALANUI PAPU.

 

MEA KUAI A LAWELAWE  I

 

--NA –

 

Mikini Humahumu na Aahu a nui wale Aku

HE AGENA KUAI NO NA MIKINI

 

White, new Home,

Davis , Crown, Howe,

Me Florence,

Na Kui, Mikini o na

ano a pau a Howard,

Na pepa ana lole o

na ano a pau, a me

kela keia mea

 

NA LOPI MIKINI A KALAKA.

 

HE AGENA KUAI I NA

 

Pu Raifela, Pu Panapana, Pu ki manu,

na Poka, Lu, Pauda, Kukaepete.

 

 

NA KAPUAHI AILA MAHU

Mai ke nui a ka liilii.

 

            Ma ka lawelawe nui ana o’u i ka han@ lima akamai o ka oihana hana pu a pela aku, ua makaukau au e hooko kaulua ole i na kauoha a pau.

            O na kauoha main a mokupuni e hookohuia

                                                                                                            2082-tf.

 

 

B. F.  EHLERS & CO.,

PAINAPA.

 

Poe Kuai i na Ano Lole a Pau.

Helu 99 alanui Papu. – Honolulu.

            E loaa mau ana na lole hou o na ano a pau maluna o kela a me keia moku.

 

Ka Waiwai o ka Hilinai

 

KA AYER Laau Sasaparila, kai kaulana a hilinai nui ia no @@ hoomaemae koko, ma n@ wah a pau o ka honua, ne aneane 40 makahiki i hala ae nei, a ua lawelawe nui ia he@iwaena o na oihana laoaau.  O keia

 

LAAU SASAPARILA, no loko ae ia o ke ‘aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

 

HE koko inoino a nawaliwali anei kou?  Ua awili pu anei me na ano mai ikaika?  A ua hui pu anei me na wai awaawa hoop@hu  Na Keia

 

LAAU e hoomaemae ia mau mea ino a pau, a maikai.  O na kauka lapaau a pau a Amerika ike kea no o ka AYER SASAPARILA, ua olelo lakou, aole he mea maikai e ae no ka hoomaemae koko ana main a mai I awili pu ia, aka o keia wale no.  No ka

 

HOOMAEMAE ana i ke koko, a me ka hookahua pono ana I na mea a pau ma kekahi mau ano ma ii ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae  O ke

 

KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai a na i keia LAAU SASPARILA A AYER.  He maalahi a he

 

MAIKAI  loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma’i hoomomona hou ana i ke koko ino, a me ka hoo@kaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.

 

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma’i, a pela aku.  He nui na laau hoomaemae koko i hoolaha waha hee wale ia malalo o na inoa lehulehu, aka, o na hilinai a me na hooia wale no a kea o holookoa, maluna o ka

 

Ayer Laau Sasaparila.

 

I HOOMAKUKAUIA R

 

Kauka J.C. Ayer & Co., Lowell, Mass.

HOLLISTER & CO.

           

Na A ena ma ka Paeaina Hawaii.

 

Heiu 100.        Alanui Papu, Honolulu

2086-tf

PAPA!  PAPA!

 

AIA MA KAHI

 

LEWERS & COOKE.

 

(O LUI MA)

 

@@@ @@ @@@@@ @@@@@ na alanui Pan@@@@@:  Moi

 

E loaa ai

 

PAPA NOUAIKI

o kela a me keia ano

 

P@@@’iki, Na Puka An ia ni, Na Olepelepe

Na Pou, Na O-a, Na Papa Hele,  Na Papu

Ku.  A me na Papa Moe nui loa

 

Na Pili o na Hale o na Ano a Pau

 

Na Pepa Hoonani, Na Pena o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoomaloo,

he lehulehu wale,

Na Aila e ae o na

Ano a pau.

 

NA WAI VANIKI

 

--A ME NA—

 

WAI HOOHINUHINU NANI

 

O NA ANO A PAU LOA.

 

NA BALAKI ANO NUI WALE.

 

A ke hai ia aku nei ka lono i na Makamaka

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

 

--NO KA—

 

UKU HAAHAA LOA.

 

E likeme kamea e nolo ana mawaena

LAUA a me ka MEA KUAI.

HELE MAI E WAE NO OUKOU

 

M.R. FREITAS.

Kaiopihi, Kohala.

 

Halekuai

na mea ai, no na lole, a

me na mea hoonani e ae

he nui loa.

E kuai ia aku ana me ke Kumukuai

Haahaa loa.

Ke kau leo ia aku nei na Hawaii Ponoi

a pau e naue

nui ae.

2158-3m.

 

Kakela a me Ku@@

HALEKUAI NUI O NA WAI@

E laa na pahiolo, koi hole,

hamale, koi nui a me liilii, kila,

wili puaa, rula, apuapu, k@@ o @@

a pau, kala kaa, hao hoopaa @@

 

pohaku hoana, kepa, lei ilio, kaula

hao ilio, pahi, upa, pahi umiumi,

kalapu, kope hulu, pulupulu @@

lakala, lina hao, ami, keehi, @@

 

--KAULA OPU—

 

Palau o na ano a pau,

Oo, ho, kopala, pe, kipikua,

hao kope, au ho a@

a aku, kua bipi, lei bipi,

kaula hao bipi, uwea pa,

uwea keleawe, hao @

piula, kaa palala, ipuhao, ip@

 

PA-PALAI, MAKAU ME KE A@

 

Ili wai, papa holoi, kopa ala, ka@uaina,

hu’akai, ehi wawae,

 hulu pena, a pela aku.

 

Pena wali, kini nui a me liilii o

ano a pau, me ka papa kuhi

kuhi, pena keokeo, aila

pena, aila hoomaloo,

vaniki kaa, a me

vaniki moe,

 

PENA HOOMALOO

--a me aniani hale—

 

AILA MAHU, AILA MIKINI, AILA HAM@

AILA KAA, INIKA KAMAA.

 

PAUDA, KUKAEPELE, KIAN@

PAUDA, UIKI IPUKUKUI O N@

ANO HE NUI A LEHULEHU

 

LOLE MAKEPONO

 

--E  aa  na –

 

AHINAHINA, KALAKOA.  KE@

KEO, LEPONALO HULUMANU

UWE-WAHINE, KUI HUMUHUMU,

A ME KA LOPI.

 

Ke Kuike a loaa no ia ma kahi @

 

 

Kakela & Kuke@

 

 

NA MEA PIULA

 

Mikini Humuhumu

 

Makini a WHEELER  a me WILSON

MIKINI A WIILOX ME GIBBS

NA MIKINI A

--REMINGTON.—

He nui loan a mea hao me na ukana

 ae o na ano a pau, aole hiki ke hai @au

ia aku, hewa i ka wai na maka ke ike.

 

Laau Lapaau Kaulana L@

A DR. JAYNE .

LAAU HOOMAEMAE KOKO

LAAU HOOPAU NAIO. LAAU

KUNU.  PENIKILA HUAALE.

PAAKAI, LAAU HOOPAA HI,

Me na Laau Hame a Pela ‘ku.

 

Kakela me Kuke