Ka Nupepa Kuokoa, Volume XXVII, Number 8, 25 February 1888 — EDISEPA FERIDO KA HIENA KAULANA O BAGALIA KA OLALI O NA MEA HUNA POHIHIHI Ka Aina Lewa Pahaohao o Mauna Bevia. [ARTICLE]

EDISEPA FERIDO

KA HIENA KAULANA O BAGALIA

KA OLALI O NA MEA HUNA POHIHIHI

Ka Aina Lewa Pahaohao o Mauna Bevia.

Kc Kuhikuhi Puuone Poupou a o ka Lioea Hanu Meheu Pololei. Hi Moolilo Entlani i unuhi ia no kt Kttohoar j IKELA WA, huli ae la ua Edisepa la a ninau ae la ia Hame Buro: E ka liona maikai, kuu makua hoi o keia mau la, ke noi aku nei au i kou oluolu, e hiki ana no anei ia oe ke hoola i kuu makuakane a me kuu makuahine ? Pane mai la ua Hame Buro la, ua hiki loa no ia'u ke hana pe!a, aka, ke noi aku nei au ia oe, e ae ana no anei oe e malama ia'u mai keia wa aku a hiki i ko'u mau la hope ? Pane aku la o Edisepa, he mea oiaio, ua hiki loa no ia'u ke malama īa oe a hiki i kou mau la hope me ko'u kunukunu ole aku hoi. Pane aku la ua Hame Buro la, ina ua oiaio keia mau olelo au e olelo mai nei, alaila, i neia la no e ola koke ai kou mau makua. Pane aku la o Edisepa, ua paa kuu manao pela, a oia ko'u mea i hoike aku nei ia oe.

I kela wa, pane mai la ua Hame Buro la, e kuu keiki, eia au ke kii nei i ka omole waiola, a e kali oe ia'u i keia la a 1 hoi ole mai au, alaila hoomanao iho oe ua make au, alaila, imi ae kekahi o oukou, a i ole o oe no hoi. Pane aku la ua Edisepa la, ke ae aku nei au i kau mau olelo a pau, aohe a'u mea e ae e kamailio aku ai ia oe, oiai, aia ko'u manao a pau mahope o kau huakai. I keia wa koke no i nalo aku ai ua Hame Buro la, a e like me ke puhi ana a ka makani puahiohio ua nalo aku la ua liona la iloko o na ao o ka lewa He mau hora pokole wale no mahope iho, aia hoi, oili mai la ua Hame Buro la me kekahi omole waiola, a iloko o ka imo ana aka maka, ua ola ae la na makua o Edisepa a hoi ae la laua e like me ko laua mau la i kinohi. I ko laua ike ana mai i ka laua keiki kamakahi e ku a£u ana imua o laua, ua leie mai la laua a uwe iho la iaia me ka ehaeha luaole. Mahope iho o keia lulumi ana a lakou iloko o ke aloha keiki a me ka makua, aia hoi, hoi ae la lakou a malo* ko oko lakou wahi pupupu hale kahiko. E like me ka mana i loaa ia Setiwa, uakukulu ae la oia i kekahi hale nania maikai iloko o ua uhilaau la, a iloko o ia hale i noho iho ai ua Edisepa la me kana aloha a me kona ohina a pau. I kekahi la, kupu ae la he manao uluhua iloko o ka Moi Heneri no kona ike mau i kekahi mea a iloko o ka ululaau i na po a pau. No ia mea, kauoha ae la oia i kena poe koa he 500 he poe i olelo ia na liona hae o Enelani.

I ka akoakoa ana mai o keia mau j koa, ua kauoha ae la ua Moi la ia lakou | e hana i na lio a e pii aku luka o na ulul iau no ka nana ana i keia mea ano e ana e ike mau nei 1 na po a pau ana e nana aku ai i ke kuahiwl I ka makaukau ana 0 ka iakou huakai, ua pii aku la iakou. Oūai lakou e haunaku ana iloko o ka hihipea d na ululaau, a no kekahi mau honi loihi wale keia pii ana aku a lakou aia hoi, he mea e kahaha ai no ko lakou naau, ka ike ana aku i kekahi hale nanii loa e ku mai ana iwaena o kekahi wahi maiaelae, a ua hoopuni ia hoi o waho me na malapua nani loa, no lakou na waihooluu Uke ote. Oiai lakou a pau e nana ana i keia nani kamahao, aia hoi, oili mai lao Ed'tisepa u me kana nohea Bakinerosa a hele holoholo ae ta laua mawaho o ka Unai • ko laua hale oani.

0 ko Henen ina wahi e ku aka nei, he wahi ano nalo no ia iloko o na u!ulaau, aole hoi e hiki ke ike ia raai e Edisepa ma, me ko Henen manao nae aolt lakou i ike ia, eia nae, ua ahuwale mua lakou īa Edisepa. 1 ko Heneri ike ana aku ia Edisepa, ua kulou koke iho la kona poo ilalo, a pane iho !a, he mea oiaio, o oe no kela e Edisepa kuu aikane aloha loa o na la i haFa ae, aka/ i keia hora a'u e kamailio nei, ua lilo oe i enemi ino loa no'u, a heaha aku ana la ka'u hana kupono e hana aku ai maluna ou. Me keia mau noonoo ana iloko ona, kupu hou ae U he manao īloko ona, a wahi ana i pane ae ai, aohe manawa e aku no ka hooko ia o kuu makemake, aka, o keia manawa wale no. Me keia huaolelo oia i pane ae ai a wehe ae la oia i kana pua a me kana kakaka, a kaulona pono aku la īa Eiisepa, a i kona ike ana ua poloiei, ia wa ua hookuu aku la oia i kana pua. Oiai hoi o Edisepa ma e nananea ana ike kukai olelo me kana wahine, aia hoi, maalo ae la kekahi mea mamua pono 0 ko laua mau maka, a e like me ka imo ana a ka maka, ua paa ae la ua mea la ia Edisepa, a i kona nana pono ana iho, he pua ka na ka naau lokoino. Ia wa, huli ae la.u» Edisepa la a pane aku la i kana wahine: Ua ike anei oe i ka mea nana keia mea lokoino ? Pane aku la kana wahinē, aole au 1 ike, nawai la. Pane aku la o Edisepa, o keia mea, ke ole au e kuhihewn, na Heneri keia kuu aikane aloha i na kau i hala ae, a i keia manawa ua hoolilo mai oia ia'u i enemi nona, nani kona aloha ole. Aole i pau pono ae keia mau huaolelo a ua Edisepa la, aia hoi:

Lohe hou ae la oia i ka hu 0 kekahi mea, a 1 kona lima eleu i hapapa ae ai loaa hou ae la ka elua 0 ka pua e ane* he mai ana e komo kona winiwini iloko o kona aoao. laia [Edisepa] i nalo aku ai, aia hoi ; me ka eleu nui kahi Setiwa i nalo aku ai, a pili aku la mahope o kana keiki. Haele like aku la laua, a ia laua i anehe aku ai e komo aku iloko o ka ululaau, aia hoi, īke aku la laua i kekahi muu koa he lehulehu no lakou hoi ka heluna he 200 a oi, a iwaena o ua poe Koa la o Heneri kekahi. Ia Edisepa i kokoke aku ai imua o ua poe koa la, pane mai la o Heneri: E Edisepa, ano kou wa e haawi pio mai ai ia : u, oiai, ua kokoke mai kou hopena. Pane aku la o Edisepa, e ke kanaka maikai a'u i hoomanawanui ai i na la o ka pilikia 1 hala ae, aloha no oe Ua ike no oe la'u, a pela no hoi au, aole no oe i poina 1 ka'u mau hana maikai maluna ou, eia nae, hana mai no oe i kekahi hana ino loa ia'u, me kou manao paha e lilo ana au i mea ole imua ou, ua kuhihewa kou mau noonoo a pau, oiai, aole oe i ike i kau mea e hana ai. Pane aku la o Heneri me ka helehelena o ka huhu: 0 oe, aole ou ola i koe, ua make oe, makehewa oe e hoomalimali mai i kau mau olelo ano ole, oiai, o kau mau mea a pau e kamailio mai nei, aole au i īke ia mea, he pupule ano olohewa paha kou. Pane aku la o Edisepa, aia wale aku no ia i kou manao, aohe a'u kamailio ana aku ia oe e ka hoa make, ano la wehe ka piko e ka makamaka. 1 ka pau ana no o keia mau huaolelo a Ed sepa, a e hke me ka imo ana iho a ka maka, make aku la o Heneri a me kona mnu koa pu me la kekehi i make. (AoU ipau.)