Ka Nupepa Kuokoa, Volume XXVII, Number 8, 25 Pepeluali 1888 — HE MOOLELO NO NAPOLIONA I. EMEPERA O FARANI. KA HUAKAI ILOKO O KA PUUWAI O AIKUPITA. KA HOOUKA KAUA MA NA PURAMIDA. [ARTICLE]

HE MOOLELO NO NAPOLIONA I. EMEPERA O FARANI.

KA HUAKAI ILOKO O KA PUUWAI O AIKUPITA.

KA HOOUKA KAUA MA NA PURAMIDA.

UA iawe ia keia hoohana i ka lawe ana 1 ka puali maluna ona kamelo, he elua koa o ke kamelo. hookahi, na pukuniahi a nie na lako kaua e ae. Ua hiki i keia ano holoholona ke holo kiau no keia kowa loihi me ka mama uui, a he hiki pu no hoi ke ai ole i ka ai a me ka wai ina he kanaiwa mile e holo ai i ka la hookahi. He elima la o keia hele ana o na koa ma keia huakai iloko o Aikupiia waho, me ka hala ana o na kauhale o Kourana, Canatara a me Katia, a ua hiki ke ike ia aku na koa hoomakakiu o ka enemi e kiai mau mai ana ia iakou ma ka lihi 0 ke aouli lani, a nalowale aku la. Oke kiki wela ino oka !a, oia ka haawina e loaa mai nei i na koa e like no me kela huakai mua a lakou i Kairo. E lohe pinepine ia ana ka leo uiha o na koa, ma ka pau ana o na lako wai iloko 0 keia mau la elima, a oia ka lakou i ake nui loa ai e hiki koke aku ai i kahi e loaa ai o kekahi muliwai a hoomaalili ia ko lakou wela. Ua kiola aku kekahi poe koa i ko lakou mau kuka a me na lako kaua, no ka luhi oka paa ana i ka pu a me ka aahu ana i na kuka iloko o ka wela nui 0 ka ln, e mauliawa ana kekahi poekoa 1 ka make no ka makewai, oia ka Napoliona i hele aku ai imua o lakou me na kokua e haawi ana i na poe pilikia loa e waiho ana i ka honua. "Aole pela, e kuu poe koa. Ina ua loihi loa na kokua e loaa mai ana ia kakou, aole ia he kumu e nawaliwali koke ai kakou a e haule ai hoi ka manaolana. Aole ! Ua ao ia oukou e na koa e make ma ke kahua kaua, oia ka hanohano o ka oukou oihana, aole oka make maluna o ke kula one waoakua me ke kaulana ole."

O keia mau olelo hoolanalana a Napoliona i na koa, na lawe koke mai la lakou ia mau olelo a hoohana iioko o ko lakou mau puuwai, he hookahi hou manao o ka puali, oia ka lokahi a me ka hooko kauoha. Ma ke ahiahi oka la elima o na la ma keia huakai, hiki aku la ka puali mawaho o na palena o ke kulanakauhale 0 El Arish, me ka makaukau e lele kaua aku i ka enemi 1 ka waenakonu o keia po. O keia kulanakauhale 0 E! Arish, aia na ia maloko mai o na palena o Aia ua lawe pio ia nae e ka ikaika 0 na koa Tureke, a ua loaa he kulana paa no lakou i keia manawa e hiki ai ke pale aku i ka enemi e manao ana e hookahuli i ka lakou hookele ana i kela aoao oka aina. He elua tausani koa nana e malama ana i ko maluhia o ke kulanakauhale, malalo o ke alakai ana a kekahi mau Keneia akamai a piha niakaukau no na hooponopono kana ana. Oiai na puah kaua Farani e hoomakaukau ana no ka lele kaua aku i ka papu mawaho 0 ke kulanakauhale, ua hoopuni mua ae la lakou me ke pani ana i ke alahele mawaena o ka papu me na kauhale, oia ka wa a Napohona 1 haawi ae ai i ke kauoha no ka lele kaua ana aku i ka papu, a o ka waha o ka lakou mau pu, ua kakia ia aku la a paa 0 nakoa Farani, a 0 ka wa hoi ia a ka eoemi i ike iho ai, ua puni lakou i keia manawa i ka hoopuni ia e na koa Farani, ua holo koke ae la ka leo 0 ka ha* unaele iloko o ka papu, a puka mai la na koa Tereke me ka lakou mau mea kaua, a ua hoouka ia ke kaua huikau mawahoo ka papu ilokoo ka pouli o ka po • ■ . (4*b