Ka Nupepa Kuokoa, Volume XXVII, Number 7, 18 Pepeluali 1888 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

 No ka Makahiki............................$2.00

No Eono Mahina.........................1.00

—KUIKE KA RULA.—

 

Poaono. Feberuari 18, 1888.

 

Haawina Kula Sabati.

HAAWINA IX Feberuari 26, 1888

            M Mat 19@-@@ T Mat. 19 16:26. W. Mat. 19@7–2@. Th. Lu. 18:19 – 27. @@ Lu. @9:9–14. Sat. Mat. 6 19–@4 Su. @ Tim 6:6–21.

            Ke kanaka waiwai @@@o Mat. 19: 16–2@

            AIA hoi, hele mai la kekahi kanaka, i mai la ia ia. E ke kumu maikai, heaha ka mea maikai a'u e hana'i, i loaa ia'u ke ola mau loa?

            17 I aku la oia ia ia, no ke aha la oe e kapa mai nei ia'u he maikai? Aohe mea maikai e ae, hookahi wale no, o ke Akua. Ina e makemake oe e komo iloko o ke ola, e malama oe i na kanawai.

            18 I mai la keia, O na kanawai hea? I aku la o Iesu. O neia, Mai pepehi kanaka oe, Mai moekolohe oe, Mai hoike wahahee oe.

            19 E hoomaikai i kou makuakane a me kou makuahine; a, E aloha oe i kou hoalauna me oe ia oe iho.

            20 I mai la ua kanaka opiopio la ia ia, Ua malama au ia mau mea a pau mai kuu wa kamalii mai; heaha ko'u hemahema?

            21 I aku la Iesu ia ia, A i makemake oe e hemolele, ea, e hele oe, e kuai lilo aku i kou waiwai a pau, a e haawi aku na ka poe ilihune, a e loaa ia oe ka waiwai iloko o ka lani; a e hele mai oe e hahai mai ia'u.

            22 Lohe ae la ua kanaka opio la ia olelo, hele aku la ia me ka minamina; no ka mea, he nui loa kona waiwai.

            23 Olelo mai la o Iesu i kana poe haumana, He oiaio ka'u e olelo aku nei ia oukou, e komo apuepue ke kanaka waiwai iloko o ke aupuni o ka lani.

            24 Eia hou ke olelo aku nei au ia oukou, e hiki e ke kamelo ke komo ma ka puka o ke kuikele mamua o ke komo ana o ke kanaka waiwai iloko o ke aupuni o ka lani.

            25 Lohe ae la na haumana ana, kanaha nui loa iho la lakou, i ae la, Owai la auanei ke ola?

            2@ Nana mai la o Iesu ia lakou, i mai la, He mea hiki ole ia i kanaka; aka, e hiki io no na mea a pau i ke Akua.

            Pauku Gula. Aole hiki ia oukou ke malama pu i ke Akua a me ka mamona. Mat. 6:24.

            Manao nui. Ka imi ana i ke Ola.

            1 He kanaka opio e imi ana i ke Ola. p. 16, 17. Owai ka i halawai me Iesu ma ke ala? Heaha ka Iesu hana iloko o ia wa? Mat. 19:13-15. E hai mai nona. Lu. 18:18. Mat. 10:22. Heaha kekahi mea maikai nona? No keaha kona awiwi ana mai? Heaha ka i ao ia mai ma keia? Heaha kana? Heaha ke Ola loa? Pehea kona kapa ana ia Iesu? Pehea ka Iesu pane ana? No keaha? Ua hoole anei o Iesu i kona pono iho? He naauao anei ka imi ana i ke Ola?

            11 Ka hoao ana e loaa ke Ola ma o ke Kanawai la. p. 18-20. Pehea e loaa'i ke Ola loa, wahi a Iesu? No ka mahele hea o na Kanawai ia mau kanawai i helu ia? E malama anei i na Kanawai, i loaa ke Ola? Hoik. 21.27. 2 Cor. 4:1, 2. Gal. 5:22, 23. Pehea ka pane ana o ke kanaka opio? Ua malama io anei oia i na kanawai? He huli oiaio anei oia nei? Ua hiki anei i kekahi e malama i na kanawai? Ua kokua anei o Iesu i ka poe e aloha ana iaia, i hiki ke malama?

            III Ka hiki ole e ola ma ke kanawai. 20, 21. Ua maopopo i ke kanaka opio kona hemahema—ka loaa ole o ke ola ma o ka malama ana i ke kanawai. Ola anei kekahi pela? Gal. 3:11. Pehea ko Iesu manao no keia kanaka opio? Ma. 10:21. No keaha ka hu ana o ke aloha iaia? Heaha ka hemahema o ia kanaka? Pehea e loaa ai ke ola? Ma. 16:16 Io. 1:12@ 6:40, Iakobo 2:14, 18. No keaha? Heaha ke kauoha i keia opio? He rula anei keia no kakou, i mea e pono ai? E aha me na pono a pau i loaa ia kakou? Lu. 16:1–14. 1 Tim. 6:17–19. A e aha me ia waiwai o keia opio? Mar. 10:21. Heaha ka hahai ana ia Iesu?

            IV Na keakea. p. 22–26. Ua hoolohe anei ka opio ia Iesu? No keaha? Heaha ka Iesu olelo i na haumana no na waiwai? No keaha ka lilo ana i mea paakiki loa no ka poe waiwai, ke komo ana iloko o ke aupuni o ke Akua? Minamina i keaha? Heaha na mea e keakea ana i na opio i ka imi ana i ke ola uhane?

            1 O ke Ola ka mea nui e imi aku ai.

            2 E hele i o Iesu la i loaa ke Ola mau.

            3 He mea hiki e hana i na mea maikai i ka nana aku, a koe ka mano kupono ma @a hooko ana.

            4 Ke ole e aloha ana a e manaoio ana ia Iesu ua hemahema @@ kekahi.

            5 Ke ole ke @ aloha, he mea ole na hana maikai.

            6 Ua ho@o mai o Iesu ia kakou ma ka haawi ana ma@ a@a i hana e hooko nana.

            7 O na @@@@@@@@ ka hoala ana i na manao haaaheo a hookano, ke aloha ole i ka hoa ka p@@@@@@@ ua hookeakea ia ka @@ ana o na ona i haumana na ka Haku. Ina hoi e loaa ana ka waiwai ma na hana kolohe, aole no e hiki e lilo i Karistiano.

            8 O ka manao nui ana i na waiwai ka pilikia nui.

 

NO MAIKONISIA.

            Ua loaa mai nei na leta mai ia Rev. Z. S. K. Paaluhi me S. P. Kaaia, e hoakaka ana no ka hiki pono ana o ka moku Hokuao ma Tapiteuea i ka la 26 o Sepatemaba i hala. Ua maikai no ke ola o ko kakou mau misionari, a ua noho ko lakou halawai makahiki malaila no na la eha. Ua hooholoia e noho o Paaluhi ma Tepiteuea, ma ka akau o ka aina, a o Lutera ma Apaiana. Ke hoike mai nei o Kaaia penei:

            "Aole no i holopono na hana ma kaia kihapai i ka makahiki i hala ae nei, oiai aia no kahi poe ma na mea kahiko. Aole au i ike pono loa i ke ano o ka nohona o na hoahanau ma ka oiaio, oiai he nui na mea pono ole iwaena o lakou. Aole no i hooponopono ia mamua. Ua noho manuahi kahi poe me na wahine lehulehu, ka hakaka, ka aihue, ka hula, ona, a pela aku. A i keia wa iho nei ua kipakuia ia poe pono ole, a e kipaku hou aku ana. A o keia no hoi ka poe ikaika e kue mai i ka pono, a e hoohiolo i ka hana o ka malamalama, aka nae, kupaa no kahi poe ma ka oiaio, aole haalele i ke Akua oiaio A he poe i hilinai ia Iesu i ko lakou hoola. A ke keakea mai nei ke diabolo i ka kakou hana no ka pono o kona aoao. Ea@ "Aole nae e hiolo ka oiaio o ke Akua i ka nui o ko lakou hoomaloka." O na oihana e ae ua mau no e like me ka wa mamua— na hana haipule, kokua mahina hou, kuai buke, kula Sabati, kula la a pela aku.

            No Kapu ma. Eia no oia ke lawelawe nei i ka oihana kalepa me ke keiki kane (hunona hoi), a he oluolu pu no ko makou noho ana, a ua kokua ia'u ma ka hana. Aka nae aia no he wahi mea hehi ia'u. Ua ike au a ua lohe mai, ua hoouna leta ia Waiwaiole, ua hoouna ia ma ka nupepa; he wahi ano paewa kana i hoike aku, aole i pololei. Oiai he mau no na hana kolohe iwaena o ka poe pegana, a pela no hoi iwaena o ka ekalesia i huna ia lakou iho me na koloka o ka hookamani. Aole e pono ke kaena nona iho, no ka mea he maalea ke diabolo oiai he nui ka pouli i koe, a ua paapu ka naau o kanaka me na hana pono ole, a e hu mau ana i na wa a pau a e hoole ana i ka oiaio o ke Akua a me Iesu ka Hoola a me ka mana o ka Uhane Hemolele.

            He kihapai nui keia o na kanaka, a nui ka hana, nolaila ua hooholoia e ko makou halawai e noho o Paaluhi me a'u e hapai pu i ka hana maanei. Aole no i lawa ia maua elua i keia wa. Ho hou mai ua kumu Hawaii i paa pono keia kihapai."

            A penei ka Paaluhi e hoike mai nei:

            "Eia na mea hou o ka aina. He nui ka ona a me ka hula o ka aina a me ke kaua i keia mau la, ma ka akau a me ka hema o ka aina. Ma ka hula ana, ua make kekahi poe ma ke pai ikaika o na lima ma ka poaeae, hai na iwiaoao, inoino ke ake mama me ka puuwai, a make no. A no ka ona hoi, oki na pahi, a hou na elau pu a he ku i ka manaonao. Ke manao nei au e kaua ana keia aina ma keia mua iho.

            E noi aku i na haipule e pule nui no keia mau aina, e pau na kaua, a e lanakila ka Nuhou maikai (Euanelio.) E aloha aku i na baipule me ka ohana a pau o ka hale."

            E na hoaloha o na Ekalesia Hawaii, ke ike nei kakou a ke lohe nei i keia mau leo o na misionari a kakou ma na aina pegana. E hoomanao kakou i ko lakou pilikia e hoomanawanui nei. E pule nui i ka Haku o ke kihapai, i holo pono ko lakou hana a i pau na hana kue. Nolaila ke paipai nei makou i na kahu, a me na hoahanau, e ala mai kakou a pau i ka hana a ka Haku.

            E hoomahuahua mai i na kokua i ko kakou waihona o ka Papa Hawaii i lawa pono na hana e kokua aku ai. Ua nui hou ae na lilo o keia makakahiki mamuli o ko kakou hooouna ana i na misionari hou, oia o Paaluhi ma me Lutera ma, me na hale elua, a me na waapa hueloboki elua, no Kaaia kekahi, a no Lono kekahi, a nolaila ua lawa ole a ua anaane pau loa na dala iloko o ka waihona i keia manawa.

            Eia na lilo no na mea i hoikeia maluna:

            No ke ola makahiki o Rev. S. K. $

            Paaluhi......................... 200 00

            No ke ola makahiki e Rev. M. Lu-

            tera............................ 200 00

            Kokua hoolako no ko laua holo ana

            he $50. pakahi................... 100 00

            Laau hale no Paaluhi............. 280 00

            Laau hale no Lutera.............. 280 00

            Waapa no Lono.................. 227 44

            Waapa no Kaaia................. 227 44

            --------------

            Haina.........................$1,514 88

            O keia na lilo kaulele o kela makahiki mamua o na makahiki i hala. Nolaila he kumu keia e @@@@@@ @@@@@ na Ekalesia i mea e lawa pono@@.

            Eia hoi kekahi—ke hooholo nei ka oukou Papa Hawaii i na @@@@ @@i ka nei no ka pono o ko kakou aina a me ko kakou lahui. Ua hooholo @@@ nei ka Papa e like me ka mea i hoo@@@@@ ma ka halawai makahiki o Iune i hala, e imi i mua ka p@n@@ kahunapule kaahele iwaena o na @@@@@@ o kakou, a e loaa ana paha ma keia mua @@@. A@@, o ke dala ka mea e hiki ai. Aole e emi malalo o ka eono haneri dala, a maluna ae paha, ka lilo no keia hana, a ke kokua nei hoi ka Papa i kekahi mau kahunapule mai, a elemakule, a pele no hoi, he @565 ka huina o na kokua oia ano.

            A pehea hoi ko kakou manao no na pegana e noho mai nei iwaena o kakou, oia hoi na Pake, a me na Iapana? Oia kekahi hana kuloko i ili pono maluna o kakou, e imi i ke ola o ko lakou mau uhane. Ua kokua no na wahi Karistiano kakaikahi iwaena o lakou, e like me kamea hiki ia lakou. Aka nae, na kakou e hoolawa aku i ke koena i lawa ole ia lakou —oia kekahi hana misiona kuloko a ka Papa Hawaii i lawelawe ai no na makahiki he iwakalua i hala aku, a ke lawelawe nei no. He mea keia e haaheo ai na Ekalesia Hawaii ke kokua ikaika oukou i keia mau hana. Ke haawiia nei ka mahalo i na Ekalesia i kokua mai nei, a o na Ekalesia i koe, ke paipai ikaika ia aku nei lakou, e makaala mai, a e hoonani i ka inoa o ka Haku ma ka hooholo mua ana i keia aupuni.

A. O. Polepe,

Kakau Leta Papa Hawaii.

 

NA MEA E HOOMANAO AI I KA MAKUA MISIONARI IA REV. J. W. SMITH M. D. O KOLOA I HALA AKU LA I KE AUPUNI LANI

NOV. 30, 1887.

            Iune 28 haalele makou ia Koloa. Mamua o ka hele ana lulu lima hou me ka makua, a pane mai i kana huaolelo ia'u: "Ke hele la olua o ke Akua pu kekahi me olua, a na ka Haku e kokua ia olua i na wa a pau ma na aina pouli," a aloha mai la, o ke kau no ia ma na lio o Waimea ka ihu, a o ka Hokuao holo no no Waimea me na hoa haole o maua. Ma ka lokomaikai o ko maua mau makamaka no laua maua i aie nui ai, ua loaa na lio a hiki i Waimea a me ko maua pailaka.

            Ia maua e hele nei kamakamailio iho la maua no Rev. J. W. Smith ka makua, he haole oluolu, he malihini kaua iaia, aka, o kana mau olelo pumehana me he la ua piha kona manao, a olioli no ko kaua hele i na aina e. Ahiahi hiki i Waimea, a hoi iho la na lio me ke keiki no Koloa, a au aku la i ka muliwai o Waimea. Kokua mai la kekahi mau keiki kamaaina, ke ole au e kuhihewa, oia no o Kamalenui a me Kuapuu i make aku nei. A kipa aku la ma ka home o S. Aka, Esq., o Waimea, a me kona ohana ma ia ahiahi, a pahola ia mai la na mea e hoopiha ia ai ka lua o ka inaina.

            Moe ma ia home aia ka Hokuao e ku ana ma ke awa, o ko maua mau hoa haole ua hookipa ia ma kahi o Rev. G. B. Rowela a ua launa maua me lakou.

            Ma ka la 29 o Iune ae, hora 10:30 A.M., he halawai nui maloko o ka luakini o Waimea. Ia'u me ko'u hoa misionari na olelo paipai iwaena o ke anaina ma ke alakai ana a ka makua Rev. G. B. Rowela, a pau ae la na hana hookuu ia makou no ka makaukau e holo. Kau ma ka waapa, mamua o ke kau ana haawi aku la makou i ko makou aloha hope i ke anaina e ku poai mai ana ia makou a hoi aku la makou no ka moku Hokuao. Ma ka hora 2:30 P.M. haalele ka Hokuao i ke awa o Waimea no kona alahele no Maikonisia.

            Ma ka makahiki 1870 iho nei, hoi mai no Hawaii nei i ka malama o Sepatemaba, ma ka la 30, o Ane ka moku, Kapena -------------, a me Rev. H. Binamu, Jr., me kana wahine a me ka wahine a Kaelemakule i make ma Butaritari, a owau a me ko'u ohana a he mau kanaka Kilibati. Ua hoi mai no ka palapu a ka pegana i hoeha mai ai. a ma ka la 29 o Okatoba, 1870, ku ma ka uwapo o Honolulu. A ma Honolulu kahi i noho ai no ka makahiki hookahi no ka lapaau ia ana. A ma ka pule hope o Dekemaba, 1871, launa mai la o Rev. J. F. Pogue me a'u, hoike mai la i ka leta a Rev. J. W. Smith o Kauai, olelo mai oia ia'u e holo no Koloa, Kauai, mamuli o ka leta a ka makua, a pane aku au ia Rev. J. F. Pogue, pela paha, he nawaliwali no wau, aka, paipai ikaika kela ia'u, a noonoo au me ko'u koolua no ka hele, a hooholo e hele i Kauai, a ma ka la 27 o Dekemaba, 1871, kau mai la no ka moku e holo ana no Koloa, Dekemaba 28, hora 8 P. M., hiki ma ke awa o Hanakaape, Koloa, a hookipa ia aku la ma ka hale kamaaina ma ke awa a moe ma ia po a ao ae hoi, Ianuari 29, hiki ae la kekahi o Puniwai a lawe aku la i ko maua mau wahi ukana a hiki i ko laua hale.

            He la ua kela, a pii wawae aku la no uka a no ka ua hookipa ia ma ka hale o J. D. Nila. Nui loa ka ua, a lohe ko maua mau makamaka o Mrs. Hana Kaleialoha Lilikolani k@@a mai @@ @@@@@ @ ka @@@@@ a @@@  halawai p@ @@@ me ke aloha @@@@ halawai no @@@ @@@ ka Moiwahine. I kela wa e noho pu ana o Kapiolani me laua, a o ko ma@@ noho no @@ m@@@@, @ @ aina me lakou a nui loa ka ua me ka waikahe, a ua ahiahi @@e. aka, o ka waikahe mai no a kau ae la ma na ho a pii@ @@@ no @@@@ e noh@a@@@@@ aku ia @@@ hale @@@@@ o Rev. J. W. Smith ike m@@@@@ makua a aloha @@@@@ me ka ohana @@@, a hoao aku la e hoi no ka hale i manao ia ai i Mau@@ ma kela kapa o kahawai, ua hiki o'e no ka nui o ka wai. Hoi hope hou aku la a pane mai la ka Makua Rev. J. W. Smith. E hoi hou olua no kahi o Lilikalani ma, o ko maua hoi hou no ia a moe, a ma kakahiaka ae, Dekemaba 30, hoi no uka he Poaono ia, a hui aku la me na kamaaina o ka hale. A ma ka la Sabati ae haawi mai la no ka makua ia'u i ka haiolelo o ia la.

            Ua hapai au i ka hana ma ia la me ke ano nawaliwali no, a he ano malihini hoi, aka, a po mai la ka makua misionari a me kekahi mau hoahanau, me ke aloha, a pau ae la na hana o ia la. Ma ka Poakahi ae, la hapenuia, 1872, he wahi paina a he hoike Kula Sabati ko Koloa ma ia la makahiki hou. Malaila maua kahi i launa pu ai me na hoakanaka, a ma ia la no kukakuka o Rev. J. W. Smith me kona poe Luna Ekalesia no ko maua no ho me lakou, a hooholo lakou e noho maua ma ke ano Kahu kuikawa no ka Ekalesia o Koloa, a o ka holo no ia o ka manao e noho ma ke ano kahu kuikawa. Ua nuia o ko maua hiki ana i Koloa, ua hookuu ia o Rev. E. Helekunihi, oia ke kahi mua o Koloa, ua hoi no Honolulu a i Hana, Maui, a ua kahea ka Ekalesia o Koloa ia T. Puuohau, haumana o ke Kula Kahunapule o Wailuku, a ua haule ia kahea ana. Ua koho ia o T. Puuohau no Lihue a pau ko Koloa manao nona, a ua noho au e lawelawe ana i na hana o ka Ekalesia o Koloa ma ka mea i loaa ia'u mai ka Haku mai. Pulama mai la ka makua misionari ma kona malama ana mai i ke ola o ka noho ana, kuahaua aku la i na apana o ka Ekalesia e haawi mai i ke Kahu kuikawa me na mea e pono ai ke ola kino. Hookahi ma kahiki o ka noho ana pela $150, a mai ka Papa Hawaii mai $150, hala ia makahiki, a i ka lua o ka makahiki haalele ka Papa Hawaii i ke kokua ana ia'u, lilo na ka Ekalesia ka hanai ia'u, $250, a hiki iho nei i ka makahiki 1880, ua like me ewalu makahiki eono malama ko'u noho ana ma ka Ekalesia o Koloa.

            Kahea ia maua e hele mai no Kilauea nei e na ona mahiko o Kilauea nei e E. P. Adams a me R. A. Macfie, Jr., malalo o ka hoouna ana a ka Papa Hawaii e malama i na ohana Kilibati e noho paahana ana malalo o keia mau haku hana.

            Mai ko'u kaawale ana mai me ko'u ohana ma Kilauea nei a hiki i ka wa i moe aku la ua makua aloha nui la, Rev. J. W. Smith, ma Koloa, i ka la i olelo ia maluna, aole oia i haalele ia makou i ka malama ana mai i ke ola (dala) o keia noho kino ana. Nona makou i aie nui ai iloko o keia mau makahiki he umikumamaono me ke aloha pau ole, a no kona ohana hoi e noho u ana nona, ka makuahine me na keiki a me na moopuna. He makua o Rev. J. W. Smith i malam apono i na oihana. He kauka aupuni oia a he lala no ka Papa Ola i hilinai nui ia ma kona ano kauka misionari no ka Mokupuni o Kauai nei i na makahiki i hala aku, He kahukula Sabati oia no Koloa, a he luna kula a puuku kula no Koloa, a i keia mau makahiki iho nei, he luna kula a puuku kula no ka mokupuni holookoa o Kauai nei, a i kekahi mau makahiki i hala mua, he hope lunakanawai kaapuni no Kauai nei. He lala oia no ka Papa Hawaii, a he kakauolelo mau no ka Ahahui o na Ekalesia o Kauai nei, a makua hoi no ka aha lala manu. O ka malama ana i kana mau buke oihana mai mua mai a hiki i ka wa i moe aku la he ku i ka maemae kana mau buke oihana. He makua oia i hilinai i kana mau oihana no ka pono a me ka pomaikai o ka lahui Hawaii ana i aloha nui ai. O ka oi loa aku o kona hooikaika an ano ka pono o na uhane o na kanaka Hawaii a hiki i kana haiolelo hope loa maluna o ka awai o ka luakibni o Koloa a haalele mai la i kona home no kela "Home maikai mao ae, maluna ae." Ua make o Rev. J. W. Smith me ka maluhia a me ka maemae iloko o ka Haku, a he make nani, me he la e hiamoe ana la a hoomaha iho no ka piha o na lima i ka hana, pela ka make ana o ka makua misionari. Nolaila, ma keia mau mea i hoakaka ia a i wehewehe ia ua ulu mai ka hoomanao no Rev. J. W. Smith.

            "E noonoo i ke kanaka hemolele, e nana hoi i ka mea kupono, no ka mea, o ka hope o ua kanaka la, he pomaikai no ia." Halelu 37:37

            Owau no me ka hoomanao. Welina i ka ohana.

J. H. MAHOE.

 

Ka Waiwai o ka Hilinai

            KA AYER Laau Sasaparila, kai kaulana a hilinai nui ia no ka hoomaemae koko, ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia

            LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

            HE koko inoino a nawaliwali anei kou? Ua awili pu anei me na ano mai ikaika? A ua hui pu anei me na wai awaawa hoopehu Na keia

            LAAU e hoomaemae ia mau mea ino a pau, a maikai. O na kauka lapaau a pau o Amerika i ike i ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka

            HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke

            KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana keia LAAU SASAPARILA A AYER. He maalahi a he

            MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma’i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi  mau laau e ae.

            A HILINAIIA no ka ikaika kupuno o ke ola kino, ma ka maemae ana o ke koko, hoomake pu ia na ma’i, a pela aku. He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hooia wale no a ke ao holookoa, maluna o ka

Ayer Laau Sasaparila.

I HOOMAKAUKAUIA E

Kauka J. C. Aver & Co. Lowell, Mass.

HOLLISTER & CO.

Na Agena ma ka Paeaina Hawiai.

Helu 100, . . . Alanui Papu, Honolulu

2086-tf

 

M. R. FREITAS.

Kaiopihi, Kohala.

Halekuai

No na mea ai, no na lole, a me na mea hoonani e ae he nui loa.

E kuai ia aku ana me ke Kumukuai haahaa loa.

Ke kau leo ia aku nei na Hawaii Ponoi a pau e naue nui ae.

2158-3m.

 

HOOLAHA LUNA HOOKO WAIWAI.

            Ua koho ia na mea nona na inoa malalo iho nei, i mau Luna Hooko no ka waiwai o Dr. J. W. Smith, o Koloa i make. Nolaila, ke hoolaha ia aku nei ma ke akea, no na poe a pau he mau koi ka lakou ia Dr. J. W. Smith, e hoike koke mai i na mea nona na inoa malalo iho nei, iloko o ka manawa he eono mahina mai keia la aku o ka hoolaha, ina aole, e hoole loa ia no ia mau koi mahope aku o ia manawa.

            W. K. SMITH,

            Luna Hooko Kauoha (w).

            J. K. SMITH,

            Luna Hooko Kauoha.

Koloa, Jan. 1888.

fy 11-3@

 

Nuhou! Nuhou! Nuhou!

AILA MAHU MAIKAI!

HOOKAHI DALA WALE NO NO KE

KINI AILA HOOKAHI!

E kuai pau ia aku ana no ka nui loa o ka aila i keia manawa.

E AU E NA MAKAMAKA! E AU!

E kipa ae ma ka halekuai o

Kakela me Kuke.

 

B. F. EHLERS & CO.,

PAINAPA.

Poel Kuai i na Ano Lole a Pau.

Helu 99 alanui Papu. Honolulu.

            E loaa mau ana na lole hou o na ano a pau maluna o kela a me keia moku.

 

OLELO HOOLAHA.

            Ua wehe a@ nei au i ka Halekuai Awa maka@ @@@ a Hana Kalo, Helu 24, aoao ma @@@ o ke alanui Maunakea. Na Puuwai Hawaii a pau, e @aue mai @@a ko'u hale kuai Awa nei. i e loaa no ia oukou ka awa kaulana o Panaewa, ka awa kau laau o Hiulani, Wikamano, Moeawakea, Ka@e, Kamili, le@elewa @@ nona keia wahi hooheno:

            Mukiki wai lelehuna a ka manu,

            O ka awa ili lena i ka wela o Kaiu,

            A ka manu haihai lau awa o Puna,

            Aia i ka laau ka awao Puna,

            l@@e no a pa aku i ka lehelehe,

            Noenoe kahi apu awa,

            Iho mai ko luna poe,

            @ikikii ka ua o Koa.

            E na kupa o ka ua Kukalahale e kipa e lawe i ka awa ona o Puna, eia na makaukau na'u ponoi no i kanu, hiki no ia'u ke manuahi. Eia ka awa e liilii ai na maka, mahae palua ka ula o ke kukui, kau a mea a o ka ona o keia awa. Hele mai i pau kuhihewa.

@ MANAOLE,

Honolulu, Jan. 6, 1888.

2162-j@ 6-

 

PAPA! PAPA!

AIA MA KAHI

LEWERS & COOKE.

(O LUI MA)

ma ke kahua @@@ @@ ma alanui P@@@ a me M@@

E loaa ai

PAPA NOUAIKI

o kela a me keia ano

P@@P@@@, N@ P@ka An ia ni, Na Olepelepe

Na Pou, Na O-a, Na Papa Hele, Na Papu

Ku, A me na Papa Mo@ nui loa

Na Pili o na Hale o na Ano a Pau

Na Pepa Hoonani, Na P@na o na Wai e pau

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o

kela me keia ano Na Aila Hoo

maloo, he lehulehu wale,

Na Aila e ae o na

ano a pau.

NA WAI VANIKI

—A ME NA—

WAI HOOHINUHINU NANI

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Maka maka

pau, ua makaukau keia mau Makamaka

o oukou e hoolawa aku ma

na mea a pau e pili ana

ma ka laua oihana

—NO KA—

UKU HAAHAA LOA.

E likeme kamea e nolo ana mawaena

LAUA a me ka MEA KUAI.

HELE MAI E WAE NO OUKOU

 

MRS. THOMAS LACK,

HELU 81, ALANUI PAPU.

MEA KUAI A LAWELAWE I

NA

Mikini Humuhumu na Aahu, a nui wale Aku

HE AGENA KUAI NO NA MIKINI

White, New Home,

            Davis, Crown, Howe,

            Me Florence,

            Na Kui Mikini o na

            ano a pau a Howard,

            Na pepa ana lole o

            na ano a pau, a me

            kela keia mea

NA LOPI MIKINI A KALAKA.

HE AGENA KUAI I NA

Pu Raifela, Pu panapana, Pu ki manu,

            na Poka, Lu, Pauda, Kukaepele.

NA KAPUAHI AILA MAHU

Mai ke nui a ka liilii.

            Ma ka lawelawe nui ana o'u i ka hana lima akamai o ka oihana hana pu a pela aku, ua makaukau au e hooko kaulua ole i na kauoha a pau.

            O na kauoha mai na mokupuni e hookohuia.

2082-tf.

 

Kakela a me Kuke

HALEKUAI NUI O NA WAIWAI

E laa na pahiolo, koi hole,

hamale, koi nui a me liilii, kila,

wili puaa, rula, apuapu, kui o na ano

a pau, kala kaa, hao hoopaa p@@@

pohaku hoana, kepa, lei ilio, kau-

la hao ilio, pahi, upa, pahi umiumi,

kalapu, kope hulu, pulupulu, oepa ka

lakala, lina hao, ami, keehi, a me

—KAULA OPU.—

Palau o na ano a pau,

Oo, ho, kopala, pe, kipi-

kua, hao kope, au ho a pe

a aku, kua bipi, lei bi-

pi, kaula hao bipi, uwea pa, uwea keleawe, hao pili

piula, kaa palala, ipuhao, ipu ti

PA-PALAI. MAKAU ME KE AHO

Ili wai, papa holoi, kopa ala, kaula

@uaina, hu'akai, ehi wawae,

hulu pena, a pela aku.

Pena wali, kini nui a me liilii o na

ano a pau, me ka pepa kuhi

kuhi, pena keokeo, aila

pena, aila hoomaloo,

vaniki kaa, a me

vaniki moe.

PENA HOOMALOO

—a me aniani hale—

AILA MAHU, AILA MIKINI, AILA HAMO

AILA KAA, INIKA KAMAA.

PAUDA, KUKAEPELE, KIANA

PAUDA, UIKI IPUKUKUI O NA

ANO HE NUI A LEHULEHU.

LOLE MAKEPONO

—E aa na—

AHINAHINA. KALAKOA. KEO

KEO, LEPONALO, HULUMANU,

UWE-WAHINE, KUI HUMUHU

MU, A ME KA LOPI.

Ke kuika e loaa no ia ma kahi o

KAKELA & KUKE!

NA MEA PIULA

Mikini Humuhumu

Makini a WHEELER a me WILSON

MIKINI A WIILOX ME GIBBS

NA MIKINI A

—REMINGTON.—

He nui loa na mea hao me na ukana

ae o na ano a pau, aole hiki ke hai pau

ia aku, hewa i ka wai na maka ke ike

Laau Lapaau Kaulana Lo

A DR. JAYNE.

LAAU HOOMAEMAE KOKO

LAAU HOOPAU NAIO, LAAO

KUNU, PENIKILA HUAALE

PAAKAI, LAAU HOOPAA HI,

Me na Laau Hame a Pela 'ku.

Kakela me Kuke