Ka Nupepa Kuokoa, Volume XXVII, Number 5, 4 February 1888 — Page 2
| This text was transcribed by: | Lani Fukunaga |
| This work is dedicated to: | Dwayne Steele |
Ka Nupepa Kuokoa
KE KILOHANA POOKELA NO KA LAHUI HAWAII.
I NA MAKAMAKA LAWE PEPA
Mamuli o ka hiki pinepine mai o na pooleta i o makou nei no na uku pepa, ke kauoka ia aku nei na makamaka o na mokupuni, aole makou e lawe hou ana i kekahi hookaa ana o ia ano, oiai, ua kaumaha kapakahi ia ka haawe i ka ua mea o ka nui hewahewa o na dala pooleta e hoouna mao ia mai nei i na pale a pau. E hoouna mai i ka uku pepa ma ka Bila Leta, a i ole, e haawi i ke kupakako o na moku, me kahi leta e hoike mai ana ia makou no ia mea, ua lawa ia no ka loaa ana mai malalo o ko ka nupepa lilo ponoi.
Nupepa Kuokoa.
No ka Makahiki $2.00
No Eono Mahina $1.00
KUIKE KA KULA
Poaono Feberuari 4, 1888
KA PAPA OLA
Ma keia mokuahi ae o ka Poalua, e loaa mai ai na palehehe hou loa a ka Papa Ola i hoouna aku nei no ka o ana i na poe a pau e hele aku ana ma ka hale haawi lapaau o ka Papa Ola ma Kapamoo. Ke kono aku nei makou i na makamaka, o keia manawa wale no ka wa kupono e hele ae ai no ka o ana, a mai kali a he manawa hou aku. O na ohua i hoomalu ia iho nei e ka Papa, ua pau lakou i ka hookuu ia i ka Poakahi nei, ma o ka piha ono ana o ka manawa i hoomalu ia ai a me ka poka ole ana o ka mau.
KA OIHANA ILAMUKU
He mau mahina lehulehu i hala hope ae nei, ua ulono ia ae e hoopau ia aku ana ka Hamuku Kaulukou mai kona keena oihana ae, a i kela pule aku nei, i maopopo lea loa ai, ua waiho io aku ola i ka oihana, a eia oia ke lawelawe nei nona iho ma ka oihana i maa iaia, he Loto imua o na Aha Hookolokolo Kanawai a pau.
He nui na inoa i kohokoho ia e lilo ka oihana Hamuku, a eia kekahi mau moa i loaolono ia ae e lilo ana ia lakou: J.H. Soper, J.G. Tucker, S.W. Tucker, S.W. Wilcox, V.V. Ashford, H. Von Holt me E.M. Walsh.
KA PANE A KA AHA KUHINA I KE KOMITE O KELA HALAWAI MAKAAINANA
(Mai ka Pae Aina Puka La)
O keia malalo iho ka olelo hooholo a kela halawai makaainana i malama ia ai ma ke alo iho o ka Hale Paikau, ma Alanui Moiwahine, i ke ahiahi Poaono, Ianuari 21. Ua koho ia na Komite o Ekolu Lala, na lawe ia aku ka olelo hooholo e ke Komite, a ua waiho ia mai ka pane ma o ka Aha Kuhina la.
I ke Alii ka Moi
KALAKAUA
O makou o na Komite i kohoia e na makaainana o ka Apana o Honolulu, mokupuni o Oahu, ma kekahi halawai makaainana i wehe ia ma ka hora 3 auwina la o ka Poaono, Ianauri 21. M.H. 1888, maloko o ke kulanakauhale o Honolulu nei, ma ka Hale Paikau, ua hoomanaia mai mokou e nonoi aku ia oe e ke Alii ka Moi no Kou ae ana mai e hui he waha a he waha, he alo a he alo me Oe e ke Alii ka Moi na makaainana no ke kuka pu ana me Oe e ke Alii ka Moi no ke kulana o ke Aupuni e ku nei i keia wa, a e oluolu mai oe e ke Alii, e hoike mai i ka la a na makaainana e ike mai ai i ka Moi, a e kuka pu hoi me lakou no na kuma penei:
1. Aole he hilinai o na makaainana i na Kuhina o ka Moi.
2. Aole he hilinai i na hana o ka Ahaolelo Kuikawa.
O makou iho no o Kau mau kauwa haahaa a hoolohe
(Signed) ROBERT W. WILCOX,
JOSEPH M. POEPOE,
EDWARD KEKOA,
Aliiolani Hale, Honolulu Ianuari 28, 1888,
(a Robert W. Wilcox, Joseph M. Poepoe, Edward Kekoa)
E na Keonimana:
Ua loaa ia`u ka hanohano o ka hoike ana aku ua loaa mai ka oukou palapala i kau ole ia ka la o ke kakauia ana, i kakauia mai i ke Alii ka Moi, a ma ia palapala ua hoakaka mai oukou he Komite oukou i kohoia e kekahi halawai makaainana i malamaia ma ka la 21 o Ianuari 1888, a maloko oia palapala ua noi mai oukou e hoike aku ka Moi i ka la e malamaia ai he halawai a e kuka pu ai hoi Oia me na makaamana, he waha a he waha, a he alo a he alo no ka noonoo ana i na kumu penei.
1. Aole he hilinai o na makaainana i na Kuhina o ka Moi.
2. Aole he hilinai i na hana a ka Ahaolelo Kuikawa.
Ma ka pane ana ke noi nei au e hai aku ua haawi ke Kumukanawai no na kanaka a pau ka pono o ka akoakoa malie, me ka hoolako ole i na mea kaua, e kukakuka pu no ko lakou mau pono, a nonoi aku i ke Alii a i ka Ahaolelo e wehe i ko lakou mau pilikia.
Aka, aole i hoakaka ke Kumukanawai he hiki ke kauohaia ka Moi e hele aku imua o kekahi p@e makaainana a e hui pu me lakou ma ke kuka ana no na nea pili hooponopono Aipuni. Aka, ua ae ia mai au e koike aku ua manao ke Alii ka Moi o ka hana ana pela he mea ia e hoohaahaa ia ai ka hanohano o ka Moi a me ko ka Moi Oihana Kiekie.
Ke hoike hou aku nei au, o ka ninau e pili ana i ka hikinai ole ia o ka Aha Kuhina he hana ia i hiki ke hana ia ma o ka Ahaolelo waie no, a aia ka Ahaolelo malalo o ka mana o na makainana, no ka mea, he Aha kohoia ka Ahaolelo. Nolaila aole e hiki ke hooili ia ka hewa o na hana o ka Ahaoleleo maluna o ka Moi, a ina e hoao ia ana e hooili ia ke kaumaha oia ano maluna o ka Moi a i ole e hoohui i ka Moi iloko o na kuka hooponopono pili aupuni ana he mea hiki ole ia ke ae ia.
A oiai o ka oukou noi he kupono ole ma na ano a pau, nolaila ua loaa ia u ka hanohano o ka hoike ana aku, ua haole ia.
Ua loaa ia`u ka hanohano o ka oukou kauwa hoolole. (Kakauinoaia) W.L. GREEN. Kuhina Nui.
Kela me Keia
Piha kui hou no makou i ka nuku i keia pule me na olelo hoolaha a me ke kanawai.
He anaina hoolaulea ko keia ahiahi e haawi ia ana e ka Ahahui Lipine Bolu ma ka kalepohaku o ka Y.M.C.A.
Ua kaiehu ia ae ka nupepa Pukiki O Luso Hawaiiano mai ka halepai Ke kake a i ka halepai o ka Elele.
Ma ka Malulani o ku Poalua nei, ua haalele mai ka Moi ia Kou nei no Kona lai malino a Ehu.
E hookohu ia aku ana o Rev. J. Bicknele, i Elele Kahunapule kaahele no na okalesia a puni na mokupuni.
Ma ka hoike a ka Agena o ka Papa Ola, he 47 ka nui o na make no ka mahina o Ianuari i hala.
I keia Poalua ae e ku mai ai ka mokuahi Austrialia mai Kapalakiko mai, a maluna mai ona e lohe ia mai ai na mea hou o ka hikina.
Ua hookiekie ia ae nei o Kapena Uilama Kele o ka Oihana Makai, i Agena no ka Papa Ola. Nani hoi paha ia.
Ua lilo ae nei ia J. McLean ka aelike a ke kumeka ana i na holoholona o ke Aupuni ma ka $1.75 pakahi, no na ma hina eono.
He mau la ahiuhiu makani mai ko Honolulu no keia maa pule i hala ae nei. Ua kohu makani maaa o Lahaina a me Eka o na Kona.
Ua lilo ae nei ia Kimo Pelekane ka hoolako ana i ka Panalaau o Kalawao me ka wahie, ma ka umi dala o ka paila.
Ua liko ae nei ka moku kalepa Min i lawe mai ai i ka ogana o Kaumakapili i ka Hui Hooholo Moku Pili Aina o Poka ma.
Ua koho ia aku o S.B. Kaalawamaka i Lunakanawai Apana no Kona Akau, a o G.W.A. Hapai i Lunakanawai Hoomalu no Hilo.
He ek`olu mau kaa o ka pukalaki ana mai uka mai o Kapalama a holo i kai nei o ke Alanui Moi i ke ahiahi Poakolu nei, me ka pakele o kekahi mau ola mai poino.
Piha pono ka ipuka nui o ke Keena Kalaiaina i ka Poakolu nei, ka la hope o ka mahina no na okeni o ka pau ana o ia moon, me na palapala kikoo dala i ke Aupuni.
I nehinei i malama ia ai ka hookahakaha o ka Oihana Kinai Ahi o Honolulu nei, me ka lakou mau mea hana i hoohiwahiwa ia me na pua a me na lau lipo o ka nahele.
Ma ke kauoha, ua hoolaha ae nei ke Kuhina Kalaiaina, e malama ia ana ka la 12, o Feberuari i hoopanee ia i ka la 13, Poakahi, oia ka piha ana o na makahiki he umikumamalima o ka nohahi ana o ka Moi Kalakaua, he la kulaia a puni na paemoku.
Ua olelo ae kekahi kanaka o Kalihi i loaa ia kana keiki i ka mai ahi, e lawe mua no ia i kono ola mamua o kono ike a na aku i kana keiki e lawe ia ana no Kakaako. Uumi ia iho ke aloha, a e hoomanawanui, no ke ola o ka lahui. Mai k a i ka ino, nolaila aku ka nui.
O ka Buke nui hookahi o ke ao nei, oia no ka Buke makana o na hailelo a me na hoomaikai Iubile a ka Hui Primarose o Ladana i ka Moiwahine Vitoria, nona ke kaumaha he 30 paona a he hookahi kapuai me eono iniha ka manoanoa o ke kua.
E hoikeia ana he mau kii hoolele aka ma Queen Emma Hall ma ka po Poaone i ka hora 7:30. E loaa no na balota kono i na lala o ka hui ma ke noi ana`ku ka mea malama hale.
E halawai ana ka Hui Kula Paio ma Queen Emma Hall ma ka po Poalua i ka hora 7:30. E paio ana na alihikaua Naukana me Nua, maluna o keia kumupaio, "ka pono o ke kapae wale ana i na luna aupuni me ka hoike ole ana i wai i hewa."
Ua hoopuia imua o ka Ana Hoomalu ma nehinei ka Honobala Helo ekolu o Honolulu nei, e ka Hui Kuai Papa o Sam. Alani ma, a ua haawua ka pono no na Hui nei. Ua hala nae ua Hononei i Hawaii, me ka baalele ana iho i kona hihia mahope nei, aohe mea nana e pale nona. ua manao makou e loaa ana no he mau kumu pale kupono ma kona aoao ke hoi mai, oiai he taaka no i lehia ma na mea kanawai.
Iloko o ka Ino Nui.
Ka Loaa ana o ka Mokuahi "Kulanakauhale o Kikane" i ke kaipuni ma na kai o Kina.
Mai ke peni a kekahi a na ohua eemoku i kau aku maluna o ka mokuahi Kulanakauhale o Kikane, a i pai ia hoi ma ka nupepe Buletina o Kapalakiko, i lawe ia mai ai keia moolele o ka loaa ana o ua mokuahi lawe leta la i ka ino nui o ke kaipuni a kokoke loa e holoaia i ka papaku o ka moana, oiai, ha mau la pokole koe a hiki aku i ke awa o Iokohama, ma ke alahele moana maluna ae nei o kakou, mai Kapakakiko ae a hiki i Kina, oia keia malalo iho:
Mokuahi kulanakauhale o Kikane, ma ka moana Pakipika, he 15 la mai Kapalakiko mai, Oct 28 1888.
Ua haalele aku ka mokuahi kulanakauhale o Kikane i ke awa o Kapalakiko, me na ohua eemoku he 25 o hope, 425 ohua o mua, me 109 alii a me na sela a pau o ka moku, no lakou ka huina he 559 poe a pau i ka wa i loaa ai i keia poino nui.
E holo ana ka moku me ka maalahi a me ka maile o ka moana no ke awa o Iokohama, me na manaolana o ke kohokoho ana, o ka huakai holo loa keia i holo ia mawaen a o na awa o Kapalakiko me Iokohama ma ka moana Pakipika. O ke kapena, na aliimoku, a me na eneginia, ua lawe lakou i ka hana a me na hooluana maikai ana i na eemoku, nolaila, ua lilo ka puuwai a me na hilinai ana, he mau leo wale no o ka mahalo ka lakou e haawi aku ai.
O ka Poaha, la 27, he la ano e loa ia mai ke kakahiaka mai a hiki i ka napoo ana o ka la. Ua pa mai ka makani mai ke kukulu Hema mai me ke ano okaikai i ka wa kakahiaka, a hiki i ka manawa ahiahi, ua ala mai la na ale uliuli hanupanupa o ka moana a uhi pu mai la maluna o ka moku, a he mea hiki ole i kekahi ohua ke noho maluna o ka oneki, a ua hoi lakou a pau ilalo o ke keena nui o ka moku. O ka Mea Ana Kaumaha Ea (Borometer) ua hoike e mai oia he mau hora mamua ae, eia aku he ino nui a halawai mai me lakou, a oia ka lakou i koho wale ai, o keia wale iho la no kahi ino e loaa ana ia lakou, a me keia makani e pa mai nei mai ke kukulu Hema mai.
Ma ka hora 8 ponoi o ke ahiahi, a mahope koke ilio hei o ka paina awakea, a e hoomau ana no na mea pau i ka luana maikai me na kamailio no keia ino o ka moana a ka Berometa e hoike mai nei, aia hoi iloko o kela minute o ka hora 8, me he mea la ma ka hoomaopopo iho a na ohua, ua hookui aku la ka mokuahi me kekahi lae pohaku, pele ke anuu o ke ala ana mai o kekahi ale nui a uhi pu maluna o ka oneki o ka moku, a na kona ikaika hoi i onou aku iloko o ka hohonu no ekolu a me eha manawa o ka luu ana ilalo, puoho hou mai la ka moku mai loko mai o na ale kupikio e uhi ana a puni ka moku. Ua komo aku ke kai ma na wahi a pau a piha pu ke keena o hope, a o na kaula a me na ukana e ae e waiho ana maluna o ka oneki, ua lilo aku la ia iloko o ke kai, a he pakele wale iho la no na sela e holoholo ana ma ka oneki, mamuli o ka hooikaika ana e paa ma na rigini o ka moku.
O keia iho la ka hoomaka mua loa ana o keia mo, a ua hoomau mai na ale huhu i ka uhi pu ana i ka moku me ko lakou inaina, e wawahi ana i na puka aniani a me na pono laau me ka hao, e komo ana na muliwai kai ma na puka aniani i nahaha, a hiki i ka wa i hoolana ia ai ka papakaukau o ke keena o hope e ka wai no eha a me elima kapuai, o na pahu lole a me na paiki, e lana hele ana ia iluna o ke kai, me ke paialewa hele ia i o a ianei, mai kahi aoao a i kahi aoao o ka rumi, oia ka wa a na mea a pau i manao ai, ua kokoke loa lakou e haule pio aku na na ale huhu o ka Moi Nepetune o ka moana Aohe o lakou mau manaolana no ka pakele, oiai, ua koike e mai la no ka helehelena o na mea a pau i ka makau`u a me ka make, aka, he hookahi nae kanaka nona ka puuwai wiwo ole e holoholo ana ma ka oneki a e haawi ana i na kuhikuhi, oia no ke kapena o ua moku nei, e hele makaikai mai ana oia i na wahi a pau o ka moku, me ka haawi pu ana aku i na olelo hoolanalana i na ohua. Ua hookuu ia ka moku na na ale e lawe hele aku iaia e like me kona makemake, a ua ala ia hoi ia po a hiki i ke ao ana e na mea a pau, a mamua o ka puka ana mai o ka malamalama o kekahi la ae, ua ano kualilii iki mai la ka paio ana moi o na ale o ka moana, a hoihoi hoi ia mai la na manaolana ana no ke ola o na mea a pae, a pakele mai keia ino nui a ke kapena e olelo ae ai- "Aole loa oia i halawai me kokahi ino ikaika loa maka moana e like me keia."
O ka Poalima ia la o ka emi ana o keia ino nui, a he la hana nui loa ia no na mea a pau o ka moku, o ka hooponopono ana i ko lakou mau wahi pono kino i pulu i ke kai. Ua iho mai ke kapena ma ka papaaina kakahiaka, a he mau helehelena o ka oluolu waipahe no ke kau ana maluna ona, o na ohua a me na aliimoku a me na sela, ua haawi ae la lakou he mau leo huro hauoii, no ka wiwo ole i loaa i ko lakou kapena, ma ka lawelawe ana i ka moku iloko o ka poino noi me ka maalahi, a o ka hora 4 Poaono o kekahi la ae, kuu aku la ka heleuma o ka mokuahi Kulanakauhale o Kikane iloko o ke awa o Iokohamo, he huakai mama loa i holo ia iloko o na la he 16, mai ke awa ae o Kapalakiko a Iokohama.
IMUA O KA AHA HOOMALU
I ka Poalima i hala, ua lawe ia ae imua o ka Aha Hoomalu kekahi hihia o Eliza Norton kue ia Robert French no kekahi huina dala o elua haneri, He wahi hihia ohana keia, a no ka hiki ole ke hooponopono ia ma ka home, ua hele okoa imua o ke kanawai.
Ua noho pu ka mea hoopii me ka mei i hoopilia no eha makahiki, a he kaikaina hoi ia no ka wahine a ke mea i hoopuia. Aole i hana ae like ia mawaena o na aoao elua, a i ka wa a ka mea hoopu i haalele ai i ka hale o kona kaikuaana, ua koi mai ka mea hoopiiia no kona luhi o ka malama ana me na bila lehulehu ma o kela elua haneri dala ana e malama ana. Ua haawi ka aha i ka pono no ka mea hoopii no kana mau dala elua haneri. He kumu ao keia ia kakou Hawaii, aole e hahai i kela mau lawelawe o ka pili ohana, e lawe ia imua o ke akea e like me keia. Ma ka aoao o ka mei i hoopiiia, he kuleana ole kona o ka aua ana i ka waiwai o kekahi i haawi ia aku nana e malama.
HOOLAHA HOU
W.O. SMITH Loio ma ke Kanawai. Helu 66, Alanui Papu, Honolulu fy 4-4t
HOOLAHA HOOKO MORAKI ME KE KUAI
MAMULI o kekahi mana kuai i hoikeia maloko o kekahi Palapala Moraki i hanaia mawaena o Kahalekai o ka aoao mua, a me S.B. Dole Kahu Waiwai o ka aoao elua ma ka la 1 o Mei 1885. i kakau kope ia ma ka buke 96 aoao 252, a mamuli o ka uhai ia ana o na kumu aelike o kela moraki, nolaila, ke hoolaha ia aku nei e ka mea nono ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI la 5 o MARAKI 1888, ma ke keena kudala o. J.F. Morgan, ma ka hora 12 o ia la.
Aia ma kahi o W.R. Kakela na olele hoakaka no keia mea.
Hanaia i keia la 2 o Feberuari, 1888. S.B. DOLE, Kahu.
Penei na aina e kudala ia ana:
1-92-100 eka aina kalo momona loa ma Manoa, he hapa o ka Sila Nui 2587 ia Aia.
2-1 98-100 eka malaila no, he hapa o ka waiwai o Moehonua. fy 4-4t
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki i hana ia mawaena o Daniela k,, o ka aoao mua a me Helen S. Norton o ka aoao elua, ma ka ia 13 o Inauari, 1882, i kakau kope ia ma ka buke 70 aoao 436, a mamuli o ka uhai ia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI, la 5 o MARAKI, 1888: ma ke keena kudala o J.F. Morgan ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 2 o Feberuari, 1888. HELEN S. NORTON.
Penei ka aina e kuadalaia ana:
Kela aina kuleana o Huailua helu 7207, ma Waikele, Ewa, he 2 eka me 8 kaulahao.
fy 4-4t
HOOLAHA HOOKO PALAPALA MORAKI MA KE KUAI
I kulike ai me ka mana a ka Palapala kuai ma kekahi moraki i hanaia mawaena o NICHOLAS ANNA a me MOMONA Jr., o Honolulu, mokupuni o Oahu, e William C. Achi, i hanaia ma ka la i o Aperila, A.D. 1886, a i kope ia ma ke Keena Kope Kuleana o ke Aupuni ma Honolulu, i hoikeia ma ka Buke 98, aoao 174 me 175, i waihoia ae ia kuleana e William C. Achi ia Peter Dalton, ma ka la 27 o Iulai, 1886, a i kopeia ma ke Keena Kope Aupuni, Buke 98, aoao 174. Nolaila, ke hoolaha aku nei ka Malama Waiwai o ka mea moraki, i ka uhai ana i ka aelike i hooholo ia malalo iho:
O ka uku ole ia ana o ka ukupanee i ka wa i aelike ia ai, nolaila, e kuai ia aku ana na waiwai ma ke kudala akea, ma ke keena kudala o J.F. Morgan, i ka hora 12 awakea o ka POAONO, MARAKI 10, 1888.
1 - O ka pahale ma ka apana o Kaumakapili, Oahu, i hoike ia ma ka palapala W.C. Achi, kakauia Aperila 1, 1886, a i kope ia ma ka Buke 98, aoao 173 me 174, nona ka ili he 72 anana.
2 - O ka pahale e waiho la ma Ewa, Oahu, i haawiia ia Anna Momona, Jr. mai ia B. Kahalepouli aku, i hoikeia ma ka Buke 23, aoao 413, nona ka ili he 35 7-10 eka.
3 - O ka akahi hapaha pahale o Nicholas anna e waiho la ma Waiau, Ewa, Oahu, oia no ka pahale i hawaiia ia Austin Phillip mai ka palapala aku a Salem P. Hanchett, i hoike ia ma ka Buke 4, aoao 123, nona ka ili he 12 eka, 99 anana me a kapuai, ma ke palapala hooilina a Phillips ia Nicholas Anna, et al.
No na mea i koe, e ninau ae ia William O. Smith, Loio ma ke Kanawai.
PETER DALTON,
Malama Waiwai o ka mei i morakiia.
W.O. SMITH,
Loio o ka mea i morakiia.
Honolulu Feb 3, 1888. fy 4-4t
HOOLAHA HOU
HOOLAHA HOOKO MORAKI ME KE KUAI
MAMULI o kekahi mana kuai i koike ia maloko o kekahi palapala moraki i hana ia mawaena o I. K. Solomona o ka aoao mua a me Mrs. Elizabeth Bechwith o kakaa o ka aoao mua eah, ma ka 4 o mei, 1885, I kakau hope ia ma ka buke 93 aoao 227, a mauli o ka wahiia ana o na kumu aelike o kela moraki, nolaaha, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai a ma ia hooke ana e kudala akea ana ia i ka aina i hoike ia ma ia moraki ma ka POAKAHI, la 5 o MARAKI, 1888, ma ke keena kudala o J. F. Morgan, ma Honolulu, ma ka hora 12 o io la.
Aia ma kahi o W.R. Kakela na oleleo hoakaka no keia mea.
Hanala i keia la 2 o Feberuari 1888.
MRS. ELIZABETH BECKWITH.
Penei na aina e kudala ia ana:
Aia ma Kalihi Oahu,
1-1 51-100 eka aina kako momona he hapa o ka Sila nui 3289 ia Kumano.
2-1 16-100 eka apana i o ka Sila Nui 1497 ia Pae aina kalo. fy 4-4t
HOOLAHA HOONO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki i hana ia mawaena o Ios. Paa, o ka aoao mea, a me Jno. L. Blasidell Jr, o kaaoao elua, ma ka la 31 o Maraki, 1883, i kakau kope ia ma ka buke 77 aoao 496, a mamuli o ka uhaiia ana o na kumu aelike o kela moraki, nolaiala, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, o kudala akea ana ia i ka aina i hoike ia ma ia moraki, ma ka PO AKAHI, la 5 o MARAKI, 1888, ma ke kee na kudala o J.F. Morgan, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no kei mea.
Hanaia i keia la 2 o Feberuari, 1888.
JNO. L. BLAISDELL JR.
Penei na aina e kudala ia ana:
He 10 eka ma Kohala, he hapa loi o ka aina o Uwai a Sila Nui 10908, a me eka o ka aina o Apiki, Sila Nui helu 780, he hapa keia i mahele ole ia. fy 4-4t
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki i hanaia mawaena o Waialeale o ka aoao mua, a me William Dean o ka aoao elua, ma ka la 5 o Aperila, 1880, i kakau kope ia ma ka buke 65 aoao 160, a mamuli o ka uhaiia ana o ua na kumu aelike o kela moraki, nolaila, ke hoo laha ia aku nei e ka mea nona ka aoao elua o moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI, la 15 o MARAKI, 1888, ma ke keena kudala o J.F. Morgan, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 2 o Feberuari, 1888. Wm. DEAN.
Penei na aina e kudala ia ana:
He 6 me 93-100 eka aina ma Waimanalo, Oahu, Sila Nui 384 ma ka in oa o Iao, he aina momona keia. fy 4-4t
HOOLAHA HOOKO MORAKI ME KU KUAI
MAMULI o kekahi mana kuai i hoike ia maloko o kekahi palapala moraki i hanaia mawaena o Kalai & Kane o ka aoao mua, a me S.I. Shan o ka aoao elua, ma ko la 9 o Iune, 1882, i kakau kope ia ma ka buke 79 aoao 59, a mamuli o ka uhaliia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia a mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI, la 5 o MARAKI, 1888, ma ke keena kudala o J.F. Morgan, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 1 o Feberuari, 1888. S.I. SHAN, O ka aoao elua.
Penei na aina e kudala ia ana:
1 eka me 4 11-100 kaulahao aina momona, ma Kalihi, Oahu, oia ka apana 1 me 1/2 apana 3 Sila Nui helu 150. fy 4-4t
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki i hanaia mawaena o Kahae w., a me Pahio kana kane o ka aoao mua, a me W.W. Hall o ka aoao elua, ma ka la 6 o Iune, 1883, i kakau kope ia ma ka buke 82 aoao 194, a mamuli o ka uhai ia ana o na kumu aelike o kela moraki, nolaila, ke hoolaha ia aku noi e ka mea nona ka aoao elua o ua moraki nei, e hooko ana oia ia mana kuai, a ma ia hooako ana e kudala, akea ana ia i ka aina i hoike ia ma ia moraki, ma ka POAKAHI, la 5 o MARAKI, 1888, ma ke keena kudala o J. F. Morgan, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no kei mea.
Hanaia i keia la 2 o Feberuari, 1888. W.W. HALL, Malama Waiwai.
Penei na aina i kudala ia ana:
He apana aina 13-25 eka i na Kaanapali, Maui, kokohe i Lahaina, aia ma ka Sila Nui helu 4587, ma ka inoa o Apolo. fy 4-4t
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki i hanaia mawaena o Muli Kahuelipi, o ka mua, a me Miss Carpenter o ka aoao elua, ma ka la 5 o Feberuari, 1884, i kakau kope ia ma ka buke 85 aoao 309, a mamuli o ka uhai ia ana o na kumu aelike o kela moraki, nolaila, ke hoolaha a aku nei e ka mea nona ka aoao elua o na moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ma ia moraki ma ka POAKAHI, la 5 o MARAKI, 1888, ma ke keena kudala o J.F. Morgan, ma Honolulu, ma ka hoia 12 o ia la.
Aia ma kahi o W.R. Kakela na olelo hoakaka no keia mea.
Hana ia i keia la 2 o Feberuari, 1888. MISS H. CARPENTER.
Penei ka aina e kudala ia ana:
He apana ma Makalapa, Kohala, he 1 16-100 eka, i hooliloia ia Muli, ma ka palapala kuai o na kahu waiwai o Lunalilo.
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki i hana ia mawaena o Kalaaukahi o ka aoao mua a me J.R. Holt Jr. o ka aoao elua, ma ka la 5 o Sepatemaba, 1888, i kakau kope ia ma ka buke 97 aoao 214, a mamuli o ka uahi ia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI, la 5 o MARAKI, 1888, ma ke keena kudala o J.F. Morgan, ma Honolulu, ma ka hora 12 o ia la.
Aia ma kahi a W.R. Kakela na olelo hoa kaka no keia mea.
Hanaia i keia la 2 o Feberuari, 1888. JAS. H. HOLT JR. ia A.J. Cartwright.
Penei na aina e kudala ia ana:
1-11 3-10 eka ma Ninale Sila Nui 7677 ia Kapuuhonua.
2-54-10 eka malaila no Sila Nui 1375 ia Hooieie. fy 4-4t
MA KE KAUOHA.
O ka la Sabati, ola ka la 12 o Feberuari, 1888, ola ka 15 o na makahiki o ka nohoalii ana o ka Moi Kalakaua, nolala, o ka Poakahi Feberuari 13, malama ia la kulaia, a e pani ia na hale Oihana Aupuni a pau ma ia la a puni na mekapuni.
L.A. THURSTON.
Kuhina Kalaiaina. Keena Kalaiaina Jan 31, 1888 fy 4ts
HOOLIMALIMA O NA AINA AUPUNI
E kudala ia aku ana no ka hoolimalima na Aina Aupuni i ka Poaha, Maraki 8, 1888, i ka hora 12 awakea, ma ke alo iho o Aliiolani Hale, kela wahi ma ka Hema Hikina o ke Alanui Kilauea, a e noho ia nei hoi e ka Hui Hooholo Moku Pili Aina o Poka ma, he 126 kapaai e huli ana i ke alanui Kilauea, a he 140 kapaai ke akea i hope, oia no na apana 78 me 79, a he hapa o ka apana 80 i hoike ia ma ka palapala aina Aupuni Ainahou.
He umi makahiki ka loihi o ka manawa hoolimalima, no ka $400 o ka makahiki e uku hapa ai.
L.A. THURSTON
Kuhina Kalaiaina. Keena Kalaiaina Ianuari 27, 1888. fy 4-3t
Au hookohu ia aku I heia la, o REV. P. KEAUPUNI i Agena Hooko Mare ukoko o keia Aupuni.
L.A. THURSTON
Kuhina Kalaiana. Keena Kalaiana Jan. 17, 1888. Jy 21-3t
Ua hookohu ia aku o THOMAS WILLIAM HOBRON i keia la, he Notere no ka lehulehu no na Aha Hookolokolo Kaapuni @ ke Aupuhi.
L.A. THURSTON.
Kuhina Kalaiaina. Keena Kalaiaina Jan. 17, 1888. 2164-3t
KUAI O NA AINA AUPUNI
E kuai ia aku ana ma ke Kudala akea, ma ke alo iho o Aliiolani Hale, i ka Poakolu, Feb. 22, 1888, hora 12 awakea, keia mau aina aupuni malalo iho:
1- Hookahi apana aina apana 13, e waiho la ma Kahako Kona Hema, Hawaii, nona ka ili 1/4 eka. Koho hiekie, $50.00
2-Hookahi apana aina o "Puumaneoneo"' ma Kaupo, Maui, nona ka ili he 116 2-10 eka. Koho kiekie $200.00.
L.A. THURSTON.
Kuhina Kalaiaina. Kenea Kalaiaina, Jan. 19, 1888. fy21-5t
OLELO HOOLAHA NO KA O LIMA
E ike auanei na mea a pau, ua makaukau ka Papa Ola e haawi i ka o lima ana me ka uku ole i na mea a pau i o ole ia, a ke kauoha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanawai Kivila, e hele mai ma ka Hale Haawi Laau o ka Papa Ola ma Kapamoo, ma alanui Hotele, ma na hora hana o ke Kauka Aupuni i hai ia malalo iho nei:
Hora Hana Mai ka hora 8
a " " 10
kakahiaka.
N.B. EMERSON,
Pelekikena o ka Papa Ola. jn 6-6m
MA NA MEA E PILI ANA I NA KAHU MALAMA WAIWAI O KA LUAKINI A EKALESIA O KAUKEANO.
NO KA MEA, he Ahahui i hoopuka mua ia ka ae ma ka inoa "Ka Luakini a Ekalesia Haole Elua o Honolulu," a oia inoa a me ia ano, ua hoololi ia mamuli o kekahi Olelo Hooholo a ka Ahakukamalu, ma ka la 28 o Ianuari, 1856, a o "Na Kahu Malama Waiwai o ka Luakini a me ka Ekalesia o Kaukeano," i kulike ai me na kanawai i hana ia e pili ana ia mea, ua waiho pono mai me ka mea nona ka inoa malalo iho nei, he palapala noi e hoopau i na Ahahui la, a me kekahi palapala hooia i pakui pu ia, e like me ka mea i kauoha ia e ke kanawai; a nolaila,
Ke haawi ia aku nei ka hoolaha i na mea a pau i kuleana a e noho kuleana nei ma kekahi ano iloko o ua Ahahui nei, o na kue no ka ae ia o ua noi la i oleloia, e waiho ia ae ma ke Keena Kalaiaina ma ka la 26 o IANUARI, 1888, a mamua ae paha, a o kela a me keia mea a mau mea paha i makemake e lohe ia ka lakou ma na mea e pili ana, e hiki kino ae ma ua Keena Kalaiaina la, ma Aliiolani Hale, Honolulu, i ka hora 11 o ke kakahiaka o ua la nei, a e hoike ae i na kumu e hiki ole ai ke ae ia ua noi la.
(Kakauinoaia) L.A. THURSTON,
Kuhina Kalaiaina. Keena Kalaiaina, Nov. 23, 1887. 2156-10t
HOOLAHA HOU
MA Ke Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o W.K. Kaainoni, no Paauhau, Hamakua, Hawaii i make.
Ua heluhelu ia a ua waiho ia ka palapala noi a R.A. Lyman, e noi ana, e hoonohoia oia i Lunahooponopono no ka waiwai o Kaainoni, no Paauhau, Hamakua, i make kauoha ole.
Nolaila ua kauohaia i na mea a pau i pili, o ka POAKAHI, oia ka la 20 o FEBERUARI, 1888, i ka hora 9 kakahiaka, ma ka hale hookolokolo ma Hamakua, Hawaii, oia ka hi a me ka manawa i kohoia no ka hoolohe ana i ua noi la, a me na mea kue ke hoikeia.
S.L. AUSTIN,
L.K. Kaapuni. Hilo, Ianuari 21st, 1888. jy 4-3t
MA Ke Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o Kamoku, o Honokaia, Hamakua, Hawaii, i make.
Ua heluhelu ia a ua waihoia ka palapala noi a Paulaula, no Hamakua, Hawaii, e noi ana e hoonohoia oia i Lunahooponopono no ka waiwai o Kamoku, no Hamakua, ua make kauoha ole.
Nolaila, ua kauohaia i na mea a pau i pili, o ka POAKAHI, oia ka la 20 o FEBERUARI, 1888, i ka bora 9 kakahiaka, ma ka hale hookolokolo ma Hamakua, Hawaii, oia kahi a me ka manawa i kohoia no ka hoolohe ana i ua noi la, a me na mea kue ke hoikeia.
S.L. AUSTIN,
L.K. Kaapuni. Hilo, Ianuari 20th, 1888. fy 4-3t
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki i hana ia mawaena o Kahele o ka aoao mua, a me William Dean o ka aoao elua, ma ka la 23 o Okatoba, 1882, i kakau kope ia ma ka buke 77 aoao 24 a mamuli o ka uhaiia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoike ia ma ia moraki, ma ka POAKAHI la 5 o MARAKI, 1888, ma ke keena kudala o J.F. Morgan, ma Honolulu, ma ka hora 12 o ia la.
Aia ma kahi o W.R. Kakela, na olelo hoakaka no keia mea.
Hanaia i keiA la 2 o Feberuari, 1888.
Wm, DEAN,
Penei ka aina e kudala ia ana:
He apana aina ma Puunui, Honolulu, oia ka apana elua o ka Sila nui 7475 no Kaiwi, he 13 eka 2 oi.
HOOLAHA HOU
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi Palapala Moraki i hanaia mawaena o E.M. Smithies, o Waiohinu, Kau, o ka aoao mua o me G.C. Lowrey, o ka aoao elua, ma ka la 20 o Nov. 1883, i kakau kope ia ma ka buke 5 aoao 153, a mamuli o ka ahai ia ana o na kumu aelike o kela moraki; Nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina hoikeia ma ia moraki, ma ka POAKAHI, la 5 o MARAKI, 1888, ma ka hale hookolokolo o Waiohinu, Kau, e E. Smith, luna kudala, Waihohinu, ma ka hora 12 o ia la.
Aia ma kahi o W.R. Kakela, na olelo hoakaka no keia mea.
Hanaia i keia la 2 o Feberuari, 1888.
T.C. LOWREY,
Penei na waiwai e kudala ia ana:
1-He apana aina ma Honuapo, he 6 14 eka kuleana 878, ma ka inoa o Keohokuma.
2-4-10 o ka eka i hoohilo iaia ma ka palapala kuai o Schaefer, hope no J.R. Spencer, e pili aoa i ko Martin.
3-1 moe me na noho, pahu a me elua moe palua 2 pele me 4 noho, 2 papa holoi maka, 2 papakaukau, i like me na olelo o ka morati.
HOOLAHA HOOKO MORAKI ME KE KUAI
MAMULI o kekahi mana kuai i hoike ia maloko o kekahi palapala moraki i hanaia mawaema o Komo o ka aoao mua, a me Mrs. Limpson o ka aoao elua, ma ka la 20 o Nov. 1883, i kakau kope ia ma ka buke 87 aoao 156, a mamuli o ka uhai ia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana, e kudata akea ia ana ka aina i hoike ia ma ia moraki, ma ka POAKAHI ka la 5 o MARAKI, 1888, ma ke keena kudala o J.F. Morgan, ma Honolulu, ma ka hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 2 o Feberuari, 1888.
MRS. T. SIMPSON,
Penei ka aina e kudala ia ana:
1-He apana 3-45 eka ma Honokaa, Kona hema, Hawaii, Sila Nui, 7650, ia Pi.
2-36-100 eka aina ma Kalihi, he aina kalo momona, i hooliloia ia Komo ma, i ke kuai.
NALOWALE.
Ua nalowale he mau Buke Hoahu Dala I ka Banako o Bihopa ma, no lakou na inoa malala iho:
Ema Watson J.S. Aea
L.C. Aea H.K. Aea
Kapoo Aea,
O ka mea a mau mea ia loaa o keia mau Buke haulo, e oluolu lakou e hoihoi ae i ka Hooilina Moi Liliuokalani, a i ole ia J.A. Cartwright,
Honolulu, Jan. 20, 1888. Jy28-2t
NA LUNAKANAWAI HOOMALU A ME NA LUNAKANAWAI APANA O KO HAWAII PAEAINA.
OAHU
David Dayton, L.H., Honolulu, Dec. 1886
Asa Kaulia, L.A., Koolaupoko, Oct. 21, 1886
J. Kaluhi, L.A., Koolauloa, Aug. 16, 1887
James Humphreys, L.A., Ewa, Apr. 6, 1887
J.P. Kama, L.A., Waianae, Dec. 29, 1887
S.H. Kalamakee, L.A., Waialua, May 1, 1886
MAUI
D. Kahaulelio, L.H., Lahaina, Dek. 1, 1886
A.N. Kepoikai, L.H., Wailuku, Dec. 15, 1886
S.W. Kaai, L.A., Hana, Aug. 20, 1886
John Kalama, L.A., Makawao, Apr. 1, 1886
M. Kealoha, L.A., Honuaula, Dec. 1, 1886
S.K. Kupihea, L.A. Molokai, Apr. 1, 1886
R.W. Meyer, L.A., Kalawao, Ian. 26, 1885
S. Kahoohalahala, L.A., Lanai, Oct. 22, 1886
HAWAII.
G.W. A. Hapai, L.H., Hilo, Feb. 1, 1886
Z. Kalai, L.H., N. Kohala, Oct 1, 1886
B. Naaikauna, L.A. Hilo, Apr. 1, 1886
S.H. Mahuka, L.A., S. Kohala, Oct 15, 1887
J.G. Hoapili, L.A., N. Kona, Ian 1, 1886
D.H. Nahina, L.A., S. Kona Ian 27, 1887
J.H. Martin, L.A., Kau, July 1, 1887
Geo, Timoteo. L.A., E. Kau, Oct. 1, 1886
J.S. Kalana, L.A., Puna, Aug. 30, 1886
J.P. Miau, L.A., Hamakua, Oct. 15, 1887
KAUAI
Jacob Kala, L.H., Lihue, Oct. 9, 1886
A.W. Maioho, L.A., Koloa Iune 2, 1886
J.H. Kahilina, L.A., Hanalei, Aug. 1, 1887
G.B. Meheula, L.A., Kawaihau, Aug. 2, 1886
E.L. Kauai, L.A., Waimea, Iulai 1, 1887
G.S. Gay, L.A., Niihau, Oct. 14, 1884
O na Launakanawai I pai hewa ia ka manawa o ko lakou hookohuia ana, e oluolu lakou e kakau mai ma ka leta, I hooponopono ia aku,
Na ka Aha:
HENRY SMITH, 2161 6t* Hope Kakauolele
AHA HOOLOKOKOLO KEIKEI O ko awaii Pae Aina. Ma ka hooponopono waiwai. Ma ka hana o ka waiwai o Kahula (w), o Honolulu, Ohau, I make. Olelo kauoha e koho ana I la e hooia ia ai ka palapala kauoha a no ka haolaha ana.
No ka mea ma ka la 24 o Ianuari, 1888, waihoia mai imua o ka aha kekahi palapala I olelo ia, oia no ke kauoha hope loa a Kahula (w) I make aku la; a me ka palapala hoopii e noi ana e hooiaioia kela palapala kauoha a e hoopuka ia hoi ka palapala luna hooko ia Kamila (w), ua waihoia mai e Kamila (w) I oileloia.
Nolaila, ua kauohaia o ka POAKAHI, oia ka la 20 a FEBERUARI, 1888, ma ka hora 10 o kakahiaka, ma ka rumi hookolokolo o ia aha, ma Aliiolani hale, Honolulu, oia ka la me ka hora e hoolaio ia ai ia palapala kauoha a e hooleia ai hoi ia noi ana mai, a me na poe a pau I pili, e kue ana ia palapala kauoha, a me ka hoopuka ana I ka palapala luna hooko.
A ua kauoha hou ia, e hoolaihaia ia mea no na pule ekolu iloko o ke KUAKOA, he nupepa I pai ia a ia hoolaha ia ma Honolulu.
Kakauia ma Honolulu, Ianuari 24, 1888.
HENRY SMITH,
jy 28-3t Hope Kakauolelo.
(POO APUNI,)
I LOKO O KA AHA HOOKOLOKOLO Kiekie o ke Aupuni Hawaii:
o KALAKAUA, ma ka Iokomaikai o ke Akua ko Hawaii Pae Aina, Moi:
I ka Ilamuku o ke Aupuni, a I ole I kona Hope, me ka mahalo:
Ke kauoha ia aku nei oe e kii aku ia Christopher K. Miller, ka mea i hoopii ia, ina e waiho mai ana oia I kana pane I kakau ia iloko o na la he iwakalua mahope iho o ka hooko ia nana o keia, e hele mai imua o ka Aha Hookolokolo Keikie ma ke kau o Ianuari o ua Aha la e malama ia ana ma ke Keena Hookolokolo o ka Hale Hookolokolo ma Honolulu, Mokupuni o Oahu, ma ka Poakahi, la 2 o Ianuari e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a Minnie E. Miller, ka mea hoopii, e like me ka mea I boakakaia iloko o kana palapala hoopii I pakuiia.
A e hoihoi mai oe I ka palapala kii me ka hoike piha o kau mau hana no ia mea.
Ikea ka Mea Hanohano A.F. JUDD, Lunakanawai Nui o ko makou Aha Hookolokolo Kiekie ma Honolulu, i keia la 15 o Novemana, M.H. 1887. (SILA)
HENRY SMITH, Kakauolelo.
Ke hooia nei au, o ka mea maluna ae he kope oiaio no ia o ka Palapala Kii ma ia hihia, a ua kauoha ua Aha la I keia la e hoolaha ia ia mea, a e hoopanee, ia ke hihia a ke kau ae o Aperila e hiki mai ana.
Kakauia ma Honolulu, Ianuari 6, 1888.
WILLIAM FOSTER,
jy 14-6t Kakauolelo.