Ka Nupepa Kuokoa, Volume XXVII, Number 4, 28 January 1888 — Page 2
| This text was transcribed by: | Francene H Aarona |
| This work is dedicated to: | Mahalo nui for allowing all to kokua with this project |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
---
No ka Makahiki ..................$ 2.00
No Hapa Mahina....................1.00
---KUIKE KA RULA.---
Poaono. Ianuari 28, 1888,
KE PII MAI NEI KA HOHONO.
---
Wahi a ke Alakai ma kona kukulu manaopepa o ka Poaha nei.---"Ke pii mai nei ka hohono o kahi poe Hawsaii e makemake ana e onou aku i ka lahui iloko o na hana limaikaika, e like me na hana o ka la 30 o Iune, 1887 i hala.
Ke manao nei makou, he hana kupono ole keia na kekahi nupepa, e hoomaikeike i na olelo e like me keia ke ano, i mea e hoonawaliwali ia ai ka mano o ka lehulehu ma o keia mau hoohikilele mano ana o peku mai ana i na hana holomua o ka aina me ka olelo mai ---" E hoouka ia ana he kaua kuloko e kekahi poe Hawaii e like me ka la 30 o Iune i hala, malalo o ke alakai ana a kekahi mau nupepa kue i ka Moi, kona Aupuni a me kona lahui kanaka. "
No makou @ o ka hana nui a ka papapai, oia kona kuai a makaala ana i ka pono o ka lehulehu me ka punuku ole ia o kona waha no na mea a pau e haawi ana i konaik e kalaimanao hooponopono Aupuni. Aole e like me keia kukulu manao, ua halahu loa aku ia mawaho o ka hana maa mau o ka papapai, eia he mau kanaka Hawaii e ma ke make nei e hoa ʻ a i ka huanaele iloko o ka aina. Ina he mea hiki oe i kela poe kanaka Hawaii ke pani i ko lakou mau waha, alaila, he mea pono e lilo lakou i huelo loa o kekahi holoholona ma na olelo oiaio o ʻ e like me keia ke ano, ka hoaleale ana o na nupepa i ka manao o ka lehulehu a me ka lahui, e malama a e makaukau no lakou iho.
O na hoalaala manao ana e like me kei, he mea pono no na mana Aupuni ke paniku aku a punuku i ko lakou @maa waha, i ike iho ai lakou, aole oia kekahi hana a ka papapai mawaho ae o ka haawi ana aku i ka lehulehu i ke kukui o ka malamalama ma na ano o ka hookele ia ana o ke Aupuni. Aole kakau e hiki ke lawe mai i na hooponopono Aupuni ana e Enelani, e like me Pohakuhauoli. @Bekunafila a me Haku @Sahsebare, ua hoopuka ia na olelo e like me ke a ke ano, oiai ko lakou wa e hakoko ana no ke kaula kohi o ke aupuni. Mana hooponopono Aupuni kuwaho ana, o ka wa e makaukau ai, oia ka manawa kamailio me ka hoike aku i ka puuwai o ka wiwo ole, pela i lawe ai o Bekunafila i ka hanohano nui iloko o ka Aha Uwapo Berelina, ma ka lilo ana o ka mokupuni o Kupero ia Enelani me ke kulu ole o hookahi koko, kahi i olelo ia i keia la---ke ki nana e wehe ke alahele moana iloko o ke Kai Eleele. Nolaila, e hoomanao i ka olelo a kahiko--- "E pani ka waha a nihi ka hele ʻ na i ka uka o Puna. "
---
HOOMAEMAE I NA HOME.
---
O ka hoomaemae i na home a me ke kapae ana aku i na mea e loaa mai ai o na ea ino, oia ka kakou a pau e makaala loa ai iloko o keia mau la, a ka mai samola poki e pahola mai la ma Kapalakiko, a e hoomalu ia nei hoi na eemoku maloko o kekahi mau wahi o ke kulanakauhale nei.
E like me ko kakou nui makaala a me kiai ana me ka pihoihoi, e loaa ana no kakou ma o ka makaikai ana mai o na mai lele o keia ano i kahi wa. Malia paha, o ko kakou noho maemae ana maloko o na home a me ko kakou mau pa, he mau kumu ia e ano kanahai iki mai ai o ke palahalaha loa ana aku o keia mai weliweli a kakou e poina ole ai, a ahele aku i ka nui loa a me ka hoopoino ana mai ia kakou. A oiai, he awa hapalua like ko kakou o ke alahele moana no na moku o na ano a pau, aole e nele ko lakou kipa mai i o kakou nei. Nolaila, ma ko kakou mailani loaa na i ka maemae a me ke kiai makaala ana a ka Papa Ola, pela e palua ia ai ko kakou maalahi ma ke alahele e kapae aku ai i ke kipa ana mai o keia mai ma ko kakou mau ipuka hale.
---
KA HAIOLELO MA KAWAIAHAO.
---
I ke ahiahi Sabati i hala, i malamaia ai he halawai me kekahi mau olelo holanalana manao mai ka Lunakanawai Kiekie mai. Ua hai mai oia no kona piha mahalo i ka holomua o na lawelawe ana o na Ahahui e alakai ai i na opio Hawaii ma ke alahele o ka olelo o ke ola, a o ka oi loa aku nae, o ka lawe ana o na Hawaii e lilo i mau kauwa hana. Ua hai mai oia,--- o ka oihana kahunapule, he oihana ano nui ia a ke kanaka e lawelawe ai ma na wahi a pau o ke ao nei a i na mea no a pau. O ka makou wale no e olelo ae ai, e hahai aku me ka piha o ka manaolana i na noonoo o ka hooi ana aku i ko ka mua a he mea kanalua ole ka lilo ana ia kakou o ka hae o ka lanakila, a he kumu ao hoi no na hanauna o keia mua aku.
KA MANAO O KEKAHI ALIIKOA KUKINI.
---
Ua palapala aku o Kenela Kauibara o Rukini maloko o kekahi leta i kona hoaloha ma Viena me keia mau olelo. "I ko kakou wa e hui launa ana ma Sofia, he lehulehu na me ano nui i loli ano e ae mai kahi lima aku a i kahi. Aka, e hoomanao iho oe e kuu hoaloha, he hokahi mea ano nui aole e hiki ke hoololi ia, oia ka Rusia olelo hoohoo no naninau hooponopono Aupuni o Europa, e palalewa ia nei ma ka oioi o ka pahikaua, ma no ka ʻ u mau olelo mua i hai aku ai ia Bulegaria iloko o ka makahiki 1886. E hiki mai no ka la hope loa o ka hopena o ke ao nei, aole loa o Rusia mamua ae o ia manawa, e haawi aku i kona ae ana e haule hia kona hanohano mai iaia aku.
---
KA MOIWAHINE VITORIA
---
E olelo ana kekahi o na nupepa ma Enelani, he Moiwahine o Vitoria i maa ole a i kamaaiana nui ole ia e ka hapanui o kona lahui kanaka, mamua o kekahi poe kakaikahi wa le no i ike maka aku iaia a me kona mau helehelena.
Ua hiki ke koho ia aku ma ka helu kiekie ana, he 15 pa keneta wale no o ka lahui Pelekane, i kamaaina i kana mau hana a me kona helehelena e noho ana maloko o ke kulanakkauhale o Ladana. Ma ka inoa, oia ka mea i paanaau ma ka waha o na elemakule a me na kamalii a me ko ke ao nei a puni, a o ka ike maka ana aku iaia, he mea paakiki loa ia o ka loaa ana he wa kupono.
Ua lawe oia i ka hapanui o kona manawa, ma na mea e pili ana i kona Aupuni, a oia ke kumu o kona kaawale nui ole ana mai kona nohoalii mai. O na ninau kuloko a me na ninau kuwaho e pili ana i ke Aupuni a me ka holomua ana o ka pono o na Ekalesia, oia kana e hoolilo nui loa ai i kona manawa i na wa a pau, a no laila ke kumu i loaa ole ai he wa kaawale nona e heʻe makaikai ai i ke kulanakauhale. Maloko o kona haalealii, malaila mau oia e loaa ai i na Luna Aupuni, a e noho no oia me lakou a hiki i ka wa e pau ai o ka hana, me ka hoopanee ole i ka hana o keia la no kekahi la ae.
I ko@ wae makemake ai i ka makaikai ao ka hoolana ana aku ma ke kahi wahi okoa aku, o Farani, oia kahi mau ana e lele ai a hoohala no kekahi mau ia, a na ike mau ia oia ma na wahi hoikeike a me na anaina hoolaulea, a ua k@ @ a me na anaina hoolaulea, a ua k@ @ na mea a pau o ke kulanakauhale o Parisa i kona mau hele helena, a oia ka na nupepa o Parisa e kamailio ai no kona oluolu ma ka hui launa pu ana me na makaainana. Ua oi loa aku kona kaulana ma Farani ma ka waha o na tausani kanaka, mamua o kona noho ana ma Enelani, aole i loaa he wa e ike ai o kona mau makaainana iaia ma na wahi hoikeike, oiai ua pani paa aku oia iaia iloko o kona haleaii, ma na lawelawe e pili ana i ka hana a me ka hooholomua ana i kona Aupuni.
---
Kela me Keia.
---
Kau makou i ka nuku i keia kakahiaka, hookahi no ke Kanawai, piha pu ka aoao ekolu.
I keia Poalua ae, e noho ai ke Kau Kiure Kaapuni o ka mokupuni kaili la o lalo.
E kii ae ka mea nona kela mamalu e waiho nei maloko o ka hale haawi laau o ka Papa Ola ma Kapamoo.
I ka Poakolu o keia pule ae, Feb. 1, e malama ia ai e ka Aha Kiekie, he Kau Kiure Kuikawa no na hihia pau ole i koe o keia kau o Ianuari, ma ka hora 10 kakahiaka, ma Aliiolani Hale.
No ka palahehe ole i keia manawa, nolaila aohe o ma ka hale haawi laau o ka Papa Ola i keia mau la. Ma keia mokuahi ae e loaa mai ai ka palahehe, alaila, hele nui ae e o.
Ua hookohu aku ke Alii ka Moi i na keonimana malalo iho, i mau Komisina e hoike mai i na Kanawai o ka Aha Hookolokolo, oia o S. B. Dole, A. S. Hartwell me C. W. Ashford.
I pa Poalua o keia pule iho nei, i hoomaopopo loa ia mai ai ka waiho aku o J. L. Kaulukou, i ka Oihana Ilamuku Nui o ke Aupuni. A hiki mai i kei la a makou e puka akua nei, aole no i loaa ke kanaka kupono e pii ai ia makalua.
Ke holomua nei na lawelawe o ke kukulu ana o ka Ogana hou o ka luakini o Kaumakapili, a iloko paha o keia mau la pokole aku, e lohe ai kakou i ka honehone o kona mau kileo ma na leo mele o ke Akua hale.
He halawai makaainana ka kekahi mau Hawaii i malama ae mawaho iho o ka Hale Paikau kahiko i ke ahiahi Poaono nei. Ua koho ia he mau komite o elima lala e ike aku i ka Moi, a niki i keia la, aole i maopopo loa ka loaa ana mai o kekahi pane i ke komite.
I nehinei i hookaa aku ai ke keena kalaiaina i kela aie kahiko loa i ka mokuahi Mokolii no ka holoholo ana mawaena o Molokai, Lanai a me Lahaina, mai ka makahiki 1884 mai. Ina aole i hemo o Kipikona, ke pookoi nei no ke aupuni i ke koikoiia e keia aie e keia Ahahui, ka hui hoi nana e hoomaalahi nei i na makamaka holo moana o kakou nei mana mokuahi.
No Samoa Mai.
---
O keia leta malalo iho, oia ka palapala i kakauia e kekahi o na kamaaina Amerika, e noho ana ma Apia, Samoa, a hoouna aku i Kapalakiko no ka hoolaha ana maloko o ko laila mau nupepa o ka la 8 o Novemaba 1887, oia keia malalo iho.
Ua hai mua ia aku ia oukou, ka lawe pio ia ana oka Moi Malietoa e ka ma na kaua moana o Geremania. Ua holo aku oia no Auseteralia, a mailaila aku paha no Geremania, kahi hoi i kupono ole nona enoho ai ma ia wahi paa mau o ke anu me ka hau. Ua lawe ia mai he luno i o makou nei, ua make ke kaikuaana o Malietoa maka huakai i haalele mai ai ia Samoa nei aholo aku no Auseteralia. Ua huna loa na Geremania i keia mea, a o na leta a me na nupepa, oia ka makou mea makemake loa e loaa mai, a ike ia hoi kahi i lawe ia aku ai o Malietoa a me ka make ana o kona kaikuaana.
I ka manawa i ku mai ai ka mokukaua Amerika Adama i Apia nei, ua ano noho malie a mumule loa na koa Geremania mai ko lakou hoomakaʻukaʻu ana mai ina kanaka Samoa me ka lakou mau pu. Mamua aku, aole he manaolana no ka maluhia ka hele ana ma na alanui, o hookui ia mai oe e na koa Geremania e holo nui ana maluna o na lio o na kamaaina a kokoke e pau ke ola o ka holoholona, a o ka oi loa aku nae, oia no ka la Sabati. Ua hoolimalima aku kekahi i ka lio o na kanaka Samoa no kekahi mau hora, a i ka wa e pau ai o kana holo ana, ua lilo aku la i kekahi, a pela a hiki i ka po ana, ua hookuu wale ia aku la no ma na alanui.
He mau la kakaikahi i hala ae nei, ua haalele aku la ka hapanui ona ukali a me kekahi mau luna aupuni e ae o Tamasese ka Moi kipi, a huli hoi aku no ko lakou mau home pakahi. Ua hai ae lakou, aole na lakou i hana kela kumukanawai hou a me ka Ahaolelo Elele, aka, na ka ikaika o na aumoku Geremania, a o ko lakou ike mua loa ana, ua kapili ia ua kumukanawai hou la ma na kumu nui a puni ke kulanakauhale. He hupo nui o Tamasese, a ke waiho ia na Samoa e lawelawe hou kona hooponopono ana, aole e loihi na la a kau hou no i Malietoa elua ma ka nohoalii o Samoa.
O na kanaka Amerika a pau e noho nei ma Samoa, aohe a lakou mau mapuna olelo mawaho ae oka leo o ka mahalo, koe waleiho no, o ka haawi aku i na tausani hoomaikai he nui wale i ko lakou Kanikela, ma o kona kupaa ana i ka pono kaulike e hana ia, mawaena iho o lakou a me n alawelawe ana a na koa Geremania. Ua lawe ae o Amerika i ka lono oiaio ole mai Berelina mai, aole nae mai ia makou aku, ka poe hoi e noho ana maluna o ka aina, a i ole la hoi, mai ke kanaka a ke aupuni i hoonoho mai ai e malama i kana hana ma ia wahi.
Iloko o na nupepa Geremania, ua pai ia ka moolelo o kela haunaele ana i ka po o ka la hanau o ka Emepera, a e hoike aku ana i na mea i hana ia i kela po, a i ulu mai ai hoi keia haunaele a hulihia ai ka Moi Malietoa mai kona Nohoalii mai.
Ua malama ia ka ahaaina lealea la hanau o ka Emepera maloko o ka hale ulumaika o kekahi kanaka Geremania, e pili pu ana me kona hale kuai rama. Ua haawi nui ia na mea inu i ka poe i hele aku i ua hale la, a he piha hauoli nui loa iho la i ke anaina holookoa me na leo huro hauoli e wawalo ana i ka lewa.
Oiai keia mau minute o ka hauoli e lealea ia ana e na Geremania, ua puka ae la kekahi kanaka Samoa he unuhi olelo na ke Kanikela Geremania me kona mau lako o ke kaua ma o kona inu nui ana i ka rama, a ua hopu koke ia oia e na Geremania a hoopaa ia aku la me ka hana ino ia, a no ia kumu, ua aluka mai la na kanaka Samoa e hookuu aku iaia, a o ka hoomaka ana iho la keia o ka haunaele mawaena o na Samoa a me na Geremania.
Ua holo aku kekahi o na poe Geremania iloko o na hale o na Samoa a hanaino aku la a oi mamua o ka mea kupono, a no ia mea, ua inaina loa ia na Samoa me ka piha i ka huhu, a hoomaka aku la lakou me ka heluna nui e hakaka a pilipu na kanaka Geremania. Ua hoouna koke ia aku la ka Lunakanawai o Apia i ua po la, he kanaka Geremania no ia, ua hele mai oia i kahi o ka haunaele, a o kana i hana ai, ua haawi aku oia i kana olelo---a hewa na Geremania a e hookuu i kela kanaka kauwa.
I ke kakahiaka ae o kekahi la, ua ike ia aku kekahi poe Geremania, ua eha i kona ihu a ua pohole a pehu ka maka. Ua hiki ke hoomaopopo ia, aole no ka haunaele wale ke kumu o ko lakou eha ana, aka, no ka ona rama kekumu nui o ka eha ana. Ua hoi aku kela a me keia Geremania i uapo la me ka hookui ana i kapa a me na pohaku, a malia paha oia ke kumu o ka eha o ko lakou ihu a me na maka.
O keia poe Geremania i hoohaunaele iho la, o lakou no kekahi poe i hoohenehene ai i ka Elele Hawaii J. E. Bush, he ona rama kana hana ma ua hotele la iloko o ka mahinao Ianuari o kela makahiki aku nei i hala.
O keia aʻu i hoike aku la, oia wale iho la no ke kumu o ke ala ana mai nei o kela hookahuli aupuni a na aumoku Geremania ma Samoa, a kipaku ia ai ka Moi Malietoa mai kona Nohoalii aku e ka manao lili a me ka manao ino o ke Komodoa o kela mau aumoku kaua, a na Kanikela Amerika a me Beritania e kue loa nei, aole e ike aku ia Tamasese oia ka Moi o Samoa.
MA KE KAUOHA.
Ua hookoha ia aku i keia ia , o REV. P. K. F. AUPUNI i Agena Hooke Mare iloko o keia Aupuni .
L. A. THURSTON Kuhina Kalaiaina. Keena Kalaiaina Jan. 17, 1888. jy21 3t
Ua hookoha ia aku o THOMAS WILLIAM HOBRON i keia la, he @Noaeve no ka lehulehu no na Aha Hookolokolo Kaapuni o ke Aupuni. L. A. THURSTON, Kuhina Kalaiaina Keena Kalaiaina Jan. 17, 1888. 2104 3t
KUAI O NA AINA AUPUNI.
---
E kuai na aku ana ma ke Kukala akea, ma ke ako iho o Aliiolani Hale, i ka Poakolu, Feb. 22, 1888, hora 12 awakea keia mau aina aupuni malalo iho.
1-Hookahi apana aina apana 13. e waiho la ma Kahiko Kona Hema, Hawaii nona ka lii @i eka. Koho Kiekie. $50.00
2-Hookahi apana aina o "Puamaneoneo i ma Kaupo, Maui nona ko lii he 116-2-10 eka. Koho kiekie $200.00
L. A. THURSTON. Kuhina Kalaiaina. Keena Kalaiaina, Jan. 19, 1888. jy21 3t
Ua oluolu i ke Alii ka Moi. ka hookohu ana aku ia THOMAS G. THRUM, a Luna Kakau Kope Nui no ke Aupuni.
Keena Kalaiaina. Jan. 6, 1888. 2162-jn @ 3t
KUAI O NA AINA AUPUNI.
---
Ma ka Poakolu, Feberaari 15, 1888, ma ke alo o Aliiolani Hale i ka hora 12 awakea, e kuai ia aku ana ma ke akua, he apana aina ma ke awawa o Kalihi, mokupuni o Oahu, i kapa a o Mahani, nona aa eka he 18-1-10. He aina kupono keia no ka hanai holoholona. Mai ka $250 pii aku iluna. L. A. THURSTON. Kuhina Kalaiaina.
Keena Kalaiaina Jan. 10, 1888. 2163 jn 14 3t
OLELO HOOLAHA NO KA O LIMA.
---
E ike auanei na mea a pau, ua akaukau ka Papa Ola e haawi i ka o lima ana me ka uku ole i na mea a pau i o ole ia, a ke kauoha ia aku nei na makua a mea paha e paa ana i ke keiki e like me ia i kuhikuhi ia e na pauku 311 a me 312 o ke Kanawai Kivila, e hele mai ma ka Hale Haawi Laau o ka Papa Ola ma Kapamoo, ma alanui Hotele, ma na hora hana o ke kauka Aupuni i hai ia malalo iho nei:
{ Mai ka hora 8
Hora Hana { a ka hora 10
{ kakahiaka. N. B. EMERSON, Pelekikena o ka Papa Ola. jn 6-6m
MA NA MEA E PILI ANA I NA
KAHU MALAMA WAIWAI O
KA LUAKINI A EKALE-
SIA O KAUKEANO.
---
NO KA MEA, he Ahahui i hoopuka mua ia ka ae ma ka inoa " Ka Luakini a Ekalesia Haole Elua o Honolulu, " a oia inoa a me ia ano, ua hoololi ia mamuli o kekahi Olelo Hooholo a ka Ahakukamalu, ma ka la 28 o Ianuari, 1856, a o " Na Kahu Malama Waiwai o ka Luakini a me ka Ekalesia o Kaukeano, " i kulike ai me na kanawai i hana ia e pili ana ia mea, ua waiho pono mai me ka mea nona ka inoa malalo iho nei, he palapala noi e hoopau i ua Ahahui la, a me kekahi palapala hooia i pakui pu ia, e like me ka mea i kauoha ia e ke kanawai ; a nolaila.
Ke haawi ia aku nei ka hoolaha i na mea a pau i kuleana a e noho kuleana nei ma kekahi ano iloko o ua Ahahui nei, o na kue no ka ae ia o ua noi la i oleloia, e waiho ia ae ma ke Keena Kalaiaina ma ka la 26 o IANUARI, 1888, a mamua ae paha, a o kela a me keia mea a mau mea paha i makemake e lohe ia ka lakou ma na mea e pili ana, e hiki kino ae ma ua Keena Kalaiaina la, ma Aliiolani Hale, Honolulu, i ka hora 11 o ke kakahiaka o ua la nei, a e hoike ae i na kumu e hiki ole ai ke ae ia ua noi la.
( Kakauinoaia ) L. A. THURSTON, Kuhina Kalaiaina. Keena Kalaiaina, Nov. 23, 1887. 2156-10t
Aha HOOKOLOKOLO KIEKIE O ko awaii Pae Aina. Ma ka hooponopono waiwai. Ma ka hana o ka waiwai o Kahula (w), o Honolulu, Oahu, i make. Olelo kauoha e koho ana i la e hooia ia ai ka palapala kauoha a no ka haolaha ana.
No ka mea ma ka la 24 o Ianuari, 1888, waihoia mai imua o ka aha kekahi palapala i olelo ia, oia no ke kauoha hope loa a Kahula (w) i make aku la; a me ka palapala hoopii e noi anae hooiaioia kela palapala kauoha a e hoopuka ia hoi ka palapala luna hooko ia Kamila (w), ua waihoia mai e Kamila (w) i oleloia.
Nolaila, ua kauohaia o ka POAKAHI, oia ka la 20 a FEBERUARI, 1888, ma ka hora 10 o kakahiaka, ma ka rumi hookolokolo o ia aha, ma Aliiolani hale, Honolulu, oia ka la me ka hora e hooiaio ia ai ia palapala kauoha a e hooleia ai hoi ia noi ana mai, a me na oe a pau i pili, e kue ana ia palapala kauoha, a me ka hoopuka ana i ka palapala luna hooko.
A ua kauoha hou ia, e hoolahaia ia mea no na pule ekolu iloko o ke KUOKOA, he nupepa i pai ia a i hoolaha ia ma Honolulu.
Kakauia ma Honolulu, Ianuari 24, 1888. Na ka Aha : HENRY SMITH, Hope Kakauolelo. jy 28-3t
MA KE Keena o ka Lunakanawai Kaapuni apana Ekolu o ko Hawaii Pae Aina. Ma ka waiwai o Keliaukai; no Kona, Hema, Hawaii, i make.
Ua heluheluia a ua waihoia ka palapala noi a Kaumu (w), no Kona-hema, e noi ana e hoonoho ia oia i Lunahooponopono no ka waiwai o Keliiaukai (k) ua make kauoha ole.
Nolaila, ua kauoha ia na mea a pau i pili, o ka POAHA, oia ka la 15 o MARAKI, 1888, i kahora 9 kakahiaka, ma ka hale hookolokolo ma Hookena, Kona-hema, oia kahi a me ka manawa i koho ia no ka hoolohe ana i ua noi la a me ka poe kue ke hoike ia. S. L. AUSTIN, L. K. Kaapuni, Hilo, Ianuari 16, 1888. jy 28-3t
MA KE Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o Nakooka (w), no Kalia, Kona-hema, Hawaii i make.
Ua heluhelu ia a ua waihoia ka palapala noi a Kapule (w), e noi ana e hoonoho ia oia i lunahooponopono no ka waiwai o Nakooka, no Kealia, Kona-hema, i make kauoha ole.
Nolaila, ua kauoha ia na mea a pau i pili, o ka POAHA, oia ka la 15 o MARAKI, 1888 i ka hora 9 kakahiaka, ma Hookena, Kona-hema, Hawaii, oia kahi me ka manawa i kohoia no ka hoolohe ana i ua noi la a me ka poe kue ke hoike ia.
S. L. AUSTIN. L. K. Kaapuni. Hilo, Ianuari 14, 1888. jy 28-3t
MA KE Keena o ka Lunakanawai Kaapuni Apana Ekolu o ko Hawaii Pae Aina. Ma ka waiwai o Kaleiheana (k), no Kailua, Kona-akau, Hawai, i make.
Ua heluhelu ia a ua waihoia ka palapala noi a W. D. Kaea, ka Lunahooponopono no ka waiwai o Kalaiheana (k), no Kailua, Kona-akau, i make kauoha ole, e noi ana e aponoia kana hoike hope, a e haawi ia aku ka waiwai i na hooilina, a e hookuu aku iaia mai kona noho ana i lunahooponopono no ia waiwai.
Nolaila, ua kauoha ia na meaa pau i pili, o ka POALIMA, oia ka la 9 o MARAKI, 1888 i ka hora 10 kakahiaka, ma Keauhou, Kona-akau, Hawaii, oia kahi a me ka manawa i kohoia no ka hoolohe ana i ua noi la a me na mea kue ke hoikeia.
S. L. AUSTIN. L. K. Kaapuni. Hilo, Ianuari 16, 1888. jy 28-3t
HOOLAHA HOU.
NA LUNAKANAWAI HOOMALU
A ME NA LUNAKANAWAI
APANA O KO HAWAII
PAEAINA.
---
OAHU.
David Dayton, L. H., Honolulu, Dec. 1886
Aka Kauka, L. A., Koolaupoko, Oct. 21, 1886
I. Kaluhi, L. A., Koolauloa, Aug. 16, 1887
James Humphreys, L.A., Ewa, Apr. 6, 1887
I. P Kama, L. A., Waianae, Dec. 29, 1887
S. H. Kalamakee, L. A., Waialua, May 1, 1886
MAUI.
D. Kahaalehu L. H., Lahaina, Dek. 1, 1886
A.N.Kepoikai, L. H., Wailuku, Dec. 15, 1886
S. W. Kaai, L. A., Hana, Aug. 20, 1886
John Kalama, L. A., Makawao Apr. 1, 1886
M. Kealoha, L. A., Honuaula, Dec.1, 1886
S. K. Kupihea, L. A., Molokai, Apr 1, 1886
R. W. Meyer, L.A., Kalawao, Ian. 20, 1885
S. Kahoohalahala, L. A., Lanai Oct. 22, 1886
HAWAII.
G. W. A.Hapai, L. H., Hilo, Feb. 1, 1886
Z. Kalai, L. H., N. Kohala, Oct. 1, 188
H. Naaikauna, L. A., Hilo, Apr. 1, 1886
S. H. Mahuka, L. A., S. Kohala, Oct. 15, 1887
I. G. Hoapili, L. A., N. Kona, Ian. 1, 1886
O. H. Nahinu, L. A., S. Kona, Ian. 27, 1887
J. H. Martin, L. A., Kau, July 1, 1887
Geo. Timoteo, L. A., E. Kau, July 1, 1887
J. S. Kalana, L.A., Puna, Aug. 30, 1886
J. P. Miau, L. A., Hamakua Oct. 15, 1887
KAUAI.
Jacob Kala, L. H., Lihue, Oct. 9, 1886
A. W. Maioho, L. A., Koloa, Iune 2, 1886
J. H. Kahilina, L. A., Hanalei, Aug. 1, 1887
G. B. Meheula, L. A., Kawaihau, Aug. 2,1886
E. L. Kauai, L A., Waimea, Iulai 1, 1887
G. S. Gay, L. A., Niihau, Oct. 14, 1884
O na Lunakanawai i pai hewa ia ka manawa o ko lakou hookohuia ana, e oluolu lakou e kakau mai na ka leta, i hooponopono ia aku. Na ka @Akau HENRY SMITH. Hope Kakauolelo. 2161 6@
HOOLAHA HOOKO MORAKI
---
I KULIKE ai me ka mana kuai iloko o kekahi moraki i hana ia e Pekelo (k) o Heeia, Koolaupoko, Oahu, ia Mrs. Mahiai Robinson, ma ka la 7 o Mei, M. H. 1883, a i kope ia ma ke Keena Kope o ke Aupuni, ma Honolulu, Oahu i oleloia, ma ka Buke 79 aoao 495 me 496.
Ke hoike aku nei o Mrs. Mahiai Robinson ua makemake oia e hooko i aua moraki la no ka uhai ia ana o na kumu, oia hoi ka uku ole ia anao ke kumupaa a me ka ukupanee, a i ka wa e hooko ia ai ua moraki la, e kuai aku ana oia ma ke kudala i kekahi manawa e hoike ia aku ai ma ka hoolaha ma keia mua aku, i kela mau apana a pau loa i Wakikaia, iloko o ua moraki la i oleloia, a malalo iho hoi.
No na mea i koe, e ninau ia A. Rosa, Loio Helu 15. Alanui Kaahumanu. MAHIAI ROBINSON, Mea Moraki.
Eia iho na aina e kuai ia aku ana :---
1. Ka hapalua a pau loa i mahele ole ia o Kanaina (w) iloko o keia apana aina e waiho la ma Heeia, Koolaupoko, Oahu, a i hoakaka ia ma ka Palapala Sila nui Helu 996 Kuleana 3573, 1-25 eka, a i hoolilo ia ai ia Pekelo i olelo ia ma o kekahi palapala hoolilo i kopeia ma ke Keena Kope Buke 56 aoao 10 a me 11.
2. Ke kuleana a pau loa o Pekelo i oleloia iloko o kela apana aina e waiho la ma Kahaluu, Koolaupoko i oleloia a i hoakaka ia ma ka Palapala Sila Nui Helu 2112 Kuleana helu 2239 nona na eka he 4-49, a i hoolilo ia mai ia Pekelo ma o kekahi mau palapala hoolilo elua, i kope pakahi ia ma ke Keena Kope i olelo ia ma ka Buke 48 aoao 135 a me 136, a ma ka Buke 80 aoao 57 a me 58. jy 28-4t
AHA Hookolokolo Kaapuni Apana Elua o ko Hawaii Pae Aina. Ma ka hooponopno Waiwai. Ma ka hana o ka waiwai o Mahi (k) no Waihee, Maui i make kauoha ole. Ma ke Keena.
Ma ka heluhelu a me ka waiho ia ana mai o ka Palapala Noi a Mrs. Mary Keanu a me A. E. Keanu kana kane mare he mea i pili i ka mea i make, e hoike ana ua make kauoha ole o Mahi (k) no Waihee, Maui, ma Waihee, Maui, i ka la 3 o Novemaba, 1886, a e noi ana, e hooponopono ia ka waiwai a e hoonoho ia na hooilina.
Ua kauoha ia o ka POAHA, ka la 23 o FEBERUARI, 1888, ma ka hora 10 kakahiaka, oia ka manawa i kohoia no ka hoolohe ana i ua noi la imua o ua Lunakanawai la ma kona keena, ma ka hale hookolokolo ma Wailuku, Maui, a ma ia manawa a ma ia wahi no e hele mai ai na mea a pau i pili e hoike mai i ke kumu, ina he kuu oiaio ko lakou e ae ole ia ai ua noi la. A o keia kauoha e hoolahaia ma ka olelo Hawaii, i ekolu pule maloko o ke KUOKOA, nupepa ma Honolulu.
Kakauia ma Wailuku, Ko Hawaii Pae Aina Januari, 21st. GEO. E. RICHARDSON, Lunakanawai Kaapuni Apana H. H. P. A. jy 28-3t
MA KE Keena o ka Lunakanawai Kaapuni Apana Ekolu o Ko Hawaii Pae Aina. Ma ka waiwai o E. Uiha no Hamakua, Mokupuni o Hawaii i make
Ua heluhelu ia a ua waiho ia ka palapala noi a H. A. Kakuawela, e noi ana, e hoonoho ia oia i Lunahooponopono no ka waiwai o E. Uiha, no Hamakua, Hawaii, i make kauoha ole.
Nolaila, ua kauoha ia na mea a pau i pili, o ka POAKAHI, o ka la 20 o FEBERUARI, 1888, i ka hora 10 kakahiaka, ma ka hale hookolokolo ma Hamakua, Hawaii, oia kahi me ka manawa i kohoia no ka hoolohe ana i ua noi la a me na mea kue ke hoikeia. S. L. AUSTIN, L. K. Kaapuni. Hilo, Ianuari 16th, 1888 jy 28-3t
MA KE Keena o ka Lunakanawai Kaapuni Apana Ekolu o Ko Hawaii Pae Aina. a ka waiwai o Kiniakua (k), no Hamakua, Hawaii, i make.
Ua heluhelu ia a ua waiho ia ka palapala noi a S. W. Kauahipaula, e noi ana, e hoonoho ia oia i Lunahooponopono no ka waiiwai o Kiniakua, no Hamakua, Hawaii, i make kauoha ole.
Nolaila, ua kauoha ia na mea a pau i pili, o ka POAKAHI, oia ka la 20 o FEBERUARI, 1888, i ka hora 10 kakahiaka, ma ka hale hookolokolo ma Hamakua, Hawaii, oia kahi me ka manawa i kohoia no ka hoolohe ana i ua noi la a me na mea kue ke hoikeia. S. L. AUSTIN, L. K. Kaapuni. Hilo, Ianuari 16th, 1888. jy 28-2t
KAUKA WEBA (WEBB.)
Keena Oihana, Alanui Alakea. Kokoke i kahi o ke Komisina Amerika.
{ Mai ka hora 7 a 9 A. M.
HORA OIHANA { Mai ka hora 1 a 3 P. M.
{ Mai ka hora 7 a 8 P. M.
MA KE Keena o ka Lunakanawai Kaapuni Apana Ekolu o ko Hawaii Pae Aina. Maka waiwai o I. Lua, no Kohala Akau, i make.
Ua heluheluhelu ia a ua waiho ia ka palapala noi a E. C. Bond ka Lunahooponopono o ka waiwai o J. Lua, no Kohala Akau Hawaii, me ka palapala kauoha ua pili kuai ka aina a J. Lua e hookaa aie, a me kona hoike hope, a e haawi ia aku ka waiwai koe i na hooilina, e like me ka palapala kauoha, a e hookuu aku iaia mai kona lunahooponopono no ia waiwai.
Nolaila, ua kauoha ia na mea a pau i pili, o ka POALUA, oia ka la 28 o FEBERUARI, 1888, i ka hora 10 o kakahiaka, ma ka hale hookolokolo ma Kapaau, Kohala Akau, Hawaii, oia kahi me ka manawa i koho ia no ka hoolohe ana i ua noi la, me na mea kue ke hoikeia. S. L. AUSTIN, L. K. Kaapuni Hilo, Ianuari, 16, 1888. jy 28-3t
HOOLAHA HOU.
HOOLAHA HOOKAPU AINA.
---
E ike auaneina kanakaa pau ma keia hoolaha, ke hookapu aku nei au i na holoholona o na ano a pau e hele wale ana maluna o kuu mau aina me ke kuleana ole, a ma keia ke hoonoho a hookohu aku nei au ia Mr. Kiaha Nakaahiki a me P. K. Kahale, a me Mr. Hulihee Vicori Jr. i mau Luna nana a hopu aku i na holoholona o kela a ma keia ano, a e uku ia na holoholona e like me ke kanawai. E hoolohe i kela. D. K. KALAKOILI. Kohanaiki, N. Kona, Ianuary, 16, 1888. jy-1t
OLELO HOOLAHA.
---
E IKE na mea a pau ke nana mai i keia, owau o ka mea nona ka inoa malalo iho nei, ke haawi aku nei au i ka lohe i na mea a pau e hoaie mai ana i kau kane mare. Williama A. Powell, aole loa e kuleana kekahi haole ana iaia ma koʻu waiwai.
MRS. P. JULIA POWELL. Honolulu, Dek. 30, 1887. [ 2161 3m
AHA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o Poka (k) o Koloa, Kauai, i make. Ma ke Keena imua o ka Lunakanawai Kaapuni.
Ma ka heluhelu a me ka waiho ana mai o ka palapala noi a me ka papa hoike o A. K. Mika. Lunahooponopono o ka waiwai o Poka (k), no Koloa, i make, e noi ana e apono ia na hoolohe $30.00, a e hoike ana o na mea iloaa mai he $---, a e noi ana e nana a aponoia kela mau mea, a e kauoha ia e mahele i na waiwai e waiho ana ma kona lima i na mea i kuleana malaila, a e hookuu ana iaia me kona ma a hope mai ko lakou noho ana ma ia ano.
Ua kauohaia o ka POAONO, ka la 25 o FEBERUARI, M. H. 1888, ma ka hora 10 o kakahiaka, imua o na Lunakanawai la, ma ke Keena ma ka Hale Hookolokolo, ma Koloa, Kauai, oia kahi a me ka manawa i koho ia no ka hoolohe ana i ua noi la, a me ka papa hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha maloko o ka olelo Hawaii, e pai ia maloko o ke KUOKOA he nupepa i p i ia hoolaha ia ma Honolulu, i ekolu pale manawa ae o ka manawa i olelo ia no ka hoolohe ana, e hoomaka ana i ka la 21 o Ianuari nei.
Kakauia ma Koloa, ko Hawai Pae Aina, i keia la 10 o Ianuari, M. H. 1888. JACOB HARDY,
Lunakanawai o ka Aha Kaapuni Apana Eha. jy 14-3t
{ POO AUPUNI. }
---
ILOKO O KA AHA HOOKOLOKOLO Kiekie o ke Aupuni Hawaii.
KALAKAUA, ma ka lokomaikai o ke Akua o ko Hawaii Pae Aina, Moi :
I ka Hamuku o ke Aupuni, a i ole i kona Hope, me ka mahalo :
Ke kauoha ia aku nei oe e kii aku ia Thos. W. Manchester, ka mea i hoopiiia, ina e waiho mai ana oia i kana pane i kakau ia iloko o na la he iwakalua mahope iho o ka hooko ia ana o keia, e hele mai imua o ka Aha Hookolokolo Kiekie ma ke kau o Ianuari o ua Aha la e malama ia ana ma ke Keena Hookolokolo o ka Hale Hookolokolo ma Honolulu, Mokupuni o Oahu, ma ka Poakahi, la 2 o Ianuari, e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a Luluhipolani Manchester, ka mea hoopii, e like me kana mea i hoakaka ia iloko o kana palapala hoopii i pakuiia.
A e hoihoi mai oe i ka palapla kii me ka hoike piha o kau mau hana no ia mea.
Ikea ka Mea Hanohano, A. F.
JUDD, Lunakanawai Nui o ko
[ SILA] makou Aha Hookolokolo Kiekie,
ma Honolulu, i keia la 28 o Sepa-
temaba, M. H. 1887. HENRY SMITH. Hope Kakauolelo.
Ke hooia nei au, o ka mea maluna ae he kope oiaio no ia o ka Palapala Kii ma ia hihia, a ua kauoha ua Aha la i keia la e hoolahaia ia mea, ae hoopanee ia ka hihia a ke kau ae o Aperila e hiki mai ana.
Kakauia ma Honolulu, Ianuari 14, 1888. WILLIAM FOSTER, Kakauolelo. jy 14-6t
[ POO AUPUNI. ]
ILOKO O KA AHA HOOKOLOKOLO Kiekie o ke Aupuni Hawaii :
KALAKAUA, ma ka lokomaikai o ke Akua o ko Hawaii Pae Aina, Moi :
I ka Hamuku o ke Aupuni, a i ole i kona Hope, me ka maalo :
Ke kauoha ia aku nei oe e kii aku ia Christopher K. Miller, ka mea i hoopii ia, ina e waiho mai ana oia i kana pane i kakau ia iloko o na la he iwakalua mahope iho o ka hooko ia ana o keia, e hele mai imua o ka Aha Hookolokolo Kiekie ma ke kau o Ianuari o ua Aha lae malamaia ana ma ke Keena Hookolokolo o ka Hale Hookolokolo ma Honolulu, Mokupuni o Oahu, ma ka Poakahi, la 2 o Ianuari e hiki mai ana, ma ka hora 10 kakahiaka, e hoike mai no ke aha la e ae ole ia ai ke noi a Minnie E. Miller, ka mea hoopii, e like ma ka mea i hoakakaia iloko o kana palapala hoopii i pakuiia.
A e hoihoi mai oe i ka palapala kii me ka hoike piha o kau mau hana no ia mea.
Ikea ka Mea Hanohano A. F.
JUDD. Lunakanawai Nui o ko
[ SILA ] makou Aha Hookolokolo Kiekie
ma Honolulu, i keia la 15 o Nove
maba, M. H. 1887. HENRY SMITH, Kakauolelo.
Ke hooia nei au, o ka mea maluna ae he kope oiaio no ia o ka Palapala Kii ma ia hihia, a ua kauoha ua Aha la i keia la e hoolaha ia ia mea, a e hoopanee ia ka hihia a ke kau ae o Aperila e hiki mai ana.
Kakauia ma Honolulu, Ianuari 6, 1888. WILLIAM FOSTER, Kakauolelo. jy 14-6t
HOOLAHA HOOKO MORAKI ME KE KUAI.
---
MAMULI o kekahi mana kuai i hoike ia maloko o kekahi palapala moraki i hanaia mawaena o Philip Contretes o Kapaa, Mokupuni o Kauai, o ka aoao mua, a me A. J. Cartwright Jr. o ka aoao elua, ma ka la 8 o Ianuari, 1885, i kakau kope ia ma ke Keena o ka Luna Kakau Kope o ke Aupuni ma Honolulu, ma ka Buke 93 aoao 7849, a mamuli o ka uhaiia ana o na kumu aelike o kela moraki, no ka uku ole ana i ka kuupaa a me ka ukupanee, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia-hooko ana, e Kudala akea ana ia i ka aina i hoike ia ma ia moraki, e like me na hoakaka ana malalo iho, ma ka la 15 o Feberuari, 1888, ma ke Keena Kudala o J. F. Morgan, ma Honolulu, Mokupuni o Oahu, ma ka hora 12 o ke awakea o ia la.
No na mea i koe, e ninau ia J. M. Monsarrat, Loio ma ke Kanawai. A. J. CARTWRIGHT JR., Mea Moraki.
Honolulu, Ianuari 21, 1888.
O keia iho na aina e kuai ia aku :---
O kela mau apana aina ekolu e waiho la ma Kapaa i oleloia a i hoike ia penei---Apana helu 1, nona ka ili ho 2 eka 2 Ruda a me 5 Peka a oia no hoi ka apana 1 o ka Palapala helu 7525 i haawiia ia Kiau---Apana helu 2, nona ka ili he 4 eka 3 Ruda a me 28 Peka, a oia no hoi ka apana 1 o ka Palapala Kuleana helu 3638 Palapala Sila Nui helu 7526 e haawi ia ia Huluili---Apana helu 3, oia ka 1/2 mahele ole ia o ka aina nona ka ili he 1 Ruda 31 Peka a oia hoi ka apana 2 o ka Palapala Kuleana helu 3638 Palapala Sila Nui helu 7526 i haawiia ia Huluili ; o keia mau aina a pau hoakaka ia maluna, oia ka aina i hoolilo ia i ka aoao mua e Hookela (w) a me Mokuwi kana kane mare ma o ka palapala kuai i hanaia ma ka la 13 o Dekemaba, 1884, a i kope ia ma ka Buke 93 aoao 6 a me 7, jy 14-4t
HOOLAHA HOU.
HOOLAHA HOOKO MORAKI.
---
O ka mea nona ka inoa malalo iho nei, ma ka hui Western & Hawaiian Investment Co. Lʻt, he poe hooko waiwai no kekahi moraki i haawiia aku e John. E. Bush a me kana wahine mare i na hui Western & Hawaiian Investment Co. nei, i hana ia ma ka al 12 awakea 1882, ai hoopaa ia ma ka Buke Aupuni @ aoao 400-402, no kekahi Bila Dala N@ @ na ka huina he $5,000, e hookaa ia ai @ o na makahiki ekolu. Ua hala ae nei ka manawa i olelo ia, a he uhaki ana hoi i ka aelikei ka wa i pau ai o ka manawa e like me ke Kanawai, nolaila, e kuai ia aku ana ma ke Kudala akea kela mau apana aina Helu 267, 268, 291, 292, i hoike ia ma ka Buke Palapala Kuleana 3342, e waiho la ma Alanui Beritana, Kulaokahua, Honolulu.
WESTERN & HAWAIIAN INVESTMENT CO. @ Jan., 19, 1888. @
KUAI A KA HOPE LUNA HOOKO WAIWAI.
---
O ka mea nona ka inoa malalo nei, ke Hope Luna Hooko Waiwai o JOACHIM ZABLAN, e kuai kudala ia aku ana ma ke kudala akea ma ka rumi kudala o J. F. Morgan, o ka POAKOLU, FEB. 22, hora 12 awakea, keia apana aina e waiho la ma Halawa, Kohala Akau, Hawaii, me na hale a me na pono a pau maluna o ka aina. He hale hou loa ke ia i lako me na lako wai a hale kuke no ekolu wale no makahiki o ke ku ana.
E kuai ia ana na lako a pau maluna o na aina mamuli o kekahi moraki 1800 ia J. Wright, a i kope ia hoi ma ka Buke 97, aoao 48-49. Ua hiki no ke ae ia ka mea kuai mau e hooloihi aku i ka manawa o ka moraki, me ke apono ana mai i ka $1,000 e waiho pu ia me ka moraki no na makahiki elua a ekolu paha, a na ua mea kuai la e aku akua ia J. Wright mawaena o ka $2,000 a me ka $ 1,200. Na ka mea kuai e uku na lilo o ke panihakahaka ana a waiho aku ia J. Wright.
O na kanaka a pau e makemake ana e kela i keia mau pono, e ninau ae lakou ia Mr. Wright, a i ole, i ka mea nona ka inoa m@ iho nei. W. C. PARKE, Luna Hooko Waiwai o J. Zablan.
Na aina e kuai ia ana: R. P. 5440 no Na kiaha : E hoomaka ana ma ka pohaku i hailona ia e pili ana i ko S. Molale ma ka iwi o ka loi liilii a holo aku a@. 18 HA@ kaul. a i ka pohaku nui i hoailona ia @ ko Naukana pohaku, he 87 Hiki. 9.70 @ ma ko Naukana a i ka pohaku i hoailona a @ alai a he 11 Kom. i ko S. Molale pohaku hoailona ia 4.44 kau. malaila ku i @ i hoomaka ai, Hi. 3 eka, 7 kaul. @ @
HOOLAHA HOOKO MORAKI ME KE KUAI.
---
MAMULI O KEKAHI MANA KUAI i hoike ia maloko o kekahi Palapala Moraki i hanaia mawaena o R. P. Kahookele o Hana, Mokupuni o Maui, o ka aoao mua a me McChesney & Son o ka aoao elua, ma ka la 15 o Nov. 1888, i kakau kope ia ma ke keena o ka Luna Kakau Kope, ma ka Buke 100 aoao 440-50-51, a mamuli o ka uhai ia ana ona i kumu aelike o kela moraki, oia hoi ka uku ole i ke kumupaa me ka ukupanee nolaila ke hoolaha ia aku nei e ka mea nona ke aoao elua o ua moraki nei, e hooko ana oia ia mana kuai, a ma ia hooko ana, e kuai kudala ana ia i ka aina i hoike ia ma ia moraki e like me na hoakaka ana malalo iho ma ka POAKAHI la 6 o FEBERUARI 1888, ma ke keena kudala o J. F. Morgan, ma Honolulu, Mokupuni o Oahu, ma ka hora 12 o ke awakea o ia la.
No na mea i koe, e nina ia J. M. Monsarrat, Loio ma ke Kanawai.
Honolulu, Jan. 9th 1888. McCHESNEY & SON. Mea Moraki.
O ua apana aina la e kuai kudala ia aku ana oia keia : 1-O kela mau aina a pau loa o waiho la ma Kaukahalahala a me Palapala ma Hana, nona ka ili he 23 32-100 eka, a oia no hoi ka aina i hoomaopopo ia ma ka Palapala Sila Nui, Helu 1909 ia Kahookele, a i haawi ia aku hoi i ka aoao elua malalo o ka inoa o Piimaiwaa, Keaupuni mai a Kahookele aku, ma ka palapala i kakau ia ma ka la 7 o Dekemaba, 1886, a i kope ia ma ka Buke 73, aoao 441.
2-O kela mau wahi a pau i hoike mua ia e nei, ua hoolimalima ia aku e Keaupuni, Ka mano me S. K. Hui kanaka ne i ka mea Morakiia, ma ka la 2 o Moraki, 1886, a i kope ia ma ka buke 98, aoao 369-370.
HOOLAHA.
---
Ke hoike ia aku nei ka lohe i ke aka, ua pau koʻu halekuai i ke ahi make town o Hilo, Hawaii, nolaila, ke kono aku nei au i na makamaka o ka ua Kanilehua, no na wahi koena aie i koe i koʻu halekuai, e uku koke mai iaʻa ma Hilo, Hawaii.
O wau no C. AIONA, jy21-3t Hilo, Hawaii.
OLELO HOOLAHA.
---
Mahope aku o keia la aole au e uku ana i na aie i hoaie ia ma koʻu inoa e kuu wahine, Mary E. McGurn, me ka loaa ole o ka ae ana mai iaʻu aku i ka wa i hoaie ia ai. WILLIAM McGURN. Honolulu, Ianuari 9, 1888. 2163 1m
AHA HOOKOLOKOLO KIEKIE O ko hawai Pae Aina. Ma ka Hooponopono Waiwai. Ma ka hana o ka Waiwai o CHARLES KAHILI, o Honolulu, Oahu, i make.
Ma ka waiho ia ana mai o ka palapala noi a me ka papa hoike a Maria Kaoaopa, Lunahooponopono o ka Waiwai o Charles Kahili i oleloia, enoi ana e apono ia na hoolilo he $15, a e hoike ana, o na mea i loaa mai iaia he $---, a e noi ana e nana a apono ia kela mau mea, a e kauoha ia e mahele ia na waiwai e waiho ana ma kona lima i na mea i kuleana malaila a e hookuu ia oia mai kona noho ana ma ia ano.
Ua kauoha ia, o ka POAONO, ka la 25 o FEBERUARI, 1888. ma ka hora 10 kakahiaka, ma ke keena ma ka Hale Hookolokolo ma Aliiolani Hale, Honolulu, oia kahi a me ka manawa i koho ia no ka hoolohe ana i ua noi la, a me na papa hoike i oleloia, a o ka poe a pau i pili malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i oleloia. A e hoolahaia keia kaaoha ma ka olelo Hawaii, maloko o ke KUOKOA he nupepa i pai a i hoolahaia ma Honolulu, i ekolu pule mamua ae o ka manawa i oleloia no ka hoolohe ana.
Kakauia ma Honolulu, Ianuari 17, 1888. Na ka Aha : HENRY SMITH, Hope Kakauolelo. jy 14-3t
AHA HOOKOLOKOLO KIEKIE O ko Hawaii Pae Aina. Ma ka hooponopono waiwai. Ma ka hana o ka waiwai o Kamakauahoa (w) o Honolulu, Oahu, i make Olelo Kauoha e koho ana i la e hooiaio ia ai ka Palapala Kauoha, a no ka hoolaha ana.
No ka mea ma ka la 10 o Ianuari, 1888, ua waihoia mai imua o ka Aha kekahi Palapala, i oleloia, oia no ke Kauoha Hope Loa a Kamakauahoa (w) i make aku la ; a me ka Palapala Hoopii e noi ana e hooiaioia kela Palapala Kauoha a e hoopuka ia hoi ka Palapala Luna Hokoia Albert K. Kunuiakea ua waihoia mai e A. K. Kunuiakea.
Nolaila, ua kauohaia o ka POAKAHI oia ka la 6 o FEBERUARI, 1888, ma ka hora 10 o kakahiaka ma ka Rumi Hookolokolo o ia Aha, ma Aliiolani Hale, Honolulu, oia ka la me ka hora, e hooiaio ia ai la Palapala Kauoha a e hooloheia ai hoi ia noi ana mai, a me na poe a pau i pili ; e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolahaia ia mea no na pule ekolu iloko o ke KUOKOA he nupepa i pai ia a i hoolaha ia ma Honolulu.
Kakauia ma Honolulu, Ianuari, 10, 1888,
Na ka Aha : HENRY SMITH Hope Kakauolelo. 2163-3t.