Ka Nupepa Kuokoa, Volume XXVI, Number 52, 24 December 1887 — Page 4
| This text was transcribed by: | Diane Shiraishi |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
Nu ka Makahiki $2.00
No Kono Mahina $1.00
- KUIKE KA KULA -
@@mono Dekemaba 24, 1887.
AHAOLELO O 1887.
LA HANA 29, DEC. 8.
Halawai hou ka hale e like me ka hoopanee ana. Pule ke kahunapule, a heluheluia ka moolelo o ka la hana i hala a aponoia.
NA HANA PAU OLE.
Hoonoo hou ana i ke koena o ka bila kanawai e pili ana i ka oihana wai o Hilo, ma kona heluheiu ekolu ana.
O ke alii Waila ka mea nana keia bila kanaw. i i waiho mai, ua noonoo ia keia bila kanawai imua o kekahi komite wae a hoihoi ia mai me kekahi mau hoololi e hoakea ana i ka pono o ke aupuni iloko o na loaa o ua oihana wai nei. Ma ka Poakolu ua noonoo hou ia ua bila nei a hoololi hou ia, aole nae i hoohole ia, a ma keia la noonoo hou ia ke koena o ka bila a komo hou no na hoololi ma kahi o na hoololi mua, ma ke ano e hoohaiki ana ma ka aoao o ke aupuni; hoopaapaa loihi na hoa a hala ka hora me hapa, ua noi ia mai e hooholo i ka bila me na hoololi, koho ka Peresidena i ke alii Wilimana i lunahoomalu no ka manawa oiai e wehewehe ana oia i kona manao malua o ka bila.
Pane oia: Na'u keia bila i lawe mai me ka manao maikai no ka pono o ka aina, ua paa kuu manao e lawe i ka hoolako ana ia Hilo me ka wai no ka puka a no ke poho paha, ua moakaka ia'u ma ka bila i waihoia mai, ua lilo i ke komite e hooponopono ai a ua hoihoiia mai me kekahi hoololi, aole nae au i kue ia, ua paa no kuu manao e hana, lawe hou ia mai ka bila i hehinei no ka hooholoia, a komo hou na hoololi, i keia la hoi hapai hou ia a lehulehu na hoololi i komo mai, i keia wa ua pohihihi ka bila ia'u, nolaila ke noi nei au e hoopanee loa ia keia bila kanawai me ka manaolana e kokua pu mai ana na hoa, a ke noi pu nei au i na kala ana a ka hale no ka hoopau wale ia o ka manawa o ka hale ma keia mea, aole au e ae ana e lawe i ka hana.
Noi mai o Kakela e haawila i manawa no ka Peresidena e nana hou ai i ka bila mamua o ka hoopanee loa ana, aponoia e hoopanee a ka Poalima.
Na ke Kuhina o na aina e i pane mai no na ninau a Daniela e pili ana i ke kuikahi panailike, no ka loihi loa o ka pane, ua haawiia e @nuihi.
Hoomaha ka hale a ka hora I.
Noho hou ka Hale, a hapaiia ka noonoo ana i ka bila kanawai e hooponopono ana i ka Oihana Koa o ke Aupuni. Noho ke@omite o ka hale, ke alii Kamika lunahoomalu.
Noonoo ia na bila kanawai mua elua me na bila elua a ke komite. Ninauia ka apono i ka pauku i o ka bila a ka hapa uuku o ke komite e hoopauia ka puali koa kiai o ka Moi, ma ke noi a Kamauoha ua hooleia. Kaheaia na ae me na hoole ma ka hoololi o ka pauku i e haawi ana i ka mana i ke Kuhina Kalaiaina; he 37 ma ka hooholo, he 15 hoole, a hooholo loa ia ka pauku I me ka hoololi.
Hooholoia ka pauku 2 o ka bila a ka hapanui o ke komite me ka hoololi, e kepa a malama ke aupuni i pualikoa mau me ka uku ia o na kanaka ma na kulana a pau a e kaupalena ana i ka heluna i ke 65, &c.
Hooholoia ka pauku 5 o ka hapa uuku i pauku 3, e pili ana i ke ano o ka hoohiki ana a pela aku, a me ka pauku 6 o ia bila i pauku 4, e pili ana i ka hookolokolo ana i na koa imua o na aha hoomalu a apana paha, a ke ku ka hewa e hoopaahaoia ma ka hana oolea no 12 mahina, aole aha hookolokolo koa.
Hooholoia ka pauku 3 o ka bila a ka hapanui i pauku 5 e pili ana i ka noho o na pualikoa a pau malalo o kekahi lunakoa ma ke kulana Generala Brigadier i hookohuia e ka Moi.
Waiho mai o Ki@i he hoololi, e haawiia i uku no ke Generala Brigadier i 150 dala no ka mahina. Ninauia na ae me na hoole; ma ka ae e loaa iaia he uku, Kuhnina Waiwai, Kalaiaina me Loio, na 'lii Waila, Robikana, Young, Iega, Kakela, Kamika, Walakahauki, Poka, Wight, Hall, Townsend, Palauwina, Bailey, Make@, Wilikoki, Pakalamana; na lunamakaainana Hustace, Kimo, Naone, Kini, Helekunihi, Wilikoki, Laiki. Poe hoole; Kuhina o ka na aina e, Notley, Kalaukoa, Kauhi, C. Palaunu, F. Palaunu, Kamai, Maguire, Kauhane, Nawahine, Daniels, Kawainui, F. Gay, Nakaleka a me Paehaole.
Hoomauia ka noonoo ana no kekahi pauku ma ka bila o ka hapa uuku o ke komite a hiki i ka loaa ana be 8 pauku o ke kanawai. He 5 pauku a ka hapa nui o ke komite me 3 pauku o ka bila a ka hapa uuku.
@@@@@@@@@@@@@@@
iho mai ke 'lii Townsend, he olelo hooholo e ae ia na kakau nupepa a pau e hoolaha i na mea pili i ka laweia o na waiona mai ka Hale Dote aku me ke dute ole ia. Hoopaapaa na hoa, a ma ka hopena ua hoihoi hou ia ka olelo hooholo.
Ma ke noi ua hoopanee ka h@le a k@ hora 10 a. m. Poalima.
LA HANA 30, DEC. 9
Haiawai ka hale i ka hora 10 a. m. Poalima. Pule ke kahunapule, a heluheluia ka moolelo o ka la hana i hala a aponoia.
NA PALAPALA HOOPII.
Na Wilimana i heluhelu mai he palapaia ma ke ano he olelo hooholo mai ka Papa Kalepa mai o keia kulanakauhale. E hoike mai ana i ko lakou kue loa i ka bila kanawai e hooponopono ana i ka hele ana mai o na limahana i keia aupuni, mamuli o ka hoohaiki loa ia. Ua kono pu mai la lakou i ka hanohano o ka Ahaolelo e hoopanee ka hooholo ana i ua bila kanawai nei a hiki i ke kau mau o Mei, 1888.
Ma ke noi ua waiho ia keia palapala hoopii ma ka papa a noonoo pu me ka bila ma kona heluhelu ekolu ana.
HOIKE KOMITE WAE.
Na ke kuhina kalaiaina i pane mai no na ninau a Paehaole e pili ana i na lio o na mai lepera &c. He manao ko ka Papa Ole e hana i mau rula e hooponopono ai i ka lawe ana o na mai i mau lio no lakou a pela aku.
NA OLELO HOOHOLO ME NA BILA.
Na Kalaukoa he mau ninau i ke Ku hina o na Aina E: I E hoomau aku ana anei ke aupuni i ka hoouna ana i na keiki Hawaii no ka hoo@aauao ana ma na Aina E ma keia hope aku? Ina e hoomau aku ana ke aupuni i ka hoouna ana, pehea ka hoouna ana, a pehea ka wae ana i na keiki Hawaii no ka hoonaauao ana i na Aina E.?
Pane pokole ke Kuhina o na Aina E, e hoomau ia no ka hoouna ana i na keiki Hawaii ma na Aina E, ke hoomau ka Ahaolelo i ka hookaawale ana i haawina no ia hana.
Na Kalaukoa hou no he mau ninau i ke Komite o na Buke Helu: I Ma ke ano hea i uku ia ai na lilo no ka uku mile o na 'lii mai na mokupani n ai, ma ke ano he mau lala lakou no keia Hale. 2 Ua hoakaka ia anei ma ke kanawai me ke kumukanawai he uku mile ko ka hele ana mai o na 'lii iloko o keia hale? 3 Aole anei ua kue keia lawe ana o na 'lii i ka uku mile i ka pauku 58, hapa hope o ia pauku o ke kumukanawai?
No ka mea, wahi ana, aole olelo hooholo o ia ano i hooholo ia e ka Ahaolelo, a ua uku ia na uku mile ma ka hooholo ana a ke komite. Eia ka pane a ka Innahoomalu o ke komite o na Buke Helu: Ua manao ke komite he mea pono ka hookaa ana i ka uku mile i na 'lii - aole keia he uku ia lakou - aole no i haawiia ka uku mile i na 'lii me na lunamakaainana o Honolulu - maha paha ua hewa makou.
Ku mai o Kakela a ninau, ma ka rula hea la e hiki ai ke noonoo ia keia mau ninau, a he mea pono i ka noho ke ru la mai.
Hoakaka mai ka Peresidena ua hala keia mau ninau mawaho o na rula a ma ka hoopii ia ana imua o ka bale, ua aponoia ka rula ana a ka Peresidena, a ua hookiia na kamailio ana.
NA HANA O KA LA.
Heluhelu ekahi ia ka bila kanawai e hooponopono ana i ka hele ana mai o na limahana pake iloko o keia aupuni, noi mai ke 'lii Wilimana e waihoia ka bila i ke komite wae a e hoike mai i ke kau mau o Mei, 1888. Ma ka ninau ia ana ua hooholoia.
Komo ka hale iloko o ka hoopaapaa a no ka hopena, ua hoomaha ka hale a hora I.
Noho hou ka hale hora I:13. Hapai hou ia ka noonoo ana i ka bila ma ke noi a ke Kuhina Kalaiaina.
Noi ke 'lii Kamika he mea pono e hoihoi ia keia bila i kekahi komite wae na lakou e hooponopono hou a hoike koke mai i ka hale i ke kakahiaka o ka la apopo a i ka Poakahi aku paha, mamua o ka haawi ana i kekahi komite a hoike mai iloko o kela kau.
Pane ke 'lii Kakela ma ka aoao e hoopanee a ke kau mau; o na pane a ke 'lii Kamika, e ala mai ana he paewa paha i ko lakou kulana, a pela aku; manao oia he mau olelo hooweliweli wale no ia.
Aole i ku ka hanohano o keia hale e hoolohe i keia mau olelo hooweliweli, a ma na mea like. A in a e waiho io ana na kuhina i ko lakou mau noho, ua hoike ia ko lakou ano kamalii a pela aku.
Kamailio o Kini me ke Kuhina Waiwai ma ka aoao e hoohaiki ana i ke komo ana mai o na limahana Pake, a kokua pu i ka haawi ana i kekahi komite wae.
Ma ka ninau ia ana ua ae ia e hapai hou ka moonoo ana.
Noi ke 'lii Halauwina e haawi ia ka bila i kekahi komite w@e 7 lala, me ka hoike @oke mai i ke kakahiaka o ka la @@@ ka manawa no @@@@ wi hou @@ ka @
Koho ka noho ia Balauwina, Kakela Dole, Rikikini, Robikana, ke Kuhina o na Aina E a me Kamika.
Na ka Peresidena i hoi mai i ka hale e kapae ia na r@la a aponoia.
Waiho mai oia be pane moi ka Moi e hoike m@ ana i k@@ kakaainoa ole malalo o na bila kaniwai e hoopua ana i ka oihana Kiaaina, a me kekahi bila e hooponopono ana i ke@@hi mao hana a na Kiaaina mamao.
Noi ke 'lii Kokeia e hookaawale ia ka Poakihi la 19 o keia mahina, oia ka la e noho ai na hoa a noonoo i ka hooholo a hoopaanee loa paha i na bila kanawai; kakauinoa oleia. Aponoia.
Noi ia mai e pai ia @@ pane a ka Moi e pili ana no na bila kanawai i oleloia maluna a aponoia. Pela pu me ka bila kanawai limahana Pake a me na hoololi, e pai hou ia.
NA BILA KANAWAI I HOOIAIO IA.
Na ke Kuhina o na Aina E i hoike mai, ua oluolu i ke 'lii ka Moi ke kakauinoa ana malalo o na bila kanawai pakui Bila Haawina; lawelawe oihana lapaau; haawi ana he mana i ke Kuhina Waiwai e haawi i kekahi mau bona; huikala ana i ke Kuhina Waiwai; hooponopono ana i na Hui Panihakahaka a me ke kanawai e hoololi ana i na pauku 913 me 922 o ke kanawai ki@la.
Heluhelu ekolu ia ka bila kanawai e hooponopono ana i ka Oihana Koa o ke aupuni, a hooholo loa ia.
Helunelu ekolu ia ka bila kanawai Oihana Wai o Hilo a hooholoia me kahi hoololi.
Ma ke noi ua hoopanee ka Hale a ka Poaono.
LA HANA 31, DEC. 10.
Halawai ka hale, pule ke kahunapule a heluhelu ia ka moolelo o ka la ha na i hala a aponoia.
Noi na lunamakaainana Nawahine me Maguire e hookuu ia laua no hookahi pule, ae ia.
Noi ke komite wae ia lakou ka bila kanawai hooponopono limahana i manawa hou no ko lakou: ae ia.
Noi ke 'lii Kamika e pai hou ia ka bila kanawai.hooponopono i ka hoopae ana mai i na limahana pake, a me na hoololi lehulehu o ka bila i hooholo ia e ka hale a aponoia.
Hoopanee ia a ka Poakahi.
LA HANA 32, DEC. 12.
Halawai hou ka hale e like me ka hoopanee ana, pule ke kahunapule, heluhelu ia ka woolelo o ka la hana i hala a aponoia.
NA PALAPALA HOOPII
Na Kawainui he mau hoopii ma Hana mai. I - E hoopauia ka mana o ka mare ana o ke kane a me ka wahine in a e noho kaawale ana laua a hala na makahiki he 20 me ke oki ole ia. 2 - Aole he kuleana o kahi kanaka a mau kanaka paha ma kahi hui in a e paa ana kona inoa me kona haawi ole i kona dala me kona mahele. 3 - O na kauka aupuni a pau, aole e koi ia kahi uku i na mai oiai oia e uku ia ana e ke aupuni. 4 - E hana laikini ia na oihana maauaua pai kalo a me ia. 5 - E hookaawale ke aupuni i uwapo pale kai no Kipahulu, Mokulau me Muolea. E uku hoomau ia a makana paha i na wahine Hawaii i hanau nui i na keiki i hiki aku paha i ka umi a oi mai ke aupuni. 7 - E auhauia na kumu kula a pau i na auhau pilikino elima dala, oiai o ka hapanui o kumu he poe malihini, aole o lakou auhau, aole waiwai lewa a waiwai paa ma Hawaii nei, a he nui maoli no ko lakou uku. 8 - E hoihoi ia ka hoomalu me ka malama ana o na mai lepera ma kela a me keia apana, a e hoolakoia lakou e ke aupuni e like me na mai o Kalawao. 9 - I 10,000 dala e waiho ia ma ka lima o ke Kuhina Kalaiaina i kumu hoohoihoi a e hooholomua aie paha i na kanaka Hawaii a kupu paha ma na hana mahi aina a hana e ae paha.
Na ke komite I3 mai Hana keia mau hoopii malalo iho. I - E hoihoi ia na mai lepera na ko lakou ohana iho e malama aole e lawe hou i Kalawao no ka nui o ka lilo o ke aupuni, a he au hoemi lilo keia. 2 - Aole e hoohaiki ia ke kuai opiuma me ka waiona, no ka mea mai laila mai kekahi kumu loaa nui o ke aupuni. 3 - E ae ia na kauka Hawaii e lapaau akea me ka laikini ole. 4 - E hoopau ia ke dute ana i ka uwapo ma Nuu, Kaupo, a e hoihoi mai ke aupuni i na lilo o ka mea nana i hana.
Ma ke noi, ua aponoia e waiho ma ka papa.
HOIKE KOMITE WAE.
Na ke Kuhina o na Aina E i hoike mai ua oluolu i ke 'lii ka Moi ka hooia ana i keia mau bila kanawai: Kanawai e hooponopono ana i ke kuai waiona; Kanawai e hoomaopopo ana i kekahi pono wai o Kukuihaele, Hamakua, Hawaii; Kanawai e hoomaopopo ana i ke ano o na huaolelo ke 'lii me ka Moi; Kanawai e hooponopono ana i ke kuai opiuma; Kanawai e hoololi ana i ka mokuna 44 o na Kanawai o 1886, e pi li ana i na oihana auhau, hoonaauao me hookolokolo; Kanawai hoopau i na kanawai e papa ana i na kanaka Hawaii kole e kolo i na Aina E; a me kanawai pa@@ i ka Bila Haawina.
NA OLELO HOOHOLO ME NA BILA.
Na Kakela he olelo hooho'o e hoike ana i kona ano pene.
No ka mea, ua ikeia ma ka moolelo o ka Ahaolelo o ka la 9 o Dekemaba, 1887, ka Olelo Pane mai ka Moi mai i waiau pu ia mai me na Bila Kanawai, oia @a hana ana i haole ia ai ka ae ana o ka Moi i na bila i kapaia. "He Kanawai e hoopau loa ai i ka Oihana Kisaina," 3 me ke kanawai i kapaia, "He Kanawai o hoomaopopo ana i ka hana @ me ka hookola ana o kekahi mau hana i honoia mamua aku nei e na Kiaaina o keia a me kaia Mokupuni." Ua hooholo ia nae ia mau bila e ka Ahaolelo, aole i kakauinoa pu ia e kekahi Kuhina. A no kea mea, ua hoike ae na Kuhina o ka Moi imua o ka Ahaolelo ua hana a ua olelo pane nei a na mea e pili ana me ke kuka a ae ole o ka Aha Kuhina; a
No ka mea, o kekahi o na kahua io maoli o ke Kumukanawai a me ke ano hooponopono aupuni i kukulu ia maluna o ia Kumukanawai oia no keia e hana ka Moi ma na mea e pili ana i ke aupuni ma o kekahi mau Kuhina la i kauia maluna o lakou na kaumaha a me na hewa a pau ma ka Oihana. Nolaila e hooholoia. O ka manao o ka Ahaolelo aole no i hooleia ka ae ana o ka Moi i ka Bila i kapa'a, "He Kanawai e hoopau loa ai i ka Oihana Kiaaina, a me ke Kanawai e hoomaopopo ana a hookoia ana o kekahi mau hana i hanaia mamua aku nei e na Kiaaina o kela a me keia Mokupuni," e like me ka manao o ke Kumukanawai a oia olelo pane a me na mea i hana ia e pili ana he mea ole, a e
Hooholo hou ia o na bila i olelo ia a me ka olelo pane i waiho pu ia mai, e hoihoi pu ia, ma keia ke hoihoi ia mai i na Kuhina o ka Moi no ka hana hou ana i manaoia he pono, a e
Hooholo hou ia, e koho ia i komite i umikumamakolu lala mai keia hale aku e hui aku me ka Moi a me kona Aha Kuhina a e hoike aku iaia i na mea i hana ia e ka Ahao'elo ma ia mea
Honolulu, Dek 12, 1887.
Noi o Nakaleka, e hoopanee loa ia ka olelo hooholo, no ka mea, ua hahai ka Moi malalo o ke kuhikuhi a ke kumukanawai e pili ana no kana hana, a o ko kakou apono ana i keia olelo hooholo, ua like ia me ko kakou hoao ana e hookikina i ka Moi
Hoakaka ke 'lii Kakela i kona manao o ka lawe ana i kekahi olelo hooholo e olelo ana e hoihoi hou ia na bila i ka Moi.
Hoakaka ke 'lii Wilimana i ka pono o ka ninau ana i ka manao o na lunakanawai kiekie i ke ano me ka manao o ka mana o ka Moi ma ka pauku 48 o ke kumukanawai.
Kokua o Kamauoha i ke noi a ke 'lii Wilimana, a mahope ua kamailio loihi ke 'lii Townsend no ke ano o ke kumukanawai a hiki i ka hoomaha ana o ka hale i ka hora 12, a ua ae ia no oia e kamailio hou ma ka noho hou ana i ka hora @.
Halawai hou ka hale a hoomau ia ka papa no ke 'lii Townsend. He naauao kana mau wehewehe ana i ke ano o kekahi mau pauku o ke kumukanawai e hoakaka ana i na mana kaokoa o ke aupuni.
Na ke 'lii Kamika i hoakaka mai i ka pono a me ka pololei o ko ka Moi hooko ana i ke kumukanawai ma o kona kakau inoa ole ana i ka bila kanawai e hoopau ana i ka oihana Kiaaina, me kona hoakaka pu ana mai i na kumu o kona kakau inoa ole ana ; koe wale no in a ua alakai ia kona kakau moa ole ana e ke kuhikuhi a kekahi poe, a nolaila ua kokua oia i ka hooholo ana i ka olelo hooholo, me ka hoakaka pu aku i na hana a keia hale i lawelawe ai ma ke ano a ma ka manao maikai.
Lehulehu wale na hoa i kamailio maluna o keia olelo hooholo. Ma ka manao ana o Kauhi, he hana maka ewaewa a hoohilahila loa ke koho ana i komite 13 lala a hoouna aku imua o ka Moi. Ua hoakaka kaokoa ke Kumukanawai i ka hana a ka Ahaolelo maluna o na bila i hoihoi ia mai me ka hooia ole o ka Moi.
Hoike o Kauka Waika i kona kue i na olelo hahana iwaena o na kamailio ana a kekahi mau hoa, a o ka oi aku oia na olelo ano hooweliweli. Pono iawena o na kamailio ana ke waiho ia kela mau ano. A no ka hoopokole ana i na kamailio o keia ano pono i ke kahi o na hoa ke noi mai i ka ninau ano
Na ke 'lii Walakahauki i waiho mai ka ninau ano a aponoia.
Ma ka ninau no ka hoohole loa i ka olelo hooholo, he 28 ae a he II hoole, nolaila ua hooholoia ka olelo hoohola.
Eia ka moa o ke komite i kohoia e ka Peresidena: Kakela, Balauwina, Kini, Geo. Wilikoki, Wight, Robikana Kamauoha, Rice, F. Palaunu, Naone, Kamai, Gay me Kimo Pelekane Jr.
Ma ke hora 4 a oi, ua hoopaneeia ka Ahaolelo.
LA HANA 33, DEC. 13.
Halawai ka hale e like me ka hoopanee ana; pule ke kahunapule, heluhelu ia ka moolelo o ka la hana i hala a aponoia.
(E ana ma ka A@@ 2.)
PAPAI
LEWERS & COOKE.
PAPANOU
MRS. THOMAS LACK,
HELU 81, ALANUI PAPU
MEA KUAI A LAWELAWE I
- NA -
Mikini Humuhumu na Aahu
HE AGENA KUAI NO
White, New Home,
Davis, Crown, Howe,
Me Florence,
Na Kui Mikini
ano a pau
Na pe
kela keia mea
NA LOPI MIKINI A KALAKA.
HE AGENA KUAI
Pu Raifela, Pu Panapana,
na Poka, Lu,
NA KAPUAHI AII @ LA MAHU
Mai ke nui a ka ie
Ma ka lawelawe nui ana @@@@ i ka han lima akamai o ka oihana hana P H ole i na kauoha mak aukau au e hooko kaulua a pau
O na kauoha mai na mo@@@ kupuni e hookohoia
2082-tf.
Ka Waiwai o ka Hilinai
KA AYER Laau Sasaprila, kai kaulana a hilona nui ia no ka boumae mae koko, ma @r wah a pau o ka hoo@@, @e aneane 40 makahiki i haia ae nei, a na lawelawe nui ia ho iwaena o na oihana @@@. O keio
LAAU SASAPARILA, no loko ae ia o ke aa Sasaparila Honedura maoli aa loaa ka mana hoomaemae ma o ka hui pu ia ana me kekahi mau aa iaau e ae, a me kekahi mau mea no loko o ka honua a me ka hao.
HE koko inoino a nawaliwali anea kou? Ua awili pu anei me na ano mai ikaika? A ua hui pu anei me na wai awaawa hoopeho Na keia
LAAU e hoomaemae ia maa mea iho a pau, a maikai. O na kauka lapaau a pau o Ame rika ike ke ano o ka AYER SASAPARILA, ua olelo lakou, sole he mea maikai e ae @@ ka hoomaemae koko ana mai na mai i awili pu ia, aka o keia wale no. No ka
HOOMAEMAE ana i ke koko, a me ka hookahoa pono ana i na mea a pau ma kekahi mau ano maii ikeia, o ka AYER SASAPARILA wale no kau laau nana e hoomaemae hakalia ole mamua ae o kekahi ano laau e ae O ke
KOKO ino hakuhaku, a naweliweli hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he
MAI KAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahiina ma'i, hoomomona hou ana i ke koko ino, a me ka hoo@ kaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAIIA no ka ikaika kupono o ke ola kino, ma ka maemae ana o ke koko, hoomake pu ia na ma'i, a pela aku. He nui na laau hoomaemae koko i hoolaha wahahee wale ia malalo o nainoa lehulehu, aka , o na hilinai a me na hooia wale no ke ao holookoa, maluna o ka
WOLFE & CO.
Mea, Kua@@@ na Ano a pau o na Mea
AI, HUA, AI, O NA ANO A PAU.
Eke Palaoa, Berena, @@@@ Waiu Bata, Berena manoanoa, Berena huinaha, mea ono, o kela ano keia an@@@@@ Ko paa, Kope, Ti, Aila, mhu, a me na ano a pau.
Helu 66, Alanui @@@@ Hotele, Halekuai mua o Lewis & Co
E loaa koke aku no na @@@ kauoha a pau loa me ka hakalia ole, a me ka maikai