Ka Nupepa Kuokoa, Volume XXVI, Number 52, 24 December 1887 — Page 3
| This text was transcribed by: | Lori Faleafine |
| This work is dedicated to: | LUI FALEAFINE III PUNAHOU CLASS OF 1993 |
Ka Nupepa Kuokoa
KE KILOHANA POOKELA NO KA LAHUI HAWAII.
Paiia ma ka Halepai o ka Ilai “Press Publishing Company,” Keena Hooponopono, ma na kihi o Alanui Moi wahine me Nuuanu.
E hoouna muaia mai na Olelo Hoolaha ma ke Keena Hooponopono mamua ae o ka hora 12 o ke awakea o na Poaha a pau. Aole e hoopukaia na Olelo Hoolaha ke la@@ia mai mahope o ka hora i hookeia oialana. E hooko piha aku ana makou i keia @@la mah@na.
E hooili mai i na leia a pau a me na kauoha me ka uku pepa ia Ka Nupepa Kuokoa ma Honolulu. Ina e loaa pono ole aku keia pepa i kona poe lawe, e hai mai me ka hakali@ ole i keia Keena.
O ka uku a keia pepa e haawi ai i kona poe luna, he umi keneta no ke dala, @oe ka apana o Kona, Oahu. a me kekahi mau apana e ae kahi nu;i o ka @@@@ i ka halihali ana i ka pepa ma ia mau apana, e hooiia ka uku luna.
Kela me Keia.
E hoike ana ke kula ao kanawai himeni o Kalihi uka ke hiki aku i ka Poakahi, la a o Ianuari, 1888.
Ua hoomaha hou ka Ahaolelo i ka Poalua nei a hiki i keia Poalua ae, Dekemaha 27.
Ua lohe wale ia e hookani ia ana na mea kani a na keiki puhiohe o Sana Lui ma ka halepule Katolika i keia Sabati.
O lunakanawai Bekekona ana ke kahu o ka Aha Hookolokolo Kaapuni o Maui i keia kau, e noho ana ma Lahaina keia pule.
O kela wahine haole i hoopii ai ia Kipikona no ka ohai aelike mare, ua holo aku nei oia no Iokohama ma ka mokuahi Kepani i ka Poakolu nei.
He hekili a me ka ua ka i kuupau iho i ke ahiahi Poaono iho nei ma ke kulanaka uhale Alii nei. Hele ia a lali aku lali mai kau a mea o ka ua.
Ua holo aku ke K@@ina Kalaiaina i Kaimiloa i ka Poahiku iho nei, aole nae i kipu mai ua olai la o ke kai i kekahi o kona mau haku.
O ka heihei waapa ia 14 hoe mawaena o ka manuwa Vandalia a me ko uka nei poe, e malunaia ana ia i keia auwina la mawaena o ka hora 3 me 4.
He 16 kumakula o ka mokupuni o Hawaii, i hoike ae ia kakou iho imua o ke Kahu Kula Nui no ka hoomaopopo ana i ko lakou kulana makaukau a me ka ole.
Ua ulele iho kekahi o ko kakou maui lawaia ma @a Makeke i ka ai hoopau i ke ahiahi Poaona nei, hookahi o laua, “ua pau ka auwae ia Hio e.” Ma ka halewai laua kahi i hoomoana ai.
Ua hoopoino ia ka hale noho o Mr. Levi Drew ma ke komo ia ana e ka piko-pau-iole i kela Poaono aku nei. He mau lole a he mau lako e ae ka mea i lawe ia.
Ma ka mokuahi Australia ka Hon. S. G. Waila i ha@lele mai ai i keia awa no kona alahele no Ladana no na mea e pili ana i kana mau hoolala alanui hao ma Hawaii.
I ka Poalua iho nei ka haalele ana mai o ka mokuahi Australia no Kapalakiko, a ua lawe aku oia he nui o na o@ua a mawaena o lakou he mau kamaaina no kakou nei.
He malamalama kukui ma na kihi o Alanui Papu a me Kalepa, ma ka halekuai o Hui@a me Goldberg i keia mau ahiahi lai o ke @aona, no ke kuai aku i na makana Karisimaka a me ka Makahiki Hou.
O ka Adimarala Farani Hilaire o ka mokukaua e ku nei i ka nuku o Mamala, ua kipa mua mai no oia i Honolulu nei i ka makahiki 1869. ma ke kulana kapena no ka mokukaua Lanotte Piquet.
Mikaa hora 7 o ke kakahiaka Poaona i hala, Dekemaba 17, ma Kamoiliili ua lawe aku ka make i ke kaikamahine mahoe a ko makou makamaka J. W. Mikaa he o keia oihana hokahi. Aloha wale oia e u la i kona luhi.
Mahope iho o ke ku ana mai o ka m@kukaua Farani, ua h@lo wai he elua o kona mau waapa me na Aliimoku i uka nei, a mahope iho o ko lakou hoi ana aku i ka moku, ua ike ia iho he elua o na kanaka o luna i loohia i ke samola poki.
Ia Malullani i hoopuka ai i nehinei ia alahele no na Kona, a iaia ma laau ua lele aku la kekahi o koaina iloko o ke kai. No ka eia kumu o ka hana pela, a i ku i ka waapa lawe mea ai @ua Farani pakele ai mai @o ia mai nei e lawe aihue ia wai o loko o ka pahahao o ka eka o Kohala, Hawaii, i ka hora @ kakahiaka Poalima i hala. Na @ mau pake i @@ao keia hana, ua nenae lakou i ka io oka lakou mea i @ouhane ai. He $5,000 ka ukana o ua pahuhao nei.
O John Kamiki kekahi i hoolele mua mai i keia keena Elua Dala no ka 1888. Ma kana hoike mai ke loaa mau aku nei ka pepa iaia, nolaila, ua hookaulua ia a ka wa pono huli ia ma ka Buke, aole he loaa o kela inoa kumu John, alaila, ua pohihihi iho la. E oluolu oe e ka makamaka i kou wahi e noho nei o Hawaii e hoike mai i keia keena mamua ae o ka puka ana o ka Helu i o ke Kuokoa.
O kaalokai ae nei ka inoa hou o ke kuna Ema i lilo iho nei i ke kuai ia.
I ka Poaha, i ke kakahiakanui wale, ua hala aku la i ke ala hoi ole mai ka moopuna a Kamaikai a kaikamahine a Kamaki o Pauoa.
Ua waiho ia mai ma ko ke Kuokoa nei papakaukau ka E. O. Hall ma a me ka Hama alemanaka no ka 1888. Mahalo piha ia oukou.
I keia kakahiaka iho nei no ke ku ana mai o ka mokuahi Alameda mai Kapalakiko mai no kona ala no na panalaau o ka hema.
Ke haawi aku nei ke Kuokoa i kona aloha Karisimaka i ka Poeaina a me kekahi mau hoa e ae o ka makakila a me ka lehulehu holooko.
Ua waiho ae o Mr. Edward Hore i kona noho kumukula haole ana no Waianae, a ua ae ia me ka minamina nui. O ke kumu, no ke onawaliwali o ke ola kino.
Ua lohe ia mai ke hele loa aku la ke alanui e hele ai i Ewa i kahi o ka lihi launa ole. He mau pahonohono ia e hana ia nei, a o na wahi i ike maoli ia ka pilikia, aohe hana ia.
Eia ke hoonakaukau ia nei he buke himeni o na leo Hawaii. Ua piha na aoao he 48 i paa i ke pai ia i keia wa, a e hala ana mawaho o 100 aoao ke pau pono na himeni. He hoonanea maikai keia no na home Hawaii.
I ka Poaha nei ke kukulu ia ana o ka aha a hoolohe i kela hihia hou pahi o koolau i kela mau pule aku nei, a ma ka ninau ia ana, ua ae o Kahopuwaiki i kona hewa i kona hou ana i kana wahine i ka mea make. I keia la e hoopuka ia’i kona hoopai.
Ua lohe wale ia i ke ahiahi nei ka waiho ana aku a ke Kuhina o na Aina E i kona hookohu, a i keia kakahiaka iho nei ua hoaiai loa ia mai ka lehulehu e ka nupepa haole aupuni ma ka mea i lohe ia. O na kumu, aole i maopopo lea.
Ua hoi aen@i o Henry Kaia ma ke kutana i paa ia iho nei e George I. Desha maloko o ka Hale Leta, a o ka mea hopehoi, ua kau loa aku la oia i ke aki. O ka hua ia o ka hoomanawanui, me ka hoopono e uhai la mahope o keia mau opio Hawaii.
O David Kua, ka luna a ke Kuokoa e hookohu aku nei no Waimea, Kauai, no ka makahiki 1888, a o kana mau hookele ana a pau no na mea e pili ana i ka pomaikai o ke Kuokoa ma na apana o Kauai, e lilo no ia i mea e apono ia ai ma ke keena ma Honolulu.
Ma ka Poalima iho nei i apono ai ka Aha Kiekie i ke noi a S. B. Dole e hookuu ia oia mai kona noho hoa ana no ka Papa Kahu Waiwai no ka Home Lunalilo. Ua kohoia o W. O. Kamika no ke pani ana ma ia hakahaka, a nolaila, o W. O. Kamika, W. C. Parke a me Mere Paleka na lala o ka Papa i keia wa.
Kuehu lua ka hoi ka lehu o kapuahi i kela ahiahi Poaono aku nei i na keiki o Ulakoheo, ke hele la a kuehu kela momona i ka hapaha, kuehu mai hoi keia momona, owala mai keia momona, o@ou iho hoi keia olala. Mai poina e ka lehulehu i na momona i kea ahiahi Poaono.
E malama ia ana i keia ahiahi, ma ka Luakini o Kaumakapili, he aha mele nui, malalo o ke alakai ana a ka Mea Kiekie ka Hooilina Moi, a o na pomaikai a pau e loaa ana, no ka waihona no ia o ka Hui Hoonaauao e noho P@residena ia nei e ka Hooilina Moi. Nolaila, ke kono ia aku nei na mea a pau e kokua ae i keia hana maikai a ko kakou Aliiwahine aloha.
Ma ka hora 5 o ke ahiahi Poakolu nei, ua ulu ae la he haunaele ma Kawa mawaena o na makai kiai a me na paahao pake; o ke kumu, oia no ke kue ana o kekahi pake paahao i na rula o ka hale paahao, a iloko o ia manawa i hooko aku ai na makai i ka lakou apa @a hana i haawi ia aku ia lakou, maluna o ka pae nona ka inoa o Pat Sui.
Ua uluaoa mai na pake mai o a o o ka hale paahao me ka manao e hohiku i ka maluhia o Kawa, a o na paahao kanaka he maluhia ka haawina i loaa ia lakou, a e ole na makai o ka halewai i hiki ae ai maluhia ai.
I ke ahiahi molehulehu o ka Poalua nei ke ku ana mai o ka mokuahi O@iani@@ iloko o na la holo he 11@ mu Iokahama mai, me 220 pake no Kapalakiko. Ua hoike ae ke kapena, i ka la 14 iho nei ua puka ae he mai maluna o hookahi o na ohua pake, a no ke ano mama o ka loaa ana, ua kokoke i ala. O keia mau ohua a pau ua pau wale no ika o ia ma ka @ o keia malama. Ua hoomaemae ia ka moku, a o @@ mea i loohia i ka mai, ua hoihoi la no kahi kupono. Ua lawe mai oia he elua luina a he ekolu pake no keia awa, aole nae lakou i ae ia e lele mai. He 100 mau paha opiuma na Chun Lung, ewalu @ona ukana a me elua ekel@@a no Honolulu nei, oia wale no ka i hoolele ia mai a waiho ia ma kahi hoo maiu no ka hoomaemae ia ana mamua o ka hookuu ia ana mai i uka nei.
COLUMN 3 ON THIS PAGE IS VERY BAD! PLEASE CHECK IT OUT AND DETERMINE WHAT SHOULD BE DONE.
COLUMN 4.....
MA KE KAUOHA.
Ahaolelo Kuikawa o 1887.
HE KANAWAI
E Huikala Ai I Ke Kuhina Waiwai No Kekahi Mau Hoolilo Ana.
E hooholoia e ka Moi a me ka Ahaolelo o ko Hawaii
Pauku 1. Ma keia ke huikala a ke hookuu loa ia nei ke Kuhina Waiwai no ka hoolilo ana aku i keia mau hu ina dala mahope iho nei, oia ho i keia:
No na lilo hooholo i na mokumahu kolo moku......$5,269.48
Na lilo Koho Balota................................................ 3,362.64
Hookaa ana i na aina i lawe ia no ka Oihana Wai o
Honolulu, ma Makiki...........................................12,200.00
________
#20,832.12
A ma keia ke hoapono ia nei ia mau hoolilo ana.
Pauku 2. E lilo keia i kanawai mai kona hooholo ia ana.
Aponoia i keia la 8 o Dekemaba, M. H. 1887.
KALAKAUA REX.
Na ka Moi,
L. A. Thurston,
Kuhina Kalaiaina.
HE KANAWAI
E Hoololi ai i ke Kanawai i Kapa ua “He Kanawai E Hoomaopopo ana i na Haawina Dala no ke Aupuni no na Makahiki Elua e pau ana ma ka la 31 o Maraki, ma ka Makahiki Hookahi Tausani Ewalu Haneri me Kanawalukumamawalu,” I aponoia ma ka La 14 o Okatoba, M. H. 1886.
No ka mea, ma ke Kanawai i olelo ia maluna ua oi loa aku ka nui o ka puu dala i hookaawale ia mamua o na loaa i manao ia iloko o ka manawa i olelo ia, a he mea kupono e hoemi ia na lilo o ke Aupuni e like me ka mea hiki, me ka hoemi ole mae i ka h;olopono o na hana; nolaila.
E hoolioloia e ka Moi a me ka Ahaolelo o ko Hawaii Pae Aina:
Pauku 1. Aole e uku ia aku ma kekahi o na haawina i hoakakaia mahope iho nei, iloko o ke Kanawai i olelo ia maluna, mahope o ka la 31 o Dekemaba, M. H. 1887, oia hoi keia:
NA LILO MOI.
Ke Alii ka Moiwahine..............................................................
NA HAAWINA HOOMAU.
H. R. H. Kama Aliiwahine Poomaikelani...............................
Hon. W. C. Paake...................................................................
Thomas W. Everett
OIHANA O KO NA AINA E.
Malama Waihona Buke a me Keena Hoikeiki
Hookipa Luna Aupuni o na Aina E
Enekinia Oihana Kaua
Oihana Hookolokolo uku Kokua Lunakanawai 3 o ka Aha Kiekie
Uku Kokua Lunakanawai 4 o ka Aha Kiekie
Pauku 2. Mahope aku o ka la 31 o Dekemaba, M. H. 1887, aole e uku ia aku kekahi dala no kekahi o na haawina i hoakaka ia malalo iho nei, koe wale no e like me na puu dala i hoakaka ia ma keia Kanawai, oia hoi keia:
NA LILO MOI.
Ko ka Moi me ka Nohoalii...................................................$ 5,000.00
Ka Mea Kiekie ka Hooilina Alii......................................... 1,250.00
Ko ka Moi Puuku a Kakauolelo......................................... 750.00
Na Lilo o ke Alo Alii.......................................................... 2.000.00
No ke Kama Alii Wahine Kaiulani.................................... 300.00
OIHANA HOOKOLOKOLO
Lunakanawai Hoomalu, Honolulu,...................................... 750.00
Lunakanawai Hoomalu, Wailuku........................................ 375.00
Uku Lunakanawai Apana, Koolaupoko............................... 125.00
OIHANA O KO NA AINA E
Uku o ke Kuhina.................................................................. 1,250.00
Uku o ke Kakauolelo........................................................... 625.00
OIHANA KALAIAINA.
Uku o ke Kuhina.................................................................. 1,250.00
Uku Luna Nui o na Eemoku................................................ 600.00
BURO O KA OIHANA LETA
Uku Luna Leta Nui.............................................................. 875.00
Uku o ka Hope Luna Leta Nui............................................ 625.00
OIHANA WAIWAI.
Uku o ke Kuhina.................................................................. 1,250.00
Uku o ka Luna D@te Nui...................................................... 875.00
Uku o ka Luna Dute o Mahukona....................................... 31.25
OIHANA O KA LOIO KUHINA.
Uku o ka Loio Kuhina........................................................... 1,250.00
Uku o ka Hamuku................................................................. 875.00
PAPA OLA.
Kalauolelo o ka Papa Ola...................................................... 450.00
Aponoia i keia la 8 o Dekemaba. M. H. 1887.
KALAKAUA REX.
Na ka Moi,
L. A. Thurston,
Kuhina Kalaiaina.
HE KANAWAI
E Hoololi ai i ka Pauku 3 o ka Mokuna 37, o na Kanawai o 1886.
E hooholoia e ka Moi a me ka Ahaolelo o ko Hawaii Pae Aina.
Pauku 1. E hoololiia a ma keia ke hoololi ia nei ka Pauku @ o ka Mokuna 37 o na Kanawai no 1886, a penei e heluhelu ia ai:
Pauku 3. E Hoololiia a ma keia ke hoololi ia nei ka Pauku 17, o ke Kanawai i oleloia, a penei e heluhelu ia’i.
Pauku 17, E auhau ia na Hui Pani Hakahaka o na aina e no na poino mamuli o ke ahi, poho ma ka moana a e lawelawe ana i ka lakou hana iloko o keia Aupuni, i hookahi dala no kela a me keia haneri dala i loaa i kela a me keia Hui, a i ole, i ko lakou mau agena ma na loaa uku panee, iloko o ka makahiki mamua iho o ka helu ana o na auhau, aole e auhau ia na hui o ia ano me kekahi auhau e ae malalo o keia Kanawai.
Aponoia i keia la 8 o Dekemaba, M. H. 1887.
KALAKAUA REX.
Na ka Moi,
L. A. Thurston
Kuhina Kalaiaina.
HE KANAWAI.
E Hoololi ai i ka Pauku 28 o ka Mokuna 44 o na Kanawai o 1882, e like me ia i hoololi ia ai e ka Mokuna 3, o na Kanawai o 1886, e pili ana i ka Hooponopono ana i ke kuai ana i na waiona.
E Hooholoia e ka Moi a me ka Ahaolelo o ko Hawaii Pae Aina.
Pauku 1. Ma keia ke hoololi ia nei ka Pauku 18 0 ka Mokuna 44 o na Kanawai o 1882, e like me ia i hoololi ia ai e ka Mokuna 3 o na Kanawai o 1886, a penei e heluhelu ia ai: “Pauku 18. E hooponopono ia ke kuai a me ka hoolako ana i na waiona no ka manawa, kahi, ka nui a me ke ano i ae ia ai ka mea i loaa ka laikini e kuai a hoolilo aku nma ka laikini i kulike me na kanawai e paa ana, a o kela a me keia mea nana e kuai aku a kauoha paha e kuai ia aku kekahi waiona koe wale no ma ke ano i hoakaka ia ma kona laikini a me ke kanawai paha, e hoopai ia oia no ka hewa mua e uku i ka hoopai elua haneri me kanalima dala, a no ka lua o ka hana hewa ana e hoopai ia e uku i ka hoopai elima haneri dala a e hoopau ia kona laikini, eia nae, ina e pau a poino kahi e lawelawe ia ai ua hana la e hiki no i ke Kuhina Kalaiaina, ke manao oia he mea pono, e haawi aku i ka mea iaia ka laikini i palapala e ae ana e lawelawe i ua hana nei ma kekahi wahi okoa ae mai kahi i olelo ia ma ka laikini, no ke koena o ka manawa i hoakaka ia ma ka laikini.”
Pauku2. E lilo keia i kanawai mai kona la aku e aponoia ai.
Aponoia i keia la 8 o Dekemaba, M. H. 1887.
KALAKAUA REX.
Na ka Moi,
L. A. Thurston,
Kuhina Kalaiaina.
Ua hookohuia o Wiliama J. Brodie Esq., i keia la i Agena haawi Laikini Mare no ka Apana o Kohala Ak@u, Mokupuni o Hawaii.
LORRIN A. THURSTON,
Kuhina Kalaiaina.
Keena Kalaiaina, Novemaba, 29, 1887.
2158-31
I kulike ai me na mea i hoike ia maloko o ka Pauku 231 o ke Kanawai Kivila, nolaila,
ua hookaawale ae ne au i keia la 30 o Novemaba, 1887, i Pa Aupuni no ka hoopaa ana i na Holoholona Auwana ma Kalaoa i, a me Hawanawana ma ka aoao ma Puna-uka o ke Alanui Aupuni, ma ka Apana o Kona Akau Mokupuni o Hawaii.
LORRIN A. THURSTON,
Kuhina Kalaiaina.
Keena Kalaiaina, Nov. 30, 1887.
I kulike ai me na mea i hoikeia maloko o ka Pauku 232 o ke Kanawai Kivila, nolaila, ua hookohu aku au i keia la 30 o Novemaba, 1887, ia Geo. D. Hueu, i Luna Pa Aupuni no na Pa Aupuni i hoike ia ae la maluna, ma ka Apana o Kona Akau, Mokupuni o Hawaii.
ULULANI,
Kiaaina o Hawaii.
Keena Kiaaina , Hawaii , Nov. 30, 1887.
MA NA MEA E PILI ANA I NA
KAHU MALAMA WAIWAI O
KA LUAKINI A EKALE-
SIA O KAUKEANO.
No Ka Mea, he Ahahui i hoopuka mua ia ka ae ma ka inoa “Ka luakini a Ekalesia Haole Elua o Honolulu,” a oia inoa a me ia ano, ua hoololi ia mamuli o kekahi Olelo Hooholo a ka Ahakukamalu, ma ka la 28 o Ianuari, 1856, a o “Na Kahu Malama nWaiwai o ka Luakini a me ka Ekalesia o Kaukeano,” i kulike ai me na kanawai i hana ia e pili ana ia mea, ua waiho pono mai me ka mea nona ka inoa malalo iho nei, he palapala noi e hoopau i ua Ahahui la, a me kekahi palapala hooia i pakui pu ia, e like me ka mea i kauoha ia e ke kanawai; a nolaila.
Ke haawi ia aku nei ka hoolaha i na mea a pau i kuleana a e noho kuleana nei ma kekahi ano iloko o ua Ahahui nei. o na kue no ka ae ia o ua noi l@i oleloia, e waiho ia ae ma ke Keena Kalaiaina ma ka la 26 o IANUARI, 1888, a mamua ae paha, a o kela a me keia mea a mau mea paha i makemake e lohe ia ka lakou ma na mea e pili ana, e hiki kino ae ma ua Keena Kalaiaina la, ma Aliiolani Hale, Honolulu, i ka hora 11 o ke kakahiaka o ua la nei, a e hoike ae i na kumu e hiki ole ai ke ae ia ua noi la.
(Kakauinoaia) L. A. THURSTON,
Kuhina Kalaiaina.
Keena Kalaiaina, Nov. 23, 1887. 3156-10t
HOOLAHA A KA LUNAHOOPONOPONO WAIWAI.
Ua hookohu pono ia mai ka mea nona ka inoa malalo iho nei, i Lunahooponopono Waiwai ma ka la 5 o Dekemaba, 1887, ma ka waiwai o Kaia (w), i make ma Honolulu Oahu, imua o E. Pres@on, kokua Lunakanawai elua o ka Aha Kiekie. Nolaila, ke kauoha ia aku nei na@poe a pau he mau koi ana ka l@ kou i ka waiwai o ka mea i make, e noike koke mai lakou i ka lakou mau @@@@ aie kupono i hooiaia, iloko o eono mahina mai ka la aku e puka ai ma ka nupepa Kuokoa, a mahope aku o ia, e hoole nau loa ia aku, a o na poe a pau he mau aie ko lakou i ka m@a i make, e hookaa koke mai ia’u, a ina he mau waiwai kekahi o ka mea i make e paa ia nei e kekahi poe, e hoinoi ia mai me ka hakalia ole.
A. KAUHI,
Lunahooponopono Waiwai o Kala (w).
Honolulu , Oahu, Dekemaba 6, 1887.
2158-4t
KAUKA WEHA (WE@@.)
Keena Oihana, Alanui Alakea.
Kokoke i kahi o ke K@misina Amerika.
{Mai ka hora 7 a 9 a.m.
Hora Oihana {Mai ka hora 1 a 3p.m.
{Mai ka hora 7 a 8p.m.
HOOLAHA I KA POE AIE.
o KA POE A PAU HE MAU KOINA KA LAKOU I KA WAIWAI O Kahalehau (k) i make, ke kauohaia aku nei lakou e waiho koke mai i ko lakou mau hooiaio kupono i ka mea nona ka inoa malalo iho noko o na mahina eono mai keia la aku.
GEO. C BECKLEY.
Lunahooponopono o ka waiwai o Kahalehau.
Honolulu , Novemaba 29, 1887 2157-5t
HOOLAHA.
G. W. A. HAPAI.
He Luna Hooko Mare.
A HE
Agena Hooiaio Palapala.
E loaa no ma Ililo-iaona, Hawaii, ma na manawa a pau.
2152-1y
M. R. FREITAS.
Kaiopihi, Kohala.
HALEKUAI
No na mea ai, no na lole, a me na mea hoonani e ae he nui loa. E kuai ia aku ana me ke Kumukuai haahaa loa. Ke kau leo ia aku nei na Hawaii Ponoi a pau e naue nu;i ae.
2158-3m.
;HOOLAHA A KA LUNAHOOPONOPONO WAIWAI.
o KA MEA NONA KA INOA MALALO IHO, UA KOHO PONOIA I Lunahooponopono Waiwai no J. Lalena (k), o Kalapapa, Molokai, i make aku nei. Nolaila, o ka poe a pau he mau Koina ka lakaou i ka waiwai o ka mea i make, e hoike koke mai i ka lakou mau bila aie kupono i hooiaio ia, a hala na mahina eono (6) mai keia la aku, e hoole maui loa ia aku no, o na poe a pau i aie i ka mea i make, e hookaa koke mai ia’u, ina hemau waiwai ko ka mea i make e paa ia nei e kahi poe, e hoihoi koke mai ia’u.
J. KANAKAHELEWALE,
Lunahooponopono Waiwai o J. Lalena i make.
Kalaupapa, Molokai, Okatoba 31, A. D. 1887 2157 4t
Aha hookolokolo kiekie o ko Hawaii Pae Aina. Ma ka hooponopono waiwai. Maka hana o ka waiwai o William Kuaaka, o Honolulu, Oahu, i make kauoha ole.
Ma ka waiho ia ana mai o ka palapala nei a Kaaihue (2w), wahine a ka mea make, e hoike ana ua make kauoha ole o William Kuaaka ma ka la 7 o Sepatemaba, 1887, a e noi ana e hoopuka ia ka Palapala Hookohu Lunaho ponopono Waiwai iaia.
Ua kauoha ia o ka POAONO, ka la 7 o IANUARI, 1888, ma ka hora 10 kakahiaka, oia ka manawa i kohoia no ka hoolohe ana i ua noi la, ma ka hale hookolokolo ma Aliiolani Hale, Honolulu, a ma ia manawa a ma ia wahi po e hele mai ai na mea a pau i pili e hoike mai i ke kumu, ina he kumu oiaio ke@ lakou e ae ole ia ai ua noe la. A e hoolahaia ia mea ma ka olelo Hawaii, i e kolu manawa maloko o ke Kuokoa, he nupepa puka hebedoma ma Honolulu.
Kakauia ma Honolulu, Dekemaba 16, 1887.
Na ka Aha: HENRY SMITH,
2159-31 Hope Kakauolelo.