Ka Nupepa Kuokoa, Volume XXVI, Number 51, 17 Kekemapa 1887 — Page 3
| This text was transcribed by: | Jody |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA.
Ahaolelo Kuikawa o 1887.
HE KANAWAI
E HOOMAOPOPO ANA NO KA UKU ANA I NA LILO O KA AHAOLELO KUIKAWA O KA MAKAHIKI 1887.
E Hoeholoia e ka Moi a me ka Ahaolelo o ko Hawaii Pae Aina.
E hookaawale ia a ma keia ke hookaawale ia nei na dala he Umi Tausani ($10,000.00) mai loko ae o ka Waihona o ka lehulehu no ka uku ana i na lilo o ka Ahaolelo Kuikawa o ka makahiki 1837.
Aponoia i keia la 21 0 Novemaba, A.D. 1887.
KALAKAUA REX.
Na ka Moi,
L.A. THURSTON,
Ku@ina Kalaiaina.
HE KANAWAI
E HOOPAU LOA AI I KA MOKUNA L. O NA KANAWAI O KE KAU O 1886.
E heohoioia e ka Moi a me ka Ahalolelo o ko Hawaii Pae Aina.
PAUKU I. O ka Mokuna L. o na Kanawai o ke Kau o 1886, oia ke Kanawai I kapa ia “He Kanawai e hookaawale ana i haawina hoomau no Thomas W. Everett” i apono ia ma ka la 15 o Okatoba, 1886, e hoopau ia a ma keia ke hoopau loa ia nei.
Aponoia i keia la 21 o Novemaba, A.D. 1887.
KALAKAUA REX.
Na ka Moi,
L.A. THURSTON,
Kuhina Kalaiaina
HE KANAWAI
E HOOPAU LOA AI I KA MOKUNA XLVII O NA KANAWAI O KE KAU O 1886.
E hoohol@ ia e ka Moi a me ka Ahaolelo o ko Hawaii Pae Aina.
PAUKU 1. O ka Mokuna XLVII o na Kanawai o ke Kau o 1886, oia ke Kanawai I kapaia “He Kanawai e hooholo ana i haawina hoomau no ka mea Kiekie ke Kam@ Alii Wahine Poomaikalani” i apono ia ma ka la 15 o Okatoba, A.D. 1886, e hoopau ia a ma keia ke hoopau loa ia nei.
PAUKU 2. E lilo keia i Kanawai ma ka la 31 o Dekemaba, 1887.
Aponoia i keia la 21 o Novemaba, A.D. 1887.
KALAKAUA REX.
Na ka Moi,
L.A. THURSTON,
Kuhina Kalaiaina.
HE KANAWAI
E HOOPAU LOA AI I KA MOKUNA XLVIII O NA KANAWAI O KE KAU O 1886.
E hoohele ia e ka Moi a me ka Ahaolelo o ko Hawaii Pae Aina.
PAUKU 1. O ka Mokuna XLVIII o na Kanawai o ke Kau o 1886, oia ke Kanawai I kapa ia “He Kanawai e hooholo ai i haawina hoomau no ka mea Hanohano W C. Parke i apono ia ma ka la 15 o Okatoba, A.D. 1886, e hoopau ia a ma keia ke hoopau loa ia nei.
PAUKU 2. E lilo keia I Kanawai ma ka la 31 o Dekemaba, 1887.
Aponoia i keia la 21 o Novemaba, A.D. 1887.
KALAKAUA REX.
Na ka Moi,
L.A. THURSTON,
Kuhina Kalaiaina
HE KANAWAI
E HOOPAU LOA AI I KA MOKUNA VII O NA KANAWAI O KE KAU O 1880 E LIKE ME IA I HOOLOLI IA AI E
KA MOKUNA 21 O NA KANAWAI O KE KAU O 1882.
E h@oholo ia e ka Moi a me ka Ahaolelo o ko Hawaii Pae Aina.
PAUKU 1. O ka Mokuna VII o na Kanawai o ke Kau o 1880, e like me ia i hoololi ia ai e ka Mokuna 21 o na Kanawai o ke Kau o 1882, oia ke Kanawai i kapa ia “He Kanawai e hoomaopopo ana i ke Kuauhau o na Alii o Hawaii nei” i apono ia ma ka la 9 0 Augate, A.D. 1880, e hoopau ia, a ma keia ke hoopau loa ia nei.
Aponoia i keia la 21 o Novemaba, A.D. 1887.
KALAKAUA REX.
Na ka Moi,
L.A. Thurston,
Ku@ina Kalaiaina
HE KANAWAI
E HOOLOLI AI I KA PAUKU 2 O KE KANAWAI I KAPAIA “HE KANAWAI E HOOPAU AI I KA MOKUNA IO O
KE KANAWAI KIVILA, A E HOOPONOPONO AI I KA OIHANA AOPALAPALA O KE AUPUNI” I APONOIA MA KA LA IO O IANUARI, A.D. 1865.
E hooholo ia e ka Moi a me ka Ahaolelo o ko Hawaii Pae Aina.
PAUKU I. Ma keia ke hoololi ia nei ka Pauku 2 o ke Kanawai i olelo ia, a penei e heluhelu ia ai:
“Pauku 2. E hoonoho ia i Buro Hooko I kapa ia ka Buro Hoonaauao; i hooponopono ia e kekahi Papa he elima lala, a e kapa ia ka Papa Hoonaauao. E hookohu ia na hoa o ia Papa i olelo ia e ka Moi; a hookahi o lakou e hoonoho ia e ia i Peresidena, a e hana lakou a pau me ka uku ole; aka, aole e hoonoho ia kekahi kanaka e noho ana iloko o ka oihana hemolele a Kahunapule paha I Peresidena. Ina ua noho aku ka Peresidena na kekahi hoa o ka Papa e lawelawe ana ma ke ano he Hope Peresidena no ka manawa, e hoomalu i na halawai o ka Papa.”
Aponoia i keia la 21 o Novemaba, A.D. 1887.
KALAKAUA REX.
Na ka Moi,
L.A. THURSTON,
Kuhina Kalaiaina.
HE KANAWAI
E PILI ANA I NA HUI I HOOHUI IA A ME KA HAAWI ANA I NA PALAPALA HOOHUI.
E hooholo ia e ka Moi a me ka Ahaolelo o ko Hawaii Pae Aina.
PAUKU I. Ma keia ua haawi ia ka mana i ke Kuhina Kalaiaina e awel@e i ka mana a pau i loaa iaia, a i ole ia, iaia me ka ae pu ana o ka Moi iloko o ka Ahakukamalu mam@a o ka la ehiku o Ialai, A.D. 1887, e pili ana i na Palapala Hoohui.
Eia nae hoi, aole e haawi ia kekahi Palapala Hoohui e ke Kuhina Kalaiaina i olelo ia me ka ae ole o ka hapa nui o ka Aha Kuhina.
PAUKU 2. E lilo keia i Kanawai mai kona la aku e apono ia ai.
Aponoia i keia la 24 o Novemaba,, A.D. 1887.
KALAKAUA REX
Na ka Moi,
L.A. THURSTON,
Kuhira Kalaiaina.
HE KANAWAI
E HOOLOLI AI I KA MOKUNA XI O NA KANAWAI O KE KAU O 1876, E PILI ANA I KE OLA O KA LEHULEHU.
E hooholo ia e ka Moi a me ka Ahaolela o ko Hawaii Pae Aina.
Pauku 1. Ma keia ke hoololi ia nei ka Pauku 2 o ka Mokuna XI o na Kanawai o ke Kau o 1876, a penei e heluhelu ia ai: “E hoololi ia a ma keia ke hoololi ia nei ka Pauku I. o ka Mokuna 59 o ke Kanawai Hoopai Karaima, I aponoia ma ka la 7 0 Iulai, 1870, a penei e heluhelu ia ai:
“Pauku I. E hoonoho ia he Papa Ola no ke Aupuni, elima ka nui o na hoa o ia Papa.
“E hookohuia na hoa o ua Papa la e ka Moi, a hookahi o lakou e hoonoho ia e ia i Peresidena, a e hana lakou a pau, koe ka Peresidena, me ka uku ole, na ua Papa la i olelo ia e nana a e malama i ke ola o ka lehulehu. Ina ua hele ka Peresidena, alaila, e koho ia kekahi lala o ka Papa e@akou i Hope Peresidena Kuikawa, a nana e hoomalu i ko lakou mau halawai ana: he mana ko ua Papa la e hoonoho i Kakauolelo, a me na kauka lapaau, a me na Luna, a e uku ia lakou no ka lakou hana e like me ka mea i apono ia e ka hapa nui o na lala o ka Papa ma kekahi halawai i kahea pono ia no ka hana, a o ia uku e uku ia mai loko ae o na dala i hookaawale ia no na hana o ka Papa e ka Ahaolelo. Aka ina ua hoohana ka Papa i kona mau hoa ponoi na ka Aha Kuhina e hooholo i ka uku kupono e uku ia, aka aeole e uku ia kekahi uku i ka Peresidena koe wale no ka mea i hooholo ia e ka Ahaolelo. A na ua Papa nei ma o kona Peresidena la e hoike aku i ka Ahaolelo ma na Kau mau i hoike a me na hoakaka piha no na dala a pau i hoolilo ia, a me na mea i hana ia a me na mea e ae e pili ana i ke ola o ka lehulehu a ua Papa Ola nei i manao ai he kupono e noonoo ia.”
Aponoia i keia la 24 o Novemaba, M.H. 1887.
KALAKAUA REX
Na ka Moi,
L.A. THURSTON,
Kuhina Kalaiaina.
HE KANAWAI
E HOOLOLI AI I KA PAUKU 1266 O KE KANAWAI KIVILA E PILI ANA I KA HOONOHO ANA I NA NOTERI NO KA LEHULEHU
E hooholo ia e ka Moi a me ka Ahaolelo o ko Hawaii Pae Aina.
PAUKU I. Ma keia ke hoololi ia nei ka Pauku 1266 o ke Kanawai Kivila, a penei e heluhelu ia ai:
“Pauku 1266. E hoonoho ia e ke Kuhina Kalaiaina hookahi a oi ae paha kanaka kupono ma kela a me keia Apana Hookolokolo Kaapuni o ke Aupuni, i mau Noteri no ka lehulehu, a e noho lakou ma ia oihana a hiki i ka wa e hoopau ia ai e ke kuhina i olelo ia.”
Aponoia i keia la 25 o Novemaba, 1887.
KALAKAUA REX.
Na ka Moi,
L. A. THURSTON,
Kuhina Kalaiaina.
HE KANAWAI
E HOOLOLI AI I KA PAUKU I, O KA MOKUNA 17 O NA KANAWAI O 1882.
E hooholo ia e ka Moi a me ka Ahaolelo o ko Hawaii Pae Aina.
PAUKU I. Ma keia ke hoololi ia nei ka Pauku I. o ka Mokuna 17 o na Kanawai o 1882, a penel e heluhelu ia ai:
“Pauku I. Ma keia ua haawi ia no ka mea Hanohano H. Kuihelani Eono Haneri Dala no kela a me keia makahiki, oiai oia e ola ana, a ua kauoha ia ke Kuhina Waiwai e uku aku ia mau dala no loko ae o ka Waihona Dala o ke Aupuni ma ke ano e like me na uku makahiki a me na haawina e ae a ke Aupuni e uku ai.”
PAUKU 2. E lilo keia i Kanawai mai ka la 31 o Dekemaba, M. H. 1887 aku.
Aponoia i keia la 25 o Novemaba, M.H. 1887.
KALAKAUA REX.
Na ka Moi,
L.A. THURSTON.
Kuhina Kalaiaina.
HE KANAWAI
E HOOLOLI A E HOOHUI AI I KE KANAWAI E PILI ANA I NA EEMOKU.
E hooholo ia e ka Moi a me ka Ahaolelo o ko Hawaii Pae Aina.
PAUKU I. E kukulu ia, a ma keia ke kukulu ia nei i Buro ma ka Oihana Kalaiaina, e kapa ia ka Buro Eemoku no ka hooponopono ana i ka hele ana mai o na limahana a me na eemoku e ae, iloke o keia Aupuni.
PAUKU 2. O ka Buro i olelo ia , oia no ke Kuhina Kalaiaina nana e lawelawe ma ke ano o kona oihana ma ke ano ka Peresidena o ia Buro, a me elima mau lala e ae i hookuhu ia e ka Moi, a e kapa ia ka Papa Eemoku.
PAUKU 3. Na ke Kuhina Kalaiaina i kela a me keia manawa me ka apono ana o ka Papa Eemoku a me ka Aha Kuhina e hana a hoolaha aku i na rula a me na hooponopono ana, a e hana i na mea i manao ia ua kupono e kokua ai i ka hele ana mai o na eemoku mai na aina e mai, a no ka hooponopono a malama maikai ana i na eemoku i hele a i lawe ia mai iloko o keia Aupuni: A e hana no hoi i na rula i manao ia ua kupono e pili ana i na manawa a me na olelo o na aelike no ka hana, a hoolilo ana aku no ka hana, o kekahi poe eemoku i hele mai malalo o na aelike hana, a ua hana paha i na palapala aelike hana.
PAUKU 4. Oia mau rula a me ia mau hooponopono ana, a me na hoololi ana aku, me na pakui ana aku o ia mau rula i hooholo ia e like me na olelo o ka Pauku 3 o keia kanawai, e hoolaha ia no maloko o kekahi mau nupepa ma ka olelo Beretania a me ka olelo Hawaii ma Honolulu, a ma ia @a e like no ko lakou mana me ko ke kanawai.
PAUKU 5. O ke@a a me keia mea e kue ana i kekahi rula a hooponopono ana i hooholo a pai ia e like me na olelo o na Pauku 3 a me 4 o keia kanawai, e kau ia maluna ona ka hoopai, aole e oi aku mamua o Hookahi Tausani Dala, a he mana ko kela a me keia Lunakanawai Hoomalu e hookolokolo i na hihia o ia ano.
PAUKU 6. O na dala i hookaawale ia e ka Ahaolelo no na hana i manao ia ma keia kanawai e uku ia no mailoko ae o ka Waihona Aupuni ma ke kauoha o ke Kuhina Kalaiaina.
PAUKU 7. O ke kanawai i kapa ia, “He Kanawai e hoomakaukau ai no ka lawe ana mai i na kanaka hana, a e kokua ai i na eemoku mai na aina e mai” i hana ia ma ka la 30 o Dekemaba, M.H. 1864; a me ke kanawai i kapaia “He Kanawai e hoakea ana i na mana o ka Buro o na Eemoku mai na aina e mai” i hana ia ma ka la 23 o Iune, M.H. 1868; a me ka kanawai i kapa ia “He Kanawai e kokua ana i na poe mai na aina e e komo mai ana iloko o keia Aupuni e noho ai “ i hana ia ma ka la 23 o Iune, M.H. 1868, a me na kanawai a me na hapa kanawai e kue ana i keia, ma ke keia ua hoopau loa ia.
Aponoia i keia la 25, o Novemaba, M.H. 1887.
KALAKAUA REX
Na ka Moi,
L.A. THURSTON,
KUHINA KALAIAINA.
HE KANAWAI
E HOOLOLI AI I KE KANAWAI E PILI ANA I KA HOOKUPA ANA I NA KANAKA MAI NA AINA E MAI.
E hookolo ia e ka Moi a me ka Ahaolelo o ko Hawaii Pae Aina.
PAUKU I. Ma keia ke hoololi ia nei na Pauku 428, 429, 431 a me 433 malalo o ka Haawina VIII o ka Mokuna VII o ke Kanawai Kivila, a penei e heluhelu ia ai:
“PAUKU 428. Na ke Kuhina Kalaiaina e malama a e hooponopono i ka hookupa ana i na kanaka mai na Aina E mai.”
“PAUKU 429. Na ke Kuhina Kalaiaina ma ke noi ana o kekahi kanaka mai na Aina E mai i noho iloko o keia Aupuni no elua a oi ae makahiki mamua koke iho o kona noi ana a hoike ana i kona manao e noho paa iloko o keia Aupuni, e hoohiki aku i ua mea noi la, a koi aku i ua kanaka la o ka aina e kakauinoa i ua hoohiki nei ke maopopo i ua Kuhina la aole he makilo ua kanaka la, aole hoi he mea mahuka mai ka lima mai o ke Kanawai o kekahi Aina E.”
“Ina he noho ua mea noi nei ma kekahi Mokupuni e ae mawaho o ka Mokupuni o Oahu, ua hiki no iaia, mahope o ko ke Kuhina Kalaiaina apono ana i kana palapala noi, e hoohiki i ka olelo hoohiki hookupa imua o kekahi Lunakanawai o kekahi Aha Hokolokolo kakau, a ma keia ua haawiia i na Lunakanawai o ia mau Aha ka mana e hoohiki aku i na olelo hoohiki o ia ano”
“Pauku 431. E kakauinoa ia ka olelo hoohiki e ka mea i hoohiki ia i kupa, a e hoohiki ia oia ma ke ano ana i manao ai he paa loa i kona Lunaikehala, a e kakau inoa ia ka olelo hoike no ka hoohiki ana e ke Kuhina Kalaiaina a i ole ia e kona Kakauolelo mua paha, a i ole ia ina he noho ka mea noi ma kekahi Mokupuni e ae, e kekahi Lunakanawai o kekahi Aha Kakau.”
“Pauku 433. He mana no ko ka Moi me ka ae ana o ka Aha Kuhina e haawi aku i kekahi kanaka e noho ana ma ka aina e, a e noho ana paha iloko o keia Aupuni no ka Manawa wale no i palapala hookupa e haawi ana i ua kanaka nei o ka Aina E i na pono a me na pomaikai a pau o ke kupa maoli me kona haalele ole i kona kupa ana i kona aina ponoi: ma ia palapala hookupa ua hoolilo ia ua kanaka la o ka aina e i kanaka malalo o na kanawai o keia Aupuni i hoolohe ai oia i ke Alii e like me ka mea i hookupa ia e like me na olelo mamua ae.”
PAUKU 2. O kela a me keia Lunakanawai o kekahi Aha Kakau mahope koke o kona hoohiki ana aku I kekahi kanaka o na aina e i ka hoohiki hookupa e like me na olelo o ka pauku mamua ae, e hoouna koke aku oia i ke Kuhina Kalaiaina i ka mua o ia olelo hookahi me ka malama iho i kope o ia mea.
PAUKU 3. O ka Mokuna XLVIII o na Kanawai o ke Kau o 1882 a me na Kanawai a me na hapa Kanawai a pau e kue ana i keia e hoopau ia a ma keia ke hoopau loa ia nei.
Aponoia i keia la 25 o Novemaba, 1887.
KALAKAUA REX.
Na ka Moi,
L.A. THURSTON
Kuhina Kalaiaina
HE KANAWAI
E HOOPAU LOA AI I KE KANAWAI I KAPAIA “HE KANAWAI E PILI ANA I NA LUNAKANAWAI O KA AHA HOOKOLOKOLO KIEKIE I APONOIA MA KA LA 15 O OKATOBA, 1886, A E HOALA HOU I NA KANAWAI I HOOPAU IA MA IA KANAWAI.
E hooholo ia e ka Moi a me ka Ahaolelo o ko Hawaii Poe Aina.
PAUKU I. O ke Kanawai I kapa ia “He Kanawai e pili ana i na Lunakanawai o ka Aha Hookolokolo Kiekie” i apono ia ma ka la 15 o Okatoba, M.H. 1886, e hoopau ia, a ma keia ke hoopau loa ia nei.
PAUKU 2. O na pauku a pau o ke Kanawai Kivila a me na kanawai a pau i hoopau ia e ua kanawai nei i kapa ia “He Kanawai e pili ana i na Lunakanawai o ka Aha Hookolokolo Kiekie,” ma keia ke hoala hou ia nei a ke hoololi ia nei ma keia i kanawai.
PAUKU 3. E lilo keia i kanawai mai ka la mua aku o Ianuari, M.H. 1888.
Aponoia i keia la 26 o Novemaba, M.H. 1887.
KALAKAUA REX
Na ka Moi,
L.A. THURSTON,
Kuhina Kalaiaina.
HE KANAWAI
E HOOLOLI AI I KE KANAWAI I KAPA IA “HE KANAWAI E PILI ANA I KA LAPAAU ANA ME NA LAAU A NA KAUKA PAKE” I APONO IA MA KA LA 13 O AUGATE, M.H. 1880
E hooholo ia e ka Moi a me ka Ahaolelo o ko Hawaii Pae Aina.
PAUKU I. E hoololi ia a ma keia ke hoololi ia nei ka Pauku 3 o ke kanawai i kapaia “He Kanawai e pili ana i ka lapaau ana me na laau o na @auka Pake” i apono ia ma ka la 13 o Augate, M.H. 1880, a penei e heluhelu ia ai:
“Pauku 3. O na mea a pau i laikini ia e like me ia i olelo mua ia, e pili no ia lakou na kanawai a me na rula e kau ia nei maluna o na Kauka Lapaau a Kauka oki paha i laikini ia, eia nae aole e loaa i kekahi mea i laikini ia malalo o keia kanawai, ka mana e haawi i na palapala ae no ka lawelawe ana i ka opiuma a o kekahi mea i hanaia me ka opiuma, a i kekahi laau make paha a e haawi i na palapala hoike e loaa ai ka opiuma, a mea i hana ia me ka opiuma paha, a o na palapala hoike a palapala e ae paha i haawi ia mamua aku nei e ka poe i laikini ia malalo o ke kanawai i olelo ia i ka@a ia “He Kanawai e pili ana i ka lapaau ana me na laau a na Kauka Pake’ ma keia ke hoolilo ia nei i mea ole .”
PAUKU 2. E lilo keia i Kanawai mai kona la e apono ia ai.
Aponoia i keia la 26 o Novemaba, M.H. 1887.
KALAKAUA REX.
Na ka Moi,
L.A. THURSTON
Kuhina Kalaiaina
HE KANAWAI
E HOOMAOPOPO ANA I KA UKU O NA LUNAMAKAAINANA.
E hooholo ia e ka Moi a me ka Ahaolelo o ko Hawaii Pae Aina.
PAUKU I. Ma keia ke hoomaopopo ia nei ka uku o na Lunamakaainana he Elua Haneri me Kanalima Dala pakahi no kela me keia kau o na makahiki elua.
PAUKU 2. E lilo keia i kanawai mai kona la e apono ia ai.
Aponoia i keia la 28 o Novemaba, M.H. 1887.
KALAKAUA REX.
Na ka Moi,
L.A. THURSTON
Kuhina Kalaiaina.
MA KE KAUOHA
Ua hookoha ia o Jacob M. W. Silver i kela la 14 o Dekemaba, 1@87, i luna no ka malama ana i ka Oihana @are ma ka Paeaina Hawaii.
LORRIN A. THURSTON,
Kuhina Kalaiaina.
Keena Kalaiaina, Dekemaba, 14, 1887.
2154-3t
Ua hookohuia o Wiliama J. Brodie ESQ., i keia la i Agena haawi Laikini Mare no ka Apana o Kohala Akau, Mokupuni o Hawaii.
LORRIN A. THURSTON,
Kuhina Kalaiaina.
Keena Kalaiaina, Novemaba, 29, 18@7.
2158-3t
I kulike ai me na mea i hoike ia maloko o ka Pauku 231 o ke Kanawai Kivila, @olaila, ua hookaawale ae nei au i keia la 30 o Novemaba, 1887, i Pa Aupuni no ka hoopaa ana i na Holoholona Auwana ma Kalaoa @, a me Hawanawana ma ka aono ma Puna@uka o ke Alanui Aupuni, ma ka Apana o Kona Akau, Mokupuni o Hawaii.
LORRIN A. THURSTON,
Kuhina Kalaiaina.
Keena Kalaiaina, Nov. 30, 1887.
I kulike ai me na mea i hoikeia maloko o ka Pauku 232 o ke Kanawai @, nolaila, ua hookohu aku au i keia la 30 o Novemaba, 1887, ia Geo. D. Hueu, @ Luna Pa Aupuni no na Pa Aupuni i hoike ia ae la maluna, ma ka Apana o Kona Akau, Mokupuni o Hawaii.
ULULANI
Kiaaina o Hawaii.
Keena Kiaaina, Hawaii, Nov. 30, 1887.
MA NA MEA E PILI ANA I NA KAHU MALAMA WAIWAI O KA LUAKINI A EKALESIA O KAUKEANO.
NO KA MEA, he Ahahui @ hoopuka mua ia ka ae ma @a inoa @Ka Luakini a Ekalesia Haole Elua o Honolulu, “ a oia inoa a me ia ano, ua hoololi ia mamuli o kekahi Olelo Hooholo a k@ Ahakukamalu ma ka la 28 o Ianuari, 1856, a o “Na Kahu Malama Waiwai o ka Luakini a me ka Ekalesia o Kaukeano, “ i kulike ai me na kanawai i hana ia e pili ana ia mea, ua waiho pono mai me ka mea nona ka inoa malalo iho nei, he pa@a noi e hoopau i ua Ahahui la, a me kekahi palapala hooia i pakui pu ia, e like me ka mea i kauoha ia e ke kanawai@ a nolaila.
Ke haawi ia aku nei ka hoolaha i na mea a pau i kuleana a @ noho kuleana nei ma kekahi ano iloko o ua Ahahui nei, o na kue no ka ae ia o ua noi la i oleloia, e waiho ia ae ma ke Keena Kalaiaina ma ka la 26 o Ianuari, 1888, a mamua ae paha, a o kela a me keia mea a mau mea pah@ i makemake e lohe ia ka lakou ma na mea e pili ana, e hiki kino ae ma ua Keena Kalaiaina la, ma Aliiolani Hale, Honolulu, i ka ho@a II o ke kakahiaka o ua la nei, a e hoike ae i na kumu e hiki ole ai ke ae ia ua noi la.
(Kakauinoaia) L.A. THURSTON,
Kuhina Kalaiaina.
Keena Kalaiaina, Nov. 23, 1887. 2156-10t
PACIFIC HARDWARE COMPANY
Na hope o Dilinahama Ma.
Mau Mea Kuai Lako Hao
Alanui Papu, Honolulu.
HOOLAHA I KA POE AIE
O ka poe a pau he mau koina ka lakou i ka waiwai o Kahalehau (k) i make, ke kauohaia aku nei lakou e waiho koke mai i ko lakou mau hooiaio kupono i ka mea nona ka inoa malalo iho @oko o na mahina eono mai keia la aku.
GEO. C. BECKLEY,
Lunahooponopono o ka waiwai o Kahalehau.
Honolulu, Novemaba 29, 1887. 2157-5t
HOOLAHA
G. W. A. HAPAI,
He Luna H@oko Mare,
A HE
AGENA HOOIAIO PALAPALA,
E loaa no ma Hilo-taona, Hawaii, ma na manawa a pau. 2152-@
HOOLAHA HOOKO MORAKI ME KE KUAI.
MAMULI o kekahi mana kuai i hoike ia maloko o kekahi Palapala Moraki i hanaia mawaena o Kapuahilani (k) me A. J. Cartwright, mea malama waiwai, ma ka la 30 o Dekemaba, 1882, a i kakau kope ia ma ka Buke 77 aoao 197 me 198. Nolaila, ke hoolaha aku nei ka mea moraki e hooko ana oia ia mana kuai, mamuli o ka uhaki @ ana o na kumu aelike o kela moraki, a ma ia hooko ana e kuai ia aku ana ma @e kudala akea, ma ka hale kudala o J. F. Morgan, ma Honolulu, ke hiki aku i ka POAKAHI, la 12 o DEKEMABA, 1887, i ka hora 12 awakea, i na waiwai a pau i hoike ia ma ua moraki nei, e like me na hoakaka malalo iho:
Kela mau apana aina e waiho la ma Laie, Koolauloa, Mokupuni o Oahu, a i hoike ia ma ka Palapala Sila Nui Helu 3008 ma ka inoa o Kaiolohia, nona hoi ka @ll he @ 40 @ka, a me kela apana i hoikeia ma ka Palapala Sila Nui Helu 2915 ia Keawe, nona ka ili he 1.09 eka. A. J. CARTWRIGHT,
Mea Malama Waiwai a Mea Moraki,
No na mea i koe e ninau ia W. R. Ca@ e, Loio. 2155 4t
M.R. FREITAS.
Kaiopihi, Kohala
Halekuai
No na mea ai, no na lole, a me na mea hoonani e ae he nui loa.
E kuai ia aku ana me ke Kumukuai haahaa loa.
Ke kau leo ia aku nei na Hawaii Ponoi a pau e nane nui ae.
2158.3m.
HOOLAHA A KA LUNAHOOPONOPONO WAIAI.
Ua hookohu pono ia mai ka mea nona ka inoa malalo iho nei, i Lunahooponopono Waiwai ma ka la 5 o Dekemaba, 1887, ma ka waiwai o Kaia (w), i make ma Honolulu, Oahu, imua o E. Preston, kokua Lunakanawai elua o ka Aha Kiekie. Nolaila, ke kauoha ia aku nei na poe a pau he mau koi ana ka lakou i ka waiwai o ka mea i make, e hoike koke mai lakou i ka lakou mau @ila aie kupono i hooiaio ia, iloko o eono mahina mai ka la aku e puka ai ma ka nupepa KUOKOA, a mahope aku o ia, e hoole mau loa ia aku, a o na poe a pau he mau aie ko lakou i ka mea i make, e hookaa koke mai ia’u, a ina he mau waiwai kekahi o ka mea i make e paa ia nei e kekahi poe, e hoihoi ia mai me ka hakalia ole.
A. KAUHI,
Lunahooponopono Waiwai o Kaia (w).
Honolulu, Oahu, Dekemaba 6, 1887.
2158-4t
KAUKA WEBA (WEBB.)
Keena Oihana, Alanui Alakea.
Kokoke i kahi o ke Komisina Amerika.
{ Mai ka hora 7 a 9 A.M.
HORA OIHANA { Mai ka hora @ a 3 P.M.
{ Mai ka hora 7 a @ P.M.