Ka Nupepa Kuokoa, Volume XXVI, Number 48, 26 Nowemapa 1887 — Hou Pahi Manaonao. [ARTICLE]

Hou Pahi Manaonao.

Ika po Poalua iho nei, mawaena o ka hora 8 me 9, mahope iho o ka hale puhi palaoa ma Aala ae nei, ua hou ia he wahine pake i ka pahi a make loa. I ka *a a ka poe e kok©ke mai ana i lohe ai i ka leo uwe, ua makawalu mai la lakou a loaa aku ke kino o ka mea i make e waiho ana i ka papahele ua hele aau aku aau mai ike koko. Ua hoouna koke ia ka' lohe i kahi ona makai, a ua eleu ae no hoi lakou me na Ilamuku no ka hakilo ana i na hana a ka mea puuwai eleele. Ua huli ia ka mea nana i hana keia hana, aole nae i loaa, a ua lawe ia ke kino kupapau i ka halewai, a he pahi nae ka mea i loaa aku e waiho ana ma kahi kokoke i ke kino 0 ka wahine.

Ma ka halewai ua nana ia ke kino e ke Kauka Farani, a ua loaa aku he eha mau hou pahi ma ke poo, hookahi o lakou aia mahope o ka pepeiao akau, a ua holo loa ia moku pahi a hiki i ka puu, ama ka manao o ke kauka, oia no ka moku i hikiwawe loa ai ka make; a ma ka opu kekahi mau puka, mt ka pahipelu keia hana i hana ia'i. Ika lohe ana oke kane a ua wahine nei i ka poino iloaa iaia, ua nui kona piolok?, oiai oia ma kana hana he hookani pahu no ka hale keaka pake.

Ua hopu ia ka pepehi kan*ka i ke kakahiaka Poikolu ae, a hoopaa ia no kahi paa, ma ka ninaninau ana iaia i kona wa i hopu iai, ua hoole mai oia aole nana i hana, a mahope o kona paa ana ma kahi paa, a ma ka auina la, ma ka ninau hou la ana, uaae mai oia nana i hana ke karaima. E kau ana ma kona kino na hoike kupono e alakai ia'i ka noonoo ana aku nana no i hana, no ka mea, ua moku ia'ke alo o kona mau mananiana linia, a e kakau ana no he mau kikohukohu koko ma kona mau maiuu. Aole i akaka lea loa na kumu o keia hana lima-koko, ama ke koho wale aku, e like no hoi me ka nianao o kekahi o na pake o ke kulanakauhale nei, me he \i i kii aku ka mei nana na hana hoomanaonao i kela wahine me ka manao e hana i ka hewa, a maoiuli la oka loaa ana mai he hoole a me ka mma» e hai ia i ke kane mare, nolaila, ua pepehi ia oia a make.

Ua hookahaha ia ka manao o kekahi makai ma o kona hiki ana ae i ka halewai a ike i ka pake e paa ana, no ka mea, i ka wa i lohe ia'i ka hou pahi, ua hiki koke aku ilaila ua makai nei, a oka mea ana i ike ai e paa ana, oia no ka mea nana oia i kokua ma ka huii ana i ka mea pepehi kanaka, a nolaila, ua manao loa oia ua hopu hewa wa le ia mai no ka mea hewa ole, a e ike ana paha ia i kana mea i kphihewa ai, no ka mea, ua hoomaalea ia oia e ka pake. Ua noho ka aha koronero a hooholo lakou i make kela wahine i hou ia t ka pahi e kekahi mea e. O Ah Tuck ka inoa o ka pake pepe- , hi kanaka»