Ka Nupepa Kuokoa, Volume XXVI, Number 44, 29 October 1887 — Page 1

This text was transcribed by:	Kate Motoyama
This work is dedicated to:	brother wally murray

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXVI, HELU 44. HONOLULU, POAONO, OKATOBA 29, 1887. NA HELU A PAU, 2152.

HOOLAHA KUMAU.

GEORGE P. KAMAUOHA.

He Loio a he Kokua ma ke Kanawai.

--A HE MEA--

ANA AINA.

@ @@@ no @a Kohala Akaa, Hawaii.

2091-16

VOLNEY VAILLANCOURT ASHFORD,

AKEPOKA

He Loio, Hookaha, Pale ma ke Kanawai

Kakanolelo, Lunahooponopono a me

ka hana ana i na Palapala Hoolilo.

LAWELAWE ILOKO O NA AHA A

PAU O KE AUPUNI.

E @@@a @@ no na Palapala pili Kanwai a

@@.

@@ Keena Hana Helu 21, Alanui Kalepa,

Honolulu Hale. (2150 1y)

A ROSA. (AKONI.)

LOIO A HE KOKUA MA KE KANAWAI.

He Luna Hooiaio Palapala.

KUENA HANA: Ma ke Keena Loio Kuhina.

CECIL BROWN.

LOIO A HE KOKUA MA KE KANAWAI?

He Agena Hooiaio Palapala no ka Mo-

kupuni o Oahu.

KEENA HANA: Ma alanui Kalepa.

tf.

WILLIAM C. ACHI.

Loio a he kokua ma ke kanawai imua o na Aha a pau o keia Aupuni.

He Mea Ana AIna a he Boroka ma na waiwai paa.

Keena Hana. Helu 15, Alanui Kaahumanu Honolulu, oia ke Keena mua iho nei o Kini me Peterson. 2114-y

JOHN MAHIAI KANEAKUA.

LOIO A HE KOKUA MA KE KANAWAI.

HE MEA UNUHIOLELO MA KA OLELO

BERITANIA A ME KA OLELO HAWAII.

Keena Hana, maluna ae o ka Hanaoko o Hihopa in a.

1yr.

JAMES M. MONSARRAT.

(MAUNAKEA.)

LOIO A HE KOKUA MA KE KANAWAI

He Luna Hooiaio Palapala.

E hana ia no na Palapala Kuai, Palapala Hoolimalima, a me na palapala pili kanawai e @e ma ka olelo Hawaii. Dala no ka hoaie ma ka m@@aki ma na waiwai paa.

KEENA HANA: Alanui Kalepa.

KAMIKA, KAKIKNA a me KINI,

LOIO, LOIO, LOIO.

KEENA HANA: Helu -- Alanui Papu,

Honoilulu. tf.

E k@@--

S. B. DOLE.

LOIO, LOIO, LOIO.

He Luna Hoolaio Palapala.

KEENA HANA: Helu 15 alanui Kaahumanu

2079 16

W R. KAKELA.

LOIO A HE KOKUA MA KE KANAWAI

Ma Luna Hooiaio Palapala.

M. THOMPSON,

LOIO MA KE KANAWAI.

Keena Hana, aia iluna o ka Hale Pohaku o Kimo Capble, kihi o na alanui Papu me Kalepa, Honolulu.

HE LOIO IMUA O NA AHA.

Ina i makemakeia, alaila e haawi no oia kona manao kanawai ma ke kakau ana ma ka pepa, no ke ano o ka hihia e manaoia ana e hoopii maluna o na olelo ike e waiho iamai ana e ka mea nana ka hihia. 3121-1y.

WILDER & CO. (WAILA MA:)

Mea kuai papa a me na lako kukulu hale na ano a pau, a me na m@ n@ pono a pau no ka hala.

Kihi Alanui Moiwahine me Papa. tf.

E G. HITCHCOCK.

(AIKUE HIKIKOKI).

LOIO, A KOKUA MA NA MEA A PAU E

PILI ANA MA KE KANAWAI.

Kohi ia no na Bila Aio, me ka awiwi

HILO, HAWAII.

2114.1yr.

S. K. MAHOE.

LOIO A HE KOKUA MA KE KANAWAI.

He Agena Hoolalo Palapala Kope no ka

Mokupuni o Oahu.

He Luna Hooialo Palapala K@pa Paahana

no ka Apana o Waialua, Oahu.

E loaa no ma Waialua, Oahu. @128-16.

WILLIAM McCANDLESS.

HALEKUAI BIPI O WILLIAMA MA KALALENA ma Ulakoheo. Na ano Bipi a me na la a pau o ka makeke no na ku@ukuai oluolu. Uala Kahiki a pela 'ku.

2002-1y.

EDISEPA FERIDO

KA HIENA KAULANA O BAGALIA

KA OLALI O NA MEA HUNA POHIHIHI

KA Aina Lawa Pahaohao o Mauna Eeria.

Ke Kuhikuhi Puuone Poupou Kamahao, a o

ka Liona Hau Meheu Pololei.

He Moolelo EMelani i unuhi ia no ke Kuokoa

I ua luahine nei i kaalo ae ai mawaho o ka hale, kalokalo ae la ua luahinekupua nei penei:

E o'u mau kiai mana ke kauoha aku nei au ia oukou e kiai malie oukou i ke ia kanaka imi pohihihi i nana oukou a i lele mai oia mai loko mai o ka lumi ana e noho la, alaila e hana oukou e like me ka mana i loaa ia oukou a maluna o oukou ko'u paulele ana, a e hana oukou e like me ko oukou ikaika piha a pau.

I ka pau ana o keia mau huaolelo kalokalo a ua luahine la, huli ae la oia a hele aku la a kau ae la oia maluna o kona lio lele, pupuu hoolei loa kaalo ana ua luahine la malalo o na ao o ka lewa, a e like me ka imo ana a ka maka, kau a ku la oia iluua o kekahi aina poepoe i kapaia ke aupuni poepoe o Robina.

Iaia i kau aku ai iluna o ua aina la, lele iho la oia mai luna iho o kona lio, a komo aku la oia iloko o kekahi ululaau a hakihaki iho la oia iloko o kekahi ulu laau a hakihaki iho la oia i kekahi mau lala laau a hoopuupuu iho la i kekahi puu opala a ho-a ae la i ke ahi.

I ka ike ana a Setiwa i keia mau hana a ka luahine Umerala pane ae la oia e pilikia ana ka wau ia oe, me keia mau huaolelo oia i pane ae a neenee malie ae la oia mai ke poo mai a kau iluna o ka lihilihi maka o ua Umerala la a in a paha he wahi kanaka mahuahua ika ae ua wahi Setiwa la, in a ua ike ia e Ume rala aole o ka makalii loa no e like me ka liha hanau hou, nolaila nalo loa ai no mai ike ia e ua luahine la.

I ke ahí e lalapa an aa e pii ana hoi ka lalapa o ke ahi iluna o ka lewa, a o kona uwahi hoi e moe kololio ana iloko o na ao o ka lewa.

I ka ike ana o ua luahine la, ua enaena maikai ke ahi, ia wa, wehe ae la oia i kona lole a pau, a kiloi aku la iloko o ke ahi a oi palima loa ae la ka lalapa o ke ahi, a ia wa koke no i lele ko hana aku ai ua Umerala la a poholo ana iloko o ka enaena o ke ahi e lalapa ana.

I kela wa ana i haule peno ai iloko o ka enaena o ke ahi, palulu ae la kona mau lima i na maka, oiai, he wahi minamina loa ia na ua luahine e la o kena mau maka, kahi nana ka ike, me ka manao kuhihewa on a, aohe kupua hiki ke lulumi pu me ia iloko o ke ahi e lalapa la.

I ua wahine nei nae e kaa la iloko o ke ahi, me he poaa la e unuunu ia ana e ka lima o ke kanaka, ia wa, aia no ka hi Setiwa ke noho hoopu la iloko o ka lihilihi maka, aole ahi komo uku iloko on a, oiai, ua palulu ia kona wahi a paa e na lima o ke kupua wahine.

Iloko no hoi o keia noho koke o ua wahi Setiwa la maloko mai o ka lihilihi maka, aohe wahi mea a ike iki o keia luahine, ma keia mea i akaka loa ai, aohe kupua oi loa ae o ka mana e like me Setiwa.

I ka hope loa o na hana an aa ua luahine la, puana ae la ua luahine la penei:

Ahaha, ache kupua e like me a'u ka mana, ao he no hoi ke kupua pill mai ma hope o'u, oiai, he mana kupua ko'u a in a he kupua me a'u, in a ua uwe oia iloko o keia ahi e lalapa nei.

A puana hou ae la no ua luahine la, kahaha, e manao ana paha ela imi pohihihi, he hiki i kona wahi mana omilu@ milu ke uhai mai mahope o ko'u meheu, aole, aole loa, aloha no ke kanaka lapuwale o ka honua i hele mai e imi i ka mea pohihihi, a eia ka e nele ana oia i ka mana kupua ole e hiki ole ai ke imi mai mahope o kuu meheu.

I ka pau an ao keia mau olelo kaena a ua luahine Umerala la, pii ae la oia maluna o ka punohu uwahi a nalo aku la iloko o na ao o ka lewa.

He mau hora loihi keia hele ana a laua nei, kau aku la laua iluna o kekahi aina nani lua ole a he hookahi hale maluna o ua aina la.

Ia wa, huli ae la ua luahine la a o aku la i kona lima akau imua o ka uwahi a pane aku la penei@

E ke ahí kupua o Olive, ua pau kou a ana a me kou lalapa ana, no ka mea, eia au i ka aina nani o Rubina.

I kela wa koke no i pio iho ai ke ahi a pau pu ae la ka uwahi ana.

Pane ae la ua luahine la e like me kona ano mau o ka hooio ma kona mana @ua ole, a penei kana i pane ae ai:

A i ke alanui lewa i ka pai a ka makani, ka mea hiki ole i na kanaka o ka honua ke hana, ke hele, ke pii, aohe lua o ka mana e loaa ai wau.

E manao ana paha kela mea huli po hihihi, he hiki iaia ke han ai ka'u mau hana mana, aole, aole loa.

Me keia mau huaolelo ua luahine la i pane ae ai, a hele kohana aku la oia a komo aku la iloko o ka hale, a loaa aku la kona lole, a i ka paa ana, huli ae la oia a komo aku la maloko o kekahi lumi okoa aku, a loaa aku la kekahi lio nui keokeo, he lio lele keia, he lio nani hoi o kona helehelena, hiehie kona kulana, aohe wahi a ka maka e hoowahawaha aku ai i ua lio la.

Oiai ua luahine la e ku ana maka aoao o ua lio la, pai ae la oia ma ka pepeiao akau o ua lio la me ka pane ana aku, he makemake au o kou mau pono a pau e kau maluna o kou kua.

E like me ka imo ana a ka maka kau ana u amau mea la a pau, ia wa koke no, pii ae la ua luahine laa kau iluna o ua lio la, a e like me ka imo ana a ka maka, nalo aku la ua luahine la iloko o na ao o ka lewa.

He mau sekona pokole wale no keia lele ana aku a ua luahine la, kau aku la laua iluna o kekahi aina nani i oi paumi ae kona nani mamua o na aina nani a pau.

O keia aina, ua piha oia i na kiai o na ano a pau, a o na huaai a pau aia maluna o ua aina la kahi i ahu mokaki ai.

Oiai oia i kau aku ai iluna o ua aina la, lele iho la oia mai luna iho o kopa lio, a komo aku la iloko o ka pa hale.

Oiai nae ua luahine la e hele ana ma waena o na huina alanui, ia wa koke no ike iho la ua luahine la i kekahi mea uleule ma kona lihilihi maka.

I kela wa, hamo ae la ua luahine la i kona maka, a ia wa koke no i haule iho ai ua wahi Setiwa la mai luna iho o na maka o ua Umerala la a oia kana i pane ai, kahaha, heaha la hoi keia mea ino.

Ia wa koke no i lele mai ai na kiai e momoe ana ma na aoao o ke alanui, me ka hooho ana: o Setiwa! o Setiwa!! ke kanaka makalii.

I ka ike ana o ua wahi kanaka makalii la e kokoke mai ana na kipona hope loa o ka make i on a la, nolaila, lele okoa aku la oia a poholo ana iloko o ka pepeiao o kekahi Bea nui huluhulu, me ka pane ana ae, iloko au ou e pakele ai.

Ia Setiwa i nalo aku ai maloko o ka pepeiao, aole hookahi kupua i ke iaia, noke iho la ua poe kiai nei i ka lulumi iwaena o ke alahele me ke ake ana o kela a me keia kiai e loaa iaia ke kupua.

I ka hope loa nae o ka lakou haunaku ana me ka imi ana, a no ka loaa ole ku ae la lakou a hoi ae la ma ko lakou mau wahi me ka nele.

I keia wa i noonoo iho ai ua luahine Umerala la penei:

Kahala, he kupua no ka hoi ka i hele pu mai nei me a'u, nani no hoi ke kupua a ka hoonahea o ke kau ana ae nei wa kuu maka.

Me keia mau noonoo ana, huli ae la oia a hele aku la me ka naau piha me nemene no kona pakele.

A o ka kakou Setiwa hoi, haule iho la oia i ka hope waa e like me ka ano mau o ka poe hele wale iho no me ka makamaka ole.

A oia ka ua wahi Setiwa la i pane ae ai penei:

Kahaha, nani no hoi ke keiki a ke aloha ole ia'u, ka i no paha e hooloh eana oia i ka'u mau olelo i pane aku ai ia iaia, eia ka e hana aloha ole ana oe a mai make au ia oe e kuu keiki a ke aloha ole.

A pane hou ae la ua Setiwa la, kahaha, e manao ana paha oe e kuu keiki i keia hana a'u hele nei, he mea paani wale no, kupanaha no hoi oe, a nani no hoi ke keiki a ke aloha makua ole ia oe.

E hoomanao iho kaua e ka mea heluhelu, o ke kumu nui o keia pilikia o Setiwa, mamuli no ia o na hana aloha ole a Edisepa, oiai, aia o Setiwa ke hele la, a eia hoi o Edisepa ke ulele nei me na kaikamahine a ka luahine Ume @ala.

(Aole i pau.)

LAUDILA.

KA NAITA HOOPAHAOHAO O NA

KAKAI MAUNA ME NA KAEI PALI O ITALIA--

Ka Olali oke Kahua Kaua.

Ka Eueu nana i hookunihi ka Onohi malamalama o ka

La, ka Ui kelakela i malamaia mawaena o na kua-

hiwi me na kualono; ka nani nana i hoo@@lule

ka puuwai o na aliiwahine a pau o Europa

a i eha ka @eha lima ole @ ke aloha.

Ka Makani Puahiohio Wilia@ o ka Hikina.

A o ke Kupueu Iwikani o ka Makakila

IA wa i kani hou mai ai ka leo o na mea kani, a ku ae la na na alii opio a pela hoi me kona mau kaikuana a me ka laua mau wahine a me kekahi o kona mau ukali, a komo pu aku la me na kamaaina iloko o na lealea hula, a ia wa i haawi mai ai ke anaina i na leo huro o ka hauoli no ua mau opio nei a kakou; a i kela a me keia manawa a ua mau alii opio nei e hooniniu ai e haawi mau mai ana na alii o PEresia a me ka anaina holookoa i ka mahalo a me na leo hooho e kukala ana: O ka oi no na alii opio o Italia, a o ke kekahi poe hoi, o lakou no a pau ka maikai. Ua hoomauia keia anaina hauoli a hiki i ke kani ana o ka hora 12 o ke aumoe, ua hookuu ia aku la ke anaina e hoi no ko lakou mau home iho me ka hauoli, a o na alii opio hoi no ko laua rumi moe a haule aku la hiolani.

I ka puka ana mai o ka la i ke kakahiaka, ua kahea ia ka ahakukamalu no ka noonoo ana i ka hoopai e kau aku ai maluna o ke pio, oia hoi ke ahi powa Ileka; a i ko lakou noonoo pono ana, ua hooholo iho la lakou, e li ia ka powa Ileka maluna o ka amana. Hoouna aku la ka moi i ka leta i ke alii opio e hai aku ana, in a ua hoapono oia i keia hoopai a ka aha maluna o ka powa Ileta; a i ka hiki ana aku o ka leta imua o ua opio la, ma ka lima o ka elele, ua ike iho @@ oia i na manao o ua leta la, a oia kana i pane aku ai i ka elele: E hoi oe a hai aku i ka moi a me na lala a pau o ka ahakukamalu, o ka mea a lakou i manao ai he pono, oia ka lakou e hana ai; a no''u iho, aole paha i kupono na'u e hooko aku i ka hoopai maluna o ke pio, aka, na oukou no e hookau i ka hoopai malun on a, oiai he koku awale no ka'u han ai ka poe i loohia me na haawina popilikia, e like iho la me keia aupuni.

Huli hoi aku la ka elele me na huaolelo a ke ahi opio, a oia kana i hai aku ai i ka moi a me na lala a pau o ka ahakukamalu. A i ka lohe ana o ka moi i na wehewehe naauao a me ke kumu o kona hoole ana i ke noi a ka moi a me kona ahakukamalu, ua piha hauoli loa ia lakou. A mahope iho o keia, ua hooholo iho la ka moi a me kona ahakuka, e li ia ke pio maluna o ka amana, a i ka holopono ana o keia, ua hookuuia aku la na mea a pau e hoi no ko lakou mau wahi iho me na aloha pumehana i ko lakou m@i, a hemau leo hulo hoohanohano hoi no ke keiki alii Laudila.

I ka moi i hoea aku ai i ka hale ahi, ua kuahaua koke aku la oia i kona mau makaainana mai kela a i keia pe-a o kona aupuni, e hele mai e ike i ka li ia ana o ka powa Ileka, ka mea hoi nana i hookupilikii mai i ka manao o ua moi la a me kona mau makaainana, a i keia manawa, he pio oia na ka moi a me na makaainana; a ua hooholo iho ka moi a me kona ahakukamalu, iloko o elua pule mau keia la aku, oia ka wa e li ia ai ua powa la, a ma ka pau loa ana o keia palapala, kakau iho la ua moi nei i kona inoa, Ilosetila, moi o Peresia.

I ka puka ana aku o kei akuahaua alii a puni na pipa alanui, a hala lea'ku la hoi ma na apana kuaaina, ua ku ae la na kanaka hanohano a waiwai, na makaainana hoi e holo ana i o a i anei me ka piha inaina i ka mea pakaha ka powa Ileka, a i ko lakou wa i ike pono aku ai i ko lakou mau waiwai i aihue ia e ua powa la, ua puka mai la ka lakou mau olelo hailiili, me ke noi pu aku e hawi mai i ke pio ma ko lakou mau lima a na lakou e kau ka hoopai maluna on a, aka, ua hoole ka moi i ka lakou noi, me ka hai pu aku, e aho na ke kaula o ka amana e lawe i kona ola, oiai o kakou a pau kai komo iloko o ka pilikia mamuli o keia kanaka powa a me kona mau naita.

I ke kani ana o ka hora 11 ua puka mai la na pio mai ka halepaahao mai, a e kai ia ana hoi e na naita o ke kea hemolele; a i ko lakou hiki ana mai i kahi i hoomakaukauia no lakou, u aku mai la ke kahunapule a wehe mai ia i kekahi haiolelo hoalohaloha imua o na pio; a i ka pau ana, ua hoouhi ia iho la na pio i na pulolou, a iloko o ka manawa pokole lewalewa ana ua mau pio nei i ka lewa, a no elua a me ka hapa hora o ke kau ana a hookuu ia iho la ilalo, a puhi ia aku la hoi ke kino o na powa i ke ahi me ka mainoino; a mahope o keia, huli hoi aku la na mea a pau no ko lakou mau home iho me ka hauoli no ka make ana o ka mea nana lakou i hoopilikia; a i keia wa, akahi no a hoi pono iho no ka noonoo a ka puuwai, oiai ua nalo aku la ka mea nana e hoopuoho ko akou hiamoe o ka po, a e pakaha hoi i ko lakou mau waiwai.

I ka huli hoi ana aku o na mea a pau, ua kukulu ae la na poe hanohano o ka aina i kekahi ahaaina nui, a ua konoia aku la hoi na alii opio e hui pu mai iloko o na hauoli a me ka paina pu ana me lakou, a ua ho@maka na hana lealea mai ua la nei a hiki i ka piha ana o na pule ekolu, ua hookuu ia na hana me ka maikai.

He mau la mahope iho, ua hoomakaukau iho la na alii opio no ka hele makaikai ana i na aupuni o ka honua; a o na pualikoa hoi o ua opio nei, ua huli hoi aku la lakou no ke aupuni o Italia.

Ua haalele iho na alii opio, ko laua makuakane ke alii powa o Mauna Aniani, a me 250 on amau ukali ia Peresia maluna o na aumoko Peresia, no ka laua huakai makaikai, a ua kipa aku laua ma na aupuni a pau me ka pahola ia mai o na hoohanohano he nui; a o ka panina hope loa o na aupuni o ko lakou mau kapuai i hehi ai, oia ke aupuni o Sekotia.

Ia lakou nei i hiki aku ai ilaila, ua hookipa ia aku lakou me ka hanohano nui, a no elua la ko lakou noho ana me ka hauoli me na kamaaina, ua noi aku ua mau opio nei i ka moi o Sekotia e hookuu mai ia lakou e hele holoholo, a ua ake nui hoi kana mau wahine e honi i na ea oluolu, ua ae ia mai keia noi a ua mau opio nei.

Ku ae la lakou a hele holoholo aku la ma kahi e kokoke aku ana i na pae laau o ke kuahiwi, a e oni ae ana hoi ka piko o na kuahiwi anoano o ua aina nei, a ia wa i huli pono aku ai ko lakou mau alo i ke kuahiwi, a ike ia aku la na waimaka o ka Ui Luisa e hiolo makawalu ana ma kona mau papalina, a oia ka ka Ui Pomelia i ninau aku ai: E kuuaikane aloha, heaha ka mea nui iloko o kou naau a i hoike mai ai hoi i ke kaumaha walania ma o ke kahe awai ana o kou mau waimaka; ua hana aku anei kou hoa'loha nei i kekahi mea e hoopilikia ana i kou kino e kuu aikane aloha?

Pane mai la ua Ui Luisa nei me ka helelei pu ana hoi o kona mau waimaka: E kuu aikane pili paa, ka mea a kuu naau i hoohiki ai e lilo oe i mua no'u, a owau hoi i muli nou, a o kau mau ea a pau loa, oia ka'u, a na ka make e hookaawale ia kaua, a hemea oiaio ua hooko ia ia mau mea a pau. Aka, e kuu hoa make a hoa alo i na inea a pau o keia o@a ana, e nana aku i kela mau kuahiwi e ku mai la, a e hoomanao hoi oia ka home aloha o ka olua wahi kauwa nei, na ia mau kuahiwi hoi i hoopuuana ia'u i na la opio a hiki i ko'u kaawale ana mai a noho aku me olua, a oia ke kumu o keia mau waimaka o'u a elua e ike mai la. A e kala mai i ka olua wahi kauwa nei mamua o ko'u noi ana aku i ko olua oluolu: Ina he makemake ko olua e pii e makaikai i ko'u wahi, e ike no olua i ka nanea a me ka oluolu maoli no o na ea o ua kuahiwi la, ka home aloha o ko olua pokii nei.

E kuu wahine, wahi a ka laua kane i pane aku ai, e hooko aku ana no maua i kau noi, a e kali hoi kakou i na hana hoomakaukau kaua a ke aupuni o Sekotia nei, heaha la ka hopena; ke hali'ali'a wale mai la no ia'u, me he la he pualikaua keia e manao ana e poi pu ia'u, a ia make au alaila ko ko lakou makemake maluna o kuu wahine, aka, he kuhihewa paha ia o lakou.

Pane mai la ka Ui Luisa: Mai makau no keia poe, ua lako no oe me na naita kupua i oi pa-tausani aku ko lakou ikaika mamua o keia poe, a o ko'u makuakane hoi, ua makaukau mau oia me na naita he 2,858,000.

(Aole i pau.)

HE MOOLELO NO

Lonoikamakahiki

--KA--

Pua Alii Kiekie na Kalani.

Ke Alii Nui o Hawaii.

[KAKAU IA NO KA NUPEPA KUOKOA.]

I ko lakou wa @ hui pu aku ai i kahi hookahi, ua haawi ae la na aloha o ua mau ahi nei a me ko laua mau kanaka, a ua panai pu ia mai la ia haawina hookahi.

Mahope o ia manawa, ua ninau aku la o Hokuula i ana lawaia o luna o ka waa o ke alii o Oahu nei.

Owai ka inoa o keia ko'a lawaia a ke alii o Oahu nei?

O Poo ka inoa o keia ko'a lawaia, wahi a ka pane.

O Keia ko'a lawaia hoi, aia iwaho o na moku manu e ku nei mawaho o Ko olau poko, malia paha o na keiki kupa o na pali hauhuli aloha, o lakou ka i ike a i ole ua lohe paha, ma ka lohe kou mea kakau e kaulele aku nei, ua oleloia ma keia ko'a, aia ka a au mai ka nuku o Nuuanu me he manu kaupu la, alaila ka, loaa ua ko'a la, oia no ka maka o ukanei.

Ninau hou aku la o Kokuula, a heaha na i-a o keia ko'a?

He mahimahi, he opakapaka, he ula ula, he kahala a he ulua mokuleia, oia na i a kamaaina o keia ko'a mai ka wa kahiko loa mai.

Oiai ko makou mau kupuna e lawaia ana, a hiki mai hoi ia makou i keia wa, nolaila, aohe mau i-a e ae o keia ko'a; o keia ko'a nae, he ipukai na na lii, i noho na lii nuka o ka aina, a ono ae i ka lakou mau ia e ono ai, in a o kekahi o na ia i hoike mua ia ae nei o keia ko'a maluna alaila, e holo pololei mai no na lawaia o ke alii a lawaia a loaa ka ia i makemake ia, ma ia i-a no e lawe mai, ai, a hookoe aku no i ka nui o na i-a okoa, he loihi holo ana, he koke nae ka wa e loaa ai ka i-a, nolaila, ua kapa ia keia ko'a o ka ipukai aloha a na alii.

"O Poo ke ko'a, ka ipukai aloha a na lii," aole mau i-a okoa e ae e o keia ko'a, wahi a ka ninau hookolohe.

Ia wa, ua hoole mai la na lawaia a ke alii o Oahu nei, aohe i-a okoa ae he i-a pupule ia i kipa mai ai i keia ko'a in a e loaa io ana ia i a malihini o keia ko'a, alaila, he alii make, a i ole pela he mau alii kaua, a i loaa ole ia mau haawina, alaila, he aina lilo.

I hou aku la o Hokuula, aohe he loaa o ke ahi o keia ko'a?

Hoole mai la na lawaia o ke alii o Oahu nei, aohe he loaa o ia i-a ma keia ko'a.

Pane mai la no o Hokuula, in a ha pela, aohe no oukou i lawaia i loaa ole ai ia oukou ia i-a he ahi, in a paha e lawaia like ana kakou, loaa paha ia i-a ia makou i na lawaia hoi o keia alii o Hawaii.

Ia wa, i mai la o Kawauhoha, in a hoi ha pela, e pili no hoi kakou, i lawaia no hoi kakou a i loaa ia oukou ke ahi, alaila, ua eo no hoi makou ia oukou, a i lawaia hoi kakou a i loaa ol@ ka ahi ia oukou, alaila ua eo oukou ia makou, in a oukou e aa ana, alaila, e pili no hoi kakou.

Ia manawa i olelo aku ai o Loli, heaha la hoi ke hewa ke pili kakou, hookahi no paha o makou pilikia, aole o makou waiwai e pili ai kakou, no ka mea, aohe waiwai a kamahele, hookahi no paha o makou waiwai, o na maka o kahi walewale, a i ole o na iwi no paha ka pili a kamahele.

Hoole mai la na kahu o ua ahi nei o Oahu, aole o makou makemake ia mau waiwai o ia ka pili, e aho o na kahili no o ke ahi o Hawaii oia ka oukou kumu pili mai ia makou.

I aku la o Loli, in a pela ua pono; a heaha mai hoi ka oukou waiwai e pili mai ai.

I mai la no hoi na kahu o Kakuihewa,, o ka aina hoi paha ko makou kumu pili?

A pehea ke ano o ka aina e pili mai ai? wahi a ka ninau a ke kahu o ke alii o Hawaii.

A penei ke ano o ka aina e pili ai?

Mai ka lae o Makapuu i ka Uhu-kai a ea lae hoehaa o ka Oio i Kualoa i Koolaupoko, ka aina hoi i olelo ia he aina hoolalau o ke aloha, e like me keia hooheno a ka poe kahiko:

Hoolaiau ana ke aloha i Kualoa

Pii ana iluna o Kanehoalani

alaila mau ka pili a kakou. I elua mai no hoi a oukou mau kahili, e like aku la no hoi me ka makou pili, mai kekahi lae a i kekahi lae o ka aina, alaila, ua mau iho la ka pili a kakou, a paa ka pili a kakou alaila, hoomaka kakou e lawaia.

Hoole aku la o Loli, aohe e maa ka pili in a oia iho la ka nui o ka aina, e noonoo hou mai oukou i mau aina hou i mau ka pili.

Huli ae la o Lanahuimihaku ia Kakuihewa i ke alii a ui aku la, pehea e ka alii, ke hoole ia mai la, aole e mau na kahili.

I aku la ke alii, e pono olua e haawi hou aku i ka aina, i ko kuu makemake o ka lilo mai o na kahili ia'u.

Ia wa, i aku la ua mau kahu naaupo nei o ua alii nei o Oahu nei, e manao ana oe nowai ia mau kahili e ke alii, nou hoi paha ia mau kahili, o ka la no hoi paha keia ko kou makemake e ke ahi, e lawaia aku ana hoi paha kakou aohe e loaa ke ahi ia lakou, ua ike no hoi oe @ ke alii he koa loaa ole keia o ke ahi.

Nolaila, ua olelo hou aku la na kanaka o ke alii o Oahu nei, in a ha pela, mai ka lae o Makapuu a hiki i ka wai o Waimea.

Ia wa kahea hou mai la na kahu o ke alii o Oahu nei, e aho e mau ka pili a olua e na lii, mai ka lae o Makapuu i ka Uhu-kai a hiki i ka wai o Waimea, nona hoi ka i-a e olelo ia nei, o ke Kala-koi o Waimea; pehea ia la e ke alii o Hawaii e mau ka pili a olua, no ka mea he elua no hoi ou mau kahili ka pili ma kou aoao, he elua no hoi o ia nei mau Kalana, o Koolau-poko a me Koolauloa, oia no hoi ka pili ma ko ia nei aoao.

Ia manawa i huli ae ai ke ahi a ninau i kona kahu ia Loli, pehea ka pili a maua, ua paa paha?

Ia wa, hoole ae la o Loli i kana hanai alii, aole i mau ka pili a olua, no ka mea, aohe nau ka makemake nana no ka hoi, e aho e noi hou ae au i pili hou mai ma kona aoao, in a e aa mai, alaila, mau ka pili a olua, o ka hoomaka no hoi ia o olua e lawaia, o keia lawaia a olua a hana iho, eia no ma kou aoao ka hana nui, oia hoi, e molia ia aku ana ko'u kino no ka ma@e, aia a make wau, alaila, lilo keia mokupuni ia oe, a noho mai keia alii malalo o kou malu.

Ia manawa i olelo hou aku ai o Loii ke hoole ae nei keia alii aole e mau kona mau kahili, e aho e noonoo hou mai ke alii o Oahu nei i kana pili e pili hou mai ai i mau ka pili a laua.

A pehea auanei ka pili wahi a ka ninau a na kahu o ke alii Kakuihewa.

I aku la o Loli, penei ka pili, e aho e hookomo mai o Waialua a me Waianae iloko o keia pili a ua mau alii nei. A penei e pili ai, a o ka pau no hoi ia o ka hana, in a e ae mai ana kena alii mai ka lae o Makapuu a hiki i ka wai o Waimea, a mai Keahuahapuu i Waimea a hiki i Piliokahe i Nanakuli ka palena o Waianae, alaila, ua mau ka pili a na alii, in a hoi e ae ana ka olua alii.

I aku la o Lanahuimihaku a me Kawauhoha ia Loli, heaha auanei ka mea e hoole ai, he ae hoi paha ka mea maikai, no ka mea, na keia alii hoi ka makemake o laua.

Ina hoi ha pela, ua pono ua mau iho la ka pili a ua mau alii nei, a o ka hana wale no hoi i koe a laua o ka lawaia wale no, i lawaia no hoi ke alii o Hawaii a i loaa ke ahi i keia ko'a, alaila, ua eo no hoi ka pili a laua iaia, a i loaa ole hoi ke ahi i ke alii o Hawaii, alaila, ua eo no hoi kau ahi i ka maua alii, o ka lilo no hoi ia o na kahili o kau alii i ka maua alii, aole hoi oukou e welawela i ka makou eha, oiai, aia no i ko laua mau lima ke aho, makau, maunu, paka, he nana loaa ole ana ia aia no imua o ke alo, aole ma ke kua.

Ua pono ia, aole mea nana e welawe la ae ia eha, o ka eha no ia a ke keiki kane.

Ia manawa i olelo mai ai na kahu o ke alii o Oahu nei, e hookaawale paha na waa o kakou, a e hoomaka hoi na alii a kakou e lawaia.

Ae, ua pono ia manao o olua e na kahu o ke alii o Oahu nei.

I mea e ike lea ai o Lonoikamakahiki i ka pono o ka loli koi ana e holo pu i ka lawaia i kai me kana ahi.

(Aole i pau.)