Ka Nupepa Kuokoa, Volume XXVI, Number 42, 15 ʻOkakopa 1887 — Page 4
| This text was transcribed by: | Kaanoipua Roback |
| This work is dedicated to: | Ilei Beniamina |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
No ka Makahiki. $2.00
No Eono Mahina. 1.00
KUIKE KA RULA.
Poaono……..Okatoba 13,1887.
No na Ekalesia.
“E hoopoina ana au i na mea i hala, a e k@k@@ ana au i na mea mamua”
KAWAIAHAO
I ka la Sabati nei ma Roma 12.1 ka poolelo no ka pule awakea: “E haawi i ko oukou mau kino i mohai ola, hemolele, hooluolu i ke Aku, oia ka oukou hoomana naauao.”
1. He mea kupono ka haawi ana i na makana
2. Ke haai nei kakou i na hapa umi waiwai i ke aupuni o ka Haku. O kekahi no keia o na koina a ke aupuni o ke Akua.
3. O ka mohai i oi, a ko kakou mau kino ia o ke kauoha keia a ka olelo. “E haawi i ko oukou mau kino i mohai ola.”
4. Ina e lilo ka naau no ka Haku, pau pu me ke kino a me ka waiwai.
NO NA EKALESIA H@HA O KONA WAENA A ME KEALAKEKUA
He onawaliwali ke ola kino o kahu a ua moi aku i ka ekalesia e kookuu ia ia e hoomaha a e imi hou i ka ikaika kino no ka lawelawe hou ana i ka hana, a ua hookuu ia mai e hele e hoomaha a ina e oluolu, alaila noi mai no e lawelawe hou i ka hana
He hoike kula Sabati ko Kona-waena ma ka pule hope iho nei o Sept. a ua maikai maoli na hana ma ia la.
E hooikaika e Kona-waena me ka hoomau aole ma kea no hooioio.
Ma Kealakekua ka haiolelo a ke kahu ma ke Sabati nei Oct. @ aia ke poolelo ma Roma 2@4 “A he hoowahawaha anei oe i ka nui loa o kona lokomaikai a me kona ahonui, a me hoomanawanui ana, aole hoi oe i hoomaopo, o ke akua maikai, o ka mea ia e alakai ia oe i ka mihi?” he ekolu manao a penei kea no:
I. Koke Akua lokomaikai. (1) ua hoike ia ia lokomaikai ma na mea a pau ana i hana ai. A me ke kaulike o ia mau pomaikai maluna o na mea a pau, oia hoi ka la, na ea maikai, ka ua a pela aku.
(2), Ma ka wikiwiki ole i @a hoopai i ka mea hewa e like me kona hewa, aka, hoomanawanui oia a haawi mai i manawa e noonoo ai ke kanaka, oia kekahi mea e Akaka ai keia lokomaikai
(3), Ma kona haawi ana mai i kana keiki no na mea a pau, o keia ke pookela o ko ke Akua lokomaikai in a kanaka, he mau moolelo hoohalike e pili ana nona ma Roma a me Alekanedero ka nui:
II. Na hewa e kue ana i keia lokomaikai.
(1). O ka hoowahawaha aku i keia lokomaikai ma ka kakou mau hana.
(2). O ka hoomaopopo ole i keia lokomaikai
(3).. O ka hoopanee i ke komo ana iloko o keia lokomaikai.
III. O ko ke Akua Lokomaikai oia ka mea nana e alakai i ke kanaka iloko o ka mihi.
(1). O na hana aloha a kekahi mea i kekahi, he mea ia e hapai ia ai kona mau manao e hoopili aku i ua mea hana lokomaikai la a ina he mau hana ino kana i ua mea la, e hilohila auanei oia a hele aku e mihi i ka mea ana i hana ino ai.
Pela no ke akua he nui kana mau hana lokomaikai ia kakou i ke kanaka aole anei e lilo ia mau hana lokomaikai a ke Akua i mea e hoopalupalu ai i kou naau e ka mea hoopaakiki ma ka hewa a e hapai ia kou noonoo e nana aku ia ia i kou makua aloha, a e alakai ai ia oe e noonoo no kau mau hana ino a hele aku imua ona me ka naau mihi walania.
Ka moolelo hoohalike no ke kanaka hana ino a me ke kanaka hana lokomaikai a me ka lilo ana o na hana lokomaikai a heaha ka Iesu i hana ai nau a na’u nei? E pono e noonoo e kuu hoa e ko ke Akua lokomaikai piha, palena ole, a e hoimai oe i ka mihi me ka hoohalike ia oe iho me ke k@ki uhauha la e hoi ana me ka naau mihi i ka poli o kona makua
EKALESIA O MUELO, MAUI.
Ua ala na hana o ka pono ma keia Ekalesia, mamuli o ka hoeueu ana a Joseph Inaina he haumana no ke kula kahunapule, ua hiki mai oia iloko o ka malama o Iulai a elua malama a me alua pule kona hana ana iloko o keia ekalesia, ua ala mai la keia ekalesia a ua piha ka halepule me na kanaka.
Ua kukulu i aka ahahui imi pono Karistiano ka ahahui @hoole wai ona @a ala no hoi ke kula Sabati.
@ Ma ka la Sabati Sept. 25 ua lulu dala lakou no ko lakou haiolelo a no ka nui o ko lakou hauoli a me ke aloha, ua loaa he $31.75. Nani ka hana a ke aloha.
Ma ia la Sabati no ua hooholo lakou e a`ua ia J. K. Inaina ua hoouna aku nei lakou I palapala e noi ana ia C. M. Hyde e hookuu mai.
Ioane Halawale me kana misiona.
Eia keia makamaka ma Haiku nei e hana ana i ka hana a ka haku me makou, e hele ana ma ia hale aku ia hale aku e ao i na kanaka e imi ia Kristo.
A ma ia hana ana ua hooni ia na iwi maloo, ua ala mai, a ma ke Sabati Oct a ua hoopiha i aka luakini o Haiku me na kanaka. Ua hai mai o Ioane Halawale i ka olelo o Sol. 25:25.
“O ka wai huihui i ka mea makewai, oia no ka nuhou mai ka aina loihi mai: Ekolu manao.
1. O ka naauao.
2. O Iesu Kristo.
3. O ka Uhane Hemolele.
Ma keia manao hope, i mai oia o keia ka pilikia nui o ka nel@ i ka Uhane Hemolele ole. Aole ma ko ke Akua aoao, ma ko kakou aoao ko na kanaka ka pilikia, na kakou i pani aku i ninini ole ia mai ai. Heaha ia mau pani?
Eia, o ka hewa, o ka mihi ole, o ka manaoio ole, a pela aku.
Ano e ke kalena i loaa iaia. Nohea mai la ka naauao a me ke Akamai i loaa iaia? Ua komo anei oia i na kula nui? I ke kuia kahunapule hea oia i ao ia ai?
Ua lilo no hoi kana olelo i wai huihui e hoopohala ae ana i na naau. Kea la mai nein a kanaka, ke hoopiha mai nei i na hale halawai.
“O ka mea kue ole mai ia kakou, no kakou ia” Iesu.
ELIA HELEKUNIHI.
NA HANA A KA HAKU MA WAIMEA, KAUAI.
O kekahi keia o na kihapai kahu ole ma ka mokupuni o Kauai, nan a luna no e malama ka hana i keia makahiki i kaahope ae nei.
O na hana a ka haku ma keia kihapai, he nee malie no@ o kekahi mea keakea nui nae ma keia kihapai i na la mua o ko`u noho ana aku, oia no ke kahua holohau, malaila na opio kane a me na opio wahine, e holohau ai i na ahiahi a pau, ua pau nae ia kahua lealea a hiki i keia manawa.
Elua wa e malamaia ai ke anaina haipule ma ka la Sabati ma Waimea ponoi iho, i ke kakahiaka a me ka po, i ka auina la hoi ma kekaha.
He malama ia no na hana kula Sabati ma keia apana, malalo o ke alakai ana a Samuel a me C. B. Hotgard.
He elua wa e malama ia ai na halawai kumau, i kela pule keia pule. Ma ke ahiahi poalua a me ke ahiahi poalima, kakahiaka no na makua hiki mai ma keia mau halawai i ahona no i na opio wahine a me na kaikamahine o ke kula o Kawaiahao i hoi ae no ka wa hoomaha.
No na kamaaina, he oluolu maikai no lakou, he hookipa ma na mea e oluolu maikai ai ke kino.
Ua kokua aloha mai lakou i ke ola o ko lakou haiolelo, nolaila ua nui ko’u mahalo no na kamaaina ma kela wahi.
NO NIIHAU.
O kekahi apana keia o ke kihapai o Waimea, o ka mea nana e malama nei ka hana malaila, oia no o M. W. Keale he makamaka maikai oia.
Elua wahi e malama ia ai na hana malaila, ma Kauakinikini a me kamalino, piha pono no na hale halawai i na makua a me na keiki.
O ka haku aina nona keia mokupuni o Niihau, he papa loa oia i ka hana ana i na mea ona maluna o ka aina a puni.
O na kamaaina no hoi ma keia aina o Niihau, he po’e lokomaikai he hookipa i ka malihini.
Oia iho la na mea ano nui e pili ana i na hana a ka haku ma keia apana o Waimea & Niihau.
Me ke aloha.
A.S. KAHOLOKAI.
Moolelo o ka Ahahui E@an@lio o ka Mokupuni o Oahu, ma Waialua, Oc@. 5&6, hora 11 a.m
LA HANA I, POAKOLU.
S. Waiwaiole ma ka noho.
Noi mai o E. S. Timoteo, e hoopanee ka Haiao a ka Lunahoomalu a ka hora 7 p. m.
Ekalesia. Kahu. Elele.
Kawaiahao, ______ ______
Kaumakapili, ______ ______
Kalihi & Moana-
Lua, S. Paaluhi, Keawe
Ewa, S. P. K. Nawaa, Keomaka,
Waianae, J. Kekahuna, Kaaiholei,
Waialua, E. S. Timoteo, Naahuelua,
Kauku, _______ ________
Hauula & Kahana
S. Kapu, (haiolelo,) J.L. Naili,
Waikane, J. N. Paikuli, Konaaihele,
Kaneohe, _______ Moeloa.
Waimanalo, S. Waiwaiole, _______
C. M. Hyde.
Koho ka aha ia S. Waiwaiole i Lunahoomalu, S. Paaluhi i kakauolelo.
Na komite imi hana, C. M. Hyde,
S. Kapu, Konaaihele,
Na komite imi hana, Paikuli, Nawaa me Kekahuna
Na komite pai moolelo, Paaluhi me Waiwaiole.
Heluhelu mai o Hyde, komite imi hana.
1. Hapalua hora haipule i kela a me keia la.
2. Na hoike kihapai.
3. Na Ekalesia kahu ole.
4. Ke ola o na kahu.
5. Na hale kahu
6. Na palapala hoopii.
7. Heluhelu haawina.
8. Ke kula Kahunapule.
9. Na kula hanai.
10. Ka hole waiona a me ka opiuma.
11. Ke kanawai laikini hookamakama.
12. Ka maluhia o ke Sabati.
13. Ka hoeueu ana i na Ekalesia.
14. Ka hana misiona kuwaho.
15. Ka hooponopono ana i na luna Ekalesia ma na papa okoa.
16. Kahi e halawai hou ai o keia Aha.
Hoaponoia.
Hapai ka aha i ke kumuhana 2, Na hoike kihapai.
Heluhelu mai o Paaluhi, Nawaa, Kekahuna, Timoteo, Kapu, Paikuli, Waiwaole, i ka hoike o ko lakou mau kipahai.
Hoopanee ka aha. a halawai hou i ka hora 1:30 p.m.
Pule o Kekahuna.
Halawaihou ka aha i ka hora i hoopanee ia.
Pule o Naili.
Noi mai o Nawaaa, e lilo o S. H. Halamakee, a me na lala o ka Ahahui Kula Sabati i mau hoa kuka no keia aha.
Na Ekalesia Kahu ole.
Ua hoike mai o Hyde, e hoouna aku ana oia i kekahi haumana o ke kula Kahunapule, e malama i ka halawai Sabati ma ka Ekalesia o Kaneohe.
No ka Ekalesia o Kahuku, ua kamailio mai ka aha, a ua hooholoia e hoohui mai i ka Ekalesia o Kahuku me ka Ekalesia o Waialua.
Komite hoohui:
Hooholoia. E hoouna ia kekahi komite i Kahuku e paipai ai i ua Ekalesia la, e hoohui mai me ko Waialua, me ka manao e malama ana ke kahu Ekalesia o Waialua i halawai Sabati malaila ma kela a me keia malama.
No ka Ekalesia o Hauula a me Kahana, ua hoopanee ka aha, no ka noonoo ana i ka haiolelo o ia Ekalesia, a hiki i ka malama o Aperila, 1888.
Kumuhana 4. Ke ola o na kahu.
Ua hooholo ka aha e kapae i keia kumuhana, no ka mea, he komite no ka keia aha i koho mua ai.
Kumuhana 5, Na hale kahu.
Ua hoopaneeia no keia kumuhana, oiai, he komite no i koho mua ia.
Heluhelu haawina.
Heluhelu mai o Paaluhi i kana haawina:
“E wehewehe ia i Ioane, 5:20.”
Heluhelu mai o Hyde i kana haawina.
“Heaha ke Ki a Iesu i haawi ai ia Petero? Mat. 16:19.
Hoopanee keia aha a halawai hou i ka hora 9 a. m. o ka la apopo.
Pule o Kekahuna.
LA HANA 2, POAHA.
Halawai ka aha e like me ka hoopanee ana.
Lunahoomalu ma ka noho.
Malamaia ka hapalua hora haipule.
Heluheluia ka moolelo o ka halawai o ka la i hana, a hoaponoia.
Heluhelu mai ke kakauolelo he palapala aloha ma a Rev. J. Waiamau mai i keia Ahahui, a e hoike mai ana hoi i ko laua pilikia no ka mai nawaliwali o ka laua keikikane e noho la ma Lahaina.
Noi mai o Hyde, e hoouna keia ahahui i palapala aloha ia laua mai keia ahahui aku, ma o ke kakauolelo la o keia aha.
Heluhelu mai ke kakauolelo i ka hoike o ke kihapai o Kawaiahao a me Kaumakapili
Noi mai o Hyde e pule keia ahahui i ke Akua, e kokua nui i ka Ekalesia o Kaumakapili a me Kawaiahao: Pule o Hyde a me Kekahuna.
Kumuhana 8, ke kula Kahunapule.
Ua hoike mai o Hyde no ia kula.
Kumuhana 9, no na kula hanai, ua hoike mai o Hyde no ke kula o Kamehameha.
Kumuhana 10, ka hole waiona a me ka opiuma.
Ua kamailio nui ka aha, a ua kohoia i komite nana e hana i palapala hoopii i ka Ahaolelo; a ua kohoia, Timoteo, Kekahuna me Paikuli.
Kumuhana 11, ke kanawai laikini hookamakama.
Hooholo ka aha, e waiho i keia kumuhana ma ka lima o ke komite mua, ma ka hoopii ana i ka Ahaolelo.
Kumuhana 12, ka maluhia o ke Sabati.
Ua hooholo hou ka aha e waiho i keia kumuhana ma ka lima o ke komite mua, ma ka hoopii ana i ka Ahaolelo.
Kumuhana 13, ka hoeueu ana i na Ekalesia kuloko.
Ua hooholo ka aha, e hoihoi i keia kumuhana n aka Papa Hawaii e noonoo mai.
Kumuhana 14, na hana misiona kuwaho.
Koho ka aha ia Hyde i komite no ka oihana kuwaho.
Kumuhana 15, ka hooponopono ana i na luna Ekalesia ma na papa okoa.
Koho ka aha ia Hyde, Timoteo, Paikuli i mau komite e hoike aku ai i keia kumuhana i ka Ahahui nui o ka Paeaina.
Kumuhana 16, kahi e halawai hou ai o keia aha.
Hooholo ka aha e halawai hou aku ma Kaumakapili. i ka Poakolu mua o Aperila. Hora 10 a. m. 1888.
Heluhelu mai o Paikuli i na Haawina.
1. E wehewehe ia Hal. 76:10.
S. Paaluhi.
2. E wehewehe ia Hoik. 7: 1, 2, 3, 4.
C. M. Hyde.
3. E wehewehe ia Ieremia, 12:1.
S. P. K. Nawaa.
4. E wehewehe ia Heb. 6: 4, 5, 6
E. S. Timoteo.
O na haawina i heluhelu ole ia, e hoomau aku.
5. E wehewehe ia I Petero, 3:9, 10.
J. Kekahuna.
6. E wehewehe ia Nahuma, 2: 8.
J. N. Paikuli.
7. E wehewehe ia Zekaria, 9: 11.
S. Waiwaiole.
8. Na ouli o ka hopena o ka ke Diabolo mau hana.
A. O. Forbes.
9. Ka pili ana o ko ke aupuni mana i na hana Ekalesia.
H. H. Pareka.
10. Ka pili ana o ka oihana kahu waiwai i ko kakou mau hana Ekalesia.
J. Waiamau.
Komite imi haawina, Paikuli, Nawaa me Kekahuna.
Ke haawi aku nei keia Ahahui i ka mahalo nui i ka Ekalesia o Waialua, ma ko lakou malama maikai ana mai i na lala o keia aha i na mea e oluolu ai o ke ola kino.
Heluheluia ka moolelo o ka halawai a aponoia.
Pule ka lunahoomalu.
S. PAALUHI.
Kakauolelo.
Ua kuu ka Luhi ma keia ao.
Mamua aku o ko Rev. M. Kuaea noho ana mai i kahu no Kaumakapili e hoopumehana ana maua i ka pono o ka haku ma keia wahi, oiai o ka inoa nui o keia wahi mamua o Kapalamakaiiwaena o na ekalesia elua o Kaumakapili a me Kawaiahao, e kahea mau ia ai ko laua mau apana ekalesia, mamuli o ko maua kukulu ana me ka’u wahine i ka pono o Kristo, ua hoolilo ia o Iwilei i apana okoa malalo o ka ekalesia o Kaumakapili, i ka wa o M. Kuaea kahu ekalesia ua koho ia mai wau me ka’u wahine i mau makua no keia apana.
O ka hana nui a keia makuahine haipule i kukulu ai me kona mau hoa, oia no ke kukulu ana i ka hale halawai e ku nei ma ka apana o Iwilei, o ka ekalesia o Kaumakapili.
Ma muli a ka make nui o keia haipule i ka pono o kona haku.
Ua hapai oia i kekahi hana iwaena o kekahi mau hoahanau wahine eha, a oia no hoi ka lima, he hui nanala papale mokoloa, i mea e loaa ai ke dala no keia halepule. Oiai aohe he hale halawai o ia apana main a kahu mua mai a hiki i ka wa o Rev M. Kuaea akahi no a kukulu ia i wahi e hoolaka ia mai ia na kanaka i mau hipa na Kristo, ma ka malama o Ianuari 1876.
Ua hoomaka keia poe haipule wahine e hoahu dala malalo o keia hana i hoike ia ae la maluna, ma keia hapai ana a ka’u wahine, ua holomua ka hana iwaena o lakou,
Ma ko’u ike ana a me kekahi kane a kekahi wahine iloko o keia hui ke holomua nei ka hana a na wahine.
Ua komo pu aku la maua ma ka koahu dala ana me lakou, ma ia manawa mai a hiki i ka malama o Sept. o ia makahiki no, ua hoike ka’u wahine i ka nui o na dala a makou e hoahu nei, he $166.00 oiai oia no ka puuku i ko hoia e kona mau hoa wahine, ma keia ike ana o kona mau hoa wahine i ka nui o na dala i hoahu ia, ua piha lo aka naau o kona mau hoa i ka hauoli.
Ua haawi makana mai la kekahi hoa hanau wahine o loko o keia hui ana e hapai nei, i kekahi apana aina ona i wahi e ku ai no keia hale halawai, ma keia haawi makana ana mai o keia hoa hanau haipule, ua hele koke aku la au imua o ka aha luna a me ke kahu, a me ka papa kahu waiwai o ka ekalesia o Kaumakapili, e hoike i ko lakou pomai mamuli o ka hooikaika ana a ka’u wahine i pomaikai no ia ekalesiaa, ua ala koke mai la ka papa kahu waiwai a hooko koke.
Ma keia loaa ana o kahi e ku ai o ka hale o ke Akua, ua hoala koke ia ke kii ana i ka laau o ka hale, me ka hui pu ole mai o ka ekalesia holookoa e kokua pu mai i keia hale halawai. na keia apana wale no i hapai keia hana nui a hiki i kona hoolaa ia ana i hale no ka inoa o Iehova me ka aieole.
Na ka’u wahine ponoi no i kappa i ka inoa o keia hale halawai o ka Hoku o Betelehema, i ka wa i hoolaa ia ai e na makua Rev. M. Kuaea a me Rev. S. Waiwaiole.
Ua hala aku nei ma kela ao elima poe nana i hooikaika i keia hana nui, ua koe au a me hookah hoahanau wahine e ola nei.
Ma keia ku ana o keia hale halawai ua ulu nui ka pono ma keia apana o ka ekalesia o Kaumakapili iloko o ia wa.
( Aole i pau.)
HE MOOLELO NO
Lonoikamakahiki
KA
Pua Alii Kiekie na Kalani
Ke Alii Nui o Hawaii.
[KAKAU IA NO KA NUPEPA KUOKOA.]
A KA nae hoi, ua hoopomaikai nui loa ia nae ka’u huakai hele. i ko’u lohe mua ana mai i na kanaka au i hoouna mai ai e hele mai e nana i ko’u waa, me ko lakou ninau mai, mai hea mai nei kena waa, a owai la kea lii o luna?
Ua hoike aku ko’u mau kanaka mai Kauai mai, a Kaohaikawiliula ke aliiwahine o luna, ke kaikamahina a Manokalani ke alii nui o Kauai.
Ia manawa i olelo mai ai lakou mamua mai nei no hoi pae mai ai kekahi waa alii oia no hoi kena waa e kau aela no Lonoikamakahiki ke alii nui o Hawaii.
I ko’u lohe mua ana i ka hiki ana mai o kea lii o Hawaii ua hoopokole i aka loa o ka’u huakaihele i ka halawai pu ana o maua i Oahu nei.
I hou aku la o Kakuihewa aohe paha olua i halawai pu me ua alii la o Hawaii?
I aku la ua aliiwahine la, alole e kala maua i hui kino mua ai i au wale ka la i ka po no o nehinei i hui pu ai maua a halakau ai na makau a ka lawaia i Wailua, a nana no i wehe mu aka maluhia o ko’u kino, e like me ka hoolaa ana a ko’u kino, e like me ka hoolaa ana a ko’u mau makua.
Ia manawa i pii ino ae ai ka huhu o kea lii o Oahu nei i ke kaa e ana o ka wehe mua ana o ka maluhia na kea lii o Hawaii.
Ua kohukohu no ka Kahuihewa huhu ana me kona ike iho no aohe i lawe ia mai nana, i lawe ia mai hoi na kea lii o Hawaii, hu ae la ka aka i kea lii o Oahu nei.
Ma hope iho o ia wa i olelo aku ai o Kakuihewa i ke aliiwahine o Kauai he wahi inoa no nae paha kau?
Ae mai la ke aliiwahine, ae he mau wahi hua mele inoa no ka’u aole nae he nui:
Ma keia wahi o ko kakou moolelo, aole i olelo aku ke aliiwahine ua ao aku nei ia i ua inoa hookah nei ia Lonoiakamakahiki, ke manao kuhihewa hou nei no o Kahuihewa nona io no keia inoa a laua e ao nei me ke aliiwahine o Kauai.
O ka mea oiaio no Lonoikamakahiki no kela inoa i haku mua ia ai aohe no ke alii o Oahu nei.
He mea pono i kou mea kakau kehoakaka aku ma keia inoa o kea lii Lonoikamakahiki, he ekolu mau kumu o keia inoa,
O ke kumu o keia inoa a Kaohaikawiliula i ao mai ai i ua mau alii kane nei oia keia:
O ke alialia ula o Mana
Ke uhai la ka wai
Ke uhai la ke kai
Ma ko Lonoikamakahiki eleu no hoi eia kona kumu o ka inoa ona:
Ia hookuku hei ae kakou
Ia ku ka hei o Papio o Loil@a
Ia wilia au e ka makani.
O ka Kakuihewa kumu hoi o ua inoa hookahi nei no oia keia:
O kahi ka honua ia Elekaukama
O halala aka ulua Onae
O nana na maka i ka Eleuakama
I ka paanaau ana o ua inoa nei ia Kakuihewa ke wehe mai la kai ao ke oili ae la ka hokuloa, a ke kani mai nei ka moa o ke ao keia.
Ua makaukau ae la ke alii kane e hoi i kona home aloha i Kamoa hale a huli hoi aku la ke aliikane ia kakahiaka poniponi me kona haawi pu ana aku i ke aloha nui i ke aliiwahine o Kauai me ka olelo pu aku i ke aliiwahine e kali ko oukou paina kakahiaka a hoouna mai au i ke kanaka i ka puaa mo’a me ona ai mai a me ke awa momona o Kawainui mai ai e hoi oukou a hiki mai ke kanaka.
Ae aku la ke aliiwahine, ae heaha la hoi ka hewa’ e kali aku no hoi paha makou a hoea mai ke kanaka alaila hoi paina ko makou paina kakahiaka.
I ka wa o Kakuihewa i hoea aku ai i ka hale, ua kauoha ae la oia i kana mau kalua puaa Akamai loa e kalua koke i ka puaa me ka awiwi loa a ua kena koke aku la oia i na kanaka e hele koke e kuu ia i ka loko o Kawainui.
Ua eleu kau la na kanaka i na mea i kauoha ia ia lakou e hana.
I ka manawa i o’ili ae ai ka la maluna o ka ilikai ua hoea mai la na kanaka me ka ia o loko o ka loko o Kawainui, oia hoi na awa momona.
I ko lakou hiki ana mai a halawai me kea lii ua hoomaka mai la na kanaka kalua puaa e hawai i ka imu puaa a i ka makaukau ana o na mea a pau a kea lii i kauoha ai ua lawe io aku la na kanaka i na mea ai imua o ke aliiwahine.
I ka hiki ana aku o na mea ai imua o ke aliiwahine ua ai mai la oia me kona mau kanaka i na mea ai a ke alii o Oahu nei i haawi aku ai.
Ia wa ua huli hoi mai la na kanaka o kea lii o Oahu nei.
I mai la o Kakuihewa i kona mau kanaka pehea aku la ke aliiwahine?
A@ k@ @i @@@ @@ @@ @@@ mau kanaka.
Ia manawa no hoi i hoo@aie aku ai keia i kona mau kanaka e pain aka aina kakahiaka i manao aku na hana o ke awakea.
Ua ae mai la kona mau kanaka a ua ai iho la ua alii nei o Oahu nei me kona mau kanaka a maona a kauoha akula i kona mau kanaka Akamai i ka lawaia e hoomakaukau i ka waa. ke kaliu na hoe ke aho loa a me ke aho poko. Ka makau ka maunu ka pa@ka a me ka ipu holoholona a ka lawaia.
A kau aku la iluna o na waa o ua alii nei o Oahu nei, a kauoha pu ia aku la na lawaia a me na hoe waa o ua alii nei e akoakoa ae ma kahi o ka waa e lana la iloko o ke kai.
A ua hooko ia na mea a pau i kauoha ia aku ai.
Mahope iho ua iho aku la ua alii nei i kai no ka holo ana i ka lawaia ma ia la.
Ma keia wahi e huli hou ae ke alahele o ko kakou moolelo no kea lii o Hawaii.
I ko ke alii Lonoikamakahiki ma ala ana ae ia kakahiaka, ua ki@kie loa ka la iluna a ua haohao pu iho la hoi lakou i ke alii o Oahu nei. Aole hoi he ohaoha aku e like me ke kakahiaka mua iho, ka eleu aku i ka hoolale mua i kona mau kanaka, e hoolako aku i mau mea’ai na ke alii o Hawaii, aole hoi pe@a keia kakahiaka aole o lakou nei kahea ia mai.
I keia wa a lakou nei e noho nei he mea e ko lakou nei hilahiia i ka pa ole mai o kahea a ka haku hale, oiai he noho hale hoi lakou nei.
I keia manawa ua olelo aku la ke aiii i kona kahu ia Loli.
E hoomakaukau mai hoi oukou i ka kakou wahi mea ai a ai aku hoi kakou ke hele loa ae nei ka la iluna a ke pololi mai nei no hoi au, no ka mea mai kali wale aku kakou o ke kahea mai a ke kamaaina ua pau ae la paha ka la aloha ia o ka malihini e ke kamaaina.
Nolaila ua hoolako mai la o Loli i ka lakou wahi mea ai uuku kahi ia @@ka oio hoi ka uala i hoomalooia he ao ka inoa o ia a na hi o ka au kahiko a pela no hoi kahi ia maloo mua loa no mai Hawaii mai.
Ua noho iho la lakou nei e ai ia mau wahi mea ai malohaha.
I ka pau ana o ka lakou ai ana ua hoonanea iho la no hoi lakou i ka manawa mahope o ka lakou ai ana.
Ia manawa i ninau ae ai o Lonoikamakahiki i kona mau kanaka penei:
Auhea aku nei la ke alii o Oahu nei, oia hoi o Kakuihewa?
I mai la kona mau kanaka, ua pau nui aku nei i ka holo i kai o ka moana i ka lawaia i ia paha na lakou.
I aku la o Lonoikamakahiki i kona mau kanaka, e holo hoi ha kakou i ka lawaia, e ukali aku hoi kakou i ke alii lawaia o Oahu nei.
Ae mai la kona mau kanaka, ae heaha la auanei hoi ka hewa ke holo aku hoi kakou e ukali aku i ka lawaia ana a ke alii o Oahu nei.
Nolaila ua liuliu koke ae la lakou e iho i kai i kahi o na waa o lakou e kau mai la, i hoomakaukau lakou i na mea e pono ai o ka holo lawaia ana
Ua iho mua aku la na hoe waa a me hokuula, koe ke alii a me ke kahu me Loli mahope aku.
(Aole i pau.)
PAPA! PAPA!
AIA MA KAHI
LEWERS & COOKE.
(O LUI MA)
Ma ke kahua kahiko ma alenui pa@@ a @@ Moi.
E loaa ai
PAPA NOUAIKI
o kela a me keia ano
@@ @ Puka, Na Puka Aniani, Na Olep@lep@
Na Pou, Na O@a, Na Papa Hele, Na Papu@
Ku, A me na Papa Moe nui loa
Na Pili o na Hale o na Ano a Pau
Na Pepa Hoonani, Na Pena o na Wai e Pau
Na Kui mai ke Nui a ka Makalii, Na Ami
Puka, Na Ami Puka Aniani, Na Ami
O na ano a pau, Na Aila Pena, o
Kela me keia ano Na Aila Hoomaloo,
He lehulehu wale,
Na Aila e ae o na
ano a pau.
NA WAI VANIKI
A ME NA
WAI HOOHINUHINU NANI @
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Makamaka
Pau, ua makaukau keia mau Makamaka
O oukou e hoolawa aku ma na mea a pau e pili ana ma ka laua oihana
NO KA
UKU HAAHAA LOA.
E likeme kamea e @olo ana mawaena
LAUA a me ka MEA KUAI.
HELE MAI E WAE NO OUKOU
HOOLAHA KUMAU.
Kakela a me Kuke
HALEKUAI NUI O NA WAIWAI
E @@@ @@ paniolo, koi @ole,
@@@@@, @@i nui a me liilii, kua,
Wili puaa, rula, apuapu, kui o na ano
a pau, ka@@ kaa, hao hoopapa puaa
pohaku hoana, kepa, lei ilio, kaula hao ilio,
pahi upa, pahi umiumi,
kalapu, kope hulu, pulupulu, oe@@ kalakala,
lina hao, ami, keehi, a me
KAULA OPU.
Palau o na ano a pau, Oo, ho kopala, pe, kipikua, hao kope, au ho a p@a aku, kua bipi, lei bipi, kaula hao bipi, uwea pa, uwea keleawe, hao p@@ piula, kaa palala, ipuhao, ipu @
PA-PALAI. MAKAU ME KE AHO
Ili wai, papa holoi, kopa ala, kaula @uaina, hu’akai, ehi wawae, hulu pena, a pela aku.
Pena wali, kini nui a me liilii o na ano a pau, me ka pepa kuhikuhi, pena keokeo, aila pena, aila hoomaloo, vaniki kaa, a me vaniki moe,
PENA HOOMALOO
a me aniani hale
AILA MAHU, AILA MIKINI, AILA HAMO AILA KAA, INIKA KAMAA,
PAUDA, KUKAEPELE, KIANA PAUDA, UIKI IPUKUKUI O NA ANO HE NUI A LEHULEHU
LOLE MAKEPONO
E a@ @a
AHINAHINA, KALAKOA, KEOKEO, LEPONALO,HULUMANU, UWE-WAHINE, KUI HUMUHUMU, A ME KA LOPI
Ke k@ike @ @@@@ @@ @@ @@@ k@h@ @
Kakela & Kuke!
NA MEA PIULA
Mikini Humuhumu
Mikini a WHEELER a me WILSON
MIKINI A WIILOX ME GIBBS
NA MIKINI A
REMINGTON
He nui loan a mea hao me na ukana ae o na ano a pau, aole hiki ke hai pau ia aku, hewa i ka wai na maka ke ike
Laau Lapaau Kaulana Lo
A DR. JAYNE.
LAAU HOOMAEMAE KOKO
LAAU HOOPAU NAIO, LAAU KUNU, PENIKILA, HUAALE PAAKAI, LAAU HOOPAA HI,
Me na Laau Hamo a Pela ‘ku.
Kakela me Kuke