Ka Nupepa Kuokoa, Volume XXVI, Number 32, 6 August 1887 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

MA KE KAUOHA.

 

NA RULAAMENA HOOPONOPONO ANA

NO KA WA E HOOHIKI @ NA LUNA AUPUNI, NA KUPA A ME NA POE E NOHO ANA MA KELA AUPUNI I KA OLELO HOOUIKI E KOKUA MAMULI O KE KUMUKANAWAI. A ME NA KANAWAI: HOOMAOPOPO ANA NO KE KAKAU ANA I NA INOA O KA POE I KUPONO I KE KOHO, A ME KA MALAMA ANA I KE KOHO ANA I NA 'LU A ME NA LUNAMAKAINANA.

 

NO KA MEA, ma ka Pauku 80 o ke Kumukanawai o keia Aupuni ua haawi ia ka mana i ko ka Moi Aha Kuhina e hana a hoolaha aku i na rula a me na hooponopono ana no ka hoohiki ana o na Luna Aupuni, na Kupa a me ka poe e noho ana ma keia Aupuni i na olelo hoohiki e kokua mamuli o ke Kumukanawai a me na Kanawai:  NOLAILA, ANO, mamuli o ia mana, ke hana nei, a hooholo, a hoolaha aku nei ka Aha Kuhina i olelo ia, i keia man rula a hooponopono ana mahope iho nei no ka hana i olelo ia; oia hoi keia:

                        KA HOOHIKI ANA AKU I NA OLELO HOOHIKI.

            1.  E loaa ka mana i ke Kuhina Kalaiaina e hookohu a haawi aku i na palapala hookohu i ka poe no lakou ka nui ma kela a me keia Apana Koho o ke Aupuni a ua Kuhina la e manao ai he  kupono no ka hoohiki ana aku i ua mau olelo hoohiki nei i olelo ia:  Eia nae, aole e emi ka nui o ka poe i hookohu ia pela malao o elua no kela a me keia Apana a Mahele Koho paha o kela a me keia Apana.  A e ike ia ka poe i hookohu ia pela he mau Luna Nana Koho Balota no na Apana a mahele koho paha a lakou i hookohu ia aku ai, a e loaa ia lakou ka uku i hooholo ia e ke Kuhina i olelo ia.  Ina ua hiki ole, a hele ole ae, a hoole paha kekahi mea i koho ia pela e hana ma ke ano Luna Nana, e koho no ke Kuhina Kalaiaina i kekahi mea e hoopiha ia hakahaka.  Eia nae, ina he mea hiki ole ke hoike aku no ia mea i ke Kuhina Kalaiaina iloko o ka manawa kupono e hiki ai iaia e koho hou mamua ae o ke koho ana, e koho no ka lala a mau lala paha i koe ma ia Papa i kekahi mea e hoopiha i ka hakahaka.  He mana ko ke Kuhina Kalaiaina i kela a me keia wa e hoopau i  kekahi o ia poe Luna Nana, a e koho aku i kela a me keia mana wa i Luna Nana okoa e hoopiha i ka hakahaka.

            2.  Mahope koke iho o ka loaa ana aku o kona palapala hookohu e noho kela a me keia Luna nana koho Balota me ka makaukau a ma kahi e loaa ai oia iloko o na hora kupono a pau e hoohiki aku i ka olelo hoohiki i olelo ia, me ka uku ole, i kela a me keia kane Haeaii, Amerika a Europa paha ma ka hanau ana, i hiki kona mau makahiki i ka iwakalua a he kanaka noho ma ka apana a mahele apana paha kahi i hoonoho ia ai ia Luna Nana Koho Balota.

            3.  O ke ano o na mau olelo hoohiki nei ana ke ano nui, penei no ia, oia hoi:

            Owan o                                   , ke hoohiki nei au imua o ke Akua Mana Loa e kokua no au mamuli o ke Kumukanawai o ke Aupuni Hawaii i hoolaha a i kukala ia ma ka la 7 o lulai, 1887, a me na Kanawai o ke Aupuni i olelo ia.

            4.  O kela a me keia mea e hoohiki ana i ua mau olelo hoohiki nei, e kakau oia i na hoohiki ana la me kona inoa a kahapaha, a e kakau ka Luna Nana Koho Balota nana i hoohiki i kona inoa i hoike no ia ka@au ana, a nana no ma ia wa e hoopiha iho a haawi aku i ka mea i hoohiki ia i palapala e hoike ana ua hoohiki oia i ua olelo hoohiki nei i olelo ia.  Ma ka wehe ana aku i ka palapala hoike, e malama ka Luna Nanna Koho Bolota i ka ololo hoohiki ma ke ano he kumu iloko o ka buke i wehe ia aku ai ka palapala hoike.  O na buke a pau aia iloko o laila na olelo hookiki, e haawi ia aku no e kela a me keia Luna Nana Koho Balota ika Luna Hoomalu o kela a me keia Papa o ka poe Luna Nana Koho Balota, a nana e malama ia mau buke malalo o na kauoha a ke Kuhina Kalaiaina.

            5.  I mea e hiki pono ai ka hoohiki ana i ua olelo hoohiki nei i ka poe e noho ana ma ka Apana o Honolulu, a me kalawelawe ana i ke koho balota malaila, ke mahele ia nei ua kulanakauhale a mena apana nei i eiwa mau apana, ine ko lakou mau palena pakahi e like me keia mahope iho nei. oia hoi keia:

            Apana Helu 1.  O kela wahi a pau o ua kulanakauhale a apana i olelo ia mauka o ke Alanui Kula a me ka laina i hoomoe pololei ia mai ke Alanui Kauka aku (mai ke kihi aku o ke kihi o na Alanui Liliha a me Alanui Kauka) a maluna o ka Puu o Puunui :  ma ke komohana a Alanui Puowaina, mai ke kihi o Alanui Kula a hiki i ke kahawai o Pauoa, a me kahi a pau mauka aku o  ka uwapo maluna o ua kahawai nei i olelo ia, i kapa ia ke awawa o Pauoa: a i kaupalena ia ma ke komohana @ ke Alanui Liliha, makai o ke Alanui Kauka, a mauka o ke Alanui Kauka a me kekahi laina i hoomoe ia maluna o ka lapa oia no ka palena komohana o ke awawa o Nuuanu a hiki i ka pau ana o ua apana nei i olelo ia.

            Apana Helu 2.  O kela wahi o ua kulanakauhale a apana nei i olelo ia i kau palena ia a e waiho ana mawaena e na Alanui Kula, Liliha, Moi a me Nuuanu.

            Apana Helu 3.  O kela wahi o ua kulanakauhale a apana nei i olelo ia e waiho ana ma ke komohana o ke awa ku moku, a me na paleua komohana o Apana Helu 1 a me 2.

            Apana Helu 4.  O kela wahi o ua kulanakauhale a apana nei i olelo ia e waiho ana makai o ke Alanui Moi, a e holo ana mai ka auku o ka muliwai o Nuuanu ma ke komohana a hiki i Alanui South, a me ka laina i hoomoe pololei ia mai ia alanui aku a @iki i ke kai ma ka hikina aku o kahi hoolulu eemoku.

            Apana Helu 5.  O kela wahi o ua kulapakauhale a apana nei i olelo ia i kau palena ia a e waiho ana mawaena o na Alanui Moi, Nuuanu, Kula a me Puowaina.

            Apana Helu 6.  O kela wahi o ua kulanakauhale a apana nei i olelo ia e waiho ana mauka o ke Alanui Moi, i kau palena ia ma ka hikina e ke Alanui Vikolia, a me ka laipa i hoomoe pololei ia mai ia alanui a hiki i ka palena o A;ana Helu1; a i kau palena ia ma ke komohana e ke Alanui Puowaina a me Apana Helu 1.

            Apana Helu 7.  O kela wahi o ua kulanakauhale a apana uei i olelo ia e hoomaka ana ma ke kahakai ma ka palena hikina e Apana Helu 4; alaila, malaila aku ma ia palena i olelo ia a hiki i Alanui Moi; alaila, ma ka hikina mawaena konu o ke Alanui Moi a hiki i Alanui McCully; alaila, mauka mawaena konu o ke Alanui McCully a hiki i Alanui Beritania, alaila, ma ka hikina ma waena konu o ke Alanui Beritania a hiki i kekahi wahi i ku pololei ma ka laina hookahi me na Kahua ana Aina Aupuni ma Kaimuki a me maluna o Leahi; alaila, ma ia laina a hiki i ka piko o Leahi a iho i kahakai; alaila, ma ke komohana ma kahakai a hiki i kahi i hoomaka ai.

            Apana Helu 8.  O kela wahi o ua kulanakauhale a apana nei i olelo a i kau polena ia makai e ke Alanui Moi, Kaupalena ia mauka e ka palena o ua apana nei i olelo ia, kau palena ia ma ka hikina e na Alanui McCully, Artesian me Metcalf a me kekahi laina i hoomoe ia mai Alanui Metcalf a hiki i ka palena hikina o ke Awawa o Manoa, alaila ma ka palena hikina o ke Awawa o Manoa a hiki i ka palena o ka apana i olelo ia; a i kau palena ia ma ke komohana e apana Helu 6.

            Apana Helu 9.  O kela wahi o ua Kulanakauhale a Apana nei i olelo ia e waiho ana ma ka akau a me ka hikina o na Apana Helu 7 a me 8.

            6.  I mea e leaa ai na makaukau ano like no ka hoohiki ana ia ua olelo hoohiki nei a me ka lawelawe ana i ke koho balota ana ma na apana mawaho aku o Honolulu, ma keia ke hoonoho ia n@i na mahele apana koho mahope iho nei, oia hoi keia:

 

MOKUPUNI O HAWAII.

 

APANA O HILO ME PUNA.

           

            Mahele Apana Ekahi.  O kela wahi o ka Apana o Hilo mai ka palena o ka Apana o Hamakua a hiki i ka aina o Maulua.

            Mahele Apana Elua.  O kela wahi o ka Apana o Hilo i olelo ia, mai a e hookomo ana ia Maulua a hiki aku a e hookomo ana ia Honomu.

            Mahele Apana Ekolu.  O kela wahi o ka Apana o Hilo i olelo ia mai Honomu aku a hiki a e hookomo ana i ka aina o Paukaa.

            Mahele Apana Eha.  O kela wahi o ka Apana o Hilo i oleloia mai ka aina aku o Paukaa a hiki i ka palena hema o ka apana i olelolia

            Mahele Apana Elima.  Ka Apana o Puna.

           

APANA O KAU.

 

            Ma hele Apana Ekahi.  O kela wahi o ka apana i oleloia mai Ka palena o ka Apana o Puna a hiki aku a e hookomo ana i ka aina o Ninole.

            Mahele Apana Elua.  O kela wahi o ka apana i oleloia e waiho ana mawaena o ka Mahele Apana Ekahi a me ka Apana o Kona Hema.

            O ka Apana o Kona Hema e like me kona mau palena i hoomaopopo ia mamua aku nei oia no kekahi mahele apana koho.

            O ka Apana o Kona Akau e like me kona mau palena i hoomaopopo ia mamua aku nei oia no kekahi mahele Apana Koho.

 

APANA O KOHALA.

 

            Mahele Apana Ekahi.  O kela wahi o ka Apana i olelo ia i Komo ka Apana Hookolokolo o Kohala Akau.

            Mahele Apana Elua.  O kela wahi o ka Apana i olelo ia i Komo ka Apana Hookolokolo o Kohala Hema.

 

APANA O HAMAKUA.

 

            Mahele Apana Ekahi.  O kela wahi o ka Apana i olelo ia mai ka palena o Kohala a hiki aku iwaena konu o ke Awawa o Kuaikahia.

            Mahele Apana Elua.  O kela wahi o ka Apana i olelo ia mai waena konu o ke Awawa o Kuaikahia a hiki aku a e hookomo ana i ka aina o Paauhau.

            Mahele Apana Ekolu.  O kela wahi o ka Apana i olelo ia mai ka aina aku o Paauhau a hiki i ka Apana o Hilo.

 

MAKUPUNI O MAUI.

 

APANA O LAHAINA ME KAANAPALI.

            Mahele Apana Ekahi.  Ka Apana o Lahaina.

            Mahele Apana Elua.  Ka Apana o Kaanapali.

APANA O WAILUKU.

 

            Mahele Apana Ekahi.  O kela wahi o ka Apana i olelo ia i komo na aina o Waihee a me Waiehu.

            Mahele Apana Elua.  O kela wahi o ka Apana i olelo ia i komo kela mau wahi o na aina o Wailuku a me Waikapu, e waiho ana ma ka hema o Waiehu a me ke komohana o kekahi laina i hoomoe ia mai ka nuku o ka muliwai o Wailuku a hiki i kahi kokoke i na Puuone e waiho ana ma ka hikina o ka muliwai i olelo ia, alaila, ma ka lapa komohana o ua mau Puuone nei e holo ana i Kamaalaea, a mai ka pau ana o na Puuone i olelo ia a hiki i Kamaalaea ma ka aoao komohana o ka loko o Kealia.

            Mahele Apana Ekolu.  O kahi i koe o ka Apana i olelo ia, koe naeo Honuaula.

            Mahelel Apana Eha.  O kela wahi o ka apana i olelo i olelo ia i ike ia o Honuaula.

 

APANA O MAKAWAO.

            Mahele Apana Ekahi.  O kela wahi a pau o ka Apana i olelo ia i ike ia o Kula, a me kela wahi o ka aina o Hamakuapoko e waiho ana ma ka hema me ke komohana o ke Awawa o Maliko a mauka o ka laina i hoomoe ia mawaena o ke alanui e holo ana mai Kaluanui a hiki i ka halepaahao o Makawao a me ka laina i hoomoe pololei ia mailaila aku a hiki i ka palena o ka  aina o Hamakuapoko i olelo ia.

            Mahele Apana Elua.  O kahi a pau i koe o Hamakuapoko a me Hamua kualoa holookoa.

 

APANA O HANA.

            Mahele Apana Ekahi.  O kela wahii o ka Apana i olelo ia i komo o Kahikinui, Kaupo a me Kipahulu.

            Mahele Apana Elua.  O kela wahi o ka apana i olelo ia i komo o Hana a me Koolau.

 

NA MOKUPUNI O MOLOKAI ME LANAI.

            Mahele Apana Ekahi.  O kela wahi o ka Mokupuni o Molokai i komo o Kalawao me Kalaupapa.

            Mahele apana Elua.  O na wahi a pau i koe o ka Mokupuni o Molokai.

            Mahele apana Ekolu.  Ka Mokupuni o Lanai.

 

MOKUPUNI O OAHU.

                        Ka Apana o Koolaupoko e like me kona mau palena mamua i hookahi mahele apana koho balota.

APANA O KOOLAULOA ME WAIALUA

            Mahele Apana Ekahi.  Ka Apana o Koolauloa.

            Mahele Apana Elua.  Ka Apana o Waialua.

APANA O EWA ME WAIANAE.

            Mahele Apana Ekahi.  Ka Apana o Ewa a me kela wahi o ka Apana o Waianae e waiho ana ma ka hikina o ke kuahiwi o Waianae.

            Mahele Apana Elua.  O kela wahi o ka Apana o Waimea e waiho ana ma ke komohana a ke kuahiwa o Waianae.

 

NA MOKUPUNI O KAUAI ME NIIHAU.

APANA O HANALEI

            Mahele Apana Ekahi.  O kela wahi o ka Apana i olelo ia e waiho ana mawaena o ka Apana o Waimea a me ka muliwai o Kalihiwai.

            Mahele Apana Elua.  O kela wahi o ka Apana i olelo ia e waiho ana mawaena o ka muliwai o Kalihiwai a hiki aku a e hookomo ana i ka aipa@ Papaa.

            Mahele Apana Ekolu.  O kela wahi a pau o ka Apana i olelo ia e waiho ana mawaena o ka aina o Papaa a hiki aku a e hookomo ana i ka aina o Wailua.

 

APANA O LIHUE ME KOLOA.

            Mahele Apana Ekahi.  Ka Apana Hookolokolo o Lihue.

            Mahele Apana Elua.  Ka Apana o Koloa mai kona hui ana me ka Apana o Lihue a hiki aku a e hookomo ana i ka aina o Lawai.

            Mahele Apana Ekolu.  O kela wahi o ka apana i olelo ia, mai Kalaheo a hiki aku a e hookomo ana i ka aina o Eleele.

 

APANA O WAIMEA

            Mahele Apana Ekahi.  O kela wahi o ka Apana i olelo ia mai a e hookomo ana ia Hanapepe a hi@@ i kekahi laina i hoomoe ia mai ke kai a hiki i ke kuahiwi ma kekahi wahi he elua haneri iwilei ma ke komohana o ka hale wili ko o Waimea, a e hookomo ana i ke awawa o ke kuahiwi o Waimea a me kona mau mana.

            Mahele Apana Elua.  O kela wahi o ka Apana i olelo ia mai ka Mahele Apana Ekahi a hiki i aku a e hookomo ana ia Nualolo.

            Mahele Apana Ekolu.  O ka Mokupuni o Niihau.

 

KAKAU ANA I NA INOA O KA POE KOHO NO NA LUNAMAKAAINANA.

 

            7.  Na ka poe Luna Nana Koho Balota o kela a me keia Apana a Mahele Apana Koho paha iloko o na la aole e emi malalo o iwakalua mamua iho o ka la e malama ia ai kekahi koho balota ana no na 'Lii a me na Lunamakaainana, koe nae na mea i hoakaka ia mahope iho nei, e hana a kauoha aku e kau ia ma kahi o kela a me keia Apana a Mahele Apana Koho paha e malama ia ana ke koho ana, a ma na wahi akea e ae aole e emi malalo o elua maloko o ia Apana a Mahele Apana Koho paha i Papa Inoa pololei i hana ia mai ka A aku o na inoa o ka poe a pau maloko o ia Apana a Mahele Apana Koho paha i kupono i ke koho i na Lunamakaainana.  E hoomakaukau ia ua Papa Inoa nei e na Luna Nana Koho Balota mai na kumu buke (stubs) a me na moolelo i malama ia e lakou i ka manawa a lakou i hoohiki aku ai e kokua mamuli o ke Kumukanawai a me na Kanawai, a me na mea hoike hou ae i lawa i ka manao o na Luna Nana Koho Balota.

            8.  E malama na Luna Nana Koho Balota o kela a me keia Apana a Mahele Apana Koho paha i mau halawai aole e emi malalo o elua ka nui no ka manawa i loihi kupono ma kekahi wahi kupono maloko  o ka Apana a Mahele Apana Koho paha, iloko o na la aole e emi malalo o ka umi, aole hoi e oi aku mamua o iwakalua la mamua iho o ka la e malama ia ai ke koho ana no na Lunamakaainana, no ka hoolohe ana i na hoike no ke kupono, a me ke kakau ana i na inoa o ka poe i paa mua ole ko lakou mau inoa i na Luna Nana Koho Balota a e koi mai ana he kuleana ko lakou e koho ; a no ka hoopololei ana, ina ua kupono, i na Papa Inoa i olelo ia.

            9.  E hoolaha ia aku ka manawa a me kahi e malama ia ai ia mau halawai e na Luna Nana Koho Balota ma na Papa inoa o ka poe koho i hana ia mai ka A aku i kau ia e like me ka mea i hoakaka ia maloko nei;  a ma ia mau halawai ana e hoolohe kupono ia no kela a me keia mea e hoike mai ana i kekahi mea hoike e kue ana i ke kuleana o kekahi mea e koho i ike ia kona inoa maloko o ka Papa Inoa i hana ia mai ka A aku i olelo ia;  a ina e lawa i ka manao o na Luna Nana Koho Balota, ma ia hoolohe ana, aole i kupono @a hookomo ia ana o ka inoa o ia mea iloko o ka Papa Inoa, @@oloi koke no lakou i ua inoa la mai ka papa inoa aku.

            10. Ma ke kakau mua ana i na inoa o ka poe kupono i ke koho a me ke koho mua ana malalo o keia i na 'Lii a me na Lunamakaainana, aole no e koi ia aku ka hoike ana ia na palapala hookaa aukau i hoike no ke kaa ana o na auhau.

            11.  O kekahi mea e makemake ana e lawe a hoohiki i ka olelo hoohiki i kauoha ia, e hana no oia pela imua o kekahi Luna Nana Koho Balota o ka Apana a Mahele apana koho paha ana i noho ai.  He kuleana kona e kakau ia kona inoa ma ka Papa Inoa a e koho i na Lunamakaainana ma ka Apana a Mahele Apana koho paha wale no ana i noho ai, aole ma kahi e ae.

            12.  E pili no na mea i hoakaka ia maluna ae i ka poe e koho ana i na 'Lii, koe nae ke kakau ana o na inoa ma ka Papa Inoa, e hana ia ia mea imua o ka Papa Luna Nana Koho Balota o ka Apana koho i hoakaka ia no ia hana.

13.  E pau ke kakau ana i na inoa ma na Papa Inoa a ka poe koho no na Lunamakaainana a me na ' Lii no umi la mamua o ka la koko a aole e kau ia he mau inoa hou ma kekahi o keia mau Papa Inoa mahope iho o ia la.

 

            KAKAU ANA I NA INOA O KA POE KOHO I NA 'LII.

           

            14.  Na kekahi Papa Luna Nana Koho Balota ma kela a me keia apana Koho, a na ke Kuhina Kalaiaina e hoakaka ia Papa, e haua i Papa Inoa pololei mai ka A aku o ka poe a pau ma ia Apana Koho holookoa i loaa ia lakou ke kuleana e koho i na 'Lii a i noi aku i ua Papa la no ia mea, a i ike ia paha e ua Papa la mamuli o na hoike kupono ua kupono lakou e koho i na 'Lii.

            15.  Na ka Luna hoomalu o ia Apana i hoakaka ia, iloko o na la aole e emi malalo o iwakalua mamua iho o ka malama ia a na o kekahi koho ana no na 'Lii a me na Lunamakaainana, koe nae na mea i hoakaka ia mahope iho nei, e hana mai loko mai o ia Papa Inoa i Papa Inoa pololei i hana ia mai ka A aku o ka poe a pau i kupono  e koho i na 'Lii e noho ana ma ka apana a ma hele apana @paha i hookohu ia ai oia, a e kau aku i na kope o ia Papa Inoa ma kahi o ia Apana a Mahele Apana paha e malama ia ai ke koho ana, a ma na wahi akea e ae aole i emi malalo o elua maloko o ia Apana a Mahele Apana paha.  A pela no hoi oia e hana ai mai ia mau Papa Inoa mai i Papa Inoa o ka poe a pau e noho ana ma na Apana a Mahele Apana e ae maloko o ia Apana Koho Balota, a e hoouna aku i kela a me keia o na Lunahoomalu o kela a me keia Papa Luna Nana Koho Balota o ia Apana i Kope o ka Papa Inoa o ka poe i kupono e koho i na 'Lii e noho ana ma ia Apana a Mahele Apana paha.

            16.  Na ka Lunahoomalu o kela a me keia Papa Luna Nana Koho Balota i ka manawa e loaa mai ai iaia o ka Papa Inoa o ka poe i kupono e koho i na 'Lii e noho ana ma kona Apana a Mahele Apana koho paha e kau aku i ekolu Kope o ia mea maloko o ia Apana a Mahele Apana paha  e like me ka mea i hoakaka ia maluna e pili ana i ke kau ana i na Papa Inoa o ka poe kupono e koho i na Lunamakaainana-

            17.  E malama no ka Papa Luna Nana Koho Balota i hoakaka ia na lakou e hana i na Papa Inoa o ka poe kupono e koho i na 'Lii i mau halawai no ka hoopololei a me ka pakui ana i na inoa hou i na Papa Inoa o ka poe kupono e koho i na 'Lii, a e hoolaha aku no ia halawai e like me ka mea i hoakaka ia no na Luna Nana Koho Balota no na Lunamakaainana.

           

            KE ANO O KA MALAMA ANA I KE KOHO BALOTA.

           

            18.  E malama ia ke koho ana ma kela a me keia Apana a Mahele Apana pahu, imua o na LUna Nana a ina ua kaawale lakou ma kahi e, imua, o na hope i koho ia elikeme ka mea i hoakakaia mamua iloko okeia.

            19.  Na kela a me keia Papa Luna Nana Koho Balota e koho i Kakauolelo, a o kana hana, malalo o ka hoohiki ia ana o ka