Ka Nupepa Kuokoa, Volume XXVI, Number 27, 2 July 1887 — Page 8

Ka Nupepa Kuokoa

KE KILOHANA POOKELA NO KA LAHUI HAWAII.

 

no na hana hoohaunaele.

PAUKU 53. E malama ka Ahaolelo i buke moolelo no kana mau hana: a ina e makemake ka hapa lima hookahi o ka poe e noho ana i ka Ahaolelo, alaila e kakau ia iloko o ua buke nei na inoa o ka poe ae a me ka poe hoole o ka Ahaolelo i kela hana keia hana.

PAUKU 54. Aole loa e hopu ia kekahi o ka poe o ka Ahaolelo oiai e noho ana oia mamuli o ia Aha, e hele ana ilaila a e hoi ana paha aole nae e oi aku ia malu i na la he iwakalua mamua iho o ka hoomaka ana o ka Ahaolelo a me kona hookuuia ana, koe nae ke kipi, ka @eioni a me ka hoohaunaele, aole e hookolokoloia kekahi o lakou imua o kekahi Ahahookolokolo e a i kau wahi e ae paha no kekahi olelo paio paha ma ka Ahaolelo.   

PAUKU 55. E uku ia na Lunamakaainana no ka lakou hana e like me ka mea i olelo ia ma ke kanawai noloko ae o ka Waihona dala o ke Aupuni; aole no nae e hoonui ia keia uku i ke au o na makahiki elua i hooholo ia ai ka olelo e hoonui i ka uku, aole hoi e kau ia kekahi kanawai e hoomahuahua ana i ka uku o ua poe la mamua o na dala elua haneri me kanalima no kela a me keia au o na makahiki elua.

PAUKU 56. O ke 'Lii o ka Ahaolelo he kupa ia no ke Aupuni i hiki aku oia i na makahiki he iwakalua-kumamalima a i noho ma ke Aupuni no na makahiki ekolu a he waiwai kona iloko o keia Aupuni i kupono i ka auhau i hiki aku i ka ekolu tausani dala mawaho ae o na hihia a pau, a i ole ia he loaa makahiki kona aole i emi malalo o eono haneri dala.

PAUKU 57. E noho na Alii i Ahahookolokolo, no @ wale no na mana a pau e hoolohe a e hooholo i @ hoopii Luna Nui a pau i hoopiia'i e na Luna Maka@ ma ko lakou ano Aha Ninaninau Nui o ke Au@ kekahi Luna Ni, a mau Luna Nui paha, no ka @ oihana i mamua aku o ka hookolokolo ana i kela Hoopii Luna Nui keia Hoopii Luna Nui e hoohiki @ na Alii e hookolokolo pono me ka ewaewa ole i ka@ i hoopiia'i., mamuli o na hoike a me ke Kanawai. Aole @e e oi aku ka lakou olelo hoahewa i ka hoopau ana i kona noho luna ana, a me ka hoole loa i kona noho hoa ana ma kekahi oihana e hanohano ai a e waiwai ai paha, malalo o keia Aupuni. Aka, e hiki no i ka mea i hoahewaia pela ke hoopii hou ia, a e hookolokolo hou ia, a e hoahewa hou ia, a e hoopai hou ia mahope, mamuli o ke Kanawai o ka aina.

PAUKU 58. E koho ia na 'Lii he iwakalu-kumamaha o ka Ahaolelo peni; eono no ka Mokupuni o Hawaii, @ a pana, aole @@@@@@@@@@@ Aupuni i ka manawa i kukala ia ai keia Kumukanawai, ina e hoopaa lakou ko lakou inoa a koho balota lakou ma ke koho balota lakou ma ke koho mua ana malalo o keia Kumukanawai.

PAUKU 63. Aole e noho kekahi i Alii, a i Lunamakaainana paha ma ka Ahaolelo, ina aole i koho ia malalo a kulike hoi me na hoakaka ana o keia Kumukanawai. E hiki no ke hoonu ia ma ke kanawai ke ana waiwai a loaa makahiki o na Lunamakaainana, na 'Lii, a me ka poe koho i na 'Lii. A e hiki no e kau ia ma ke kanawai i ana waiwai a loaa makahiki paha no ka poe koho i na Lunamakaainana, e hiki no hoi ke hoololi ia.

PAUKU 64. E pii ka mana o ka Oihana Hookolokolo iloko o ka Ahahookolokolo Kiekie hookahi, a ma na Ahahookolokolo malalo iho, i hoonohoia i kela manawa keia manawa e ka Ahaolelo.

PAUKU 65. @ Ahahookolokolo Kiekie, e hoonohoia kekahi Lunakanawai Kiekie, a me na Lunakanawai hoa, aole emi ma@o o elua, a e hiki i kekahi o lakou e noho a e hooponopono i kekahi halawai o ua Aha nei. E paa ua Lunakanawai o ka Ahahookolokolo Kiekie i ka lakou Oihana, oiai pono ka lakou hana ana, e pili nae ia lakou ka hoopii@nanuiia; a e loaa ia lakou i ka wa maopopo, ke kauwai uku no ka lakou hana ana; a oiai lakou i paa i keia Oihana, aole e hoemiia ua uku nei; aka hoi, e hiki ke hoopauia kekahi Lunakanawai o ka Aha Kiekie, a o kekahi Ahakakau paha, ma ka olelo ae like i hooholoia e @hapakolu elua iloko o ka Ahaolelo, no ke kumu kupono i ka manao o ka Moi. E lohe mua no nae ka Lunakanawai i ka hoopii imua o ka Ahaolelo, a e lilo ina ke kope o na kumu hoopii, he umi la mamua o ka hana ana imua o ka Ahaolelo. E hooloheia ka Lunakanawai i hoopiiia, imua o ka Ahaolelo.

PAUKU 66. E @heleia ka mana o ka Oihana Hookolokolo iwaena o ka Ahahookolokolo Kiekie, a me na Ahahookolokolo e ae o ke Aupuni malalo iho, e like me ke kuhikuhi ana o ka Ahaolelo i kela manawa keia manawa. A o ka loihi @ ka noho ana ma ka Oihana o na Lunakanawai o na Aha malalo iho o ka Aha Kiekie, e hoakakaia ma na kanawai e pili ana ia lakou.

PAUKU 67. E pili ka mana o ka Oihana Hookolokolo i na hana a pau ma ke kanawai a me ke kaulike, malalo iho o ke Kumukanawai, a o kekahi kanawai o keia Aupuni, a me na kuikahi i hana ia, a e hana ia ana paha malalo iho o ko lakou mana; a i na hana a pau e pili ana i na Elele Aupuni a me na Kanikela, a i na hana hoi e pili ana i ka Oihana Hookolokolo Moku, a me ka Hoomalu Moana.

mana a pau i haawi ia ia lakou. A o ia poe Luna Aupuni e hoohiki lakou e malama i keia Kumukanawai iloko o na la he kanaono mai kona kukala ia ana.

PAUKU 82. E hiki no ke hoakaka aku i kekahi mea hoololi hou, a i mau mea hoololi hou paha, i keia Kumukanawai iloko o ka Ahaolelo, a ina e ae ia ka mea, a mau mea hou nei paha e ka hapanui iloko o ka Ahaolelo, alaila, e kakauia ua mea la iloko o ka buke moolelo o ka Ahaolelo, me na inoa o ka poe ae me ka poe hoole; a e hoopanee ia mea, no ka akoakoa hou ana ae o ka Ahaolelo. E hookaulanaia ua mea hou nei i ekolu malama mamua ae o ka la e koho ia ai na Lunamakaainana a me na 'Lii; a ina ma ia Ahaolelo hou ana, e aeia ua mau hoololi hou nei paha, e na hapakolu elua o na hoa a pau o ka Ahaolelo, alaila, e lilo kela mea hoololi hou iloko o ke Kumukanawai o keia Aupuni.

 

KALAKAUA REX.

 

Na ka Moi,

            W.L. GREEN,

            Kuhina Waiwai.

 

HONOLULU, SS.

OAHU

OWAU O KALAKAUA, Moi o ko Hawaii Pae Aina, ke hoohiki nei Au imua o ke Akua Mana Loa e malama mau i keia Kumukanawai o ke Aupuni, a e hooponopono no Au i ke Aupuni e like me ke Kumukanawai.

(Kakau inoa ia)

KALAKAUA REX.

Hoohiki ia imua o'u

i keia la eono o Iulai,

M.H. 1887.

            A.F. JUDD,

            Lunakanawai Kiekie o ka Ahahookolokolo Kiekie.