Ka Nupepa Kuokoa, Volume XXVI, Number 26, 25 June 1887 — Page 4
| This text was transcribed by: | David Dugucanavanua |
| This work is dedicated to: | Mona Kelekolio Fong |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa
No ka Makahiki $2.00
No Eono Mahina 1.00
Kuike Ka Lula
Poaono Iune 25, 1887
MEMORIES OF GALILEE.
Gospel Maricodora Book, p.33
1. Ua lohe au i kuu Iesu
Kaahele mau ma Galile,
Iiai au e hele pu
E makaikai i Galile,
Ma Galile, ma Galile,
Ia Iesu no i noho ai,
Ma Galile, ma Galile
Ua ulu mau kau hoomanao
2. Mahalo mau kau mau manao
I kou mau wai, o Galile
Oiai ka wai he maikai ae
Ka lokowai o Galile
Ma Galile, ma Galile, &c
3. A kupu mau kau ake no,
E lohe hou i kou paipai
E Iesu e, ma ka aikai
I keia wa, ma Galile
Ma galile, ma Galile, &c
K.H.
HE MOOLELO NO
Lonoikamakahiki
Alii Kiekie na Kalani
He Alii Nui o Hawaii
@@@lua o na hoopai e kipakuia o @@@hoi e noho me ka alii o Maui, @@@ ona mau ohana pau loa, @@ kaawale loa ana mai ke alii @@@ mai.
@@@pia keia hoopai a ua baiia@@@@ Hinau.
@@@ana o Hinau i keia hoopai @@@ ma luna ona, ua piha loa ia @@@@ ke aloha walohia no kona @@@ mai a me kona ohana mai @@ o Lonoikamakahiki ke aliinui wale ana i hoho ai mai kona mau la opiopio mai, a mai kona mau kupuna a makua hoi, a e like me ka noho ana mai o ko lonoikamakahiki mau kupuna mai, a pela no hoi o hinau i noho mai ai. aole oia i ma nao mua e kaawale ana kona noho ana a me kona ohana mai ke alo mai o ke alii o hawaii, a eia ka hoi ka manawa e kaawale ai o kana aloha ana i ke alii o maui, no laila ua kulu iho la kono mau waimaka. Nohea ole no hoi ke aloha i kana alii, oiai he mea ehaehaloa ia i kona naau, o kona hookaawale ia aku mai ke alii aku o hawaii, oiai hoi, ua hele a kau ke oho hina ma @@@ eia ka hoi ka @@@@@@@@@ kana i puana ae @@@@@@@ wa a make iho imua o ke alo o ke alii, a nana no la hoi e huna iho keia mau iwi, aole hoi e hihi a kaawale ana ka hoi au a me ko'u ohana. aloha wale!!
Ke hoomanao ae nei kou mea kakau i keia mau wahi lalani mele no hinau penei:
Owau ka ke aloha e luaiele nei
Ua kuewa wale i ke ala me ka waimaka
Aole hoi he wa a uku i na Hale
E hoonana ae ana i ke aloha o mauame kuu Haku
Aole e nalo ua hoikeia mai e na wai maka aloha.
No laila, aohe mea a Hinau a hoowahawaha i ka hoopai kupono a ke alii i hoike mai ai imua ona.
Ua lokahi like ka manao o na alii, na kilo, na kahuna a me na kuhikuhipuuone no ka make o Hinau e like me na mea i hoike mua ia ae nei mamua, aka, mamuli o ka manao aloha o ke ahi ia Hinau a me kona ohana, no laila ke alii i hoike aku ai imua o kona mau hoa kuka, a oia keia: E aho e kipaku aku kakou ia Hinau a me kona ohana, e hoi oia a noho pu aku me ke alii ana i hoopakele ai i kona ola, a oia kona koopai kupono a kakou e kau aku ai.
Ia manawa ua hooholo iho la lakou e na manao lokahi, a ua paa ia hoopai aole nae me ia ka manao o ke alii @@@ o Hinau a me kona ohana, e like me ka manao o kona mau hoa kuka no ke ola o Hinau. Ua olelo aku no hoi ke alii i kona mau hoa, aole au i manao e kau aku i ka hoopai he make maluna o Hinau a me kona ohana:
O ko'u mana'o no e hoopai kakou iaia, ma kekahi ano hoopai okoa ae, oia keia hoopai a kakou e ike ae la, o kona kipaku ia e hoi e noho me ke alii o Maua. Ma keia wahi ua pau ko kakou noonoo hou ana i ka hoopai o Hinau. Eia wale no ka kakou mea i koe, o ko kakou kali ana i kona wa e kaawale aku ai me kona ohana mai Hawaii aku nei, pehea aku la auanei o Hinau ma e holo ai i mauai, e haawi aku ana paha ke alii i waa no lakou e holo ai i Maui, aole paha.
Ua manao mua na ohua lokoino o ke alii ia Hinau me e a-u no lakou mai ka moana aku o Hawaii a pae aku lakou i Maui. Ia wa ua olelo aku ke alii ia lakou, i na pela ko oukou manao ua like no ia me ka pepehia ia Hinau ma a make, e ia wale no ka mea kupono, e haawi aku i mau waa no lakou e holo ai a hiki i aui. Nolaila, ua hai ia aku lohe ia Hinau ma, o kona hoopai a me kona ohana, aole e haawi ia he aina ia Hinau a me kana mau mamo ma keia mua aky. A eia ka lua o kona uku hoopai, e hookaawale ia o Hinau a me kona ohana mai ke alo aky o ke alii o Hawaii, a e hoi aku oia e noho malalo o ke alii o Maui.
He uku makai keia i hooholoia e ke alii o Hawaii e pili ana ia Hinau ma, no ka mea hoi ua koe mai ko Hinau ola a me kona ohana.
Ia mu la ua homakaukau ia ijo la na waa no hinau a me kona ohana no ka holo ana i Maui, oia hoi no kona hoi ana, a me kona ohana a noho loa me na alii o Maui, a malaila lakou e noho ai a hiki i ko lakou mau la hope ma keia ao.
I ka makaukau ana o lakou e holo aky ai a noho me ke alii o Maui, ua hele aky la lakou e ike aloha hope loa i ke alii lonoikamakahiki; a i ko lakou hui ana me ke alii, ua apo aloha ia mai la lakou e ka lokomaikai palena ole o ke alii, ua hui, ua ike, a ua aloha; a ua hoike pu mai no ke alii na manao aloha a me ka hoolana ou mai i na manao e pili ana no ke kawale ana o Hinau a me kona ohana mai kona alo mai, a noho aky hoi me ke alii o Maui, a penei ka olelo a Lonoikamakahiki ia Hinau:
Ke hoi la oe a me kou ohana a noho me ke alii o Maui, o ko'u hui ana paha keia me oe a me kou ohana i keia la, a o ka halawai hope ana paha keia o kakou a hiki i ko kakou make ana, nolaila ke haawi ak nei au i ko'u aloha nui loa ia oe e Hinau, a pela hoi me kou ohana, a pela pu no hoi o Hinau i panai aku ai i kona aloha a me kona ohana i ke alii Lonokamakahiki; Aka nae, o Hinau i kela manawa, ua hoopiha loa ia oia i ke aloha nui me ka walohia o kona naau no ke alii Lonoikamakahiki no keia kaawale ana mai ona a me kona ohana mai ka noho ohua ana no ke alii Lonoikamakahiki, a ma keia wahi i pau ai ko lakou hui aloha ana me ka lii.
Ia wa i kauoha ae ai ke hi i na ookele waa, e holo pu aku oukou me Hinau ma, apae lakou i Maui a noho aku hoi lakou me ke alii o Maui, a laila hoihoi mai no hoi oukou i na waa o kakou, oia ke kauoha la i lohe oukou; no ia mea, ua hookoia aku la ka leo alii. Ma keia wahi o ko kakou moolelo, e hoomaku aku ana kakou e kamailio no ko Hinau ma holo ana i Maui.
Ka kekahi la ae, ua iho aku la o Hinau ma i kai o Kawihae, o lakou a me na hookele waa. I ko lakou hiki ana i kai, ua hoaumoe lakou ma ia po a ao ae, hoomakaukau na waa i ke kakahiaka nui; a i ka pau ana o na hemahema o na waa, ua kauoha mai la na hookele ia HInau ma, e kau mai lakou i luna o na waa a holo aku oiai ka wa @@@@@ a komo e mai auanei ka makani kaumaha, @@@@@ oluolu akukakou i ka moana, eia ka wa kakahiaka ia he ma-u. Ua hoomaka aku lakou e kau maluna o na waa a holo aku ma ka lakou huakai, me ka pahee pakika lakou e holo nei maluna o na ale, oia hoi na alw hulilua o Alenuihaha. A oia ka kou mea kakau i hoomanao ae ai i na hookaau o na manawa i hala e aku, oia hoi keia:
"Holo makou a loaa i ka makani, e mahiki na Iao i ke kai o Alenuihaha."
Ua holo aku lakou nei me ka maikai o ka holo ana ma ka moana; a i ka wa a lakou e holo la, ua hoopihaia ko Hinau maka a me ko ka ohana i na waimaka he nui no ka hu mai o ke aloha i ke alii a lakou, oia no hoi o Lonokamakahiki, ke alii nana lakou i malama i na mea a pau o ke ola kino; ka ai, ka ia, ke kapaa me na mea he nui e lako ai o ka noho ana o keia ao.
Huli aku la ke alo o Hinau ma a nana aku la ia uka o Hawaii, oiai ke kai e uhi aku ana ia uka o ka aina, a puana ae la lakou i keia mau huaolelo o ke aloha walawalania: "Aloha no hoi oe e ka haku kanu o neia mau iwi, aloha nohoi ka ai leo ole, ka ia leo ole, eia makou ke hele nei a noho hoopilimeaai aku ma lalo o ke alii o Maui, aole i ike ia aku kana pono; e pono ana paha, aole paha.
Ia wa a lakou e haanipo ana i ke aloha, hoopuka mai la kauwahi kanaka hoe waa i ka huaolelo o ka aka, e mamae ai o na iwi aoao i ka aka o ka poe e holo nei maluna o na waa: "He oi aku o ke alii lokomaikai nui wale a o ke alii o Maui, pela ka olelo a kauwahi kanaka o kakou i hoi ae nei mai maui mai."
Owai ka inoa o ia wahi kanaka o kakou au e mea mai nei?
"O Kahoaa no hoi."
Heaha ka hana lokomaikai a ua hila au i lohe ai? Eia ka hana lokomaikai a ua hi la: O ka iala ka ai mai i ka ai a me ka ia, a he ola male ana aku no ko ka ohua o ke ahi: a pela auanei oukou e hookalike ia mai ai elike me me na ohua mua o ua lii la o Maui, a o ka aina maa mau ka aua lii la e hoonoho ai i kona mau ohua, oia no o Kaupo; oia ka aina lalo i ka ia he loli, ka ia maka ole, o ka ia ka ia e ai ai na ohua a hala he mea anahulu, aole e pau koke ia ano ia i ka ai ia.
Heaha la ka mea i pau ole ai i ka ai ia ia ia? "no ka uaua, hookahi no au poke e noke ai i ka uu, o ka haae, no kau e moni , o ka maona no ia; a kani mai ka wai, ola ka pololi ai ole o ka noho ana o Maui: oia la i lohe oukou e ka poe e noho aku ana malalo o ke alii o Maui.
Ia manawa no i pane mai ai kekahi ohana o Hinau ma ha pela, aole makou e pono ana, no ka mea, he hoopailua wai ka loli. I keia wa no i hu aw ai ka aka o ua wahi kookalohe la, a hookai ka aka like ana a na ohua o na waa, i nei mea maikai o ka hoopunipuni o keia wahi kaaka.
Ma ia hope iho, ua noho malie iho la na ohua oluna o na waa, mamuli o ka huhu ana mai o ka hokele waa.
Mahope iho o ka aina awakea, ke hookokoke aku la lakou ia uka o Hana i Maui, ma kahi no hoi a na auwaa o ke ahi Kamalalawalu i haalele ai ia maui no ka holo ana i Hawaii e kaua ai me ko laila ahi.
I ko lakou nei pae ana aku, ua akoakoa mai la na kanaka o Maui e nana i keia mau waa i pae aku ai. Ua hoea ma li na kamaaina ma ko lakou nei wahi i pae aku ai, a haawi aku la na kamaaina i ka huaolelo aloha i na kanaka oluna o na waa, na malihini hoi o Hawaii mai: "Aloha oukou e na malihini o Hawaii mai;" ua haawi mai la no hoi na malihini i ko lakou aloha i na kamaaina, "Aloha oukou."
Ia wa no i ninau aku ai na kamaaina o Maui:
Heaha ka huakai o keia mau waa o ke ahi o Hawaii o ka holo ana mai nei o Maui nei?
"He mau waa i hoihoi mai nei ia hInau a me kona ohaha e noho malalo o Kauhiaimokuakama no ka mea, ia ko ianei hoopai i hoopai ia mai e ke alii o makou a me kona mau kahuna a pela aku; no ko ianei hoopakele ana i ke ahi o oukou, a holo mai ai i Maui nei, a loaa ai he ola no ke alii o Maui nei, mamuli o ka ianei hana maikai ana.
*
(Aole i pau.)
KA MOOLELO KAHIKO O
ENELANI.
Unuhila no-ka Nupepa Kuokoa.
---------
Mokuna X.
---------
ENELANI MALALO O MATILDA ME STEPANO.
HALA aku la ke alii Heneri i ka make mau loa, a waiho iho la kana mau hana i mea nona e hoomanao mau ia ai e ka lahui Enelani. Hoea ae la ma ke kalaunu o Setepano, he kanaka i moeuhane mua ole ia e ua Heneri la, a i malihini loa hoi iwaena o ka hapanui o na makaainana.
He keiki oia na Adela, kaikamahine a kekahi alu kahiko o Enelani i mare i kekahi alii kauna. O keia Setepano a me kona kaikaina Heneri kana i hookiekie ai; hooliloia aku la o Heneri i bihopa nui no Winchester, a o ua Setepano la, ua hoowaiwai nui iia me ka loaa iaia he mare hanohano ma o na kokua manawalea ana a ke alii Heneri. A male aku nei nae ua Heneri la, kuahaua hele aku la kekahi o kona mau aialo i ke akea e i ana, ua lohe oia i na olelo a ke ahi iaia e waiho ana ma kona moe make, e hoolilo ana ia Setepano i hooilina no ka nohoalii ke make oia. He mau hana apuhi wale no nae keia a ua kauwa la, aka, ua lawelawe koke ia ka poni ana no Setepano e ka akibihopa o Canterbury a nohoalii ae la ia maluna o Enelani.
Ua ike koke ia keia apuhi mahope iho penei: Mamua o ka make ana o Heneri, ua hooili mua oia i ka hapanui o kona waiwai maluna o Matilda, a koe ka nohoalii na ka lahui e wae i alii no lakou iho. Ua ala mai na kueikaika no keia poni ia ana o Setepano i alii me ka malu a me ka pupuahulu, a ua ala pu mai he koina no ka nohoalii mai ia Matilda mai, (he kaikamahine alii keia) a i kokua nui ia e kona kaikunane i kapaia o Robata.
Elima makahiki i kaa hope ae mai ka make ana o Heneri, aia ka lahui Enelani iloko o ka hookahe koko weliweli a me ka pakaha wale ana. Aka, ua lawa pono na aoao paonioni a elua me na kokua ikaikal a pela i hooi loa ia ae ai ka hahana o ka paio mawaena o laua.
Ma kekahi la, ua hui kaua ae la ko Setepano mau pualikaua me ko Matilda i alakaiia e kona kaikunane Robata. He wa loihi keia hoouka kaua ana me ka luku nui ia o na koa makela me keia aoao, Ua kaili ae la nae ka hanohano o ka la ma ka aoao o ka aliiwahine Matilda, aka ua paio ikaika mai no ke alii Setepano me kana koi kaua a hiki i kona hoonele ia ana me na pono kaua, a no ka hopena o keia kaua, oia ka hopu pio ia ana o ua Setepano la iwaena o ke okooko kaua a laweia e hoopaahao. Alaila, ua hookoia ka Matilda koina no ka nohoalii manuli o kona poni ia ana i moiwahine no Enelani. Pela i kau ai ma ke poo o keia moolele "Enelani malalo o Matilda me Setepano," o ka makamua keia.
Aole nae i hooloih@@a ko Matilda kulana ahi a me ka hauoli no ka hooko ia ana o kona iini. Oiai, ua huli ae la ke aloha o ka lahui maluna o Setepano, ka mea i paa pio malalo o na kupee hao a i noho malalo o ka rula ana a ka wahine; a ua hookelakela ia ae ka haakei a me ka lokoino o ke aliiwahine no Setepano, ke kanaka i ku a paio wiwo ole i mua o na make aluka mai ana maluna ona. A ma ia ano, ua apo lokahi ia ke aloha o na kanaka nona a koe hou aku la i ke aliiwahine.
Komo nui ae la na kanaka i ke kaua kipi i ke aliiwahine a me kona kaukuahine; ma kekahi hooili kaua hahana ana, ua hoopuni ia ke kakela o Robata e na koa kipi a hoopio iho la iaia. Maloko o keia kai@@ i hoopaaia akula o Robata ma kona keeena joopaahao, a hemo ae la ka alii Setepano he kanaka laelae.
No laila, nee mua aku la ke kaua me ka hoomau@a. Pani paa ae la ke aliiwahine Matilda iaia iho maloko o kona kakela me kona paa@haua e kue ikaika mai ana i na koa kipi. Oiai ua haule pio aku la kona kaikunane, kona koo ikaika hookahi ma ke kahua kaua e loaa ai iaia he hoona ana mao a maanei.
Ma kekahi kao hooilo, hoopuni ia ae la kona kakela e na koa kipi o ke alii Setepanoo, a he wa ia no ka hau e haule ikaika mai ana e uhi manoanoa iho la maluna o ka honua. Iloko o na mahina loihi o ia hooilo i hoomau ai na kipi i ke kini mawaho, me ke pani paa ana i na ala e loaa ai he mau pono ai no loko o ke kakela. Hoomanawanui iho la ke aliiwahine i loko me kahi pono ai i koe a i lawa nona a me ekolu haneri o kona mau koa naita, a na ka nele hoi a i ka ai ole i luku nui iho i ko kona kakela, a anehenehe aku maluna o ke aliiwahine me ka ekolu hanari koa.
Ina koa nae o ke alii Setepano e kiai la a puni ma kahi kaawale loa aku mai ke kakela, puka aku la ke aliiwahine a me na koa ekolu haneri i aahuiame na kapa keokeo ma kekahi po, a hele malu akula maluna o ka hau keokeo mawaena o na pualikaua kipi e hiamoe nanea ana. He mahuka ana keia o ke aliiwahine a me na koa i pakele mai ka make ahulau i ka pololi, a no ko lakou ahuu keokeo i awili pu ia me ke keokeo o ka hau i hoonalo i ko lakou huakai mai ka maka mai o na iai po o ka pualikaua kipi.
A'e aku la lakou maluna o ka muliwai Iamesi i uhi ia e kahau paa, a maluna o na lio i holo nui aku ai no Nomana. A ua hookaia no koa kpi i ke ao ana ae.
Aia ma Nomana o Heneri i mare i kekahi wahine alii Farani i kookaulana nui ia no kona haakei me ka makona, a o keia Heneri hoi he keiki oia na Matilda. Hoalaia ae la ma ona la he pualikaua ikaika i kokuaia kona makuahine. Hoea mai o Lui, he alii Farni a kokua ia Setepano, a ua hoomaka hou ia ke kaua mawaena o na aoao elua me ka hahana. Ma keia kaua ana, ua kaa aku ke a@kai o na koa kipi malalo o ke keiki alii a Matilda ma ka aoao mai o kona makuahine, a he mau keiki alii keia e kaua nei ma ka aoao o ko laua mau makua no ka noho alii o Enelani. Ua loihi ke kaua ana me ka loaa ole o ka lanakila, nui ka poe i make a nui pu ka poe i hoonele ia me na home. Ua hoomauia ke kaua mawanea o keia mau alii elua i pon iia no Enelani, a hiki nae i ka piha ana o na makahiki he 19 o ka nohoalii ana o Setepano mai kona poniia ana, make aku la oia iloko o ka uluaoa nui i hoomauaia ma ia hope iho, lanakila ae la ke keikialii Heneri maluna o Eustace, a kuahaua ia ae la ke aupuni nona ma ke ano panihakahaka no Setepano, oiai ko na makuahine i waho mai ai i kona kulana Moiwahine no Enelani.
He alii o Setepano no ke kulana aloha a hoopomaikai lahui, aka, ua hoonalo ia keia mau helehelena ona mamuli o na uluoa; ulu pinepine ae iloko o koma mau makahiki he 19 o ka nohoalii ana.
(Aole i pau.)
-------------------
Moolelo o ka Aha Euanelio o ko Hawaii Pae Aina.
----------
Halawai ka aha ma ka luakini o Kaumakapili hora 9a.m Poalua mua o Iune la 7, e like me ka hoopanee ana o kela makahiki, Rev. A. pali. lunahoomalu mua ma ka noho. Hoomakaia na hana me ka heluhelu Baibala, ka himenia me ka pule a ka luahoomalu. Hoomaopopoia na lala o ka aha.
No ka mokupuni o Hawaii Rev W. H Kalaiwaa, S. W. Kekeuwa, G.W. Waiau, S.L. Desha, na elele, S.H. Haluapo, Mahauula, Kapaona, W.A. Mio.
No na mokupuni o Maui, - Rev. A. Pali, Z. S. K. Paaluhi, S. Kauli, S.K. Kamakahiki, H. Manase, na elele, P. K Malauea, H.K. Mekukala, Aberahama.
No ka mokupuni o Oahu - Rev J. Waiamau, Rev. J.N. Paikuli, Rev. S.P.K. Nawaa, Rev.E.S.Timoteo, Rev. S. Waiwaiole, na elele S. Kapu, P. Kaaua, Moeloa S.H. Kalamakee.
No Kauai - Rev J.H Mahoe, J. M. Kealoha, J.B Hanaike, S.U.Kapahi, na elele, Kaeha, Naenuelua.
Na lala mau, Rev. C.M.Hyde, Rev. L. Kamika, Rev. A.O. Polepe, Rev. J.S. Kalana, Rev.J. Bikanele, no Maikonisia, Rev. D. Kapali, G. Leleo.
Ma ka nbalota ana ua kohoia o Rev. E.S. Timoteo i lunahoomalu, a o Rev. W.M. Kalaiwaa i kakauolelo. Koho ka lunahoomalu i na komite mau.
1. Komite imi hana, A.O. Polepe, K.Kekahuna, Paikuli, 2. Komite haipule, J. Waiamau, S.W. Kekuewa. B Kaaua. 3. Komite o na hoike, C.M. Hyde, D. Kapali, S. Waiwaiole. 4. Komite papa helu, J.B. Hanaike, S. L. Desha, S. Kaili. 5. Komite pai, W.M. Kalaiwaa, D. Kapali, Z.S.K. Paaluhi, malama ka aha i wa halawai oiai ke komite e noonoo ana i na kumuhana, waiho mai ke komite imi hana i na kumuhana.
1. Hapa hora haipule i kela a me keia hoomaka ana o ka halawai o kela a me keia la.
2. Hoike Papa Helu o na ekalesia.
3. Na hoike kihapai o na Aka mokupuni.
4. Hoike makahiki o na Aka mokupuni
5. Hoike makahiki o ke Kula Kahunapule.
6. na hoike makahiki o ka Puuku. Kakau leta o ka Papa Hawaii.
7. No na olelo hoaalohaloha o na hoa i make
8. Pehea la e ulu ai ka pono Karistiano i waena o na ekalesia o kakou.
9. Na misiona kuwaho.
10. Na oihana kuloko.
11. Na kokua o na ekalesia no ka waihona o ka Papa Hawaii.
12. Na nupepa Karistiano.
13. Pehea la e kaa pono ai na aie o na ekalesia e noho aie nei i ko lakou mau Kahu.
14. Ka hebedoma haipule.
15. Kahi a me ka manawa e hala wai hou ai ka aha.
Ua heluhelu ia he palapala hoolauna na ke kakauolelo o Kaukeano Emesona, e lilo oia i hoa kuka no ka aha aponoia. Aponoia na lala o ka Aha Hui Kula Sabati na lala o ka Aha Opiopio o ka Pae Aina i mau hoa kuka. Ha paiia ke kumuhana elua Hoike Papa Helu.
Na ka Kakauolelo i heluhelu i ka hoike o Hakalau & Laupahoehoe ko Hamakua hikina, Hamakua waena, Hamakua komohana, na Kekuewa i ko Kohala akau, na ke Kakauolelo i ko Kohala komohana, Kohala hema, Waimea, Kekahi, Kailua, Helani, na Desha i ko Kona waena & Kealakekua na Waiau i ko Pukaana, na ke Kakauolelo i ko Kaohe, Milolii, Waiohinu, Kapaliuka.
Na A. Pali i ko lahaina, na Paaluhi i ko Wailuku, na Kaili i ko Waikapu, na ke Kakauolelo i ko Paia, Huelo, Keaanae. Hoopanee ke Aha a hui hou i ka hora 1 me ka pule a Paikuli.
Akoakoa hou ka Aha, hapaiia na hoike i koe, na ke Kakauolelo i ko Kipahulu, na Kaili i ko Honuaula, na Kamakahiki i ko Olowalu, na Manase i ko Kaluaaha, na ke Kakauolelo i ko Siloama.
No Oahu. Na paaluhi i ko Kalihi me Moanalua, na nawa i ko Ewa, na Kekahuna i ko Waianae, na Timoteo i ko Waialua, na Paikuli i ko Hau'ula & Kahana Waikane, na Waiwaiole i ko Naneohe Waimanalo.
No Kauai. Na ke Kakauolelo i ko Waioli, Lihue, na Kapahi i ko Koloa. Kumuhana 3. Na W.M. Kalaiwaa i ka hoike o na kihapai o Hawaii. aponoia, na Paaluhi i ko na mokupuni o Maui, a kamailio nui na hoa, na Kekahuna i ko Oahu, a na Kealoha i ko Kauai, na Mahoe i hoike mai i ka Papa Helu o Kilauea.
Kumuhana 4. Na kekuewa i hoiike mai i ko ka aha mokupuni o Hawaii aponoia. Na ke Kakauoleloi hoike mai i ka papa helu o Anehola, na Kaili i hoike mai i ko ka aha mokupuni o Maui, kamailio hou na hoa. Ma ke noi a Polepe ua hoopanee ka aha apopo hora 9, me ka himeni a me ka pule.
La hana 2, June 8. Halawai ka aha e like me ka hoopanee ana. Malama ia ka hapa hora haippule kaheaia na inoa. Ka poe i hiki ole mai, Waiamau, S. Paaluhi, Kekahuna, Kaili, Kamika, Olesona, Bikanele. Heluheluia ka moolelo o ka la i hala aponoia. Na Manase i hoike mai i ka hoike papa helu o Halawai.
Kumuhana 4. Ka hoike o na aha mokupuni. N Hanaike i hoike mai i ko ka aha mokupuni o Kauai. Ma ke noi a Polepe e lilo o Mrs. L.F. Dickson A.F. Cooke, i mau hoa kuka aponoia.
Kumuhana 7. Kohoia o Waiamau Pali, Waiwaiole. Kumuhana 8. Ma ke noi a Waiwaiole e lilo kekahi manawa o ka poakahi mai ka hora 9-12 i wa haipule no ke noi ana i ka Uhane Hemolele, aponoia. Hoike mai o Timoteo i ka hoike o ka aha mokupuni o Oahu, aponoia. Hoopanee ka halawai a hui hou i ka hora 9 apopo me @a pule a Kamika.
La hana 3, Iune 9. Halawai ka aha e like me ka hoopanee ana. Malama ia ka hapa hora haipule, kaheaia na inoa. Ka poe i hiki ole mai ia wa, Waiamau, Kapu, @@oha, Bihopa, Olesona, Bikanele, @@@, Kalamakee, heluheluiaka @@@, la i hala aponoia.
Heluheluia ka @@@ papa helu o Kaumakapili. K@@@@na hoa me ke kanalua nui.
Kumuhana 5. Na C.M. Hyde i hoike mai.
Kumuhana 6. Na ka pauku W. W. Hall i hoike mai i kana, a na ke kakau let polepe i kana, a waihoia ka laua hoike ma ka liima o ke komite, Hyde, Kekuewa, Manase. Hoopanee ka aha a hui hou i ka hora 1. Akoakoa hou ka aha, hoomakaia na hana me ka pule a Waiau.
Kumuhana 11. Kamailio wale no na hoa. Koho ana i ka puuku ma ka balota ana, ua koho ponoia o W.W. Hall i puuku, a ma ia ano no ua koho ia o A.O. Polepe i kakau leta.
Koho ana i na lala hou o ka papa mua e puka ana i keia makahiki, ma kahi o Kaumealii, ua paniia ia Iona, a hui pu me na lala e ae o ia papa apono ia. Kamailio hou ka aha no ke kumuhana @@, a waiho mai o Kapahi he olelo hooholo. Aponoia ka olelo hooholo me ka hoololi a Waiamau, a e heluhelu penei:
E koho keia aha i komite hoeueu iwaena o na ekalesia o Kaanapali. Heluhelu ia ka moolelo o ka la i hala apenoia.
Na ke kakauolelo i hoike mai i ka hoike papa helu o Waihee, a na Hihio i ko Kaanapali.
Kumuhana 12. Hooholoia. Ke paipai ikaika nei keia aha i kona mau lala, e hoi aku a e hoikaika no ka pono a me ka holomua ana o ka nupepa Karistiano a puni ka Pae Aina.
Kumuhana 13. Aole mea i loaa mahope ihio o ke kamailio loihi ana o na hoa.
Na waiamau i na hana haipule. E malama ka ahaaina a ka Haku i ka hora 3 auina la Sabati, na Timoteo e malama i ka wawahi berena ana, a na Kalaiwaa e malama i ka waina aponoia. Nana no i hoike hoalohaloha i na joa i make aponoia.
Kumuhana 14. Waihoia i ka Papa Hawaii, lawe ka aha he kumuhana mai a Hyde mai. E noi aky i ka Papa Hawaii e hookohu i komite i ekolu lala, ma Kalawao & Kalaupapa, no ka malama ana i ka pono o ko kakou mau hoahanau e nohopilikia ana, a me ka pakui a Waiamau o Kakaako kekahi aponoia.
Kumuhana 9. Kuwaho.
Kumuhana 10. Kuloko. Na Polepe i hoakaka mai. Ma ke noi a Waiwaiole ma ka luakini o Kaumakapili e haiolelo ai na keiki o ke Kula Kahunapule, aponoia, hoopanee ka aha a halawai hou i kora 9 Poakahi.
La hana 5 Iune 13. Halawai ka aha e like me ka hoopanee ana. Hoomaka ia hana me ka himeni a me ka pule a hyde. Na W.B. Olesona i alakai i na hana haipule, ua malamaia ka manawa haipule mai ka hora 9 a hiki i ka hora 12, me na himeni, me na olelo paipai, ka pule ana me ka leo a me ka pule leo ole ana; hoopanee ka aha me ka himeni, pohaku paa, a hui hoa i ka hora 1.
Akoakoa hou ka aha, kaheaia na inoa, hoomaka@a na hana me ka himeni a me ka pule a Kealoha, eluheluia ka moolelo o ka la i hala, aponoia.
Hoemauia o Hyde i komite huli i na kahua ekalesia no ka Pae Aina holookoa.
Hooholoia he olelo hooholo mai a Kekuewa mai, e pai ia na hoike a na komite a pau, ma ka buke moolelo e hoounaia ana a e hoopaa ia ma ka buke moolelo o ka aha, kohoia o Timoteo, komite pane aku ia Bihopa no kona lokomaikai no kona hoolako ana mai i mau kaa no na lala o ka aha, e holo ai e makaikai i na halekula o Kamehameha, he hiki aku i ka hora 2, hoike mai o hyde ua pau i ka hooponopono ka buke lawe lima.
Heluheluia ka moolelo o ka aha aponoia, hoopanee ka aha a halawai hou ma ka luakini o Kaumakapili, i ka Poalua mua o Iune hora 10a.m. 1888.
W.M. KALAIWAA
Kakauolelo o ka Ahahui Euanelio o ko Hawaii Pae Aina.
Hoolaha Kumau.
H. HACKEFELD & CO
Mea Kelepa Nui, e Kuei Kukua i no
Waiwai Lole, a me na Mea Hao
A he Mea
Kalepa Waiwai Nui
Honolulu, H.I. 2082-@yr
HOOLAHA HOU
KAKELA A ME KUKE
HALEKUAI NUI O NA WAIWAI
E laa na pahiolo, koi hole,
hamale, koi nui a me liilii, ku@a
wili puaa, rula, apuapu, kui e na ano
a pau, kala kaa, hao hoo@@ puka
pohaku hoana, kepa, lei ilio, ka @
la hao ilio, pahi, upa, pahi @@@@
kalapu, kope hulu. pulupulu, @@@@
lakala, lino hao, ami, keehi a @@@
------KAULA OFF-----
Palau o na ano a
Oo, ho, kopala, pe ke@@
kua, hao kope, au je a pe
a aku, kua bipi, lei bi
pi, kaula hao bipi, uwea
pa, uwea keleawe, hao p@
puila, kaa palala, ipuhao ipu @@
PAPALAI MAKAU ME KE AHO
------------
Ili wai, papa holoi, kopa ala, kaula
auaina, hu'akai, ehi wawae.
hulu pena, a pela aku.
Peka wali, kini nui a me lala e na
ano a pau, me ka pepa kuhi
kuhi, pena keokeo, aila
pena aila hoomaloo
vaniki kaa, a me
vaniki moe,
PENA HOOMALOO
-- a me aniani hale --
AILA MAHU, AILA MIKINI, AHA @@@@
AILA KAA, INIKA KAMAA
PAUDA, KUKAE@@@@ KIANA
PAUDA, UIKI IPUKUKUIONA
ANO HE NUI A @@@@@@@
-----------
--B aa na
AHINAHINA, KALAKEA ME KEO, LEPONALO, HULUMANU, UWE-WAHINE, KUI KUMUKUMU, A ME KA LO@@
Ke Kuike e loaa no fa ma kahi
Kakela & Kuke!
_____
NA MEA PIULA
_____
Mikini Humuhumu
Mikini a WHEELER a me WILSON
MIKINI A WIILOX ME GIBBS
NA MIKINI A
----REMINGTON---
He nui loa na mea ao me na @@@ ae o na ano a pau, aole hiki ke @@@ @@ ia aku, hewa i ka wai na @@ ka @@@
-----------------
LAAU LAPAAU KAULANA LO
A DR. JAYNE,
LAAU HOOMAEMAE KOKO
LAAU HOOPAU NAIO, IA@
KUNU, PENIKALA HUAAIE
PAAKAI , LAAU HOOPAA HI,
Me na Laau Hamo a Pela 'ku
Kakela me Kuke
0