Ka Nupepa Kuokoa, Volume XXVI, Number 25, 18 Iune 1887 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

Noka makahiki            @2.00

No E@@@ Nahina    1.00

KUIKE KA KULA

 

Ponono            Iune 18, 1887.

HE MOOLELO NO

Lonoikamakahiki

KA

Pua Alii Kiekie na Kalani.

Ke Alii Nui o Hawaii.

[KAKAU @ NO KA NUPEPA KUOKOA.]

 

Ma keia wahi, e waiho ana kakou i ua alii la o Maui, no ka mea hoi ua lohe no hoi kakou i ka manao o ke alii o Hawaii, aole oia i makemake e holo e kaua me Kauhiaimokuakama ke alii o Maui, e noho ua keiki alii la e ai i kana loaa o kona mokupuni a me na alii malalo ona.

 

Ma keia wahi e hoike aku ana kou mea kakau i kauwahi mele kanaenae no ke keiki alii o Maui oia o Kauhiaimokuakama; no ka mea hoi ua loaa hou ia Maui he alii, a he lani hoi no ia mo kupuni, oia hoi no Hono a Piilani e ol@loia nei:

 

“O Kalani ua loaa ae nei ka’u lani

O kahoa kauli malama ia Ohea

O ka lele ha kanu o Ainapewa

O ka hihio lani ua o Maheha

O ke koloa luu la i ka wai o Kakae

O Kauhi ka manu nana e poo ka wai

Oia hoi o Kauhiaimokuakama.

 

Maanei o ko kakou moolelo e waiho aku ana kakou i ke alii o Maui

 

I kela manawa i olelo ae ai ke alii o Hawaii, aole o’u manao huhu i ke alii or Maui i pakele mahunehune aku la, mai keia kaua ana iho nei a kakou.  Aka, eia wale no ka’u mea e huhu nei, o ka mea nana i hoopakele aku nei i ke alii o Maui.  Ke manao nei au o ka mea nana i hana i keia hana, oia hoi, ka mea nana i hoʻopakele aku nei i kela alii o Maui. Oia kekahi kipi ia’u, malia paha oia kekahi o ko’u hoa kaua hou o keia mua aku.  E like ae la me Kamalalawalu ke alii o Maui.  O ka’u ninau wale no imua o oukou e na alii a me na punahele, a me na aialo, a owai la ka mea nana i hoopakele i ke alii opio o Maui.

 

I keia wa i hooho lokahi mai ai lakou; o ko makou manao i keia manawa me ko makou hookamani ole, a e hoike mau aku i ka mea oiaio i ka mea a ko makou mau naau i manao ai, oia hoi keia:  O ke kanaka nona ka inoa a ua alii la i hoopunahelu ai a me ke kapa inoa ana ia Hinau, a oia auanei ke kanaka i hana i keia hana kipi ia oi e @ alii.

Aole he mea okoa hou aku a ke alii e hoohuei hou aku ai, o Hinau wale no; a ina he manao kou e ke alii e pili ana ia Hinau.  Ina no ka make e make ke kanaka kipi ia oe e ke alii, pono ai, heaha auanei ka waiwai oia kanaka e ola ai, o ka malama aku kau i ka ai, ka ia a me na pono he nui loa, a e ai ahi ae hoi ia.

 

Eia kekahi mea kupanaha loa, a na alii o Maui i holo mai nei e kaua ia kakou a make, oia hoi kana e hoola aku ai.  Kai no hoi o ka pepehi aku ka kakou hana aole o ka hoola aku, a iaia nei ka hoi, o ka hoola aku nei ia ia Kauhiaimokuakama, a ke kani la kai ala aku, a ke ai la kela i kalo mo’a; nolaila he mea pono o Hinau a me kona ohana e make, i ole oia e hana hou aku i kekahi hana kipi imua o kou alo, aole wa e kali hou ai no kona ola a me kona ohana, a e aho hoi e ola ke alii o Maui, a oia hoi o laua ke make.

 

Ua lokahi like ae la na mea a pau o ke alo alii i keia manao hookahi.

 

I ka wa i lohe ai o Hinau i keia manao kaumaha a pilikia hoi e pili ana ia@a a me kona ohana, aole mea ana e welawela ai i ka make mai i ke alii, ke hoapono la no kona manao i kona make, aka, eia ka, hookahi mea ehaeha i kona manao oia hoi kona ohana i ka make mauele mamuli o ka hana aloha i ke alii o Maui.

 

Ulu ae la kona manao a i iho la iloko o kona naau, he mea kupanaha makahi o ka’u hana lokomaikaʻi aku i ke alii o Maui, o kana hoi i panai mai ai he hana lokoino ia’u a me ko’u ohana, e aho au e make mamuli o ua alii hana aloha ole la o Maui ia’u, a eia ka mea oi aku o ka poino o ka make wale ana mai o ko’u ohana mahope o ka’u hana aloha i ua alii la; aka he make kaulana ia a me ko’u ohana imua o ke alii, mamuli o ka’u hana lokomaikai i kahi alii o laua, a malia paha he mea @ e hoʻokaulana aku ai i ko’u inoa i na hanauna kanaka ma keia mua aku, a he mea paha ia e hookaulana ai i ko’u make ana mamuli e ka’u hana aloha i ke alii hookuli o Maui.

 

O keia ae la na manao o Hinau e @@ nei imua o kona ohana a me kona mau makamaka.

 

M keia wahi e hoakaka aku kou mea kakau:

 

I ka wa o ke alii i lohe pono ai i ka manao o kona mau alii na punahele a @@ na aialo, na lokahi lakou, ua kauoha ae la ke alii e aho e kii ia na kahuna, na kilo a me na kul@ikuhipuuone e akoakoa mai imua o ke alii o Lonoikamakahiki, a e kauoha pu ia hoi o Hinau e hele mai imua o ke alii.

Ua hooko koke mai la na mea i kauoha ia e ke alii, no ka hele ana mai e akoakoa imua o ua alii nei.

I ka wa a na mea a pau i akoakoa mai ai imua o ke alii, ua ninau aku la ke alii i keia ninau:

Nau no anei i hoopakele i ke keiki alii o Maui?

Ae, na’u no.

Ua pono anei oe ma keia hana ana au?

Aole au i pono, ua hewa loa au.

Heaha ke kumu o kou hoola ana iaia?  Eia ke kumu o ko’u hoola ana iaia; he aloha au i kona mau maka i ka ame ae, a oia wale iho la no ke kumu i hoola ai, oiai hoi, ua hahai au i kau kauoha e like me kau mau hana aloha e ke alii, a pela wau i hoohalike ai.

Nawai oe i kauoha e hana aloha?

Na’u no e ke alii.

E hoike mai ana oe i kuu kauoha ana aku ia oi e like me keia.

A penei:  I ka hoomaka ana o kakou e kaua me ke alii o Maui, ua olelo aku oe i ua alii la, aole o’u makemake e hookahe ia ke koko o na makaainana a me na alii, e aho no o na kaulana aina o kaua ke hakaka, a o ka mea no o laua o lanakila alaila e noho aku no ke alii a me kona mau makaainana malalo o ka aoao i lanakila; no ka mea he mea aloha na’u na makaainana a me na alii, he mea loaa ole na alii a me na makaainana, nolaila, oia kahi kumu a’u i hoola ai, oiai hoi, ua olelo oe he mea aloha nau na alii, a oia ke kumu o ko’u hoola ana i ke keiki alii o Maui.  Ina paha oe i olelo aole ou aloha i na alii, ina la ua make ia’u ua alii la i ka loaa ana aku ia’u i kai o Kawaihae; manao hoi au ina e pepehi ia e a’u a make, alaila huhu ae paha oe ia’u, no ka mea hoi aole oe i kauohi mai ia’u e alualu oe i au alii la a loaa, alaila e pepehi aku iaia a make@  Ua olelo mai nae oe ia’u e alualu au a loaa, a i na e hana mai i ka mea ino ia’u, alaila e hoao na keiki kane o maua; a ina no hoi he maikai kana e hana mai ai, aole hoi he olelo ana, nolaila ua hana mai oia i ka hana maikai ia’u; a e like hoi me kana hana maikai ia’u pela no hoi au e  hana maikai aku ai i@ia, a oia ka’u hana maikai la o ko’u hoola aku iaia; a ina ua hewa kau kauwa haahaa ma keia hana, a e uluolu ke alii e kala mai, a i ole pela e hana aku ke alii e like me ka mea hiki i kou noonoo ana he pono, a ke waiho aku nei au me ka naau haahaa a me ka walohia hoi.

 

Ia wa i olelo mai ai ke alii ia Hinau, e hoi oe i keia manawa a hiki oe i kou hale, a e noho pu@oe me kou ohana, a e noho ae hoi makou e kuka me na kahuna, na kilo no kou pono a me kou ohana, no ke ola, a no ka make paha, a i ole pela no kekahi hoopai e ae paha a makou e hooholo ai e pili ana ia oe a me kou ohana.

 

Ia wa ua hoi aku la o Hinau me ka manao kaumaha a me ka luuluu, oiai, aole i loaa iaia ka palekana no kona ola e hoi la, a oia ka kou mea e hoohuai aku nei:

 

Aloha wale ka pali o Koloa ke alo huli i waihanau e Hanau.

Aloha wale ka hoahanau i ka hoi nele i ke kaha loa la e loa.

 

I ka wa i hoea aku ai o Hinau imua o kona ohana me na helehelena o ke kaumaha a me ka luuluu, ua loaa like ia mau haʻawina i kona ohana i ka mohai ia o ko lakou mau ola malalo o ka hana aloha a Hinau i ke alii o Maui, a ua nohoalii iho la ia haawina maluna o lakou, oia hoi ke kaumaha.

 

Hoomanao ae la hoi kou mea kakau i keia wahi kanaenae a ka poe kahiko penei:

Kaumaha luuluu Hanalei I ka ua nui

Ua hele a oi ku i ka loa o Koialana.

Me ia manao pilihua o Hinau i noho ai me kona ohana, a e kali wale aku ana no o ka puka mai o ka olelo hooholo a ke alii a me kona mau kuhikuhipuuone, na kilo a me na kahuna no ko lakou mau ola, a nehea aku nei la, e pau ana paha ko lakou mau kino i kalua ia iloko o ka imu ahi, a i ole e k@li ola ia ana paha, he manawa ia na ke ao omamalu e kau ana maluna o lakou, a noho aku nei lakou me ka manao e lohe aku i ka leo alii, i na no ka poino ua poino iho la, a he mea maopopo no nae ia; a ina no hoi no ke ola, he uku ia he ia no Kahoolawe; a eia ka auanei pela io no, aole ka i hooholo ke alii no ke puhi ia o ko lakou kino no ka make, aole ka no ke koli ola ia, eia ka he hoopai okoa ko lakou a ke alii i hooholo ai, a me kona mau hoa kukakuka, oia hoi na kilo, na kahuna a me na kuhikuhipuuone.

Ma ke ahiahi o ia la a ke alii e noonoo la me kona mau hoa kuka no ke ola o Hinau a me kona ohana, ua hooholo iho la lakou me ke kuka ana mamuli o ka noonoo naauao ana o ke alii me ke kali o kona huhu, a eia ka lakou i hooholo ai no Hinau a me kona ohana.

 

Aole e loaa ka kaawina ia Hinau a me kana mau mamo ma keia mua aku, oia hoi aoie e loaa ka aina ia Hinau a me kana mau mamo.  Aole i pau.

 

HOIKE O KE KULA KAHUNAPULE.

 

Ma ka Poalima Iune 10, 1887 i malama@a ai ka hoike o Kula Kahunapule maloko o ka luakini o Kawaiahao.  Ua homakaia na hana ma ka hora 9 a.m. me ka himeni; hora 9:10, hoike ouli manawa mawaena o ke Kanoha Kahiko me ke Kauoha Hou: hora 9:45 himeni; hora 6:50 na mea kahiko a ka poe Iudaio; hora 10:25 himeni; hora 10:30 no ka Oihana Kahunapule; hora 11 himeni; hcra 11:03, no ka huli Baibala ma ke Kauoha Hou; a o ka panina no hoi a hookuu na hana ma ia la, he himeni.  Ua hala he ekolu hora ma keia hoike ana o na haumana, a ua ikea ka makaukau mamuli o no hooikaika pauaho ole ana.  Ua nui ka poe i makaikai ae i keia hoike; eia na haumana:

J. Akela                       @. Kalino

J. Hamauku                 C.M. Kamaka

D. Hoo@o                  J. Kanoho

J.P. Inaina                   @. Kopa

A.S. Kaholokai           J. Niau

K. Kalawe                   S. Oili

L.K. Kalawe               J. Samoa

W. Kamau

 

Ma ka po la Sabati, Iune 12, hora 7:30, ua malama hou ia he mau haiolelo a he mau himeni maloko o Kaumakapili imua o kekahi anaina nui i akoakoa a@.  Eia malalo iho ka papa kuhikuhi o no hana:

 

1. PULE HOOMAKA, REV. E.S. TIMOTEO
2. HIMENI, KA HUI EHA.
3. HAIOLELO, J.P. INAINA

Ka oihana kahuna mohai o Iesu Karisto.

 

4. HIMENI,        NA HAUMANA

Puuhonua mana loa,

Pomaikai pau ole no.

Lana ko’u mana’o mau loa,

E pau koke ko’u makau;

Hoku ao n@ keia po,

Kai kou naauao ia’u,

Haawi mai i ola na’u,

Iesu, pili wau i ou.

 

 

Heleuma no ko’u waa,

Ma ke kai kupikipikio;

Kahi e hoomaha’i au,

Ina paha komo au;

Hae aloha nani no,

Pau ka luhi ino o’u

Ma kou malu nani no,

Iesu pili wau i ou.

 

5. HAIOLELO,              S. OILI

Na Pomaikai e loaa ai i ka poe huli Baibala

 

6. HIMENI,        NA HAUMANA

Ua lohe au i kuu Iesu

Kaahele mau ma Galile;

Iini au e hele pu

E makaikai i Galile,

 

Ma Galile, ma Galile,

Ia Iesu no i noho ai,

Ma Galile, ma Galile,

Ua ulu mau kuu hoomanao

 

Mahalo mau kuu mau manao

I kou mau wai, o Galile,

Oiai ka wai he maikei ae,

Ka lokowai o Galile,

Ma Galile, ma Galile, &c.

 

A kupu mau ka’u ake no,

E lohe hou i kou paipai,

E Iesu e, ma ka aekai

I keia wa, ma Galile.

Ma Galile, me Galile, &c.

 

7. HAIOLELO,  J. NIAU.

Pehea @ hooholo pono ai i ka Hoole Waiona.

 

8. HIMENI,        NA HAUMANA.

Punawai e ola’i mau,

No ka poe luhi no

Kahe mau ka wai maikai;

Hiki no ke hoomaemae.

Punawai aloha no’u,

Kahe no’u ka wai ano,

Punawai aloha no’u,

Kahe no’u ka wai ano,

Wai o ke ola,

Wai o ke ola,

Iesu, e hooinu ia’u.

 

Punawai e kahe mau,

Kahe mai, e ola’i wau,

Oia no ka wai maikai,

Nana wau e hoomaemae.

Punawai e hoomaemae,

Me ka pono hoomaikai,

Punawai e hoomaemae,

Me ka pono hoomaikai,

Wai o ke ola,

Wai o ke ola,

Iesu, e hooinu ia’u.

 

Pela no ka punawai

Kahe nou e hoomaemae,

Ina hewa nui ou,

Me ko Iesu koko no.

Wai maemae i kahe ai

Mai ka lani laelae mai,

Wai maemae k kahe ai

Ma ka lani laelae mai.

Wai o ke ola,

Wai o ke ola,

Iesu, e hooinu ia’u.

 

9. MAIOLELO,             W. KAMAU.

Pehea @ loaa ai ia kakou ke an@ Hemolele?

 

1. Ma ke kiai e holo ana

Me ka oluolu nae

A kakou e imi nei

I ke awa lani lae.

Pau na ino nui wale,

Komo koke i ka hale,

A kakou e imi nei

I ka maluhia mau

 

2. Lehulehu, oluolu

Noho ko ke ao laelae,

Aia no ka poe komo,

Komo nui, nui ae.

Pau na ino nui wale,

Komo koke i ka hale,

A kakou e imi nei

I ka maluhia mau.

 

3. Ao laelae a pomaki@i

No kakou ke makaukau,

Aia no kakou e maha’i

Me na hoa pu a pau.

Pau na ino nui wale.

Komo koke i ka hale,

A kakou e imi nei

I ka maluhia mau.

 

11.  PULE HOOKUU, REV. S.L. DESHA

Ma keia hoike ana hookahi o na haumana i hookuu ia mai ke kula aku me na hoomaikai he nui a me na apono ana no kona lawa ma ke kula, a oia no ka inoa hope ma ka papa kuhikuhi maluna ae Mr. W. Kamau, a nona ko makou lulu lima aloha pu ana.  Ke hoʻopuka aku nei makou i kana haiolelo malalo iho no kona puka laelae ana mai ke kula aku me ka maemae, a e heluhelu iho:

 

Pehea e loaa ai ia kakou ke ano Hemolele?

 

O ka loaa o ke ano hemolele ke kumuhana i waeia. Ua pili keia i ka pomaikai o ka uhane, i ka pomaikai hoi e mau loa ana mai keia noho ana a i kela noho ana mao maluna ma ka lani.  He elua o’u mahele manao ma keia:

 

1.       Heaha ke ano hemolele?  Mamuli o ke ano maoli o ka huaolelo he hemahema ole.  Oia hoi, ua lawa pono, ua piha pono i ka pomaikai uhane holookoa; ma ka lawelawe ana o na mana uhane a pau loa, ma na ano maikai a pau loa, no na manao e hooko kiekie loa ia.  Aole lawa ka hemolele ma ke kue ana i ka hewa wale no, aka me ke kue ana i ka hewa a hana i ka pono, a pela e lawa ai. Wahi a Paulo: (Epeso 4:13.) Ka like ole o ka manaoio, ka ike ole ana i ke Keiki Hiwahiwa a ke Akua a me ka mau ana ma ke ano kamalii, aohe lilo ae i kanaka makua, i poe naauao loa ma na mea o Karisto, he hemehem ia ia’u. Nolaila o ka lawa i ka pomaikai uhane holookoa ka mea i makemakeia.

 

2.       Pehea e loaa ai?  He mea hiki ke loaa ka pomaikai uahane holookoa ke malama i na kauoha a ke Akua, oia hoi e manaoio, hoolohe mau iaia.  He wahi keiki ukulii e noho ana malalo o ka opu a ke aloha ole, e hoounauna wa’e ia ana ma ke ano kauwa kuapaa.  O kana ai e hanai ia ai he okuekue, ukolekole; a he iwi ka ia.  E kaniuhu mau ana kahi keiki.  Ina lakou e paina ahiahi, e hoʻopiha ana oia k ka lua o ka inaina me keia mau mea, a pau ka ai ana inu mai ka wai, oia kona hoopuka ana i na huaolelo walohia e ku ai keia anaina i ke aloha; oia hoi, kani wai au a moe, alaila hoi aku la moe. Pela oia e hana mau ai i na po a pau a hiki i ka wa i lohe ia ai e kekahi mea kaahele o ka po, nui kona aloha i ke keiki. He la mahope mai ua hui aku oia me ke keiki, a hahai aku I kahi o kona makua me ke kono ana e hoi oe I kahi o kou makua ponoi, he ai he ia nau a lawa, he lani iluna a he honua ilalo, keekeehi kulana.  Hoolohe ke keiki a manaoio, o ke ku no ia hoi i ka home aloha o ka makua i ka lae kahakai. Pau ke kaniuhu, pau ka luuluu, komo i ka pomaikai a ka makua.  Pela ka pono no kakou a pau, e haalele i ka noho’na wi o ka hewa, i na hana hooluhi hewa a Satana, a e hoi i ko kakou makua iloko o ka lani, oiai o ko kakou Makua maoli no ia.

 

Wahi a Paulo ke kaeaea o na Lunaolelo o na kau i hala (Heb. 3:19.) “Aole lakou i komo no ko lakou manaoio ole.”  Ua pau lakou i ka ulupa ia ma ka waonahele, a koe he elua oia helena like ana mai, a me na mamo i hooulu hou ia, o lakou kai komo i Kanaana.  Ua pono, a he pono loa ko ke Akua luku nui ana mai i ko kakou mau kuko ino a pau i ka make, a koe no iini nani elua oia hoi ke kue ana i ka hewa a hana i ka pono, a e hooulu hou no auanei oia i na iini nani pookela no ke komo ana i ka pomaikai lani.  He aka, he aka wale no ke komo ana o ka lahui Iseraela iloko o ka aina nani o Kanaana, ka aina e kahe ana o ka waiu a me ka meli no ko ka poe manaoio komo ana a pau loa iloko o ke Kanaana hou maluna m@@ o Iesu Karisto la.

 

E hiki ana no hoi i na mea a pau loa e hui aloha ana me Iesu, e hele aku e hui me ia a lohe oe i kena manao, kela manao pookela ana i i mai ai: “Ua kala ia kou hala,” aohe hala i koe.  E noho, e ku, e hele me ka hauoli lanakila palena ole.  E na makamaka a pau loa, ina kakou e ku ae iluna a nana iho i ke aloha o Iesu ia kakou, kini lehu a mano ka pilina mai a kona aloha i na kanaka hewa a pau loa.  Nolaila, eia ko kakou hana pono, e haawi aku nana e malama mai, ke kino, uhane a me ke aloha holookoa i na wa a pau.

 

E olelo ana ka waha me ka ilihia nou, nou au e Iesu e, e hooia ana hoi ma ka hana, oia no ka manaoio ana ia Iesu.  Ua hoomaau ia kakou ma o Iesu Karisto la, aka nae, ua hoomaemae ia e kona Uhane mana, me ka hoʻolanalana mau ana ia kakou i kela kuleana p@a ma o Iesu la oia kekahi mea e nani loa ai.  Ina ae kakou i ko ka Uhane Hemolele noho pu ana mai, a nana kakou e alakai, e hiki auanei kakou i ka pomaikai aole i kana mai.

 

Mai noho lili kakou e nauki ana me ka hoowahawaha i kou hoa kanaka.  Ua like ia me ka mea e hoopau ana i ka pomaikai lani; aka e kokua kekahi i kekahi i mea e loaa ai a lawa. He oiaio ke kaapuni mau nei ka hewa ma keia noho ana, eia nae aole ona keehina wawae ma ka Home lani mau loa.  Nui ka hauoli i ka wa mahope e hiki mai ana o ka poe manaoio.

 

E kei ka noho e Kamalama wahi a Kawelo, e ai ka ai, e inu ka wai, e home ka malo, e lawe ke @oea a makaukau e paio me na enemi, oia ka wa e wehewehe ae ana ka pewa o ke ao e ao loa ae.  He hoolaleiale keia no ke kaua. Pela hoi au e hoeu aku nei i na haipule mai Hawaii a Niihau, oiai ke o mai na kukuna malamalama o Karisto ma na kapakai aloha ou e Hawaii. E pule ka pule, e launa mai ka Uhane Hemolele me kakou pakahi a pau. E heluhelu i ka Baibala ka ai a me ka waiu o ka uhane, i ikaika ai ka hana ana aku i keia wa e ola nei, a pau ka noho kahela nanea ana, e hawele mai i ka makaukau o ka naauao lani, e ku a maloeloe iluna a paio aku no ka pono, a no ka pono wale no, i ka pomaikai hoi e mau loa ana ia kau aku ia kau aku.  Mai noho kakou i ka hapaha, e nee aku imua i ka hapalua, i ka ekolu hapaha, a i ka eha hapaha piha pono. 

 

Ua lohe kakou i ka olelo paipai, “Mai noho a lanakila ka hewa iloko o ko oukou kino.”  E olelo pane kakou, ua lanakila kakou maluna o keia inau mea, ma o ka mea nana makou i aloha mai.  E hoomaikai ia ke Akua kiekie loa, no kona haawi ana mai i ka lanakila ia kakou ma o Iesu Karisto la.            WILLIAM KAMAU

 

He lono ma Inia, aia na koa Rukin@ ke hoohahani la ma ke alo o Afeganitahi, a no ka lele kaua aku i kekahi hapa o ia wahi.  Ke hoʻolako pu ia la na koa me na pono a pau ma Chardqui, he 200 mile ka mamao mai ke alo aku o ke kahua hookahe koko i manaoia.  Na keia mau hana a Rusia, ke oni la na aa koko o Enelani ma Inia, kona panalaau nui.

 

HOOLAHA KUMAU.

Ka Waiwai o ka Hilinai

 

KA AYER Lau Sasaparila, kai kaulana a hilinaʻi nui ia no ka hoomaemae koko, ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau.  O keia

 

LAAU SASAPARILA, no loko ae ia o ke aa Sasaparila Honedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kekahi mau mea no loko o ka honua a me ka hao.

 

HE koko inoino a nawaliwali anei kou?  Ua a wili pu anei me na ano mai ikaika?  A ua hui pu anei me no wai awaawa hoopehu Na keia

 

LAAU e hoomaemae ia mau mea ino a pau, a maikai.  O na kauka lapaau a pau o Amerika i ike i ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no.  No ka

 

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae.  O ke

 

KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana keia LAAU SASAPARILA A AYER.  He maalahi a he

 

MAIKAI loa hoi keia Laau, aole no ka hoomaemae wale ana no i ke koko, aka no ka hookaawale pu ana kekahi I na ma’i, hoʻomomona hou ana i ke koko ino, a me ka hooikaika pu i kona holo pono ana ma na aa.  He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.

 

A HILINAIIA no ka ikaika kupono o ke ola kino, ma ka maemae ana o ke koko, hoomake pu ia no ma’i a pela aku. He nui na laau hoomaemae koko i hoolaha wahahee wale ia malalo O na inoa lehulehu, aka, o na hilinai a me no hoo@a wale no a ke ao holookoa, maluna o ka

 

AYER LAAU SASAPARILA.

 

I HOOMAKAUKAU IA E

 

Kauka J.C. A@@ & Co. Low@ll, Mass.

 

HOLLISTER & CO.

 

Na Agena ma ka Paeaina Hawaii.

 

Helu 100               Alanui Pap@, Honolulu

2096-tf

 

 

HOOLAHA HOU.

$5 MAKANA.

INA o ka mea e loaa ai kuu lio (k) ulaula ano lokia h@elo pokole, ua k@ni ia i ka hao (H) ma ka uha hope, a hoihoi ae ma ka Halekuai o J.T. Walakahauki, e loaa no ka makana i olelo ia.                       2122

 

Laau Mai Lepera Helu I

A

S.H. MEEKAPU.

 

E LOAA A E HOOUNA IA NO MA ke kauoha, ka laau Mai Lepera ma na wahi a pau ke loaa he mau hoike oiaio no ka mai Lepera a ke hoouna mua mai I na lilo o ka laau.  E loi@ pu no hoi me na Rula o ka ino ana.  E loaa no ma Alanui Nuuanu, helu 11.                       2086-1 yr

 

FRANK GERTZ.

MEA KALEPA A LAWELAWE HANA MA

NA ANO KAMAA A PAU NO NA

Wahine, Kaikamahine a me Kane.

Na Kamaa Buti a me no Kamaahaahaa no no Keiki Kane a me no Kanaka maku or no @@@ paikini hoa loa

208@-6m

 

H. HACKFELD & CO

Mea Kalepa Sui @ Kuni Kukua I na

Waiwai Lole, a me no Mea Hao

A HE MEA

KALEP WAIWAI NUI

HONOLULU, H.I.    2082-1yr

 

HALEKUAI HOU

ME NA

LOLE HOU!!

 

KA HALEKUAI MAKEPONO LOA keia o neia Kulanakauhale me ka mai kai loa no na lole ma ke kihi o na

 

Alanui Papu me Kalepa.

Na Lole o na ano a pau no na

Keonimana me Keikikane.

 

Na Lole komo, Na Papale, Papalekapu, Na Pahu waiho Lole, Na Paiki @@@, a pela aku.

 

He mau waiwai i lawe pololei ia mai no keia wahi, a i wae pono ia no hoi i kulike me ka makemake o na makamaka Hawaii.

 

Ka Hale Kuai keia o ke Kanaka Ilihune.  He mea e lawa ai ka makemake o ka poe uuku o kahi loaa.

 

O KO MAKOU MAKIA,

 

E OLA KA KANAKA ILIHUNE

E hele mai a e nana pono, i ike a pau kuhihewa.

 

EGAN & CO.

2092-1Y

 

PAPA!                        PAPA!

AIA MA KAHI

 

LEWERS & COOKE.

(O LUI MA)

Ma ke kahoa kahiko ma alanui Pa’u a me @@@

 

E @@aa ai

 

PAPA NOUAIKI

 

O kela a me k@@@ ano

 

@@@@ Puka Aniani, Na Olepelepe Na Pou, Na O-a, Na Papa Hele, na Papu Ku.  A me na Papa Mo@ nui loa

 

Na Pili o na Hale o na Ano a Pau

 

Na Pepa Hoonani, Na Pena o no Wai e pau Na K@i mai ke Nui a ka Makalii, Na Am@ Puka, Na Ami Puka Aniaci, Na Ami o na ano a pau, Na Aila Pena, a kela me keia ano Na Aila Hoomaloo, he lehulehu wale, Na Aila e ae o na ano a pau.

 

NA WAI VANIKI

A ME NA

WAI HOOHINUHINU NANI

O KA A@O A PAU IOA.

NA BALAKI ANO NUI WALE.

 

A ke hai ia aku nei ka lono I na Makamaka a pau, ua makaukau keia mau Makamaka o oukou e hoolawa aku @@ na mea a pau e pili ana ma ka laua oihana

 

NO KA

UKU HAAHAA LOA.

 

E like me kamea e nolo ana mawaena

LAUA A me ka MEA KUAI.

HELE MAI E WAE NO OUKOU

 

HOOLAHA HOU.

Kakela a me Kuk@

HALEKUAI NUI O NA WAIWAI

E laa na pahiolo, koi hoie, kamale, koi nui a me liilii, kila, wili poaa, @ula, apuapu, kui o na @@@ a pau, kala kaa, hao hoopaa @@@ pohaku hoana, kepa, lei ilio, kaula hao ilio, pahi, upa, pahi umiumi, kalapu, kope hulu, pulupulu oe @@@@ laka@a, lina hao, ami, keehi a me

 

KAULA OP@

 

Palau o no ano a pau, oo, ho, kopala, pe, kipikua, hao kope, au ho a pe @@ a aku, kua bipi, lei bipi, kaula hao bipi. uw@@ pa, uwea keleawe, hao @@ piula, kaa palala, ipuhao, ipe @@

 

PA PALAI MAKAU ME KE @@@

 

Ili wai, papa holoi, kopa ala, @@@@  uaina, hu’akai, ehi wawae, hulu pena, a pela aku.  Pena wali, kini nui a me liilii o na ano a pau, me ka pepa kuhi kuhi, pena keokeo, aila pena, aila hoomaloo, vaniki kaa, a me vaniki moe.

 

PENA HOOMALOO

 a me aniani hale

AILA MAHU, AILA MIKINI, A@A @@@ AILA KAA, INIKA KAMAA

 

PAUDA KUKAEPELE, KIANA

PAUDA, UIKI IPUKUKUIONA

ANO HE NUI A LEHULEHU

 

LOLE MAKEPONO

 

AHINAHINA, KAI AKOA, @@@

KEO, LEPONALO, HULUMANU,

UWE-WAHINE, KUI HU@@@

MU, A ME KA LOP@

 

Ke kui@@ e luna no @@ ma kuhi

 

Kakela & Ku@@

 

NA MEA PIULA

 

Mikini Humuhumu@@

 

Makini a WHEELER a me WILSON

 

MIKINI A WIIKOX ME GIBBS

NA MIKINI A

REMINGTON

 

He nui loa na mea hao me no ukana ae o na ano a pau, aole hiki ke hai @@ ia aku, hewa I ka wai no maka ke @@@

 

Laau Lapaau Kaulana L@@

 

A DR. JAYNE.

LAAU HOOMAEMAE KOKO

LAAU HOOPAU NAIO, LA@@

KUNU, PENIKILA, HUAAL@@@

PAAKAI, LAAU HOOPAA HI

@@ @@ Laau Hame a Pela @@

Kakela me Kuk@@@