Ka Nupepa Kuokoa, Volume XXVI, Number 25, 18 June 1887 — Page 3

This text was transcribed by:	Kate Motoyama
This work is dedicated to:	opa paul tallet

Ka Nupepa Kuokoa

KE KILOHANA POOKELA NO KA LAHUI HAWAII.

Ka Kupepa Kuokoa.

Paiaa e THOS G THRUM ma ka Halapai o ka H@@ P@RESS PUBLISHING COMPANY," Kee@@ Hooponopono, ma na kihi o Alanui Moiwahine me Nuuanu.

@@@@@@a muaia mai na Olelo Hoolaha ma ke Keena Hooponopono mamua ae o ka hora 12 o ka awakea o na Poaha a paa. Aole e @@@@@ @a Olelo Hoolaha ke laweia mai mahope @ ka hora i hoikeia maluna. E hoola p@ha aku ana makou i keia rula maluna.

E h@@@@@ mai i na leta a pau a me na kauoha @ me ka uku pepa ia KA NUPEPA KUOKOA ma H@@ l@iu. Ina e loaa pono ole aka keia pena i k@@a poe lawe, e hai mai me ka hakalia a@e i keia Keena.

O ka uku a keia pepa a haawi ai i kona poe laua, he umi keneta no ke dala, koe ka apana @ Kona, Oahu, a me kekahi mau apana e me ka@@ nui o ka luhi i ka halihali ana i ka pena @@ ia mau apana, e hooiia ka uku luna.

Kela me Keia.

Ua h@@a ola maikai aku ko kakou @aka a@@ i Livapulu, Enelani, maluna @@@@ kuahi City of ROme.

@@@@@@ e D. W. P. Kaoluokamalu @@@@@@ Milolii, Kona, Hawaii; hai p@@@@@ni i kou inoa ponoi.

Ma K@paa, Kauai, Mei 3 1887, ua @@au moi na Rev. J. M. Kealoha a me lu'ia kana wahine he kaikamahine @@@ @aha maikai.

@@@inau ia nei na makai o Hono@@@ @ei i ka paikau me ka hapai pu. @@@ ke kupua, owai ka enemi? Au@@ @@ i wiwo ole ka ho.

Ke@a nei na kukui uwila ma na huina alanui Rikeke me Moi, me Alakea me Moi. E nee aku ana ia mau olino a puni na alanui.

Ua lohe ia he leo no kekahi o-le e ka@@ ana makai o Apua i ka wanaao Poalua iho nei. He leo kalahea paha ia kini ke akua, mano ke akua, lehu ke akua.

I keia pule ae ke loaa he kowa ku@@no no ka pepa nei, e hoopuka aku no @@ makou i na nane makana ekolu e e waiho nei, he elima pooleta pakahi na makana.

E pani ana na keena oihana aupuni i ka Poakahi ae nei no ka hoomanao ana i ka la Iubile o ka moiwahine Victoria. He la lealea ia no na puuwai BEritania ma Kapiolani Paka.

Ua ku mai i Honolulu nei ka mokuka@a U. S. S. Adams i ka Poalua nei ma ke ala mai o Hilo, Hawaii. He wahi moku laau keia, a he 185 on a mau kanaka.

He wahi ahí ka i pu-a ae malalo o kekahi holopapa ma ke kahua heihei o Kapiolani Paka i ka Poaono i hala. Wahi a kekahi poe kilo he pau loa ko @@@@ka i ka ai ia e keia ahi in a he po. Ua pio no nae.

Pakele na lima hana o ka halepai Press Publishing Co. mai pau i ka make mamuli o ke pahu ana o ka mahu @@@ papa pai. I palekana nui nui ma@@@ o ka malani o ka poino, in a ua @au nui i ke kanu ia malalo o na uini@@@a.

Ua oleloia aia ka on a miliona ko@@@a Clausa Spreckels ke ukali loloa nei @ka Moiwahine Kapiolani i Europe e @@@makakiu iaia. Ua aie ka Moi ia Spreckles $750,000, a in a e lawelawe @@ aku ka Moiwahine a loaa mai ka aie @@h@na ma Ladana, alaila e kaa no ka@@ mau dala, a i ole hoopaa mai oia i ka Paeaina Hawaii i ka moraki a kuai kudala aku i kona kalaunu.@ H. G.

O Aki pake ka puu pakali o na tausani dala kipe laikini opiuma o keia makahiki, ua lilo oia i moepuu na ka nawaliwali no kekahi mau la loihi. O kona ike aku i kana dala i lawe limanui ia kona laau lapaau hikiwawe loa, a @ ole pela, e maalo awiwi aku ana ka banekarupa koikoi imua o kona mau helehelena. Nui na poino ma ko ke kino a me ko ka uhane.

O na huaolelo "Aloha oe" ma ke kulanakauhale o Bostona, Amerika, oia ka ko laila mau keonimana opio panai kiekie mahope iho o ko lakou haawi ana i ke aloha wehe papale e lulu lima me ka lakou mau ipo. A i kekahi wa maloko o na uwea telepone ma ka panina o na kukai olelo ana. Ua laulaha loa aku nei keia mau huaolelo malaila i ka wa a ko kaou mau alii i hiki aku nei, a oia kolaila huaolelo hookaau mau o ka manawa "Aloha oe" my love to thee.

He mea ku ole i na rula maemae @@aena o kekahi anaina ma na wahi i hookaawale ole ia no@ ka noho, ka holoholo wale ana, ka paipai lima kohu ole ana me ka hookamumu me he la e ka mana ana. Iwaena o ka ahamele i malamaia ma Kaumakapili i ka Poaono i hala, aia he mau kanaka kino momona e noho ana ma ka ipuka makani, haalele ia iho na noho i hanaia no ka noho ana, a o ka hana a kekahi (he luna aupuni) o ka pa'ipa'i lima ano ole aku oi wale aku mamua o ka mea pono. Malia nae paha o kona hoike mahalo ia@ kekauwahi kanaka iho hoi o ka holo hookamumu iloko o ka luakini i ka wa e paipai ai; noke hoi kekahi poe i ka hehihehi, hoonakeke, kohu poe kamana la, a nui wale aku. He ku i ke ano haunaele maoli na hana, a he mea ku ole i ka mahalo ia. Ua pono no lakou e hoohilahila akea ia; ua maikai na himeni, aka o keia ano ae la, he kohu ole maoli no.

Ua hookuu laelae ia o Thos. Evans ka hope makai o Lahaina, nana ka pu panapana i kani ai a make ka pake e ke kiure ma ke kau hookolokolo mai nei o Wailuku, Maui, a eia hou oia ma kona kulana oihana makai i keia wa.

Ua komo a@h@@eia ka home noho o Mr. Kamaka ma Kalawao e ka aihue a lawe aku la ia haneri me iwakalua dala. I ka pule ka poe o @a hale ma ka la Sabati, a i hoi aku ka hana, e manuheu mai ana ka hale.

Ke pane mai nei ko Hawaii kini e pau an ako lakou pilikia ke poa ae ke alahao kaa ahi a S. G. Waila. Ke nee mua la na hana, aia ma Hakalau i keia mau la. E hana ia aku ana i mau uwapo pili mokuahi a me on a mau paipu wai.

Ke noi ia aku nei na mea kakau o ka moolelo o "Lono", e hooponopono pono iki iho hoi a milolii, e hoomoakaka pono hoi i na pauku ma kahi pauku, a pela hoi na wahi pauku ole; i ole ai e huikau a maopopo pono ole hoi ka manao ma ka heluhelu ana.

Ua hoano ae ke kalohe e kapapa ma kekahi wahi o ke kaona nei, a ike e ia a holo aku la; ua ikeia he mau ki puka e kau ana ma ka puka. A mailaila ae (?) kapalulu ana ma kekahi haie o Kapuukolo ae nei, i ke aumoe, a kikeke ana ma ka puka, a aohe hoi i ahu iho holo aku ana he wahi e aku.

Ma ka po o ka Poakahi iho nei, ua ulu ae he haunaele ma ka hale keaka pake mawaena o na pake, mamuli o ka hoopau e ia ana ka o ke keaka mamua o ka hora 12; a ua wale aku a kimo mai na puupuu mawaena o lakou iho, a he keu ka hauwalaau. Ua hoopau e ia mamua o ka palahalaha loa ana.

He leo holina ka i loheia mao aku o ka hale keaka nake i ka Poaono i hala, eia ka he wahi kanaka Hawaii i kulaiia e kekahi pake kuai poi; a ua kuhihewa ia he on a. Ua laweia ka mea kulai i ka hale o ia ano kanaka. Ua loheia ae, o ka elua iho la ka keia o kona paa no ia ano hana no ana.

Ma ka wanaao o ka Poakahi iho nei, ua hoao ae la ke kalohe e hooko i kona mau iini lapuwale ma o ka lawe malu ana i ka lio o kekahi paniolo ma Kapuukolo ae nei, a loaa aku la ma ka Hawaiian L. Stable; a o ko kekahi makamaka hoi; ua hanaia ka noho a paa me ka punuku o ka mea nona ka lio i lawe malu ia ai, a i ke ala ana ae i ke kakahiaka nui, ua ikeia aku la keia mau hana ekaeka.

Oiai ka hoike hui o na Kula Sabati o ka Mokupuni o Oahu e malama ia ana maloko o ka luakini o Kaumakapili i ka Poaono Iune 13 iho nei, ua ike ia aku la kekahi poe he mau hiohiona ano e wale no o na hana ano kupono ole ka kekahi poe e hana ana mawaho o ka luakini; a ua uai loa aku la no kekahi a kiei ana ma ka ipuka aniani me na ipu baka a me na walaau ano ole, imua o ke anaina nui e nana mai ana. Aole kela he hale keaka.

Ke kono ia aku nei oukou e o'u mau hoa kuwili o ke KILOHANA, oiai, ua hala ka hapa mua, a kehoera mai nei ka hapa hope o ka makahiki; nolaila, ke kauoha ia aku nei oukou o ka poe e makemake ana e hoomau aku a huli ka makahiki, e lawe koke mai i na koena iloko o keia mau la, mamua ae o ka pau ana o Iune 30 th. a i ole e hooko i keia leo, e nele no oukou.

CHAS. KAHEE

Luna nupepa, Hanalei, Kauai.

Ke kau leo aku nei ke KILOHANA i na makamaka e holo ana ma na alanui maluna o na lio, e nana iho hoi i ko lalo poe e naue ana ma na wawae; oiai, ma kekahi la o keia pule iho la, ua pakele kekahi wahine mai palahe ma kahi kokoke i ka hale keaka pake oiai no oia e naue ana ma ke alanui, a he kapalulu ana halahi'o ana ma ka aoao he lio me kona mea hooholo no e holo aku ana. Aole no keia he mea ao ia, o ka noonoo iho no hoi paha ka pono i ko lalo ai o paapaa.

KAHI ULUA OLALA:--Ma Aleamai, Hilo, ua hele aku la kekahi wahine i ka inu bia a sahio, hoi aku la a hiki i ka hale, ike mai la kana kane, a pane hoomakeaka mai la oia i kana wahine "Eia ua wahi ulua o'ala nei." O ka manawa i ho la no ia i hoomaka aku ai e noke i ka nuku, elike me ka hiki i kona lehelehe ke hoopuka, a ili aku la maluna o ka ohana o ke kane me kipaku ana e hele, a ua ko ia manao on a; a me ke kii ana e uhuki i ka ai e ulu ana me ka inaina nui. O ke kumu i ulu mai ai o keia mau hana lapuwale, no ka on a mai no. D. I. W.

LIMA NUI:--Maka po o ka la o Iune, i hoao ai o Kaonohi e puliki i kekahi kaikamahine nona na makahiki he 16 paha, e kupapa ana malalo me ke pani ana i ka hainaka ma ka waha, e hooikaika ana no kona pono pakaha, a ua ko no kona mau manao lapuwale me ka hopo ole. I ka wa i hiki mai ai o na lima kokua, "ua hala e ka puulena aia i Hilo. Ke nne wale nei no na olelo no keia hana eepa. Nawai la e olelo no keia hana eepa Nawai la e ole ono i ka hai mea i hanai ai. He ulua maopopo o ka la makani. D. I. W.

M@@ Nima@ aka@@ pili H@@@@@@

1 Meah kahi o ka Ba@bai e hooiaio mai ana, he kaula io o Iosepa Kamika, no ke Akua Mana Loa?

2 Mahea kahi o ka Baibala e hoike mai ana, o ka Mare Lehulehu, he kauoha paa loa ia mai ke Akua Mana Loa mai?

3 Mahea o ka Baibala kahi e hoike mai ana, ua mare ke Akua i na wahine he lehulehu, a pela me kana Keiki o Iesu Kristo?

4 Mahea kohi o ka Baibala e hoike mai ana ia kakou, in a he 1,000 wahine a ke kumu Moremona e mare ai iloko o ko lakou "Hale Laa" ma U@a, U. S. A., alaila, e noho pu ana lakou ma kela ao, e like me ka noho pu ana ma keia ao? H. LIBINE BOLU.

Nuuanu Avenue.

P#in@ i ka Paula

Ma ka la 8 o keia mahina, ma Honokaia, Hamakua, Hawaii, ua hele aku o Paulaula (k) a me kekahi poe e iho i kahakai, a ma kekahi wahi he hapalua mile paha ka mamao ma ke komohana aku o ke awa o Kauhihi, ua ikeia kekahi naho ia; @@ manawa ua hoomaka koke iho la oia e kuni i ke giana pauda a no kona ike pono ole i ka a ana o ka uiki, ua paa oia i ke giana, aole i hoolei koke aku, aka, iaia no e paa ma lie ana pela, ua hoomaka koke ae la e pa hu a weluwelu liilii ana ka pulima akau a me ka palapu ana mai ka poohiwi akau aku a ka wawae, heku i ka manaonao ike ike aku, aole nae i poino ke ola kino ma keia hana ana.

O keia Paulaula, he kupa oia a he kamaaina no Konokaua nei, he kanaka opiopio a he kino ikaika, he wahine kana a he mau keiki; aka, mamuli o keia poino ulia wale i loaa iaia, ua palupalu kona mau lala, a palupalu pu hoi me kona kino. Aloha wale ka wahine a me na keiki; o ka manawa i loaa ai o keia poino iaia, o ka Poakolu la 8 o keia mahina, mawaena o ka hora 4 a me 5 p. m. Eia oia malalo o na lapaau ana a Kauka Green Field.

S KAWAIOOLU JR.

Make i Aloha Nui ia.

Ma Manana, Ewa, Oahu, lawe aku la ka lima o ka elele o ka make i ka uhane o Solomona Kelama, ma ka hora 8 P. M. o ka la 11 o Iune nei. Ua make oia i ke kanahiku kumamakollu o kona mau makahiki. Ua hanau ia oia ma Manana, Ewa, i ka wa aikapu, ke puhi ahi a Kualii.

Uahoonaauaoia oia ma na ike; ua komo oia ma ka Ahaolele Kau Kanawai i ka makahiki 1887. He haipule a he hoopono, he kokua ma ua mea a pau.

Uahookaawale oia i waihona no ke Akua, mailoko aku o ia waihona e hookaa ai i ka hanai kahu, mahina hou, na hana Kula Sabati, a me na lulu eae.

Ua kauoha oia mamua ae o ka oluolu ana o ke Akua e lawe i kona uhane, i kona pokii J. W. Kaikainahaoie; e lawe ae he 13 dala mailoko ae o na loaa a pau o kona waiwai no ke aupuni o ke Akua i kela a me keia makahiki. I kona make ana, ua nanaia ka waihona o ke Akua, ua ikeia he 13 dala i koe mai na kokua ana.

Nolaila, ua noho iho kona pokii me ke aloha iaia, a pela pu hoi me na ohana eae. Me ke aloha i ka ohana o ka mea make.

J. KALEIMAEOLE.

Ka Halawai Hoole Waiona i kukulu-

ia ma Makapala Kohala Akau.

E ke Kilohana Pookela o ka Lahui Hawaii, NUPEPA KUOKOA. Me ke ohohia nui au e okomo aku nei ma kou Papa Konane i ke kukulu ia ana o ka halawai Hoole Waiona ma Kakapala nei; maka hora 2 p. m. o ka auinala Poalua nei, Iune 6, 1887. Ua hiki kino mai la o Miss. Mary E. Green, ke alakai nui o keia hana maikai ma ka halekula o Makapala nei.

Ua hoomaka mua mai la oia i ka hana e pili ana i ka Hoole Waiona, me ka wehewehe nui ana i kekahi mau pauku pili iloko o ka Palapala Hemolele, a me kekahi mau moolelo pokopoko e pili ana i ka ino o ka waiona; mai na kanaka opiopio a na elemakule i komo mai iloko o keia halawai, a i lohe hoi i kana mau olelo noeau, a me ka nui oluolu a haawi ana i kana mau olelo maikai a me kona aloha nui i na elemakule a me opio.

A ma ka hapalua o kana hana, ua hoike mai la oia i ka poe a pau e makemake ana i ka Hoole Waiona, e kakau inoa lakou maluna o kekahi apana pepa, me ke kau ana i na ribine bolu ma ko lakou mau alo, emoole, ua hele mai la kela a me keia e kakau i ko lakou mau inoa, a ua hiki aku ka h@@na i ke 67.

Ua hoomakaia ke koho ana i na luna nui o ka halawai Hoole Waiona: Z Kalai, i Peresidena; J. B. Kaohi, Kakauolelo. Ua lokahi like ke anaina i keia kohoia ana o na lala, no keia mau inoa; a mahope o ka pau ana o keia, ua hoike mai oia i kekahi pepa e kakau inoa ai na wahine, ua makemakeia e loaa ka miliona wahine ke hui pu ia me ko Hawaii nei a me ko na aupuni nui o ke ao nei.

Nui ka mikimiki a me ka maopopo pono o na huaolelo i oi aku mamua o kekahi poe Hawaii, i ko'u lohe ana i keia wahine haole e kamailio ana ma ka olelo o Hawaii nei. A ua kahea hou mai oia he hoikeike kii ma ka hora 7 p. m. o ia po ma ka halekuai e on a ia nei e J. Zablars.

Ma ia po, ua hoikekeia nui na ano kii o ka poe ino waiona, a he ku maoli no i ka hehena o ka ino; a me kekahi mau @owera kaulana o na aupuni nui. Ma keia mau mea liilii i loaa mai ma ko'u ike maka ana, ke hooki nei ka'u maka peni, me ka paipai nui ana i kela poe inoa i kakau ai, e hoomau aku ma na hana maikai.

HENRY. H. KAO@UA.

Mai Hana Pela.

Ano hoi, he mea maa mau a kuluma iwaena o kekahi mau ohana a mau makua paha, iloko o keia lahui, ke manao ana e loaa na pono maalahi, e paki ole iho ai kahi kulu hou mamuli o kekuai ana aku i na kaika mahine a lakou, a o ka pua ohaha hoi iwaena o ko lakou kihapai, me ka mea a lakou i ike aku ai e uku koke ia mai ana na luhi i hoomanawanui ai i na la pokeo, me ka ae ole nae e hoolilo loa aku ma ke ano maemae o ka noho lokahi pu ana, aka, aole no e poina i na maka o ka makua kolohe ka palu mau ana o kona onohi i na pakeke o ka lole wawae o ka hunona, a e pinana hele ana na lihilihi maluna o kahi pahu, a e kapalulu hele ana kahi kani a-i maloko o na pakeke o ke kuka o Mr. Hunona, a i ka wa auanei e puoho mai ai kela manu noho kuahiwi he Nene, a kukala leo nui ae i ka i ana: U nele! U nele!! Ua nele o Mr. Hunona i keia hora; alaila, e ike koke aku no auanei oe i ua makuahunowai nei e holo kiki ana me ka hoopaa ana i na kuipele nunui ma kona mau kamaa buti, a peku mai la ma ke kua o Mr. Hunona me na maka ano haulaula o ka naau hookalakupua, a peia mau aku e hana ai, a me ka lawe hou ana aku ia mea ana e lohe hou ai i ka haku o ka bele. A i kekahi poe makua hoi, ua hoamoe aku lakou i ka lakou mau kaikamahine ma kahi o elima hunona, a aole hookahi o lakou e ae ia e mare, no ka mea, ua maa i ka loaa luhi ole; he ne wale ae no, ua hookoia. Ina o ka mea e loaa ana he 2 a he 3 paha kaikamahine, alaila, e i ae auanei oia i kona laki, a he olelo mau ia na ua mau makua 'la e kaena mau ai, "Ola ka hoi kaua i ka kaua mau kaikamahine," a pela aku.

Nolaila, ua kukulu iho kou mea kakau i kela poo manao e kau ae la maluna, "Mai hana pela." Ina he manao e haawi, alaila, he mea pono loa e haawi na ka mea hookahi wale no maluna o ke kahua maemae o ka mare, in a he waiwai a ilihune paha, o ka maemae o ka noho ana ka mea nui. Kou oiaio. J. KUAANA JR.

Pakele ke Ola mai Lilo

Ma ka la 30 o ka malama i hala, i hono aku ai ka Mea Hanohano Hn. J. Baker, Makai Nui o ka mokupuni o Hawaii, maluna o kekahi waapa huelo boki i Waimanu a me Honopue, i ukali ia e na poe hanohano Hon. J. K. Kaunamano, Mekia W. P. Lumaheinei, W. E. Thomas Esq, A. W. Haalilio Esq., a me J. Bright Esq.

A hiki i Waipio, ua kahea ia o W. A. Mio, e kii e hookomo mai i ka waapa, oiai hoi he kanaka oia i hilinai ia no ke akamai a me ka paulehia ma ia hana. I kona kau ana aku iluna o ka waapa, ua kena koke aku la oia i ka poe hoe e hoe a ikaika; me ia mau mapuna leo palaualelo a ua Captain W. A. M. la i hoomaka aku ai na keiki kae'ae'a ma ia hana e hoohana i na aa wikani o ko lakou mau lima punahele, ke alawa iho oe, hele kela a malo ke kai o ke Alalaua.

Aole i iliuiliu iho, ua ikeia aku la kekahi mau nalu nunui ua kokoke loa manope. Ua lele e aku la kekahi poe iloko o ke kai, a loaa pono mai la ka waapa i ka nalu a lumilumi ia iho la me ka weliweli aui. Iloko o keia wa a ka nalu e hana nei, a i ka mao ana ae, ua loaa hou iho la no. O na ohua o luna o ka waapa i ka wa i loaa ai keia poino, oia no o Hon. J. K. Kaunamano, J. Bright, a me kekahi mau keiki lalawai e ae; a iwaena o lakou, o J. Bright ka mea i kokoke e poholo, e ole e loaa e i kekahi lima kokua, pakele ai. O kahi Captain holohua hoi, hinuhinu mai ke poo i ka ili kai.

O kahi laki loa o ka hoi ole ana mai o na Hon. J. Baker, Mekia W. P. Lumaheihei, W. E. Thomas, a me kekahi poe e iho maluna o ka waapa, in a ua loaa like ia lakou keia oihana kahuna he "pikai." Ua hoi mai lakou mauka e hoohanuhanu ai o ka honi aku i ka hohono okolehao.

Aole i liuliu iho, ua loaa aku la ma na kualono mawaena o Waipio a me Wainianu, iloko o ka hihipea o na laau he ekolu omole ie ua piha i ka rama; a ua lawe ia mai i Waipio. O ka mea nana ia mau ie okolehao, aole i maopopo; he kanaka maoli paha, he pake paha. E mahalo ia oe e ka Mea Hanohano Hon. J. Baker, no kou e@eu.

S. KAWAIOULU JR.

KA LA KAMEHAMEHA

Ua hookoia ma heihei lio no ke ohohia o ka la 11 o Iune nei a ka Hui Heihei Hawaii e like me ka papa hoonohonoho i hoopukaia, a mena mea i hoomaikeikeia e na nupepa. Ua malamaia he elima heihei @o ma ka Poalima, Iune 10, a ma ka Poaono mai ka la 11 ka hoopau loa ana o na heihei. He mau la malie a kalae maikai loa keia, ua kulu wahi pakaua ole, a ua lehulehu na makaukai i akoakoa ae ma Kapiolani Paka. Ma ka hapanui o na manawa o keia mau la, ua maluhia, he wahi uluaoa, a he wahi poino malani no ka i loaa. Eia malalo iho nei na heihei o ka Poalima.

POALIMA, IUNE, 10

PA O HONOLULU--$50. Elima lio i holo 1/2 mile, Waterford, Surprise, Poni Moi, Nettie Brown me Iago; na ka ka lio mua ke eo no 51 sekona manawa holo.

PA PANAILIKE--$100. Elua lio i holo no 3/4 mile, Amendine me Roekwell; na ka lio mua ke eo no 1 m. 19 @ manawa holo.

EKE OCEANICA--$100. Heihei kaa mawaena o na lio Twinkle me Joe Dake i ekolu eo ana iloko o elima holo ana i ka mile. Eo i ka lio mua no ka manawa 2:38, 2:351/2, 2:40.

KIAHA O WAIKAPU me $100 panai--He ekolu lio i holo no 3/4 mile; Hancock, Kapiolani me Patroll; eo i ka lio mua no 1:161/2 manawa holo.

PA HAWAIIAN--$75. He ekolu lio i holo no ka mile ka pahu; Patroll, Colt Gift me Rockwell; eo i ka lio mua no ka manawa holo 1:47.

O keia ka panina o na heihei o ka Poalima; waihoia kekahi heihei.

POAONO, IUNE 11.

Hoomaka na hana heihei o keia la i ka hora 10:300 a. m. He la malie keia a ua piha kahaka ke kahua makaikai no ka heihei. Eia ka heihei mua:

PA A KA MOIWAHINE--$75. He 4 lio i holo no ka 1/2 mile; Amendine, Kapiolani, Rockwell me Lala Ruka; a na ka lio mua ke eo no 491/2 sekona manawa holo.

PA A KAMEHAMEHA--$150. He 3 lio i holo no elu amile ka nau; Patroll, Rockwell me Colt Gift; eo i ka lio mua 3:48 manawa holo.

PA A KALAKAUA--$150. Heihei kaa no elu aeo ana iloko o ekolu holo ana i ka mile; Joe Dake, Twinkle, me Clementine; na ka inoa mua ke eo no 2:35/12, 2:40, 2:343/4.

KIAHA A KA MEA KIEKIE me $100 panai--Elua lio i holo no ka mile ka pahu; Poni Moi me Surprise; eo i ka lio mua no 1:543/4 manawa holo.

KIAHA A ROSITA me $100 panai--Elua lio i holo; Hancock me AMenedine; eo i ka lio mua no 1:48 manawa holo no ka mile ka pahu.

PA A KE ALII--$100. Heihei kaa no 1 mile elua eo ana iloko o ekolu holo ana; Billy, A. W. me Jim Paioa, eo i ka lio mua; no 3:351/2 manawa holo.

HEIHEI NOVELTY--$100. He elima lio i komo ma keia heihei no ka mile ka pahu, a he makana $25 no kela me keia 1/4 mile; eia na lio: Waterford, Poni Moi, Iago, Surprise me Nettie Brown. Ua eo na hakina mile a pau i ka lio mua; manawa holo no ka mile 1:55.

KIAHA HOOKUKU A KA HUI me $20 panai. Heihei holo kiau no elua eo ana iloko o ekolu holo ana, noa i na lio a pau i loaa ole ka manawa holo mua o 3 min; Eia na lio: Elmo, Garfield, George H. me ko Sam'l Parker; eo i ka lio mua, manawa holo 2:44, 2:381/2.

HEIHEI LIO LIILII--$75. He ekolu lio i holo no ka mile ka pahu; Mollie, Woodburn me Puni Peki; eo i ka lio mua no 1:54.

O ka panina hope loa keia o na lealea o ka la, a oia ka hora 5 1/2.

Eo ka Moho Hanalana.

Ua hoohikilele nui ia ko Amerika poe kanaka kaulana i lawelawe loihi malalo o na hana heihei waapa pukahi mamuli o ka eo ana mai nei o Edward Hanlan ko Amerika noho hoe waapa ia Jacob Gaudaur. Oke kiekie loa o ka manawa holo i ikeia a i hoe ia e ua poe hoe waapa la, ua hoohaahaa ia iho ia e Edward Hanlan, a o kona wale no ke kiekie. Me na manawa holo i loaa ia Hanalana kekahi kumu nana i koi ikaika i kona manao e heihei hou me William Beach ko Kikane moho kaulana nana i hoohaahaa iaia i ka 1885. Ano mai nei ma Kikako, ua ulele e mai ne o Hanalana a me Jacob Gaudaur i ka heihei no 3 mile ka pahu, aka, ua haalele loa ia o Hanalana i hope no aneane eha loa waapa ke kowa mai kona hoa mai. Ua holo ia no hoi na mile 3 iloko o 19 minute me 30 sekona, a o ka oi loa aku keia o ka manawa holo i ikeia. O keia Gaudaur no ka mea nana i hoopahaohao aku i ka moho William Beach o Kikane ia laua i heihei ai ma Enelani i ka makahiki i hala, aka, ua oili aku la no ka moho iloko o kona ka haalele loa i na ai hoopau a pakele mai puka mahope.

HOOLAHA KUMAU.

K KULA KAMEHAMEHA NO

NA KEIKIKANE.

E MAKAUKAU ANA KE KULA Kamehameha @@ na keikikane a @o ka apo ana aku i na ha@@@@@ ma @a

POALOA MUA O OKATOBA 1887.

Ua kaupale ia iho ka heluna o na h@@mana e komo ana i keia makahiki a @o ka poe a p@@ i ake e komo ae @@@ ka la @ o Sepatemaba 1887.

E loaa @@ he k@@@@ @@ ke@a me keia @@@@@@@ pukahi i lako i ka @oe, pa@@@@au, a me ka a@@o: a o @ kahi @@@ mea e ae e hoolako ia ana e na haumana akahi e hoo@na ia no ke nie@@ mua ae i ke @@@@.

E ae ia no na haumana e lawelawe i 12 hora o ka pule @@ hana p@likino. No na hana lima akamai, i @h@@ hora o ka la, a @e elima la o ka pule. O ka paikau a @e ka hooikaika kino kekahi hapa ia o na haawina @@ ke ku@@ i kela me keia la.

E ao ia no ma ka Arimak@@@@ @ @@ Beritania, Akeakamai, Anahonua, @aka@ @e Kaha Ku, Moleanahonua malama o@ke kalepa, @ela humu lole, pai palapala @@@@@ p@@@ @@@@@e na mea like, a me ke kui hao.

O KA AUHAU NO KE AO AN@@

HE ($40) KANAHA DALA NO KA @A@

KAHIKI.

E ulu mea ia he $20 ia he $20 i kela me keia ho@@aka ana o ka hapaha.

E loaa mua i na haumana ola maikai, a me ma palapala hoomaikai mai kekahi mau kula e ae.

E malama ia ana ka @inaninau no ka poe e komo ana ma ka POAKAHI, OKATOBA 3, 1887, ma ka halekula, ma Palama, hora 8:30 A. M. E hoike ia lakou ma ka heluhelu, kakaulima, palapala aina, na rula kumu he eha o ka Arimakika, kakau olelo Beritania, me ke pela ana ia 100 huaolelo Beritania.

No na mea i koe, e loaa no ke ninau ae i ke kumu nui.

REV. WM. B. OLESON.

2130-4m.

Kalo Palaoa

-MA-

WAILUKU, MAUI.

UA hoomaka hou ia ka hana ma ka Poaha iho nei, Mei 26, a e hoolako ia no na Kalo Palaoa e like me ka makemake me ka mikini hou i hooia nui ia e hiki ke hana i ka Poi Kalo Palaoa maikai loa o ka papa ekahi i hana mua ole ia maanei.

E hoouna ia na kauoha ia W. H. Cummins, Luna Nui, ma Wailuku, Maui, a i ole ia

W. G. IRWIN & CO.,

2130 41@ na Agena ma Honolulu.

FRANK GERTZ.

MEA KALEPA A LAWELAWE HANA MA

NA ANO KAMAA A PAU NO NA

Wahine, Kaikamahine a me Kane.

Na Kamaa Buti a me na Kamaa haahaa no na Keiki Kane a me na Kanaka makua, o na ano paikini hou loa

20@@6m.

WOLFE & CO.

Mea Kuai i na Ano a pau o na Mea

AI, HUA AI, O NA ANO A PAU.

Eke Palaoa, Berena, Waiu Bata, Berena manoanoa, Berena huinaha, mea ono, o kela ano keia ano; Ko paa, Kope, Ti, Aila @hu, a me na ano a pau.

Helu 66, Alanui Hotele, Halekuai mua o Lewis & Co

E loaa koke aku no na kauoha a pau loa me ka hakalia ole, a me ka maikai o na ho@ malu ia ana. E hooko ia na kauoha o ke kulanakauhale nei me ka hikiwawe ma na ka me ka uku ole. O na kauoha mai na mokupuni, e lawelawe koke ia. 2085-6m

Nuhou! Nuhou! Nuhou!

AILA MAHU MAIKAI!

HOOKAHI DALA WALE NO NO KE

KINI AILA HOOKAHI!

E kuai pau ia aku ana no ka nui loa o ka aila ikeia manawa.

E AU E NA MAKAMAKA! E AU!

E hipa ae ma ka halekuai o

Kakela me Kuke.

B. F. EHLERS & CO.,

PAINAPA.

Poe Kuai i na Ano Lole a Pau.

Helu 99 alanui Papu. Honolulu.

E loaa mau ana na lole h@@ o na ano a pau maluna o kela a me keia moku.

HOOLAHA KU@AU.

HOOLAHA HUI.

E IKE auanei na kanaka a pau e nana ana i keia olelo hoolaha, o makou o ka poe no lakou na inoa malalo iho, ua hookolu pono aku makou ia JOS. MAIKAALOA KAUHI, o Mokuhooniki, Hilo, Hawaii, i Peresidena no ko makou Hui Kalepa Hawaii, ma Kahalii, Hilo, Mokupuni o Hawaii, ma kahi o J. Kaianui i hoopau ia, a i Ko@isina ohi @@@ no hoi, a ke hoike ia aku nei ka lohe i na poe a pau i aie i ka waiwai o ka Hui, e hookaa ae ia JOS. MAIKAALOA KAUHI i oleloia, oia ka mea mana e h@@@@, a e hawe i na hihia e ulu mai ana, imua o ka Aha Hookolokolo.

O mako@ @@@ KAAWA,

J. K. KAIAKOILI,

@. KALUA,

MANU,

2130 3m KAIHUPAU.

HALE PAIKII ALANUI NUUANU

I WEHEIA N@ EKOLU MAHINA.

MAHOPE IHO O NA HOOPONOPONO hou ana i wahi e loaa ai he wa maikai no kel@@a me keia e ehel mai ai e pau kii no lakou iho ma ka uku oluolu, @a hoopua iho makou e hoolako aku i ka poe a pau e like me keia malalo iho:

Kii pepa . . . 6, no $1.00

Kii lako hale, lumi, hale a pela aku . .. 3, no $1.00

Kii nai &c 10 . . . @, no $1.00; a i ole $8 no ke kakini

Hoomaemae a hoolele hou ana i na kii ka hiko, ma ia uku hookahi no. Hookahi kii pena 8x10 a me ka laau, he $6.00.

H. A. LUSCO MB,

Helu-Alanui Nuuanu. 2116-tf

MRS. THOMAS LACK,

HELU 8t, ALANUI PAPU.

MEA KUAI A LAWELAWE I

-NA-

Kikini Humuhumu na Aahu a nui wale Aku

HE AGENA KUAI NO NA MIKINI

White, New Home,

Davis, Crown, Howe,

Me Florence,

Na Kui Mikini o na

ano a pau a Howard,

Na pepa ana lole o

na ano a pau, a me

kela keia mea

NA LOPI MIKINI A KALAKA.

HE AGENA KUAI I NA

Pu Raifela, Pu Panapana, Pu ki manu,

na Poka, Lu, Pauda, Kukaepe@e.

NA KAPUAHI AILA MAHU

Mai ke nui a ka liilii.

Ma ka lawelawe nui ana o'u i ka hana lima akamai o ka oihana hana pu a pela aku, u makaukau au e hooko kaulua ole i na kauoha a pau.

O na kauoha mai na mokupuni e hookohuia. 2082-1y

PACIFIC HARDWARE COMPANY

Na hope o Dilinahama Ma.

Mau Mea Kuai Lako Hao

Alanui Papu, Honolulu.

WILLIAM McCANDLESS.

HALEKUAI BIPI O WILIAMA MA KALALENA ma Ulakoheo. Na ano Bipi a me na la a pau o ka makeke no na Lumukuai oluolu. Uala Kahiki a pela '@u.

2002-1y.