Ka Nupepa Kuokoa, Volume XXVI, Number 22, 28 Mei 1887 — HE UHAKI AELIKE MARE. [ARTICLE]

HE UHAKI AELIKE MARE.

Ua hoopaa ia ae ma ko kakou Aha Hookolokolo Kiekie nia ka Poaono i hala he hihia uhaki aelike mare. 0 Flora Howard St. C!air, he wahinekanemake, ka mea hoopii, i ko kakou Kuhina o ko na Aina E, Kuhina Kaua, Percsidena o ka Papa Ola a me Papa Hoonaaūao. Ona mea i hoike ia ma ka aoao o ka wahine, oia no ka holo like ana o na manao e hoohui ia lau? i hookahi io ma ka berita mare no kekahi manawa i aelike ia, a no ka hala loa ana o ua la a me ka hoole pu ana mai o ke Kuhina aole e mare, nolaila, ua imi ae ka wahine i kona pono ma ke kanawai he hoopii koi poho no $25,000, a e malama ia ana ua hihia la, wahi hou a na lono, ke hiki ar i ke kau o lulai o keia makahiki.

He mau mahma loihi 1 hala ae nei ka hiki ana mai o keia wahine maanei ma ke ano he agena kuai buke no ka hui hoolaha buke o A. L. Bancroft o Kapalakiko. Ua kamaaina pinepine ia oia mawaena o ko ke kulanakauhale nei. a iwaena no hoi o na hoa o ka Hale Ahiolelo o 1886 e kuai ana i na buke. Me he la, aole no paha i poina kekahi mau hoa o ua kau Ahaolelo ia i ke ano o keia wahine a me kona mau nanaina, oiai oia e heokamaaina ana me lakou ma na kukai olelo piii i ka holopono o kana hana kuai buke. A no ka nui aku o na mea pili i keia hihia, na ke kau hookolokolo e hoike mai. He lauahea wa!e ia mai no mamua aku nei, me ka maopopo pono ole, a akahi no hoi a pahu na hoiloli o la mau la.