Ka Nupepa Kuokoa, Volume XXVI, Number 21, 21 Mei 1887 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

No ka Makahiki.         $2.00

No Eono Mahina.        1.00

 

KUIKE KA RULA.

Poaono            Mei 21, 1887.

Moolelo o ka Ahahui Euanelio o ka Mokupuni o Hawaii.

(Koen@ mai kela m@@@ mai.)

Kumuhana 12. Koho ana in na komite no ka Aha a hoike no na kihapai imua o ka Ahahui nui ma Honolulu.

Eia na mea i kohoia: W. M. Kalaiwaa, ke komite hoike no na kihapai.

S. W. Kekuewa, komite hoike no na hana a ka Aha.

Kamailio hoi na hoa no ke ola o na elele e pili ana o ke kumuhana 11, no ka holo ana i Honolulu.

Waiho mai o S. L. Desha he olelo hooholo, a e hooholoia. E hoi aku na kahu Ekalesia a me na elele a me na komite o na Ekalesia kahu ole, e paipai i ko lakou mau Ekalesia no ke ola o na elele no ka Ahahui ma Honolulu, e like me na haawina mau mamua he $3.00 i ka Ekalesia hookahi. Hookoloia.

Kumuhana 14. No ka hoolaha Baibala.

Na A. O. Polepe i waiho mai he olelo hooholo, e hookoloia.

E huli pono na kahu Ekalesia o keia Aha, a e hoomaopopo i ka nui o na ohana ma ko lakou mau kihapai pakahi i lako ole i ka Baibala, a e hoike aku lakou ma ka palapala i ke kakau leta o ka Papa Hawaii, hooholoia.

Kumuhana 15. Na noho o Kaumakapili.

Ma keia kumuhana. ua hookaa kekahi mau Ekalesia i ko lakou mau haawina i koho ai, a ua kaa ole kekahi, ka@oha ka Aha e hookaa na Ekalesia i koe i ko lakou mau koho, a e hoihoi aku ma ka lima o ka puuk@, A. I.. Smith.

Waiho hou mai o S. W. Kekuewa he manao e noi ana i ka Aha, e ao aku na elele i ko lakou mau Ekalesia e kokua pu in a kahu Ekalesia e like me ke kokua ana in a elele, e like no me ka n@au, ua aponoia.

Kumuhana 16. Kahi e noho hou ai keia Aha.

Noi ia mai, ma Napoopoo e noho hou ai keia Aha i ka malama o Aug. 1887.

A na ke kakau leta o ka Papa Hawaii, e hoolaha ma i ka la e noho ai ka Ahahui i hookahi mahina mamua o ka wa halawai. Hooholoia.

Waiho mai o S. Haluapo, he olelo hooholo, e hooholoia.

Ma ka manao ana o keia Aha, ke haawi aku nei keia Aha i ko lakou hoomaikai i na kamaaina o Waiohinu nei, no ko lakou kokua ana mai i na mea e oluolu ai ke ola kino. Hooholoia.

Hoike a ke Komite Imi Haawina

Na S. L. Desha i heluhelu mai.

1 Heaha la na kumu hooiaio i ko ke Akua Mana Loa? Ia S. C. Luhiau.

2 E wehewehe ia Hoikeana, 17:5. W. M. Kalaiwaa.

3 E wehewehe ia Mareko, 8:36. S. L. Desha.

4 A o na haawina mua, e hoomau ia me ka hoike hou aku nae i ke kakauolelo ma ka moolelo e hoolaha ia aku ana ia mau haawina.

W. M. Kalaiwaa, S. L. Desha, S. C. Luhiau, na komite. Apono ia ka hoike a ke komite.

Heluhelu ia ka moolelo o ka Aha, a apono ia me na hooponopono.

Noi mai o A. O. Polepe e hoopanee i keia Aha a noho hou ma Napoopoo i ka malala o Aug. 1887. Hooholoia.

Pule ka luna hoomaly a hoopanee ka Aha.

S. B. Kaalawamaka.

Kakauolelo o ka Ahahui Euanelio o ka mokupuni o Hawaii.

Na haawina i hoomau ia.

1 E wehewehe ia O@hana 7:90. No ka Ekalesia o Kailua a me Helani.

2 Heaha ka puka kui kele i hoike ia ma Mataio 19:24. Ia J. N. Kamoku.

3 E wehewehe ia Mataio 20: 22. Ia J. S. Kalana.

4 E wehewehe ia 1 Petero 4:18. Ia J. D. Parisa.

5 A o na haawina mua i heluhelu ole ia, ua hoomauia.

S. B. Kaalawamaka.

Kakauolelo.

(Hoopau ana.)

 

KA HALAWAI OKI POU MA KONA-WAENA.

3 E koho keia halawai o na hoahanau ia Rev. J. D. Parisa, Rev. S. W. H. Makaike, Wm. Higgin, Molale opio, a me Kilinahe, i mau komite e kakau ai i pane i ke kahu no kana noi e hookuu iaia, a e hoike aku keia mau komite i ka lokahi o ka Ekalesia e a-u-a iaia me ka ae ole aku o kana noi e hookuu iaia, a e hoouna pu ia aku iaia ke kope o keia mau olelo hooholo.”

I ka pau ana o ko Parisa opio heluhelu ana, ua hoomaka koke no o Hoomainoino e kue, aka, ua hookolo ia e lawe ka hale i keia mau olelo hooholo a noonoo. A i ka wa i holo ai, ua hoao hou no o Hoomainoino e hoopaapaa, a ua lilo i mea uluaoa; a ua noke oia i ka wehewehe ma ka aoao e kokua ana ia Kalalele, ua noi aku ka luna hoomalu iaia e noho ilalo, aoie nae oia i oluolu; ua hoomaka ola e hoolilo i ka halawai i nalawai hoomokuahana.

Ia manawa i noi ai o Mrs. Roy e wehewehe pono ia ke kumu o ko Kalalele kue i ke kahu, a ua wehewehe pono ia kana mau hana a me kana mau olelo hoino i ke kahu; a ma ka noonoo pono ana o na hoahanau, ua hooholo ia kela olelo hooholo i heluhelu ia mai e J. D. Parisa opio, a hookahi wale no mea kue oia o Hoomainoino. Oia iho la na mea ano nui i hanaia ma kela halawai, a Mr. Heleloa e kapa nei he “halawai oki peu.”

Ma ka wa i noho ai ua halawai la, aole au malaila, aka, nana hoahanau a me na luna i hoike mai ia’u na mea i hoike ia ae la. A i ka hala ana he mau la, ua hiki mai la o Wm. Higgin kekahi o na komite me ka lakou pane ia’u, a eia ke kope o ia palapala a ke komite :

HOIKE A NA KOMITE I KOHOIA E NA HOAHANAU O KA EKALESIA O KONA-WAENA.

Rev. S. L. Desha.

Aloha oe :

“Oiai ua kohoia makou ka poe nona na inoa malalo iho nei, i mau komite no ka Ekalesia o Kona-waena, ehoike aku ia oe i ko lakou manao pane aku, no kau palapala e nonoi ana ia lakou e hookuu aku ia oe mai kou noho kahu Ekalesia ana, no kekahi mau kumu:

He mea oluolu ia makou iho ka hoike aku ia oe i ko makou aloha oiaoi maoli ia oe, me ka mahalo aku ia oe, no kou malama maikai ana i ka oihana Kahunapule a kahu Ekalesia hoi me ke kuokoa a me ka wiwo ole, me he elele maikai no Kristo Iesu, Oia ke pookela maluna o na Bihopa a me na Kahunapule a pau.

Ma ka halawai i kahea ia ma ka luakini o Lanakila, Kona-waena, i ka la 13 o Maraki nei. Ua kahea ia o Rev. S. W. H. Makaike i lunahoomalu, a o Keohi i kakauolelo. A mahope o ka pule a ka lunahoomalu, a me ka wehewehe ana i ke kumu o ia halawai a me na hana e pono ai. Ua heluhelu ia kekahi palapala nona ke kope a makou e hoouna pu aku nei, a mahope o ke kuka ana, a i ka heluhelu elua ana o ua palapala nei, me ka noonoo akahele ana, ua hooholo ia me ka manao lokahi e na hoahanau a pau e noho ana maloko o ka berita o ka Ekalesia hui ma Kona-waena nei, e hui ana ma ia halawai, (koe nae hookahi.)

Nolaila, e ka makua kahu i aloha nui ia me ka minamina I ke haawi aku nei makou ia oe i ke aloha oiaio maoli i hui ia iloko o ka puuwai o ka Ekalesia Ahahuina o Kona-waena nei, a me ke aloha pu o na makamaka e noho ana ma keia kihapai.

Ke hilinai aku nei makou ia oe me ka puuwai aloha, a me ka mahalo, no kou kuokoa ana ma kou kulana ma ka ohana Kahunapule.

A me ke aloha o Kristo Iesu e koi ikaika ana iloko o makou, ke nonoi hou aku nei makou ia oe, mai haalele mai oe ia makou. A na ke Akua ka Mea nana i hoolilo ia oe i elele a i kiai no kana poe hipa i kuai ia me ke koko o Kana Keiki e alakai pono ia oe, a e kau mai i ka hoopomaikai ia maluna ou a me kou ohana.”

A no ka oiaio o keia mau olelo i kakauia maluna, ke kau nei makou na komite i ko makou mau inoa.

J. D. Parisa,

Rev. S. W. H. Makaike,

J.W. Kilinahe, Komite.

Wm. Higgin,

Molale Opio,

O keia ae la na mea a pau e pili ana no keia kuee ma ka Ekalesia o Kona-waena. Aole na ka Ekalesia keia mau hana, aole no hoi i lawe mai ke keiki a ka makua Parisa mamuli o kona manao hookaumaha wale i ka Ekalesia e like me kekahi mau lono e lohe wale ia nei, ma kona kuleana he hoahanau no keia Ekalesia, a me kona makee i na hana maikai ma keia Ekalesia i hooikaika ai oia me ke kokua pu ana i na hana e holomua ai keia Ekalesia uuku a nawaliwali; ma ia ano oia i lawe mai ai i kela palapala ana i hoomakaukau ai imua o na hoahanau ma kela halawai i kapaia he halawai oki peu e Mr. Heleloa Mataio.

Nolaila, e kuu Kuokoa ahonui, ke hooki nei au maanei. A i pane ia mai au, aole au i makemake e paio, aka, no ka minamina i ka inoa maikai o keia Ekalesia. Ua hoike aku au i keia mau mea a pau, me ka waiho aku na ka lehulehu e kaupaona no lakou.

Owau no me ka oiaio,

S. L. Desha.

(Hoopau ana.)

PAKELE KE OLA.   Ua hoike mai o Kapunihana o Honomanu, Hoolau, Maui, i ka pakele ana o ka ola o Mr. Keaweiwi, Kahaawi a me Kahaina mai pau nui i ka make mamuli o ka hulihia ana o kou lakou waa ma kahi paha he elua haneri anana ka mamao mai ke awa pae aku o Honomanu nei, he muliwai ia. No ka nui maoli no o ka ino makai mai a me ka waikahe mauka aku. Ina o keia hulihia ana i lewalewa loa aku i ke kai uli popolohiwa a Kane, ina ua ikea ole ia ka auwae i ka lana kahi iki.

 

HE KUMUMANAO.

(Koena mai kela pule mai)

E pono anei oe ke kokua i ka poe hewa.

a e aloha i ka p@ inaina aku ia Iahova. No keia mea, aia maluna au ka kahu mai ia Iehova mai.

Oi@@@lii. 10:2.

(Hoopau ana.)

A ua lilo keia ao aloha ana @aia, i mea e hoohuli mai ai @aia, mai kona hewa mai; a hoopakele au i kona uhane i ka make. A ua lilo oia i mea i hooki i ka hewa he nui loa. No ka mea, ua hoonani aku oia ia Iehova, a ua kauoha aku oia i na kanaka a pau malalo iho ona, e hoomana aku a e hoolea aku ia Iehova i ke Alii o na Lani. A Oia wale no.

Ua kaulana loa kekahi olelo wiwo ole a Dr. Martin Lutera. I ka makahiki A. D. 1521, he ahaolelo nui ma Woremo. Aia no na alii o Genremania, na bihopa nui, na bihopa maole, na kahunapule Pope he lehulehu loa.

I ko ke alii nui e kii ana ia Lutera e hele e hookolokoloia. Makau ae la kona poe hoaloha o pilikia oia. I aku iaia; mai hele oe. I mai la oia. Ua ku ia mai au, ma ke kanawai o ka aina, e hele aku i kela ahaolelo. “Ma ka inoa o ka Haku, e hele no au i Woremo, ke hui ku malaila me na diabolo he lehulehu, e like me na pili maluna o ko laila poe hale, a kue mai lakou ia’u.”

No Kona ike moakaka ana i ka haumia a me ka pouliuli iloko o ka Ekalesia o Roma, a me ka hoopunipuni ma oli, o kana mau alakai; mai ke pookela ma Roma i hiki i na kahunapule haahaa. Oiai ua kaulahao ia i a olelo a ke Akua. Ua kapu loa me ka hooweliweli ino, i ka poe e heluhelu ana i na olelo maikai Iesu Karisto.

Nolaila, ua hooikaika, a homanawanui o Lutera me kona poe hoa paahana, e ao pololei aku me ka wiwo ole, i na alii, na bihopa, a me na kanaka a pau. A ua lilo ko lakou hooikaika pololei ana i mea hookuu ia, a i hoolahaia hoi i ka lamaku o ke ola iwaena o na lahui a pau o ka honua nei. Pomaikai oe e Hawaii no ka hoea ana mai o keia malamalama mai ke Akua oiaio maluna ou!

E nana iki kakou ia Iehosapata ke alii maikai.

I ke ao pololei ana o ke kaula Mikaia ia Ahaba, ua piha kona naau i ka maina, a ua wela loa kona huhu, a kauoha e hoolei aku iaia iloko o ka hale paahao a hoopilikia iaia!

Okoa ka manao a me ka hana o Iehosapata, i ke ao pololei ana o ke kaula o Iehu, me ka ninau paha iaia. “E pono anei oe e kokua i ka poe hana hewa; a e aloha aku i ka poe inaina aku ia Iehova.

Ua lohe au o kekahi e olelo ana penei: Auhea la ka hewa o Iehasapata? Aole anei ia he mea pono ke aloha aku a e kokua lokomaikai i ka poe hewa a me na enemi hoi? Ae, he mea pono loa ke aloha aku ia lakou, me ke aloha menemene, e like me ko Iesu e aloha uwe ana, no ka poe hewa e noho ana ma Ierusalema, Mat. 23:36-38.

Aole me ka aloha e apono ana, a e hooluolu ana, a e kokua ana, i ka poe hoomaloka hoomana kii a lealea wale, iloko o ko lakou hana hewa ana, nui na kaula i wahahee hele aku iweana o ke ao nei, a he mea pono ke koao i na uhane, akaka, mai ke Akua mai paha, aole paha.

Ua hewa maoli o Ieasapata i kona launa aloha kuikahi me na enemi o ke Akua. A oa pono mai o Iehowa iaia ma ka waha o kana kaula o Iesu, me he keiki la i aloha nui ia, a ua honi aku oia i na laau kakau ana iaia.

Ua hoopaapaa oia iaia iho imua o ke alo o Iehova, me ka mihi maoli e like me Davida i ke ao ana o Natana ke kaula iaia. E i ana, “O oe no ia kanaka.” I aku la oia, ua hewa nui au, e lawe aku oe i ka hewa o kau kauwa, no ka mea, ua hana lapuwale no au.

Ua oi loa ka hooikaika ana o Iehasabata ma ka hooponopono ana i na mea a pau e pono ai a i maluhia ai kona poe kanana.

Hoonoho oia i na Lunakanawai maikai hana pololei ma na kulanakauhale a pau o Iuda Hoouka aku oia na Lewe a me na kaula oiaio e heluhelu a e wehewehe i ka olelo a ke Akua a e ao pololei i na kanaka a pau.

A ua lilo oia i kumu alakai a hoohalike no ka manaoia paulele kapekepeke ole ia Iehowa, me ka noho haipule io. E kauoha ana o kona poe kanaka a pau e hilinai mau aku ia Iehova me ka manaoio kupaa iaia, me ka hoolea aku a hoonani mau aku i kona inoa hoano.

Nolaila e hoonaauao kakou e na alakai na kiai maluna o na pa ma Ziona ma Hawaii nei.

A o oukou hoi e na @lii e malama ia Iehova me ka weliweli.

E hon i aku i ke keiki, o luku mai oia O make hoi oukou ia aoao, ke hoa [iki ia ma kona inaina Pomaikai wale ka poe a pau i holinai  [aku iaia Owau no me ka mahalo me ke aloha oiaio.  John D. Parisa.

Kaawaloa, Aug. 7, 1887.

 

ROMURA.

KE KEIKI ALII O KA PUUWAI @ONA.

Ka mea i kapaia ka ‘Opuu Rose’ o na kihapai. me ka puuwai o kona lehui; a o ka Manu Aeto hei e na kualono me na Ululaau anoano polukua o Alegelia.

 

HE WINIANI EUEU O IA AU I HALA

Aoka

HOOKALAKUPUA O KA MAKAKILA.

Oiai ua waapa la i hoea aku ai i ka hapalia like o ua mau meana kai la. oia no ka wa i ike ia mai ai e na ipukukui gula ehiki, a no ia mea i hoopaa iho ai ua mau ipukukui la eha ma ka aoao, e olelo ana he kupua ae keia, a he ekolu ma kahi aoio e olelo ana aohe keia he kupua@a no ia mea i kinai iho ai na ipukukui gula eha i ko lakou mau uiki pahoahoa a kololio aku la ka uwahi eleele iluna o ka ilikai e uhi paa ana i ka aina holookoa a me ka moana.

Oiai ka uwahi e nee hele mai ana i ka moana me ke akamai nui i oi aku mamua o na mea a pau, aia hoi kapalulu ae la o loko o ua waapa la a pane mai la: E hili iho ia Uwila ma ka hapalua like o keia waapa, i nalowale ai kakou mai ka ike ia ana mai e na kiai pahaohao ehiku Ia wa koke no i hahau iho ai o Romura ma ka hapalua like o ua waapa nei a kaawale o mua a me hope, a o ka manawa koke no ia i kahuli ae ai ua waapa la i na ano a elua e kue ana kekahi i kekahi, oia hoi o hope o ka waapa kahuli ae la oia hu’ahu’a kai e lana hele ana a e lumilumi ia ana e na ale apiipii, a o mua hoi o ua waapa la kahuli ae la oia a lilo i anuenue e pio hele ana maluna o ua moana kai la me na kilihune ua awa e kilihuna malie iho ana, oiai o Leinadia iloko o kana mau kino hua iho la iaia, hoea mai la ka uwahi o ua mau ipukukui gula la i kahi a lakou i ike mai ai, aohe mea i ike ia e lakou koe wale no he wahi hu’ahu’akai e lana ana a me ke anuenue e pio ana iluna, no ia mea i huli ae ai lakou i hope i kahi o na ipukukui gula ekolu e nana mai la a iloko o ka manawa pokole no i hoi hou ae ai ka aina a ahuwale, a o ka uwahi eleele o ua mau ipukui la nalowale aku la oia iloko o ka imo ana a ka maka, a ke kolili la ka a o ko lakou uwiki kupua pahaohao i na puka uwiki e like me ka mea mau. Aka, kahea mai la ka haku o na kiai ehiku, oia hoi ka omole aniani huinaha ekolu, i ka pane ana mai:

“E na kiai. e kai mai i ke ano o ka po?” Oia hoi, e na kiai e hai mai i ke ano o ka oukou mea i ike ai. Ia manawa no i pane like mai ai na ipukukui gula, ke huli nei makou a ke imi nei hoi e like me na mea i kauoha ia mai ia makou e hana, a o ka mea i loaa ia makou he anuenue wale no, a ua manao makou oia no ka huna o na kuluwai ua a me na huna kai o ka moana i puhi ia e ka makani ahiu pu i kahi hookahi a nolaila mai ke anuenue a makou i ike aku nei.

I keia manawa a ua mau ipukukui gula la a me ka omole aniani huinakolu e kamailio la, aia ua anuenue la ke hookokoke loa mai la i kahaone o ua aina la, me ka nee malie loa, me kahi kino hu’ahu’akai pu no e nee hele pu mai la, oiai ua anuenue la i kau mai ai na wawae iluna o na puuone, ia manawa no i ike mai ai ka omole aniani huinakolu aole keia he anuenue maoli, aka, he kupua keia i hana malalo o kona maalea nui, a no ia mea oia i kauoha mai ai i na kiai o ka papa ekahi a me elua e hopu aku i ke anuenue. Ia manawa no i pio like iho ai ua mau ipukuku la ehiku a uhi paa iho la ka uwahi eleele o ko lakou mau uwiki kupua.

Po Hilo e, i ka uwahi a ka awaawa Ola ia Kini ke a mai la ke ahi.

O na liona gula hoi ehiku, ke hamama mai la hoi ko lakou mau waha me ka weliweli lua ole i ka mea e hele huhewa aku ana ma ko lakou palena. I ka manawa i ike aku ai o Leinadia i na kiai naue ole o ka papa ekahi a me elua ma ko lakou kulana pahaohao o ka maalea nui ua kahuli ae la oia a lilo i uwahi eleele i like loa me ka uwahi eleele o na ipukukui gula ehiku, a o kahi hu’ahu’akai hoi kahuli ae @la oia a lilo i wahi onini makani aheahe malie a puhi aku la i ka uwahi eleele o Leinadia, a oia ka ua mau ipukukui gula la ehiku e pahaohao iho la i ka huihui o ka makani, he ane paha o ua kupua nei keia hele a oia he keu ka mana a me ka ike oiai o ko kakou mau uwiki e hiki ai ke huna i ka aina a nalowale, aohe ihu aohe maka e hiki ke imi a loaa, koe wale iho no o Ariare, ke kamaa kupua o ko kakouu haku a me Raina Holonewa, ka mea i kapaia ke kiai naue ole o ka omole aniani buinakuli, a o ke kauwa hooko pololei o ka halealii Muraria kaulana.

I ka manawa a na ipukukui gula e pahaohao la, ia manawa no i hal a aku ai o Leinadia mahope o lakou ma kahi i kapaia ka rina o ke kauoha, a o ke kaha hoi o ka poi awakea, ma ia wahi he malamalama olinolino, a e paio lua ana hoi ka makani o na pukaihu o na liona gula ehiku, a e lele ana ke ahi o ko lakou mau waha me he mau ahi kao leie ka a.

He uluhua au i ke ahi lele a Kama       [ile.     

I ka lele pu-o lele pu no me ka Au      [hau. malaila i ku iho ai ka kakou ili leie kupua a makaikai aku la i ke kulana kaua o na liona gula ehiku, me ka ike ole mai, no ka mea, o kahi a ua ili paha’oha’o la e ku aku la a makaikai aku, o ka palena ia o na kiai mua, aia he umi mile ka mamao mai na ipukukui gula mai a hiki i na kona gula ehiku.

I keia manawa, kahuli hou ae la ka uwahi eleele i wahi hulu manu aiai loa nona ka nui e like me ka hulu mo aeae e pili ana ka puapua, a ua mau no kahi oaniani makani ma kona kulana mua, a puhi malie aku la i ua hulu paha’oha’o la, ano ia mea laua i nee malie aku ai imua kahi a ua mau liona gula paha’oha’o la e ku mai la me ka makaukau nui.

Oiai kahi oaniani makani e hoolulu mahe ana i na lau laau paha’ohao’ o ua aina la, ua kaa aku la laua nei ma hope ae o na liona gula ehiku me ka maalahi nui, a ku iho la keia ma kahi he umi mile mai na liona gula mai, a o kahi hoi i kapaia ka rina o ke kanaka a o ke kaha poai wela; a malaila i ku iho ai ua ili la a makaikai aku la i na lalani kuahiwi pahiolo ehiku, no lakou na niho wakawaka e owe mai la imua o kona alahele, ke alahele paakiki, a ina paha o ke kino o ka kaua koa maoli no ka i aa aku, ina aole oia e hoi ola mai imua o kona mau makua a me kona lahuikanaka aloha.

Nana aku la ke kino paha’oha’o o ua ili lele kapua la i na lalani kuahiwi e oni mau mai la a e hookui ana hoi me ka weliweli nui; no ia mea i kahuli ae ai oia a lilo i mau kulu kehau liilii e kau ana iluna o na lau nahele paha’oha’o o ua mau lalani kuahiwi la, a oia ka lakou i hui ae ai a ahaolelo nui iho la i keia mau kulu hau ano e, e kau nei iluna o na lau laau, a no ia mea i ulu ae ai ke hoopaapaa iwaena o lakou iho, a oia ka lakou i hooholo iho ai e hoiliili i na kulu ha iloko o ka pika wai momi o Ravedena, a me ia manao i kahuli ae ai ua mau lalani kuahiwi la i mau kino naonao, a hoomaka aku la kolo e hoiliili i na kulu kehau o ke alaula.

A oiai lakou e hoiliili la, ua helelei iho la na kulu hau oluna o ko lakou mau kino a pau nui iho la i ka opili; a i ka wa i pahola mai ai ka wela o ka la iluna o ua aina la, ua mania iho la ua mau naonao (oia hoi kuahiwi pahiolo) la a hoi ae la iloko o ko lakou mau hale eehia a i kapaia na halepaahao ehiku o Giliada me ka hauoli nui no ka loaa ana o ka lakou mea hou e hoike aku au imua o ke kupua Ravedena.

(Aole i pau.)

 

HOOLAHA KUMAU.

KA WAIWAI O KA HILINAI

Ka ayer laau Sasaparila, kai kaulana a hilinai nui ia no ka hoomaemae koko, ma na wahi a pau o ka honua, he aneane 40 ma kahiki i hala ae nei, a ua lawelawe nui ia hoi iwaena o na oihana lapaau. O keia laau Sasaparila, no loko ae ia o keaa Sasaparila Ilonedura maoli; ua loaa ka mana hoomaemae ma o ka hui pu ia ana me kekahi mau aa laau e ae, a me kkekahi mau mea no loko o k honua a me ka hao.

He koko inoino a nawaliwali anei kou? Ua a wili pu anei me na ano mai ikaika? A ua hui pu anei me na wai awaawa hoop@hu Na keia Laau e hoomaemae ia mau mea ino a pau, a maikai. O na kauka lapaau a pau o Amerika i ike i ke ano o ka Ayes Sasaparila, ua o lelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka hoomaemae ana i ke koko, a me ka hookahua pono ana i na mea a pau ma kekahi mau ano mai i i keia, o ka Ayer Sasaparila wale no ka laau nana e hoomaemae kakalia ole mamua ae o kekahi ano laau e ae O ke koko ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana keia Laau Sasaparile a Ayer. I@e maalahi a he maikai loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma’i, hoomomona hou ana i ke koko ino, a me ka hooikaika pu i kona holo pono ana ma na aa. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e a e.

A hilinaiia no ka ikaika kupono o ke ola kino, ma ka maemae ana o ke koko, hoomake pu ia na ma’i, a pela aku. He nui na laau hoomaemae koko i hoolaha wahahee wale ia malalo o na inoa lehulehu, o na hilinai a me na hooia wale no a ke ao holookoa, malua o ka Ayer Laau Sasaparila.

I hoomakaukau ia e Kaika J. C. A@@ & Co. Lowell, Mass.

HOLLISTER & CO.

Na Agena ma ka Paeaina Hawaii.

Helu 100.        Alanui Papa, Honolulu 2086-tf

 

HOOLAHA KUMAU

$5 MAKANA

I na o ka mea e loaa ai kuu lio (k) ulaula ano lokia huelo pokole, ua kuni ia i ka hao (II) ma ka uha hope. a hoihoi ae ma ka Halekuai o J. T. Walakahauki, e loaa no ke makana i olelo ia.         2122.

LAAU MAI LEOERA HELU I

A

S.H.MEEKAPU.

E loaa a  hoouna ia no ma ke kauoha, ka laau Mai Lepera ma na wahi a pau ke loaa he mau hoike oiaio no ka mai Lepera, a ke hoouna mua mai i na lilo o ka laau. E loaa pu no hoi me na Rula o ka inu ana. E loaa no ma Alanui Nuuanu, helu 11.         2086-1yr.

 

FRANK GERTZ

MEA KALEPA A LAWELAWE HANA MA

NA ANO KAMAA A PAU NO NA

WAHINE, KAIKAMAHINE A ME KANE.

Na Kamaa @ati a me na Kamaa haahaa no na Keiki Kaa@ a me na Kanaka makua, o na ano paikini hou loa @@@-@@@.

 

H. HACKFELD & CO

Mea Kalepa Nui, a Kuai Kakou i na Waiwai Lole, a me na Mea Hao. A he mea kalepa waiwai nui

Honolulu, H.I. 2082-1yr

 

            HALEKUAI HOU

me na lole hou!!

Ka halekuai makepono loa keia o keia Kulanakauhale me ka mai kai loa no na lole ma ke kihi o na Alanui Papu me Kalepa. Na Lole o na ano a pau no na Keonimana me Keikikane. Na Lole komo, Na Papale, Papalekapu, Na Pahu waiho Lole, Na Paiki Ili, a pela aku.

He mau waiwai i lawe pololei ia mai no keia wahi, a i wae pono ia no hoi i kulike me ka makemake o na makamaka Hawaii.

Ka Hale Kuai keia o ke Kanaka Hihune. He mea e lawa ai ka makemake o ka poe uuku o kahi loaa.

O ka makou makia e ola ke kanana ilihune.

E hele mai a e nana pono, i ike a pau kuhihewa.

Egan & Co.

2092-1y

 

Papa! Papa! Aia ma kahi Lewers & Cooke. (O lui ma) ma ke kaha@ kahiko ma lalanui Pa@@ a me Mo@

E loaa ai papa no uaiki o kela a me keia ano

 

N@ Puka Aniani, Na Olepelepe Na Pou, Na Oia, Na Papa Ilele. Na Papa Ku. A me na Papa Moe nui loa

Na Pili o na Hale o na Ano a Pau

Na Pepa Hoonani, Na Pena o na Wai e pau Na Kui mai ke Nui a ka Makalii, Ma Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ai o na ano a pau.

Na wai vaniki a me na wai hoohinuhinu nani @ o na ano a pau loa. Na balaki ano nui wale a ke hai ia aku nei ka lono i na Kamakama a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana no ka uku haahaa loa.

E like me kamea o nolo ana mawaena laua a me ka mea kuai. Hele mai e wae no oukou

Hoolaha kumau

Kakela a me kuk@

Haleku nui o na waiwa@

E laa na pahiolo, koi hole, hamale, koi nui a me liilii kila wili puaa, rula apuapua, kui o na a@ a pau, kala kaa, hoa hoopaa pu pohaku hoana, kepa, lei ilio, ka@@ la hao ilio, pahi, upa, pahi, umiumi, kalapu, kope hulu, pulupulu @@pa lakala, lina hoa, ami ke@ahi, a me kaula o@ Palau o na ano a pau. Oo, ho, kopaia, p@ @@@ kua, hao kope @@@@@@ a aku, kua bipi, lei bipi, kaula hao bipi, @@ pa, uwea keleaw@@ piula, kaa palala, ipu@@@

Pa palai makau me ke a@

Ili wai, papa holoi, kopa ala ka @uaina, hu@akai, eh@ wawae, hulu pena, a pela ak@

Pena wali, kini nui a mela@@@ ano a pau, me ka pepa ku@@ kuhi, pna keokeo, aila pena, aila hoomaloo, vaniki kaa, a me vaniki moe.

Pena Hoomaloo a me aniani hale aila mahu, aila m@k@n@, @@@@, aila kaa, @@ka K@@@@ Pauda, Kukaepe@@, @@@ Pauda, Uiki ipukukui ani he nui a h@@@@

Lole Makepon@

@@ na ua ahinahina, kalakoa, @keo, leponalo, Hu@@@ uwe wahine, kui @@@ mu, a me ka @@@.

Ke kukike e loaa ma @@ @@ @@@

Kakela & Kula

Na mea piula

Mikini Humuhun@

Mokini a wheeler a me wils@@ mikini a wiilox me gibb na mikini @ remington

He nui loa na mea hao me @@@@ ae o na ano a pau, aole hiki @@@ ia aku, hewa i ka wai na i@@@@

Laaua Lapaau Kaulana! A Dr. Jayne. Laau hoomaemae koko laau hoopau naio @@ kunu. Penikala hu@@ paakai, laau hoopaa @@ me na laau hamo a pela @ku Kakela ame Kuk@