Ka Nupepa Kuokoa, Volume XXVI, Number 18, 30 ʻApelila 1887 — Ko Maui Helu Malama ana [ARTICLE]

Ko Maui Helu Malama ana

E ke Kuokoa:—Hc wahi hoike ka'u ma ka helu malama, aole i like ko Maui nei helu malama ana me ko ke Oahu paha. Kia hoi ua ike iho au maloko o ka'u Alemanaka Buke imkana a ke Kuokoa no keia makahiki e like nie keia helu ana: Ikuwa Ianuari, i Hilina Feberuari, Hilinehu Maraki | Hinaiaeleele Aperila | Kaelo Mei, Welehu Iune, Makalii Iulai, Nana Augate, Welo Sepatemaba, Ikiiki Okatoba, Kaaona -Novemaba, Kaulua Dekemaba. O keia ka'u i ike iho ai ma ka'u Buke Alemanaka, a ua like ole hoi ia me ko Maui nei helu malama oia keia; mai kahiko mai a me na hoakaka ana a ia poe: Ikuwa. oia o Ianuari—He mahina leo nui keia no kahekili ku'ipinai a olo walu no hoi. Welehu, oia o Feberuari—He mahina lehulehu keia o na laau, a e o ae ana ka liko e pua e mohala. Makalii, oia o Mai'aki—He mahina ia e hoike ae ai na mea ulu e pua a e hua me ka makalii loa nae. Kaelo, oia o Aperila—He mahina hoeelo keia o na huhui pua o na ano a pau a me na huhui hoku; e hoeeh ana ka manu uwa'u e moe i kona lua i ke kuahiwi. Kaulua, oia o Mei—He mahina hookau mai keia i ka malie o ke aho pulu a ka lawaia he nalu no nae. Nana, oia o Iune—He mahina hoonana keia no ka manu uwa'u e hoi i kai; pela ke kolea no Hawaii nei. Welo, oia o Iulai—He mahina huki uhu keia (aohe huki ulua) no ka mea ua welo ka momona o ka uhu. Ikiiki, oia o Augate—He mahinaikiiki wela hahana km o ka la, a 'ne ua no hoi. j Kaaona, oia o bepatemaba—He mahina onaona keia o na hiona o ke keiki ke hanau e like me Malalei. Hinaiaeleele, oia o Okatoba —He mahina nalu owili keia, e huna ana i ka eleele o ke kaL Hilinama a me Hilinehu (na mahoe) oia o Novemaba a me Dekemaba—He nalu a me ka malie ko Hilinama, a he ino hoi ko Hilinehu. O Kaelo, Kaulua, Nana, Welo, Ikiiki a me Kaaona, he kau ia, he kupulau. O Ikuwa, Welehu, Makalii, Hinaiaeleele, Hilioania a me Hilinehu, he hooilo ia, o Makaiii, he pale kau pale hooilo ia. O keia ka'u hoike no ka helu malama o Maui nei, a un maopopo ia'u ka like ole o ka helu Oahu. £ nui na hoakaka ana no ke ano o keia mau malama, aka ua lawa au h ke panee aku nei imua o kou mau hoa heluhelu e ke Kuokoa. J. K. Kapunihana. Honomanu, Koolau, Maui. E ka makamaka, ua makemake hou makou e waiho mai oe i kau mau hoa kaka piha no na malama; ua manao iho makou he mau hoohialaai maikai loa eeia no ka poe heluhelu Ua aie matou no kou lokomaikai N. K. He mau la okoekoe iho nei keia o te kulanakauhale nei, ke hele la na īuina alanui a ukelekele, i kaua mea o ea noke a ka ua.