Ka Nupepa Kuokoa, Volume XXVI, Number 16, 16 April 1887 — HUAKAI ALII NO LADANA. [ARTICLE]

HUAKAI ALII NO LADANA.

Ma ka mokuahi Australia o ka Poalua nei i kata aku ai ko kakou Lani Moiwahine Kapiolani, ka Hooilina Alii Liliuokalani, i ukali ia e ka Mea Mahaloia Jno. O Dominis a me ke Kiaaina Curtis P iaukea, S. Nowlein me kana kaikamahine, CoI. J. H. Boyd a me kekahi heluna nui o ko kakou mau ohua kamaaina. He hora okoa mamua ae o ka wa holo o ka moku oia ka hon 12 awakea, ua hoopihaia ka uwa|>o e na kanaka a pela pu inaluna o na oneki moku. Malaila pu ae ka puali puhi ohe kahi i hoonanea ai e like me ka mau, he mau wahi kauna koa a me na makai kekahi i hoea ae malaila e hoohanohano aku i ka huakai alii no ka oneki o ka moku ma ka laua huakai no Laelana. He mau minute pokole koe a hiki ae i ka manawa holo o ka moku, ua hoea mua ae la ka Hooilina A!ii i ukali. ia e kana kane no ka oneki o iea moku, alaila, ua hoea ae la ka Moi a me ka Moiwahine maluna o ke kaa alii a kau aku 1a no k* moku, iwaena o na hea inoa no ka ihiihi o ka Moiwahine, a me na leo hanuunuu uwe o ke aloha no keia kaawale ana mai ke one oiwi aku. He wa keia no ke anaina kanaka nui e hookeke ana me ke ake nui o ka ike hope aku i na helehelena o ka Moiwahine, a iloko o keia piha hookeke, ua kiei mai la ka Moiwahine ma ka pakkai o ka moku me kana Alii kane e ku ana ma kona aoao, a me na mapuna leo walohia a ke aloha i pane mai ai oia i ke anaina kanaka: " Aloha oukou: e pule oukou no'u" Ia wa i ikuwa like ae ai na leo o na makaainana a panai aku la me na k-o kauo: " Aloha o—e. Aloha no—" Alail.1, ike aku la ka mea kakau iai:. e kaulona pono ana maluna o ka one ki, i ka pii malie ana ae o na lima oka Moiwahine me ka hainaka ma kona li ma, a kaomi malie iho 1a i kona mau maka a na waimaka e heohakui mai ana i na hana nui a ke aloha, a no ke kahi mau sekona pokole, ikea aku la ke kulou like ana ae 0 na 'lii, a haawi ae la i ko laua aloha ma ka honi no ke kaawale ana aku 0 kekahi mai kekahi aku. Maluna o kekahi hapa mahuahua o ke anaina kanaka i nkoakoa ae, ua ikea aku lakou e kupenu ana i na waimako a ke aloha, alaila, maalo ae 1a ma ke alo o ka Moiwahine e hoomau ana 1 ke ku he heluna nui o na kamaaina haole, a hoawi aku la i ko lakou mau lulu lima ou me ia; tne na leo hoolana a ohaoha i panai pu ae ai ka puali puhi ohe i ke Mele Lahui, a oia no ka wa i hemo ae ai na laina i hoopaa ia ai ka moku a nee malie aku 1a i hope me ke kilakila o ka hae Kalaunu e welo ana ma kona kia mua. Me naani hainaka ana, ua ku mamao aku la ka moku mai ka uwapo aku, a heopololei ia ae la kon« ihu eku ale no ke ala moana. Kaalo ae la ka moku makai pono o ka uwapo mokuahi o Waila ma, oia no ka wa i kani mai ai na pu aloha o ka batari o Kakaako i panaiia me ko ka moku kaua Carolint e ku nei ma ke

awa, a niau aku la ka mokuahi e lawe ana i kana n\au ukana ihiihi no r.a ainn mamaa Ma kona ala no ka nuku o Mamah i ukali aku ai na niokuahi EUu e lawe ana i ke Alii ka Moi a me kekahi heluna nui o na maka hanohano, a me ka mokuahi /. A Cummins kekahi i hele kona oneki a ohuohu i ka hui himeni Kawaihau a me ka puali puhi ohe. A mawaho pono ae o Waikiki i huli hoi mai ai iaua no ke awa t a pale ae la ka ike'na i na hiena hope o ka Moiwahine a me ka Hooilina Kalaunu o Hawaii.