Ka Nupepa Kuokoa, Volume XXVI, Number 16, 16 April 1887 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa.

 

No ka Makahiki.         $2.00

 

No Eono Mahina.        1.00

 

KUIKE KA RULA.

 

Poaono            Aperila 16, 1887.

 

Olelo Hoalohaloha a na Makaainana e Kona Akan no Hon George W. Pilipo.

 

            No ka mea, ua oluolu i ka Makua Mana Loa, ka lawe ana aku i k@ ola o ka mea kaulana i mahalo nui ia, ka Hon. George Willie Pilipo, ma ka ho@ 4 A. M. o ka la 25 o Maraki, M. H. 1887, ma kahi noho o J. Alapai, ma Kapalama, Honolulu, Mokupuni o Oahu.

            A oiai hoi, o ka Hon. George Willie Pilipo, he kanaka noiau, a i hoouna pinepine ia mai ka apana aku o Kona Akau, ma ke ano he hoa kau Kanawai no keia Aupuni, ma ka Hale Ahaolelo Kau Kanawai o ko Hawaii Paeaina.

            A ma ia Hale Ahaolelo Kau Kapawai i hooiaioia’i kona ano, he kanaka naauao, kuokoa, hoopono a me ka hooko kauoha; a ma ia kulana ona, i kau ia aku ai ma kona a-i na pua lei momi mai kona apana aku o Kona Akau; oia hoi, -“Ka Liona o Kona Akau;-Ke Duke Hao o Kona Akau;--Ka Poka Pahu a me ke kaula o ke Aupuni Hawaii;”-me ia mau pua momi i lawa ai ka lei gula nani a kona apana koho i hoolei aku ai nona, mai ka mau loa a i ka mau loa.

            A no ka mea hoi, mamuli o ka lawe @ ana aku o kona ola i minamina nui @, @oiaila, ua ili iho maluna o makou o kona mau hoa makaainana ke kaumah@ luuluu, ka paumako a me ka wal@i@a nui nona.

A no ia mea, o makou iho o kona mau hoa makaainana o ka apana o Kona Akau, ma o ko makou mau komite la, ke hoike aku nei, ua hooholoia:

1  Hooholoia:  E hoomau aku kona mau hoa makaainana i ka noho kanikau ana iloko o 30 la mai kona make ana mai.

2  Hooholoia:  E hui pu aku kona mau hoa makaainana ma ke kanikau ana me ka ohana o ka mea i make, iloko o 30 la i oleloia.

3  Hooholoia:  E hooili pakahi ia na kope o keia Olelo Hoalohaloha ma na nupepa KUOKOA, KO Hawaii Pae Aina a me ka Elele, a me akahi kope i ka ohana o ka mea i make, ma o Mrs. E. N. Pilipo la, ka wahine kanemake i aloha nui ia.  O makou no me ke aloha,

S. H. KALEIHEANA,          G.W. IKAIKA,

S.H.P.KALAWAIAOPUNA,  S.B.KAOMEA,

KUA KALANI,         JOSIA K. LAIOHA,

J. S. KAUHAIHAO,             G. W. KAMAHALO,

J. W. KAIAKOILI,  J W H ISAAC KIHE,

J W PUNIHAOLE,  G B KAONOHIMAKA,

L. AARONA,                        D. KUPAKA,

J. KAELEMAKULE,             G. HUEU,

T. N. SIMEONA,                   D. KAHAO,

J. W. KUKAPU,                     S. W. MAKAIKE,

S W KAUMULOA,  D W KAMALIIKANE,

J. HANUELA,                                    J. W. KEIIKOA.

                                                DAVID ALAWA.

                                                Kakauolelo.

Holualoa,  Kona  Akau,  Hawaii.

 

No ka Lai a Ehu.

 

            Aperila 3, hora 10:30 A. M. ma ka Y. M. C. A. o Mokuaikaua, i malamaia’i keia mau hana malalo iho nei:

            HOIKE A KE KOMITE NOI DALA.

            Penei ka hoike ana:  Mai a Mrs. Mary Hanuna mai, $156.90.  Mai a Mrs. H. Moi Kalani mai, $156.90.  H. Kapukui, $10.  He mau dala mua ma ka lima o ka puuku, W. D. Kaea, $129.75.  Huina pau, $453.55.  Keia ha huina i ike ia ae imua o ka lehulehu i ka manawa i hai ia maluna, koe aku na mea i loaa hou mai mahope mai o ka la 3.

            HOIKE KULA SABATI.  Mahope iho o ka pau ana o na hana hoike komite noi dala, ua malama ia ka hana Hoike Kula Sabati, mai ka hora 11 a. m. a hiki i ka hora 3 p. m., hookuu na hana.  Ua maikai no na hana i hanaia.

            Aperila 4, ma Holualoa, ua malama a he halawai makaainana hoalohaloha@o Hon. George Willie Pilipo.  A o ka manao nui i hapai ia ma ia halawai maka@nana ana, e kukukuia i kia hoomanao no ua Liona la o Kona Akau, a ua hooholoia.  Ua koho ia i mau komite noi dala i ka poe e aloha mai ana i kia hoomanao no ka Poka pahu a kaula o ke Aupuni Hawaii.

            MAKE EMOOLE.  Aperila 4, ma Kahaluu, ua hele palanehe ole aku la ma kela Edena nani o Mrs. Kahele Palapala, me ke kauoha ole.  Oiai oia e auau hope loa ana i ka wai o keia honua, aia hoi, hiki mai la ka elele mai ka Paredaiso mai, a lawe aku la ia Mrs. Kahele Palapala e auau pu me na anela i ka lokowai o Ioredane e pilii la i ke ola mau loa.

            O. Mrs. K. Palapala i hala aku la mao, he makamaka maikai oia no na mea a pau, he hookipa i ka poe a pau e hoea aku ana imua o laua, ua like wale no na mea a pau e hoea aku imua o laua, me he mau kieki ponoi la na laua.  Oia hoi ka keia maka peni e @ aloha ae nei, no ka hala ana aku la o ia makua o ka lehulehu o ka apana o Kahaluu.  A maluna o kana kane ko’u walohia e @ pu aku nei me ia, a me ka ohana hoi i hoonele ia mai la i ka makuahine maikai no ka home.  A maluna ae o na mea a pau, ke puana ae nei au i keia:  E hoomaikana ke Akua ma na lani kiekie loa, he malu ma ka honua, he aloha no i kanaka.  Nana no i haawi mai, a Nana no i lawe aku.  E hoomaikai ia Kona Inoa.”

D. ALAWA.

 

KUMUMANAO.

 

UA LIKE ANEI KA POMAIKAI O NA HAIPULE MA KA LANI?

Heluheluia ma ka Ahahui ma Waiohinu, Ka@, Hawaiii.

 

[kaena mai kela paie mai]

 

            I ka manawa o Ioane e noho poi ana ma ka mokupuni o Petemosa, ua hoike ia iaia e ka Haku he mau papa like ole o na pomaikai lani, oia keia mau papa like ole ma ka mokuna elua a me ke kolu o Hoikeana, ma ia mau mokuna ua loaa he mau pomaikai like ole he 9, a o na mea i hoike malaila, aole anei i kiekie kekahi maluna o kekahi?  Ma ka palapala a Paolo ma 1 Koineko 12:41-42 ua hoike oia ma ia mau pauku i ka like ole o ka malamalama o ka ia ka mahina a me na hoku, ua ike kakou ua oi loa aku ka malamalama o ka la i ko ka mahina, a o ka mahina hoi i ko na hoku a o kekahi hoku hoi i ko kekahi hoku, a ua hoopili oia pela no ke ola hou ana e oi aku ana ka nani o kekahi imua o kekahi.  Okoa ka nani o ka la, okoa ka nani o ka mahina okoa ka nani o na hoku, no ka mea, ua oi ka nani o kekahi hoku i ko kekahi hoku.

            Pela no ke ola ana mai o ka poe make.  Ma Dan. 12:2-3 penei ka mea i palapala ia malaila, “A e ala mai ana anei na mea i hiamoe iloko o ka lepo o ka honua, o kekahi poe e ola lakou i ke ola mau loa, a o kekahi poe i ka hilahila a me ka hoowahawaha mau loa ia.  O ka poe naauao e alohilohi auanei lakou me he malamalama la ma ke aouli, a o ka poe i hoohuli i na lehulehu ma ka pono, e like me na hoku i a ao aku ia ao aku,” ma keia mau pauku ma Daniela ua ike kakou, ua hoike ia kekahi mau papa like ole o na pomai kai, no na haipule mahope iho o ke ola ana mai mai ka make mai.

            Ma ka Iesu mau olelo no hoi i kana mau haumana ma Ioane 12:2 “Ma ka Hale o ko’u Makua, he nui loa na wahi e noho ai, ina, aole pela, ina ua hai aku au ia oukou, ke hele aku nei au e hoomakaukau i wahi no oukou,’ a ma Mataio 19:28-29.  I mai la o Iesu ia lakou, he oiaio ka’u e olelo aku nei ia oukou, i ke ola hou ana, i ka wa e noho ia ke keiki a ke kanaka maluna o kona nohoalii nani, o oukou hoi ka poe i hahai mai ia’u, e noho no oukou maluna o na nohoalii he umikumamalua i poe lu nakana wai no na ohana o Isaraela he umikumamalua.  O ka mea haalele i na hale i na hoahanau kane i na hoahanau wahine, i na keiki i na aina hoi, no ko’u inoa e loaa mai iaia he pa haneri, a e lilo mai iaia ke ola mau loa.

            Ma keia mau pauku Baibala ke hoike ke ia mai nei kakou, aole no i like na pomaikai o na haipule ma ka lani, ua oi ko kekahi imua o ko kekahi.  E like me ka mea nana e haawi mai ia mau pomaikai? a ua loaa mai ia kakou kekahi mau mea e hoolana ia i kou kakou mau manao, a ua ao ia mai kakou.

            I E pono kakou e hana me ka ikaika a pau no ka Haku, e hoomanawanui ana i na inea, na hoino ia, na hoohenhene ia, a me na hoao ia ma keia ao, a e hoolana ana i ka manao, no ka mea mao aku o keia mau ao hakumakuma o ke kaumaha a me na luuluu o keia ola ana, ke poha mai la ka malamalao ka aina lai, a mai ka mea mai nona ia aina a na pomaikai i luakaha ai, ke poha mai la he leo hoolana e paipai mai ana e hoomanawanui i hiki i ka hopena, loaa ka lei mae ole o ke ola mau loa.

            II-Ma ko kakou lawelawe ana i ka hana a ko kakou Haku mai manao kakou, he aie kona ia kakou no ko kakou hooikaika ana i kana hana, aole pela e na koa paahana alolia, e hana kakou me ke aloha Iaia, a me na uhane e hele ana i ka make mau loa, oiai, ua aloha wale mai kela ia kakou a ua haawi wale mai kela i kona kino makamae e make maluna o ka laau kea no ko ka kou mau hewa.

            III-A i ka pau ana o ko kakou hana maanei, e hoomanao kakou, o na pomaikai e loaa mai ana ia kakou (ke pono ka kakou mau hana) he mau makana loaa wale mai ia na ka lokomaikai o ko kakou Haku aloha, a mai ohumu wale kakou ua oi ka’u hana mamua o kau hana, nolaila e nui kou uku ia mai na Iala ia e nana ae e like me ka mea ana i ike ai he pono.  Ke hoopau nei au me ke noi aku i ka Haku e hooikaika ia mai ko kakou mau manao no kana hana, a mamua o ko’u hoopau ana ke halialia mai nei ia’u kekahi o na himeni a ka Makua. L. Laiana i unuhi ai e pili ana no ka pomaikai ma ka lani.

 

He lei i mua’e la,

              Aole ona lua,

He uku na ke Akua,

  Maluna’e maluna’e,

Aloha ka Makua,

  A hea no Iesu la,

E imi ia lei la,

  Mao ae, mao ae,

Cho.    Mao ae hui pu la,

  Mao ne halelu la,

Me Iesu la ma ha nani,

  Mao ae, mao ae,

Mao ae lanakila,

  Mao ae alii la,

Me Iesa la ma ka nani,

  Mao ae.

2          He Home ao maluna,

  Ka Home me Iesu la,

A pau ae na luuluu la,

  Maluna’e maluna’e,

Malaila lanakila,

  A, me na Serapima,

E kani ai na lira,

  A mau ae, a mau ae.

S. L. DESHA.

 

M@olelo o ka Ahahui Euanelio o ka Mokupuni o Hawaii.

 

LA HANA 1.-Halawai ka Ahahui Euanelio o ka Mokupuni o Hawaii ma ka luakini o Kauahaao, Waiohinu, Kau, Maraki 3, 1887, hora 1 P. M.  Ke kakauolelo mua, S. B. Kaalawamaka, ma ka noho luna hoomalu.  Hoomakaia na hana me ka himeni a me ka pule a ke kakauolelo. Hoomaopopoia na lala o ka Aha.

Kihapai.           Kahu.  Elele.

Haili,               _          Mahaiula.

Onomea,          _          _

Hakalau a me

  Laupahoehoe, _        _

Hamakua Hik., W M. Kalaiwaa, Iokia.

  “Waena & Kom.  “(kom.) Mio.

Waimea,          _          _

N. Kohala, S. W. Kekuewa, Kapaona.

Kom. “ S. C. Luhiau,  _

Hem. “             “ (kom.)           Kiki

Kekaha,           _          Kaalawamaka.

Kailua & Helani, Makaike, kom.

                                    Haluapo.

Konawaena & Ke-

  alakekua,      S. L. Desha,    Makainai.

Pukaana,          _                      _

Kaohe & Miloliii, Makaike, kom._

Waiohinu & Kapa-

  liiuka,           J. Kauhane,  J. N Keouli.

Kalapana & Opihi-

  kao,              _          Kaaikauna,

Puula & Olaa, _                       _

  Na lala mau.-A. O. Polepe, a me Mr. Paakaula.

            Koho hou ia na luna nui o ka Aha. Ma ka balota ia ana, ua kohoia o Rev. J. Kauhane i luna hoomalu, a o S. B. Kaalawamaka i kakauolelo.  Koho ka luna hoomalu i na komite mau, penei: 1  Komite Imi Kumuhana, A. O. Polepe, S. L. Desha, a me S. W. Kekuewa.  2  Komite Imi Haawina; W. M. Kalaiwaa, Luhiau, a me S. L. Desha.

            Noi ia mai, e ae ia na lala a pau o ka Ahahui Kula Sabati a me ka poe kupono e ae, i mau hoa kuka no ka Aha, hooholoia.  Heluhelu mai o S. W. Kekuewa i ka hoike hapa a ke Komite Imi Kumuhana.  1  E wehe ia ka halawai i kela la keia la, me ka hapaha hora haipule. 2  Heluhelu i na hoike Kihapai.  3  Na palapala hoopii.  4 Heluhelu Haawina.  5 Na hale Kahu. 6 Ke ola o na Kahu.  7 Na Oihana Kuwaho.  8 Ke Kula Kahunapule.  9 Na Ekalesia kahu ole.  10 Ke kulana o na Ekalesia.  11 Koho ana i na elele o ka Aha, no ka Ahahui Nui ma Honolulu, iloko o Iune.  12 Koho ana i na Komite no ka Aha, a hoike no na kihapai, imua o ka Ahahui Nui ma Honolulu.  Aponoia ka hoike a ke komite.

            Kumuhana 2.  Hoike kihapai o Haili, na ke kakauolelo i heluhelu.  Hooponopono ka Aha i keia hoike, me ke ao ana i ka elele, e hoi aku oia a hoike aku i ka hemahema o keia hoike, aole hoi e lawe hou mai i na hoike o keia ano imua o ka Aha.

            Hoike o Onomea, na ke kakauolelo i heluhelu.  Hoike o Hakalau a me Laupahoehoe, na ke kakauolelo no.  Hoike o Hamakua Hikina, na W. M. Kalaiwaa i heluhelu.  Hamakua waena me Komohana, na Kalaiwaa no.  Hoike o Waimea, aole he hoike mai a D. Kapali mai, ke komite o ia Ekalesia, aka, ua hiki mai kekahi hoike e pili ana ia Ekalesia mai a S. H. Mahuka mai, kekahi luna kahiko o ia Ekalesia.  Apono ka Aha e heluhelu ia kela hoike, a ua heluhelu ia e ke kakauolelo.  Hoike o Kohala Akau, na S. W. Kekuewa i heluhelu.  Hoike o Kohala Komohana, na S. C. Luhiau i heluhelu.  Hoike o Kohala Hema, na S. C. Luhiau no i heluhelu.  Hokie o Kekaha, na ke kakauolelo i heluhelu.  Kamailio nui na hoa no keia hoike, no ka mea e pili ana i kekahi apana o ia Ekalesia, oia hoi o “Kekaha ma Kailua,” a penei ke ano.  Aua hele mai ke Kahu Ekalesia a me na hoahanau mai Kekaha mai, a noho ma kekahi aina i lilo i kekahi o lakou i ka hoolimalima ia, mauka o Kailua, a ua malama pu no hoi i na hana a ka Haku ma ia wahi, me ka malama pu no i ko lakou kuleana iloko o ka Ekalesia o Kakaha.  Ma ka noonoo ana o ka Aha i keia mea, mamuli o na mea i hoakaka ia mai, aole no i loaa he mea e pilikia ai no ia mau Ekalesia; aka, koe nae ke keakea maoli ana i na hana o ka Ekalesia o Kailua, a me ka lawe ana mai i ko laila mau hoahanau a hoolilo no Kekaha.

            Hoike o ka Misiona Pake ma Kailua.  Mai a Rev. G. P. Kaonohimaka mai, na ke kakauolelo i heluhelu.  Hoike o Kailua & Helani, na S. W. Makaike i heluhelu, a na ke kakauolelo i ka hoike Papa Helu.  Mai a T. N. Simeona mai, mamuli o ke aponoia ana e ka Aha.  Ma keia hoike papa helu, ua loaa i ka Aha he hemuhemu nui e pili ana i ka hooponopo Ekalesia ana a ko laila Aha Luna Ekalesia, mamuli o ke kapae ana aku i kekahi mau hoahanau mai ka noho hoahanau ana, mai ka Ekalesia aku; oiai, o na Luna Ekalesia wale no, aole hoi ke komite nana e malama ana ia mau Ekalesia.  Ma ka noonoo ana i ka Aha, o hehi wale ia ka mana o na komite, a o na Kahu paha e like me keia, nolaila, ua papa loa ia, aole hoi e a’e wale aku maluna o na palena kupono i ka Aha Luna wale no ke hana; a e hoi aku na elele a hoike aku i keia mea i ko lakou mau Ekalesia, aole hana pela.  (Aole i pau.)

 

HE MOOLELO NO

Lonoikamakahiki

-KA-

Pua Alii Kiekie na Kulani.

--

Ke Alii Nui o Hawaii.

--

[KAKAU IA NO KA NUPEPA KUOKOA.]

--

O KE alii hoi o Maui, a me na elemakule, ua holo ae la lakou a ma kahi kiekie e nana ai i ke ano o ke kaua ana o na aoao a elua, a me ka aoao e lanakila ana.

He kaua hahana ana keia, ke hookahe ia la na koko, ke molia ia la na ola makamae imua o ke kahua kaua.

I kela wa ua like no a like na aoao a elua ma ka ikaika, a he nani ikaika ana nae ia o na koa o Maui, oiai, he kaua alii ia a he pukaua hoi ko lakou; aia no ka ikaika la o na kanaka o ka moku o Kona, oiai he kaua makaainana ia aohe alii, aohe hoi he pukaua.

Ke waiho make la no na aoao a elua imua o ke kahua kaua, aole hoi 1 emi aku ka Hawaii a pela pu hoi me ka Maui, o ka hora 2 P. M. paha ia i kela wa.

I kela manawa hoomaka aku nei ka elele e holo i uka o Waimea, e hoike aku ai i ke alii ia Lonoikamakahiki i keia mea hou ano nui.  A hiki io aku nei ua elele la, a hui pu me ke alii, a haawi mai la ke alii i ke aloha, “E, aloha hoi paha ko a kai; aloha wahi a ka elele.

Mama nae hoi ka pii ana mai o keia la ku haoa, aohe hoi he hopu wale iho o ka lima i wahi lau lima a paa mai hoi pii ana ia uka ne.

Pela no hoi paha, wahi a ka elele, ina hoi paha he huakai no ka pono, aole keia he huakai no ka pono a’u i pii mai nei he huakai no ka poino.

Heaha hoi ia poino, wahi a ke alii.

E hoolohe mai e ke alii i na mea hou e pili ana no ka’u huakai.

E hoike mai, wahi a ke alii, a ua ho ike aku la wahi elele nei.

I ke awakea o nehinei ua pae mai la ke alii o Maui me kona kaulanaaina oia o Makaku, me kana kumu ao laau me Paoa, ke keiki alii a me Kekuapanio a me na koa he nui wale.  Ua pania pu ia ka moana e na waa o na koa o ke alii o Maui.  I Kawaihae no ka makamua a i Honoipu paha ka maka hope.  Ua pae mai ke alii a ua halawai me na elemakule, a ua ninau ia ka huakai a ke alii, ua olelo mai he huakai kaua me oe, no ko aua ka i ko kauwa ia Puapuakea, oia ke kumu i holo mai nei e kaua.

I kela wa ua hoouna ia au e Nunu laua o Kakohe e hele au e kuahaua i na kanaka o ka moku o Kona, e hele mai e kaua me Kamalalawalu ma ua hiki loa aku au i Kaulanamauna i ke ahiahi o nehinei, a ua hai aku au i na kanaka e hele koke mai, he la hele, a he po hele, a laila au huli hoi mai a poeleele au i Kawaihae, i keia la mai nei hoea mai na kanaka o Kona, a aia ke kaua la me ke alii o Maui.

Ua like no a like na ikaika a ke make like la no na aoao a i elua; a ke ahu lala kukui la na aoao a i elua; a ke ahu lala kukui la na aoao a i elua, imua o ke kahua kaua ma Kawaihae.  Oia ka’u huakai la i pii mai nei, e hai aku ia eo e ke alii.

Kupanaha maoli hoi ke alii o Maui, he alii aloha ole ka ia i na makaainana wahi a ke alii, he aloha au la ia ko’u mau makaainana e luku ia mai la e ia.  Ina he manao nui ia no ko’u kaulana aina no Puapuakea ana hoi e kaunui mai la kona mamao, eia wale no ka pono, e pii mai ia a halawai pu a kuka pu maua, a e aho no o na kaulanaaina no o maua ke hakaka, a o ka mea o maua e lanakila, alaila lilo ka aina ke aloo a me makaainana aole hole hoi e luku ia.

He mea loaa ole ke kanaka, he aloha au la i ko’u mau makaainana, eia ka he alii aloha ole ia i na makaainana.  Eia ka’u kauoha ia oe, e hoi oe a hoike aku i ua alii la, e hooki ke kaua ana o na aoao a i elua, e hoomaha ke kaua ana, e moe like na aoao a i elua i keia po, aohe make kaua poipo.

E moe me ka maluhia a hiki i ka hoea ana mai o ka la o ka la apopo.

E olelo aku oe i ua alii la e pii mai i ka la apopo me kona poe kanaka a pau loa, a e hui pu maua me ke kuka oluolu no na mea e pili ana no kana hua kai o ka holo ana mai o ka moana, a o ko kaua mau makaainana hoi e ukali mai no hoi ia mahope o ka Maui, oia iho la ka olelo o kahi alii e hoi koke oe i keia wa.

Hoi aku la ua elele la me ka mama nui a hoea ana i kai o Kawaihae.  Ke ulele mai la no na aoao a i elua i ke kaua hahana ana, a holo pololei aku nei ka elele a ku ana imua o ke alii o Maui, i aku la i ke alii o Maui e oluolu mai kou hanohano i ka leo o kau kauwa lepo haahaa e hoike aku imua o ke alii.

I mai la ke alii e hoike mai ano, ina he manao kou no ka maikai, a maikai ole paha.

Eia ka olelo hoolohe mai e ke alii, wahi a kahi elele.

Ua kauoha mai nei o Lonoikahiki ia’u e hoike aku ia oe e oki ke kaua ana i keia wa, e hoomaha e moe na aoao a elua i keia po me ka maluhia, aohe kaua poipo, a hoea mai ka la apopo alaila e pii oe i uka o Waimea me kou poe kanaka a pau loa, a e hui pu olua a e kuka me ka oluolu, a i ka mea e hoolo like ia ana e olua.

A o ka Hawaii hoi, e ukali aku hoi ia mahope o oukou, oia ke kauoha la i lohe mai ka alii.

Ina ha pela, he maikai ka manao.  Ia wa kauoha aku la ke alii i kona elele e hele aku a e hai aku ia Makaku, e hooki ke kaua e hoomaha i kela ahiahi e moe hoi i keia po me ka maluhia.

Ia wa ua hooko ia ke kauoha a ke alii, a hoike ia aku la ia lohe imua o Makaku, a na Makaku hoi i kukala leo nui aku imua o na koa o na aoao a i elua.  Ia wa ua hoopau koke ia ke kaua ana, a o ka hora elima paha ia o ke ahiahi.

Ua hoolohe na koa o na aoao a elua ia kauoha, ua moe lakou i kela po me ka nohoalii ana o ka maluhia maluna o lakou.  A haule aku lakou me Niolopua hiamoe aku la

Moe ka makani o lalo ua ahiahi.

Kau ka malo a kaioe i ke pohu,

Puhala ka ihu nana i ke kaao,

Waiho kahelaheia i ka lai na kaha-

                                                [wai,

Waiho kaka ke kula o Kaiolahia,

I ka lele maopu i ka wai a ka Na-

                                                [ulu,

I ka hoowawa i ka pihe a ka manu.

 

Ma keia wahi e waiho kakou ia Kamalalawalu ma e hiamoe ana, malia o loaa ka moe pomaikai i u aalii nei o Maui, a e huli ae kakou no ke alii o Hawaii.  Ia manawa no i hoi ai ka elele a olelo aku la oia i kana kukini mama, a penei kana olelo:

E kuu kukini mama, a puka mai ka la o ka la apopo, holo ae e kuahaua aku i na kanaka o ka moku o Hamakua, Hilo, Puna a hiki loa aku hoi i ka moku o Kau, e hele mai i Waimea nei no ke kaua me ke alii o Maui, mai lohi lakou e awiwi mai.  A e holo aku oe a hiki i Makaka ia Puapuakea i ke koa a kaulanaaina hoi, a e olelo aku oe iaia a me kana kumu ao laau, me Kaunamano i hele mai i ke kaua i Waimea nei.

E hoike aku ia Puapuakea ua hiki mai nei ke alii o Maui, no ke kii mai no iaia i kauwa na ua alii la, a ua hoomaka mua iho nei no ua alii la i ke kaua ana me na makaainana o Kona, a ua hooki ia aku nei ke kaua ana e a’u e ke alii o Hawaii nei, e pono e kuka e mamua ma ke ano aloha na alii, a mahope o ia manawa o na kaulanaaaina no ke hakaka, o ka mea o laua e lanakila, ma ka hakaka ana, e noho pio mai kekahi alii a me kona mau makaainana malalo o ke koa i lanakila, a pela oe e olelo aku ai.

E hele koke mai oukou ma ke alanui mauna me ka mama nui, a me ka eleu hoi e hiki e oukou i Waimea nei, mamua o ka napoo ana o ka la, ina e napoo e ana ka la a hiki mai oukou, alaila e lanakila ana ke alii o ka la hiki.  Aka hoi, ina e hiki e mai oukou manua o ka napoo ana o ka la, alaila, na ke alii no o ka la hiki ka lanakila, oia ke kauoha.

I ka la i hoea io mai ai e like me ke kauoha a ke alii, ua hooko aku la ke kukini mama a elele hoi e holo e like me ka mama i loaa iaia.  Ua holo ia e ia ka moku o Hamakua, me ka hoike pu aku i na kauoha a ke alii i na kanaka e halawai aku ana me ia ma ke alanui, a ma na hale e ku koke ana ma ke alanui.

A hala ia moku o Hamakua iaia oia ka manawa o ka aina kakahiaka, holo aku la keia o na pali kinikini o Hilo-pa.liku, na kahawai hohonu kuhoho hiki keia i Hilo Waiakea, a e like no me kana hana i ka moku o Hilo Hanakahi, e hoike la i na kanaka.

Hala hope o Hilo iaia.  komo keia i ka ulu ohia lehua.

“O Panaewa ulu Ohia,

Ulu hao’eo’e i ka lani,”

 

Ke komo la keia i ka ulu hala o Puna, me ke a o ia aina.

Ka aina i olelo ia, ka aina paia-ala i ka hala, e like me kana nana i na moku i hala aku la iaia, a pela no oia e hana nei i keia moku ia Puna.  Ke hoike la no i na kanaka.

Hala no o Puna iaia, hehi keia ia luna o Kau ke hoike la no ia manao hookahi, i na kanaka i kalawai aku me ia ma na alanui, a me na hale e pili mai ana ma na alanui, o ka aina keia i ole lo ia o Kau Nui Kuamakani, nona keia hooheno a kakou e lohe nei:

 

Kuu haku i ka Ua Haao e,

Ke lele ae la ma uka o Auaulele,

E lele poo ana ka wai o ka haku,

Kuu haku i ka wai haule uku.@

                                    ( Aole i pau.)

 

I kekahi kanaka e nanea ana ma kona home kuaaina ma ka mokuaina o Inidians, Amerika, ike aku la oia i kekahi iole nui e holo ae ana maluna o ka papahele mamua pono o kona alo.  Lalau aku la ola i kana pu panapana a ki aku la i ka iole.  Aole nae i ku ka iole, aka, ku aku la kekahi tini pauda a komo ka poka wela iloko.  Na ia mea i hoopahu ae i ke tini pauda, a pau ka hale i ke ahi me ka make pu ana o kekahi mau keiki liilii na ua kanaka la.  Ua pakele aku oia a me kana wahine.

 

HOOLAHA KUMAU.

 

WILDER & CO. (WAILA MA.)

 

Mea kua’i papa a me na lake kukulu hale na ano a pa’u, a me na me ae pono a pau no ka hale.

Kihi Alanui Moiwahin me Papu.  II

 

PACIFIC HARDWARE COMPANY

 

Na hope O Dilinahama Ma.

Mau Mea Kaui Lako Hao

Alanni Papu, Honolulu.

 

UA WEHE AE NEI O

Y. ANIN

-HE-

HALE INU KOPE

HELU EKAHI.

MA NA KIHO O NA ALANUI

Hotele a me Maunakea.

2090-6m

 

Laau Mai Lenera Helu I

-A-

S. H. MEEKAPU.

 

E LOAA A E HOOUNA IA NO MA ke kauoha, ka laau Mai Lepera ma na wahi a pau ke loaa he mau hoike oiaio no ka mai Lepera, a ke hoouna mua mai i na lilo o ka laau.  E loaa pu no hoi me na Rula o ka inu ana.                                                2086-1yr

 

H. HACKFELD & CO

Mea Kalepa Nui, a Kuai Kukaa i na

Waiwai Lole, a me na Mea Hao

A HE MEA

KALEPA WAIWAI NUI

HONOLULU, H. I.                           2082-1YR

 

HALEKUAI HOU

-ME NA-

LOLE HOU!!

 

KA HALEKUAI MAKEPONO LOA keia o neia Kulanakauhale me ka mai kai loa no na lole ma ke kihi o na

Alanui Papu me Kalepa.

Na Lole o na ano a pau no na

Keonimana me Keikikane.

 

Na Lole komo,

Na Papale,

Papalekapu,

Na Pahu waiho Lole,

Na Paiki Ili,

a pela aku.

 

He mau waiwai i lawe pololei ia mai no keia wahi, a i wae pono ia no hoi i kulike me ka makemake o na makamaka Hawaii.

 

Ka Hale Kuai keia o ke Kanaka Ilihune.  He mea e lawa ai ka makemake o ka poe uuku o kahi loaa.

 

O KO MAKOU MAKIA,

 

E OLA KE KANAKA ILIHUNE

 

E hele mai a e nana pono, i ike a pau kuhihewa.

 

EGAN & CO.

2092-1y

 

PAPA!  PAPA!

 

AIA MA KAHI

 

LEWERS & COOKE.

 

(O LUI MA)

 

ma ke kahua kahiko ma alanui Papa a me Moi.

 

E loaa ai

 

PAPA NOUAIKI

 

o kela a me keia ano.

 

a Pani Puk a, Na Puka Aniani, Na Olepelepe Na Pou, Na O a, Na Papa Hele, Na Papu Ku, A me na Papa Moi nui loa

 

Na Pili o na Hale o na Ano a Pau

 

Na Pepa Hoonani, Na Pena o na Wai e pau Na Kui mai ke Nui a ka Makalii, Na Ami Puka, Na Ami Puka Aniani, Na Ami o na ano a pau, Na Aila Pena, o kela me keia ano Na Aila Hoo.  maloo, he lehulehu wale, Na Aila e ae o na ano a pau.

 

NA WAI VANIKI

 

A ME NA

 

WAI HOOHINUHINU NANI !

 

O NA ANO A PAU 1OA.

 

NA BALAKI ANO NUI WALE.

 

A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana.

 

NO KA

 

UKU HAAHAA LOA.

 

E likeme kamea e nolo ana mawaena

 

LAUA a me ka MEA KUAI.

 

HELE MAI E WAE NO OUKOU

 

HOOLAHA KUMAU.

 

Kakela a me Kuke

 

HALEKU  NUI O NA WAIWAI.

 

E laa na pahiolo, koi hole,

hamale, koi nui a me liilii, kila,

wili puaa, rula, apuapu, kui o na ano,

a pau, kala kaa, hao hoopaa puka

 

pohaku hoana, kepa, lei ilio, kau-

la hao ilio, paha, upa, pahi umiumi.

kalapu, kope hulu, pulupulu, oepa ka

lakala, lina hao ami, keehi, a me

 

KAULA OPU

 

Palau o na ano a pau,

Oo, ho, kopala, pe, kipi-

kua, hao kope, au ho a pe

a aku, kua bipi, lei bi-

pi, kaula hao bipi, uwea

pa, uwea keleawe, hao pili

piula, kaa palala, ipuhao, ipu ti

 

PA-PALAI, MAKAU ME KE AHO

 

Ili wai, papa holoi, kopa ala, kaula

kuaina, hu’akai, ehi wawae,

hulu pena, a pela aku.

 

Pena wali, kini nui a me liilii o na

ano a pau, me ka pepa kuhi

kuhi, pena keokeo, aila

pena, aila hoomaloo,

vaniki kaa, a me

vaniki moe,

 

PENA HOOMALOO

 

a me aniani hale

 

AILA MAHU, AILA MIKINI, AILA HAMO

 

AILA KAA, NIKA KAMAA.

 

PAUDA, KUKAEPELE, KIANA PAUDA, UIKI IPUKUKUIONA ANO HE NUI A LEHLEHU.

 

LOLE MAKEPONO

 

E aa na

 

AHINAHINA, KALAKOA, KEO KEO, LEPONALO, HULUMANU UWE-WAHINE, KUI HUMUHU MU, A ME KA LOPI.

 

Ke Kuika e loaa no ia ma kahi

 

Kakela & Kuke!

 

NA MEA PIULA

 

Mikini Humuhumu

 

Makini a WHEELER a me WILSON

 

MIKINI WIILOKE @@@@

 

NA MIKINI A

 

REMINGTON

 

He nui loa na mea hao me na ukana ae o na ano a pau, aole hiki ke hai pau ia aku, hewa i ka wai na maka ke@ke

 

Laau Lapaau Kaulana Loa

 

A DR. JAYNE.

LAAU HOOMAEMAE KOKO LAAU HOOPAU NAIO, LAAO KUNU, PENIKILA, HUAALE PAAKAI, LAAU HOOPAA HI,

 

Me na Laau Hamo a Pela ‘ku.

 

Kakela me Kuke