Ka Nupepa Kuokoa, Volume XXVI, Number 13, 26 March 1887 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Ka Nupepa Kuokoa

paiia e TH@S G THRUM ma ka Halepai o ka H@@ "P@@SS PUBLISHING COMPANY," kee@@ H@@@@@p@@ ma na kihi o Alanui Moi@@@@@@ N@@@@.  E@@ @@@aia mai na Olelo Hoolaha ma @ K@@@ Hooponopono mamua ae o ka ho@@ @ ka @@ @ @@ o na Poaha a pau.  Aole e @@ 222 22 Olelo Hoolaha ke laweia mai @a@@@ @ @@@ @@ i hookeia maluna.  E hoo@@@@@@ ana makou i keia @ula maluna.  E ho@@ mai na lela a pau a me na kauoha me ka @@ p@@a ia KA NUPEPA KUOKOA @a H@@@@@ I@a e loaa pono ole aku keia @e@a @ @@@@@ lawe, e hai mai me ka hakalia @ e i k@@a K@@@.  O ka @@@ keia pepa e haawi ai i kona @ @ @@@ @@@mi keo@@a no ke dala, koe ka @ @@ K@@@ @@@@ a me kekahi mau apana @ ka @@ @@ @@@@@ i ka halihali ana i ka @@ @@ e m@@ @@@@@, e hooiia ka uku luna. 

 

Kela me Keia

No ka loaa ole he kowa kaawale no @ kahi k@m@manao i ake ia e hoopuka ae mai @ a loaa he kowa kaawale.  E @@@@ ia aku ana keia manao waiwai.  @ @@@ e H. K. o honomalino, Ko@@ H@@@, Hawaii.  E hai mai i kou @@ @p@@@ me na hooia oiaio, i hoopu@@ ka@ @e@a i hoouna mai nei.  Oia @@ @@ o ka pepa.  A owai hoi oe e K@@aku@opuo.  E hai mai i kou inoa @ @@ poho ole kou luhi.  @ @@@@pu a wale mai no kekahi ma@@ ka o ko kakou alo alii nei, e hoea @@@ ana ka moku manawa maoli o Hawaii nei iloko ae o keia mahina p@@ @ a @ ole i na la mua aku o kela m@@@a.  Oia ka moku nona ka huina @@ a @ @s,ooo i hoounaia aku nei e ka@@@@ @a@ani. He wahi aha keaka hika hoolealea ka kekahi puulu kamalii liilii i hamo a pae@e i ka nanaho malalo o ka malu Kiawe ma Huehue ma Waikiki iho o kahi a ka hui Kinipopo Hawaii e hoomaamaa nei.  Aohe uku komo, he hele aku no a nana; ma e makemake e @@@aka he kenikeni ko ia.  I ke kakahiaka Poalima la 11 o keia mahina ma ka uku lae laau Kalai waa Mokuoniki, Kahalii, Hilo, ua hemo mai ia kekahi koe huluhulu loihi mai ka waha mai o Mr. G. H. Wailani nona ka loa he 9 inaiha.  He ku i ka hoomak@@k@u ke ike iho i na helehelena o keia kupuino o@no koko.  Ua lohe ia mai aia he halekuai opiu@ a malalo aku nei o na pali Koolau o Oahu nei.  Ke hoopua liilii aku nei keia kupuino hohono maea a kinai ola maikai o ke kanaka.  Ua lohe hou ia mai e kukulu hou ia aku ana no na mokapuni aku nei kekahi o keia ano hale k@a@ l@@u make.  Na ka makamaka Hiuea Jr. mai keia @@@ou o Kipahulu, Maui, penei:  Ma @@ahi mau po aku nei ua hele huli aku i Keaomoku i kekahi o kana mau kaikamahine, oiai ua heo aku la me "Hi@@@a@@," a ua nalowale.  He keu no @@ ka hana lapuwale a keia ano keiki a haole i ka makua; i loa no kaa heu a@ka h@lu i ka eheu, o ka lele aku la @@ @@@ pau ka pono o ka makua. He elua mau waa me na kanaka o @ @@ i holo aku i ka lawaia ma ka Poa@@ nei, no Kawaihapai i Waialua ae @@ i ka hoi ana mai o ua mau waa ia, ua p@nia ke awa e ke kaikoo.  Ua hooikaika e pae maalahi, a ua pau nae na waa i ka hulihia.  Au aku nei na kanaka no ka aina a ua palekana lakou, a koe hookahi kanaka ua nalowale loa, he elemakule; aole i loaa iki a hiki i ka wa e puka aku nei keia lono. 

Aole loa makou i mahalo i ka hana a kekahi makai a me kekahi lima lawelawe o ka halewai i ke aumeume ana i na nupepa mai na keiki mai oiai lakou e haliali ana me ke keena a hoopuka aku ma ka Poaono i hala.  O ko olua h@@ ana pela he hoao ana ia e kaili ae i kahi ai a me kahi @a a kekahi, a i mea e lawe ai ko olua makemake nupepa, e hele mai ma ke keena o keia nupepa e uku no ka olua pepa aole ke aumeume.

Ua hop@ia iho nei ka poe walaau o ka hale auau Kapiolani e ku nei ma kakaako i ka po Poaono i hala.  Lehalehu loa ka poe i hopu ia mai na kane a na wahine:  he poe opiopio wale no a me kekahi mau haloe opio kulana hanohano o ke kulanakauhale nei.  Ua @@pa pu ia ka mea malama hale no kaapono i na hana hoohaunaele a me ka hoolako pu i na waiona.  He mea hilahila no keia pepa ke hoaiai aku i na inoa ma ke akea, aka nae he wahi kum@ao maikai loa ia no lakou.  A keia pule ae e hookolokolo ai keia hinia. 

Na kekahi makamaka i hoike mai keia n@hou ia makou:  Oiai hoi ma kekahi mau po aku nei i hala, ua hop@ia iho la kekahi kaikamahine opio maluna o ka lio no ka hoopilikia i ka wa hiamoe o kekahi poe ma ka holoholo ana i ka lio me ka halulu o na kapuai wawae, a o keia wahi i hopuia ai ma ke alo iho no ia o ka pa hoomalu limahana ma Kakaako.  I ka hiki ana nae i ka halewai, ikeia iho la he lio keia no kekahi o na makai lio e hele nei i ka po.  Ua ninau ia keia kaikamahine e pili ana no ka lio, a ua hai oia na kela mak@@ no i haawi aku iaia i mea holoholo.  I ko makou wahi Kimo hoi i ninau aku ai, hookapeke iki mai ana kela i ka puka liu-eia ka pele iho la.

O ka Poalua iho nei ka la hoomanao la hanau no ka piha ana i ka Emepera W@@ima@o Germania na makahiki ke 90.  Ua malohia na hana hoomanao ma ke kulanakauhale nei me na manao ohohia no ka ihihi o ka la hanau:  E ola loihi ka Emepera.

Eia ke hoikeike ia nei ma ka ipuka aniani o Mr. Hewett he kinipopo g@l@, he makana i ka hui kinipopo nana e kaili ka inoa moho o keia kau paani.  He makana keia mai a Mr. a me Mrs. C. A. Brown o keia kulanakauhale.  Imua e "Hawaii" a niniu ia makana nau

He mokukaua Rusia kai komo mai ma ke awa o Kou i ka Poaha nei, nona ka inoa o Vi@a@.  Mai na paemoku Makuisa mai nei oia, iloko o na la holo he 15.  E hali ana oia ma kona oneki he 14 pu a me 344 kanaka.  Inehinei iho la ka haawi ana o na aliimoku he ike alii, a ma kekahi lono i loaa mai, e holo koe aku ana oia no Ipana i keia la.

Ua lohe mai makou i ke kakahiaka o nehinei no ka hele ana aku o kekahi kanaka no Waialua e hoopahu ia me ke giana pauda, a ma kona lawelawe hemahema ana, ua apahu pu ia ae la kona lima me ka manaonao.  A ka wa hea la e naauao ai na kanaka lawaia o keia ano?  He poino no ke kino e loaa ana, a he hehi ku hoi i ke kanawai o ka aina.

O Kolonela M.  Thompson (Kamikana), kekahi o na lala loea o ka Papa Loio Hawaii, ua makaukau e hoakaka i kona manao kanawai ma na mea a pau e waiho ia aku ana imua on a, a oiai no hoi he alakai waiwai loa keia i ka poe a pau i pohihihi ma na kanawai ke ulu mai ia mau mea.  E nana ae i kana hoolaha ma kekahi kolamu o keia pepa. 

 

Ka Heana o ke Daimonio.

E ke Kuokoa:  Ma ka la 13 o keia mahina oia ka la Sabati, ua ike aku la au ma kekahi hale kumakahiki o Waikapu nei he aha kanaka nui mai na kane wahine a me na keiki e pepa pili kukaepele ana a me na kenikeni pu kekahi o ka lakou mau pakeke.  Pela mau ka lakou mau hana i na wa a pau, a he keu no hoi keia a ka pa hana hele ole i ka pule.  Ua hakahaka ko makou luakini o Waikapu nei i keia wa, a i ahona i na keiki kula.  O ka hana nui a keia poe o ka holoi lole i ka la pule, ka ohi wahie, pepa, inu awa a me ke puhi opiuma i na la a pau, me ka ike ole mai o ka haku hana i keia mau mea e lawelawe ia nei ma kona pa. 

J.  WAILAAHIA.

Waikapu, Maui.

 

Ka Hui Paele Honolulu.

E wehe hou ana kiea hui paele hoomakeaka i ka lakou mau hana hoakaaka maloko o ka Hale Mele hou i keia ahiahi.  He po le'a ana keia e nanea ai na pepeiao i ka nanahe leo  o na puukani Hawaii e kaulana nei i keia mau la, oia ka Hui himeni Kawaihau.  E panai ia mai ana na leo mele hoolealea o ka Hui paele Honolulu a me na hoinau e lo'u ai ka aka a mamae na iwi aoao.  He mau hana e iho no kekahi e moe kokolo ai na noonoo iloko o ke pohihihi o ke ano kupanaha i wae maiau ia e ko lakou mau noonoo noeau.  E hoikeia ana i keia po kela pualikloa kaulana i kapaia "Skidmore Guard."  E naue ae e ike kumaka.

 

Ka Makua me ke Keiki

Iloko o kekahi mahina i hala aku nei, ua holo mai la kekahi makamaka kahiko o Hawaii nei mai na aina e mai mahope o kona nalo ana no kekahi mau makahiki loihi;  eia oia ka Rev. E Bond o Kohala.

Me ka maopopo ole i ka makua e hiki mai ana kana keiki , a iloko o ka palaka pu, hoea ana keia haole ma ka home o Rev. Bond ma Kohala.  Lulu lima iho la laua me ka manao o Bona he malihini keia kanaka.

"Malilhini oe,"  wahi a Bona.

"Aole he kamaaina no au, aole au he malihini," wahi a ke kamahele.

"Kahaha! he malihini oe ia'u," wahi hou a Bona. 

"Aole au he malihini," wahi hou a ka pane.  " He kamaaina no au, no ka mea no keia hale no au."

"Pehea i maopopo ai no kiea hale oe?" wahi a Bona.

Pane aku la ke kamahele me ka leo malie: 

"Owau no hoi o Li Bona."

Mao ae la na hiona hoohewahewa o ka makua a apo aku la i kana keiki.  O Mr. Li Bona keia o kana keiki i hele aku i na aina e no ka imi naauao, a i noho loihi malaila mai kona hemo ana ae mai ke kula.  Eia hoi kona hui aloha hou ana me kona makua iwaena a na p@pa leo pu ana, a ma ka mokuahi Australia o ka pule i hala i hoi hou aku ai oia no Amerika.

E hoike ana kekahi lono mai Parisa penei:  Hookahi wale no mea nui i manao wale ia e heoko ia ana ke kaua mawaena o Farani me Germania, oia hoi ke kauoha ana o Generala Bulona, ko Farani kuhina kaua, e hana ia i mau tausani poka pahu ano hou loa:  a me ia mea oia i hilinai loa ai okna manao aohe enemi kupua imua on a a hiki i ka hopena. 

 

Hai i ka Oiaio.

E ke Kuokoa:  Aia ma kou helu no i ike iho ai au i ka pane kohu ole a Elena Naleilehua, na kaikamahine a Sabati ia'u, e olelo ana he hoopunipuni.  Eia mai na kalo paa o Waiahole e wa@ ai na auwae o na kakamahine haalele makua a Sabati laua o kekala.  Eia mai ka oiaio.

Ma ka la 12 o Dec. i hala aku nei, make aku la o Kaluai ka wahine mare hope @ Sabati, ma ka la 14 mai, hoi aku la o Elena me kana kane me na keiki i Hauula, ma ka la 17 hoi, hele aku la o Naleilehua me kana kane a noho i Hauula, noho hookahi wale iho la no o Sabati i ka hale, e nui ai ka waha i ke kahea i ka no me ke ao, e kokua, e kokua mai ia'u; hele aku la ka poe kokua, hala ae la ia kahea ana, pela aku ana, aole ua mau kaikamahine nei aia no i Hauula kahi i noho ai, ke palolo mai nei ka waha he hoopunipuni au, o na kanaka a pua o Hakipuu ko'u hoike.

Ke olelo mai nei, na laua no e malama nei ko laua makuakane, he hoopunipuni elua ia, o ke Kahunapule o Waikane a me kana wahine ka hoike. 

Ke olelo mai nei aole kanaka o Hakipuu i kahea ia o Ikepono ka inoa, ke hai aku nei au ia olua, he hoa ai pu no me olua i kahi wa, a me lakou la ea no a pau i kahi manawa. 

Ke i mai nei olua i kuu huna i ko'u inoa ponoi, ae hai aku au i kuu inoa ia olua, heaha ka olua ia'u?  alaila, aole olua i haalele i ko olua makuakane, ike iho nei olua i kuu hai ma ka nupepa, hoi ma nei kahi o olua e malama i keia mau la.  Pane mai nei oula ma ka hope o ko olua mau kalai manao ana, ua lalau au no kuu huna i kuu inoa ponoi ina e nana pono olua i ka hua kumu o Ikepono, alaila, e loaa no au ia olua i ka hapa hope o kuu inoa ponoi.  Owau no me ka oiaio i na wa a a pau. 

IKEPONO.

 

Ka Make Mannonao

E KE KUOKOA:  Ma na hora kakahiaka o ka Poakolu i hala, Maraki 16, oia ka manawa a ka mokuahi Waialeale e hoolele ana i kona mau ukana ma ke awa o Kilauea, Kauai.  Iwaena o keia mau ukana e hoolele ia nei, ua huki ia ae la kekahi pahu huinaha i piha me ka hao o loko no ka hui mahiko o Kilauea.  Me ke kaumaha nui maopopo o keia pahu e hoomolio pono ana i na kaula a me na palaka, ua pi@ malie ae la ia a lewa maluna o ka papahele o ka moku.  Aia ma kahi kokoke i keia pahu kaumaha e kau nei, e ku ana he elua mau luina o ka moku a me ka malamamoku, he haole ia; a e lawelawe ana lakou i keia pahu no ka hookuu ana iho iluna o ka waapa oiai e @@na ana ma ka aoao hema o ka moku.

Me ka ulia nae o ka manawa, hapai ae la ka ale i ka moku iluna a hio aku l@ma ka aoao akau me ka nee ikaika ana o keia pahu kaumaha ma ia aoao, a i ka wa a ka moku i hoi hou mai ai no kona kulana mua, oia pu no ka wa i hoi hou mai ai ka pahu me ka ikaika a pa mai la ma ke alo o ka malamamoku, oiai eia e ku ana ma kahi o ka hi@ ukana, a waiho aku la oia ilalo me ka eha nui a me na mapuna leo e puana:  " O dear me, dear me!"  Me ke kaumaha nui na luna i lawelawe ai e loaa he wahi pono nona, aka, ua haki haki kona mau iwi aoao, a ua hoike koke mai no kona mau helehelena i ka uliuli pu no ka hopena mau.  Mahope koke iho ua lawe ia aku la oia no ka aina me ke kamau no o ke ola. 

Ma ke awakea Poaha ae, ka la 17, ikea aku la ka pii ana ae o ka hae o ka Ripubalika nui o ke ao nei ma ka pahu have o ke awa, a i ka hiki ana ma ka hapalua like o ua pahu have la, kau malie iho la, a wehe malie ae la i kona mau hoku a me na kahakahana nani imua o na welau makani, a pu a mai la he leo walohia mai ka aina mai, ua make ka malamamoku i aloha nui ia e na lunina a me kona mau kahu.  He makua a he kauwa mikiaka oia no keia moku i alo loihi ma na kai ewalu o ka paeaina nei, a no kona lawe ia ana aku la e na ulia wale o ka manawa, ua noho iho makou na luina me ke aloha nona.  Aloha no oia.

KEKAHI LUINA.

 

Halawai oki Peu ma Kona-waena.

I ka Sabati la 13 o keia mahina, ma loko o ka luakini o Lanakila, a mamua ae o ka hookuu ana o ke anaina pule, ua heluhelu mai la o Rev. S. L. Desha, mai luna mai o ka awai i kekahi palapala noi.  E hookuu aku na hoahanau o ia ekalesia iaia mai kona noho kahu ana no lakou, no keia mau kumu: 

Ua manao na Luna he kuleana ko lakou e hookolokolo i ke kahu.  No ke kue mau o Kalalele.  (he luna ekalesia) i ke kahu. 

Mahope iho o ka hookuu ana o ka pule, ua noho hou iho la ke anaina e kamailio no na mea e pili ana i ka palapala a ke kahu.  Ua koho ia o S. W. Makaike i Lunahoomalu, a o Keohi i Kakauolelo.  Ua ku mai la o Jno. D. Parisa. Jr, a heluhelu mai la i kekahi mau manao ana i kakau ai.  (1) E hoo pau aku ka ekalesia i ko Kalele noho awa ma ke ano he Luna.  (2) E koho ia o Rev. J. D. Parisa, S. W. Makaike, Molaleie (opio,) Wm.  Higgins, a me Kilinahe i komi@e nana e hoike aku i ke kahu no na mea i hooholo ia e na hoahanau.

Ua ku mai la o Hoomainoino@ he luna ekalesia, a hoakaka pono mai la hoi i ke kumu i ala mai ai keia kuee ana, oia no ka makaala ole o ke kahu iwaena o ke kihapai, e launa aku ai hoi me na hoahanau palaka a imi aku hoi i na hipa auwana.  Ua lilo keia mau hoakaka ana a Hoomainoino he mea pono ole i ka manao o ka Lunahoomalu oiai ua ku mai la oia a papa mai la, a ua ulu mai la he uluaoa iloko o keia wa, oiai na leo e kupinai ana.  Ua noi mai la o Mrs. E Roy, e hoike pono ia ke kumu i ulu mai ai keia ano hana, i manao ai ke kahu e waiho i ka ekalesia.

Ua hoike mai la o John Parisa, aia nae ma kana hoakaka ana ua kamailio ma la oia penei:  I ka wa e noho haiolelo ana o Kamakawiwoole no onei mamua, ua hoohuli oia i ka manao o kekahi mau luna a me na hoahanau, mamuli o kana mau alakai ana, a ina e kaawale aku o Kivini mai keia ekalesia aku, oia ke hoi mai i kahu no onei, (Kamakawiwoole)

Mahope iho o ka pau ana o keia mau kamailio, ua ninau mai la ka Lunahoomalu i ka manao o na hoahanau, ua hooholo ka hapanui o ka ekalesia e apono i na manao o J. Parisa, a ua hookuu ka halawai me ka pule.

E ka Lunahooponopono e;  e nana iho oe i na hana o keia halawai, a ʻ u i hoike ae nei he "Halawa oki Peu."  He nui na mea i koe, aka, no kahi wa aku.

Mr. HELBLOA.

Kainaliu, Kona, Hawaii

 

Na Mea Hou o Punanamoa.

E ke KUAKOA:  Ma ka Poaha Maraki 10, oia ka la i komo ai ka hoopii a Kane kela keiki i hili ia ai i ka uwepa, a ma ia la no i ki@ mai ai ka makai i kela paniolo hookano oia o Joseph Frank, ka mea nana i hili o Kane me ka mana ʻ ona ʻ o, a kaiehu aku la iaia no Honokaa, a ma ka Poaono ae o Maraki 12, oia ka la e hookolokolo ia ai o ua Paniolo nei, a hoahewa ia e ka mana o ke kanawai ma ke kopi ia ana mai i na puupuu paakai he 25 dala a me hookahi i-a kaulele no ka lai.

Eia ka mea hou a makou i ike ai mahope iho o ka hoopai ana o ka aha ia Paniolo, ua komo koke aku la no ka hoopii a Paniolo, malalo o ka olelo a kona haku Nukilani, oia o W. H. Purvis e hoopii ia no hoike o Kane, ma ke ano he hoike wahahee, ia wa no ko Kane Loio i ku ae ai me kona kino palupalu, oia o Mr. Daniel he haole kupa no Hamakua nei, a pane aku la imua o ka hanohano o ka Lunakanawai, penei:  Ma na aha a pau o ke aupuni Hawaii nei, e pili ana no ka mea i ahewa ia e kekahi aha apana paha, a aha e ae paha o ko kakou aupuni nei, aole loa e hiki i ka mea i ahewa ia e ke kanawai ke hoopii i na hoike ma ka aoao o ke alii no ka mea, ua ahewa ia ka mea i hoopii ia mai imua o ka hanohano e ka Lunakanawai ka apana o Hamakua nei mokupuni o Hawaii, ia wa luliluli iho la ke poo o ua Lunakawai hoopilimeai, me kona kulou ana ilalo a liuliu aea ae la iluna, a haka pono aku la ia Hon. J. Kaunamano hupo nui o Kawaapae me ka pane ana aku e J. P. M. L. pehea ka pono he hiki no i ke Paniolo ke hoopii i na hoike ma ka aoao o ke alii, ia wa no i hemo mai ai na onohi maka o ua Hon. J. K. nei me ka hoomaka ʻ uka ʻ u imua o na mea a pau, a pane ae la kona leo hanapilo penei: He hiki no mai na aha apana o kakou nei a hiki loa aku i ko kakou aha kiekie, he hiki wale no aole o ʻ u kanalua, wahi a ua Hon. J. K. nei ka hupo nui o Kawaapae, hilahila maoli keia kanaka hoopilimeai, malolo o na haku mahiko o Hamakua nei, i kumu hoi paha e loaa mai ai on a wahi pai kalo o Waipio hala ae ana ka la pololi, keu maoli no keia o ke kanaka kipi i na makaainana o ka Moi a kipi i kona aupuni a me kona lahui ponoi o ka io hookahi, aloha ole o Hawaii iaia iho, aia oe e Hawaii malalo o Kimo Ailuau ua hiki honi ae pau oe i ka mano

No kela haole Nukilani W. H. Purvis, o kekahi keia o na haole hookano o Kukuihaele nei, oia hoi keia, o kona hookikina i na kanaka Hawaii e hana a oi aku mamua o ka ikaika i loaa i ke kanaka, in a e hapai ke kanaka i kekahi mea kaumaha a makemake e hoomaha, aole e hiki ia oukou ke hoomaha, aole e hiki ia oukou ke hoomaha, in a oukou  e hoomaha, aole e helu ko oukou la, me ka hookikina ana penei, e hana akuoukou e like me na nika o Amerika, no ka mea, ua lilo mai oukou ia ʻ u me ke dala, no ʻ aila, e hana aku oukou a make, pela ka olelo mau a keia haole ia makou iloko ae nei o ekolu pule a oi, hilahila maoli oe e Hawaii e hoohana kuapaa ia nei ma Punanamoa nei, auwe kakou e hookiekie o keia haole Nukilani, mamuli no ia o ka hoopilimeai o J. P. M. L. no ka mea o kona makuahonowai ponoi no ia nana ka ui o Honokaa, a o ka wahine manuahi no ia a keia haole oia o Kaupe.  A ma ka hehi Sabati o keia pa haua ka oi, ka hana i ka la o ka Haku, oia ka hana ana i na hawai lawe ko i na la Sabati a pau, eia nae, palaleha na owau o ke aupuni aole makaala.

James Kapahu.

 

Ahahui Euanelio.

E noho ana ka Ahahui Euanelio o ka mokupuni o Kauai nei ma Koloa, ke hiki aku i ka Poakolu elua o Aperila, la 13, hor:  10 A. M.  Ke kauohaia aku nei na lala a pau o keia Aha e hele nui mai me ka makaukau me ka oukou mau haawina.  J. W. KAAPU,

Luna Hoomalu.

Hanalei, Kauai, Mar. 18, 1887.

 

Ahahui Kula Sabati.

E halawai ana ka Ahahui o na Kula Sabati o Maui Komohana ma ka luakini o Wainee ma Lahaina, ke hiki aku i ka Poaono mua o Aperila la 2, 1887, ma ka hora 10 A. M. Nolaila, ke paipai ia aku nei na kahukula e hana i na hoike no na hapaha elua, no ka mea, aole i noho keia Aha i Ianuari i hala.

SAMUEL L. KALAOLA,

Kakauolelo,

Honokohau, Maui, Mar. 17, 1887.

Walaau ka Manu He i-@ o lala.

E Ke KUAKOA:  Ua ike i ka pane a Mr. J. J. Manuhoa ma ka nupepa Pae Aina, malalo o kekahi kumu manao e hoike okoa mai ana i kona makawelawela loa ia'u no kuu hoopulelo ana i ka inoa o Damiano ma kou kino uwila anapu i na moku o ka la 26 o Feberuari i hala no ka oiaio.

E kuu hoa@loha Mr. Manuhoa, i ole ai kaua e hoopiha nupepa, ke noi nei au i kou oluolu e halawai kino kaua a e papa leo hoi imua o kekahi anaina komite paa rula i apono ia e na aoao a elua, a o ka lakou olelo hooholo ke apono ia a hoolaha aku imua o ke akea.  Nau e hoike mai ka la, ka hora, ke kumuhana a me kahi e paio ai, ina paha ma ke@akea a ma ka leta paha, mahope iho o keia puka ana o keia hoolaha, a ma ke ano hoi aia oe ma ka aoao o Mr Damiano, @ aia hoi au @ i ka latitu o Ladana.

Ke hooko ole oe i keia maiuna ae, alaila ua ko ko'u aoao a o kou mihi ae ka pono i ke akea; a i ole loa pela, alaila e kukulu paa no au i ka oiaio o ia manao i hoopukaia i ka la 26 o Feberuari i hala maluna o ke poo o Damiano a me oe pu a hiki i ka lua pa-u.  Me ka oiaio.  PETERO HOKUKANO.

Pilemona, Kalawao, Molokai.

 

E pane au o pono ai.

E Kuu KUAKOA Oiaio; Aloha oe:-

Ma kekahi o kou mau helu i hala ua ike au i kou auamo hele ana mai i na olelo oiaio ole a ka mea i loaa ka hohe wale, nona ka inoa hookamani i ike ole ia ma Hilo nei oia o J. S. K. Ailana, o kona huna ana i kona inoa oiaio, he hana ia a ka hohe wale, aole no hoi ia he hana naauao imua o mau kolamu@ Eia kekahi o na olelo pelapela loa i hapala ai maluna o kou kino, ua olelo ia he nahesa au no Hilo nei, a he hana pono ole a ua hoohaumia au i ka'u moopuna, o keia hana ana a ke kanaka keoimana ole ua hoike oia i kona manao ino maoli, o kau e olelo nei aole ia me a'u aole no hoi au i hana i na mea e pono ole ai ka noho@na.

Keolelo nei oe a ke hapala wale nei me na inoa hakuia e ka manao lili.  E olelo ana "he hoola au" a he "nahesa au" he pono ole, a pela aku, e hai aku au ia oe, mai hana oe i ka mea i loaa i kou kulana o ke ano naaupo.

"Ua ike au ia oe."

J. W. KALAHOOUKA.

M.  THOMPSON,

LOIO MA KE KANAWAI.

Keena Hana, aia iluna o ka Hale Pohaku o Kimo Campble, kihi o na alanui Papu me Kalepa, Honolulu.

Ina i makemakeia, alaila e haawi no oia i kona manao kanawai ma ke kakau ana ma ka pepa, no ke ano o ka hihia e manaoia ana e hoopii maluna o na olelo ike e waiho ia mai ana e ka mea nana ka hihia.  2121- Iy.

 

 

D. B. WAHINE

LOIO MA KE KANAWAI IMUA O NA

Aha a pau o keia Aupuni.

He Luna Hooiaio Palapala Kepa ma ka Apana o Hilo.

He Luna Haawi Palapala Mare no ka Apana o Hilo.

 

COSMORAMA.

(HOIKEIKE KII.)

He heluna nui o na kii nani mai na wahi a pau

o ka honua nei ke hoikeike ia ana mamuli

o ka malamalama ikaika o ke kukui

kupua hooleleaka, ma ka hale

i kapaia ma ka inoa

 

ASTOR HOUSE,

ALANUI HOTELE

MA KELA ME KEIA AHIAHI

Hora 7:30 P. M.

E hemo mau ana mai ka hora i a hiki i ka hora 5 o kela me keia la.  Uku komo he 25 keneia. - 2119-3m

 

HALE PAIKII ALANUI NUUANU

I WEHEIA NO EKOLU MAHINA.

MAHOPE IHO O NA HOOPONO PONO hou ana i wahi e loaa ai he wa maikai no kela a me keia e hele mai ai e pai kii no lakou iho ma ka uku oluolu, ua hoopaa iho makou e hoolako aku i ka poe a pau e like me keia malalo iho:

Kii pepa - 6, no $1.00.

Kii lako hale, lumi, hale a peia aku - 3, no $1.00.

Kii nui 8x10- 1, no $1.00; a i ole $8 no ke kakini.

Hoomaemae a hoolele hou ana i na kii ka hiko, ma ia uku hoohahi no.  Hookahi kii pen@ 8x10 a me ka laau, @e $6.00.

H. A. LUSCO MB.

Helu-Alanui Nuuanu.  -1116-11

 

HOOLAHA KUMAU.

WILLIAM C. ACHI

Loio a he kokua ma ke kanawai imua o na Aha a pau o keia Aupuni.

He Mea A@@ Aina a he Boroka ma na waiwai pea.

Keena Haoa. Helu 15. Alanui K@@h @m@@ Honolulum oia ke Keeoa m@@ iho nei o Kini me Pete @@@. -2114-y

 

W. AHANA. KELA NUMUHUMU LOLE

Mea hana i na lole hou ma na paikini mai kai a p@@ a me ka hoomaemae hou ana i na LOLE KAHIKO.

2089-6@

 

FRANK GERTZ

MEA KALEPA A@LAWELAWE HANA MA

NA ANO KAMAA A PAU NO NA

Wahine, Kaikamahine a me Kane.

Na kamaa @@ti a me na kamaa haahaano na keiki kane a me na kanaka makua, o na ano p@@ina hou loa

2084-6@

 

WILLIAM McCANCLESS.

HALEKUAI BIPI O WILIAMA MA KALALENA ma Ulakoheo.  Na ano Bipi a me na Ia a pau o ka makeke no na kumukuai oluolu.  Uala Kahiki a pela'ku.

2092-1y.

 

MRS. THOMAS LACK,

HELU @1, ALANUI PAPU.

MEA KUAI A LAWELAWE I NA Mikini Humuhum@ na Aahu, a nui wale Aku HE AGENDA KUAI NO NA MIKINI

White, New Home, Davis, Crown, Howe, Me Florence, Na Kui Mikini o na ano a pau a Howard, Na pepa ana lole o na ano a pau, a me kela keia mea

NA LOPI MIKINI A KALAKA.

HE AGENDA KUAI I NA

Pu Raifela, Pu panapana, Pu ki manu, na Poka, Lu, Pauda, Kukaepele.

NA KAPUAHI AILA MAHU

Mai ke nui a ke liilii.

Ma ka lawelawe nui ana o'u i ka hana lima akamai o ka oihana hana pu a pela aku, u makaukau au e hooko kaulua ole i na kauoh a pau.

O na kauoha mai na mokupuni e hookoh@ia.  - 2082-1y.

 

HOOLAHA KUMAU.

 

Ka Waiwai o ka Hilinai

Ka Ayer Laau Sasaparila, kai kaulana a hilinai nui ia no ka hoomaemae koko, ma na wahi a pau o ka honua, he aneune 40 ma kahiki i kala ae nei, a ua lawelawe nui ia hoi iwaena o na oihana lap@au.  O keia

LAAU SASAPARILA, no loko ae ia o ke @ Sasaparila Hone@u@a maoli; ua loaa ka mana hoomaemae ma o ka hui pu ia ana me kekahi mau @@ laau a ae, a me kekahi mau mea no loko o ka honua a me ka hao.

HE koko inoino a nawaliwali anei kou? Ua a wili pu anei me na wai awaawa hoopeha Na keia

LAAU e hoomaemae ia mau mea ino a pau, a maikai.  O na kauka lap@au a pau o Amerika i ike i ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai i awili pa ia, aka o keia wale no.  No ka

HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae  O ke

KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana keia LAAU SASAPARILA AYER.  He maslahi a he

MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na ma'i, hoomomona hou ana i ke koko ino, a me ka hooikaika pu i kona holo pono ana ma na @.  He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.

A HILINAIIA no ka ikaika kupono o ke ola kino, in a ka maemae ana o ke koko, hoomake pu ia na ma'i, a pela aku.  He nui na laau hoomaemae koko i hoolaha wahahee wale ia malalo o na inoa lehulehu, aka, o na hilinai a me na hoo@ wale no a ke ao holookoa, maluna o ka

Ayer Laau Sasaparila.

I HOOMAKAUKAU A E

 

Kauka J. C. Aver & Co., Lowell, Mass.

 

Hollister & CO.

Na Agenda ma ka Paeaina Hawaii.

Helu 100-Alanui Papu, Honolulu 

2086-tf

 

LEN SING.

Helu 135 Nuuanu Sreet.

MEA HUMUHUMU LOLE

He Mea Hana, Hoomaemae a me hana hou ana i na lole kahiko. - 2109-5m

 

WOLFE & CO.

Mea Kuai i na Ano a pau o na Mea

AI, HUA AI, O NA ANO A PAU.

Eke Palaoa, Berena, Waiu Bata, Berena manoanoa, Berna huinaha, mea ono, o kela ano keia ano; Ko paa, Kope, Ti, Aila mhu, a me na ano a pau.

Helu 66, Alanui Hotele, Halekuai mua o Lewis & Co

E loaa koke aku no na kauoha a pau loa me ka hakalia ole, a me ka maikai o na hoomalu ia ana.  E hooko ia na kauoha o ke kulanakauhale nei me ka hikiwawe ma na ka me ka uku ole.  O na kauoha mai na mokupuni, e lawelawe koke ia.  - 2085-6m

 

Nuhou! Nuhou! Nuhou!

AILA MAHU MAIKAI!

HOOKAHI DALA WALE NO NO KE

KINI AILA HOOKAHI!

E kuai pau ia aku ana no ka nui loa o ka aila i keia manawa.

E AU E NA MAKAMAKA! E AU!

E kipa ae ma ka halekuai o

Kakela me Kuke.

 

 

B. F. EHLERS & CO.,

PAINAPA

Poe Kuai i na Ano Lole a Pau.

Helu 99 alanui Papu.- Honolulu.

E loaa mau ana na lole hou o na ano a pau maluna o kela a me keia moku.

1085-2