Ka Nupepa Kuokoa, Volume XXVI, Number 9, 26 February 1887 — Page 2
| This text was transcribed by: | Tracy Bayne |
| This work is dedicated to: | My Grandmother, Kimiko Oshiro |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
No ka Makahiki..................$2.00
No Eono Mahina..................1.00
- KUIKE KA RULA -
Poaono .... Feberuari 26, 1887.
Ke Kuikahi
E hoike ana na lono na aina e penei: Wasinetona: Feb. 12 - "Ua hiki mai ka ona miliona Spreckels ianei i ka Poaha e nana i ke kuikahi panailike Hawaii. Ua hooholoia iho nei keia, a eia ano ma ka lima o ka Moi Kalakaua no ke apono. Ua lawelaweia ke kuikahi iwaena o ke Senate ma o ka maunu nana i alako ae i keia hana iloko o ka poai o ke apono ana, na keia aina ka hoohana ana i ke awa o Puuloa, me na hoolilo pu he $10,000,000 no ka hookahua ana. He mea maopopo aole no e ae ka Senate i keia kuika@i panailike ke ole keia hoaka ia ana ae nei o keia maunu momi.
"Aole no hoi he kanalua ana maanei no kekahi wa, ua hoea kaokoa mai keia kumuhana mamuli o ka nune no ke kopaa, a he mea hauoli hoi ia i ke alii ka Moi e apo mai ma ke kulana e hooloihi aku i ke kuikahi; aka, he mea pono i ka Hale e haawi i na hooia mamua o ka lilo ana i kanawai. Keia iho la na helehelena i lawelaweia e na loio o ka Hale. Ko Spreckles hiki ana mai maanei, he hoike ana ia i ke ano o kona ake e hooia ia ke kuikahi e ka Hale. He kue ko Louisiana poe mahi i ke kuikahi, a ke manao nei ko laila mau lala iloko o ka Hale he hiki ia lakou ke hoopio i ka hooholo ana e hooia. Ma ke ala o Nu Olina mai nei o Spreckles, kahi i manao wale ia ai ua launa kamakamailio aku oia me ko laila poe hana kopaa.
Ka Opiuma.
Ua hooleleia mai no Honolulu nei he kanaha tausani uni opiuma i ka Poakahi nei; pela na hoike. He opiuma keia malalo o ka mana o ke kanawai hou i hooponopono ia iho nei e ka ahaolelo. O keia heluna mahuahua o ka opiuma i hoopae ia mai nei, aole he mea kanalua no na noonoo ke hoomaopopo iho e mahuahua pu ana ka poe e ilihune ia e keia kupu ino hou o ka aina. E lehulehu ana na kino kanaka ola maikai a puipui i hookolila ia e ka opiuma, a e maea ana ka hanu aala a me ka ea maemae o ka aina o Hawaii me know uahi polopolona. Heaha la ke ano nui o keia au hooponopono aupuni ou e Hawaii? Ua nele anei i na hana hoowaiwai e ae o ka aina i oi palua a pakolu iho ka maemae i ko keia opiuma kinai ola maikai? O keia iho la anei na panai maikai no ka makia o ka aina a kakou e pai nui nei "E hooulu i ka lahui."
He mea hilahila ka puana ae ia mau huaolelo maemae o ka makia ke hoomanao pu iho, ua awili ia na hoao ana e waiwai ka aina me na mea e hoemi hope ai. Aole ma ka hoole ana iho he hana waiwai ole ka hoopukapuka opiuma, aka, he nui ke dala e loaa mai ana. Nowai nae ia dala? Aole anei no ka poe hoopukapuka, ka poe kakaikahi wale no? O kou Waihona Aupuni e loaa ana he dala no ka opiuma, a o ka poe hoi i hoilikole ia no ka opiuma, ehia tausani dala e lu hou ia ma ko lakou mau pakeke i hoolawa ia ai ka hune a e hoomomona hou i ko lakou mau kno i hookolila ia? Ke waiho malie nei makou a na ke au o ka manawa e hooia mai.
O ka haawi akea ana i ka opiuma iwaena o kekahi poai lahui he koko, he io, a he mau iwi a he uhane iloko o lakou, a hoohaiki i kekahi poai lahui e like me ka hoakaka a ka pauku mua o ke kanawai hou, ma ka noonoo hea i hana ia ai pela? No ka hoomaopopo iho anei he mau hopena ino ke halawai mai ana me lakou no ka opiuma? Ina pela io, alaila, heaha ka lahui i haawi ia aku la nei mea ino - he opala anei? Ina he aloha iloko ou nou io ponoi iho, pela oe e aloha ai i ka hoa launa.
Heaha hoi ka manao nui o ka hoohaiki hapa ana @a ke kanawai a nookoe aku i wahi puka e komo poholo pu ai ka lahui i papa ia e omo like i ka uahi opiuma? He kaulike paha ia. Nolaila, aole ma ka manao iho ua lawalawa ia ke kanawai a oolea, aka, ma ka manao ana e hoolilo ia ua kanawai la i mea paani wale ia. A he mea oiaio ia. Aole i au wale aku nei na la o keia noho'na aupuni, ua uwai koke ia mai la na hooia ana, eia ke dala ke pahia wale ia nei maluna o na ale o ka moana i mea paani na ka makani. Kona ukali mai, ka hehi wale ia o ke kanawai. A o ka panai o ia, ka poino koikoi o ka lehulehu.
Aohe a makou pane e ae no keia wahi hoakaka pokole, a hookahi wale iho no, e kiola loa ia ka opiuma mai ka aina aku. E minamina i ke ola kino maemae o ke kanaka a e menemene i kona uhane. E maemae ka lahui a e mamao mai na olelo henehene ia: "E ole ke dala opiuma, waiwai iki ae ai ka Waihona Aupuoi o Hawaii."
Ua lawa makou me ka ike i na hopena ino o ka opiuma i hoopukaia mamua aku nei, a no ke aloha a me ka makee i ka pono o ka lahui, e pane no makou make ano laula.
Ke Kula Kamehameha.
Aole i pau na hemahema o keia kula i ka hana ia, oia ka halekula maoli. Eia ke ku nei he hale noho no na kumu o ia kula ma ke kahua, a oia ka mua o na mea a pau i makaukau. Ua lohe mai nae makou e hoomake koke ia aku ana no ke kula ana i na haumana maloko o ka hale noho o na kumu, a hiki i ka makaukau ana o ka halekula ponoi.
O ka hana ana iho la paha ia o ka eleu; o ka malumalu iki ae no o ka hale, hoomaka koke no ke kula. Aohe kaukai aku a ku na hale nani, kalaihi na nihoniho a panio lua kela i ka la. O na huahelu mua ke hana a ku lalani, alaila haliu aku na maka e nana. Ilaila iho la no a moni hewa i ka haae; "Kahaha, i aha hoi ke pani o nei haae moni hewa," a o ka lawe ae la no ia a kipehi iloko, nana hou aku ana ua lalani huahelu hou.
Ka Papa Ola Hawaii.
Wahi a ka nupepa puka kakahiaka P. C. Advertiser o ka Poaha nei: Ua hookohu ia aku ke kama aliiwahine Ka Mea Kiekie Pomaikelani i Peresidena no ka Papa Ola Hawaii, a ua hookohu pu ia keia poe malalo iho i mau lala no ua Papa Ola la, oia o S. M. Mahelona, Kama, Hon. Junius Kaae a me Kahunaaiole.
E hoomanao ia, o keia no ka Papa Ola Hawaii hou i hookahua ia malalo o na hooponopono a me ka lawelawe ana i ka oihana lapaau ma na laau Hawaii, a i hana kanawai ia malalo o kekahi kanawai a ka Hon. J. K. Kaunamano i hooholoia i Okatoba 7, 1886.
Aole a makou inoa e ae e kapa aku ai i ko kakou Papa Ola mua iho nei, aka, o keia inoa wale iho no he Papa Ola Haole" no ka mea ke Papa Ola Hawaii ae nei hoi. No ka holomua o ka lakou ma u lawelawe ana, alia makou e hoike e oiai eia no i ka akahi akahi. Ke hina iki ae nei nae makou a awihi kapakahi aku i kekahi o na lala o ua Papa Ola la, oiai he lauahea wale mai no ka i kioe ae i ko makou mau kokuli a hawanawana iki mai la, aia ilaila ka io, ke ahi, ke aha aku la la - Kahaha, kupanaha nei wahi lauahea.
E HOOMANAO :
Ua paaia iho nei kekahi mau nupepa e ka Luna Leta Nui, no ka nookomoia ana mai iloko o ka Hale Leta me ke pooleta ole. Ina e hoomaopopoia ke Kanawai ma keia o na Luna Hoopuka wale no ka i ae ia no ka hoouna ana i ko lakou poe lawe pepa me ke pooleta ole, o ka lehulehu holookoa ae mawaho ae o ia poe, ma ke pooleta wale no e hiki ai ka lakou mau pepa. Nolalla mai ahewa mai ka poe nana keia mau nupepa i hoouna aku nei, no ka paa ia ana mamuli o k mikiala o ka Luna Leta Nui, e hooki i ka hoomaamaa ana aku o ka lehulehu e kue i ke Kanawai o ka aina e pili ana i ka Oihana Leta o ke Aupuni.
Elizabeth McPhail Warton.
Ua make keia kamaaina kahiko loa o Hawaii nei i ke 74 o kona mau makahiki ma keia ola ana ma ka home noho o kana hunona ka Lunakanawai Hoomalu D. Dayton, a i ke 35 hoi o kona mau makahiki i noho ai ma Hawaii nei. O keia ka makuahine o Mr. Thomas G. Thrum, (Kalamu) o keia kulanakauhale, a wahine mare a kona makuakane Thomas A. Thrum. He wahine keia i kamaaina loihi ma Hawaii nei, a ua nui loa ka poe i ike iaia. O Sekotia kona one hanau, a he kupa no ia wahi. A ma hawaii nei i waiho ai kona mau iwi kamahele. Ma ka wanaao Poakahi kona aili ana i ke aho hope loa a hoi aku la ka uhane ma ka mea nana i hana. Ma ka bora 3:30 o ia ahiahi, ua kai aku kona huakai hoolewa no ka lua kupapau ma Maemae mai ka halepule aku o Peleula. Noho iho mahope nei kona ohana nui e kanikau nona. Pela makou e komo pu ai ma ia haawina hookahi a na ka Mea Mana Loa e hoomama i na luuluu.
He Makana Nui i ko Kalawao.
Ma ke ano he mea hou makamaka ku i ka oiaio, nolaila, ke hoouna nei au iloko o kou mau kolamu kaawale i keia manao ano nui i malihini i ka lahui Hawaii, a he maalo ekahi ana imua o ke kalaunu ou e Hawaii i ke au o Kahikuonalani, no ka pomaikai o ka poe e kilohi ana ia oe, oia keia: -
I ke ku ana mai o Mokolii i ka pule i hala ma Kalaupapa mai Honolulu mai, ua lawe pu mai oia maluna o kona oneki ia hookahi haneri apa lole a oi aku o na waihooluu like ole, no lakou ka waiwai io eono haneri dala a puka aku. O keia mau waiwai ua hoeunaia mai ma ka inoa o U. Damiano, kahuna pule Katolika o Kalawao nei, na na puuwai piha i ke aloha Karistiano o Enelani, a me na opu aloha e ae i manao ai e uhi like i ka hune o na mea a pau i kiko ia e ka Lepera ma Kalawao nei, ma ke ano he "MAKANA ALOHA."
Aka, ia Damiano i haawi iho nei i ua makana la, ua loaa ko kekahi poe, nele kekahi poe me ka olelo mai o Daniano penei:
"Aole loaa ka loke ia oukou no ka hele mau ole i ka pule Katolika, ina e hele, loaa no, huikau no hoi ko oukou noho ana, aole loaa ka lole."
Ma keia wahi i ike iho ai kou mea kakau i ke kapakahi manuia o ka makana ia Keokoi moku, a hewa pu hoi ke aloha maemae o ia poe ia Umiamaka Damiano he okea o loko. Oiai ke pakaukauia nei keia makana aloha o ia poe malalo o ka hoomana Katolika, e piepiele pu mai ana i ka pono Kivila uhane o na mai e komo aku i ka Hoomana Katolika malalo o keia waiwai pau wale i ka Mu. Oiai, he makana ka ka uhane na ke Akua i haawai mai i kela a me keia e ola ana, ma ke kumukuai ole. Aole anei oia ka Petero i oleto aku ai ia Simona kilokilo penei:
"E lilo pu kau kala me oe i ka make, no kou manao ana, e loaa mai ka makana o ke Akua ma ke kala ana," Oih; S:20.
Nolaila, ma ko'u ano he hoahanau Katolika oiaio, ua paa ka manaoio i ka malu a ke ao o Wailuku, Maui, ua kupa a ua kamaaina kulaiwi ma ia aoao (Katolika;) aka i keia la, ke ku nei au a hoi aku i ka hale o kuu makua "Hoole Pope,: ka mea nana i hoonaauao i kuu lahui. Oiai, he minamina wau i ko'u uhane i ke kuai ia me na waiwai pau wale o ke ao nei, a ke waiho nei au i ka hoomana Katolika me ka maikai. Ina hoi e oili mai ana na Palapala Kalahala kuai a ke Katolika i ke au ia Lutela ma Kalawao nei ma keia mua iho, alaila, na'u ia poho.
Me kuu manaolana poho ole, e kapae ole ana oe i keia nanao i malinini i kou alo, a nau e hoike aku puni ka honua. Ua lawa au ianei, aka hoi, i walaau mai ka manu i ka i-a o lalo, alaila, pau pono ke kahua holo o Koianana i kuu Sila,
Owau iho no me ka Oiaio.
PETERO HOKUKANO.
Pilemeno, Kalawao.
Hale pauahi ma Kawaihae.
Ka Nupepe KUOKOA
He mea hou ano nui ka'u e hoike aku nei imua ou, a oia hoi keia: -
Ma ka wanaao poniponi o ka la 9 o Feb. nei, ua hamu ae la na elelo manamana o ke ahi i ka hale noho o kekahi malaila a me ka'u lede. Oiai o Mr. Lelepali ka mea nona ka hale ma ka Waena, he mamao loa no mai ka hale aku, o kou mea kakau nei ma kona Waena kaawale iki mai ko'u aku. I ko'u wa e hana ana, ua ike mai la au i ka punohu uahi e pii ana ma ke kala o ka hale, ma ka aoao akau.
A ia wa au i hea aku ai i ko'u koolua inea o ka hana penei:
Pau ka hale i ke ahi e ! Pau ka hale i ke ahi e !! Ia wa, ua holo olike maua me ka mama me ka manao e loaa he mau wahi pono o loko o ka hale, eia nae aole. I keia wa e a nei ke ahi e pa'na ka makani me ka ikaika loa oia hoi he Mumuku, a i keia wa e a nei ke ahi, he 3 poe iloko oia hoi ka maua mau Eva a me hookahi Bebe. A ia maua i kahea ai mawaho no ka pau o ka hale i ke ahi ua oili mai ka'u wahine me kekahi mau pono aahu a koe aku kekahi; a oia mau mea a pau loa ua hao aku la ke ahi ana ole. O kekahi o laua ua holo me ka Bebe, aole no hoi e hiki ia maua o W. B. Mokuohai ke kii aku i na ukana, oiai, ua a loa ke ahi me ka hikiwawe.
Mahope o kela, ua puka mai na kanaka he nui, aia ka hale iloko o na elelo manamana weliweli o ke ahi, aohe mea hiki ke kokua e hiki ai.
O ke kumu no o keia wahi a kou mea kakau, ua malama ole ia no me ka makaala loa ke ahi koe, (kukaepele) a oia ke kumu o ka poino. A ma ia ahi ahi, ua hele aku na haumana Kula Aupuni e kokua i keia pilikia ma ka mea hiki, a pela pu me na makua e ae.
O ka mea nona ka hale me kana Eva na mea pilikia loa, aohe wahi loki, a wahi mea kupono e ae i koe mai. E kini aloha mai Kumukahi a ka la welowelo i Lehua
"E iki ia kakou hoa kanaka
O kipa hewa ke aloha i ka ilio."
Me ka welina paumako i ke KUUKOA a me L. H. a no na keiki hoonoho hua ko'u anoai nui ana. Kou oiaio.
THOS. S. K. NAKANELUA.
Kawaihae, Hawaii, Feb. 10, 1887.
HOALOHALOHA.
I ke Lii ka Moi, Me ka walohia.
Mamuli o ka lono kaumaha, luuluu, eehia, manaonao a mokumokuahua i pahola iho maluna o ka Nohoalii a me kou ma makaainana.
Ua oluolu i ka Mea Kiekie loa ka uhuki ana ae i ke ola makamae o kekahi Pou-ha-na o ka hale o Kalakaua, Kou Kaikuahine Alii imi Haku i Aloha nui ia, ka Mea Kiekie ke Kama'liiwahine Miriama Kapili Kalikehou Likelike, ma kela kapa o ka lua weliweli o ka make.
O makou o kou mau huna-lep o ka apana o ka apana o Koolauloa, Oahu, ma o ko makou mau komite la.
Ke komo pu aku nei makou iloko o Kou ehaeha e auamo pu me Oe.
Ke kukuli iho nei makou a kikeke malie aku imua o na puka Hoano o ka lani Kiekie loa, e hoomaalili mai i kou noho @ ana.
Pela auanei ke Akua make ole e kiai mai ai i kou Nohoahi a me ka Lahui.
I ka Moiwahine, ke 'Lii-leo-nahenahe Kapiolani.
Mamuli o ka lono manaonao, lihaliha i ili iho maluna o ka lepo o Hawaii.
Ua oluolu i na Kahikolu ka lawe ana aku i ke ola o Kou Muli Alii kekahi kaupaku o Lapauila o ka Hale o Kalakaua, ka Mea Kiekie ke Kama'liiwahine Miriama Kapili Kalikohou Likelike ma kela pea o keia ola ana.
O makou o kou mau makaainana haahaa o na aekai o Koolauloa, Oahu, ma o ko makou komite la.
Ke hui pu aku nei makou iloko e Kou noho paumako ana e ka Moiwahine.
Pela auanei ke Akua lokomaikai e hiipoi mai ai ia oe.
Na Komite. J. Kaluhi, C. N. Kalama, L. K. Kahoino, Moses Nakuaau, S. M. Kinimakalehua, S. N. Kiilehua.
Koolauloa, Oahu, Feb. 10, 2887.
HOIKE MAKAHIKI A NA KAHU
O KA WAIWAI O BERNICE
PAUAHI BIHOPA
I kulike ai me ka hooponopono o ka hooilina o BERNICE PAUAHI BIHOBA i make, e hoakaka ana no ka hoolaha ana aku i hoiki makahiki no ke ano a me ka lawelawe ia ana o ka waiwai, ke waiho aku nei na kanu i keia mau hoike malalo iho no ka makahiki 1886.
WAIWAI LEWA.
Na dala i loaa mai 61,084.39
Na dala i hooliloia 30,952.61
Koena $30,131.68.
Na waiwai lewa e ae e waiho nei mawaho nona ka waiwai io $759.
No na hoike e pili ana i na waiwai paa, e nana ma ka hoike o ka malama o Ianuari 3, 1887, ma ke keena kekauolelo o ka Aha Kiekie.
CHARLES R. BISHOP, SAMUEL M. DAMON, CHARLES M. HYDE, CHARES M. COOKE, JOSEPH O. CARTEH.
Na Kahu Waiwai. Honolulu, Feb. 7 1887.
Ke liuliu nei ke aupuni o Belegiuma i kona palena aina e pili pu la me Farani me na papa a palekaua ikaika.
He kaua hahana mawaena o na koa Italia a me Abesenia ma Masowa i ka la 25 o Ianuari, a ua hoauhee nui ia na Italia. Ua olelo ia mawaena ae o 680 Italia i komo i keia kaua, aole e oi aku mamua o 50 poe i pakele aku. Ehuehu na koa Abesenia.
NA HOOLAHA HOU.
MA KE KEENA O KA LUNAKANAWAI KAPUNI o ka Apana Ekolu o ko Hawaii Pai Aina. Ma ka Waiwai o LONOHEANA no Kohala Akau, Hawaii, i make.
Ua heluhelu ia a ua waiho ia ka Palapala Noi a IOELA (k), e hoike mai ana ua make o LONOHEANA, ma Kohala Akau, Hawaii, iloko o ka M. H. 1866, a ua waiho oia he apana aina ma Hawi, Kohala Akau Hawaii; a ke noi nei e hooholoia na hooilina o keia waiwai: Nolaila, ua kauoha ia na mea a pau i pili, o ka POAKOLU oia ka la 9, o MARAKI, i ka hora 9 kakahiaka, oia kahi a me ka manawa i koho ia no ka hoolohe ana i keia noi, me na mea kue ke hoike ia, ma ka Halehookolokolo i Kapaau, Kohala Akau, Hawaii.
F. S. LYMAN.
Lunakanawai Kaapuni.
Hilo, Hawaii, Feb., 10, 1887.
2117. 3-ts.
MA KE KEENA O KA LUNAKANAWAI KAAPUNI o ka Apana Ekolu o ko Hawaii Pai Aina. Ma ka Waiwai o KEALAIKALANI (w) no Hamakua, Hawaii, i make.
Ua heluhelu ia a ua waiho ia ka palapala noi a GEORGE HARDY, a hoike ana ua make kauoha ole o KEALAIKALANI (w), no Kalopaa, Hamakua, Hawaii, ma Honolulu, Oahu, iloko o ka makahiki 1880, a ua waiho oia he aina ma Hamakua, Hawaii, a e noi ana e hookohu ia o GEORGE HARDY i Lunahooponopono no ia waiwai.
Nolaila, ua kauoha ia na mea a pau i pili, o ka POALUA, oia ka la 15, o MARAKI, M. H. 1887, ma ka Hale Hookolokolo, Honokaa, Hawaii, oia kahi a me ka manawa i koho ia no ka hoolohe ana i ua noi la me na mea kue ke hoike ia.
F. S. LYMAN.
Lunakanawai Kaapuni.
Hilo, Hawaii, Feb., 15, 1887. 2117, 3ts.
I KULIKE AI ME KEKAHI MANA kauai i hoike ia maloko o ke kahi moraki i hanaia mawena o LOUIS MAHIAI me KANEAKUA o Honolulu, mokupuni o Oahu, a me H. R. H. Princiess Liliuokalani K. Dominis, wahine a J. O. Dominis, i kakauia ma ka la 26 o Feberuari 1885, i kopeia ma ke Keena Kope Aupuni, ma ka Buke 94 ma na aoao 81-3. E hoike ana keia hoolaha, e hooko ia aku ana ia mana kuai o ka moraki i oleloia mamuli o ka uhaki ia ana o na kumu aelike, no ka uku ole ia ana o ka ukupanee i ka wa i oleloia, a ma ia hooko ana, e kuai kudala ia aku ana ma ke keena o E. P. Adams & Co. ma Honolulu, mokupuni o Oahu, ma ka POAKAHI ka la 21 o FEBERUARI 1887, ma ka bora 12 awakea o ia la, na aina i hoakakaia ma ia moraki i oleloia e like me ia malalo iho.
No na mea i koe, e ninau ia J. M. Monsarrat Loio ma ke kanawai.
LILIUOKALANI K. DOMINIS.
Mea Moraki mai.
John O. Dominis, kane mare a ka MEA MORAKI MAI,
Honolulu, Ianuari 25, 1887.
O na aina e kuai ia ana, oia kela mau apana aina e waiho la ma Kawailoa, Waialuaa ma ka mokupuni o Oahu i oleloia, nona ka ili he i 77-180 eka he aina kalo a me kula, i oia ka aina i hoakakaia ma ka Palapala Sila Nui Helu 1459. Kuleana Helu 7404 ia Kealohaio. Hoolimalima o ka aia kalo, he $30 no ka makahiki. 2113-4ts.
HALE PAIKII ALANUI NUUANU
I WEHELA NO EKOLU MAHINA.
MAHOPE IHO O NA HOOPONOPONO hou ana i wahi e loaa ai he wa maikai no kela a me keia e hele mai ai e pai kii no lakou iho ma ka uku eluolu, ua hoopaa iho makoa e hoolako aku i ka poe a pau e like me keia malalo iho:
Kii pepa..............6, no $1.00.
Kii lako hale, lumi, hale a pela aku...........3, no $1.00.
Kii nui 8x10............1, no $1,00; a i ole $8 no ke kakini.
Hoemaemae a hoolele hou ana i na kii ka hiko, ma ia uku hookahi no. Hookahi kii pena 8x10 a me ka laau, he $6.00.
H. A. LUSCO MB.
Kelu - Alanui Nuuanu. 2216-@
HOOLAHA HOU.
A HA HOOKOLOKOLO KIEKIE O KO Hawaii Paenina. Ma ka Hooponopono Waiwai. Ma ka hana o ka waiwai o J. H. MAHIAI o Hooelulu i make kauoha ole.
Ma ka waihoia ana mai o ka Palapala Noi a me ka Papa Hoike a KAUIHOU MAHIAI, Lenahooponopono o ka waiwai o J. H. MAHIAI i oleloia, e nui ana e apono @a na hoolilo he $ 287.83. a e hoike ana o na mea i loaa mai iaia he $ 287.83. a e noi ana e nana a e apono ia kela mau m@, a e kauoha ia e mahele ia na waiwai e waiho ana ma kona lima i na mea i kuleana malaila, a e hookuu ia oia a me kona mau hope mai ko lakou noho ana ma ia ano.
Ua kauohaia o ka POAONO, ka la 2 o APERILA, 1887, ma ka hora 10 o kakahiaka ma ke Keena ma ka Hale Hookolokolo ma Aliiolani Hale, Honolulu, oia kahi a me ka manawa i kohoia no ka hool@he ana i ua Noi la, a me ka Papa Hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai na noi la, a malaila e @oike mai ai @a hoike o na mea i kuleana maloko o ka waiwai i olelo ia. A o keia kauoha ma ka olelo Hawaii maloko o ke KUOKOA he nupepa i pai a hoolahaia ma Honolulu, i ekolu pule mamua ae o ka manawa i oleloia no ka hoolohe ana.
NA KA AHA.
HENRY SMITH,
Hope Kakauolelo.
2117-3t
HOOLAHA HOOKO MORAKI
ME KE KUAI.
MAMULI O KA MANA KUAI I haawiia maloko o kekahi Palapala Moraki i hanaia mawaena o H. WAHANU a me KEKUAHOOULU kana wahine mare, o Kawainui, Hilo, mokupuni o Hawaii a me WM. N. GOODALE o Onomea, Hilo i oleloia, ma ka la 2 o Iune, A. D. 1886, a ua kopeia maloko o ka Buke o ke aupuni Helu 98, aoao 258, 259 a me 260; a mamuli hoi o ka uhaki ana o na mea aelike ia loko o kela moraki.
Ke hoolaha aku ne ka mea nona ka moraki, e hooko ana oia i ka mana i haawiia iaia iloko o ua moraki nei.
WM. N. GOODALE,
Mea Hoopaa Moraki.
Ma o D. H. Hitchcock kona Loio.
Hilo, Feberuari, 16, 1887 2117-3t
A HA HOOKOLOKOLO APANA EHA o ko Hawaii Pae Aina. Ma ka hooponopono Waiwai,
Ma ka waiwai o KALEIOHI k, no Anahola, Kauai, i make kauoha ole. Imua o ka Lunakanawai Kaapuni ma ke Keena.
Ia AKIU Pake, Lunahooponopono Waiwai o KALEIOHI k, i oleloia.
Ua kauohaia oe a hele mai imua o ka Lunakanawai Kaapuni Apana Eha, ma kona Keena ma Koloa, ma ka la 26 o MARAKI, A. D. 1887, ma ka hora 10 kakahiaka, e hoike mai kou Moowaiwai, me na palapala hai loaa e like me ke kanawai, no kau hana ana no kela waiwai, a i ole ia, alaila @ hoike mai i ke kumu e kau ole ia ai ka hoopai o kau palapala bona.
Hanaia e ka Lunakanawai i oleloia ma Koloa, Kauai, i keia la 19 Feberuai, 1887.
JACOB HAKDY,
Lunakanawai Kaapani, Apana Eha.
2117-3t
A HA KAAPUNI O KO HAWAII PAE AINA, APANA EKOLU, Ma ka hooponopono Waiwai.
Mokupuni o Hawaii} SS.
Hawaii Pai Aina.
Ma ka Waiwai o LORENZO LYONS no Waimea, Hawaii i make. Olelo Kauoha e koho ana i la e hooiaio ai ka Palapala Kauoha a no ka hoolaha ana.
No ka mea, ma ka la 9 o Novemaba, M. H. 1886, us waihoia mai imua o k Aha, kekahi Palapala, i oleloia, oia no ke Kauoha Hope Loa o LORENZO LYONS i make aku la; a me ka Palapala Hopii e noi ana e hooiaio ia kela Palapala Kauoha a e hoopuka hoi ka Palapala Luna Hooko no LUCIA G. LYONS, ua waihoia mae a LUCIA G. LYONS.
Nolaila, ua kauoha ia o ka POALIMA oia ka la 11 o MARAKI M. H. 1887, ma ka hora 10 kakahiaka ma ka Rumi Hookolokolo o ia Aha, ma Waimea, Hawaii, ma ke Keena, oia ka la me ka hora e hooiaio ia'i Palapala Kauoha, a e hoolohe hoi no ia noi ana mai, a me ka poe a pau i pili, e kue ana ia Palapala Kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekolu iloko o ke KUOKOA he nupepa i pai ia a i hoolaha ia ma Honolulu.
A ua kauoha hou ia, e hoopukaia na Palapala Kena ne na hoike no ia Palapala Kauoha, a me na hooilina o ka mea make, ma Waimea me Honolulu, e hele mai e kue i kela Palapala Kauoha i ka wa i oleloia.
Kakauia ma Hilo, Hawaii, ko Hawaii Pae Aina, Feberuari, 10, 1887.
F. S. LYMAN,
Lunakanawai o ka Aha Kiekie, Apana Ekolu, H. P. A. 2116-3t
A HA HOOKOLOLO KIEKIE O KO HAWAII PAE AINA. Ma ka hooponopono Waiwai. Ma ka hana o ka wawai o ALIU o Honolulu i make kauoha ole.
Ma ka waiho ia ana mai o ka Palapala Noi a me ka Papa Hoike a J. F. HACKFELD a me J. RUBENSTEIN, na Lunahooponopono o ka waiwai o ALIU i oleloia, e noi ana e apono ia na hoolilo he $ 6483.10. a e hoike ana o na mea i loaa mai he $ 9900.49, a e noi ana e nana a e apono ia kela mau mea, a e kauoha ia e mahele ia na wawai e waiho ana ma ko laua lima i na mea i kuleana malaila, a e hookuu ia laua a me ko laua mau hope mai ko lakou noho ana ma ia ano.
Ua kauoha ia, o ka POAKAHI, ka la 21 o MARAKI 1887, ma ka hora 10 o kakahiaka, ma ke Keena ma ka Hale Hookolokolo ma Aliiolani Hale ma Honolulu, oia kahi a me ka manawa i koho ia no ka hoolohe ana i ua Noi la, a me na Papa Hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou e ae ole ia ai ua noi la, a malaila e hoike ia mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Enelani me hawaii, a pai ia maloko o ke KUOKOA me HAWAIIAN GAZETTE he mau nupepa i pai a hoolaha ia ma Honolulu, i ekolu pule mamua ae o ka manawa i oleloia no ka hoolohe ana.
Kakau ia ma Honolulu i keia la 10 o Feberuari, 1887. Na ka Aha.
HENRY SMITH
2113t Hope Kakauolelo.
HOOLAHA HOOKO MORAKI ME
KE KUAI
MAMULI O KEKAHI O KEKAHI MANA kuai i hoike ia maloko o kekahi palapala moraki i hanaia mawaena o KEANU (k) o ka aoao mua, a me JAS. K. BURKETT o ka aoao elua, ma ka la 28 o Aperila 1884 i kakau kope ia ma ka buke 88 aoao 176, a i hooliloia e ka aoao elua ia Wm. Dean a mamuli o ka @haiia ana o na kumu aelike o kela moraki, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoiki ia ma ia moraki, ma ka POAONO la 5 o MARAKI 1887 ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 2 o Feberuari 1887.
WM. DEAN.
Hope o ka mea Moraki mai.
Penei ea aina e kudala ia ana:
O kela apana aina a pau loa e waiho la ma Makapala, Kohala akau Hawaii, a i hoolilo ia mai hoi ia Keanu i olelo ia ma kekahi palapala kuai i hanaia e E. O Hall et al na Kahu Malama Waiwai o Lunaliho, i kope ia ma ke keena kakau kope ma ka Buke 80 aoao 149 nona ka Ili he @ 25-100 @ka. He aina kauu hale ma@i, he @ ka wai. 1114-4t
MA HOOLAHA HOU
HOOLAHA HOOKO MORAKI ME KE KUAI. Mamulio kekahi mana kaai i hoike ia maloko e kekahi Palapala Moraki i hanaia mawaena o KEONI KAILIKAKIO o Kaneohe Oahu o ka aoao mua, a me F. C. LOWERY o Honolulu Oahu o ka aoao elua, ma ka la 24 o Nevemaba 1882 i kakau kope ia ma ke Bake 78 aoao 81 a mamuli o ka uhaiia ana o @a kumu aelike o kela Moraki, aolaila, ke hoolahaia aku nei e ka mea nona ka aoao elua o ua Moraki nei, e hooko ana oia ia mana kuai, a ma ia hooko ana, e kudala akea ana ia i ka aina i hoik@ia ma ia Moraki, ma ka POAONO la 5 o MARAKI 1887 ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 2 o Feberuari 1887.
Penei na aina e kudalaia ana :
O kela apana aina a pau loa e waiho la ma Kailua Oahu, a i hoakaka piha ia hoi ma ka Palapala Sila Nui 2332, huleana Helu 6972 ma ka aina o Kailikakio ka makuakane o Keoni Kailikakio i olelia, nona ka Ili he 3 30-100 eka. He aina ka@ raiki makai.
2114-4ts.
HOOLAHA HOOKO MORAKI ME KE KUAI. Mamuli o kekahi Mana kuai i hoike ia maloko e kekahi Palapala Moraki i hanaia mawaena o W. C. AKANA o ka aoao mua, a me KALE M. KUKE kahu waiwai o ka aoao elua, ma ka la 14 o Mei 1885 i kakau kope ia ma ka Buke 94 aoao 243 a mamuli o ka uhaiia ana o na kumu aelike o kela Moraki, nolaila, ke hoolahaia aku nei e ka mea nona ka aoao elua o ua Moraki nei, e hooko ana eia ia mana kuai, a ma ia hooko ana, e kudala akea ana ia i ka aina i hoikeia ma ia Moraki, ma ka POAONO la 26 o FEBERUARI 1887 ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 31 o Ianuari, 1887.
KALE M. KUKE.
Penei na aina e kudalaia ana :
O kela apana aina a pau loa e waiho la ma Iwilei ma Honolulu i oleloia, nona ka Ili he 244 anana kuea, a oia no hoi ka aina i hoakaka piha ia maloko o ka Palapala Sila Nui Helu 4428, Kuleana helu 918 ma ka inoa o Upai, a i hoolilo ia mai hoi ia W. C. Akana e Puu (k) ma kekahi Palapala Kuai i hana ia ma ka la 27o Feberuari 1882, a kope ia ma me ke keen@ kakau Kope ma ka Buke 73 aoao 266 me 7. 2114-4ts.
HOOLAHA HOOKO MORAKI ME KE KUAI. Mamuli o kekahi mana kuai i hoike ia maloko o kekahi Palapala Moraki i hanaia mawaena o H. KAUAIHILO o Koolauloa Oahu o ka aoao mua, a me A. J. LOPEZ o ka aoao elua, ma ka la 13 o Okatoba 1883 i kakau kope ia ma ke Buke 86 aoao 114 a mamuli oka uhaiia ana o na kumu aelike o kela moraki, nolaila, ke hoolahaia aku nei e ka mea nona ka aoao elua o ua moraki nei e hooko ana oia ia mana kuai, a ma ia hooko ana, e kudala akea ana ia i ka aina i hoikeia ma ia moraki, ma ka POAONO la 5 o Maraki 1887 ma ke Keena Kudala o E. P. Edams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 2 o Feberuari 1887.
A. J. LOPEZ.
Mea Moraki mai.
Penei na aina e kudalaia ana :
1 O kela apana aina a pau i hoakaka ia ma ka Palapala Sila Nui 3012, a maloko o ua aina la he 1 2-5 eka ma Kapaka, Koolaulea, Oahu, a i hoolilo ia mai hoi i ua Kauaihilo nei i olelo ia ma kekahi palapala kuai mai ia J. Waiwaiole mai i kope ia ma ke Keena Kakau Kope, Buke 47 aoao 327.
2 O kela apana aina a pau loa a i ike ia ka apana elua i hoakaka ia ma ka Palapala Sila Nui 2909, Kuleana Helu 4055 ma ke inoa o Kaukaliu, a maloko o ua apana la he 3 41-100 eka e waiho la ma Koolauloa, a i hoolilo ia hoi ia Kauaihilo i olelo ia ma kekahi palapaia kuai mai ia Keaka mai i hana ia ma ka la 13 o Okatoba 1883, i kope ia ma ka Buke 86, aoao-8 me 9.
2114. 4ts
HOOLAHA HOOKO MORAKI ME
KE KUAI.
MAMULI O KEKAHI MANA KUAI i hoike ia maloko o kekahi palapala moraki i hanaia mawaena o S. M. KAHOLOKAI a me S. P. KAHOLOKAI o ka aoao mua, a me WM. DEAN o ka aoao elua ma ka la 7 o Dekemaba 1878 i kakau kope ia ma ka buke 57 aoao 377 a mamuli o ka uhaiia ana o na kumu aelike o kela moraki, nolaila ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai, a ma ia hooko ana e kudala akea ana ia i ka aina i hoike ia ma ia moraki, ma ka POAONO la 5 o MARAKI 1887 ma ke Keena Kudala o E. P. Adams, ma Honolulu, ma ka hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 2 o Feberuari 1887.
SPM. DEAN.
Mea Moraki mai.
Penei na aina e kudalaia ana.
Aia lakou a pau ke waiho la ma Hana Maui.
1 - O kela apana aina a pau loa i hoakakaia maloko o ka Palspala Sila Nui 1984, a ma ka palapala kuai hoi a Kalama ia Puna Mahoe.
2 - O kela apana aina a pau loa i hoakakaia ma ke Palapala Sila Nui 6447, ehiku eka e waiho la ma Kawaipapa Hana Maui.
3 - O kela apana aina a pau loa @ hooliloia e Kahunaaiole ia S. Palea, a @ kope ia ma ke keena kakau kope Buke 57, aoao 377, eono eka ma Kawaipapa, Hana, Maui.
2114-4t
A HA HOOKOLOKOLO KIEKIE O Ko Hawaii Pae Aina, Ma ka hooponopono o ka waiwai o DOMINGO LOPEZ RAMOS, i make. Olelo kauoha mamuli o ke noi a ka Lunahooponopono Waiwai no ke kuai aua i kekahi Waiwai Paa.
Ma ka waiho ia ana mai o ka palapala noi a J. P. MENDONCA lunahooponopono o ua waiwai la i oleloia e noi ana e kauohaia oia e kuai i kekahi mau waiwai paa o ka mea i make, penei:
Apana aina i hoakakaia ma ka Palapala Sila Nui helu 2923 no Kamaipelekane he 2. 3 eka e waiho la ma Kalaauau, Kalihi Oahu; a me
Apana aina i hoakakaia ma ka Palapala Sila Nui helu 595 no Kanaina he 39 eka ma Kalihi i oleloia, e waiho la ma - ae hoakaka ana i kekahi mau kumu ku i ke Kanawai, e aeia'i oia e kuai i ua mau waiwai paa la.
Ua kauohaia e hele mai na pilikoko a me ka poe a pau i pili i ka mea make a me na mea a pau i kuleana i ua waiwai la imua o keia Aha, ma ka POAKAHI ka la 14 o MARAKI 1887, ma ka hora 10 o kakahiaka, ma ke Keena Hookolokolo, ma Aliiolani Hale Honolulu, ma ia wa a ma ia wahi e hoike mai ai, ina he kumu kekahi e hoopuka ole ia ai ka olelo kanoha e kuaiia ua mau waiwai la.
A ua kauoha hou ia e hoolahaia keia olelo kauoha no ekolu pule mamua ae o ka la e hooloheai ai i oleoia, iloko o ka Hawaiian Gazette me ke KUOKOA he mau nupepa i paiia ma Honolulu i oleloia.
Hanaia ma Honolulu, Feb. 15, 1887.
NA KA AHA.
HENRY SMITH.
Hope Kakanolelo. 3-ts
HOOLAHA A KA LUNA HOOPONOPONO WAIWAI.
O KA MEA NONA KA INOA MALALO iho ua koho pono ia i Lunahooponopono Waiwai no PAUMANO o Kealakaha ma Hamakua, Hawaii i make.
A ma keia, ke kanoha ia aku nei, o ka poe a pau i aie mai i ka mea i make o hookaa koke mai, a o ka poe hoi a ka mea make i aie aku ai @ hoike koke mai me na bila aie, a pela hoi me ka poe i pili i ka mea i make, mai keia la aku a pau na malama eono.
Mr. MANAOLE.
Lunahooponopono Waiwai o Paumano i make, ma Kealakaha, Hamakua, Hawaii, Feberuari, 9, 1887
.NA HOOLAHA HOU.
$25 MAKANA.
O NA inoa malolo iho AKINA & ASEU o Kohala Akau, Hawaii, ke hoike ak@ nei ma keia hoolaha, e uku ia no ka makau @ he $25 no na hoakaka kupono e hiki ai @ hopu a hoopai ia ka poe a pa@ e hele nei m@ ka aina o Pololu ma Kohala i oleloia. @ aw@ wale i na Awa malaila.
AKINA & ASEU
2114-4ts.
A HA KIEKIE O KO HAWAII PAE@ AINA ma ka hooponopono waiwai @ Ma ka hana o ka Waiwai o S. KAAUA @ Honolulu i make. Olelo Kauah@ la e hooiaio ia ai ka Palapala Ka@ka 2 @ ka hoolaha ana.
No ka mea, ma ka la 7 o Feberuari @ ua waihoia mai imua o ka Aha ka@ pala, i oleloia, oia no ke Kauoha Hope Loa @ S. KAAUA i make aku la@ a me @ Hoopii e noi ana e hooiaio ia ke@ Kanoha a e hoopuka ia ka @ Hooko ia WILLIAM R. CASTLE @ mai e PUAHI, ka wahine kanem@
Nolaila, ua kauoha ia o ka POAKAHI @ ka la 28 o FEBERUARI 1887 @ 10 kakahiaha ma ka Kumi Hooko@ Aha ma Aliiolani Hale, Honolulu @ me ka hora e hooiaio ia'i Ka Pakapala Ka@ a e hoolohe ia ai ia noi ana ma@ me @ a pau i pili, e kue ana ia Palapala Ka@a me ka hoopuka ana i ka Pa@ Lana Hooko.
A ua kauoha hou ia e hoolaha@ ia mea @ na pule ekolu iloko o ke KUOKOA he a @ i pai ai hoolaha ia ma Honolulu.
Kakauia ma Honolulu Feberuari @, 188@
Na ka Aha.
HENRY SMITH.
2115-3t hope Kak@olele.
HOOLAHA LUNA NUI
E iki auaei na kanaka a pau, ma k@a palapala, ke hookohu aku nei au ia S. F@ lani i Luna Nui no ko@ mau a@a ma Waka pu Mokupuni o Maui, a me na a papa a@ ko'u kupunawahine ola hoi o MAKA@ no Waikapu. A nana e hana a e hooko@ mea a pau i olelo ia ma Ko'u @a na mea i olelo ia ma ke Kanaw@
A no ka oiaio o keia ke kau ne@ inoa i keia la 1 o Feberuari M. H. @SS@
L. @ KA@AMA.
2114-4t.
HOOLAHA HOOKO MORAKI ME KE KUAI.
KE HOIKE NEI KEIA HOOKAHA i kulike ai me kekahi mana k@a @ ikeia maloko o kekahi palapala mo@ai kauia ma ka la 1 o Novemaba 1884, @ hana@ e W. K. Moi a me KAUMEKEKO@ M@ CHAS. WALL no Kau, Hawaii lakou a pau ko peia ma ka Buke 90 ma na aoao @ 391, a i hooliloia e CHAS. WA@ NEOKE o Waiohinu, Kau i hoike m@ kekahi palapala hoolilo i kaka@ 26, 1886, a i kopeia ma ka Buke @ ua manao ka mea hoolilo aku i ua m@ oleloia ae hooko ia mana kuai mam@ uhakiia ana o na kumu aelike, o@a ka @ ia ana oke kumupaa a meka ukupan@ a @ ia hooko ana, e kuai kudala akea ia @ na waiwai a pau i hoakaka ia ma ua @ i oleloia e like me na hoakaka ma@ mahope iho o ka hala ana o ka manawa@ akakaia ma ke kanawai, a me ka uh@ kumu aelike.
C. MEINECKE
Mea Hoopa@ M @
Ma o Jona Austina K@n@
Honolulu Ianuari 31, 1887.
Penei na waiwai i hoakaia ma ia m@ i oleloia:
1 - O kela apana aina a pau e waih@ Waiohiau, Kau, i oleloia, a i honkaka@a ma ka Palapala Sila Nui Helu 6645, Kuleana 10203, ia Mahiai, nona ka nui he @ 8 10 e@ a oia no ka aina i hooliloia aku ia W. K. M@ m@ kekahi palapala i kakauia i Iolai 10, 18@ i kopeia ma ka Buke 40 ma na aoao 339 me 340.
2 - O kela apana aina a pau e waihe la ma Waiohinu, i hoike mua ia, a i h@akaka@a ma ka Palapala Sila Nui 6647 Kuleana 7604, no na ka nui he 10 4-10 eka, a oia no ka a@na hooliloia aku ia W. K. Moi ma kekahi pa@ pala i kakauia i Moi 18, 187@, a i k@pe@a ma ka Buke 40 ma na aoao 438 me 439.
3 - Elua mau Hale laau e ku la ma Wa@hinu Kau.
4 - Ehiku lio kane me 3 lio wahine.
2115-3t
HOOLAHA HOOKO MORAKI ME KE KUAI.
MAMULI O KEKAHI MANA kuai i hoike ia maloko @ kekahi palapala moraki i hanaia m@ waena o S. KALEO o ka aoao mua, a me J @ K. BURKETT o ka aoao elua, ma ka @ 2@ Aperila 1884 i kakau kope ia ma ka buke @ aoao 178 a i hoolilo ia e ka aoao @lua ia Wm Dean; a mamuli o ka uhaiia ana o na @ aelike o kela moraki, nolaila, ke h@o@ahau akn nei e ka mea nona ka aoao elua @a m@ raki nei, e hooko ana oia ia mana kua@ ia hooko ana. e kudala akea ana ia i ka @ i hoike ia ma ia moraki, ma ka @ la 5 o MARAKI 1887 ma ke Keena K@ o E. P. Adams, ma Honolulu, ma ka h@ra @ o ia la.
Aia ma kahi o W. R. Kakela @a @ hoakaka no keia mea.
Hanaia i keia la 20 Feberuari 1887.
WM DEAN.
Hope o ka mea Moraki @
Penei na aina e kudalaia ana:
1 - O kela apana aina a pau loa @ waiho@ ma Waihee Maui, i hoolilo ia mai @ Ka leo ma o kekahi palapala kuai mai a Kaaka@ hema mai a i kope ia ma ke keena ka@au k@ pe ma ke Buke 56 aoao 446, nona ka @ 12-100 o ka eka.
2 - O kela apana aina e waiho la ma H@ nuaula Maui i hoakakaia ma ka palapala @ Nui Helu 1484 ma ka ino o Kaleo nona Ili he 38 50-100 eka.
HOOLAHA HOOKO MORAKI ME KE KUAI.
MAMULLI O KEKAHI MANA KUAI i hoike ia ma@ kekahi palapala moraki i hanaia m@ na o KEA ma o ka aoao mua, a me PHILI@ BUTLER o ka aoao elua, ma ka la 17 Aperila 1884 i kakau kope ia ma ka buke 8@ ao 476 a i hoolilo ia e ka aoao elua @ M. @ Beck with a mamuli o ka uha@ia ana o @ aelike o kela moraki, nolaila, ke hoo@ha aku nei ka mea nona ka a@ o ua moraki nei, e hooko ana o@ ia mana kuai, a ma ia hooko ana e kudala akea ana oia i ka aina i ho@eia ma ia moraki, ma ka POAONO la 5 o MARAKI 1887 ma ke Keeua Kudala o E.P. Adams, ma Honolulu, ma ka hora 12 o ia la.
Aia ma kahi o W. R. Kakela na o@o h@ kaka no keia mea.
Hanaia i keia la 2 o Feberuari 1887
M. B. BECKWITH
Hope o ka mea Moraki ,@
Penei na aina e kudalaia a na.
1 - Okela apana aina a pau loa i h@akaka@ ma ke Palapala Sila Nui 676, Kuleana Helu 1209 ma ka inoa o S. Mahiai; he 2 17 100 eka ma Kalihi, Oahu. Me apana kupono kekahi i ke kanu kalo.
2 - O kela apana aina a pau l@a e waiho@a ma Waimea Kauai, i hoakaka ia ma ke kuleana helu 11309 ia Napulupulu 3 eka @ Ruda a me 23 Roda. O Kea i olelo ia oia ke keiki a hooilina hookahi hoi ma ke kauawai o ka mea nona ka inoa ma ka palapala Hoona Kuleana.
3 - O kela apana aina a pau loa i hoakakai@ ma ke Kuleana Helu 9188 ia Kamakahookahi he 1 eka.
87 Peka ma Lawai, Kauai.
4 - O kela aina i hoaka@a ia ma ka Palapala Helu 10675 me k@ inoa o Sal@i@la.
1 Eka 116 P@ka ma Lawai, Kauai.
2114-4t