Ka Nupepa Kuokoa, Volume XXVI, Number 5, 29 Ianuali 1887 — Ka Uwila, ka hekili a me ka Ua. [ARTICLE]

Ka Uwila, ka hekili a me ka Ua.

Oiai na hora po Poaha e nee aku ana i ke aumoe, a o ka hora 1 paha ia, ua ikeia aku la ka anaanapu mai a ka uwila me ka ikaika ma na paia lewanuu o ka iani a holopapa ae la kona malamalama keokeo maloko o ke kulanakauhale alii o Honolulu me keahuwale 0 na mea a pau a ka lena ike o na maka e nana aku ai. Me keia mau ho anapu ana a ka uwila, ua panai pu ia iho ka ne-i halulu o ka hekili ma na paia lani me ka ikaika, a e olokaa ana mao a maanei me he la e haehae ia ana ka lewa. Ua hoomauu keia mau helehelena hooweliweli o ka po a hiki paha 1 ka hora j oke aumoe, a oia no ka manawa i hoomakili ae ai o Kulanihakoi i kona mau ipuka wai lani a hoohanini iho la he mau pakaua nunui ek>ek> maluna o ke kulaoakauhale me ke koikoi. No kekahi mau minute keia hoo pulupe ana i ke kulanakauhale holo okoa, a o ka anapu a ka uwila ameki hoonakulu a ka ko 0 ka hekili, ua hoomauia no me ka ikaika. Wahi a ke kahi poe ma ka lakeu hailona wale ana, he mau nanaina no keia e hoike mai ana! aia no ka o Pele ke haulani mai la i kai o Kau» a ua heoi ae oia i kana mau hana kupanaha. Ua hoomauia na pakaua a hiki i ke ao ana, a pela me ka uwila ame ka hekill He po moe ko kahi, a he po hanakuli hoi ka keta poe o ka lani.