Ka Nupepa Kuokoa, Volume XXVI, Number 4, 22 January 1887 — Ka Halekuai Waiona Hookamani ole!! [ARTICLE]

Ka Halekuai Waiona Hookamani ole!!

jas. k. lawkkncf: Ona Halekuai. E na makamaka a me na hoalauna : Oiai ua wehe iho nei au i hale akea tio ke kuai ana i na waiona a me na waiikaika, ke hoolaha hookamani ole aku nei au ia oukou ua makaukau au e hoolilo i kekahi poe o oukou i "Poe Ona, poe Ilikole, poe Makilo !"ae hookuu aku au i ua poe la iweena o ka poe kuonoono a noho malie o keia[kulanakauhale na lakou e malama.

E kuai ana au i na waiona o kela a me keia ano i kupono i ka ohana ke inu. oia na waiona e hoala ana i ka •'haunaele, ka powa a me ka hookahe koko," a inamuli o ia kuai ana, e hoemi ana au i ka " maluhia o ke kulanakauhale, a e hoomahuahua ana i kona mau lilo, a e hoauhulihia ana i kona mau pomaikai !" Ua makaukau au e hoo|)iha koke " na Halewai, na Halepaahao, a me na Amana li kanaka!" me na lawehala no na wahi kenikeni a oukou, a e ake ana au e lilo la mau kulu kenikeni i kuaua nui ona dala mahope Ua lako ko'u halekuai i na waiona e hoon.ahuahua i na popilikia o ka make, e hoonui mai ai i na ma'i weliweli, a e hoolilo ai i na nawaliwali iki o ke kino i mau ma'i e | pau ole ai ke lapaau ia. Ua makaukau au e kuai aku ia oukou me na LAAU MAKE, e kaili ae i ke ola kino; e powa i ka noonoo, e hoopuehu i ka waiwai o ka poe inu ana a e hoopoho i ka maluhia o ka poe a pau e noho kokoke ana. He LAAU MAKE no hoi ko'u e hoolilo ai i ka makuakane i daimonio, i ka makuahine hoi i wahme kane make, a o na kamalii i mau keiki makua ole, a o ka poe inu hoi a pau loa i poe ilikole.

Nau no hoi e hooikaika i ulu ae ka hanauna hou iloko o ka naaupo, a i lilo lakou i poe aea haukae, a i haawe kaumaha ma ka a-i o ka lahui.

Na'u no hoi e hooikaika i haalele ka makuahine i ka pokii o kona puhaka, a e lilo kona puuwai aloha i naau keemoa. Na'u no hoi e hoohaukae aku 1 na kahunapule, na'u e keakea 1 ka hoolaha ia ana o ka Euanelio, na'u e hoemokuahana i ka Ekalesia makamae, a na'u hoi e hookau mai maluna o ka poe a pau e inu ana ma ko'u hale i ka "Make o na kino, ka Make o ka Uhane, ka Make Mau Loa !!" A ina hoi e ninau mahaoi mai kekahi "No keaha la au e aa nei e hookau mai i keia mau Popilikia Nui maluna oka lahui ? Eia ka'u haina hookamani ole, NO KE DALA!!! I He oihana puka maoli keia oihanao ke kuai %vni®na. A ke apono nei no hoi kekahi poe Ekalesia i keia oihana. Ua loaa ia'u ka laikini kuai waionn, a e kuai waiona auanei kekahi poe e ae, ke ole au e kuai. Ua kuai au no'u ka pono e "hoohaukae i ka Inoa Maikai; e heopilikia. a e hoopomo i ke Ola Kino, a e pepehi mau loa i na Uhane oka poe e komo ana e inu iloko o ko'u hale; a ke hoohiki nei au e hooko i ka'u mau olelo a pau i kakauia maluna ae nei. r O ka poe e ake ana e ili mai kekahi o na (>oino i oleloia maluna o lakou, a maluna paha o ko lakou mao makamaka, e ukali mai lakou mahope o'u, a e inu i ka waiona maloko o ko*u halekuai, kahi a'u e noho nei me ka makau kau e bwc mai i ko lakou mau kenikeni.