Ka Nupepa Kuokoa, Volume XXVI, Number 2, 8 January 1887 — Hopenuia ma Honolulu. [ARTICLE]

Hopenuia ma Honolulu.

He ia malie maikai ka ia mua 0 keia makahiki, a he la hoi i piha hauoli ai na kanaka mai na opio a na kanikoo no ka hooloihiia ana o ko lakou ola a loaa he makahiki hou. Ma ka hapanui 0 na kauhale o ke kulanakaohale nei i ikeia, ua malama : a he mau papaaina i hoolawaia me na ono a pau. A ua noho iho la ka ohana, na makaniaka a me na hoa'loha e hauoli pu ma na papaaina. Ma kekahi mau kauhale hoi, ua lawelaweia na hana heomanao o ka la me ka maluhia, a ma kekahi niau hale hoi ua ulu ae ka haunaele. Ua kui aku a kui mai aua kahe ke koko. Ma na alanui i ikeia aku ai kekahi ooe ona e hikaka ana, a e hooho leo nui ana, me he la o ke ano ia oko lakou Hapenuia ana. Ma kekahi mau alanui, ua ikeia aku he heluna nui o na kanikoo e kai maiie ana, a e hanu ana paha i na ea makamua loa o ka makahiki hou. He mau helehelena ko lakou o ka hauoli e kakai hele ana ma ke alanui me na kookoo ma na lima. Aohe mau hoomanao e ae 1 ikeia aku, o na papaaina wale no ka hapanui. Aka he maluhia ka hapanui o na hana.