Ka Nupepa Kuokoa, Volume XXVI, Number 2, 8 January 1887 — Laikini Opiuma. [ARTICLE]

Laikini Opiuma.

Ua haawiia iho nei he laikini kuai opiuma ia Chun Lung, keiki a Mr. C. Afong o ke kulanakauhale nei. O ke kulike ana ia me ka mana o ke kanawai opiuma i apono ia e ka ahaolelo o 1886 i hala. He eha makahiki ka loihi o ka manawa no keia laikini opiuma ma ke $30,000 oka makahiki. A ua hoomaka mai keia laikini opiuma mai ka la 1 0 keia mahina a hiki i ka pau ana ona makahiki eha. Ua olelo ia mai aole o keia Chun Lung wale no ka i lawe i keia laikini opiuma, aka, he hui keia ma kahi paha o ke tausani mahele. Ua pane ae kekahi o na pake waiwai o ke kulanakauhale nei aohe ka e puka ana keia hana, a nolaila, makau oia a ae ole e lawe i ka laikini opiuma. A nokanui loa ka kekahi o ke dala laikini. He wahi moolelo pokole ka makou i lohelohe wale e pili ana i keia laikini opiuma mai kekahi poe mai penei: Aia kekahi mea e noho nei i ke kulanakauhale, he kanaka hanohano oia a i lawelawe no hoi i kekahi mau oihana aupuni kiekie maloko nei o keia aupuni. O ka hana a keia kanaka, oia no ke kakau ana i mau palapala uwalo a nonoi haahaa aku i ka——paha e haawi mai i ka ae na keia puulu pake ka laikini opiuma, no ka mea eia ke hoonee okoa ia aku nei ka mea hoomakapo. Hiki hou aku no he puulu pa ke hou a pelamau iho la no ka hani [illegible]ana no ka ohi mai [illegible] hiki iho nei i ka [illegible] opiuma i ka [illegible] ae, pau nui [illegible] pake i ka nau[illegible] iho, na lakou [illegible], oiai ua manao [illegible] ua punihei mai la kela i ka lakou nei maunu hoolaka. Eia ka hoi he popo auhuhu ka ianei o ka iliki ana aku, a ua oki e kaapa wale ana me he i-a ua make i ke kauhola ka onini wale mai no i ka ilikai:

O ka nui o nei popo auhuhu i hoonee ia aku, aia ma kahi o ka haneri tausani paha; nolaila, ma ka mahele ana, lilo aku la na iala e mea ? na ianei hoi e mea ? a no ko ka lahui wahi kieke iho hoi i kanakolu tausani. Hoike hou ia mai, o kekahi nune nui ia e oni nei iloko o na pake i keia mau la. No ko lakou nauki loa i ka hoohoka ia ana, nolaila, wahi a ua lono la, e hoopii aku ana ua poe pake la i ka ahaolelo e noho mai ana i ka 1888 e hoopau loa i keia laikini, a e hana hou, a e hoonui hou ae i ka auhau, a nui wale aku. Hoonaukiuki loa ia mau hui pake i keia hoopoho ia ana paha o ko lakou manawa hana. ko lakou dala paha, a i ole oko lakou hoohoka ino loa ia ana. Ua lawelawe malu ia keia hana, wahi hou a ua lono la. Aka nae, iloko a ka palanehe a me ke aheahe malie, ike a aku la ka pu-a ana ae o ka uwahi mao loa. Nolaila ikeia aku la mao ka uwahi, he makole ko onei.