Ka Nupepa Kuokoa, Volume XXVI, Number 2, 8 Ianuali 1887 — Page 3
| This text was transcribed by: | Pulama Goodhue |
| This work is dedicated to: | Ronald Levi Sai |
Ka Nupepa Kuokoa
KE KILOHANA POOKELA NO KA LAHUI HAWAII.
Ka Nupepa Kuokoa.
Paiia e THOS G THRUM ma ka Halepai o ka H@@ “PRESS PUBLISHING COMPANY,” Keena Hooponopono, ma na kihi o Alanui Moiwahine me Nuuanu.
E hoo@na muaia mai na Olelo Hoolaha ma ke Keena Hooponopono mamua ae o ka hora @@ o ka awakea o na Poaha a pau. Aole e hoopukaia na Olelo Hoolaha ke laweia mai mahope o ka hor@ i hooikeia maluna. E hoo@@ piha aku ana makoui ke@a rula maluna.
E hooili mai i na leta a pau a me na kauoha a me ka uku pepa ia KA NUPEPA KUOKOA ma Honolulu. Ina e loaa pono ole aku kei@ @@@@ i kona poe lawe, e hai mai me ka hakali@ @@ i keia Keena.
O ka uku a keia pepa e haawi a ii kona @@@@@, he umi keneta no ked ala, koe ka @@@@@@@ Kona, Oahu, a me kekahi mau apana @@@@@ @@@@ nui o ka luhi i ka halihali ana i ka @@@@@@@@ mau apana, e hooiia ka uku luna.
------------------------------------------------------------------------------------------------------------
NA MAKANA A KE KUOKOA NEI
----NO KA----
1887.
----
NO KO MAKOU POE HELUHELU.
@@@ makana aku ana keia pepa i kona @@@@ heluhelu a pau e lawe ana i ke @@@@ @@@ no ka makahiki 1887, me ka @@kaa mua ma ii na DALA ELUA o ka @@@ pepa iloko o keia keena he maka@@ makamae a oi loa aku i ko na kau i @@@@@@ hoi ka BUKE ALEMANAKA ME @@ H@@@@@ MANAWA A KALAMU. He @@@ke keia nona na aoao he kanaono a @@@, i paha me na mea hoonauao a me @@ moolelo hoonanea, he waiwai ku@@@ keia ke malama pono ia iloko o @@ home a pau o ka lahui Hawaii.
NO NA LUNA O KE KUOKOA.
I na la mua o keia makahiki ua hoolaha aku ke KUOKOA he mau makana no na luna pepa o ka mokupuni o Hawaii, Maui, Molokai, Oahu a me Kauai. Ua minamina makou i ka loaa ole ana ku o ka hapanui o keia mau makana in a luna o ia mau mokupuni a hiki wale i keia la, no ka hooko ole ia o na mea i hoakakaia iloko o ka hoolaha ma ka aoao o na luna. Koe wale no ka mokupuni o Maui. O ko makou luna o Lahaina k aoi ma ia mokupuni ma ka mahuahua o na pepa i laweia a me ka pau pono o ka uku pepa aohe koena i koe. A ua hooili aku nei ke KUOKOA i kana makana. Ua loaa mai no hoi kana leta e mahalo ana me ka olioli, a ua hauoli pu me kona hale a @@@. O keia makana, oia no ke kii o ke ahi pele kaulana o Vesuvius ma Italia. He kahiko maikai no ka Home. Aole nae i paupauaho ke KUOKOA i ka @ai ana i pomaikai no kona poe luna, mawaho ae o ko lakou uku komosinam a nolaila ke hoolaha hou aku nei makou no ka makahiki 1887, in a luna o na mokupuni o Hawaii, Maui, Molokai, Oahu a me Kauai e oi aku ma ka mahuahua o ka poe lawe pepa a me ke kaa pau o ked ala o ka pepa no 1887, @e makana ana keia pepa ia lakou i kekahi makana makamae e hauoli ai ka puuwai. Aole nae makou e hoike e i kea no o ia mau makana. He mea @una ia a hiki i ka wa e hoea aku ai, alaila ikea.
NO KA POE KAKAU MOOLELO.
E makana aku ana ke KUOKOA elua makana i kona poe kakau moolelo no ka makahiki 1887, no na moolelo elua e oi aku ana ma ke ano ohohia me ka makahehi ia e ka lehulehu. Makana helu ekahi, he KANAKOLU DALA. Makana helu elua, UMI DALA. He mau pomaikai kaulele keia mawaho ae o ka uku i ae like ia mawaena o keia pepa a me kona poe kakau moolelo.
------------------
Kela me Keia.
------
Hana mau ka ua o keia mau la i ke akona nei. Pii ka li i na pepeiao i kaua mea o ka liliha. Makena kelekele.
Aole makou i lohe mai ua hookolokolo ia iho nei o Chun Hookelakela pake mahuka. Eia no oia ke hoohala nei i kona mau la hauoli o ka makahiki hou maloko o ko Kewiki kakela pahaohao.
Ua lohe ia mai i kela mau la aku nei ke aihili o kahi nupepa puka la L@ni Ehiku, no kona maule aku a make. Aohe hoi he ike ia aku o kona maʻi, heaha la. Wahi hoi a kekahi poe, he wahi eleao ia e paopao malie nei. Kupanaha.
Ua hului pau ia mai la na wahi opeope o ke keena Ilamuku maloko o Aliiolani Hale, a eia i ka Halewai hou. Ua lilo aku la ia keena no na lunakanawai hou o ka Aha Kiekie i hookohuia iho nei, a eia ko ka Ilamuku keena maloko o ka Halewai hou.
Ua loaa aku ke kino make o kekahi haole maloko o kona keena moe ma alanui Ema, o King kona inoa. A ma ka hoike a na kauka na laua i huli pono i kona kumu i make ai, ua make oia ma o kekahi mai ikaika ma kona puuwai.
O ka manao a makou i hoike aku ia i kela pule i hala e pili ana no ka huakai i mauna Anede, ua kaulua hou ia no ke kowa kupono ole o ka pepa.
A ka Poalua ae e ku mai ai ka mokuahi Australia i Honolulu nei mai Kapalakiko mai me na nuhou a hiki i ka la 5 o keia mahina.
I keia mau la iho nei ke ku ana mai o kahi mokuahi hou o Hon Jno. Cummings, o Waimanalo. He wahi moku palanaiki no keia i like paha me Mokolii ka nui. He kulana kona oiwi.
O ka manao e pili ana i ka Hoike Kula Sabati ma Waialua i ka la @ aku nei o keia mahina, ua kaulua ia a keia pule ae, no ke ulolohi loa ana mai o ke kope. He mau nuhou maikai nae.
Eia maluna o ka moku kaua Kili e ku nei ma ke awa, he wahi keiki uuku opiopio nona paha ke kiekie i ka hoomaopopo aku, he ekolu kapuai, oi a emi paha. Ua hoike ia mai he 14 ona mau makahiki. He wahi keiki puipui maikai keia.
Ina mai o Edisepa me kona papahi lei hoohie o keia makahiki hou i kui ia e P. K. N. o Lahaina, He ohohia Hapenuia nona. Aka, mai poina i ka awihi ana iho ia Romura me na hua ohia gula o ka haleahi Kinimailehuna; ina iho ke hooheno pu ae la ka opio iwikani o ka makakila; o Laudila ia e ne hone ae la.
------------------
Ke k@ai i ike i kana Hana.
----
Iloko o kela wa kahiko, ke au e nohoalii ia ana na mokuaina o Amerika Huipuia e na hana kaua kipi, ua hoomalu loa ia na pa kaua a me na wahi hoolulu koa mai ke komo ana aku o na enemi e pakaha me na koa kiai. A ua hoike nui ia ka moolelo o na kiai o ia au, i pili i ka lakou oihana a he mau moolelo maikai no hoi. Penei kekahi mau moolelo.
Huli ae la ka uwali kiai o kekahi poe koa, a o ka Manawa keia no kekahi wa@i hou. I ka makaukau ana a kai aku la ka laina koa no ko lakou wahi kiai, ikeia aku la ke kauwahi koa e hele ana me ka malie loa e ke aliikoa, a nolaila ua kauoha ia ka laina e kau iho. Hele aku la ke aliikoa a ma ka aoao o kahi koa hele malie, a pane aku la:
E---- ke kiai, inane ana kau pu.
Haawi mai la ke koa i ka pu me ke kaulua ole iho i ke aliikoa, a pane hou aku la ke aliikoa:
“He keu ka oe o ke koa kiai ike ole i ke kulana o nei oihana, pela iho la anei oe e haawi pio ai i kau mau mea kaua ma kou wahi kiai ina he enemi kekahi e noi aku ana ia oe e haawi mai i kau pu?”
“Aole pela, e ke aliikoa maikai,” wahi a kahi koa. “Aka aole au e haalele iho i koʻu kahua kiai ma ke kono ana mai a kekahi, ke lilo kaʻu mau pono kaua iaia a lilo ole paha. Aka, oiai oe i lawe aku la i kuu pu, a ma e pane mai oe he enemi i keia wa imua oʻu, alaila ke noi aku nei au ia oe e hoihoi hou mai i kena pu@aʻu, a i ole pela, e loaa koke no iloko o ke sekona hookahi he puka iloko o kou kino me ka poka o keia pu panapana.” A oia no ka wa i kau aku ai ua wahi koa nei i ka pu panapana imua o ke aliikoa i hele a kikii kona niko.
Me ka puiwa a me ka makau nui ke aliikoa i haawi awiwi aku ai i ka pu i ke koa, a pane aku la:
“Maikai, e ke koa kiai; aka, pehea hoi oe i hele malie loa ai?”
Pane aku la kahi koa: “E noonoo mua ana au i kaʻu mea e hana ai oiai au ma koʻu kahua. Oia hoi e lawelawe au i na mea a pau o kaʻu oihana me ka malie, aole hoi me ka pupuahulu.
“Makai hou” wahi a ke aliikoa, he kiai makaala oe a he kiai hoi i ike i kea no o kana hana.
I kekahi wa maloko o kekahi pa kaua ma ka mokuaina o Kalolina Hema, Amerika, hoonohoia he kiai ma kona kahua. A i ke kiai e noho ana ilalo a e hoomaemae ana i kana pu i wehewehe ia a apanapana, hoea mai la ka lunakoa malaila a pane mai la i ke kiai:
“E anei, aia ke Kenerala mao, ua ike lihi mai nei paha ia oe e nanea wale ana no, a ua manao au e hele ae ana oia ma kela wahi ana i hookapu ai aole e maalo kekahi kanaka malaila, i ike ia kou makaala ma kau oihana kiai i hoonoho ia ai maanei, nolaila e awiwi oe i kau pu.”
Alawa ae la ke koa iluna a pane ae la, oiai oia e nanao ana ma kona aoao:--“Ina e maalo ae oia mao i @oao no kona ike maka ma ii kuu makaala ma keia oihana, oia auanei ke kanaka mua loa e hookahe ia ai ke koko maluna o kela kahua me kia pahikaua.” A unuhi ae la oia i kekahi pahi loihi a anapa ae la ka hulali i ka malamalama o ka la”
Ua olelo ia no hoi mamuli o ka hooko pololei loa o na koa kiai i keia oihana, pela i make ai o kemena Iakekona, kela puhi olali o ka hema. I make ponoi oia i kona mau koa kiai, iaia e holoholo ana maluna o kekahi kahua i hookapu loa ia aole e maalo kekahi mea malaila, a nana ponoi no i hookapu. Pela iho la nae kea no o ke kiai ike i kana hana.
------------------------------------------------------------------------------------------------------------
ROMURA.
----
KE KEIKI ALII O KA PUUWAI LIONA.
----
Ka mea i kapaia ka ʻOpuu Ro@e o na
kihapai, me ka Puuwai o ko@@ lahui@
a o ka Ma@@ A@to koi o na
kualono me na Ululaau anoano
p@likua o Alegelia.
----
HE IWIKANI EUEU O IA AU I HALA
------ A O KA------
Hookalakupua o Ka Makakila.
----
O ROMURA koʻu inoa, wahi ana i pane aku ai imua o na kanaka e kuku mai la, a e namakaainana o kuu makuakane ka moi Rabina, ke haawi aku nei au i kuu hoomaikai nui ia oukou a pau.---Aloha oukou.
Ia manawa no i ikuwa mai ai ka leo o na mea a pau i ke aloha me ka eehia nui ame ka hauoli, a e puana like ana, “E ola ke keiki alii Romura a mau loa, a i milimili oe na makou a i na la hope o kou nohoalii hanohano.” A pela i kapaia ai “Ka puuwai o kona Lahui” no ka wa mau loa.
E na hoa e nana aku imua, i ke alahele e waiho mai la. Aole paha oukou i poina no ke kumu ohia g@la a me kela kihapai o R@@e Hama. A ina pela, alaila, e hoi hou aku kakou ilaila, a kakele hou mai.
I ka manawa i piha ai na makahiki ehiku o ke keiki alii a me ua kumu ohila gula la, ua ikea ekolu pua maluna o ua kumu laau ohia gula nei a ma hope iho ua hua mai la ua kumu ohia nei he ekolu hua ohia gula. I ka piha ana o ka mahina ua pala like mai la na hua, a i ka wa a ka moi i manao ai oia ka wa pono e ako ai, a oiai oia i kii aku ai, aia hoi aole hookahi hua maluna iho, a ua noke aku la oia i ka huli malalo o ke kumulaau aohe loaa iki a ua lilo ia hana ana i mea hoonaukiuki loa i ka moi, a ua ninau aku la oia in a kiai, a oia ka lakou i hole like mai ai aole i ike ia.
O ka mea kupanaha loa i keia kumu ohia gula, ekolu wale no hua ke hua mai, a i ka piha ana o ka mahina e pala ai a oia iho la no ka wa e nalowale ai.
I ka hoomaka ana o ka la mua o kekahi malama, ua hua hou mai la ua ohia gula nei a oia ka ka moi e makaala loa la; a i ka la hope loa e piha ai ka mahina i hoonoho aku ai ka moi i kekahi kiai i makaukau in a pono o ka mea kiai.
I ka uhi ana mai o ka po aia ke kiai e holoholo ana malalo o ka lala o ke kumu ohia gula me ka nana mau ana aku i na hua ohia gula ekolu e kau la iluna, a hiki i ka hapalua o ka po haule iho la oia hiamoe, oiai, ua manao iho la oia aohe aihue e hiki mai.
I kea o ana ae a nana aku la oia iluna aohe na ohia gula ekolu, ua lilo. Noke aku la oia i ka huli me ka manao ua haule iho ilalo, aka, aohe loaa iki, a mamua ae o ka puka ana mai o ka la hoea aku la oia imua o ka Moi, a hoike aku la no ka lilo hou ana o ka hua me ka ike ole ia o ka mea nana e kii nei.
No ia mea ua hoonoho hou aku la ka Moi ma ka wono kanaka kiai, aole no he loaa iki, a ua lilo ia he mea honaukiuki loa i ka Moi me kona haawi pu ana ae i kekahi makana nu ii ka mea e loaa ai ka aihue, oia hoi e lilo iaia ka hapalua o ke aupuni a me na hale dala he @@ o Pelekane. Nolaila i hele mai ai na mea a pau, aka he mea makehewa wale no ia.
No ka loaa ole o ka mea nana aihue nei, ua kau kanawai aku ka Moi i kekahi kanawai, oia hoi, “O ka mea e aa mai ana e hopu i ka aihue, e uku ia oia e like mw ka mea ana e makemake kei a ina e loaa ole, alaila e oki ia kona poo”
Ua mau ke kanawai a ka Moi i kau iho ai a ua nui na poo i oki ia, a o ka aihue aole i loaa iki.
Nolaila, ma ia hope iho aohe mea i aa hou mai e kiai, a e hana mau ana no ka aihue me ka ike ole a hiki wale i ka hoea ana mai o ke keiki alii Romura a nona ko kakou hiaai nui e ake aku nei e ike.
No na la lehulehu mahope iho i huli ae ai ka moneka Hesana a hoi aku la no kona home ululaau me na puili aloha ana me kana keiki a me na Moi. Ua kauoha mai la oia i kana keiki hanai i ka i ana mai. “E hoomanao i ka piha ana o na la he 1,100 e hele aku ai oia e ike i kona makuahanai.
Ua noho iho la ke keiki alii he kilohana no ke aupuni o Aregilia a me Alebiona kaulana, a he mea nui hoi na kona mau makua a me kona lahui kanaka, a ua pi@ili mau aku lakou iaia in a la a pau o ke ola ana. O ka moolelo o na hua ohia gula ekolu oia ka ka m@i kaai ana imua o kana keiki, a i ka hiki ana o kana olelo i ka loaa ole o ka mea nana e aihue mau nei, a me kona kau ana i kekahi kanawai oki poo, ua luliuli ae la ke poo o ua keiki alii la me ka pane ole, a hoi aku la iloko o kona keena hooluolu, me ka noonoo nui ana no kela moolelo ana i lohe mai la i kona makuakane. A oiai laua maluna o ka papaaina, ua pane aku la ke keiki alii i ka i ana penei:
“E kuu makua, o ka moolelo au i hoike mai ai iaʻu no ke kihapai, ke kumu ohia gula a me na hua ohia gula ekolu, ke noi aku nei au ia oe e ae mai, owau ke kiai hope loa nana e kiai ka aihue, a i loaa ole iaʻu, alaila, e hooko mau ia ke kanawai, a ina hoi e loaa, alaila, e pau kela kanawai au i kau iho ai.
Ia Manawa no ka moi i kulou iho ai ilalo me ka noonoo nui ana, a pane mai la: “Aole, e kuu keiki; aole au e ae i kau e noi mai nei, mahope olelo mai na mea a pau he moi hoopunipuni au a he pepehi kanaka maopopo loa. Ke loaa ole ka aihue, a hoopakele au ia oe, alaila, e kue mai auanei na kanaka a pau iaʻu, a e kaili aku paha i ka nohoalii mai iaʻu aku; a ina hoi au e hooko ana i ke kanawai maluna ou, alaila, e haule iho auanei au ma ke kae o ka lua kupapau nou e kuu keiki no ka wa mau loa, nolaila aole au e ae aku ana i kau e kuu keiki no ka mea o oe wale no kaʻu keiki i koe mai, a o kou mau hoahanau, ua make kekahi o laua, a o kekahi hoi aole i maopopo kona wahi i hele ai ua make no paha oia.
No ka pakela paakiki loa o ke keiki alii i ke koi ana i kona makuakane, ua kauoha ia aku la ka ahakukamalu e ka moi e hui a noonoo no ke noi a ke keiki alii, a maloko o u aha la i hoike mai ai na ʻlii na kuhina a me na mea a pau aole e ae aku i ke noi a ke keiki alii, aka, ku ae la ke kauwahi kanaka kuaaina a pane mai la:
“E ae aku i ke noi a ke keiki alii i hooko ia ai kona makemake, a o koʻu poo ke oki ia i hoopakele nona.” A no ia mea ua hooholo ia ae la ke noi a kahi kanaka kuaaina.
Lawe ia aku la ua waho kanaka kuaaina nei iloko o ka papu o Domine Eleele no ka hoomalu ana iaia o make.
I ka hiki ana mai i ka la hope loa e piha ai ka malama, ua kauoha aku la ke keiki alii i na kamana helu ekahi, e hele mai imua ona maloko o ka halealii Kininare, a oiai na kamana like ole imua ona, ua haawi aku la ke keiki alii in a olelo noeau me ka hoike pu aku ua makemake au e hana ia i noho i like ke kiekie me ke kumu laau ohia gula e kupono ana ma kahi o na hua ohia e kau la, a e haawi no au i ka makana kiekie loa i ka mea e loaa ai ka haina pololei o keia ninau a i kulike hoi me ka mea aʻu i makemake ai e hanaia penei:
Owai iwaena o oukou e hiki ke hana i ka noho aʻu i makemake ai, a o ka mea e noho iluna o ua noho la, aole loa ia e hiamoe a hiki i ke ao ana?
Aole hookahi kamana i ekemu mai no ka haina o ka ninau a oia ka lakou i pane mai ai i ka i ana mai
E ola mau loa ke keiki alii, a o ka makemake au i @a ai, aole hookahi iwana o makou e hiki ke hana i noho e hiamoe ole ai ka mea e noho ana iluna aole e loaa he kamana maluna o ka honua e hiki ke loaa.
Ia manawa no i komo mai kekahi keiki opiopio a pane mai la, naʻu e hana ka noho au i makemake ai e ke keiki alii a i keia ahiahi no e paa iho ai ua noho la. Ua ae mai la ke keiki alii a kauoha ia aku la ka laau a me na mea a pau o ka noho.
Ua like no ke kiekie o ua noho nei me ka lala e hua ana i na hua ohia gula ekolu. A penei ke ano o ka noho i hana ia ai i ole e hiamoe ka mea nana e kiai ana.
Aia ma ka aoao akau o ka noho ua kapili ia ekolu kuikele, a ma ka aoao hema ekolu kuikele a pela ma kahi e kupono ana i ke kua, a ua hanaia no hoi ka noho i kupono i ka mea hookahi wale no.
Ua hana keia mau kui i ka wa e hiamoe ai ka mea kiai a hilinai aku i hope alaila, e ku mai ana i na kui ekolu a lilo ia i mea nana e hoala iaia, a pela like a punim a e na hoa e homanao iho i ke akamai nui o ke keiki alii a me ke kamana nana i hana i ua noho pahaohao la. Ka mea i kapaia "ke kiai naue ole" o na hua ohia gula o Rine Hama."
I ka paa ana o ka noho ua makaika aku ke keiki alii a ua haawiia aku la ka mahalo nui i ke kanaka opio kamana nona ka inoa o E@@@e ka olali nana i hana o Kininare ka lua ole, a o ke keiki kane hiapo a Kaline Raama o L@no.
Nolaila, ua haawi aku la ke keiki alii i na makana like ole ekolu, ka inoa keikialii ka hapalua o na hale dala he 10, a me ka lua o na moi maluna o ka aina a pau o Pelekane, a ua koho mai la ke kanaka opio Kamana i ka makana ekolu e lilo ai ka lua o na moi ma ka aina o Pelekane.
E na hoa, e h@li ae kakou e makaikai aku i ke kumu laau ohia gula a me ke kiai. I ka uhi ana mai o ka po ua noho aku la ke keikialii ma kona kahua kiai, a ke holoholo ae la ua keikialii Romula la malalo o ka malumalu o na lau laau ma ke ano hakilo i maa i na poe kiai, me ke kau mau ana aku o kona mau maka iluna i kahi o na ohia gula e kau la, a i ka hapalua o ka po i pii aku ai ke keikialii iluna o ka noho, a akahi no oa a hoao e noho iho iluna a nana aku la i na hua e kau la mal@@a pono iho o kona poo. Aole i liuliu iho ua hookau mai la ka makahiamoe maluna ona, a no ia mea i hilinai aku ai oia i hope, a ia manawa no i ku mai ai oia i na kuikele ekolu a eha loa, a o kona manawa no ia i puiwa ae ai a ike iho la oia na hiamoe ia oia, a oia kana i pane ae ai. E na kui ekolu, ke haawi aku nei au i koʻu hoomaikai ia oukou no ko oukou hoala ana mai iaʻu i koʻu wa i hiamoe ai, ina ua lilo hou na hua ohia a kuu makuakane i ka aihue me kuu ike ole aku i ke kino o ka aihue. Aole i liuliu iho hookau hou mai la ka hiamoe nui palena ole maluna ona i oi aku i ko ka mua, aole hoi e hiki i ke keikialii ke ala hou aku no akahi minute, haule iho la oia a hiamoe me ka hilinai ana aku ma ka aoao akau, aia hoi ku mai la oia i na kui kele ekolu, a puiwa ae la oia, a ike hou iho la ua hiki mai ka hiamoe iaia, a nana koke aku la oia i na hua, e kau mai ana no. Aka, aia no ka makahiamoe iluna ona ia wa, a no ia mea haule hou aku la oia hiamoe me ka hilinai ana ma ka aoao hema, a ku hou mai la no i na kui kele ekolu, a puiwa hou ae la no ka nui o ka eha, a haawi ae la i ka mahalo i ke kamana me na kui kele ekolu.
(Aole i pau.)
------------------
Palapala Aina Hina.
------
He lehulehu wale na noonoo a me na manao i hoomaikeike ia ae ma ke akea mai waena mai o na lahui naauao o ka honua nei, e pili ana i na kulana kupono loa kahi e kani ia ai na kino make o na kanaka maloko o na pa lua kini, ma ke ano he ilina kupapau; a no ia mea, ua loaa keia mau hoakaka po kole ana i pili i na wahi i hoikeia maluna ae, a i kapa ia he "Palapala Aina Ilina Kupapau." E hoike ana ua palapala aina la, he pinepine ka hookaawale ia ana o na aoao ma ka akau o na pa luakini i wahi ilina kupapau.
Ma na aina ma ke kukulu komohana a Enelani, ua manao ko laila poe, he kahua paani ka aoao akau o ka pa luakini no na keiki, a oia kahi i hookaawale ia no lakou, aole no ka ilina kupapau. Eolelo hou ana hoi mua e kona kuulia ia ana, a pela e lilo ai ia aoao o ka honua i wahi no ke diabolo, a o na aoao e ae a pau, ua maemae.
Aka nae, no ka pinepine loa o ke kanuia ana o na kino make ma ka akau o na pa luakin@ e ikeia nei no kekahi wa loihi, a ua kuluma mau ia aoao no na ilina kupapau, nolaila ua hana ia he wahi hoakaka pokole ano hoike honua e hoike ana i na palena a pau o ka pa luakini penei:
Aia ka luakini e hoike mai ana i kona aoao hikina, kahi ia o ke Akua a me kona nohoalii; ma ke komohana ko kanaka aoao a me ko lakou Galilaia o ka Hemolele; ma ka hema hoi kahi o na anela a me na@ i koe i@ikai, a o ka akau hoi kau auw@@, aka o k@kona puali kaua. Ko @@ @@@@ @@@@@ ino o ka po a me ka la@u.
------------------
@@@ Hoomanao
------
Eia iho malalo nei na poe i make, na hanau a me na mare mai Kaueleau a hiki i Opihikao, Puna, Hawaii, iloko o ka makahiki 1886.
Aperila 27. Hanau o Kamakahiki w, na Paulena k, me Ihalau w.
Mei 2. Hanau o Keliiilihune w, na Hezekia k, me Hiapo w.
Mei 30. Hanau o Elia k, na Elia k, me ke kui w.
Iune 23. Hanau o Ikabela w, na Kalaikilo k, me Kailihune w.
Dekemaba 14. Hanau o Kaheana k, na Kaheana k, me Kupono w.
NA MAKA.
Aperila 23. Make o Kekipi k.
Augate 1. " Maria w.
Sept. 2. " Koanaloa w.
Oct. 29 . " Kamakahiki.
Dec. 19. " Kanahele k.
MARE.
Sept. 26. Mareia o Kapule k, me Kalua w. na W. Kamau i mare.
E oluolu e hookomo iho ma ka nupepa KUOKOA. WILE.
Opihikao Dekemaba 28 1886
------------------
Ua hoomauia no ke Kiure o nehinei a hiki i na hora wanaao o keia kakahiaka ma ka noonoo ana i ka hihia o ke ʻlii kue ia Haol@liilii no ka powa ana i kekahi pake maauaua o Hauula, Oahu, a ma ka hora 1 paha a oi ka ahewa ana o ke kiure, ua hewa. A akahi no a hoi kauhale na kiure.
Ma ka ilina o Makiki inehinei ka huli ana o ke kauka i ke kumu i make ai o kela haole i loaa aku ma Leahi ma ka Poaha iho nei e like me na hoakaka ma kekahi wahi e ae o ka pepa, a ma kana hoike ua make oia ma kekahi ano i ike ole ia. He elima kapuai kona kiekie, a ma kahi o ke kanalima na makahiki.
Ma ke ku ana mai o na mokuahi o Kauai i ka la Sabati nei, ua loaa mai @@ nuhou weliweli loa e pili ana i ka hana pepehi naaupo. Oia @@, @@ @@@ pehi aku la o Kiekie, he kane oia, i kana wahine ponoi, kaawe oia iaia iho a make. Make pu laua ma Hanapepe, Kauai; aole i maopopo loa ke kumu o keia hana naaupo ana, aka, ua hooholo ka aha kolonelo malalo o na kumu i hoomaopopoia e lakou, ua make like mamuli o ka lawelawe ana a keia Kiekie.
------------------------------------------------------------------------------------------------------------
HOOLAHA KUMAU.
------------------------------------------------------------------------------------------------------------
W. AHANA.
KELA HUMUHUMU LOLE
------
Mea hana i na @@@@ h@@ ma @@ paikini maikai
a pau a me ka hoomaemae hou ana i na
LOLE KAHIKO.
@@@@ @@
------------------------------------------------------------------------------------------------------------
Laau Mai Lepera Helu I
-- A --
S. H. MEEKAPU.
--------
E LOAA A E HOOUNA IA NO MA ke kauoha, ka laau Mai Lepera ma na wahi a pau ke loaa he mau hoike oiaio no ka mai Lepera, a @e hoouna mua mai i na lilo o ka laau. E loaa pu no hoi me na Rula o ka inu ana. 2086-1yr.
------------------------------------------------------------------------------------------------------------
MRS. THOMAS LACK,
HELU 8t, ALANUI PAPU.
MEA KUAI A LAWELAWE I
--NA--
Mikini Humuhumu na Aahu, a nui wale aku
HE AGENA KU@@ NO NA MIKINI
White, New Home,
Davis, Crown, Howe,
Me Florence,
Na Kui Mikini o na
ano a pau a Howard,
Na pepa ana lole o
na ano a pau, a me
kela keia mea.
NA LOPI MIKINI A KALAKA.
HE AGENA KUAI I NA
Pu Raifela, Pu Panapana, Pu ki manu,
na Poka, Lu, Pauda, Kukaepera.
NA KAPUAHI AILA MAHU
mai ke nui a ka liilii.
------
Ma ka lawelawe nui ana oʻu i ka hana lima akamai o ka oihana hana pu a pela aku, @ makaukau au e hooko kaulua ole i na kauoha a pau.
O na kauoha mai na mokupuni e hooko@@@@. 2082-1y
------------------------------------------------------------------------------------------------------------
FRANK GERTZ.
[KIʻI] [KIʻI]
MEA KALEPA A LAWELAWE HANA MA
NA ANO KAMAA A PAU NO NA
Wahine, Kaikamahine a me Kane.
Na Kamaa Bati a me na Kamaa haahaa no na Keiki Kane a me na Kanaka makua, o na ano p@ikini hou loa.
208@-@m.
------------------------------------------------------------------------------------------------------------
HOOLAHA KUMAU.
------------------------------------------------------------------------------------------------------------
Ka Waiwai o ka Hilinai
--------
[KIʻI]
KA AYER Laau Sa@@pa@@la, kai kaulana a hilinai nui ia no ka hoomaemae koko, ma na wahi a pau o ka honua, he aneane 40 makahiki i hala ae nei, a ua lawelawe nui ia hoi iwaena o na oihana lapaau. O keia
LAAU SASAPARILA, no loko ae ia o ke aa Sasaparila Ho@@@@@@a maoli: ua loaa ka mana hoomaemae ma o ka hui pu ia ana ma kekahi mau aa laau e ae, a me kekahi mau mea no loko o ka honua a me ka @@@.
HE koko inoino a nawaliwali anei kou? Ua a wili pu anei me na ano mai ikaika? A ua hui pu anei me na wai awaawa hoopah@? Na keia
LAAU e hoomaemae ia mau mea ino a pau, a maikai. O na kauka lapaau a pau o A me rika i ike i ke ano o ka AYER SASAPARILA, ua olelo lakou, aole he mea maikai e ae no ka hoomaemae koko ana mai na mai i awili pu ia, aka o keia wale no. No ka
HOOMAEMAE ana i ke koko, a me ka hookahua pono ana i na mea a pau ma kekahi mau ano mai i ikeia, o ka AYER SASAPARILA wale no ka laau nana e hoomaemae hakalia ole mamua ae o kekahi ano laau e ae O ke.
KOKO ino hakuhaku, a nawaliwali hoi kona holo pono ana ma ke kino, e hoomaemae ia a e hooikaika pu ia no hoi ma o ka ai ana i keia LAAU SASAPARILA A AYER. He maalahi a he.
MAIKAI loa hoi keia Laau, aole no ka hoomaemae wale ana no i ke koko, aka, no ka hookaawale pu ana kekahi i na maʻi, hoomomona hou ana i ke koko ino, a me ka hooikaika pu i kona holo pono ana ma na @@. He lehulehu wale na hooia ana mai na wahi a pau o ke ao nei i hoohana mau i keia laau mamua o kahi mau laau e ae.
A HILINAIIA no ka ikaika kupono o ke ola kino, ma ka maemae ana o ke koko hoomake pu ia na maʻi, a pela aku. He nui na laau hoomaemae koko i hoolaha waha hee wale ia malalo o na inoa lehulehu, aka, o na hilinai a me na hooia wale no a ke ao holookoa, maluna o ka
Ayer Laau Sasaparila.
I HOOMAKAUKAU IA E
Kauka J. C. Ayer & Co., Lowall, Mass.
HOLLISTER & CO.
Na Agena ma ka Paeaina Hawaii.
Helu 100. . . . Alanui Papu, Honolulu
2086-tf.
------------------------------------------------------------------------------------------------------------
LEN SING.
Helu 135 Nuuanu Street.
-- MEA HUMUHUMU LOLE --
He Mea Hana, Hoomaemae a me hana hou ana i na lole kahiko. 2@09-5m
------------------------------------------------------------------------------------------------------------
WOLFE & CO.
------
Mea Kuai i na Ano a pau o na Mea
AI, HUA AI, O NA ANO A PAU.
Eke Palaoa, Berena, Waiu Bata, Berena manoanoa, Berena huinaha, mea ono, o kela ano keia ano; Ko paa, Kope, Ti, Aila mhu, a me na ano a pau.
------
Helu 66, Alanui Hotele, Halekuai mua o Lewis & Co.
E loaa koke aku no na kauoha a pau loa me ka hakalia ole, a me ka maikai o na hoomalu ia ana. E hooko ia na kauoha o ke kulanakauhale nei me ka hikiwawe ma na ka me ka uku ole. O na kauoha mai na mokupuni, e lawelawe koke ia. 2085-6m
------------------------------------------------------------------------------------------------------------
Nuhou! Nuhou! Nuhou!
AILA MAHU MAIKAI!
HOOKAHI DALA WALE NO NO KE
KINI AILA HOOKAHI!
E kuai pau ia aku ana no ka nui loa o ka aila i keia manawa
E AU E NA MAKAMAKA! E AU!
E kipa ae maka halekuai o
Kakela me Kuke.
------------------------------------------------------------------------------------------------------------
B. F. EHLERS & CO.,
PAINAPA.
------
Po@ Kuai i na Ano Lole a Pau.
Helu 99 alanui Papu. - Honolulu
------
E loaa mau ana na lole hou o na ano a pau maluna o ke @@@@ me keia moku.