Ka Nupepa Kuokoa, Volume XXVI, Number 2, 8 Ianuali 1887 — Page 2
| This text was transcribed by: | Ruth S. Goldstein |
| This work is dedicated to: | UH Sea Grant |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa.
No ka Makahiki…………………$2.00
No Eomo Makina………………. 1.00
--KUIKE KA RULA.—
Poaono Ianuari 8, 1887.
I na Makamaka.
Ua manao makou, he hana luhi loa ka hoouna ana i mau likiki (bila hookaa) no ka poe a pau e hookaa mai nei i ke dala o ka papa. Oiai i kekahi wa o ka makahiki i hala, ua hoouna makou he mau likiki no kekahi mau makamaka i hookaa dala mai ianei maloko o na wa-hi leta, aka ua pane ia mai aole i loaa aku, a aneane e pakolu ka hoouna ana.
Nolaila i mea e holopono ai, ua manae iho makou no na makamaka i hookaa palua mai i ka lakou dala o ka pepa no keia makahiki, e loaa pono aku ana ka lakou mau makana, oia ka Buke Alemanaka, a oia iho la no ka oukou likiki oiaio loa. Aole e loaa wale ana ka Alemanaka i kekahi mea ke ole e hookaa mua oia i na dala elua ma ko makou keena nei.
Hoea hou ua mea Hoomailo.
O ka opiuma keia, kekahi laau hoomailo i ke kino i kamailio nui ia iwaena o na lahui naauao a iwaena no hoi o kakou nei. Aole i malihini ia, aole hoi i hala ae mai ka ike ana a ka maka, a ma na manao makee paha i ka waiwai, ke dala, ka hanohano paha, molaila hoonee hou ia mai nei keia mea ino i kumu hoowaiwai koke iwaena o ka lahui Hawaii. Ae, he waiwai no, he waiwai nae e hoopoino ana i ke ola, e hookolila ana i ke kino kanaka, a e hoopupuka ana i kona mau helehelena maikai.
Owai ka poe i aloha nui no ke ola a me ke kino o hai aku e like me ko lakou aloha i ko lakou iho? A owai hoi ka i oluolu e hana maikai aku ia hai e like me ko lakou hana maikai ia mai? Eia o Hawaii, he hookahi no ia—a no ia maa kakou i ninau ai, ‘Owai ka i aloha ia Hawaii? Wahi a kekahi he hana aloha keia, he hana waiwai, a he hanohano paha. Aohe nae pela; he ukali keia i na hana o ke kumakaia i ka lahui, e like me ko luda lawe ana i na apana dala kipe i kumakaia ia ai ka Haku.
Ina he aloha ko Iuda i kona Haku ina aole oia i aa e lawe i na apana dala a nolaila, ma he aloha ka poe nana i uwai uku nei i ka lahui ma ke lae o ka lua opiuma me kona mau kolamu uwahi hohono e punohu ana, ina aole i kumakaia ia ko kakou ola no ke kanakolu tausani dala.
Ina he poe naauao ka hapanui o na hoa o ka aha kau kanawai i hala, ina ua ike lakou no lakou iho, aole i mamao loa aku na haawina a Iuda i hana aku ai maluna o ka Haku. Pehea la keia? Ina i noonoo ia kekahi mau hana loaa nui e ae o ke aupuni, a hoopapau na hooikaika ana a pau malaila, he oi aku ia o ka pono loa. Mamua o ka mohai holookoa ana aku i ke kino kanaka hookahi i moepuu no keia demona ino i hookuu ia ae nei, no ka makee ana i ke dala. He oi aku ka waiwai o kahi puu dala iki i loaa no kekahi hana ola o ka lahui kanaka mamua o ka puu dala i loaa mai ka hana make mai. He laahia ke kino o ke kanaka he hemolele, a he mea loaa ole ke kanaka i ke kuai ia me na miliona dala he nui. Eaho ka make mai ana iho, ka mea i ike mua ole ia kona mau palena, mamua o keia opiuma, ka mea i maopopo lea kona hopena—he awahua a he make.
Malia ke puapuai ae la na noonoo ana, he kanawai keia e apono ana i ke kuai opiuma o na pake, koe ke kanaka Hawaii; ua pale ia lakou. He wahi noonoo hupo nae ia. Ua ao ia kakou e aloha aku i ka hoalauna, ia hai, a i kela me koia mea e like me ko kakou aloha ponoi la kakou iho. He oiaio iwaena o ka lahui pake ka laha mahua hua ana o keia laau hoomailo kino, a e olelo paha kakou ua kuluma ia mea ia lakou. Aka, aole @ela iho la ka hana pono : mai waena mai no o ia lahui ka loaa ana mai o kekahi mau hooia e pili ana i ka ino o ka opiuma, a me ka hopena e loaa ana i ke kanaka mai ia kupuino mai—heaha aku koe?
Iloko o ke kaakaa aku no o na maka a ike i ke kino kolila o ke kanaka puhi opiuma me kona helehelena i kaoloa loa mai ko ke kanaka ano ae, a iloko hoi o ka hamama pono o na pepeiao a lohe i na haawina ino e ili mai ana launa o ke kino, ua pale ia iho la nae. He okoa ke kapa ana aku he hupo maoli a he konia keia hooholo @ e kuai akea ka opiuma, aka, o ke @a ana aku he kumakaia maopo@ ahaa loa o na hoahewa @.
E kaniuhu auanei na makua ke ike aku i na neiki e puhi ana a e nau ana i ka opiuma. He wahi hana pilikia paha ka ka makua, a manao na ke keiki e hoopau ia wahi pilipia, aka, ua ona nae ke keiki i ka opiuma, ua nalulu a ua eha ka opu, luhi malohi ke kino a o ka hiamoe wale no ka mea e oluolu ai He wahi pilikia paha hoi ko ke kane, a o ka wahine paha, e ake mai ana i ke kane e kokua aku, a o ke kane hoi i ka wahine e kokua mai, eia nae ua poluea i ka uwahi opiuma, ua loaa ka mai, a nui ka poino.
Ke minamina nei makou ma@a o lilo ka home hoonaauao o na pulapula hou o Hawaii nei i wahi hooki’o no ka opiuma, ko lakou mau paia hoi i kahua pa’u uwahi eleele, o ka hoolapuwale ia no ia o na ki@o, loaa ka mai, hohono ikaika ole na noonoo huli haawina, lilo na buke i mea hoolei wale ia, a he lapuwale loa ka hopena. He hopena ilihune ko ka poe e punihei ana i keia uwahi hohono, be hopena popilikia a me ka make. Lilo na pono noho’na ohana i mea piepiele ia no kahi kulu opiuma uuku, a hoolilo pu no hoi i na kino i kekahi manawa i panai no ia mau kulu.
Mawaho ae o na hooia lehulehu wale i ike maka ia a i hoike ia mai no ka hopena ino o ka opiuma, aole makou i poina i kekahi mau mea i haiia mai e kekahi makamaka maikai o makou ana i ike maka ai ma kekahi mau wahi o Hawaii. Wahi ana, he oi loa aku ke aloha ia o kahi kulu opiuma e haule ana ilalo mamua o ke keiki uuku e @e ae ana i wahi mea ono a pela aku. Ike maka oia i ke komo o kekahi poe i na eke mauu i oki puka ia no ke poo e komo iho ai a me na lima. No ka pau o ke dale i ka opiuma keia hana ana, aohe kuai i mau wahi aahu.
Ma keia ano, aole makou i manaolana e maluhia ana ke kanaka Hawaii mai eia ino mai. Ina no ua haawi laula ke kanawai i ka opiuma no kekahi lahui e aku aole no i pono ia. Minamina pu no hoi makou ke liko kekahi kanawai o ka aina i mea hoolapuwale wale ia, uhaki wale ia, a hoolilo ia i mea ole. E hana ia i kanawai paa loaa e papa ana i ke komomai o na hana hoolapuwale i ka aina a me ka lahui. He waiwai hoopoino i ke ola a he dala make ke loaa mai ana.
Nolaila ke ikea aku nei ka hikimua o na poino i upo ia mai na hana kohu ole ana a ke kau ahaolelo o 1886. O na kanawai e hoowaiwai ana i lahui me ke ino pu, malaila e hooikaikia ai na noonoo. O na kanawai maikai hoi, umia ia iho la. He naauao paha ia i ko lakou manao ana. Aka iwaena o na hoomanao ana o ko Hawaii au hooponopono aupuni, ua helu ia ka makahiki 1886 a me kana mauy hana ma ka papa ekahi o ka hoopailua ia—he piha ka haukae a me ka nele loa i na hana holumua o ka aina. E lawe aku auainei na makani kololio o keia noho ana ma na aina e i ka hohono maea o ka unwahi opiuma a hoike aku i ko laila, no Hawaii mai keia He lua opiuma aia malaila, a he dala opiuma ko ke aup@ ni. A ke hai ia aku nei ka puana @ moe,--O ke aupuni Hawaii, he m@ moe,--O ke aupuni Hawaii, he m2 na ke kamakolu tausani dala o @ kahiki.
Hapenuia ma Honolulu.
He la malie maikai ka la mua o keia makahiki, a he la hoi i piha hauoli ai na kanaka mai na opio a na kanikoo no ka hooloihiia ana o ko lakou ola a loaa he makahiki hou. Ma ka hapanui o na kauhale o ke kulanakauhale nei i ikeia, ua malamia he mau papaaina i hoolawaia me na ono a pau. A ua noho iho la ka ohana, na makamaka a me na hoa’loha e hauoli pu ma na papaaina. Ma kekahi mau kauhale hoi, ua lawelaweia na hana hoomanao o ka la me ka maluhia, a ma kekahi mau hale hoi ua ulu ae ka haunaele. Ua kui aku a kui mai a ua kahe ke koko. Ma na alanui i ikeia aku ai kekahi @oe ona e hikaka ana, a e hooho leo nui ana, me he la o ke ano ia o ko lakou Hapenuia ana. Ma kekahi mau alanui, ua ikeia aku he heluna nui o na kanikoo e kai malie ana, a e hanu ana paha i na ea makamua loa o ka makahiki hou. He mau helehelena ko lakou o ka hauoli e kakai hele ana ma ke alanui me na kookoo ma na lima. Aohe mau hoomanao e ae i ikeia aku, o na papaaina wale no ka hapanui. Aka he maluhia ka hapanui o na hana.
Ke kula o Maunaolu
Ma ka la 24 o Dekemaba nei, ua hoike liilii ia ke kula kaikamahine o Maunaolu no elua hora. Ua nani na mele i mele ia mai, a ua komo pu kekahi mau kumu hou ma ka hoike ana i ko laua mau kileo kani, anoano, ma ia manawa hookahi.
O ka nui o na haumana ma ke kula e noho nei, he 80 a oi ae, aole nae i piha ka halekula ia mau haumana kahiko e noho nei; ina he mau kaikauahine hou e makemake ana i ka naauao a me ka ike, i makua no lakou ma keia mua aku, ua makaukau na kumu e puili aloha mai ia lakou. He ola maikai ka nanaina me ka mohaha o na keiki ma ke kula.
Ua makana ke@ poe aloha i keia @a me kakahi mau dala, a ua kuaiia i mau noho ano hou, a i kapaia he Marble Wood. He nani keia mau makana a ka puuwai aloha i hana ai, he 40 ka nui.
Ua paipai hope loa mai o Gulick opio i ke kula me ka pule hookuu.
Me ke aloha. A. Pall.
KE KAU KIURE.
Ma ka Poakahi nei ka noho ana o ke Kau Kiure o ka Ahahookolokolo Apana ekahi ma Honolulu nei imua o ka Lunakanawai Kiekie A. F. Judd. Hoko o keia mau la nui na hihia i lawelawe ia, iwaena nae o ia mau hihia, hookahi hihia ano nui i hanaia, oia ka hihia pepehi kanaka ma Hamakua Hawaii; o Paulo ka pepehi kanaka i hoopii ia. Loihi ka manawa i noonoo i no keia hihia mai ka auina la Poakolu a hiki i na hora wanaao o ke kakahiaka Poaha. No loio John T. dare me Pepoe ma ka aoao o ka mea pepehi kanaka. Ua paa ka hihia, aole i haawi ka Aha i kana olelo hooholo aka, ua hoomoe ia aku la a hookolopolo hou ma ke Kau Kiure o Hilo, a malaila paha e maopopo ai kona ahewaia a me ka ole. O ke kumu o keia paa o keia hihia, ua hoopii ia oia imua o ka lunakanawai apana o Hamakua ma ka hihia lawe ola, a maanei hoi ma ka hihia pepehi kanaka. Nolaila waiho aku ka loio John T. Dare i kana kumu pale lalalo o keia ano hemahe ma, a no ia mea ka hoomoeia ana aku la.
Laikini Opiuma
Ua haawiia iho nei he laikini kuai opiuma ia Chun Lung, keiki a Mr. C. Afong o ke kulanakauhale nei. O ke kulike ana ia me ka mana o ke kanawai opiuma i apono ia e ka ahaolelo o 1886 i hala. He eha makahiki ka loihi o ka manawa no keia kaikini opiuma ma ke $30,000 o ka makahiki. A ua hoomaka ma@ keia laikini opiuma mai ka la i o keia mahina a hiki i ka pau ana o na makahiki eha. Ua olelo ia mai aole o keia Chun Lung wale no ka i lawe i keia laikini opiuma, aka, he hui keia ma kahi paha o ke tausani mahele. Ua pane ae kekahi o na pake waiwai o ke kulakakauhale nei aohe ka e puka a
a keia hana, ,a nolaila, makau oia a ae ole e lawe i ka laikini opiuma. A no ka nui loa ka kekahi o ke dala laikini.
He wahi moolelo pokoie ka makou i lohelohe wale e pili ana i keia laikini opiuma mai kekahi poe mai penei: Aia kekahi mea e noho nei i ke kulanakauhale, he kanaka honohan o oia a i lawelawe no hoi i kekahi mau oihana aupuni kiekie maloko nei o keia aupuni. O ka hana a keia kanaka, oia no ke kakau ana i mau palapala uwalo a nonoi hiahaa aku i ka---paha e haawi mai i kae ae na keia puulu pake ka laikini opiuma, no ka mea eia ke hoonee okoa ia aku nei ka mea hoomakapo. Hiki hou aku no he puulu pake hou a pela mau iho la no ka hana @ ana no ka ohi mai @ hiki iho nei i ka @ opiuma i ka @ ae, pau nui @ pake i ka nau@ @ iho, na lakou @, oiai ua manao @ punihei mai la kela i ka lakou ne maunu hoolaka. Eia ka hoi he popo auhuhu ka ianei o ka iliki ana aku, a ua oki e kapaa wale ana me he i-a ua make i ke kauhola ka onini wale mai no i ka ilikai:
O ka nui o nei popo auhuhu i hoonee ia aku, aia ma kahi o ka haneri tausani paha; nolaila, ma ka mahele ana, lilo aku la na iala e mea---? na ianei hoi e mea---? a no ko ka lahui wahi kieke iho hoi i kanakolu tausani. Hoike hou ia mai, o kekahi nune nui ia e oni nei iloko o na pake i keia mau la. No ko lakou nauki loa i ka hoohoka ia ana, nolaila, wahi a ua lono la, e hoopii aku ana ua poe pake la i ka ahaolelo e noho mai ana i ka 1888 e hoopau loai keia laikini, a e hana hou, a e hoonui hou ae i ka auhau, a nui wale aku. Hoonaukiuki loa ia mau hui pake i keia hoopoho ia ana paha o ko lakou manawa hana, ko lakou dala paha, a i ole o ko lakou hoohoka ino loa ia ana. Ua lawelawe malu ia keia hana wahi hou a ua lono la. Aka nae, iloko a ka palanehe a me ke aheahe malie, ike’a aku la ka pu-a ana ae o ka uwahi mao loa. Nolaila ikeia aku la mao ka uwahi, he makole ko onei.
Ka Wai Nui.
Ma ke ahiahi poeleele o ka Poaha nei i haule makawalu iho ai na p@kaua me ke koikoi, i panai ia e na olapa uwila me na hoohakui ana a ka hekiii. Ua hoomau ia ka ua ma ia po a ao, he pokole loa ka wa mao ae, a ua kahe nui ka wai ma na alanui. Mauka aku nei o Kalihi ma kahi piina ana aku @ ka What Cheer House, he kaheawai okoa mai no ka wai kohu muliwai. Malaila, hakoko pu ka mahele olelo o ka Aha Kiekie Mr, L. Wilcox, kana wahine, kekahi o kana mau paahana me ka wai. Ka lio a me ke kaa pu kekahi i hakoko me ka wai. A no ka ik@ika loa o ka wai, nolaila ua hookaawaleia k@ ma@ ke kaa mai, poino no hoi kekahi kaa ma ka haki ana o ke kolo, a kulai ia kekahi mau uwea olelo ilalo. He wai ikaika keia ke lele liilii la ke kaa me ka @o; aiwa loa aku paha a he muliwai. Iloko nae o na hooikaika ana a me ke kokua pu ana aku a kekahi poe o na kauhale kokoke malaila, pakele ai lakou mai poino loa. O Alanui Alakea hoi, he au@aha holo ia na ka wai, aohe aiani, lana pu ka wai ma@ o a o.
Mahuahua loa na poino i hanaia e ka wai ma na wahi kokoke mai i ua wahi la e kahe ana ka wai. Aia he mau hale e ku ana ma ka aoao makai o ke alanui i komo ia e ka wai a hoopoino i ko loko. Ua hoopoino loa ia kekahi mau mea ulu, oia ke ko, ka maia a pela aku. Ua hoike mai ka poe i ike maka i ka hohonu o ka wai aia i ke kaniai o ke kanaka ma kauwahi, a aneane nalowale no hoi ma kekahi wahi. Eia keia wai ke kahe nei mawaenakonu o ke alanui aupuni, a nolaila ua nui ka hoopoino ia o na kanaka, na kaa me na holoholona ma ka hoao ana e kau ma kela aoao. He ikaika loa ke kahe ana o ka wai maanei, oiai ke liko pu la ke kaalio, a e ole e okioki ia na ili hemo ai ka lio a mai make. Nolaila ua hanaia kekahi kaula loihi ma kela me keia aoao o ka wai i mea kokua i ka poe e au ana mao a maanei paha. He wahi inoino no keia i ka wa ua nui wahi a ko laila poe kamaaina.
Ka Puali Makai.
Ua hoomahuahua hou ia iho nei ka puali makai kiai o ke kulanakauhale i keia wa, a o ka nui paha ia ke hele loa la ka makai a hiki i ke alanui Liliha, Kula, a hala loa i kekahi mau alanui o waho aku nei o Kuiaokahua. Ma ka nana aku me he la ua ano koikoi mai ka hana a na makai i keia wa mamua o ka wa i hala. I keia wa he eono wale no hora kiai o ka wati hookahi, a he ekolu paha hora e moe ai. Mamua ua mama ka hana he ewalu hora kiai o ka wati a he ewalu hora e moe ai. Ua hoike ia mai e hooi loa ia aku ana ka holomua o ka oihana makai ma keia mua aku. E loaa ana paha he mau lio hou, he kaa, a me kekahi mau mea e ae i manaoia he mea kupono loa no ka holomua ana i ka hana a ka makai i kela me keia manawa i makemakeia. Lehulehu loa na makai hou i hookohu ia iho nei he poe kino oolea wale no ma ka nana aku. O kekahi mau makai olopala ua hoopauia. Me ka manaolana e holomua no na lawelawe oihana aupuni ana ma ka lima o ke kanaka Hawaii. E makee i ka hana a e lawelawe pololei ia.
He Kino Make.
Hoouna ia mai la ka lohe i ke taona nei ma ka telepone mai Waikiki mai, ua ike ia ke kino make o kekahi haole e waiho ana ma kahakai o Kaalawai mao aku o Leahi. Ua hoouna koke ia aku kekahi @au makai e kii a lawe mai i ua ki@ ke la. Hiki koke na m@ ike i ke kino make ua pa@ oino hiki ole ke lawe mai i ke taona @ei, nolaila, ua lawe loa ia e kanu ma ka ilina o Makiki, pela ka hoikeia mai. He haole ano aoo keia i malihini loa kona mau helehelena maanei, a me he la e kala loa paha i waiho ai iloko o ke kai a pela i inoino ai ke kino. Ma ke kohokoho wale ia ana me he la he haole pae mai keia mai ke kai mai; aohe mau hoike e ae e pili ana nona. Aohe ike pono ia iho o kona ano, koe wale no ka hoomaopopo ana iho he haole kulana aoo.
Nuhou o Kunawai.
Ma ka Poaono nei ka la mua o keia mahina o ka 1887, ua hoomanao ae kekahi o na makamaka a me na hoa’loha he wahi papaaina hoomanao no ka loaa ana he makahiki hou. Ua hanaia he papaaina malalo o ka malu lau Ohai, a ua nui na ono o kela a me keia ano i hoomakaukauia i ka wa kakahiaka nui wale i ka la i haiia maluna’e, a mamua ae o ka la e pii ae ana maluna o ko kakou mau kuahiwi kaulana, a he mau minute mahope iho, ua pahola ae la ka mea nana ia papaaina, oia o Kolopina, i kona lokomaikai ma o kona kono ana aku i kona mau hoa’loha e naue ae ma kahi nona ke poo manao e kau kehakeha ae la maluna, a ua hele ae kela a me kaia malaila, ua ai a ua inu e like me ka makemakie, a ma ka hoomaopopo aku i ka nui o ka poe i hiki ae, aia ma kahi o ka 15 a oi, a ua inu no hoi i ka wai o “kaluaokeala”, a mahope iho o ka pau ana o na kike kiaha ana, ua hoolei pono aku la ka mea e kakau nei i kona lena ike maluna o kela a me keia pakahi, ua uhi pakahi ia lakou a pau e ka noe o keia makahiki 1887; nui kela.
Ua malamaia ae no hoi he mau hula kui malaila, nana aku ia la oni na kino, lewa na kikala, hoononoho lua na kane me na wahine i muliwaa i ka ua mea he noho pono o ka uhana haukae iluna, a mahope o ia manawa ua hookuuia na hana me ka maikai, aole haunaele. Ma k@ o ana iho, ua loheia na leo holina ma kuau@ loi kalo, e huli ana kekahi wahi taaka i kana wahi ulua ua nalowale; ua hei paha ia Makalei upena hano.
Nolaila, ke haawi aku nei au i ko’u aloha Hape Nuia i na keiki hoonoho hua metala, a me ka ona, a lunahoeponopono ko’u Good Bye ana.
C. B. W. Menese.
KA HOIKE MAKAHIKI O KA AHAHUI EUANELIO.
Ua paa iho nei ka hoike makahiki a ka Ahahui Euanelio no ka makahiki i hala. O ke kumu o ka lohi loa ana, oia no ka waiho loihi ana o ke kakau leta i ka mai no na malama ekoku, a akahi no a loaa iaia ka lawelawe hou ana ma kana oihana. Nolaila ua lilo ia Rev. C. M. Haida ka hoopuka ana i ka Hoike makahiki ma ka olelo haole a ia Rev. I. Bikanele ma ka olelo Hawaqii. Ke hoikeia aku nei na kope i na Kahu Ekalesia, a na lakou e haawi ae i na Luna Ekalesia. E heluhelu oukou a pau a e hoomaopopo @ na hana Euanelio iwaena o ko kakou lahui Hawaii, a iwaena no hoi o na lahui e ae. He mau hana nui keia a ka, kou e hapai nei no ka hoolaha ana i ka pono o Iesu Kristo, i ola na uhane o kanaka ma ona la. A. O. Polepe.
Ko Lota koho ana.
I ka hoi ana o Aberama a me Lota mai Aigupita mai, he mau kanaka waiwai laua. He nui na holoholona a me na kauwa; a o keia mau kauwa he 1,300, ua lilo i ka hoopaapaa ana no kahi e hanai ai i na holoholona. Kaumaha o Aberama no ia mea, a no kona makemake ole e hakaka, ua i aku ia Lota e koho oia i wahi nona e noho ai. Huli aku o Lota, a loaa ke awawa momona o Ioredane, malaila hoi ke kukulanakauhale i p@ha me na kanaka hewa. Aole i maka’u o Lota ke noho ilaila oiai e mahuahua ana kona waiwai ina malaila.
Aole e kala ka make ana o Aberama a me Lota—3,700 makahiki a keu ma mua aku nei. He nui na haawina e loaa ana ma ka huli ana i ko laua mo olelo. Ua alakai ke Akua ia laua; ua ao pinepine ia no na hana pono ole, a ua hoopomaikai ia no ka manaoio.
He kumu hoohalike o Aberama no kakou—ua hana aku oia me ka lokomaikai i kana keiki ia Lota. Ina, ua like o Aberama me kekahi hapanui o kanaka e noho nei, ua i aku oia ia Lota: Owau ka mua: he keiki wale no o Lota na’u. Ia’u no kahi maikai o ka aina. Aole nae pela. Ua olelo ia Lota, e koho i kana wahi e koho ai, a iaia ke koena. He kanaka aloha, a lokomaikai o Abeama. Ua like kana hana me ka Iesu olelo, “o ke pookela iwaena o oukou, e like ia me ka mea uuku.” Lu. 22: 26. Mai hana oukou i kekahi mea me ka hakaka a me ka hookiekie wale wahi a Paulo. Pi. 2:3.
Aole nui na hoopaapaa a me ka hakaka ma na ohana, no ka waiwai, ua hoohalike, me Aberama. Oia ke kanewai, “E aloha aku i kou hoalauna,” aka, “ina e akiaki oukou, me ka hoo pau kekahi i kekahi.” Gal. 5:15 pehea auanei? oluolu anei ka noho ana?
Aole anei he nui na makamaka i hookaawaleia no ka hoohalike ole me Aberama. Kuee na hoa’aloha, na hoahanau no ka paakiki o kela a me keia ma kona aoao.
O Lota paha ke kahi kumu hoohalike--kupono ole nae i ka hahai ia. Ua kuko oia i ka hai, a he puni waiwai oia. Ina ua kohu pono ka Lota hana, ua i aku ia Aberama, a koho e i kona wahi, a mahope kona. Eia nae kana, koho oia i kahi maikai oka aina. Ua uha’i oia i ke kanawai umi; aole no i like me ka Paulo ao ana, “Aole hoi e nana kela mea keia mea i kana iho, aka, e nana i ka hai.” Pi. 2:4. He lehulehu ka poe e nana ana ia lakou iho, i ko lakou pono iho.
Eia hou. Ua ike no o Lota, he mau kulanakauhale keu ke ino e waiho ana ma ka papu ana i koho ai; aole no e nele ana ka launa ana me na kanako. Ina he haipule oiaio oia, ina paha ua makemake ole i home e pili ana ma ia nenelu; aka, ua ake nui e loaa ka waiwai, a nanaole i na ino, na poino paha e loaa mai ana i ka uhane ma ka launa ana me na uhane haukae. He hoao no nae oia.
Pela no kanaka i keia la. Ua puni dala, ua kuko i ka waiwai; a nolaila, nana ole i ke ano o na hoa hana. Komo ma na Hui me na kanaka hoopunipuni, na kanaka aihue. Ina paipai ko lakou lunaikehala ia lakou, e i aku paha, ka mea paha keia e pono ai, i loaa ke ola kino. Pela no i hele pu ai ka poe opio me na hoa kupono ole. Ina e manao ana ka haipule e kupaa mamuli o Iesu, aole hiki iaia e hoolilo i ka hoomaloka i hoapili nona. Aole anei e launa me kakou? E launa aku no, me ka manao e kokua ia lakou ma ka pono. Ina launa aku no kekahi kumu e ae, e poino auanei lakou.
O kekahi poe ua hele ma kahi nihi nihi loa, i loaa mai kahi waiwai. Aole hookaawale lakou mai Sodoma aku, @ka, ua hookokoke loa, e hoao ana ina paha ua hiki ia lakou e noho i’aila me ka poino ole. Ina e noho ana ma kahi o ka hoowalewale, aole i maopopo ka wa e lilo aku ai. Hookahi wale no mea e pono ai; e ku ma kahi mamao aku o na wahi hoowalewale, o kela ano keia ano. “O ke kanaka i manao ua kupaa ia, e ao hoi o hina.” 1 Kor. 10:12. “Mai hookuu oe ia makou i ka hoowalewaleia mai.”
Na kina’una’u o ka 1886.
Ma ka lokomaikai o ko makou makamaka aloha nona ka inoa malalo iho nei, ua hooili mai oia i keia mau nuhou hooweliweli o Kipahulu, Maui, he mau wahikoena kina’una’u no ka makahiki i hala aku la 1886, a eia iho malalo penei:
I ka nupepa Kuokoa: Aloha Oe. Ma ka po o ka la 25 o ka mahina i hala, Dekemaba, jua hookau aku la o John Kahilahila i kona ma lima kakauha maluna o ke kino o kana wahi pili aoao, (wahine) a pep@hi iho la, a no ka nui maka’u o ka wahine, nolaila, ua holo hele aku la oia e pee paha i pakele. Nui ka uwe o keia kanaka ma ia po a ao, a o ke kumu nui o ke ala ana mai o keia mau hana, oia no ka uluhia ia ana i na uhane ino daimonio o ka waiona. Ua hooliloia kekahi mau pono o ka hale i mea ole.
Ma ka la 27 mai no o ia mahina, ua lawe ae la o Kahula, he keiki opiopio, i kekahi pu panapana a paa ma kona lima, a oiai oia e nanea ana i ka milimili me ka makaikai pu ana, ua kani hewa ae la ua pu nei a komo aku la ka poka ma kona opu, maluna ae o kona piko; a ma ke awakea o kekahi la ae, ua haalele loa mai la kona hanu iaia a make loa. O na haawina ulia wale keia mamuli o ka lawelawe hemahema ana i na mea make.
Welina oe. M. K. Hiuuea.
NA HOOLAHA HOU.
Telephone Hulu 348. Pahu Leta Helu 415.
Chas. T. Gulick.
Notari, a he Agena Hooiaio Palapala Kopa no na Paahana. He agena haawi Laikini Mare
MEA LAWELAWE @ HANA
--A ME—
AGENA KOMISINA
He mea Hooponopono Waiwai Paa.
Aia ma ka Hale Pohaku o Kimo Kamabela, keena maluna e pili koke ana me ko ke Kanikela Amerika, alanui Kalepa, Honolulu, H. I.
2110-@.
AHA HOOKOLOKOLO APANA EHA O ko Hawaii Pae Aina. Ma ka Hooponopono Waiwai. Ma ka Waiwai o H. WAIALEALE (k) no Hanalei Kauai, i make kauoha ole. Imua o ka Lunakanawai Kaapuni, ma ke keena.
Ma ka he heluhelu a me ka waiho ana mai o ka Palapala Noi a DAVID NIAU (k) no Hanalei, Kauai, ua make kauoha ole ma Hanalei, ma ka la 23 o July, M. H. 1886, a e noi ana e haawiia ka Palapala Ho@kohu Luna Hooponopono Waiwai ia DAVID NIAU i olelo ia.
Ua kauohaia o ka POAONO ka la 29 0 IANUARI, M. H. 1887, i ka hora 10 kakahiaka oia ka manawa i kohoia no ka hoolohe ana i ua noi la, imua o ua Lunakanawai la, ma ke Keena Hookolokolo o keia Aha, ma Hanalei, a ma ia manawa a ma ia wahino e hele mai ai na mea a pau i pili e hoike mai i ke kumu, ina he kumu oiaio ko lakou, e ae ole ia ai ua noi la. A o keia olelo hauoha e hoolahaia ma ka olelo Hawaii i ekolu pule ma ke KUOKOA, nupepa ma Honolulu.
Kakauia ma Koloa, Kauai, ko Hawaii Pae Aina Dekemaba 30, M. H. 1886.
JACOB HARDY,
Lunakanawai Kaapuni Apana Eha.
2110-3t
AHA HOOKOLOKOLO KIEKIE O KO Hawaii Paeaina. Ma ka Hooponopono Waiwai. Ma ka haua o ka waiwai o PAKUAKINI (k.) o Kalawao Molokai he keiki oo ole. Olelo kauoha mamuli o ke noi a na pilikoko e hookohu ia i kahu malama no ua keiki oo ole la.
Ma ka heluhelu a me ka waihoia ana mai o ka palapala noi a Kamakele (w.) i kapaia i kahi manawa o Makaalii, a me kana kane o Alani, e hoike ana aia o Pakuakini i oleloia ke noho la ma Kalawao Molokai, he mai lepera, a oia no hoi ke kaikunane ponoi o ua Kamakele la i oleloia, a o na mea nonoi wale no na pilikoko o ua keiki oo ole la a he 16 ona may makahiki i keia wa, a he kuleana kona iloko o ka waiwai o Kalaikuaiwa (w.) i make e hooponopono ia nei imua o keia Aha, a c noi ana e hookohu ia o L. A. Thurston o Honolulu i kahu malama no ka waiwai o ua Pakuakini la i oleloia.
Nolaila ua kauoha ia o ka POALUA, IANUARI 11, 1887, ma ka hora 10 kakahiaka ma ke keena Hookolokolo ma Honolulu, oia ka manawa a me kahi e hoolehe ia ai keia noi ana mai, a me ka poe a pau e kue ana.
A e hoolaha ia keia kauoha ma ka olelo Hawaii i ekolu pule maloko o ke Kuokoa, he nupepa i paiia ma Honolulu.
Hanaia ma Honolulu Dekemaba 17, 1886.
A. F. JUDD.
Lunakanawai nui o ka Aha Kiekie.
Ikea: HENRY SMITH
Hope Kakauoleio. 2108. 3.t.
HOOLAHA HOOKO MORAKI.
I kulike ai me kekahi mana kuai i hoikeia ma kekahi moraki i hanaia mawaena o JOHN REBELLO a me Oswald Scholtz, i kakauia ma ka la 13 o Okatoba, 1885, i kopeia ma ka Buke 96 ma na aoao 364, 365, 366, a me 367 a mamuli o ka @hakiia ana o na kumu aelike o ua moraki la i oleloia no ka uku ole ia mai o ae dala, nolaila e kuai kudala a kea ia aku ana ma ke keena kudala o Lewis & Levey, na aina i hoakakaia ma ua moraki ia i oleloia, ma ka POAKOLU ka la 2 o FEBERUARI 1887, a ma ka nora awakea o ia la. No na mea i koe, e ninau ia Carles Creighton, he loio ma ke kanawai. OSWALD SCHOLTZ.
Ma o kona loio la A. Jaeer.
Dekemaba 30, 1886.
Penei na aina e kuaiia ana : 1 O kela apana aina me na hale maluna e waiho la Keoneula ma Honolulu i oleloia he hapa no ka Paiapala Sila nui 4423, ai hoakaka piha ia ma kekahi palapala mai ia Virgil Thompson ia John Rebello, i kakauia ma ka 1 o Augate, 1876, a a i kopeia ma ka Buke 47 ma na aoao 71, 72.
2 O kela apana aina @e na hale maluna iho e waiho la ma Keoneula, Honolulu, i hoakaka ia ma ka Palapala Sila nui 4423, Kuleana 605 a oia hoi ka aina i lilo aku ia John Rebello i oleloia, mamuli o kekahi palapala a Mary Eliza Clarke i kakauia ma ka la 29 o Aperila 1882, a i kopeia ma ka Buke 72 na aoao 374 a me 375. 2109-45\t.
HOOLAHA A KA LUNA HOOPONOPONO WAIWAI
O KA MEA NONA KA @NOA MALALO iho ua koho pono ia i Lunahooponopono Waiwai no ka waiwai o William B. Wright i make o Honolulu, nolaila, o na mea a pau he mau koi ka lakou i ua waiwai la, ke hai ia aku nei e waiho koke mai i ka lakou koi i hooia pono ia me na @ila kupono i ka mea nona ka inoa malalo iho iloko o @ mahina mai ka la aku o keia hoolaha ana a i ole pela e hoole loa ia aku no—a o ua mea a pau i aie mai i ua waiwai la, ke kauohaia aku nei e hookaa koke mai ma kuu keena, ma Alanei Kaahumanu ma Honolulu.
W. C. PARKE.
Lunahooponopono Waiwai no ka waiwai o William B Wright.
Honolulu, Nov. 2@, 1886. 2108-4t
NA HOOLAHA HOU
O DALA MAKANA.
@IO NALOWAI F.
Ua nowale mai I@ko aku o kola pa, ma Leleo, he lio kane keokeo ha@ a@ ma ka uha hope. O Waialua Oahu kahu noho @ keia lio, a ua hoi paha ilaila. O ka mea nana e hoihoi mai i keia lio ma ko’u pa ma Leleo, e lo@a iaia he UMI DALA mai kelu hana ak@.
AL@ONA @ake@
21@
HOOLAHA HOOKO MORAKI ME KE KUAI.—Mamuli o kekah@ Mana Kuai i hoikeia maloko e kekahi Halapia Moraki i hanaia mawaena o KALAEHA @
Kahaluu Mokupuni o Oahu o @ me J. J. CARDEN o ka aoao elua, @ o Mei 1883, i kakau kope ia ma k@ ka Luna Kakau Kope o ke A@ Buke Si aoao 75-6 a i hool@luia @ i oleloia ia Charles Furnea@ ma @ palapala hoolilo i kakauia ma ka @ ioba, 1885, a i kopeia ma ka Buke @ 435-6 a mamuli o ka uhaiia @ aelike o kela moraki, no ka uk@ @ mai o ke kumupaa me ka ukup@ @ ke hoolahaia aku nei e ka m@ @ elua o ua moraki nei, e hooko ana @ kuai, a ma ia hooko ana, e kudala @ i ka aina i hoikeia ma ia moraki @ hoakaka malalo iho, ma ka P@ IANUARI, 1887, ma ke Keena K@ P. Adams & Co. ma Honolulu, M @ Oahu, ma ka hora 12 awakea @
No na mea i koe, e ninau ia J. M. M. @a@ral, Loio ma ke Kanawai.
CHARLES FURN@
Lu@a Hooko Moraki.
Honolulu Ianuari, 1 1887.
Penei na aina e kuai ia a@ mau apana aina elua e waiho la ma @ nona ka ili he 1 96-100 eka, oi @ paha, a oia hoi ka aina i hoak@ Palapala Sila Nui Helu 2424. K@ 2246 ia Haina, a i hooli@oia ia k@ oleloia mai ia Kainuhi, ka @ponoi i Haina, mamuli o kekah@ kakauia ma ka la 16 o Novemaba @ kopeia ma ka Buke 31 aoaoa 103.
2 O kela mau apana aina ekolu @ ma Kahaluu i oleloia, nona ka@ 1000 eka, oi aku a emi ma@ paha, @ aina i hoakaka ia ma ka Palapala @ Helu 3065, Kuleana Helu 224@ hailua, a i hooliloia ia Kalaehao @ ia Ke ki Kanehailua, he keikikane @ waiwai o Kanehailua i oleloia m@ palapala i kakauia ma ka la @ M@ i kopeia ma ka Buke 72 aoao @.
2109. 4.t.
KUAI KUDALA A KAILUNAHO@ PONOPONO WAIWAI.
E kuai Kudalaia aku ana e ka @ inoa malalo iho na waiwai o W. @ Honolulu, i make ma Kalaep@ aku i ka la 14 o Ianuari 1887. @
O ke Kuleana a paa loa o ka waiwai @ B. Wright iloko ka Palapala @ no ka aina e waiho la ma Kawaik@ mai a Kalinaa ka me Kahihi @ ka la 5 o Augate, ’85 no o mak@ @o dala uku mua no ka makahiki @ Ua hookaaia ka uku hoolimalima @ hiki i ka la 5 o Augate ’87. Ma@ na la he 7 mau loi kalo, elua m@ ke kanuia i ka ai no 7 mahina ka @ 100x50 kap. pakahi.
He 20 mau loi kalo maluna @ Fornandex Esq ; aole nae he palapala @ lima maoli i hanaia. O keia malalo @ nui o na loi i paa i ke kanuia i ke @ ka loihi o ka ulu ana :
1 Loi 55x54. Ua oo ka ai. 1 Loi @ Ua oo ka ai, 1 Loi 76x55 he @ huki hapaia, 1 loi 52x116 he a ma@ 1 loi 56x116 akahi no a kanuia. 1 loi @ akahi no a kanuia.
O na loi kalo hoi e ulu nei mal@ na o J. I. Dowsett, ua pau ka mam@ hoolimalima, aka ua hiki no i ka @ ka aina ke hana nelike me kimo a @ wa e oo ai ka ai. O kela malalo @ nui o na loi.
1 Loi 100x80 kap. 1 loi 47x35 kap @ 38x74 kap, 1 loi 47x69 kap, 1 loi 94x74 kap, 1 loi 64x25 kap, 1 loi 64x22 kap.
He eono mahina pakahi. Ke ulu @ nei ka ai. Hookahi apana aina e ulu @ ka Palaai, ma kahi paha o ka 700 @ aku a emi mai paha.
Aia no hoi ma ka aina o W. B. W@ Kawaiki keia mau loi kalo kupuna @ penei :
1 Loi 24x150 kap, 1 loi 75x70 kap, 1 loi 120x41, 1 loi 74x80 kap, 1 loi X 24x37.
O ka mea e lilo ai keia mau loi ka@ ae, ua ae ia oia e uhuki i ka ai m@ kaulele ole:
He 80 mau kao maluna aku a em@ ma@ ke ole nae e lilo e mamua ae o ka @ mai o keia kedala ana.
Na waiwai liilii e ae, 5 kpoala : @ 2 X pala kuau loihi : 2 loi : 2 Kopala @ 2 mau O kioe mauu ; 1 upena 1 X loa, a 1 anana ka laula ; 1 Oo pe@ 1 hao kope ; 1 pahu kamana me na @ 2 noho lio ; na lako amara ; he mau pa @ uo kaa ; lako hao kahiko ; 1 paka@ a me 2 pa mea hoonani kihi hale : 2 ma@ wili kolu me na lako a pau, 2 mea w@ me na lako a pau ano liilii, 1 pea, @ omole pena; 1 mekini kahi laau; he @ o na kamau haaha a me kaniaa @. 1 @ 1 kaa kikane; 1 mekini oki mauui @ hana poi; mau lako hao kahiko: 4 @ poi; 1 paono; 7 mau hao a me 3 m@ kui poi; 7 pahu nunui, 6 pahu lu@ ai @ini waiho ai; 1 hale laau e @ ana; 1 papa kui poi; 4 huila kaa; @ moa ai; 1 pahiolo nui; 1 pahu @ hao; 1 kua kui hao; 2 kaulahao @ pakaukau; 1 paa huka, 1 ho kope @ hi oki mauu, 5 kopala kuao loihi;` @ 1 hamare pohaku; he heluna nui @ hiko, eono pahu o na hao kahik@; 1 @ a upa makani; 1 mekini wili haa@. H@ kahiko; 20 @ini, 2 papa kamana. 1 @ paka; 1 paona. He mau pulu@ pahu waiho wale, 1 pohaku @ 5 kopala kuau loihi me 2 kipikua.
Ma ka POAONO Ianuari 15, hora @ e kuai ia aku no keia mau waiwai @ ku la no ka hale penei:
O ke kuleana a pau loa o W. B. W@ ko o keia mau palapala hoolima@. o kela apana aina e waiho la @ o na alannui Moi me Liliha i @ ia S. C. Allen mai, no na Kauu W waiwai o Kimo Kohikana, i koka @ 21 o Maraki 1881, no 10 makahiki @ mai. O ka uku hoolimalima he @ na makahiki mua 5, a no ke keena @ makahiki pa $425 pakahi, a @ mahina; ua ukuia ka uku
hoolima @ ka la 30 Ianuari 1887, a o na @ lena o ka aina i ka wa e pau a@.
Ke ku nei maluna o ua aina la @ le ua pau i ka hoolimalimaia. @ Hammer no ka $15.00 o ka ma@ a hiki i la la 31 Ianuari 1887. H@ Barny Oarlt no ka $12 o ka ma@ hiki i ka la 15 aku nei o Sept @ hoi maluna o ua aina la 2 mau ha@ i nohoia, a ma ke kihi pono o a@ Liliha, 2 hale no A. A. Coffin a @ ai no ka hoolimalima o ka aina o@ mahina, aole nae i hanaia he pal@ lima no ia wahi, ua ukuia ka uku @ a hiki i Jan. 31 1887, a na ka @ ma mai e hooponopono me A. A. @ ka uku hoolimalima o ia manawa @.
O ka pono oki i ka mauu o na @ lilo a hiki i Feb. 13, 1887. Aia @ ia aina keia mau loi kalo. 1 Loi 21o0x@ 255x85, 248x43. He hookahi l@ na niu a pau e ulu la maluna o ka a@ aoao hoolimalima mai ia.
He kuike ke dala, a o na lilo @ ka @ la kuai me ka aoao kuai mai ia.
E. P. ADAMS
Luna Kadala.
W. C. Parke Lunahooponopono Waiwai o W. B. Wright.
Honolulu, Dec. 24, ’86 2100-5ts