Ka Nupepa Kuokoa, Volume XXVI, Number 1, 1 January 1887 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXVI, HELU 1.  HONOLULU, POAONO, IANUARI, 1, 1887.  NA HELU A PAU, 2109

 

HOOLAHA KUMAU.

 

CLARENCE WILDER ASHFORD. VOLNEY VAILLANCOURT ASHFORD.

ASHFORD & ASHFORD.

(NA HOAHANAU AKIPOKA.)

He mau Loio, Hoakaka, Pale ma ke Kanawai, Kakauolelo, Luna Hooponopono a me ka hana ana i na Palapala Hoolilo.
LAWELAWE ILOKO O NA AHA A PAU O KE AUPUNI.
E HANAIA NO NA PALAPALA PILIKANAWAI A PAU.
Keena Hana Helu 21, Alanui Kalepa, Honolulu Hale. 2082-1y

 

Telepone Helu 348. Pahu Leta Helu 415.

Chas. T. Gulick.
Notari, a he Agena Hooiaio Palapala Kepa no na Paahana. He Agena haawi Laikini Mare.
MEA LAWELAWE E OIHANA
A ME
AGENA KOMISINA
He mea Hooponopono Waiwai Paa.
Aia ma ka Hale Pohaku o Kimo Kamabela, keena maluna e pili koke ana me ko ke Kanikela Amelika, alanui Kalepa, Honolulu, H.I.
2110 tf

 

A. ROSA (AKONI.)

LOIO A HE KOKUA MA KE KANAWAI.

He Luna Hooiaio Palapala.
KEENA HANA: Ma ke Keena Loio Kuhina.

tf.

 

CECIL BROWN.
LOIO A HE KOKUA MA KE KANAWAI?
A he Agena Hooiaio Palapala no ka Mokupuni o Oahu.
KEENA HANA: Ma alanui Kalepa.

tf.

 

GEORGE P. KAMAUOHA.

He Loio a he Kokua ma ke Kanawai.

A HE MEA ANA AINA.
E loaa no ma Kohala Akau, Hawaii.

2091-1y

 

JOSEPH WILLIAM KELIIKOA.
            He loio, a he kokua, a he pale, a he koo ma ke Kanawai. E loaa no au ma ke Keena a J.M. Poepoe kihi o na Alanui Alii a Aniani, Honolulu. Ua hiki no hoi ke hana i na Palapala pili Kanawai o kela me keia ano. 1 yr.

 

J.A. MAGOON, (Makuna.)
LOIO A HE KOKUA MA KE KANAWAI.

Keena Hana, Helu 42 Alanui Kalepa, kokoke i ke Keena o Pelekona. tf

 

JOHN MAHIAI KANEAKUA

LOIO A HE KOKUA MA KE KANAWAI.

HE MEA UNUHIOLELO MA KA OLELO BERITANIA A ME KA OLELO HAWAII.

Keena Hana ma Alanui Kalepa, Honolulu, maluna no o ka Banako o Bihopa ma.
1 yr.

 

JAMES M. MONSARRAT. (Maunakea)

LOIO A HE KOKUA MA KE KANAWAI.

He Luna Hooiaio Palapala.

E hana ia no na Palapala Kuai, Palapala Hoolimalima, a me na palapala pili kanawai e ae ma ka olelo Hawaii. Dala no ka hoaie ma ka moraki ma na waiwai paa.

KEENA HANA: Alanui Kalepa.

 

KINNEY & PETERSON

LOIO, LOIO, LOIO.

Keena Hana: Helu 15 Alanui Kaahumanu, Honolulu

 

            RICHARD F. BICKERTON. (PELEKONA.)

LOIO A HE KOKUA MA KE KANAWAI

KEENA HANA: Maloko o ka Halewai hou. tf

 

S.B. DOLE
LOIO. LOIO. LOIO.
He Luna Hooiaio Palapala.
KEENA HANA: Helu 15 alanui Kaahumanu

2079-1y

 

W.R. KAKELA.

LOIO A HE KOKUA MA KE KANAWAI.

He Luna Hooiaio Palapala.

tf

 

WILLIAM AULD.

Luna Hooiaio Palapala Kope Paahana no ka Apana o Kona.
KEENA HANA: Ma ke Keena o ke Kuokoa. tf

 

W.C. AKANA (KALAUKI.)

He Mahele a Unuhi-olelo ma ka olelo Pake ma ka olelo Hawaii. Ua makaukau no hoi hana i na Palapala Kuai a Hoolimalima pela aku mawaena o na Pake a me na kanaka Hawaii. E loaa no au ma ke keena Helu 7, Alanui Moi, ma kahi e kokoke ana iho uwapo o Haaliliamanu. 2010-1y

 

WILLIAM McCANDLESS.

HALEKUAI BIPI O WILIAMA MA KALALENA ma Ulakoheo. Na ano Bipi a me na Ia a pau o ka makeke no na kumukuai oluolu. Uala Kahiki a pela'ku. 2092-1y

 

 

HE MOOLELO KAAO NO

Edisepa Ferido.

KA HIENA KAULANA O BAGALIA

KA OLALI O NA MEA HUNA POHIHIHI

Ka Aina Lewa Pahaohao o Mauna Beria
Ke Kuhikuhi Puuene Poupou Kamahao, a o ka Liona Hanu Meheu Pololei.

He Moolelo Enelani i unuhi ia no ke Kuokoa.

            I kela wa i pane hou mai ai ke kumu laau kamahao ma o ke poo kaikamahine la penei: O oe ka imi mea hou pohihihi. Owai kou alakai iwaena o na ao o ka lewa?

            Pane aku la o Edisepa. Kulikuli au i kau olelo, aole anei oe i ike na ka lio baka Boloka au i lawe mai nei, a heaha kou mea ninau mai ia’u, e akahele oe o powehiwehi ka ike o ko mau maka ia’u a nalo aku au no ko Haku e noho mai la.

            Auwe! Hilahila ino au ia oe, pehea la oe i manao ai he hiki i ka mea kino e like me oe ke komo iloko o ka aina o kuu Haku, aole, aole kupua, aole mea e ae, o ke pohihihi wale no ke komo mai i kuu aina, aole kekahi mea e ae.

            Noho malie kau olelo, wahi a Edisepa i pane aku ai, a ia wa pu no i kani ae ai o manu Pouli a hohola iho la oia i kona mau eheu ma kela a me kaia aoao o ka lio a me Edisepa pu, a nalowale iho la lakou a pau, a koe ka huelo o ua Baka Boloka la iwaho.

            I keia wa i nalo ai o Edisepa, ia wa no i peku ae ai ua Edisepa la me ka hikiwawe i kona lio, a he a nuu ana no ua ho la, poholo ana lakou a pau loa iloko o ka aina Kamahao o ke ala o na mea pohihihi me ka ike ole o ua kaikamahine kiai nei, pohina na maka o ua kaikamahine kiai la i na hana a ka lio Baka Boloka a me Manu Pouli.

            Ia lakou la i komo aku ai a hiki iloko o ke pohihihi, aia hoi, kani ana ka hora 12, a moe iho la na kiai a pau, moe pu iho la hoi me ke kaikamahine kiai i papa@eo pu ai me Edisepa a kaua i ike mua aenei.

            He wahi mea ano kupanaha no hoi i na kiai o keia aina kamahao, ko lakou hiamoe ana i ka hora 12 o ke awakea, no ka mea, he wa ai kela no kakou nei, a pela pu me na kiai kupua a pau, a koe ka aina o ke ala o na mea pohihihi, he wa moe ia no lakou, o keia poe kiai a pau, he moe lakou no hookahi hora wale no, ma ka hora 12 aku a ka hora 1, o na wa e ae a pau o ka po a me ke ao, he wa ala mau ia no lakou i na wa a pau, a e pokaa mau ana lakou ma na aoao a pau o ka hale o ke ala o na mea pohihihi, me ka makaala mau ana ina sekona a pau loa, aole o lakou wa e imo ai, aole no hoi he wa e moe ai o ko lakou maka, aohe wa e noho ai, aohe wa e ku ai a lalau ka maka i kahi-e, i kela a me keia sekona e kuku mau ana ka lihilihi o ko lakou mau maka.

            Ua hoonohoia keia poe kiai ma ke ano laina poepoe, o na liona, ua pa kanahiku ia lakou ma ka laina hookahi, a o na bea ma ka palua iho i ke kanahiku, a o na moo-unahi ma ka pa-ha iho i ke kanahiku, a maloko aku o ka hale o ke ala o na mea pohihihi, e kuku ana he mau tausani o na elemakule me na ihoiho kuikui kupua no lakou ka malamalama e like me ka a a ana a ka maka o  ka popoki ka weli, a maloko aku o na ipuka e komo aku ai iloko o ka hale o ua ala pohihihi nei e waiho ana na paa kamaa kupua o Beremiwa, a maloko aku o kela a me keia lumi pakahi, e kuku ana na lio Hauna me ko lakou @ @keke ana; ua aka@ @ la paha keia mau mea ia oe e ka mea heluhelu, aole e loaa ana ia Edisepa he mau poina mai keia mau kiai mai.

            Oiai o Edisepa e ku ana imua o keia aina a ke kamahao nui wale, ia wa huli ae la oia a pane ae la i kana manu penei: e manu ouli e, eia kaua i keia aina o ke ala o na mea pohihihi a pehea la kaua e hana aku ai i hiki ono aku ai kaua ilaila, a i hiki ai hoi au ke hiolani aku ma ka poli o ua ui la, e hai mai oe ia’u.

            Pane aku la ua Manu Pouli la penei: E ka haku o na haku o kuu aina mai, ua hilinai au maluna ou, ua paulele hoi au maluna o kou nani, ua ohohia kuu naau e hele mahope ou, aka, o na hoao hewa ana e like me kau i olelo mai nei, he mea ia e ano e ai no kou noho ana ma keia mua aku, a he hopena awahia hoi nou e ka haku maikai, a eia ka’u olelo paa ia oe, e hele oe i kau mea i hele mai ai, a mai hoao oe e hookuli i keia mau olelo, e homanao pu hoi oe i ka nui o na pilikia i loaa ia oe ma kou alahele, a o ka hope loa o ka’u mau olelo ia oe, e nana i kau aikane e noho mai la iloko o ka ehaeha, a e hoao oe e kupaa ma ka oiaio, mai hookuli oe.

            Pane mai la ua Edisepa la, e ka manu maikai, aohe au e hookuli i kau mau olelo, a mai hopohopo kou manao, e hele au.

            Lele iho la ua Edisepa la mailuna iho o ka lio, a o kana mau manu hoi, lele ae la laua a kau iluna o ka lio.  I kela wa i huli mai ai ke poo o ka lio Baka Boloka a hoopuka mai la oia i keia mau huaolelo penei:

            E Edisepa ka nani.  e hoomanao i ka puoho o na kiai, e hoomanao i ke kikala o Baka Boloka nei, e eleu a e makaala e like me ka manu liilii, ina au e kahea aku ia oe, o kou wa ia e holo koke mai ai, a o ko kakou wa no ia e hoi ai.

            Pane mai la ua Edisepa la, a! o oe kuu hoa’loha a mau aku, aohe au mea papa, hookahi wale no au mea olelo mai o ka hana a nui ka eleu.

            He mau minute pihoihoi loa keia no ua Edisepa la a kaua, oiai ke ike aku nei no kona mau maka i na hana a na kiai, i ke keke mai o ko lakou mau niho, a oia ka Edisepa i pane ae ai penei:  Heaha la hoi ka @ e liona e keke mai nei na @ ku paha auanei au ia oukou @, a @ hoi ka mea apiki, he @ he hookahi wale iho @.

            Me keia mau h@ la i pane ai a@ wawae no ka hel@ kaina wawae ana @ ae la oia i keia ma@.  Eia au ke hele nei no k@ pohihihi, a eia ka hoi ua mea @ ala ae paha auanei keia poe kupua kiai, a pau mai au i ka ai ia.

            Kai hou aku la na kapuai o ua Edisepa la, a no eha kaina wawae, pane hou ae la oia penei:  Eia au ke hele nei imua, aia hoi kuu manao i hope me Nani Ehiku; heaha la hoi, e ia au ke hele nei imua, a imua au a hiki i kuu pomaikai a poho.

            Kai hou aku la na kapuai o ua Edisepa la a no eono kaina wawae ku hou iho la no oia, a pane iho la penei:  Kahaha!  O ke ala anei keia o ka mea pohihihi a’u e huli nei, ae, oia no, ae, oiaio no ka hoi, a mino-aka iho la ua Edisepa la a pane hou ae la, ua hiki e hele au, a i loaa hoi oe ia’u, @e ike no oe i ke pohihihi o ka honua e kalele ana i Manua, i ke kahoaka a maile kahei, a aohe mea nana e wehe ka pili a Makalii; a hele aku la ua Edisepa la.

            I keia wa a Edisepa e hele nei, ua hala ae la he hapaha hora ua like me ekolu hapaha hore wale no i koe, alaila o ka hoopuoho koke mai no ia o na leo o na hoholona kiai, a e ikeia ai hoi na mea kolohe i ka aina o ke pohihihi@

            Iaia i hiki aku ai i ka hale o ke ala o na mea pohihihi, kiei aku la kona poo elemakule e moe ana na maka, a e ku ana no nae lakou iluna, a oia ka Edisepa i pane ae ai penei:

            Kahihi, heaha hoi ka keia poe elemakule e pule mai nei ia’u? a pane aku: la oia me kona hooluliluli pu ana aku penei:  E keia poe elemakule e, na wai oukou i olelo aku-e pela iho la e pule ai? aohe nae he wahi mea a kaakaa iki mai o na maka o ua poe elemakule nei, a pane hou aku la no ua Edisepa nei:  E ! ahea oukou amene ae i ka oukou pule ana, akaaka ae la ua edisepa @ nei, a pane hou ae la penei; aole, he poe elemakule leo ole keia, he poe kii paha oukou, ae he poe kii i’o no.

            Komo loa aku la oia a hiki ma kahi o na paa kamaa e waiho ana, a pane ae la oia, aia a hoi mai au, lawe ia oukou e kena poe kamaa i mea pale no kuu wawae, a pane hou ae la oia, aole, e hoao au e komo i keia mau paa kamaa, he ku no paha ia’u, aole paha?

            Me keia mau huaolelo oia i pane ae ai a ho-o iho la oia i kona mau wawae iloko o ua mau paa kamaa la, i ka wa i pau pono ai o na wawae o ua Edisepa la iloko o ua mau paa kamaa la, aia hoi e like me ka imo ana a ka maka i lele aku ai ua mau paa kamaa la me ka mama loa, a ku ana ua Edisepa la iloko o kekahi lumi nani loa, ka lumi hoi ana i ike mua ole ai, a o na mea nani a pau loa o loko o ua lumi la, ua kupanaha loa ia i ka Edisepa ike ana, a oia ka ua Edisepa la i pane ae ai penei:

            Aole au i ike i kekahi mau mea nani e like me kaia, aohe hoi a’u lumi i ike ai e like me keia, ua kuhihewa wau o ka lumi la o Nani Ehiku ka nani, eia ka hoi ka nani i oi ae, a no keia mau paa kamaa hoi ko’u makemake loa ana, no ka mea, ua like me ka imo ana a ka maka, ku ana au i keia wahi ano-e, kahi hoi a’u i ike mua ole ai, he oiaio he pohihihi na mea paahana ma keia wahi a’u e poina ole ai ma keia mua aku.

            Me keia mau huaolelo e nu ana iloko ona (Edisepa) oia i huli ae ai a nana aku la maluna o kekahi alapii gula, iaia e kilohi ana i ua alapii la, e ha-lo ana hoi ma na anuu, aia hoi, ike aku la oia i ke aka o kekahi mau kaikamahine elima e moe mai ana maluna o kekahi moe gula nui, a ua like na helehelena o na kaikamahine mua 4 me he kukuna la no ka la e oili ae ana i ke kakahiaka, a o ka lima o ke kaikamahine, ua like ke aiai o kona ili me ke olilino o na mak a o ka hoku i ka po.

            I ka ike maka ana aku o Edisepa i ua poe kaikamahine la, palulu ae la oia i kona mau lima i ka lae a pane ae la penei:

            A ! o oe no ka ia e ke “a’a o na mea pohihihi,” ae, o oe no, aohe mea okoa, a o kou koolua e moe mai la, o ke pohihi no ia o ka honua, ua hei olua ia’u ano.

            @ @ ua Edisepa @ oia a hiki @a, aia hoi, @e loa, ka@ @i, @ a puana @ @ai nei au eia @ ka aole, hoo@ au me keia mea hulali, h@ keiki Edisepa nei a hele @ kekahi wahi okoa, a he @ @la no oia, no kekahi ma@ @ia hele hoaa ana o ua Edisepa @hiki i ka hapalua hora, alaila ala mai a kiai a pau, aka , e akahele no kaua e ka mea heluhelu.

            No keia hoomoka ia ana o Edisepa, kulou iho la nona poo ilalo, me ka leha ana o kona mau maka ilalo o ka papahele e huali ae ana imua o kona mau maka, aia hoi, ike iho la oia i kekahi pani h@ina ha malalo pono o kona mau wawae, a ike u iho la oia i kekahi mau kaikamahine elima e huli like ae ana ko lakou mau alo iluna a ua pauhia loa ia lakou e ka hiamoe kulipolipo.

            A oia ka ua Edisepa la i pane iho ai, a! eia olua e keia mau ui hooluhi nui wale, ua lona olua ia’u i keia hora ano, aole olua e pakele ana ia’u, ua hana ae oe i kou hale a nui na mea hulali i mea e pohihihi ai no ko’u noonoo, aka, aole e hiki, oiai, eia no au ka imi mea pohihihi o ka honua ke huli nei, aole au i paupauaho.

            Me keia mau huaolelo ua Edisepa la i pane ae ai a kukuli iho la kona mau kuli ilalo a hoao iho la oia e wehe i ua pani huina-ha la, iaia e unene ana aia hoi, olapa ae la na huna ahi me ka ikaika launa ole, a loaa mai la na maka o ua Edisepa la a hina aku la oia iluna ke alo.

            I kela wa a Edisepa i hina ai, aia hoi, pa iho la kana kiaha gula iluna o ka papahele a he koha ana, aia hoi, oili ae la kekahi kaikamahine ui lua ole a pane iho la ia Edisepa penei:  E kuu haku, mai makau oe no keia make ou, he oiaio, ina iho ke ala o na mea pohihihi ua moe a ua luhi, ua loaa ia oe aole e pakele, hahai mai mahope o’u a na’u no e lawe ae ia @

            Pane aku la o @ oe.

            @ @au owau o Edisepa, kahaha ua kuni @ wale no ka i hele mai nei, eia ka kaua pu no, ua hiki hele aku kaua.

            Ia wa lalau iho la na lima o ua kaikamahine la a wehe ae la i ua pani aniani huina-ha la, a hemo ae la, a ike aku la o Edisepa i kekahi alanui nani loa e moe mai ana mai ka hale mai ilalo a hiki iluna nei kahi a laua nei ku aku ana, a ike pu aku la no hoi oia i ua poe kaikamahine la e hiolani mai ana iluna o kekahi moe nani lua ole, pane ae la ke kaikamahine kamahao ia edisepa penei:  E iho ilalo, a mai noho loihi, e hoomanao no ka wa e ala mai ai na kiai, o pilikia auanei oe, e hoi au e like me ko’u ano mau ke kiaha gula.

            Ae aku la o Edisepa a nalo iho la ua kaikamahine la iloko o ke kiaha aniani, a o Edisepa hoi, huli ae la oia a iho aku la me ke akahele loa.

            Iaia e iho la me na kaina wawae malie, a hiki aku la oia i ke anuu o lalo loa, huli ae la kona maka a nana i na ui elima e moe mai ana, a pane aku la oia penei:  ae, o oe keia e ke ala o na mea pohihihi e moe nei, ua ike mua no au ia oe, a ua poina nae au i ka’u wahi i ike ai.  O oukou 4 e moe nei me na helehelena like, he hookahi no oukou, aohe 4, a oiala aku, o kuu enemi no ia, ka mea a’u i huli mai nei.

            Kiloni aku la na maka o Edisepa maluna o ke ala o na mea pohihihi, he mea oiaio wahi a Edisepa i pane iho ai penei:

            Nani no hoi hou mau helehelena e ke ala o na mea pohihihi, mohaha maikai no hoi kou mau helehelena, ua like kou mau maka me he maka la no ka hoku olinolino, o kou lauoho hoi, ua like ia me ka hulu o ka manu alagata o Sibeona, o kou mau lihilihi maka hoi, me he lihilihi la no ke anuenue, o kou muumuu moe po, ua like i ia me ke olinolino o ka la, a o kou mau lima ua like ia me ka hulali o ka malamalama o ka mahina konane i ka po lai, o kou nani a pau ua lawa loa ia i ke kulai ana mai i ka manao paa o ko’u puuwai, he oiaio, he hiki loa ia oe ke kulai i ko’u kupaa i keia hora.

            Hele aku la ua Edisepa @ haalele iho la ma ka umauma @ mea pohihihi a pa@  Eia oe imua @ he a’u @ no @le oe @ aole au e ho@ hana ka’u.

            A pane hou ae la no ua @ penei:  Aole, e honi au ia oe, @ iho la ua Edisepa la, a pane hou ae la a laa wale no ka hoi oe e ke ala o na mea pohihihi la, a’u i hele mai nei e imi ia oe, hoapake wale iho no oe e hoapakee ai, ua noa ae la no nae kuu makemake ia oe, aole oe e ala ana i keia wa, aia kou ala no ka hora ekahi, nolana, me iala aku au e kaana like ai, no ka mea o kuu enemi ino ia, ka mea hoi nana i hoauwana hele mai ia’u i keia mau aina malihini, me keia mau huaolelo oia i pane ai a kalele aku la oia maluna o ke pohihihi o ka honua, me ka pane ana aku penei:

            E ka nani e moe nei-e, aole anei oe e ala ae e ai i kou aina awakea?-o ka moe no ka kau.

            Ia wa koke no i onioni ae ai ua ui @ a a makili ae la kona mau maka a ike ae la oia i ka eha a kona naau e ku ana, a mino aka hoomahie ae la oia me ka pane ana ae.  aohe o’u pololi, a pulou hou iho la oia iloko o kona kihei.

            Pane iho la o Edisepa me ka minoaka ana:  auwe, e moe hou ana ka hoi oe, ua hiki mai nei hoi au kau malihini, eia ka he moe hou iho ka hoi kau.

            Ia wa, i wehe hou ae la ua kakamahine la i kona kapa a pa’ipa’i ae la kona lima i kona waha a kuhikuhi iho la i ke ala o na mea pohihihi, me he mea la e olelo mai ana:

            Hamau kaua e ka inu wai

            Eia ka makani he uluau.

            A hawanawana mai la oia ia Edisepa penei:  Mahea oe i komo mai nei?

            Pane aku la o Edisepa, ma ke ala mai nei au o ke pohihihi, mai ka Hale Paahao mai hoi o “Keleawe Melemele.”

            Ia wa koke no i lele mai ai ua ui la a pulili ae la ia Edisepa a pane mai la, pakele maoli oe i komo mai nei, e pono oe e hoi koke aku i keia wa o make @ auanei oe, no ka mea, kokoke loa @ na kiai.

            Pane aku la o Edisepa heaha auanei ka’u mea e hopohopo ai no ia make, i hele mai nei no ka hoi au e make mahope ou, a ina no hoi paha he o’e, oia iho la no.

            Pane mai la ua ui la, mai mauna oe i kou kino e like me keia, e uumi i ke aloha iloko o kou puuwai, a e hoomanao oe ia’u no na la he nui.

            Pane aku la o Edisepa:  E ke alaoha, ua ehaeha kuu naau i ke aloha nou, aohe hoi he hamale kaumaha nana e hamale keia aloha e palahe ai, mahope au ou a mainoino keia kino, no ka mea, ua lawa like kaua i na hoailona o ke aloha, oia hoi keia kaha pe’a @ e kakau nei ma kuu umauma, a ke ninau aku nei au ia oe:  Ohea la kou aina hanau?

            Pane mai la ua ui la, o keia aina no ko’u one hanau.

            Pane aku la o Edisepa, ua kaapuni au a puni, a puni ka lewa nei iloko o na makahiki he lehulehu i hala ae nei, aole oe i loaa iki ia’u, aole no hoi au i ike iki ia oe i keia aina; e ha’i mai ia’u i ka mea oiaio ina he aloha kou ia’u.

            No keia aina no au i hanau ai, a hanai ia nae au ilalo i ka honua: wahi a ua kaikamahine la.

            Pane aku la o Edisepa:  e hoike me ka oiaio imua o’u kau aloha, no ka mea, kokoke au e hoi, a nani no hoi ka ipo a ke aloha ole ia oe.  Ia wa hahai pololei aku la ua ui la penei; ae, ia oe, hai au i ko’u aina hanau. Oia o Aina Ala.

            O Aina Ala kou aina.  Owai kou inoa?  Wahi a Edisepa i hoohuahualau hou aku ai.

            O “Ka Hoku o Aina Ala” ko’u inoa, wahi a ua kaikamahine la.

            Auwe, ua poai au i ka honua holo okoa iloko o na makahiki he umi i hala ae nei, aole nae au i ike, a lohe hoi, he inoa kekahi no kekahi wahine, o ‘ka Hoku o Aina Ala’ kona inoa, heaha la hoi keia mau hana aloha ole au ia’u, he aloha ole no paha kou ia’u; e hoike mai i kou manao ia’u ina he aloha paha kou no’u, aole paha?

            Auwe ! nani no hoi oe a ka ipo hoohuakeeo nui wale, a hone ae la laua me ke kuwiliwili ana, aole no hoi i komo mai kekahi wahi manao hoohuoi i keia wahine no edisepa.  A oia ka ua ui@ pane aku ai, ua aloha oe ia’u, a @ aloha no hoi au ia oe; e hai au i @noa, o “Calaudila” ko’u inoa @kapaia mai ai e ko’u @ “Ke Pohihihi o ka @” @ ko’u inoa.  Oia la @ ipo, @ inoa?

            @wa i okakala mai ai ko Edisepa @no holookoa, a pane pololei aku la penei:  A ! O oe e ke pohihihi o ka honua i olelo ia @he pohihihi kou, “loaa oe ia’u i keia wa.”

            Owau no keia o Edisepa aohe he mea e, ka imi mea pohihihi o Aina Ala.

            “Ua loaa ka mea pohihihi.”

            Hapenuia pu me Edisepa.

(Aole i pau.)

 

Pau ole ka Hoopunipuni.

 

            E ka Nupepa KUOKOA e:  aloha oe

            E oluolu oe e hoolaha ae i kela mau hua e kau ae la malua i ike mai ai na kini makamaka o kaua mai Hawaii o Keawe a hala loa aku i ka welo'na a ka la i Lehua.

            Eia ma Hana nei kekahi wahine hoopunipuni o Kaahanui kona inoa, i ka la 4 o Dekemaba, hiki aku la au ma kahi o kuu makamaka oiaio a hoa lawe hana iloko o Kristo, oia o P. Kahahei, he mai kona he ano lolo kekahi uha; ma ke ahiahi o ua la nei a hiki au ma kona moe pane mai la o P. Kahahei ia’u, e pule oe.

            A ao ae oia ka la Sabati, lilo hou no ia’u ka pule.

            Hele au i ka pule a hoi mai, hiki mai ana ua wahine nei a pane ae ana i ua mai nei:  Ekolu a’u mea nui e hai aku ia oe o ka hoopaa, a o ka wehe o ka papa hana.

            Hai aku la ua mai nei a me na haku hale o Kealoha me Aea, ke pule ia nei o ianei, ia manawa no i ninau mai ai ua wahine nei, nawai oe i pule, kuhi ia mai la ia’u, nana mai la oia ia’u a pane mai la:

            Heaha ka mea i ola ole ai o ka mai i ko pule hai aku la au no ka manaoio ole o P. Kahahei i ke Akua, ninau mai la kela, owai ia Akua, hai aku la au, o Iehova, hoole mai la kela aole o Iehova ke Akua:

            @ aku la au, owai ke @

            Ia manawa ninau @ Akua: hai mai la kela, o Kahehei ka’u Akua o Kapo Ulaakinau alua a’u Akua. Ia manawa nui ka maua hoopaapaa ana aole pau i ka hai aku.

            Eia ko’u manao ua puni loa ko Hana nei poe i keia wahine hoopunipuni, aia la ihea ka Luna makai a me na makai i ike ole ai i nei wahine hoopunipuni.

            Hoole mai ka Hee aole i kana lemu ke puhi mai hoi pouli ke kai akaaka mai ke Aloiloi ka ia waha iki o kai.  Me ka mahalo,            W.N. Kahea.

            Kukuipuka, Keanoe.

 

Hopuia o Chun Hook.

 

            Ua hopuia o Chun Hook e na makai mawaena o na hora ahiahi o ka Poakahi nei, maloko o kekahi pa ma Pawaa, Waikiki; a penei kahi moolelo i loaa mai:

            Oiai o Chun Hook iloko o kekahi hale no ka pake, e nanea ana palia i na hookaau, puka malu iho nei kekahi pake a holo mai la a ka halewai, a hoike aku la ia David Dayton no na mea e pili ana ia Chun Hook.  Nolaila ua liuliu koke iho la na makai Waipa, Puakalehua, Wahinalo, Wm. tell, a me David Dayton no ka hele e hopu malalo o ke alakai ana a ka pake.

            Holo lakou a kokoke o kahi i ka hale, kukulu ia ke kaa ma kahi e, a hele wawae aku la lakou.  Ma kekahi wahi pee iho nei na makai, me ka hoike pu mai o ka pake ia lakou, e komo oia e nana ia Chun Hook, ina aia no oia iloko, alaila e puka pu mai ana laua iwaho.  Oia mamua a o Chun Hook mahope; a ina oia e koe i ke kukaepele a a, oia no ka wa a na makai e holo aku ae e hopu.  Ua pono ae la keia a hoomaka aku la ka pake e komo.

            Aole no hoi i hoea ono aku ka pake iloko o ka hale, oili e mai la o Chun Hook me ka manao paha e hele, a hui mai la me keia pake.  A pehea iho la ka laua namunamuana mai, huli like mai la laua a hele no ke alanui.  Eia ka pake nona ka hale manua, a o Chun Hook no mahope.  Ia laua no i hookokoke aku ai ma ka pili pa, oiai na makai e kiai makaala mai ana, oia no ka manawa i koe ia ae ai ke kukaepele a o ka wa koke no ia i paa ai.

            O Mr. Puakalehua ka makai mua nana i hopu o Chun Hook, oiai ua pake la i hoao aku ai e lele maluna o ka pa no kona puhalahiu loa hou aku.  Paa pono aku nei ua pake la i na lima o Puakalehua, a huki ia mai la a lilo koke iho la i pio nana lima wikani o Puakalehua.  Holo aku nei kekahi makai okoa me ka newa a holu iho  la i ka hahau, -pa lihi iho nei ka maka o Chun Hook a loaa pu iho la na lima o Puakalehua.  me ka eleu i opeope pono ia ae ai ua pake la a lawe loa ia mai i ka halepaahao.

            I ka wa i lohe ai na kanaka o ke kulanakauhale nei ua paa o Chun Hook, ma ia pa, ua lulumi nui ae ia lakou a ku ana i ka halepaahao, a ua hookuu akea ia lakou e komo a makaikai i ka weli o Honolulu, a pela ma ke ao ana ae.

            Ma kekahi mau mea i ninau ia aku iaia, ua pane mai oia me ka maikai a ua mumule hoi ma kekahi.  Ua hoike ae oia, o ke kumu o kona mahuka hou ana, oia no kona lili loa i ka hoemi ole ia o kona mau makahiki hoopaahao, a no kona huikala ole ia ana e like me kela poe paahao i kala ia iho nei e ke alii ka Moi.  Oiai wahi ana, aole i koikoi loa aku kana mau hana ino i lawelawe ai e like me kekahi o ia poe, aka, ua kala ia aku.

            Hoike pu ae oia, oiai i ke ahiahi ana i holo mahuka ai, ua pii ola maluna o kekahi kumulaau pama a pee malaila, ike no oia i ka poe e huli ana malalo.  Aohe nana o keia poe huli iluna, me ka manao @ e hiki kekahi ke pii me ka po@ ma kona wawae.  Ua oki oia i kona kaulahao paa ana kona poka me kekahi apuapu hana paipu, ana paha i lawe pu ai i kona mahuka ana.

            I kona paa ana, he mau lole okoa wale no kona e komo ana, a aole oia i hoike mai i kahi i loaa ai iaia kela mau lole i ka wa i ninau ia aku ai.  Aole ana mau mea eha i ka wai hopu ia ai e like me na hauwawa o na la i hala.  Ke noho nei ua pake la me ke alina o ka eha mai ka newa ma kona maka, a pela u me ka makai.

            O ke kumu ka o ka puka ana mai o ua Chun Hook ia me kekahi pake iho a ho-a ia ai ke kukaepele i kona wa i hopu ia ai, oia no ka olelo ia ana aku e ua pake la e haalele koke ia @ oiai @ oia ilaila, a ua hoomakaukau oia he mau mea ai na ua Chun Hook la aia ma ka pa kahi i waiho ai.  Eia ka he oe makai malaila.

 

            Eia iho kahi Laudila ma ka aoao ekolu, romura iho ma ka aoao eha.  E akahele iho, o eo mue oukou i ka Hapenuia.