Ka Nupepa Kuokoa, Volume XXV, Number 46, 13 November 1886 — KE KAHUA O NA KEONIMAKA I HOOHENO IA E KA MAKASILA ULELEWAIHUI. [ARTICLE]

KE KAHUA O NA KEONIMAKA I HOOHENO IA E KA MAKASILA ULELEWAIHUI.

O na apana no lakou keia mau hooheno maluna ae, oia no o Kohaia, Kau, no Hawaii; Lahaina, Makawao, Wailuku, ko Maui; L.anai, Molokai; Koloa ame Lihue ko Kauai. Ua kau ia lakou ma ka papa ekahi o na mea hilu, a ua hiki hoi i kela a me keia apana o lakou ke kaunu iho, ua hoonipaaia ko lakou mau kulana, a ua lei lakou 1 ka lei alii mae ole o na hoomanao ana, a no lakou na hoomaikai palena ole. O kela a me keia kenela a oukou i hoouna mai ai, ua kuikahi like'oukou i ke pale ana aku i keia mea ino he opiuma, a uaavarigehoi oukou ma ke kue ana aku 1 ka aie miliona, a ua lokahi hoi ma ka hoemi ana i na hoolilo ano ole, a pela aku. O ko oukou kue ana a hoohaiki ana i ke alahele a keia mea he opiuma, e alahula kona au mulea iloko o keia mau pae aina, a he niea hoi ia na na manao o ka lahui i awaiaulu a i hipuu ia a paa e na kokoia o ka man«io lokahi i na hooia mahalo ana he nui, aka, anoai paha ua ko ole ia mau li'a ana, koe ",-ale no paha ka poe nana i hookuu i ua mea inola, ka poe nana i hoikomo mai i ka alopeke ka mea e ino ai ka malawaina, aole hoi he aloha i ka lahui a me ko kakou Moi, aka, na na lani e malama mai, O ka aie miiiona he hana īa i rooeuhane mua ole ia e kekahi hapa o ka khui, a he hana hoie hoopohihihi ana i kd o kekahi hapa o ka lahui, koe wale iho paha ka poe nana i hookahua ia mea. E hoomanao hoi kakou he ma'u no hoi na wahi l®sra o ko kakou wahi moku nei, aka ma ka hookele ana, ua oi wale aku la mamua o ka mea hiki ia kakou ke loaa mai. Ua nui ka hooikaika ana o .ko kakou mau wahi koa a kakou i hoouna ai rae ka hoao ana me ko lakou īke a me ka noeau e mawehe ae i na haawe kaumaha 1 kau iho maluna o ko kakou mau hokua, aka ua haule pahu ia mau manaolana o ka lahui, a ke holo aku nei ko kakou wahi moku i kahi maopopo ole ke awa e h±kau aku ai. i He nui no na mea i koe a u e panee aku ai īmua ou, aka ua lawa paha au maanei. Me na keiki •niu hua kepau ko'u aloha; a no ka apana o Koolau loa ma o Kikila Baraunu la j ko'u welina. L. S. Keaniani. He mau pou kukui uwila ke ku nei ma na puka pa a puni ka pa alii. He nani no hoi na hoohilu ana ia loko o ua pa la me na hale. Ke hana mao ole mai nei na hale hana wai gula a dala i na medala hoohanohano ona la kulaia. Hana ka po a me ke ao.